അഥ നവമസ്തോത്രമ്
അതിമതതമോഗിരിസമിതിവിഭേദന പിതാമഹഭൂതിദ ഗുണഗണനിലയ ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 1॥

വിധിഭവമുഖസുരസതതസുവംദിതരമാമനോവല്ലഭ ഭവ മമ ശരണമ് ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 2॥

അഗണിതഗുണഗണമയശരീര ഹേ വിഗതഗുണേതര ഭവ മമ ശരണമ് ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 3॥

അപരിമിതസുഖനിധിവിമലസുദേഹ ഹേ വിഗത സുഖേതര ഭവ മമ ശരണമ് ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 4॥

പ്രചലിതലയജലവിഹരണ ശാശ്വതസുഖമയമീന ഹേ ഭവ മമ ശരണമ് ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 5॥

സുരദിതിജസുബലവിലുളിതമംദരധര പര കൂര്മ ഹേ ഭവ മമ ശരണമ് ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 6॥

സഗിരിവരധരാതളവഹ സുസൂകരപരമവിബോധ ഹേ ഭവ മമ ശരണമ് ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 7॥

അതിബലദിതിസുത ഹൃദയ വിഭേദന ജയനൃഹരേഽമല ഭവ മമ ശരണമ് ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 8॥

ബലിമുഖദിതിസുതവിജയവിനാശന ജഗദവനാജിത ഭവ മമ ശരണമ് ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 9॥

അവിജിതകുനൃപതിസമിതിവിഖംഡന രമാവര വീരപ ഭവ മമ ശരണമ് ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 10॥

ഖരതരനിശിചരദഹന പരാമൃത രഘുവര മാനദ ഭവ മമ ശരണമ് ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 11॥

സുലലിതതനുവര വരദ മഹാബല യദുവര പാര്ഥപ ഭവ മമ ശരണമ് ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 12॥

ദിതിസുതവിമോഹന വിമലവിബോധന പരഗുണബുദ്ധ ഹേ ഭവ മമ ശരണമ് ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 13॥

കലിമലഹുതവഹ സുഭഗ മഹോത്സവ ശരണദ കല്കീശ ഭവ മമ ശരണമ് ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 14॥

അഖിലജനിവിലയ പരസുഖകാരണ പരപുരുഷോത്തമ ഭവ മമ ശരണമ് ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 15॥

ഇതി തവ നുതിവരസതതരതേര്ഭവ സുശരണമുരുസുഖതീര്ഥമുനേഃ ഭഗവന് ।
ശുഭതമ കഥാശയ പരമസദോദിത ജഗദേകകാരണ രാമരമാരമണ ॥ 16॥

ഇതി ശ്രീമദാനംദതീര്ഥഭഗവത്പാദാചാര്യ വിരചിതം
ദ്വാദശസ്തോത്രേഷു നവമസ്തോത്രം സംപൂര്ണമ്