യദി മന്യസേ സുവേദേതി ദഹരമേവാപി
നൂനം ത്വം-വേഁത്ഥ ബ്രഹ്മണോ രൂപമ് ।
യദസ്യ ത്വം-യഁദസ്യ ദേവേഷ്വഥ നു
മീമാമ്സ്യമേവ തേ മന്യേ വിദിതമ് ॥ 1॥
നാഹം മന്യേ സുവേദേതി നോ ന വേദേതി വേദ ച ।
യോ നസ്തദ്വേദ തദ്വേദ നോ ന വേദേതി വേദ ച ॥ 2॥
യസ്യാമതം തസ്യ മതം മതം-യഁസ്യ ന വേദ സഃ ।
അവിജ്ഞാതം-വിഁജാനതാം-വിഁജ്ഞാതമവിജാനതാമ് ॥ 3॥
പ്രതിബോധവിദിതം മതമമൃതത്വം ഹി വിംദതേ ।
ആത്മനാ വിംദതേ വീര്യം-വിഁദ്യയാ വിംദതേഽമൃതമ് ॥ 4॥
ഇഹ ചേദവേദീദഥ സത്യമസ്തി
ന ചേദിഹാവേദീന്മഹതീ വിനഷ്ടിഃ ।
ഭൂതേഷു ഭൂതേഷു വിചിത്യ ധീരാഃ
പ്രേത്യാസ്മാല്ലോകാദമൃതാ ഭവംതി ॥ 5॥
॥ ഇതി കേനോപനിഷദി ദ്വിതീയഃ ഖംഡഃ ॥