അപരാധശതം കൃത്വാ ജഗദംബേതി ചോച്ചരേത്।
യാം ഗതിം സമവാപ്നോതി ന താം ബ്രഹ്മാദയഃ സുരാഃ ॥1॥
സാപരാധോഽസ്മി ശരണാം പ്രാപ്തസ്ത്വാം ജഗദംബികേ।
ഇദാനീമനുകംപ്യോഽഹം യഥേച്ഛസി തഥാ കുരു ॥2॥
അജ്ഞാനാദ്വിസ്മൃതേഭ്രാംത്യാ യന്ന്യൂനമധികം കൃതം।
തത്സര്വ ക്ഷമ്യതാം ദേവി പ്രസീദ പരമേശ്വരീ ॥3॥
കാമേശ്വരീ ജഗന്മാതാഃ സച്ചിദാനംദവിഗ്രഹേ।
ഗൃഹാണാര്ചാമിമാം പ്രീത്യാ പ്രസീദ പരമേശ്വരീ ॥4॥
സര്വരൂപമയീ ദേവീ സര്വം ദേവീമയം ജഗത്।
അതോഽഹം വിശ്വരൂപാം ത്വാം നമാമി പരമേശ്വരീം ॥5॥
പൂര്ണം ഭവതു തത് സര്വം ത്വത്പ്രസാദാന്മഹേശ്വരീ
യദത്ര പാഠേ ജഗദംബികേ മയാ വിസര്ഗബിംദ്വക്ഷരഹീനമീരിതമ്। ॥6॥
തദസ്തു സംപൂര്ണതം പ്രസാദതഃ സംകല്പസിദ്ധിശ്ച സദൈവ ജായതാം॥7॥
ഭക്ത്യാഭക്ത്യാനുപൂര്വം പ്രസഭകൃതിവശാത് വ്യക്തമവ്യക്തമംബ ॥8॥
തത് സര്വം സാംഗമാസ്താം ഭഗവതി ത്വത്പ്രസാദാത് പ്രസീദ ॥9॥
പ്രസാദം കുരു മേ ദേവി ദുര്ഗേദേവി നമോഽസ്തുതേ ॥10॥
॥ഇതി അപരാധ ക്ഷമാപണ സ്തോത്രം സമാപ്തം॥