കൃഷ്ണ യജുര്വേദീയ തൈത്തിരീയ സംഹിതായാ-മ്പ്രഥമകാണ്ഡേ ദ്വിതീയഃ പ്രശ്നഃ – അഗ്നിഷ്ടോമേ ക്രയഃ
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥
ആപ॑ ഉന്ദന്തു ജീ॒വസേ॑ ദീര്ഘായു॒ത്വായ॒ വര്ച॑സ॒ ഓഷ॑ധേ॒ ത്രായ॑സ്വൈന॒ഗ്ഗ്॒ സ്വധി॑തേ॒ മൈനഗ്മ്॑ ഹിഗ്മ്സീ-ര്ദേവ॒ശ്രൂരേ॒താനി॒ പ്ര വ॑പേ സ്വ॒സ്ത്യുത്ത॑രാണ്യശീ॒യാപോ॑ അ॒സ്മാ-ന്മാ॒തര॑-ശ്ശുന്ധന്തു ഘൃ॒തേന॑ നോ ഘൃത॒പുവഃ॑ പുനന്തു॒ വിശ്വ॑മ॒സ്മ-ത്പ്ര വ॑ഹന്തു രി॒പ്രമുദാ᳚ഭ്യ॒-ശ്ശുചി॒രാ പൂ॒ത ഏ॑മി॒ സോമ॑സ്യ ത॒നൂര॑സി ത॒നുവ॑-മ്മേ പാഹി മഹീ॒നാ-മ്പയോ॑-ഽസി വര്ചോ॒ധാ അ॑സി॒ വര്ചോ॒- [വര്ചഃ॑, മയി॑ ധേഹി വൃ॒ത്രസ്യ॑] 1
മയി॑ ധേഹി വൃ॒ത്രസ്യ॑ ക॒നീനി॑കാ-ഽസി ചക്ഷു॒ഷ്പാ അ॑സി॒ ചക്ഷു॑ര്മേ പാഹി ചി॒ത്പതി॑സ്ത്വാ പുനാതു വാ॒ക്പതി॑സ്ത്വാ പുനാതു ദേ॒വസ്ത്വാ॑ സവി॒താ പു॑നാ॒ത്വച്ഛി॑ദ്രേണ പ॒വിത്രേ॑ണ॒ വസോ॒-സ്സൂര്യ॑സ്യ ര॒ശ്മിഭി॒സ്തസ്യ॑ തേ പവിത്രപതേ പ॒വിത്രേ॑ണ॒ യസ്മൈ॒ ക-മ്പു॒നേ തച്ഛ॑കേയ॒മാ വോ॑ ദേവാസ ഈമഹേ॒ സത്യ॑ധര്മാണോ അദ്ധ്വ॒രേ യദ്വോ॑ ദേവാസ ആഗു॒രേ യജ്ഞി॑യാസോ॒ ഹവാ॑മഹ॒ ഇന്ദ്രാ᳚ഗ്നീ॒ ദ്യാവാ॑പൃഥിവീ॒ ആപ॑ ഓഷധീ॒ സ്ത്വ-ന്ദീ॒ക്ഷാണാ॒-മധി॑പതിരസീ॒ഹ മാ॒ സന്ത॑-മ്പാഹി ॥ 2 ॥
(വര്ച॑ – ഓഷധീ- ര॒ഷ്ടൌ ച॑ ) (അ. 1)
ആകൂ᳚ത്യൈ പ്ര॒യുജേ॒-ഽഗ്നയേ॒ സ്വാഹാ॑ മേ॒ധായൈ॒ മന॑സേ॒ ഽഗ്നയേ॒ സ്വാഹാ॑ ദീ॒ക്ഷായൈ॒ തപ॑സേ॒-ഽഗ്നയേ॒ സ്വാഹാ॒ സര॑സ്വത്യൈ പൂ॒ഷ്ണേ᳚-ഽഗ്നയേ॒ സ്വാഹാ-ഽഽപോ॑ ദേവീ-ര്ബൃഹതീ-ര്വിശ്വശമ്ഭുവോ॒ ദ്യാവാ॑പൃഥി॒വീ ഉ॒ര്വ॑ന്തരി॑ക്ഷ॒-മ്ബൃഹ॒സ്പതി॑ര്നോ ഹ॒വിഷാ॑ വൃധാതു॒ സ്വാഹാ॒ വിശ്വേ॑ ദേ॒വസ്യ॑ നേ॒തുര്മര്തോ॑ വൃണീത സ॒ഖ്യം-വിഁശ്വേ॑ രാ॒യ ഇ॑ഷുദ്ധ്യസി ദ്യു॒മ്നം-വൃഁ ॑ണീത പു॒ഷ്യസേ॒ സ്വാഹ॑ര്ഖ്സാ॒മയോ॒-ശ്ശില്പേ᳚ സ്ഥ॒സ്തേ വാ॒മാ ര॑ഭേ॒ തേ മാ॑- [തേ മാ᳚, പാ॒ത॒മാ-ഽസ്യ] 3
പാത॒മാ-ഽസ്യ യ॒ജ്ഞസ്യോ॒ദൃച॑ ഇ॒മാ-ന്ധിയ॒ഗ്മ്॒ ശിക്ഷ॑മാണസ്യ ദേവ॒ ക്രതു॒-ന്ദക്ഷം॑-വഁരുണ॒ സഗ്മ് ശി॑ശാധി॒ യയാ-ഽതി॒ വിശ്വാ॑ ദുരി॒താ തരേ॑മ സു॒തര്മാ॑ണ॒മധി॒ നാവഗ്മ്॑ രുഹേ॒മോര്ഗ॑സ്യാങ്ഗിര॒സ്യൂര്ണ॑മ്രദാ॒ ഊര്ജ॑-മ്മേ യച്ഛ പാ॒ഹി മാ॒ മാ മാ॑ ഹിഗ്മ്സീ॒-ര്വിഷ്ണോ॒-ശ്ശര്മാ॑സി॒ ശര്മ॒ യജ॑മാനസ്യ॒ ശര്മ॑ മേ യച്ഛ॒ നക്ഷ॑ത്രാണാ-മ്മാ-ഽതീകാ॒ശാ-ത്പാ॒ഹീന്ദ്ര॑സ്യ॒ യോനി॑രസി॒- [യോനി॑രസി, മാ മാ॑ ഹിഗ്മ്സീഃ] 4
മാ മാ॑ ഹിഗ്മ്സീഃ കൃ॒ഷ്യൈ ത്വാ॑ സുസ॒സ്യായൈ॑ സുപിപ്പ॒ലാഭ്യ॒-സ്ത്വൌഷ॑ധീഭ്യ-സ്സൂപ॒സ്ഥാ ദേ॒വോ വന॒സ്പതി॑രൂ॒ര്ധ്വോ മാ॑ പാ॒ഹ്യോദൃച॒-സ്സ്വാഹാ॑ യ॒ജ്ഞ-മ്മന॑സാ॒ സ്വാഹാ॒ ദ്യാവാ॑പൃഥി॒വീഭ്യാ॒ഗ്॒ സ്വാഹോ॒രോ-ര॒ന്തരി॑ക്ഷാ॒-ഥ്സ്വാഹാ॑ യ॒ജ്ഞം-വാഁതാ॒ദാ ര॑ഭേ ॥ 5 ॥
( മാ॒ – യോനി॑രസി – ത്രി॒ഗ്മ്॒ശച്ച॑ ) (അ. 2)
ദൈവീ॒-ന്ധിയ॑-മ്മനാമഹേ സുമൃഡീ॒കാ-മ॒ഭിഷ്ട॑യേ വര്ചോ॒ധാം-യഁ॒ജ്ഞവാ॑ഹസഗ്മ് സുപാ॒രാ നോ॑ അസ॒-ദ്വശേ᳚ । യേ ദേ॒വാ മനോ॑ജാതാ മനോ॒യുജ॑-സ്സു॒ദക്ഷാ॒ ദക്ഷ॑പിതാര॒സ്തേ നഃ॑ പാന്തു॒ തേ നോ॑-ഽവന്തു॒ തേഭ്യോ॒ നമ॒സ്തേഭ്യ॒-സ്സ്വാഹാ-ഽഗ്നേ॒ ത്വഗ്മ് സു ജാ॑ഗൃഹി വ॒യഗ്മ് സു മ॑ന്ദിഷീമഹി ഗോപാ॒യ ന॑-സ്സ്വ॒സ്തയേ᳚ പ്ര॒ബുധേ॑ നഃ॒ പുന॑ര്ദദഃ । ത്വമ॑ഗ്നേ വ്രത॒പാ അ॑സി ദേ॒വ ആ മര്ത്യേ॒ഷ്വാ । ത്വം- [ത്വമ്, യ॒ജ്ഞേഷ്വീഡ്യഃ॑ ।] 6
യ॒ജ്ഞേഷ്വീഡ്യഃ॑ ॥ വിശ്വേ॑ ദേ॒വാ അ॒ഭി മാമാ-ഽവ॑വൃത്ര-ന്പൂ॒ഷാ സ॒ന്യാ സോമോ॒ രാധ॑സാ ദേ॒വ-സ്സ॑വി॒താ വസോ᳚ര്വസു॒ദാവാ॒ രാസ്വേയ॑-ഥ്സോ॒മാ ഽഽഭൂയോ॑ ഭര॒ മാ പൃ॒ണ-ന്പൂ॒ര്ത്യാ വി രാ॑ധി॒ മാ-ഽഹമായു॑ഷാ ച॒ന്ദ്രമ॑സി॒ മമ॒ ഭോഗാ॑യ ഭവ॒ വസ്ത്ര॑മസി॒ മമ॒ ഭോഗാ॑യ ഭവോ॒സ്രാ-ഽസി॒ മമ॒ ഭോഗാ॑യ ഭവ॒ ഹയോ॑-ഽസി॒ മമ॒ ഭോഗാ॑യ ഭവ॒- [ഭോഗാ॑യ ഭവ, ഛാഗോ॑-ഽസി॒ മമ॒] 7
ഛാഗോ॑-ഽസി॒ മമ॒ ഭോഗാ॑യ ഭവ മേ॒ഷോ॑-ഽസി॒ മമ॒ ഭോഗാ॑യ ഭവ വാ॒യവേ᳚ ത്വാ॒ വരു॑ണായ ത്വാ॒ നിര്-ഋ॑ത്യൈ ത്വാ രു॒ദ്രായ॑ ത്വാ॒ ദേവീ॑രാപോ അപാ-ന്നപാ॒ദ്യ ഊ॒ര്മിര്-ഹ॑വി॒ഷ്യ॑ ഇന്ദ്രി॒യാവാ᳚-ന്മ॒ദിന്ത॑മ॒സ്തം-വോഁ॒ മാ-ഽവ॑ ക്രമിഷ॒മച്ഛി॑ന്ന॒-ന്തന്തു॑-മ്പൃഥി॒വ്യാ അനു॑ ഗേഷ-മ്ഭ॒ദ്രാദ॒ഭി ശ്രേയഃ॒ പ്രേഹി॒ ബൃഹ॒സ്പതിഃ॑ പുരഏ॒താ തേ॑ അ॒സ്ത്വഥേ॒മവ॑ സ്യ॒ വര॒ ആ പൃ॑ഥി॒വ്യാ ആ॒രേ ശത്രൂ᳚ന് കൃണുഹി॒ സര്വ॑വീര॒ ഏദമ॑ഗന്മ ദേവ॒യജ॑ന-മ്പൃഥി॒വ്യാ വിശ്വേ॑ ദേ॒വാ യദജു॑ഷന്ത॒ പൂര്വ॑ ഋഖ്സാ॒മാഭ്യാം॒-യഁജു॑ഷാ സ॒ന്തര॑ന്തോ രാ॒യസ്പോഷേ॑ണ॒ സമി॒ഷാ മ॑ദേമ ॥ 8 ॥
( ആ ത്വഗ്മ്-ഹയോ॑-ഽസി॒ മമ॒ ഭോഗാ॑യ ഭവ-സ്യ॒-പഞ്ച॑വിഗ്മ്ശതിശ്ച ) (അ. 3)
ഇ॒യ-ന്തേ॑ ശുക്ര ത॒നൂരി॒ദം-വഁര്ച॒സ്തയാ॒ സ-മ്ഭ॑വ॒ ഭ്രാജ॑-ങ്ഗച്ഛ॒ ജൂര॑സി ധൃ॒താ മന॑സാ॒ ജുഷ്ടാ॒ വിഷ്ണ॑വേ॒ തസ്യാ᳚സ്തേ സ॒ത്യസ॑വസഃ പ്രസ॒വേ വാ॒ചോ യ॒ന്ത്രമ॑ശീയ॒ സ്വാഹാ॑ ശു॒ക്രമ॑സ്യ॒മൃത॑മസി വൈശ്വദേ॒വഗ്മ് ഹ॒വി-സ്സൂര്യ॑സ്യ॒ ചക്ഷു॒രാ -ഽരു॑ഹമ॒ഗ്നേ ര॒ക്ഷ്ണഃ ക॒നീനി॑കാം॒-യഁദേത॑ശേഭി॒രീയ॑സേ॒ ഭ്രാജ॑മാനോ വിപ॒ശ്ചിതാ॒ ചിദ॑സി മ॒നാ-ഽസി॒ ധീര॑സി॒ ദക്ഷി॑ണാ- [ദക്ഷി॑ണാ, അ॒സി॒ യ॒ജ്ഞിയാ॑-ഽസി] 9
-ഽസി യ॒ജ്ഞിയാ॑-ഽസി ക്ഷ॒ത്രിയാ॒ ഽസ്യദി॑തി-രസ്യുഭ॒യത॑॑ശ്ശീര്ഷ്ണീ॒ സാ ന॒-സ്സുപ്രാ॑ചീ॒ സുപ്ര॑തീചീ॒ സ-മ്ഭ॑വ മി॒ത്രസ്ത്വാ॑ പ॒ദി ബ॑ദ്ധ്നാതു പൂ॒ഷാ-ഽദ്ധ്വ॑നഃ പാ॒ത്വിന്ദ്രാ॒യാ-ദ്ധ്യ॑ക്ഷാ॒യാനു॑ ത്വാ മാ॒താ മ॑ന്യതാ॒മനു॑ പി॒താ-ഽനു॒ ഭ്രാതാ॒ സഗ॒ര്ഭ്യോ-ഽനു॒ സഖാ॒ സയൂ᳚ഥ്യ॒-സ്സാ ദേ॑വി ദേ॒വമച്ഛേ॒ഹീന്ദ്രാ॑യ॒ സോമഗ്മ്॑ രു॒ദ്രസ്ത്വാ ഽഽവ॑ര്തയതു മി॒ത്രസ്യ॑ പ॒ഥാ സ്വ॒സ്തി സോമ॑സഖാ॒ പുന॒രേഹി॑ സ॒ഹ ര॒യ്യാ ॥ 10 ॥
( ദക്ഷി॑ണാ॒-സോമ॑സഖാ॒, പഞ്ച॑ ച ) (അ. 4)
വസ്വ്യ॑സി രു॒ദ്രാ-ഽസ്യദി॑തി-രസ്യാദി॒ത്യാ-ഽസി॑ ശു॒ക്രാ-ഽസി॑ ച॒ന്ദ്രാ-ഽസി॒ ബൃഹ॒സ്പതി॑സ്ത്വാ സു॒മ്നേ ര॑ണ്വതു രു॒ദ്രോ വസു॑ഭി॒രാ ചി॑കേതു പൃഥി॒വ്യാസ്ത്വാ॑ മൂ॒ര്ധന്നാ ജി॑ഘര്മി ദേവ॒യജ॑ന॒ ഇഡാ॑യാഃ പ॒ദേ ഘൃ॒തവ॑തി॒ സ്വാഹാ॒ പരി॑ലിഖിത॒ഗ്മ്॒ രക്ഷഃ॒ പരി॑ലിഖിതാ॒ അരാ॑തയ ഇ॒ദമ॒ഹഗ്മ് രക്ഷ॑സോ ഗ്രീ॒വാ അപി॑ കൃന്താമി॒ യോ᳚-ഽസ്മാ-ന്ദ്വേഷ്ടി॒ യ-ഞ്ച॑ വ॒യ-ന്ദ്വി॒ഷ്മ ഇ॒ദമ॑സ്യ ഗ്രീ॒വാ [ഗ്രീ॒വാഃ, അപി॑ കൃന്താമ്യ॒സ്മേ] 11
അപി॑ കൃന്താമ്യ॒സ്മേ രായ॒സ്ത്വേ രായ॒സ്തോതേ॒ രായ॒-സ്സ-ന്ദേ॑വി ദേ॒വ്യോര്വശ്യാ॑ പശ്യസ്വ॒ ത്വഷ്ടീ॑മതീ തേ സപേയ സു॒രേതാ॒ രേതോ॒ ദധാ॑നാ വീ॒രം-വിഁ ॑ദേയ॒ തവ॑ സ॒ന്ദൃശി॒ മാ-ഽഹഗ്മ്രാ॒യസ്പോഷേ॑ണ॒ വി യോ॑ഷമ് ॥ 12 ॥
( അ॒സ്യ॒ ഗ്രീ॒വാ-ഏകാ॒ന്ന ത്രി॒ഗ്മ്॒ശച്ച॑ ) (അ. 5)
അ॒ഗ്മ്॒ശുനാ॑ തേ അ॒ഗ്മ്॒ശുഃ പൃ॑ച്യതാ॒-മ്പരു॑ഷാ॒ പരു॑-ര്ഗ॒ന്ധസ്തേ॒ കാമ॑മവതു॒ മദാ॑യ॒ രസോ॒ അച്യു॑തോ॒ ഽമാത്യോ॑-ഽസി ശു॒ക്രസ്തേ॒ ഗ്രഹോ॒-ഽഭി ത്യ-ന്ദേ॒വഗ്മ് സ॑വി॒താര॑മൂ॒ണ്യോഃ᳚ ക॒വിക്ര॑തു॒മര്ചാ॑മി സ॒ത്യസ॑വസഗ്മ് രത്ന॒ധാമ॒ഭി പ്രി॒യ-മ്മ॒തിമൂ॒ര്ധ്വാ യസ്യാ॒മതി॒ര്ഭാ അദി॑ദ്യുത॒-ഥ്സവീ॑മനി॒ ഹിര॑ണ്യപാണിരമിമീത സു॒ക്രതുഃ॑ കൃ॒പാ സുവഃ॑ । പ്ര॒ജാഭ്യ॑സ്ത്വാ പ്രാ॒ണായ॑ ത്വാ വ്യാ॒നായ॑ ത്വാ പ്ര॒ജാസ്ത്വമനു॒ പ്രാണി॑ഹി പ്ര॒ജാസ്ത്വാമനു॒ പ്രാണ॑ന്തു ॥ 13 ॥
(അനു॑-സ॒പ്ത ച॑) (അ. 6)
സോമ॑-ന്തേ ക്രീണാ॒മ്യൂര്ജ॑സ്വന്ത॒-മ്പയ॑സ്വന്തം-വീഁ॒ര്യാ॑വന്തമഭി-മാതി॒ഷാഹഗ്മ്॑ ശു॒ക്ര-ന്തേ॑ ശു॒ക്രേണ॑ ക്രീണാമി ച॒ന്ദ്ര-ഞ്ച॒ന്ദ്രേണാ॒മൃത॑മ॒മൃതേ॑ന സ॒മ്യത്തേ॒ ഗോര॒സ്മേ ച॒ന്ദ്രാണി॒ തപ॑സസ്ത॒നൂര॑സി പ്ര॒ജാപ॑തേ॒-ര്വര്ണ॒സ്തസ്യാ᳚സ്തേ സഹസ്രപോ॒ഷ-മ്പുഷ്യ॑ന്ത്യാശ്ചര॒മേണ॑ പ॒ശുനാ᳚ ക്രീണാമ്യ॒സ്മേ തേ॒ ബന്ധു॒ര്മയി॑ തേ॒ രായ॑-ശ്ശ്രയന്താമ॒സ്മേ ജ്യോതി॑-സ്സോമവിക്ര॒യിണി॒ തമോ॑ മി॒ത്രോ ന॒ ഏഹി॒ സുമി॑ത്രധാ॒ ഇന്ദ്ര॑സ്യോ॒രു മാ വി॑ശ॒ ദക്ഷി॑ണ-മു॒ശന്നു॒ശന്തഗ്ഗ്॑ സ്യോ॒ന-സ്സ്യോ॒നഗ്ഗ് സ്വാന॒ ഭ്രാജാങ്ഘാ॑രേ॒ ബമ്ഭാ॑രേ॒ ഹസ്ത॒ സുഹ॑സ്ത॒ കൃശാ॑നവേ॒തേ വ॑-സ്സോമ॒ ക്രയ॑ണാ॒സ്താ-ന്ര॑ക്ഷദ്ധ്വ॒-മ്മാ വോ॑ ദഭന്ന് ॥ 14 ॥
(ഉ॒രും-ദ്വാവിഗ്മ്॑ശതിശ്ച) (അ. 7)
ഉദായു॑ഷാ സ്വാ॒യുഷോദോഷ॑ധീനാ॒ഗ്മ്॒ രസേ॒നോ-ത്പ॒ര്ജന്യ॑സ്യ॒ ശുഷ്മേ॒ണോദ॑സ്ഥാമ॒മൃതാ॒ഗ്മ്॒ അനു॑ । ഉ॒ര്വ॑ന്തരി॑ക്ഷ॒മന്വി॒ഹ്യദി॑ത്യാ॒-സ്സദോ॒-ഽസ്യദി॑ത്യാ॒-സ്സദ॒ ആ സീ॒ദാസ്ത॑ഭ്നാ॒-ദ്ദ്യാമൃ॑ഷ॒ഭോ അ॒ന്തരി॑ക്ഷ॒മമി॑മീത വരി॒മാണ॑-മ്പൃഥി॒വ്യാ ആ-ഽസീ॑ദ॒-ദ്വിശ്വാ॒ ഭുവ॑നാനി സ॒മ്രാ-ഡ്വിശ്വേത്താനി॒ വരു॑ണസ്യ വ്ര॒താനി॒ വനേ॑ഷു॒ വ്യ॑ന്തരി॑ക്ഷ-ന്തതാന॒ വാജ॒മര്വ॑ഥ്സു॒ പയോ॑ അഘ്നി॒യാസു॑ ഹൃ॒ഥ്സു- [ ] ॥ 15 ॥
ക്രതും॒-വഁരു॑ണോ വി॒ക്ഷ്വ॑ഗ്നി-ന്ദി॒വി സൂര്യ॑മദധാ॒-ഥ്സോമ॒മദ്രാ॒വുദു॒ത്യ-ഞ്ജാ॒തവേ॑ദസ-ന്ദേ॒വം-വഁ ॑ഹന്തി കേ॒തവഃ॑ । ദൃ॒ശേ വിശ്വാ॑യ॒ സൂര്യ᳚മ് ॥ ഉസ്രാ॒വേത॑-ന്ധൂര്ഷാഹാവന॒ശ്രൂ അവീ॑രഹണൌ ബ്രഹ്മ॒ചോദ॑നൌ॒ വരു॑ണസ്യ॒ സ്കമ്ഭ॑നമസി॒ വരു॑ണസ്യ സ്കമ്ഭ॒സര്ജ॑നമസി॒ പ്രത്യ॑സ്തോ॒ വരു॑ണസ്യ॒ പാശഃ॑ ॥ 16 ॥
( ഹൃ॒ഥ്സു-പഞ്ച॑ത്രിഗ്മ്ശച്ച ) (അ. 8)
പ്ര ച്യ॑വസ്വ ഭുവസ്പതേ॒ വിശ്വാ᳚ന്യ॒ഭി ധാമാ॑നി॒ മാ ത്വാ॑ പരിപ॒രീ വി॑ദ॒ന്മാ ത്വാ॑ പരിപ॒ന്ഥിനോ॑ വിദ॒ന്മാ ത്വാ॒ വൃകാ॑ അഘാ॒യവോ॒ മാ ഗ॑ന്ധ॒ര്വോ വി॒ശ്വാവ॑സു॒രാ ദ॑ഘച്ഛ്യേ॒നോ ഭൂ॒ത്വാ പരാ॑ പത॒ യജ॑മാനസ്യ നോ ഗൃ॒ഹേ ദേ॒വൈ-സ്സഗ്ഗ്॑സ്കൃ॒തം-യഁജ॑മാനസ്യ സ്വ॒സ്ത്യയ॑ന്യ॒സ്യപി॒ പന്ഥാ॑മഗസ്മഹി സ്വസ്തി॒ഗാ-മ॑നേ॒ഹസം॒-യേഁന॒ വിശ്വാഃ॒ പരി॒ ദ്വിഷോ॑ വൃ॒ണക്തി॑ വി॒ന്ദതേ॒ വസു॒ നമോ॑ മി॒ത്രസ്യ॒ വരു॑ണസ്യ॒ ചക്ഷ॑സേ മ॒ഹോ ദേ॒വായ॒ തദൃ॒തഗ്മ് സ॑പര്യത ദൂരേ॒ദൃശേ॑ ദേ॒വജാ॑തായ കേ॒തവേ॑ ദി॒വസ്പു॒ത്രായ॒ സൂര്യാ॑യ ശഗ്മ്സത॒ വരു॑ണസ്യ॒ സ്കമ്ഭ॑നമസി॒ വരു॑ണസ്യ സ്കമ്ഭ॒സര്ജ॑ന-മ॒സ്യുന്മു॑ക്തോ॒ വരു॑ണസ്യ॒ പാശഃ॑ ॥ 17 ॥
( മി॒ത്രസ്യ॒-ത്രയോ॑വിഗ്മ്ശതിശ്ച ) (അ. 9)
അ॒ഗ്നേ-രാ॑തി॒ഥ്യമ॑സി॒ വിഷ്ണ॑വേ ത്വാ॒ സോമ॑സ്യാ-ഽഽതി॒ഥ്യമ॑സി॒ വിഷ്ണ॑വേ॒ ത്വാ-ഽതി॑ഥേരാതി॒ഥ്യമ॑സി॒ വിഷ്ണ॑വേ ത്വാ॒-ഽഗ്നയേ᳚ ത്വാ രായസ്പോഷ॒ദാവ്ന്നേ॒ വിഷ്ണ॑വേ ത്വാ ശ്യേ॒നായ॑ ത്വാ സോമ॒ഭൃതേ॒ വിഷ്ണ॑വേ ത്വാ॒ യാ തേ॒ ധാമാ॑നി ഹ॒വിഷാ॒ യജ॑ന്തി॒ താ തേ॒ വിശ്വാ॑ പരി॒ഭൂര॑സ്തു യ॒ജ്ഞ-ങ്ഗ॑യ॒സ്ഫാനഃ॑ പ്ര॒തര॑ണ-സ്സു॒വീരോ-ഽവീ॑രഹാ॒ പ്രച॑രാ സോമ॒ ദുര്യാ॒നദി॑ത്യാ॒-സ്സദോ॒-ഽസ്യദി॑ത്യാ॒-സ്സദ॒ ആ- [സദ॒ ആ, സീ॒ദ॒ വരു॑ണോ-ഽസി] ॥ 18 ॥
സീ॑ദ॒ വരു॑ണോ-ഽസി ധൃ॒തവ്ര॑തോ വാരു॒ണമ॑സി ശം॒യോഁ-ര്ദേ॒വാനാഗ്മ്॑ സ॒ഖ്യാന്മാ ദേ॒വാനാ॑-മ॒പസ॑-ശ്ഛിഥ്സ്മ॒ഹ്യാപ॑തയേ ത്വാ ഗൃഹ്ണാമി॒ പരി॑പതയേ ത്വാ ഗൃഹ്ണാമി॒ തനൂ॒നപ്ത്രേ᳚ ത്വാ ഗൃഹ്ണാമി ശാക്വ॒രായ॑ ത്വാ ഗൃഹ്ണാമി॒ ശക്മ॒ന്നോജി॑ഷ്ഠായ ത്വാ ഗൃഹ്ണാ॒മ്യ-നാ॑ധൃഷ്ടമസ്യ-നാധൃ॒ഷ്യ-ന്ദേ॒വാനാ॒മോജോ॑- ഽഭിഷസ്തി॒പാ അ॑നഭിശസ്തേ॒-ഽന്യമനു॑ മേ ദീ॒ക്ഷാ-ന്ദീ॒ക്ഷാപ॑തി-ര്മന്യതാ॒മനു॒ തപ॒സ്തപ॑സ്പതി॒രഞ്ജ॑സാ സ॒ത്യമുപ॑ ഗേഷഗ്മ് സുവി॒തേ മാ॑ ധാഃ ॥ 19 ॥
( ആ-മൈ-ക॑-ഞ്ച ) (അ. 10)
അ॒ഗ്മ്॒ശുരഗ്മ്॑ശുസ്തേ ദേവ സോ॒മാ-ഽഽപ്യാ॑യതാ॒-മിന്ദ്രാ॑യൈകധന॒വിദ॒ ആ തുഭ്യ॒മിന്ദ്രഃ॑ പ്യായതാ॒മാ ത്വമിന്ദ്രാ॑യ പ്യായ॒സ്വാ-ഽഽപ്യാ॑യയ॒ സഖീ᳚ന്-ഥ്സ॒ന്യാ മേ॒ധയാ᳚ സ്വ॒സ്തി തേ॑ ദേവ സോമ സു॒ത്യാമ॑ശീ॒യേഷ്ടാ॒ രായഃ॒ പ്രേഷേ ഭഗാ॑യ॒ര്തമൃ॑തവാ॒ദിഭ്യോ॒ നമോ॑ ദി॒വേ നമഃ॑ പൃഥി॒വ്യാ അഗ്നേ᳚ വ്രതപതേ॒ ത്വം-വ്രഁ॒താനാം᳚-വ്രഁ॒തപ॑തിരസി॒ യാ മമ॑ ത॒നൂരേ॒ഷാ സാ ത്വയി॒ [ത്വയി॑, യാ തവ॑] ॥ 20 ॥
യാ തവ॑ ത॒നൂരി॒യഗ്മ് സാ മയി॑ സ॒ഹ നൌ᳚ വ്രതപതേ വ്ര॒തിനോ᳚-ര്വ്ര॒താനി॒ യാ തേ॑ അഗ്നേ॒ രുദ്രി॑യാ ത॒നൂസ്തയാ॑ നഃ പാഹി॒ തസ്യാ᳚സ്തേ॒ സ്വാഹാ॒ യാ തേ॑ അഗ്നേ-ഽയാശ॒യാ ര॑ജാശ॒യാ ഹ॑രാശ॒യാ ത॒നൂര്വര്ഷി॑ഷ്ഠാ ഗഹ്വരേ॒ഷ്ഠോ-ഽഗ്രം-വഁചോ॒ അപാ॑വധീ-ന്ത്വേ॒ഷം-വഁചോ॒ അപാ॑വധീ॒ഗ്॒ സ്വാഹാ᳚ ॥ 21 ॥
( ത്വയി॑-ചത്വാരി॒ഗ്മ്॒ശച്ച॑ ) (അ. 11)
വി॒ത്തായ॑നീ മേ-ഽസി തി॒ക്തായ॑നീ മേ॒-ഽസ്യവ॑താന്മാ നാഥി॒തമവ॑താന്മാ വ്യഥി॒തം-വിഁ॒ദേര॒ഗ്നിര്നഭോ॒ നാമാഗ്നേ॑ അങ്ഗിരോ॒ യോ᳚-ഽസ്യാ-മ്പൃ॑ഥി॒വ്യാമസ്യായു॑ഷാ॒ നാമ്നേഹി॒ യത്തേ-ഽനാ॑ധൃഷ്ട॒-ന്നാമ॑ യ॒ജ്ഞിയ॒-ന്തേന॒ ത്വാ-ഽഽദ॒ധേ-ഽഗ്നേ॑ അങ്ഗിരോ॒ യോ ദ്വി॒തീയ॑സ്യാ-ന്തൃ॒തീയ॑സ്യാ-മ്പൃഥി॒വ്യാ-മസ്യായു॑ഷാ॒ നാമ്നേഹി॒ യത്തേ-ഽനാ॑ധൃഷ്ട॒-ന്നാമ॑- [ ] 22
യ॒ജ്ഞിയ॒-ന്തേന॒ ത്വാ-ഽഽദ॑ധേ സി॒ഗ്മ്॒ഹീര॑സി മഹി॒ഷീര॑സ്യു॒രു പ്ര॑ഥസ്വോ॒രു തേ॑ യ॒ജ്ഞപ॑തിഃ പ്രഥതാ-ന്ധ്രു॒വാ-ഽസി॑ ദേ॒വേഭ്യ॑-ശ്ശുന്ധസ്വ ദേ॒വേഭ്യ॑-ശ്ശുമ്ഭസ്വേന്ദ്രഘോ॒ഷസ്ത്വാ॒ വസു॑ഭിഃ പു॒രസ്താ᳚-ത്പാതു॒ മനോ॑ജവാസ്ത്വാ പി॒തൃഭി॑-ര്ദക്ഷിണ॒തഃ പാ॑തു॒ പ്രചേ॑താസ്ത്വാ രു॒ദ്രൈഃ പ॒ശ്ചാ-ത്പാ॑തു വി॒ശ്വക॑ര്മാ ത്വാ-ഽഽദി॒ത്യൈരു॑ത്തര॒തഃ പാ॑തു സി॒ഗ്മ്॒ഹീര॑സി സപത്നസാ॒ഹീ സ്വാഹാ॑ സി॒ഗ്മ്॒ഹീര॑സി സുപ്രജാ॒വനി॒-സ്സ്വാഹാ॑ സി॒ഗ്മ്॒ഹീ- [സി॒ഗ്മ്॒ഹീഃ, അ॒സി॒ രാ॒യ॒സ്പോ॒ഷ॒വനി॒-സ്സ്വാഹാ॑] 23
ര॑സി രായസ്പോഷ॒വനി॒-സ്സ്വാഹാ॑ സി॒ഗ്മ്॒ഹീര॑സ്യാദിത്യ॒വനി॒-സ്സ്വാഹാ॑ സി॒ഗ്മ്॒ഹീര॒സ്യാ വ॑ഹ ദേ॒വാന്ദേ॑വയ॒തേ യജ॑മാനായ॒ സ്വാഹാ॑ ഭൂ॒തേഭ്യ॑സ്ത്വാ വി॒ശ്വായു॑രസി പൃഥി॒വീ-ന്ദൃഗ്മ്॑ഹ ധ്രുവ॒ക്ഷിദ॑സ്യ॒ന്തരി॑ക്ഷ-ന്ദൃഗ്മ്ഹാച്യുത॒ക്ഷിദ॑സി॒ ദിവ॑-ന്ദൃഗ്മ്ഹാ॒ഗ്നേ-ര്ഭസ്മാ᳚സ്യ॒ഗ്നേഃ പുരീ॑ഷമസി ॥ 24 ॥
(നാമ॑-സുപ്രജാ॒വനി॒-സ്സ്വാഹാ॑ സി॒ഗ്മ്॒സീഃ; പഞ്ച॑ത്രിഗ്മ്ശച്ച ) (അ. 12)
യു॒ഞ്ജതേ॒ മന॑ ഉ॒ത യു॑ഞ്ജതേ॒ ധിയോ॒ വിപ്രാ॒ വിപ്ര॑സ്യ ബൃഹ॒തോ വി॑പ॒ശ്ചിതഃ॑ । വി ഹോത്രാ॑ ദധേ വയുനാ॒വിദേക॒ ഇന്മ॒ഹീ ദേ॒വസ്യ॑ സവി॒തുഃ പരി॑ഷ്ടുതിഃ ॥ സു॒വാഗ്ദേ॑വ॒ ദുര്യാ॒ഗ്മ്॒ ആ വ॑ദ ദേവ॒ശ്രുതൌ॑ ദേ॒വേഷ്വാ ഘോ॑ഷേഥാ॒മാ നോ॑ വീ॒രോ ജാ॑യതാ-ങ്കര്മ॒ണ്യോ॑ യഗ്മ് സര്വേ॑-ഽനു॒ ജീവാ॑മ॒ യോ ബ॑ഹൂ॒നാമസ॑ദ്വ॒ശീ ॥ ഇ॒ദം-വിഁഷ്ണു॒-ര്വിച॑ക്രമേ ത്രേ॒ധാ നി ദ॑ധേ പ॒ദമ് ॥ സമൂ॑ഢമസ്യ [സമൂ॑ഢമസ്യ, പാ॒ഗ്മ്॒സു॒ര] 25
പാഗ്മ്സു॒ര ഇരാ॑വതീ ധേനു॒മതീ॒ ഹി ഭൂ॒തഗ്മ് സൂ॑യവ॒സിനീ॒ മന॑വേ യശ॒സ്യേ᳚ । വ്യ॑സ്കഭ്നാ॒-ദ്രോദ॑സീ॒ വിഷ്ണു॑രേ॒തേ ദാ॒ധാര॑ പൃഥി॒വീമ॒ഭിതോ॑ മ॒യൂഖൈഃ᳚ ॥ പ്രാചീ॒ പ്രേത॑മദ്ധ്വ॒ര-ങ്ക॒ല്പയ॑ന്തീ ഊ॒ര്ധ്വം-യഁ॒ജ്ഞ-ന്ന॑യത॒-മ്മാ ജീ᳚ഹ്വരത॒മത്ര॑ രമേഥാം॒-വഁര്ഷ്മ॑-ന്പൃഥി॒വ്യാ ദി॒വോ വാ॑ വിഷ്ണവു॒ത വാ॑ പൃഥി॒വ്യാ മ॒ഹോ വാ॑ വിഷ്ണവു॒ത വാ॒-ഽന്തരി॑ക്ഷാ॒ദ്ധസ്തൌ॑ പൃണസ്വ ബ॒ഹുഭി॑-ര്വസ॒വ്യൈ॑രാ പ്ര യ॑ച്ഛ॒ [പ്ര യ॑ച്ഛ, ദക്ഷി॑ണാ॒ദോത] 26
ദക്ഷി॑ണാ॒ദോത സ॒വ്യാത് । വിഷ്ണോ॒ര്നുകം॑-വീഁ॒ര്യാ॑ണി॒ പ്ര വോ॑ചം॒-യഃ ഁപാര്ഥി॑വാനി വിമ॒മേ രജാഗ്മ്॑സി॒ യോ അസ്ക॑ഭായ॒ദുത്ത॑രഗ്മ് സ॒ധസ്ഥം॑-വിഁചക്രമാ॒ണ സ്ത്രേ॒ധോരു॑ഗാ॒യോ വിഷ്ണോ॑ ര॒രാട॑മസി॒ വിഷ്ണോഃ᳚ പൃ॒ഷ്ഠമ॑സി॒ വിഷ്ണോ॒-ശ്ശ്ഞപ്ത്രേ᳚ സ്ഥോ॒ വിഷ്ണോ॒-സ്സ്യൂര॑സി॒ വിഷ്ണോ᳚-ര്ധ്രു॒വമ॑സി വൈഷ്ണ॒വമ॑സി॒ വിഷ്ണ॑വേ ത്വാ ॥ 27 ॥
( അ॒സ്യ॒-യ॒ച്ഛൈകാ॒ന്ന ച॑ത്വാരി॒ഗ്മ്॒ശച്ച॑ ) (അ. 13)
കൃ॒ണു॒ഷ്വ പാജഃ॒ പ്രസി॑തി॒ന്ന പൃ॒ഥ്വീം-യാഁ॒ഹി രാജേ॒വാമ॑വാ॒ഗ്മ്॒ ഇഭേ॑ന । തൃ॒ഷ്വീമനു॒ പ്രസി॑തിം-ദ്രൂണാ॒നോ-ഽസ്താ॑-ഽസി॒ വിദ്ധ്യ॑ ര॒ക്ഷസ॒ സ്തപി॑ഷ്ഠൈഃ ॥ തവ॑ ഭ്ര॒മാസ॑ ആശു॒യാ പ॑ന്ത॒ത്യനു॑ സ്പൃശ-ധൃഷ॒താ ശോശു॑ചാനഃ । തപൂഗ്॑ഷ്യഗ്നേ ജു॒ഹ്വാ॑ പത॒ങ്ഗാനസ॑ന്ദിതോ॒ വിസൃ॑ജ॒ വിഷ്വ॑ഗു॒ല്കാഃ ॥ പ്രതി॒സ്പശോ॒ വിസൃ॑ജ॒-തൂര്ണി॑തമോ॒ ഭവാ॑ പാ॒യുര്വി॒ശോ അ॒സ്യാ അദ॑ബ്ധഃ । യോ നോ॑ ദൂ॒രേ അ॒ഘശഗ്മ്॑സോ॒ [അ॒ഘശഗ്മ്॑സഃ, യോ അന്ത്യഗ്നേ॒] 28
യോ അന്ത്യഗ്നേ॒ മാകി॑ഷ്ടേ॒ വ്യഥി॒രാ ദ॑ധര്ഷീത് ॥ ഉദ॑ഗ്നേ തിഷ്ഠ॒ പ്രത്യാ ഽഽത॑നുഷ്വ॒ ന്യ॑മിത്രാഗ്മ്॑ ഓഷതാ-ത്തിഗ്മഹേതേ । യോ നോ॒ അരാ॑തിഗ്മ് സമിധാന ച॒ക്രേ നീ॒ചാ ത-ന്ധ॑ക്ഷ്യത॒സ-ന്ന ശുഷ്ക᳚മ് ॥ ഊ॒ര്ധ്വോ ഭ॑വ॒ പ്രതി॑വി॒ദ്ധ്യാ-ഽദ്ധ്യ॒സ്മദാ॒വിഷ്കൃ॑ണുഷ്വ॒ ദൈവ്യാ᳚ന്യഗ്നേ । അവ॑സ്ഥി॒രാ ത॑നുഹി യാതു॒ജൂനാ᳚-ഞ്ജാ॒മിമജാ॑മിം॒ പ്രമൃ॑ണീഹി॒ ശത്രൂന്॑ ॥ സ തേ॑ [സ തേ᳚, ജാ॒നാ॒തി॒ സു॒മ॒തിം] 29
ജാനാതി സുമ॒തിം-യഁ ॑വിഷ്ഠ॒യ ഈവ॑തേ॒ ബ്രഹ്മ॑ണേ ഗാ॒തുമൈര॑ത് । വിശ്വാ᳚ന്യസ്മൈ സു॒ദിനാ॑നി രാ॒യോ ദ്യു॒മ്നാന്യ॒ര്യോ വിദുരോ॑ അ॒ഭി ദ്യൌ᳚ത് ॥ സേദ॑ഗ്നേ അസ്തു സു॒ഭഗ॑-സ്സു॒ദാനു॒-ര്യസ്ത്വാ॒ നിത്യേ॑ന ഹ॒വിഷാ॒യ ഉ॒ക്ഥൈഃ । പിപ്രീ॑ഷതി॒ സ്വ ആയു॑ഷി ദുരോ॒ണേ വിശ്വേദ॑സ്മൈ സു॒ദിനാ॒ സാ-ഽസ॑ദി॒ഷ്ടിഃ ॥ അര്ചാ॑മി തേ സുമ॒തി-ങ്ഘോഷ്യ॒ര്വാഖ്-സന്തേ॑ വാ॒ വാ താ॑ ജരതാ- [വാ॒ വാ താ॑ ജരതാമ്, ഇ॒യങ്ഗീഃ] 30
മി॒യങ്ഗീഃ । സ്വശ്വാ᳚സ്ത്വാ സു॒രഥാ॑ മര്ജയേമാ॒സ്മേ ക്ഷ॒ത്രാണി॑ ധാരയേ॒രനു॒ ദ്യൂന് ॥ ഇ॒ഹ ത്വാ॒ ഭൂര്യാ ച॑രേ॒ ദുപ॒ത്മ-ന്ദോഷാ॑വസ്ത-ര്ദീദി॒വാഗ്മ്സ॒മനു॒ ദ്യൂന് । ക്രീഡ॑ന്തസ്ത്വാ സു॒മന॑സ-സ്സപേമാ॒ഭി ദ്യു॒മ്നാ ത॑സ്ഥി॒വാഗ്മ്സോ॒ ജനാ॑നാമ് ॥ യസ്ത്വാ॒-സ്വശ്വ॑-സ്സുഹിര॒ണ്യോ അ॑ഗ്ന ഉപ॒യാതി॒ വസു॑മതാ॒ രഥേ॑ന । തസ്യ॑ ത്രാ॒താ-ഭ॑വസി॒ തസ്യ॒ സഖാ॒ യസ്ത॑ ആതി॒ഥ്യമാ॑നു॒ഷഗ് ജുജോ॑ഷത് ॥ മ॒ഹോ രു॑ജാമി – [ ] 31
ബ॒ന്ധുതാ॒ വചോ॑ഭി॒സ്തന്മാ॑ പി॒തുര്ഗോത॑മാ॒ദ-ന്വി॑യായ । ത്വന്നോ॑ അ॒സ്യ വച॑സ-ശ്ചികിദ്ധി॒ ഹോത॑ര്യവിഷ്ഠ സുക്രതോ॒ ദമൂ॑നാഃ ॥ അസ്വ॑പ്നജ സ്ത॒രണ॑യ-സ്സു॒ശേവാ॒ അത॑ന്ദ്രാസോ-ഽവൃ॒കാ അശ്ര॑മിഷ്ഠാഃ । തേ പാ॒യവ॑-സ്സ॒ദ്ധ്രിയ॑ഞ്ചോ നി॒ഷദ്യാ-ഽഗ്നേ॒ തവ॑നഃ പാന്ത്വമൂര ॥ യേ പാ॒യവോ॑ മാമതേ॒യ-ന്തേ॑ അഗ്നേ॒ പശ്യ॑ന്തോ അ॒ന്ധ-ന്ദു॑രി॒താദര॑ക്ഷന്ന് । ര॒രക്ഷ॒താന്-ഥ്സു॒കൃതോ॑ വി॒ശ്വവേ॑ദാ॒ ദിഫ്സ॑ന്ത॒ ഇദ്രി॒പവോ॒ നാ ഹ॑ [നാ ഹ॑, ദേ॒ഭുഃ॒] 32
ദേഭുഃ ॥ ത്വയാ॑ വ॒യഗ്മ് സ॑ധ॒ന്യ॑-സ്ത്വോതാ॒-സ്തവ॒ പ്രണീ᳚ത്യശ്യാമ॒ വാജാന്॑ । ഉ॒ഭാ ശഗ്മ്സാ॑ സൂദയ സത്യതാതേ-ഽനുഷ്ഠു॒യാ കൃ॑ണുഹ്യഹ്രയാണ ॥ അ॒യാ തേ॑ അഗ്നേ സ॒മിധാ॑ വിധേമ॒ പ്രതി॒സ്തോമഗ്മ്॑ ശ॒സ്യമാ॑ന-ങ്ഗൃഭായ । ദഹാ॒ശസോ॑ ര॒ക്ഷസഃ॑ പാ॒ഹ്യ॑സ്മാ-ന്ദ്രു॒ഹോ നി॒ദോ മി॑ത്രമഹോ അവ॒ദ്യാത് ॥ ര॒ക്ഷോ॒ഹണം॑ വാഁ॒ജിന॒മാജി॑ഘര്മി മി॒ത്ര-മ്പ്രഥി॑ഷ്ഠ॒-മുപ॑യാമി॒ ശര്മ॑ । ശിശാ॑നോ അ॒ഗ്നിഃ ക്രതു॑ഭി॒-സ്സമി॑ദ്ധ॒സ്സനോ॒ ദിവാ॒ [ദിവാ᳚, സരി॒ഷഃ പാ॑തു॒ നക്തം᳚] 33
സരി॒ഷഃ പാ॑തു॒ നക്ത᳚മ് ॥ വിജ്യോതി॑ഷാ ബൃഹ॒താ ഭാ᳚ത്യ॒ഗ്നി-രാ॒വി-ര്വിശ്വാ॑നി കൃണുതേ മഹി॒ത്വാ । പ്രാദേ॑വീ-ര്മാ॒യാ-സ്സ॑ഹതേ-ദു॒രേവാ॒-ശ്ശിശീ॑തേ॒ ശൃങ്ഗേ॒ രക്ഷ॑സേ വി॒നിക്ഷേ᳚ ॥ ഉ॒ത സ്വാ॒നാസോ॑ ദി॒വിഷ॑ന്ത്വ॒ഗ്നേ സ്തി॒ഗ്മായു॑ധാ॒ രക്ഷ॑സേ॒ ഹന്ത॒വാ ഉ॑ । മദേ॑ ചിദസ്യ॒ പ്രരു॑ജന്തി॒ ഭാമാ॒ ന വ॑രന്തേ പരി॒ബാധോ॒ അദേ॑വീഃ ॥ 34 ॥
(അ॒ഘശഗ്മ്॑സഃ॒-സ തേ॑-ജരതാഗ്മ്-രുജാമി-ഹ॒ -ദിവൈ – ക॑ചത്വാരിഗ്മ്ശച്ച) (അ. 14)
(ആപ॑ ഉന്ദ॒, ന്ത്വാകൂ᳚ത്യൈ॒, ദൈവീ॑, മി॒യന്തേ॒, വസ്വ്യ॑സ്യ॒ഗ്മ്॒ ശുനാ॑ തേ॒, സോമ॑ന്ത॒, ഉദായു॑ഷാ॒, പ്ര ച്യ॑വസ്വാ॒, ഽഗ്നേ രാ॑തി॒ഥ്യ, -മ॒ഗ്മ്॒ശുരഗ്മ്॑ ശു, ര്വി॒ത്തായ॑നീ മേ-ഽസി, യു॒ഞ്ചതേ॑, കൃണു॒ഷ്വ പാജ॒, ശ്ചതു॑ര്ദശ ।)
(ആപോ॒-വസ്വ്യ॑സി॒ യാ തവേ॒-യങ്ഗീ-ശ്ചതു॑സ്ത്രിഗ്മ്ശത് ।)
(ആപ॑ ഉന്ദ॒ന്, ത്വദേ॑വീഃ)
॥ ഹരിഃ॑ ഓമ് ॥
॥ കൃഷ്ണ യജുര്വേദീയ തൈത്തിരീയ സംഹിതായാ-മ്പ്രഥമകാണ്ഡേ ദ്വിതീയഃ പ്രശ്ന-സ്സമാപ്തഃ ॥