നമോ ഭൂതനാഥം നമോ ദേവദേവം
നമഃ കാലകാലം നമോ ദിവ്യതേജമ് ।
നമഃ കാമഭസ്മം നമഃ ശാംതശീലം
ഭജേ പാര്വതീവല്ലഭം നീലകംഠമ് ॥ 1 ॥
സദാ തീര്ഥസിദ്ധം സദാ ഭക്തരക്ഷം
സദാ ശൈവപൂജ്യം സദാ ശുഭ്രഭസ്മമ് ।
സദാ ധ്യാനയുക്തം സദാ ജ്ഞാനതല്പം
ഭജേ പാര്വതീവല്ലഭം നീലകംഠമ് ॥ 2 ॥
ശ്മശാനേ ശയാനം മഹാസ്ഥാനവാസം
ശരീരം ഗജാനാം സദാ ചര്മവേഷ്ടമ് ।
പിശാചാദിനാഥം പശൂനാം പ്രതിഷ്ഠം
ഭജേ പാര്വതീവല്ലഭം നീലകംഠമ് ॥ 3 ॥
ഫണീനാഗകംഠേ ഭുജംഗാദ്യനേകം
ഗളേ രുംഡമാലം മഹാവീര ശൂരമ് ।
കടിവ്യാഘ്രചര്മം ചിതാഭസ്മലേപം
ഭജേ പാര്വതീവല്ലഭം നീലകംഠമ് ॥ 4 ॥
ശിരഃ ശുദ്ധഗംഗാ ശിവാ വാമഭാഗം
വിയദ്ദീര്ഘകേശം സദാ മാം ത്രിണേത്രമ് ।
ഫണീനാഗകര്ണം സദാ ഫാലചംദ്രം
ഭജേ പാര്വതീവല്ലഭം നീലകംഠമ് ॥ 5 ॥
കരേ ശൂലധാരം മഹാകഷ്ടനാശം
സുരേശം പരേശം മഹേശം ജനേശമ് ।
ധനേശാമരേശം ധ്വജേശം ഗിരീശം [ധനേശസ്യമിത്രം]
ഭജേ പാര്വതീവല്ലഭം നീലകംഠമ് ॥ 6 ॥
ഉദാസം സുദാസം സുകൈലാസവാസം
ധരാനിര്ഝരേ സംസ്ഥിതം ഹ്യാദിദേവമ് ।
അജം ഹേമകല്പദ്രുമം കല്പസേവ്യം
ഭജേ പാര്വതീവല്ലഭം നീലകംഠമ് ॥ 7 ॥
മുനീനാം വരേണ്യം ഗുണം രൂപവര്ണം
ദ്വിജൈഃ സംപഠംതം ശിവം വേദശാസ്ത്രമ് ।
അഹോ ദീനവത്സം കൃപാലും ശിവം തം
ഭജേ പാര്വതീവല്ലഭം നീലകംഠമ് ॥ 8 ॥
സദാ ഭാവനാഥം സദാ സേവ്യമാനം
സദാ ഭക്തിദേവം സദാ പൂജ്യമാനമ് ।
മഹാതീര്ഥവാസം സദാ സേവ്യമേകം
ഭജേ പാര്വതീവല്ലഭം നീലകംഠമ് ॥ 9 ॥
ഇതി ശ്രീമച്ഛംകരയോഗീംദ്ര വിരചിതം പാര്വതീവല്ലഭാഷ്ടകം നാമ നീലകംഠ സ്തവഃ ॥