സാ ബ്രഹ്മേതി ഹോവാച ബ്രഹ്മണോ വാ ഏതദ്വിജയേ മഹീയധ്വമിതി തതോ ഹൈവ വിദാംചകാര ബ്രഹ്മേതി ॥ 1॥
തസ്മാദ്വാ ഏതേ ദേവാ അതിതരാമിവാന്യാംദേവാന്യദഗ്നിര്വായുരിംദ്രസ്തേ ഹ്യേനന്നേദിഷ്ഠം പസ്പര്ശുസ്തേ ഹ്യേനത്പ്രഥമോ വിദാംചകാര ബ്രഹ്മേതി ॥ 2॥
തസ്മാദ്വാ ഇംദ്രോഽതിതരാമിവാന്യാംദേവാന്സ ഹ്യേനന്നേദിഷ്ഠം പസ്പര്ശ സ ഹ്യേനത്പ്രഥമോ വിദാംചകാര ബ്രഹ്മേതി ॥ 3॥
തസ്യൈഷ ആദേശോ യദേതദ്വിദ്യുതോ വ്യദ്യുതദാ(3) ഇതീന് ന്യമീമിഷദാ(3) ഇത്യധിദൈവതമ് ॥ 4॥
അഥാധ്യാത്മം-യഁദ്ദേതദ്ഗച്ഛതീവ ച മനോഽനേന ചൈതദുപസ്മരത്യഭീക്ഷ്ണം സംകല്പഃ ॥ 5॥
തദ്ധ തദ്വനം നാമ തദ്വനമിത്യുപാസിതവ്യം സ യ ഏതദേവം-വേഁദാഭി ഹൈനഗ്മ് സര്വാണി ഭൂതാനി സംവാംഁഛംതി ॥ 6॥
ഉപനിഷദം ഭോ ബ്രൂഹീത്യുക്താ ത ഉപനിഷദ്ബ്രാഹ്മീം-വാഁവ ത ഉപനിഷദമബ്രൂമേതി ॥ 7॥
തസൈ തപോ ദമഃ കര്മേതി പ്രതിഷ്ഠാ വേദാഃ സര്വാംഗാനി സത്യമായതനമ് ॥ 8॥
യോ വാ ഏതാമേവം-വേഁദാപഹത്യ പാപ്മാനമനംതേ സ്വര്ഗേ ലോകേ ജ്യേയേ പ്രതിതിഷ്ഠതി പ്രതിതിഷ്ഠതി ॥ 9॥
॥ ഇതി കേനോപനിഷദി ചതുര്ഥഃ ഖംഡഃ ॥
ഓം ആപ്യായംതു മമാംഗാനി വാക്പ്രാണശ്ചക്ഷുഃ ശ്രോത്രമഥോ ബലമിംദ്രിയാണി ച സര്വാണി । സര്വം ബ്രഹ്മൌപനിഷദം മാഽഹം ബ്രഹ്മ നിരാകുര്യാം മാ മാ ബ്രഹ്മ നിരാകരോദനിരാകരണമസ്ത്വനിരാകരണം മേഽസ്തു । തദാത്മനി നിരതേ യ ഉപനിഷത്സു ധര്മാസ്തേ മയി സംതു തേ മയി സംതു ।
ഓം ശാംതിഃ॒ ശാംതിഃ॒ ശാംതിഃ॑ ॥
॥ ഇതി കേനോപനിഷത് ॥