ഹേ സ്വാമിനാഥാര്തബംധോ ।
ഭസ്മലിപ്താംഗ ഗാംഗേയ കാരുണ്യസിംധോ ॥
രുദ്രാക്ഷധാരിന്നമസ്തേ
രൌദ്രരോഗം ഹര ത്വം പുരാരേര്ഗുരോര്മേ ।
രാകേംദുവക്ത്രം ഭവംതം
മാരരൂപം കുമാരം ഭജേ കാമപൂരമ് ॥ 1 ॥
മാം പാഹി രോഗാദഘോരാത്
മംഗളാപാംഗപാതേന ഭംഗാത്സ്വരാണാമ് ।
കാലാച്ച ദുഷ്പാകകൂലാത്
കാലകാലസ്യസൂനും ഭജേ ക്രാംതസാനുമ് ॥ 2 ॥
ബ്രഹ്മാദയോ യസ്യ ശിഷ്യാഃ
ബ്രഹ്മപുത്രാ ഗിരൌ യസ്യ സോപാനഭൂതാഃ ।
സൈന്യം സുരാശ്ചാപി സര്വേ
സാമവേദാദിഗേയം ഭജേ കാര്തികേയമ് ॥ 3 ॥
കാഷായ സംവീത ഗാത്രം
കാമരോഗാദി സംഹാരി ഭിക്ഷാന്ന പാത്രമ് ।
കാരുണ്യ സംപൂര്ണ നേത്രം
ശക്തിഹസ്തം പവിത്രം ഭജേ ശംഭുപുത്രമ് ॥ 4 ॥
ശ്രീസ്വാമി ശൈലേ വസംതം
സാധുസംഘസ്യ രോഗാന് സദാ സംഹരംതമ് ।
ഓംകാരതത്ത്വം വദംതം
ശംഭുകര്ണേ ഹസംതം ഭജേഽഹം ശിശും തമ് ॥ 5 ॥
സ്തോത്രം കൃതം ചിത്രചിത്രം
ദീക്ഷിതാനംതരാമേണ സര്വാര്ഥസിദ്ധ്യൈ ।
ഭക്ത്യാ പഠേദ്യഃ പ്രഭാതേ
ദേവദേവപ്രസാദാത് ലഭേതാഷ്ടസിദ്ധിമ് ॥ 6 ॥
ഇതി ശ്രീഅനംതരാമദീക്ഷിതര് കൃതം ശ്രീ സ്വാമിനാഥ പംചകമ് ।