ധ്യാനമ്
ശ്രീമന്മാതരമംബികാം വിധിമനോജാതാം സദാഭീഷ്ടദാം
സ്കംദേഷ്ടാം ച ജഗത്പ്രസൂം വിജയദാം സത്പുത്ര സൌഭാഗ്യദാമ് ।
സദ്രത്നാഭരണാന്വിതാം സകരുണാം ശുഭ്രാം ശുഭാം സുപ്രഭാം
ഷഷ്ഠാംശാം പ്രകൃതേഃ പരം ഭഗവതീം ശ്രീദേവസേനാം ഭജേ ॥ 1 ॥
ഷഷ്ഠാംശാം പ്രകൃതേഃ ശുദ്ധാം സുപ്രതിഷ്ഠാം ച സുവ്രതാം
സുപുത്രദാം ച ശുഭദാം ദയാരൂപാം ജഗത്പ്രസൂമ് ।
ശ്വേതചംപകവര്ണാഭാം രക്തഭൂഷണഭൂഷിതാം
പവിത്രരൂപാം പരമം ദേവസേനാ പരാം ഭജേ ॥ 2 ॥
സ്തോത്രമ്
നമോ ദേവ്യൈ മഹാദേവ്യൈ സിദ്ധ്യൈ ശാംത്യൈ നമോ നമഃ ।
ശുഭായൈ ദേവസേനായൈ ഷഷ്ഠീദേവ്യൈ നമോ നമഃ ॥ 1 ॥
വരദായൈ പുത്രദായൈ ധനദായൈ നമോ നമഃ ।
സുഖദായൈ മോക്ഷദായൈ ഷഷ്ഠീദേവ്യൈ നമോ നമഃ ॥ 2 ॥
സൃഷ്ട്യൈ ഷഷ്ഠാംശരൂപായൈ സിദ്ധായൈ ച നമോ നമഃ ।
മായായൈ സിദ്ധയോഗിന്യൈ ഷഷ്ഠീദേവ്യൈ നമോ നമഃ ॥ 3 ॥
സാരായൈ ശാരദായൈ ച പരാദേവ്യൈ നമോ നമഃ ।
ബാലാധിഷ്ടാതൃദേവ്യൈ ച ഷഷ്ഠീദേവ്യൈ നമോ നമഃ ॥ 4 ॥
കള്യാണദായൈ കള്യാണ്യൈ ഫലദായൈ ച കര്മണാമ് ।
പ്രത്യക്ഷായൈ സര്വഭക്താനാം ഷഷ്ഠീദേവ്യൈ നമോ നമഃ ॥ 5 ॥
പൂജ്യായൈ സ്കംദകാംതായൈ സര്വേഷാം സര്വകര്മസു ।
ദേവരക്ഷണകാരിണ്യൈ ഷഷ്ഠീദേവ്യൈ നമോ നമഃ ॥ 6 ॥
ശുദ്ധസത്ത്വസ്വരൂപായൈ വംദിതായൈ നൃണാം സദാ ।
ഹിംസാക്രോധവര്ജിതായൈ ഷഷ്ഠീദേവ്യൈ നമോ നമഃ ॥ 7 ॥
ധനം ദേഹി പ്രിയാം ദേഹി പുത്രം ദേഹി സുരേശ്വരി ।
മാനം ദേഹി ജയം ദേഹി ദ്വിഷോ ജഹി മഹേശ്വരി ॥ 8 ॥
ധര്മം ദേഹി യശോ ദേഹി ഷഷ്ഠീദേവീ നമോ നമഃ ।
ദേഹി ഭൂമിം പ്രജാം ദേഹി വിദ്യാം ദേഹി സുപൂജിതേ ।
കള്യാണം ച ജയം ദേഹി ഷഷ്ഠീദേവ്യൈ നമോ നമഃ ॥ 9 ॥
ഫലശൃതി
ഇതി ദേവീം ച സംസ്തുത്യ ലഭേത്പുത്രം പ്രിയവ്രതമ് ।
യശശ്വിനം ച രാജേംദ്രം ഷഷ്ഠീദേവി പ്രസാദതഃ ॥ 10 ॥
ഷഷ്ഠീസ്തോത്രമിദം ബ്രഹ്മാന് യഃ ശൃണോതി തു വത്സരമ് ।
അപുത്രോ ലഭതേ പുത്രം വരം സുചിര ജീവനമ് ॥ 11 ॥
വര്ഷമേകം ച യാ ഭക്ത്യാ സംസ്തുത്യേദം ശൃണോതി ച ।
സര്വപാപാദ്വിനിര്മുക്താ മഹാവംധ്യാ പ്രസൂയതേ ॥ 12 ॥
വീരം പുത്രം ച ഗുണിനം വിദ്യാവംതം യശസ്വിനമ് ।
സുചിരായുഷ്യവംതം ച സൂതേ ദേവി പ്രസാദതഃ ॥ 13 ॥
കാകവംധ്യാ ച യാ നാരീ മൃതവത്സാ ച യാ ഭവേത് ।
വര്ഷം ശൃത്വാ ലഭേത്പുത്രം ഷഷ്ഠീദേവി പ്രസാദതഃ ॥ 14 ॥
രോഗയുക്തേ ച ബാലേ ച പിതാമാതാ ശൃണോതി ചേത് ।
മാസേന മുച്യതേ രോഗാന് ഷഷ്ഠീദേവി പ്രസാദതഃ ॥ 15 ॥
ജയ ദേവി ജഗന്മാതഃ ജഗദാനംദകാരിണി ।
പ്രസീദ മമ കള്യാണി നമസ്തേ ഷഷ്ഠീദേവതേ ॥ 16 ॥
ഇതി ശ്രീ ഷഷ്ഠീദേവി സ്തോത്രമ് ।