(ഋ.1.10.15.1)
ഉദീ॑രതാ॒മവ॑ര॒ ഉത്പരാ॑സ॒ ഉന്മ॑ധ്യ॒മാഃ പി॒തരഃ॑ സോ॒മ്യാസഃ॑ ।
അസും॒-യഁ ഈ॒യുര॑വൃ॒കാ ഋ॑ത॒ജ്ഞാസ്തേ നോ॑ഽവംതു പി॒തരോ॒ ഹവേ॑ഷു ॥ 01
ഇ॒ദം പി॒തൃഭ്യോ॒ നമോ॑ അസ്ത്വ॒ദ്യ യേ പൂര്വാ॑സോ॒ യ ഉപ॑രാസ ഈ॒യുഃ ।
യേ പാര്ഥി॑വേ॒ രജ॒സ്യാ നിഷ॑ത്താ॒ യേ വാ॑ നൂ॒നം സു॑വൃ॒ജനാ॑സു വി॒ക്ഷു ॥ 02
ആഹം പി॒തൄന്സു॑വി॒ദത്രാം॑ അവിത്സി॒ നപാ॑തം ച വി॒ക്രമ॑ണം ച॒ വിഷ്ണോഃ॑ ।
ബ॒ര്ഹി॒ഷദോ॒ യേ സ്വ॒ധയാ॑ സു॒തസ്യ॒ ഭജം॑ത പി॒ത്വസ്ത ഇ॒ഹാഗ॑മിഷ്ഠാഃ ॥ 03
ബര്ഹി॑ഷദഃ പിതര ഊ॒ത്യ(1॒॑ )ര്വാഗി॒മാ വോ॑ ഹ॒വ്യാ ച॑കൃമാ ജു॒ഷധ്വ॑മ് ।
ത ആ ഗ॒താവ॑സാ॒ ശംത॑മേ॒നാഥാ॑ നഃ॒ ശം-യോഁര॑ര॒പോ ദ॑ധാത ॥ 04
ഉപ॑ഹൂതാഃ പി॒തരഃ॑ സോ॒മ്യാസോ॑ ബര്ഹി॒ഷ്യേ॑ഷു നി॒ധിഷു॑ പ്രി॒യേഷു॑ ।
ത ആ ഗ॑മംതു॒ ത ഇ॒ഹ ശ്രു॑വം॒ത്വധി॑ ബ്രുവംതു॒ തേ॑ഽവംത്വ॒സ്മാന് ॥ 05
ആച്യാ॒ ജാനു॑ ദക്ഷിണ॒തോ നി॒ഷദ്യേ॒മം-യഁ॒ജ്ഞമ॒ഭി ഗൃ॑ണീത॒ വിശ്വേ॑ ।
മാ ഹിം॑സിഷ്ട പിതരഃ॒ കേന॑ ചിന്നോ॒ യദ്വ॒ ആഗഃ॑ പുരു॒ഷതാ॒ കരാ॑മ ॥ 06
ആസീ॑നാസോ അരു॒ണീനാ॑മു॒പസ്ഥേ॑ ര॒യിം ധ॑ത്ത ദാ॒ശുഷേ॒ മര്ത്യാ॑യ ।
പു॒ത്രേഭ്യഃ॑ പിതര॒സ്തസ്യ॒ വസ്വഃ॒ പ്ര യ॑ച്ഛത॒ ത ഇ॒ഹോര്ജം॑ ദധാത ॥ 07
യേ നഃ॒ പൂര്വേ॑ പി॒തരഃ॑ സോ॒മ്യാസോ॑ഽനൂഹി॒രേ സോ॑മപീ॒ഥം-വഁസി॑ഷ്ഠാഃ ।
തേഭി॑ര്യ॒മഃ സം॑രരാ॒ണോ ഹ॒വീം‍ഷ്യു॒ശന്നു॒ശദ്ഭിഃ॑ പ്രതികാ॒മമ॑ത്തു ॥ 08
യേ താ॑തൃ॒ഷുര്ദേ॑വ॒ത്രാ ജേഹ॑മാനാ ഹോത്രാ॒വിദഃ॒ സ്തോമ॑തഷ്ടാസോ അ॒ര്കൈഃ ।
ആഗ്നേ॑ യാഹി സുവി॒ദത്രേ॑ഭിര॒ര്വാങ്‍ സ॒ത്യൈഃ ക॒വ്യൈഃ പി॒തൃഭി॑ര്ഘര്മ॒സദ്ഭിഃ॑ ॥ 09
യേ സ॒ത്യാസോ॑ ഹവി॒രദോ॑ ഹവി॒ഷ്പാ ഇംദ്രേ॑ണ ദേ॒വൈഃ സ॒രഥം॒ ദധാ॑നാഃ ।
ആഗ്നേ॑ യാഹി സ॒ഹസ്രം॑ ദേവവം॒ദൈഃ പരൈഃ॒ പൂര്വൈഃ॑ പി॒തൃഭി॑ര്ഘര്മ॒സദ്ഭിഃ॑ ॥ 10
അഗ്നി॑ഷ്വാത്താഃ പിതര॒ ഏഹ ഗ॑ച്ഛത॒ സദഃ॑സദഃ സദത സുപ്രണീതയഃ ।
അ॒ത്താ ഹ॒വീംഷി॒ പ്രയ॑താനി ബ॒ര്ഹിഷ്യഥാ॑ ര॒യിം സര്വ॑വീരം ദധാതന ॥ 11
ത്വമ॑ഗ്ന ഈളി॒തോ ജാ॑തവേ॒ദോഽവാ॑ഡ്ഢ॒വ്യാനി॑ സുര॒ഭീണി॑ കൃ॒ത്വീ ।
പ്രാദാഃ॑ പി॒തൃഭ്യഃ॑ സ്വ॒ധയാ॒ തേ അ॑ക്ഷന്ന॒ദ്ധി ത്വം ദേ॑വ॒ പ്രയ॑താ ഹ॒വീംഷി॑ ॥ 12
യേ ചേ॒ഹ പി॒തരോ॒ യേ ച॒ നേഹ യാം‍ശ്ച॑ വി॒ദ്മ യാഁ ഉ॑ ച॒ ന പ്ര॑വി॒ദ്മ ।
ത്വം-വേഁ ॑ത്ഥ॒ യതി॒ തേ ജാ॑തവേദഃ സ്വ॒ധാഭി॑ര്യ॒ജ്ഞം സുകൃ॑തം ജുഷസ്വ ॥ 13
യേ അ॑ഗ്നിദ॒ഗ്ധാ യേ അന॑ഗ്നിദഗ്ധാ॒ മധ്യേ॑ ദി॒വഃ സ്വ॒ധയാ॑ മാ॒ദയം॑തേ ।
തേഭിഃ॑ സ്വ॒രാളസു॑നീതിമേ॒താം-യഁ ॑ഥാവ॒ശം ത॒ന്വം॑ കല്പയസ്വ ॥ 14
ഓം ശാംതിഃ॒ ശാംതിഃ॒ ശാംതിഃ॑ ।