അഥ ഷഷ്ഠസ്തോത്രമ്
മത്സ്യകരൂപ ലയോദവിഹാരിന് വേദവിനേത്ര ചതുര്മുഖവംദ്യ ।
കൂര്മസ്വരൂപക മംദരധാരിന് ലോകവിധാരക ദേവവരേണ്യ ॥ 1॥
സൂകരരൂപക ദാനവശത്രോ ഭൂമിവിധാരക യജ്ഞാവരാംഗ ।
ദേവ നൃസിംഹ ഹിരണ്യകശത്രോ സര്വ ഭയാംതക ദൈവതബംധോ ॥ 2॥
വാമന വാമന മാണവവേഷ ദൈത്യവരാംതക കാരണരൂപ ।
രാമ ഭൃഗൂദ്വഹ സൂര്ജിതദീപ്തേ ക്ഷത്രകുലാംതക ശംഭുവരേണ്യ ॥ 3॥
രാഘവ രാഘവ രാക്ഷസ ശത്രോ മാരുതിവല്ലഭ ജാനകികാംത ।
ദേവകിനംദന നംദകുമാര വൃംദാവനാംചന ഗോകുലചംദ്ര ॥ 4॥
കംദഫലാശന സുംദരരൂപ നംദിതഗോകുലവംദിതപാദ ।
ഇംദ്രസുതാവക നംദകഹസ്ത ചംദനചര്ചിത സുംദരിനാഥ ॥ 5॥
ഇംദീവരോദര ദളനയന മംദരധാരിന് ഗോവിംദ വംദേ ।
ചംദ്രശതാനന കുംദസുഹാസ നംദിതദൈവതാനംദസുപൂര്ണ ॥ 6॥
ദേവകിനംദന സുംദരരൂപ രുക്മിണിവല്ലഭ പാംഡവബംധോ ।
ദൈത്യവിമോഹക നിത്യസുഖാദേ ദേവവിബോധക ബുദ്ധസ്വരൂപ ॥ 7॥
ദുഷ്ടകുലാംതക കല്കിസ്വരൂപ ധര്മവിവര്ധന മൂലയുഗാദേ ।
നാരായണാമലകാരണമൂര്തേ പൂര്ണഗുണാര്ണവ നിത്യസുബോധ ॥ 8॥
ആനംദതീര്ഥകൃതാ ഹരിഗാഥാ പാപഹരാ ശുഭനിത്യസുഖാര്ഥാ ॥ 9॥
ഇതി ശ്രീമദാനംദതീര്ഥഭഗവത്പാദാചാര്യ വിരചിതം
ദ്വാദശസ്തോത്രേഷു ഷഷ്ഠസ്തോത്രം സംപൂര്ണമ്