[കൃഷ്ണയജുര്വേദം തൈത്തരീയ ബ്രാഹ്മണ 3-4-1-1]
ശ്രീ ഗുരുഭ്യോ നമഃ । ഹരിഃ ഓമ് ।
ബ്രഹ്മ॑ണേ ബ്രാഹ്മ॒ണമാല॑ഭതേ । ക്ഷ॒ത്ത്രായ॑ രാജ॒ന്യമ്᳚ । മ॒രുദ്ഭ്യോ॒ വൈശ്യമ്᳚ । തപ॑സേ ശൂ॒ദ്രമ് । തമ॑സേ॒ തസ്ക॑രമ് । നാര॑കായ വീര॒ഹണമ്᳚ । പാ॒പ്മനേ᳚ ക്ലീ॒ബമ് । ആ॒ക്ര॒യായാ॑യോ॒ഗൂമ് ।
കാമാ॑യ പുഗ്ഗ്‍ശ്ച॒ലൂമ് । അതി॑ക്രുഷ്ടായ മാഗ॒ധമ് ॥ 1 ॥
ഗീ॒തായ॑ സൂ॒തമ് । നൃ॒ത്തായ॑ ശൈലൂ॒ഷമ് । ധര്മാ॑യ സഭാച॒രമ് । ന॒ര്മായ॑ രേ॒ഭമ് । നരി॑ഷ്ഠായൈ ഭീമ॒ലമ് । ഹസാ॑യ॒ കാരിമ്᳚ । ആ॒നം॒ദായ॑ സ്ത്രീഷ॒ഖമ് । പ്ര॒മുദേ॑ കുമാരീപു॒ത്രമ് । മേ॒ധായൈ॑ രഥകാ॒രമ് । ധൈര്യാ॑യ॒ തക്ഷാ॑ണമ് ॥ 2 ॥
ശ്രമാ॑യ കൌലാ॒ലമ് । മാ॒യായൈ॑ കാര്മാ॒രമ് । രൂ॒പായ॑ മണികാ॒രമ് । ശുഭേ॑ വ॒പമ് । ശ॒ര॒വ്യാ॑യാ ഇഷുകാ॒രമ് । ഹേ॒ത്യൈ ധ॑ന്വകാ॒രമ് । കര്മ॑ണേ ജ്യാകാ॒രമ് । ദി॒ഷ്ടായ॑ രജ്ജുസ॒ര്ഗമ് । മൃ॒ത്യവേ॑ മൃഗ॒യുമ് । അംത॑കായ ശ്വ॒നിതമ്᳚ ॥ 3 ॥
സം॒ധയേ॑ ജാ॒രമ് । ഗേ॒ഹായോ॑പപ॒തിമ് । നിര്ഋ॑ത്യൈ പരിവി॒ത്തമ് । ആര്ത്യൈ॑ പരിവിവിദാ॒നമ് । അരാ᳚ധ്യൈ ദിധിഷൂ॒പതിമ്᳚ । പ॒വിത്രാ॑യ ഭി॒ഷജമ്᳚ । പ്ര॒ജ്ഞാനാ॑യ നക്ഷത്രദ॒ര്ശമ് । നിഷ്കൃ॑ത്യൈ പേശസ്കാ॒രീമ് । ബലാ॑യോപ॒ദാമ് । വര്ണാ॑യാനൂ॒രുധമ്᳚ ॥ 4 ॥
ന॒ദീഭ്യഃ॑ പൌംജി॒ഷ്ടമ് । ഋ॒ക്ഷീകാ᳚ഭ്യോ॒ നൈഷാ॑ദമ് । പു॒രു॒ഷ॒വ്യാ॒ഘ്രായ॑ ദു॒ര്മദമ്᳚ । പ്ര॒യുദ്ഭ്യ॒ ഉന്മ॑ത്തമ് । ഗം॒ധ॒ര്വാ॒പ്സ॒രാഭ്യോ॒ വ്രാത്യമ്᳚ । സ॒ര്പ॒ദേ॒വ॒ജ॒നേഭ്യോഽപ്ര॑തിപദമ് । അവേ᳚ഭ്യഃ കിത॒വമ് । ഇ॒ര്യതാ॑യാ॒ അകി॑തവമ് । പി॒ശാ॒ചേഭ്യോ॑ ബിദലകാ॒രമ് । യാ॒തു॒ധാനേ᳚ഭ്യഃ കംടകകാ॒രമ് ॥ 5 ॥
ഉ॒ഥ്സാ॒ദേഭ്യഃ॑ കു॒ബ്ജമ് । പ്ര॒മുദേ॑ വാമ॒നമ് । ദ്വാ॒ര്ഭ്യഃ സ്രാ॒മമ് । സ്വപ്നാ॑യാം॒ധമ് । അധ॑ര്മായ ബധി॒രമ് । സം॒ജ്ഞാനാ॑യ സ്മരകാ॒രീമ് । പ്ര॒കാ॒മോദ്യാ॑യോപ॒സദമ്᳚ । ആ॒ശി॒ക്ഷായൈ᳚ പ്ര॒ശ്നിനമ്᳚ । ഉ॒പ॒ശി॒ക്ഷായാ॑ അഭിപ്ര॒ശ്നിനമ്᳚ । മ॒ര്യാദാ॑യൈ പ്രശ്നവിവാ॒കമ് ॥ 6 ॥
ഋത്യൈ᳚ സ്തേ॒നഹൃ॑ദയമ് । വൈര॑ഹത്യായ॒ പിശു॑നമ് । വിവി॑ത്ത്യൈ ക്ഷ॒ത്താരമ്᳚ । ഔപ॑ദ്രഷ്ടായ സംഗ്രഹീ॒താരമ്᳚ । ബലാ॑യാനുച॒രമ് । ഭൂ॒മ്നേ പ॑രിഷ്കം॒ദമ് । പ്രി॒യായ॑ പ്രിയവാ॒ദിനമ്᳚ । അരി॑ഷ്ട്യാ അശ്വസാ॒ദമ് । മേധാ॑യ വാസഃ പല്പൂ॒ലീമ് । പ്ര॒കാ॒മായ॑ രജയി॒ത്രീമ് ॥ 7 ॥
ഭായൈ॑ ദാര്വാഹാ॒രമ് । പ്ര॒ഭായാ॑ ആഗ്നേം॒ധമ് । നാക॑സ്യ പൃ॒ഷ്ഠായാ॑ഭിഷേ॒ക്താരമ്᳚ । ബ്ര॒ധ്നസ്യ॑ വി॒ഷ്ടപാ॑യ പാത്രനിര്ണേ॒ഗമ് । ദേ॒വ॒ലോ॒കായ॑ പേശി॒താരമ്᳚ । മ॒നു॒ഷ്യ॒ലോ॒കായ॑ പ്രകരി॒താരമ്᳚ । സര്വേ᳚ഭ്യോ ലോ॒കേഭ്യ॑ ഉപസേ॒ക്താരമ്᳚ । അവ॑ര്ത്യൈ വ॒ധായോ॑പമംഥി॒താരമ്᳚ । സു॒വ॒ര്ഗായ॑ ലോ॒കായ॑ ഭാഗ॒ദുഘമ്᳚ । വര്ഷി॑ഷ്ഠായ॒ നാകാ॑യ പരിവേ॒ഷ്ടാരമ്᳚ ॥ 8 ॥
അര്മേ᳚ഭ്യോ ഹസ്തി॒പമ് । ജ॒വായാ᳚ശ്വ॒പമ് । പുഷ്ട്യൈ॑ ഗോപാ॒ലമ് । തേജ॑സേഽജപാ॒ലമ് । വീ॒ര്യാ॑യാവിപാ॒ലമ് । ഇരാ॑യൈ കീ॒നാശമ്᳚ । കീ॒ലാലാ॑യ സുരാകാ॒രമ് । ഭ॒ദ്രായ॑ ഗൃഹ॒പമ് । ശ്രേയ॑സേ വിത്ത॒ധമ് । അധ്യ॑ക്ഷായാനുക്ഷ॒ത്താരമ്᳚ ॥ 9 ॥
മ॒ന്യവേ॑ഽയസ്താ॒പമ് । ക്രോധാ॑യ നിസ॒രമ് । ശോകാ॑യാഭിസ॒രമ് । ഉ॒ത്കൂ॒ല॒വി॒കൂ॒ലാഭ്യാം᳚ ത്രി॒സ്ഥിനമ്᳚ । യോഗാ॑യ യോ॒ക്താരമ്᳚ । ക്ഷേമാ॑യ വിമോ॒ക്താരമ്᳚ । വപു॑ഷേ മാനസ്കൃ॒തമ് । ശീലാ॑യാംജനീകാ॒രമ് । നിര്ഋ॑ത്യൈ കോശകാ॒രീമ് । യ॒മായാ॒സൂമ് ॥ 10 ॥
യ॒മ്യൈ॑ യമ॒സൂമ് । അഥ॑ര്വ॒ഭ്യോഽവ॑തോകാമ് । സം॒വഁ॒ഥ്സ॒രായ॑ പര്യാ॒രിണീ᳚മ് । പ॒രി॒വ॒ഥ്സ॒രായാവി॑ജാതാമ് । ഇ॒ദാ॒വ॒ഥ്സ॒രായാ॑പ॒സ്കദ്വ॑രീമ് । ഇ॒ദ്വ॒ത്സ॒രായാ॒തീത്വ॑രീമ് । വ॒ഥ്സ॒രായ॒ വിജ॑ര്ജരാമ് । സം॒വഁ॒ഥ്സ॒രായ॒ പലി॑ക്നീമ് । വനാ॑യ വന॒പമ് । അ॒ന്യതോ॑ഽരണ്യായ ദാവ॒പമ് ॥ 11 ॥
സരോ᳚ഭ്യോ ധൈവ॒രമ് । വേശം॑താഭ്യോ॒ ദാശമ്᳚ । ഉ॒പ॒സ്ഥാവ॑രീഭ്യോ॒ ബൈംദമ്᳚ । ന॒ഡ്വ॒ലാഭ്യഃ॑ ശൌഷ്ക॒ലമ് । പാ॒ര്യാ॑യ കൈവ॒ര്തമ് । അ॒വാ॒ര്യാ॑യ മാര്ഗാ॒രമ് । തീ॒ര്ഥേഭ്യ॑ ആം॒ദമ് । വിഷ॑മേഭ്യോ മൈനാ॒ലമ് । സ്വനേ᳚ഭ്യഃ॒ പര്ണ॑കമ് । ഗുഹാ᳚ഭ്യഃ॒ കിരാ॑തമ് । സാനു॑ഭ്യോ॒ ജംഭ॑കമ് । പര്വ॑തേഭ്യഃ॒ കിംപൂ॑രുഷമ് ॥ 12 ॥
പ്ര॒തി॒ശ്രുത്കാ॑യാ ഋതു॒ലമ് । ഘോഷാ॑യ ഭ॒ഷമ് । അംതാ॑യ ബഹുവാ॒ദിനമ്᳚ । അ॒നം॒തായ॒ മൂകമ്᳚ । മഹ॑സേ വീണാവാ॒ദമ് । ക്രോശാ॑യ തൂണവ॒ധ്മമ് । ആ॒ക്രം॒ദായ॑ ദുംദുഭ്യാഘാ॒തമ് । അ॒വ॒ര॒സ്പ॒രായ॑ ശംഖ॒ധ്മമ് । ഋ॒ഭുഭ്യോ॑ഽജിനസംധാ॒യമ് । സാ॒ധ്യേഭ്യ॑ശ്ചര്മ॒മ്ണമ് ॥ 13 ॥
ബീ॒ഭ॒ഥ്സായൈ॑ പൌല്ക॒സമ് । ഭൂത്യൈ॑ ജാഗര॒ണമ് । അഭൂ᳚ത്യൈ സ്വപ॒നമ് । തു॒ലായൈ॑ വാണി॒ജമ് । വര്ണാ॑യ ഹിരണ്യകാ॒രമ് । വിശ്വേ᳚ഭ്യോ ദേ॒വേഭ്യഃ॑ സിധ്മ॒ലമ് । പ॒ശ്ചാ॒ദ്ദോ॒ഷായ॑ ഗ്ലാ॒വമ് । ഋത്യൈ॑ ജനവാ॒ദിനമ്᳚ । വ്യൃ॑ദ്ധ്യാ അപഗ॒ല്ഭമ് । സ॒ഗ്മ്॒ശ॒രായ॑ പ്ര॒ച്ഛിദമ്᳚ ॥ 14 ॥
ഹസാ॑യ പുഗ്ഗ്‍ശ്ച॒ലൂമാല॑ഭതേ । വീ॒ണാ॒വാ॒ദം ഗണ॑കം ഗീ॒തായ॑ । യാദ॑സേ ശാബു॒ല്യാമ് । ന॒ര്മായ॑ ഭദ്രവ॒തീമ് । തൂ॒ഷ്ണ॒വ॒ധ്മം ഗ്രാ॑മ॒ണ്യം॑ പാണിസംഘാ॒തം നൃ॒ത്തായ॑ । മോദാ॑യാനു॒ക്രോശ॑കമ് । ആ॒നം॒ദായ॑ തല॒വമ് ॥ 15 ॥
അ॒ക്ഷ॒രാ॒ജായ॑ കിത॒വമ് । കൃ॒തായ॑ സഭാ॒വിനമ്᳚ । ത്രേതാ॑യാ ആദിനവദ॒ര്ശമ് । ദ്വാ॒പ॒രായ॑ ബഹിഃ॒ സദമ്᳚ । കല॑യേ സഭാസ്ഥാ॒ണുമ് । ദു॒ഷ്കൃ॒തായ॑ ച॒രകാ॑ചാര്യമ് । അധ്വ॑നേ ബ്രഹ്മചാ॒രിണമ്᳚ । പി॒ശാ॒ചേഭ്യഃ॑ സൈല॒ഗമ് । പി॒പാ॒സായൈ॑ ഗോവ്യ॒ച്ഛമ് । നിര്ഋ॑ത്യൈ ഗോഘാ॒തമ് । ക്ഷു॒ധേ ഗോ॑വിക॒ര്തമ് । ക്ഷു॒ത്തൃ॒ഷ്ണാഭ്യാം॒ തമ് । യോ ഗാം-വിഁ॒കൃംതം॑തം മാ॒ഗ്മ്॒സം ഭിക്ഷ॑മാണ ഉപ॒തിഷ്ഠ॑തേ ॥ 16 ॥
ഭൂമ്യൈ॑ പീഠസ॒ര്പിണ॒മാല॑ഭതേ । അ॒ഗ്നയേഽഗ്മ്॑സ॒ലമ് । വാ॒യവേ॑ ചാംഡാ॒ലമ് । അം॒തരി॑ക്ഷായ വഗ്മ്ശന॒ര്തിനമ്᳚ । ദി॒വേ ഖ॑ല॒തിമ് । സൂര്യാ॑യ ഹര്യ॒ക്ഷമ് । ചം॒ദ്രമ॑സേ മിര്മി॒രമ് । നക്ഷ॑ത്രേഭ്യഃ കി॒ലാസമ്᳚ । അഹ്നേ॑ ശു॒ക്ലം പിം॑ഗ॒ലമ് । രാത്രി॑യൈ കൃ॒ഷ്ണം പിം॑ഗാ॒ക്ഷമ് ॥ 17 ॥
വാ॒ചേ പുരു॑ഷ॒മാല॑ഭതേ । പ്രാ॒ണമ॑പാ॒നം-വ്യാഁ॒നമു॑ദാ॒നഗ്മ് സ॑മാ॒നം താന്വാ॒യവേ᳚ । സൂര്യാ॑യ॒ ചക്ഷു॒രാല॑ഭതേ । മന॑ശ്ചം॒ദ്രമ॑സേ । ദി॒ഗ്ഭ്യഃ ശ്രോത്രമ്᳚ । പ്ര॒ജാപ॑തയേ॒ പുരു॑ഷമ് ॥ 18 ॥
അഥൈ॒താനരൂ॑പേഭ്യ॒ ആല॑ഭതേ । അതി॑ഹ്രസ്വ॒മതി॑ദീര്ഘമ് । അതി॑കൃശ॒മത്യഗ്മ്॑സലമ് । അതി॑ശുക്ല॒മതി॑കൃഷ്ണമ് । അതി॑ശ്ലക്ഷ്ണ॒മതി॑ലോമശമ് । അതി॑കിരിട॒മതി॑ദംതുരമ് । അതി॑മിര്മിര॒മതി॑മേമിഷമ് । ആ॒ശായൈ॑ ജാ॒മിമ് । പ്ര॒തീ॒ക്ഷായൈ॑ കുമാ॒രീമ് ॥ 19 ॥