കൃഷ്ണ യജുര്വേദീയ തൈത്തിരീയ സംഹിതായാ-മ്പ്രഥമകാണ്ഡേ പഞ്ചമഃ പ്രശ്നഃ – പുനരാധാനം
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥
ദേ॒വാ॒സു॒രാ-സ്സംയഁ ॑ത്താ ആസ॒ന്തേ ദേ॒വാ വി॑ജ॒യമു॑പ॒യന്തോ॒ ഽഗ്നൌ വാ॒മം-വഁസു॒ സ-ന്ന്യ॑ദധതേ॒ദമു॑ നോ ഭവിഷ്യതി॒ യദി॑ നോ ജേ॒ഷ്യന്തീതി॒ തദ॒ഗ്നിര്ന്യ॑കാമയത॒ തേനാപാ᳚ക്രാമ॒-ത്തദ്ദേ॒വാ വി॒ജിത്യാ॑വ॒രുരു॑ഥ്സമാനാ॒ അന്വാ॑യ॒-ന്തദ॑സ്യ॒ സഹ॒സാ-ഽഽദി॑ഥ്സന്ത॒ സോ॑ ഽരോദീ॒ദ്യദരോ॑ദീ॒-ത്ത-ദ്രു॒ദ്രസ്യ॑ രുദ്ര॒ത്വം-യഁദശ്വ്രശീ॑യത॒ ത- [തത്, ര॒ജ॒തഗ്മ്] 1
ദ്ര॑ജ॒തഗ്മ് ഹിര॑ണ്യമഭവ॒-ത്തസ്മാ᳚-ദ്രജ॒തഗ്മ് ഹിര॑ണ്യ-മദക്ഷി॒ണ്യ-മ॑ശ്രു॒ജഗ്മ് ഹി യോ ബ॒ര്॒ഹിഷി॒ ദദാ॑തി പു॒രാ-ഽസ്യ॑ സംവഁഥ്സ॒രാ-ദ്ഗൃ॒ഹേ രു॑ദന്തി॒ തസ്മാ᳚-ദ്ബ॒ര്॒ഹിഷി॒ ന ദേയ॒ഗ്മ്॒ സോ᳚-ഽഗ്നിര॑ബ്രവീ-ദ്ഭാ॒ഗ്യ॑സാ॒ന്യഥ॑ വ ഇ॒ദമിതി॑ പുനരാ॒ധേയ॑-ന്തേ॒ കേവ॑ല॒മിത്യ॑ബ്രുവ-ന്നൃ॒ദ്ധ്നവ॒-ത്ഖലു॒ സ ഇത്യ॑ബ്രവീ॒ദ്യോ മ॑ദ്ദേവ॒ത്യ॑-മ॒ഗ്നി-മാ॒ദധാ॑താ॒ ഇതി॒ ത-മ്പൂ॒ഷാ-ഽഽധ॑ത്ത॒ തേന॑ [ ] 2
പൂ॒ഷാ-ഽഽര്ധ്നോ॒-ത്തസ്മാ᳚-ത്പൌ॒ഷ്ണാഃ പ॒ശവ॑ ഉച്യന്തേ॒ ത-ന്ത്വഷ്ടാ-ഽഽധ॑ത്ത॒ തേന॒ ത്വഷ്ടാ᳚-ഽഽര്ധ്നോ॒-ത്തസ്മാ᳚-ത്ത്വാ॒ഷ്ട്രാഃ പ॒ശവ॑ ഉച്യന്തേ॒ ത-മ്മനു॒രാ-ഽധ॑ത്ത॒ തേന॒ മനു॑രാ॒ര്ധ്നോ॒-ത്തസ്മാ᳚ന്മാന॒വ്യഃ॑ പ്ര॒ജാ ഉ॑ച്യന്തേ॒ ത-ന്ധാ॒താ-ഽഽധ॑ത്ത॒ തേന॑ ധാ॒താ-ഽഽര്ധ്നോ᳚-ഥ്സംവഁഥ്സ॒രോ വൈ ധാ॒താ തസ്മാ᳚-ഥ്സംവഁഥ്സ॒ര-മ്പ്ര॒ജാഃ പ॒ശവോ-ഽനു॒ പ്ര ജാ॑യന്തേ॒ യ ഏ॒വ-മ്പു॑നരാ॒ധേയ॒സ്യര്ധിം॒-വേഁദ॒- [ഏ॒വ-മ്പു॑നരാ॒ധേയ॒സ്യര്ധിം॒-വേഁദ॑, ഋ॒ധ്നോത്യേ॒വ] 3
-ര്ധ്നോത്യേ॒വ യോ᳚-ഽസ്യൈ॒വ-മ്ബ॒ന്ധുതാം॒-വേഁദ॒ ബന്ധു॑മാ-ന്ഭവതി ഭാഗ॒ധേയം॒-വാഁ അ॒ഗ്നിരാഹി॑ത ഇ॒ച്ഛമാ॑നഃ പ്ര॒ജാ-മ്പ॒ശൂന് യജ॑മാന॒സ്യോപ॑ ദോദ്രാവോ॒ദ്വാസ്യ॒ പുന॒രാ ദ॑ധീത ഭാഗ॒ധേയേ॑നൈ॒വൈന॒ഗ്മ്॒ സമ॑ര്ധയ॒ത്യഥോ॒ ശാന്തി॑രേ॒വാസ്യൈ॒ഷാ പുന॑ര്വസ്വോ॒രാ ദ॑ധീതൈ॒തദ്വൈ പു॑നരാ॒ധേയ॑സ്യ॒ നക്ഷ॑ത്രം॒-യഁ-ത്പുന॑ര്വസൂ॒ സ്വായാ॑മേ॒വൈന॑-ന്ദേ॒വതാ॑യാമാ॒ധായ॑ ബ്രഹ്മവര്ച॒സീ ഭ॑വതി ദ॒ര്ഭൈ രാ ദ॑ധാ॒ത്യയാ॑തയാമത്വായ ദ॒ര്ഭൈരാ ദ॑ധാത്യ॒ദ്ഭ്യ ഏ॒വൈന॒മോഷ॑ധീഭ്യോ ഽവ॒രുദ്ധ്യാ ഽഽധ॑ത്തേ॒ പഞ്ച॑കപാലഃ പുരോ॒ഡാശോ॑ ഭവതി॒ പഞ്ച॒ വാ ഋ॒തവ॑ ഋ॒തുഭ്യ॑ ഏ॒വൈന॑മവ॒രുദ്ധ്യാ ഽഽധ॑ത്തേ ॥ 4 ॥
(അശീ॑യത॒ തത്- തേന॒-വേദ॑- ദ॒ര്ഭൈഃ പഞ്ച॑വിഗ്മ്ശതിശ്ച) (അ. 1)
പരാ॒ വാ ഏ॒ഷ യ॒ജ്ഞ-മ്പ॒ശൂന് വ॑പതി॒ യോ᳚-ഽഗ്നിമു॑ദ്വാ॒സയ॑തേ॒ പഞ്ച॑കപാലഃ പുരോ॒ഡാശോ॑ ഭവതി॒ പാങ്ക്തോ॑ യ॒ജ്ഞഃ പാങ്ക്താഃ᳚ പ॒ശവോ॑ യ॒ജ്ഞമേ॒വ പ॒ശൂനവ॑ രുന്ധേ വീര॒ഹാ വാ ഏ॒ഷ ദേ॒വാനാം॒-യോഁ᳚-ഽഗ്നിമു॑ദ്വാ॒സയ॑തേ॒ ന വാ ഏ॒തസ്യ॑ ബ്രാഹ്മ॒ണാ ഋ॑താ॒യവഃ॑ പു॒രാ-ഽന്ന॑മക്ഷ-ന്പ॒ങ്ക്ത്യോ॑ യാജ്യാനുവാ॒ക്യാ॑ ഭവന്തി॒ പാങ്ക്തോ॑ യ॒ജ്ഞഃ പാങ്ക്തഃ॒ പുരു॑ഷോ ദേ॒വാനേ॒വ വീ॒ര-ന്നി॑രവ॒ദായാ॒ഗ്നി-മ്പുന॒രാ [പുന॒രാ, ധ॒ത്തേ॒ ശ॒താക്ഷ॑രാ ഭവന്തി] 5
ധ॑ത്തേ ശ॒താക്ഷ॑രാ ഭവന്തി ശ॒തായുഃ॒ പുരു॑ഷ-ശ്ശ॒തേന്ദ്രി॑യ॒ ആയു॑ഷ്യേ॒വേന്ദ്രി॒യേ പ്രതി॑ തിഷ്ഠതി॒ യദ്വാ അ॒ഗ്നിരാഹി॑തോ॒ നര്ധ്യതേ॒ ജ്യായോ॑ ഭാഗ॒ധേയ॑-ന്നികാ॒മയ॑മാനോ॒ യദാ᳚ഗ്നേ॒യഗ്മ് സര്വ॒-മ്ഭവ॑തി॒ സൈവാസ്യര്ധി॒-സ്സം-വാഁ ഏ॒തസ്യ॑ ഗൃ॒ഹേ വാക് സൃ॑ജ്യതേ॒ യോ᳚-ഽഗ്നിമു॑ദ്വാ॒സയ॑തേ॒ സ വാച॒ഗ്മ്॒ സഗ്മ്സൃ॑ഷ്ടാം॒-യഁജ॑മാന ഈശ്വ॒രോ-ഽനു॒ പരാ॑ഭവിതോ॒-ര്വിഭ॑ക്തയോ ഭവന്തി വാ॒ചോ വിധൃ॑ത്യൈ॒ യജ॑മാന॒സ്യാ-ഽപ॑രാഭാവായ॒ [-ഽപ॑രാഭാവായ, വിഭ॑ക്തി-ങ്കരോതി॒] 6
വിഭ॑ക്തി-ങ്കരോതി॒ ബ്രഹ്മൈ॒വ തദ॑കരുപാ॒ഗ്മ്॒ശു യ॑ജതി॒ യഥാ॑ വാ॒മം-വഁസു॑ വിവിദാ॒നോ ഗൂഹ॑തി താ॒ദൃഗേ॒വ തദ॒ഗ്നി-മ്പ്രതി॑ സ്വിഷ്ട॒കൃത॒-ന്നിരാ॑ഹ॒ യഥാ॑ വാ॒മം-വഁസു॑ വിവിദാ॒നഃ പ്ര॑കാ॒ശ-ഞ്ജിഗ॑മിഷതി താ॒ദൃഗേ॒വ തദ്വിഭ॑ക്തിമു॒ക്ത്വാ പ്ര॑യാ॒ജേന॒ വഷ॑ട്കരോത്യാ॒യത॑നാദേ॒വ നൈതി॒ യജ॑മാനോ॒ വൈ പു॑രോ॒ഡാശഃ॑ പ॒ശവ॑ ഏ॒തേ ആഹു॑തീ॒ യദ॒ഭിതഃ॑ പുരോ॒ഡാശ॑മേ॒തേ ആഹു॑തീ [ ] 7
ജു॒ഹോതി॒ യജ॑മാനമേ॒വോഭ॒യതഃ॑ പ॒ശുഭിഃ॒ പരി॑ ഗൃഹ്ണാതി കൃ॒തയ॑ജു॒-സ്സമ്ഭൃ॑തസമ്ഭാര॒ ഇത്യാ॑ഹു॒ര്ന സ॒മ്ഭൃത്യാ᳚-സ്സമ്ഭാ॒രാ ന യജുഃ॑ കര്ത॒വ്യ॑മിത്യഥോ॒ ഖലു॑ സ॒മ്ഭൃത്യാ॑ ഏ॒വ സ॑മ്ഭാ॒രാഃ ക॑ര്ത॒വ്യം॑-യഁജു॑-ര്യ॒ജ്ഞസ്യ॒ സമൃ॑ദ്ധ്യൈ പുനര്നിഷ്കൃ॒തോ രഥോ॒ ദക്ഷി॑ണാ പുനരുഥ്സ്യൂ॒തം-വാഁസഃ॑ പുനരുഥ്സൃ॒ഷ്ടോ॑-ഽന॒ഡ്വാ-ന്പു॑നരാ॒ധേയ॑സ്യ॒ സമൃ॑ദ്ധ്യൈ സ॒പ്ത തേ॑ അഗ്നേ സ॒മിധ॑-സ്സ॒പ്ത ജി॒ഹ്വാ ഇത്യ॑ഗ്നിഹോ॒ത്ര-ഞ്ജു॑ഹോതി॒ യത്ര॑യത്രൈ॒വാസ്യ॒ ന്യ॑ക്ത॒-ന്തത॑ [ന്യ॑ക്ത॒-ന്തതഃ॑, ഏ॒വൈന॒മവ॑ രുന്ധേ] 8
ഏ॒വൈന॒മവ॑ രുന്ധേ വീര॒ഹാ വാ ഏ॒ഷ ദേ॒വാനാം॒-യോഁ᳚-ഽഗ്നിമു॑ദ്വാ॒സയ॑തേ॒ തസ്യ॒ വരു॑ണ ഏ॒വര്ണ॒യാദാ᳚ഗ്നിവാരു॒ണ-മേകാ॑ദശകപാല॒മനു॒ നിര്വ॑പേ॒ദ്യ-ഞ്ചൈ॒വ ഹന്തി॒ യശ്ചാ᳚സ്യര്ണ॒യാത്തൌ ഭാ॑ഗ॒ധേയേ॑ന പ്രീണാതി॒ നാ-ഽഽര്തി॒മാര്ച്ഛ॑തി॒ യജ॑മാനഃ ॥ 9 ॥
(ആ-ഽപ॑രാഭാവായ-പുരോ॒ഡാശ॑മേ॒തേ-ആഹു॑തീ॒-തതഃ॒ -ഷടത്രിഗ്മ്॑ശച്ച) (അ. 2)
ഭൂമി॑-ര്ഭൂ॒മ്നാ ദ്യൌ-ര്വ॑രി॒ണാ-ഽന്തരി॑ക്ഷ-മ്മഹി॒ത്വാ । ഉ॒പസ്ഥേ॑ തേ ദേവ്യദിതേ॒ ഽഗ്നിമ॑ന്നാ॒ദമ॒ന്നാദ്യാ॒യാ-ഽഽദ॑ധേ ॥ ആ-ഽയ-ങ്ഗൌഃ പൃശ്ഞി॑രക്രമീ॒ദസ॑ന-ന്മാ॒തര॒-മ്പുനഃ॑ । പി॒തര॑-ഞ്ച പ്ര॒യന്-ഥ്സുവഃ॑ ॥ ത്രി॒ഗ്മ്॒ശദ്ധാമ॒ വി രാ॑ജതി॒ വാ-ക്പ॑ത॒ങ്ഗായ॑ ശിശ്രിയേ । പ്രത്യ॑സ്യ വഹ॒ ദ്യുഭിഃ॑ ॥ അ॒സ്യ പ്രാ॒ണാദ॑പാന॒ത്യ॑ന്തശ്ച॑രതി രോച॒നാ । വ്യ॑ഖ്യ-ന്മഹി॒ഷ-സ്സുവഃ॑ ॥ യത്ത്വാ᳚ [ ] 10
ക്രു॒ദ്ധഃ പ॑രോ॒വപ॑ മ॒ന്യുനാ॒ യദവ॑ര്ത്യാ । സു॒കല്പ॑മഗ്നേ॒ തത്തവ॒ പുന॒സ്ത്വോദ്ദീ॑പയാമസി ॥യത്തേ॑ മ॒ന്യുപ॑രോപ്തസ്യ പൃഥി॒വീമനു॑ ദദ്ധ്വ॒സേ । ആ॒ദി॒ത്യാ വിശ്വേ॒ തദ്ദേ॒വാ വസ॑വശ്ച സ॒മാഭ॑രന്ന് ॥ മനോ॒ ജ്യോതി॑-ര്ജുഷതാ॒മാജ്യം॒-വിഁച്ഛി॑ന്നം-യഁ॒ജ്ഞഗ്മ് സമി॒മ-ന്ദ॑ധാതു । ബൃഹ॒സ്പതി॑സ്തനുതാമി॒മ-ന്നോ॒ വിശ്വേ॑ ദേ॒വാ ഇ॒ഹ മാ॑ദയന്താമ് ॥ സ॒പ്ത തേ॑ അഗ്നേ സ॒മിധ॑-സ്സ॒പ്ത ജി॒ഹ്വാ-സ്സ॒പ്ത- [ജി॒ഹ്വാ-സ്സ॒പ്ത, ഋഷ॑യ-സ്സ॒പ്ത ധാമ॑] 11
-ര്ഷ॑യ-സ്സ॒പ്ത ധാമ॑ പ്രി॒യാണി॑ । സ॒പ്ത ഹോത്രാ᳚-സ്സപ്ത॒ധാ ത്വാ॑ യജന്തി സ॒പ്ത യോനീ॒രാ പൃ॑ണസ്വാ ഘൃ॒തേന॑ ॥ പുന॑രൂ॒ര്ജാ നി വ॑ര്തസ്വ॒ പുന॑രഗ്ന ഇ॒ഷാ-ഽഽയു॑ഷാ । പുന॑ര്നഃ പാഹി വി॒ശ്വതഃ॑ ॥ സ॒ഹ ര॒യ്യാ നി വ॑ര്ത॒സ്വാഗ്നേ॒ പിന്വ॑സ്വ॒ ധാര॑യാ । വി॒ശ്വഫ്സ്നി॑യാ വി॒ശ്വത॒സ്പരി॑ ॥ ലേക॒-സ്സലേ॑ക-സ്സു॒ലേക॒സ്തേ ന॑ ആദി॒ത്യാ ആജ്യ॑-ഞ്ജുഷാ॒ണാ വി॑യന്തു॒ കേത॒-സ്സകേ॑ത-സ്സു॒കേത॒സ്തേ ന॑ ആദി॒ത്യാ ആജ്യ॑-ഞ്ജുഷാ॒ണാ വി॑യന്തു॒ വിവ॑സ്വാ॒ഗ്മ്॒ അദി॑തി॒-ര്ദേവ॑ജൂതി॒സ്തേ ന॑ ആദി॒ത്യാ ആജ്യ॑-ഞ്ജുഷാ॒ണാ വി॑യന്തു ॥ 12 ॥
(ത്വാ॒-ജി॒ഹ്വാ-സ്സ॒പ്ത-സു॒കേത॒സ്തേ ന॒-സ്ത്രയോ॑ദശ ച ) (അ. 3)
ഭൂമി॑-ര്ഭൂ॒മ്നാ ദ്യൌ-ര്വ॑രി॒ണേത്യാ॑ഹാ॒-ഽഽശിഷൈ॒വൈന॒മാ ധ॑ത്തേ സ॒ര്പാ വൈ ജീര്യ॑ന്തോ ഽമന്യന്ത॒ സ ഏ॒ത-ങ്ക॑സ॒ര്ണീരഃ॑ കാദ്രവേ॒യോ മന്ത്ര॑മപശ്യ॒-ത്തതോ॒ വൈ തേ ജീ॒ര്ണാസ്ത॒നൂരപാ᳚ഘ്നത സര്പരാ॒ജ്ഞിയാ॑ ഋ॒ഗ്ഭി-ര്ഗാര്ഹ॑പത്യ॒മാ ദ॑ധാതി പുനര്ന॒വമേ॒വൈന॑മ॒ജര॑-ങ്കൃ॒ത്വാ ഽഽധ॒ത്തേ-ഽഥോ॑ പൂ॒തമേ॒വ പൃ॑ഥി॒വീമ॒ന്നാദ്യ॒-ന്നോപാ॑-ഽനമ॒ഥ്സൈത- [നോപാ॑-ഽനമ॒ഥ്സൈതമ്, മന്ത്ര॑മപശ്യ॒-ത്തതോ॒ വൈ] 13
-മ്മന്ത്ര॑മപശ്യ॒-ത്തതോ॒ വൈ താമ॒ന്നാദ്യ॒-മുപാ॑നമ॒ദ്യഥ് -സ॑ര്പരാ॒ജ്ഞിയാ॑ ഋ॒ഗ്ഭി-ര്ഗാര്ഹ॑പത്യ-മാ॒ദധാ᳚ത്യ॒ന്നാദ്യ॒സ്യാവ॑രുദ്ധ്യാ॒ അഥോ॑ അ॒സ്യാമേ॒വൈന॒-മ്പ്രതി॑ഷ്ഠിത॒മാ ധ॑ത്തേ॒ യത്ത്വാ᳚ ക്രു॒ദ്ധഃ പ॑രോ॒വപേത്യാ॒ഹാപ॑ഹ്നുത ഏ॒വാസ്മൈ॒ ത-ത്പുന॒സ്ത്വോദ്ദീ॑പയാമ॒സീത്യാ॑ഹ॒ സമി॑ന്ധ ഏ॒വൈനം॒-യഁത്തേ॑ മ॒ന്യുപ॑രോപ്ത॒സ്യേത്യാ॑ഹ ദേ॒വതാ॑ഭിരേ॒വൈ- [ദേ॒വതാ॑ഭിരേ॒വ, ഏ॒ന॒ഗ്മ്॒ സ-മ്ഭ॑രതി॒ വി വാ] 14
-ന॒ഗ്മ്॒ സ-മ്ഭ॑രതി॒ വി വാ ഏ॒തസ്യ॑ യ॒ജ്ഞശ്ഛി॑ദ്യതേ॒ യോ᳚-ഽഗ്നിമു॑ദ്വാ॒സയ॑തേ॒ ബൃഹ॒സ്പതി॑വത്യ॒ര്ചോപ॑ തിഷ്ഠതേ॒ ബ്രഹ്മ॒ വൈ ദേ॒വാനാ॒-മ്ബൃഹ॒സ്പതി॒-ര്ബ്രഹ്മ॑ണൈ॒വ യ॒ജ്ഞഗ്മ് സ-ന്ദ॑ധാതി॒ വിച്ഛി॑ന്നം-യഁ॒ജ്ഞഗ്മ് സമി॒മ-ന്ദ॑ധാ॒ത്വിത്യാ॑ഹ॒ സന്ത॑ത്യൈ॒ വിശ്വേ॑ ദേ॒വാ ഇ॒ഹ മാ॑ദയന്താ॒മിത്യാ॑ഹ സ॒ന്തത്യൈ॒വ യ॒ജ്ഞ-ന്ദേ॒വേഭ്യോ-ഽനു॑ ദിശതി സ॒പ്ത തേ॑ അഗ്നേ സ॒മിധ॑-സ്സ॒പ്ത ജി॒ഹ്വാ [ജി॒ഹ്വാഃ, ഇത്യാ॑ഹ] 15
ഇത്യാ॑ഹ സ॒പ്തസ॑പ്ത॒ വൈ സ॑പ്ത॒ധാ-ഽഗ്നേഃ പ്രി॒യാസ്ത॒നുവ॒സ്താ ഏ॒വാവ॑ രുന്ധേ॒ പുന॑രൂ॒ര്ജാ സ॒ഹ ര॒യ്യേത്യ॒ഭിതഃ॑ പുരോ॒ഡാശ॒മാഹു॑തീ ജുഹോതി॒ യജ॑മാനമേ॒വോര്ജാ ച॑ ര॒യ്യാ ചോ॑ഭ॒യതഃ॒ പരി॑ ഗൃഹ്ണാത്യാദി॒ത്യാ വാ അ॒സ്മാല്ലോ॒കാദ॒മും-ലോഁ॒കമാ॑യ॒-ന്തേ॑-ഽമുഷ്മി॑-ല്ലോഁ॒കേ വ്യ॑തൃഷ്യ॒-ന്ത ഇ॒മം-ലോഁ॒ക-മ്പുന॑രഭ്യ॒വേത്യാ॒ ഽഗ്നിമാ॒ധായൈ॒-താന്. ഹോമാ॑നജുഹവു॒സ്ത ആ᳚ര്ധ്നുവ॒-ന്തേ സു॑വ॒ര്ഗം-ലോഁ॒കമാ॑യ॒ന്॒. യഃ പ॑രാ॒ചീന॑-മ്പുനരാ॒ധേയാ॑ദ॒ഗ്നിമാ॒ദധീ॑ത॒ സ ഏ॒താന്. ഹോമാ᳚ന് ജുഹുയാ॒ദ്യാമേ॒വാ-ഽഽദി॒ത്യാ ഋദ്ധി॒മാര്ധ്നു॑വ॒-ന്താമേ॒വര്ധ്നോ॑തി ॥ 16 ॥
(സൈതം-ദേ॒വതാ॑ഭിരേ॒വ-ജി॒ഹ്വാ-ഏ॒താന്-പഞ്ച॑വിഗ്മ്ശതിശ്ച ) (അ. 4)
ഉ॒പ॒പ്ര॒യന്തോ॑ അദ്ധ്വ॒ര-മ്മന്ത്രം॑-വോഁചേമാ॒ഗ്നയേ᳚ । ആ॒രേ അ॒സ്മേ ച॑ ശൃണ്വ॒തേ ॥ അ॒സ്യ പ്ര॒ത്നാമനു॒ ദ്യുതഗ്മ്॑ ശു॒ക്ര-ന്ദു॑ദുഹ്രേ॒ അഹ്ര॑യഃ । പയ॑-സ്സഹസ്ര॒സാമൃഷി᳚മ് ॥ അ॒ഗ്നി-ര്മൂ॒ര്ധാ ദി॒വഃ ക॒കുത്പതിഃ॑ പൃഥി॒വ്യാ അ॒യമ് । അ॒പാഗ്മ് രേതാഗ്മ്॑സി ജിന്വതി ॥ അ॒യമി॒ഹ പ്ര॑ഥ॒മോ ധാ॑യി ധാ॒തൃഭി॒ര്॒ ഹോതാ॒ യജി॑ഷ്ഠോ അധ്വ॒രേഷ്വീഡ്യഃ॑ ॥ യമപ്ന॑വാനോ॒ ഭൃഗ॑വോ വിരുരു॒ചുര്വനേ॑ഷു ചി॒ത്രം-വിഁ॒ഭുവം॑-വിഁ॒ശേവി॑ശേ ॥ ഉ॒ഭാ വാ॑മിന്ദ്രാഗ്നീ ആഹു॒വദ്ധ്യാ॑ [ആഹു॒വദ്ധ്യൈ᳚, ഉ॒ഭാ] 17
ഉ॒ഭാ രാധ॑സ-സ്സ॒ഹ മാ॑ദ॒യദ്ധ്യൈ᳚ । ഉ॒ഭാ ദാ॒താരാ॑വി॒ഷാഗ്മ് ര॑യീ॒ണാമു॒ഭാ വാജ॑സ്യ സാ॒തയേ॑ ഹുവേ വാമ് ॥ അ॒യ-ന്തേ॒ യോനി॑ര്-ഋ॒ത്വിയോ॒ യതോ॑ ജാ॒തോ അരോ॑ചഥാഃ । ത-ഞ്ജാ॒നന്ന॑ഗ്ന॒ ആ രോ॒ഹാഥാ॑ നോ വര്ധയാ ര॒യിമ് ॥ അഗ്ന॒ ആയൂഗ്മ്॑ഷി പവസ॒ ആ സു॒വോര്ജ॒മിഷ॑-ഞ്ച നഃ । ആ॒രേ ബാ॑ധസ്വ ദു॒ച്ഛുനാ᳚മ് ॥ അഗ്നേ॒ പവ॑സ്വ॒ സ്വപാ॑ അ॒സ്മേ വര്ച॑-സ്സു॒വീര്യ᳚മ് । ദധ॒ത്പോഷഗ്മ്॑ ര॒യി- [ര॒യിമ്, മ്മയി॑ ।] 18
-മ്മയി॑ ॥ അഗ്നേ॑ പാവക രോ॒ചിഷാ॑ മ॒ന്ദ്രയാ॑ ദേവ ജി॒ഹ്വയാ᳚ । ആ ദേ॒വാന്. വ॑ക്ഷി॒ യക്ഷി॑ ച ॥ സ നഃ॑ പാവക ദീദി॒വോ-ഽഗ്നേ॑ ദേ॒വാഗ്മ് ഇ॒ഹാ ഽഽവ॑ഹ । ഉപ॑ യ॒ജ്ഞഗ്മ് ഹ॒വിശ്ച॑ നഃ ॥ അ॒ഗ്നി-ശ്ശുചി॑വ്രതതമ॒-ശ്ശുചി॒-ര്വിപ്ര॒-ശ്ശുചിഃ॑ ക॒വിഃ । ശുചീ॑ രോചത॒ ആഹു॑തഃ ॥ ഉദ॑ഗ്നേ॒ ശുച॑യ॒സ്തവ॑ ശു॒ക്രാ ഭ്രാജ॑ന്ത ഈരതേ । തവ॒ ജ്യോതീഗ്॑ഷ്യ॒ര്ചയഃ॑ ॥ ആ॒യു॒ര്ദാ അ॑ഗ്നേ॒-ഽസ്യായു॑ര്മേ [അ॑ഗ്നേ॒-ഽസ്യായു॑ര്മേ, ദേ॒ഹി॒ വ॒ര്ചോ॒ദാ] 19
ദേഹി വര്ചോ॒ദാ അ॑ഗ്നേ-ഽസി॒ വര്ചോ॑ മേ ദേഹി തനൂ॒പാ അ॑ഗ്നേ-ഽസി ത॒നുവ॑-മ്മേ പാ॒ഹ്യഗ്നേ॒ യന്മേ॑ ത॒നുവാ॑ ഊ॒ന-ന്തന്മ॒ ആ പൃ॑ണ॒ ചിത്രാ॑വസോ സ്വ॒സ്തി തേ॑ പാ॒രമ॑ശീ॒യേന്ധാ॑നാസ്ത്വാ ശ॒തഗ്മ് ഹിമാ᳚ ദ്യു॒മന്ത॒-സ്സമി॑ധീമഹി॒ വയ॑സ്വന്തോ വയ॒സ്കൃതം॒-യഁശ॑സ്വന്തോ യശ॒സ്കൃതഗ്മ്॑ സു॒വീരാ॑സോ॒ അദാ᳚ഭ്യമ് । അഗ്നേ॑ സപത്ന॒ദമ്ഭ॑നം॒-വഁര്ഷി॑ഷ്ഠേ॒ അധി॒ നാകേ᳚ ॥ സ-ന്ത്വമ॑ഗ്നേ॒ സൂര്യ॑സ്യ॒ വര്ച॑സാ ഽഗഥാ॒-സ്സമൃഷീ॑ണാഗ് സ്തു॒തേന॒ സ-മ്പ്രി॒യേണ॒ ധാമ്നാ᳚ । ത്വമ॑ഗ്നേ॒ സൂര്യ॑വര്ചാ അസി॒ സ-മ്മാമായു॑ഷാ॒ വര്ച॑സാ പ്ര॒ജയാ॑ സൃജ ॥ 20 ॥
(ആ॒ഹു॒വദ്ധ്യൈ॒-പോഷഗ്മ്॑ ര॒യിം-മേ॒-വര്ച॑സാ-സ॒പ്തദ॑ശ ച ) (അ. 5)
സ-മ്പ॑ശ്യാമി പ്ര॒ജാ അ॒ഹ-മിഡ॑പ്രജസോ മാന॒വീഃ । സര്വാ॑ ഭവന്തു നോ ഗൃ॒ഹേ । അമ്ഭ॒-സ്സ്ഥാമ്ഭോ॑ വോ ഭക്ഷീയ॒ മഹ॑-സ്സ്ഥ॒ മഹോ॑ വോ ഭക്ഷീയ॒ സഹ॑-സ്സ്ഥ॒ സഹോ॑ വോ ഭക്ഷീ॒യോര്ജ॒-സ്സ്ഥോര്ജം॑-വോഁ ഭക്ഷീയ॒ രേവ॑തീ॒ രമ॑ദ്ധ്വ-മ॒സ്മി-ല്ലോഁ॒കേ᳚-ഽസ്മി-ന്ഗോ॒ഷ്ഠേ᳚-ഽസ്മിന് ക്ഷയേ॒-ഽസ്മിന് യോനാ॑വി॒ഹൈവ സ്തേ॒തോ മാ-ഽപ॑ ഗാത ബ॒ഹ്വീര്മേ॑ ഭൂയാസ്ത [ഭൂയാസ്ത, സ॒ഗ്മ്॒ഹി॒താ-ഽസി॑] 21
സഗ്മ്ഹി॒താ-ഽസി॑ വിശ്വരൂ॒പീരാ മോ॒ര്ജാ വി॒ശാ ഽഽഗൌ॑പ॒ത്യേനാ ഽഽരാ॒യസ്പോഷേ॑ണ സഹസ്രപോ॒ഷം-വഁ ഃ॑ പുഷ്യാസ॒-മ്മയി॑ വോ॒ രായ॑-ശ്ശ്രയന്താമ് ॥ ഉപ॑ ത്വാ-ഽഗ്നേ ദി॒വേദി॑വേ॒ ദോഷാ॑വസ്തര്ധി॒യാ വ॒യമ് । നമോ॒ ഭര॑ന്ത॒ ഏമ॑സി ॥ രാജ॑ന്തമദ്ധ്വ॒രാണാ᳚-ങ്ഗോ॒പാമൃ॒തസ്യ॒ ദീദി॑വിമ് । വര്ധ॑മാന॒ഗ്ഗ്॒ സ്വേ ദമേ᳚ ॥ സ നഃ॑ പി॒തേവ॑ സൂ॒നവേ-ഽഗ്നേ॑ സൂപായ॒നോ ഭ॑വ । സച॑സ്വാ ന-സ്സ്വ॒സ്തയേ᳚ ॥ അഗ്നേ॒ [അഗ്നേ᳚, ത്വ-ന്നോ॒ അന്ത॑മഃ ।] 22
ത്വ-ന്നോ॒ അന്ത॑മഃ । ഉ॒ത ത്രാ॒താ ശി॒വോ ഭ॑വ വരൂ॒ത്ഥ്യഃ॑ ॥ ത-ന്ത്വാ॑ ശോചിഷ്ഠ ദീദിവഃ । സു॒മ്നായ॑ നൂ॒നമീ॑മഹേ॒ സഖി॑ഭ്യഃ ॥ വസു॑ര॒ഗ്നി-ര്വസു॑ശ്രവാഃ । അച്ഛാ॑ നക്ഷി ദ്യു॒മത്ത॑മോ ര॒യി-ന്ദാഃ᳚ ॥ ഊ॒ര്ജാ വഃ॑ പശ്യാമ്യൂ॒ര്ജാ മാ॑ പശ്യത രാ॒യസ്പോഷേ॑ണ വഃ പശ്യാമി രാ॒യസ്പോഷേ॑ണ മാ പശ്യ॒തേഡാ᳚-സ്സ്ഥ മധു॒കൃത॑-സ്സ്യോ॒നാ മാ ഽഽവി॑ശ॒തേരാ॒ മദഃ॑ । സ॒ഹ॒സ്ര॒പോ॒ഷം-വഁ ഃ॑ പുഷ്യാസ॒- [പുഷ്യാസ॒മ്, മയി॑] 23
മ്മയി॑ വോ॒ രായ॑-ശ്ശ്രയന്താമ് ॥ തഥ്സ॑വി॒തു-ര്വരേ᳚ണ്യ॒-മ്ഭര്ഗോ॑ ദേ॒വസ്യ॑ ധീമഹി । ധിയോ॒ യോനഃ॑ പ്രചോ॒ദയാ᳚ത് ॥ സോ॒മാന॒ഗ്ഗ്॒ സ്വര॑ണ-ങ്കൃണു॒ഹി ബ്ര॑ഹ്മണസ്പതേ । ക॒ക്ഷീവ॑ന്തം॒-യഁ ഔ॑ശി॒ജമ് ॥ ക॒ദാ ച॒ന സ്ത॒രീര॑സി॒ നേന്ദ്ര॑ സശ്ചസി ദാ॒ശുഷേ᳚ ॥ ഉപോ॒പേന്നു മ॑ഘവ॒-ന്ഭുയ॒ ഇന്നു തേ॒ ദാന॑-ന്ദേ॒വസ്യ॑ പൃച്യതേ ॥ പരി॑ ത്വാ-ഽഗ്നേ॒ പുരം॑-വഁ॒യം-വിഁപ്രഗ്മ്॑ സഹസ്യ ധീമഹി ॥ ധൃ॒ഷദ്വ॑ര്ണ-ന്ദി॒വേദി॑വേ ഭേ॒ത്താര॑-മ്ഭങ്ഗു॒രാവ॑തഃ ॥ അഗ്നേ॑ ഗൃഹപതേ സുഗൃഹപ॒തിര॒ഹ-ന്ത്വയാ॑ ഗൃ॒ഹപ॑തിനാ ഭൂയാസഗ്മ് സുഗൃഹപ॒തിര്മയാ॒ ത്വ-ങ്ഗൃ॒ഹപ॑തിനാ ഭൂയാ-ശ്ശ॒തഗ്മ് ഹിമാ॒സ്താമാ॒ശിഷ॒മാ ശാ॑സേ॒ തന്ത॑വേ॒ ജ്യോതി॑ഷ്മതീ॒-ന്താമാ॒ശിഷ॒മാ ശാ॑സേ॒-ഽമുഷ്മൈ॒ ജ്യോതി॑ഷ്മതീമ് ॥ 24 ॥
(ഭൂ॒യാ॒സ്ത॒-സ്വ॒സ്തയേ-ഽഗ്നേ॑-പുഷ്യാസം-ധൃ॒ഷദ്വ॑ര്ണ॒-മേകാ॒ന്നത്രി॒ഗ്മ്॒ശച്ച॑ ) (അ. 6)
അയ॑ജ്ഞോ॒ വാ ഏ॒ഷ യോ॑-ഽസാ॒മോപ॑പ്ര॒യന്തോ॑ അദ്ധ്വ॒രമിത്യാ॑ഹ॒ സ്തോമ॑മേ॒വാസ്മൈ॑ യുന॒ക്ത്യുപേത്യാ॑ഹ പ്ര॒ജാ വൈ പ॒ശവ॒ ഉപേ॒മം-ലോഁ॒ക-മ്പ്ര॒ജാമേ॒വ പ॒ശൂനി॒മം-ലോഁ॒കമുപൈ᳚ത്യ॒സ്യ പ്ര॒ത്നാമനു॒ ദ്യുത॒മിത്യാ॑ഹ സുവ॒ര്ഗോ വൈ ലോ॒കഃ പ്ര॒ത്ന-സ്സു॑വ॒ര്ഗമേ॒വ ലോ॒കഗ്മ് സ॒മാരോ॑ഹത്യ॒ഗ്നി-ര്മൂ॒ര്ധാ ദി॒വഃ ക॒കുദിത്യാ॑ഹ മൂ॒ര്ധാന॑- [മൂ॒ര്ധാന᳚മ്, ഏ॒വൈനഗ്മ്॑] 25
മേ॒വൈനഗ്മ്॑ സമാ॒നാനാ᳚-ങ്കരോ॒ത്യഥോ॑ ദേവലോ॒കാദേ॒വ മ॑നുഷ്യലോ॒കേ പ്രതി॑ തിഷ്ഠത്യ॒യമി॒ഹ പ്ര॑ഥ॒മോ ധാ॑യി ധാ॒തൃഭി॒രിത്യാ॑ഹ॒ മുഖ്യ॑മേ॒വൈന॑-ങ്കരോത്യു॒ഭാ വാ॑മിന്ദ്രാഗ്നീ ആഹു॒വദ്ധ്യാ॒ ഇത്യാ॒ഹൌജോ॒ ബല॑മേ॒വാവ॑ രുന്ധേ॒ ഽയ-ന്തേ॒ യോനി॑ര്-ഋ॒ത്വിയ॒ ഇത്യാ॑ഹ പ॒ശവോ॒ വൈ ര॒യിഃ പ॒ശൂനേ॒വാവ॑ രുന്ധേ ഷ॒ഡ്ഭിരുപ॑ തിഷ്ഠതേ॒ ഷഡ്വാ [ഷഡ്വൈ, ഋ॒തവ॑ ഋ॒തുഷ്വേ॒വ] 26
ഋ॒തവ॑ ഋ॒തുഷ്വേ॒വ പ്രതി॑ തിഷ്ഠതി ഷ॒ഡ്ഭിരുത്ത॑രാഭി॒രുപ॑ തിഷ്ഠതേ॒ ദ്വാദ॑ശ॒ സ-മ്പ॑ദ്യന്തേ॒ ദ്വാദ॑ശ॒ മാസാ᳚-സ്സംവഁഥ്സ॒ര-സ്സം॑വഁഥ്സ॒ര ഏ॒വ പ്രതി॑ തിഷ്ഠതി॒ യഥാ॒ വൈ പുരു॒ഷോ-ഽശ്വോ॒ ഗൌ-ര്ജീര്യ॑ത്യേ॒വ-മ॒ഗ്നിരാഹി॑തോ ജീര്യതി സംവഁഥ്സ॒രസ്യ॑ പ॒രസ്താ॑ദാഗ്നിപാവമാ॒നീഭി॒-രുപ॑ തിഷ്ഠതേ പുനര്ന॒വ-മേ॒വൈന॑-മ॒ജര॑-ങ്കരോ॒ത്യഥോ॑ പു॒നാത്യേ॒വോപ॑ തിഷ്ഠതേ॒ യോഗ॑ ഏ॒വാസ്യൈ॒ഷ ഉപ॑ തിഷ്ഠതേ॒ [ഉപ॑ തിഷ്ഠതേ, ദമ॑ ഏ॒വാസ്യൈ॒ഷ] 27
ദമ॑ ഏ॒വാസ്യൈ॒ഷ ഉപ॑ തിഷ്ഠതേ യാചംഐവാസ്യൈ॒ഷോപ॑ തിഷ്ഠതേ॒ യഥാ॒ പാപീ॑യാ॒ഞ്ഛ്രേയ॑സ ആ॒ഹൃത്യ॑ നമ॒സ്യതി॑ താ॒ദൃഗേ॒വ തദാ॑യു॒ര്ദാ അ॑ഗ്നേ॒-ഽസ്യായു॑ര്മേ ദേ॒ഹീത്യാ॑ഹാ-ഽഽയു॒ര്ദാ ഹ്യേ॑ഷ വ॑ര്ചോ॒ദാ അ॑ഗ്നേ-ഽസി॒ വര്ചോ॑ മേ ദേ॒ഹീത്യാ॑ഹ വര്ചോ॒ദാ ഹ്യേ॑ഷ ത॑നൂ॒പാ അ॑ഗ്നേ-ഽസി ത॒നുവ॑-മ്മേ പാ॒ഹീത്യാ॑ഹ [പാ॒ഹീത്യാ॑ഹ, ത॒നൂ॒പാ] 28
തനൂ॒പാ ഹ്യേ॑ഷോ-ഽഗ്നേ॒ യന്മേ॑ ത॒നുവാ॑ ഊ॒ന-ന്തന്മ॒ ആ പൃ॒ണേത്യാ॑ഹ॒ യന്മേ᳚ പ്ര॒ജായൈ॑ പശൂ॒നാമൂ॒ന-ന്തന്മ॒ ആ പൂ॑ര॒യേതി॒ വാവൈതദാ॑ഹ॒ ചിത്രാ॑വസോ സ്വ॒സ്തി തേ॑ പാ॒രമ॑ശീ॒യേത്യാ॑ഹ॒ രാത്രി॒-ര്വൈ ചി॒ത്രാവ॑സു॒രവ്യു॑ഷ്ട്യൈ॒ വാ ഏ॒തസ്യൈ॑ പു॒രാ ബ്രാ᳚ഹ്മ॒ണാ അ॑ഭൈഷു॒-ര്വ്യു॑ഷ്ടിമേ॒വാവ॑ രുന്ധ॒ ഇന്ധാ॑നാസ്ത്വാ ശ॒തഗ്മ് [ശ॒തമ്, ഹിമാ॒ ഇത്യാ॑ഹ] 29
ഹിമാ॒ ഇത്യാ॑ഹ ശ॒തായുഃ॒ പുരു॑ഷ-ശ്ശ॒തേന്ദ്രി॑യ॒ ആയു॑ഷ്യേ॒വേന്ദ്രി॒യേ പ്രതി॑ തിഷ്ഠത്യേ॒ഷാ വൈ സൂ॒ര്മീ കര്ണ॑കാവത്യേ॒തയാ॑ ഹ സ്മ॒ വൈ ദേ॒വാ അസു॑രാണാഗ്മ് ശതത॒ര്॒ഹാഗ് സ്തൃഗ്മ്॑ഹന്തി॒ യദേ॒തയാ॑ സ॒മിധ॑മാ॒ദധാ॑തി॒ വജ്ര॑മേ॒വൈതച്ഛ॑ത॒ഘ്നീം-യഁജ॑മാനോ॒ ഭ്രാതൃ॑വ്യായ॒ പ്ര ഹ॑രതി॒ സ്തൃത്യാ॒ അഛ॑മ്ബട്കാര॒ഗ്മ്॒ സ-ന്ത്വമ॑ഗ്നേ॒ സൂര്യ॑സ്യ॒ വര്ച॑സാ-ഽഗഥാ॒ ഇത്യാ॑ഹൈ॒തത്ത്വമസീ॒ദമ॒ഹ-മ്ഭൂ॑യാസ॒മിതി॒ വാവൈതദാ॑ഹ॒ ത്വമ॑ഗ്നേ॒ സൂര്യ॑വര്ചാ അ॒സീത്യാ॑ഹാ॒-ഽഽശിഷ॑മേ॒വൈതാമാ ശാ᳚സ്തേ ॥ 30 ॥
(മൂ॒ര്ധാന॒ഗ്മ്॒-ഷഡ്വാ-ഏ॒ഷ ഉപ॑ തിഷ്ഠതേ-പാ॒ഹീത്യാ॑ഹ-ശ॒ത-മ॒ഹഗ്മ് ഷോഡ॑ശ ച) (അ. 7)
സ-മ്പ॑ശ്യാമി പ്ര॒ജാ അ॒ഹമിത്യാ॑ഹ॒ യാവ॑ന്ത ഏ॒വ ഗ്രാ॒മ്യാഃ പ॒ശവ॒സ്താനേ॒വാവ॑ രു॒ന്ധേ-ഽമ്ഭ॒-സ്സ്ഥാമ്ഭോ॑ വോ ഭക്ഷീ॒യേത്യാ॒ഹാമ്ഭോ॒ ഹ്യേ॑താ മഹ॑-സ്സ്ഥ॒ മഹോ॑ വോ ഭക്ഷീ॒യേത്യാ॑ഹ॒ മഹോ॒ ഹ്യേ॑താ-സ്സഹ॑-സ്സ്ഥ॒ സഹോ॑ വോ ഭക്ഷീ॒യേത്യാ॑ഹ॒ സഹോ॒ ഹ്യേ॑താ ഊര്ജ॒-സ്സ്ഥോര്ജം॑-വോഁ ഭക്ഷീ॒യേ- [ഭക്ഷീ॒യേതി॑, ആ॒ഹോര്ജോ॒ ഹ്യേ॑താ] 31
-ത്യാ॒ഹോര്ജോ॒ ഹ്യേ॑താ രേവ॑തീ॒ രമ॑ദ്ധ്വ॒മിത്യാ॑ഹ പ॒ശവോ॒ വൈ രേ॒വതീഃ᳚ പ॒ശൂനേ॒വാത്മ-ന്ര॑മയത ഇ॒ഹൈവ സ്തേ॒തോ മാ-ഽപ॑ ഗാ॒തേത്യാ॑ഹ ധ്രു॒വാ ഏ॒വൈനാ॒ അന॑പഗാഃ കുരുത ഇഷ്ടക॒ചിദ്വാ അ॒ന്യോ᳚-ഽഗ്നിഃ പ॑ശു॒ചിദ॒ന്യ-സ്സഗ്മ്॑ഹി॒താസി॑ വിശ്വരൂ॒പീരിതി॑ വ॒ഥ്സമ॒ഭി മൃ॑ശ॒ത്യുപൈ॒വൈന॑-ന്ധത്തേ പശു॒ചിത॑മേന-ങ്കുരുതേ॒ പ്ര [ ] 32
വാ ഏ॒ഷോ᳚-ഽസ്മാല്ലോ॒കാച്ച്യ॑വതേ॒ യ ആ॑ഹവ॒നീയ॑-മുപ॒തിഷ്ഠ॑തേ॒ ഗാര്ഹ॑പത്യ॒മുപ॑ തിഷ്ഠതേ॒ ഽസ്മിന്നേ॒വ ലോ॒കേ പ്രതി॑ തിഷ്ഠ॒ത്യഥോ॒ ഗാര്ഹ॑പത്യായൈ॒വ നി ഹ്നു॑തേ ഗായ॒ത്രീഭി॒രുപ॑ തിഷ്ഠതേ॒ തേജോ॒ വൈ ഗാ॑യ॒ത്രീ തേജ॑ ഏ॒വാത്മ-ന്ധ॒ത്തേ-ഽഥോ॒ യദേ॒ത-ന്തൃ॒ചമ॒ന്വാഹ॒ സന്ത॑ത്യൈ॒ ഗാര്ഹ॑പത്യം॒-വാഁ അനു॑ ദ്വി॒പാദോ॑ വീ॒രാഃ പ്ര ജാ॑യന്തേ॒ യ ഏ॒വം-വിഁ॒ദ്വാ-ന്ദ്വി॒പദാ॑ഭി॒-ര്ഗാര്ഹ॑പത്യ-മുപ॒തിഷ്ഠ॑ത॒ [മുപ॒തിഷ്ഠ॑തേ, ആ-ഽസ്യ॑] 33
ആ-ഽസ്യ॑ വീ॒രോ ജാ॑യത ഊ॒ര്ജാ വഃ॑ പശ്യാമ്യൂ॒ര്ജാ മാ॑ പശ്യ॒തേത്യാ॑ഹാ॒ ഽഽശിഷ॑മേ॒വൈതാമാ ശാ᳚സ്തേ॒ തഥ്സ॑വി॒തു-ര്വരേ᳚ണ്യ॒മിത്യാ॑ഹ॒ പ്രസൂ᳚ത്യൈ സോ॒മാന॒ഗ്ഗ്॒ സ്വര॑ണ॒മിത്യാ॑ഹ സോമപീ॒ഥമേ॒വാവ॑ രുന്ധേ കൃണു॒ഹി ബ്ര॑ഹ്മണസ്പത॒ ഇത്യാ॑ഹ ബ്രഹ്മവര്ച॒സമേ॒വാവ॑ രുന്ധേ ക॒ദാ ച॒ന സ്ത॒രീര॒സീത്യാ॑ഹ॒ ന സ്ത॒രീഗ്മ് രാത്രിം॑-വഁസതി॒ [രാത്രിം॑-വഁസതി, യ ഏ॒വം] 34
യ ഏ॒വം-വിഁ॒ദ്വാന॒ഗ്നി-മു॑പ॒തിഷ്ഠ॑തേ॒ പരി॑ ത്വാ-ഽഗ്നേ॒ പുരം॑-വഁ॒യമിത്യാ॑ഹ പരി॒ധിമേ॒വൈത-മ്പരി॑ ദധാ॒ത്യസ്ക॑ന്ദാ॒യാഗ്നേ॑ ഗൃഹപത॒ ഇത്യാ॑ഹ യഥായ॒ജുരേ॒വൈതച്ഛ॒തഗ്മ് ഹിമാ॒ ഇത്യാ॑ഹ ശ॒ത-ന്ത്വാ॑ ഹേമ॒ന്താനി॑ന്ധിഷീ॒യേതി॒ വാവൈതദാ॑ഹ പു॒ത്രസ്യ॒ നാമ॑ ഗൃഹ്ണാത്യന്നാ॒ദമേ॒വൈന॑-ങ്കരോതി॒ താമാ॒ശിഷ॒മാ ശാ॑സേ॒ തന്ത॑വേ॒ ജ്യോതി॑ഷ്മതീ॒മിതി॑ ബ്രൂയാ॒ദ്യസ്യ॑ പു॒ത്രോ-ഽജാ॑ത॒-സ്സ്യാ-ത്തേ॑ജ॒സ്വ്യേ॑വാസ്യ॑ ബ്രഹ്മവര്ച॒സീ പു॒ത്രോ ജാ॑യതേ॒ താമാ॒ശിഷ॒മാ ശാ॑സേ॒ ഽമുഷ്മൈ॒ ജ്യോതി॑ഷ്മതീ॒ മിതി॑ ബ്രൂയാ॒ദ്യസ്യ॑ പു॒ത്രോ ജാ॒ത-സ്സ്യാ-ത്തേജ॑ ഏ॒വാസ്മി॑-ന്ബ്രഹ്മവര്ച॒സ-ന്ദ॑ധാതി ॥ 35 ॥
(ഊര്ജം॑-വോഁ ഭക്ഷീ॒യേതി॒ – പ്ര -ഗാര്ഹ॑പത്യമുപ॒തിഷ്ഠ॑തേ -വസതി॒-ജ്യോതി॑ഷ്മതീ॒ – മേകാ॒ന്നത്രി॒ഗ്മ്॒ശച്ച॑) (അ. 8)
അ॒ഗ്നി॒ഹോ॒ത്ര-ഞ്ജു॑ഹോതി॒ യദേ॒വ കി-ഞ്ച॒ യജ॑മാനസ്യ॒ സ്വ-ന്തസ്യൈ॒വ തദ്രേത॑-സ്സിഞ്ചതി പ്ര॒ജന॑നേ പ്ര॒ജന॑ന॒ഗ്മ്॒ ഹി വാ അ॒ഗ്നിരഥൌഷ॑ധീ॒രന്ത॑ഗതാ ദഹതി॒ താസ്തതോ॒ ഭൂയ॑സീഃ॒ പ്ര ജാ॑യന്തേ॒ യഥ്സാ॒യ-ഞ്ജു॒ഹോതി॒ രേത॑ ഏ॒വ തഥ്സി॑ഞ്ചതി॒ പ്രൈവ പ്രാ॑ത॒സ്തനേ॑ന ജനയതി॒ തദ്രേത॑-സ്സി॒ക്ത-ന്ന ത്വഷ്ട്രാ-ഽവി॑കൃത॒-മ്പ്രജാ॑യതേ യാവ॒ച്ഛോ വൈ രേത॑സ-സ്സി॒ക്തസ്യ॒ [രേത॑സ-സ്സി॒ക്തസ്യ॑, ത്വഷ്ടാ॑ രൂ॒പാണി॑] 36
ത്വഷ്ടാ॑ രൂ॒പാണി॑ വിക॒രോതി॑ താവ॒ച്ഛോ വൈ തത്പ്ര ജാ॑യത ഏ॒ഷ വൈ ദൈവ്യ॒സ്ത്വഷ്ടാ॒ യോ യജ॑തേ ബ॒ഹ്വീഭി॒രുപ॑ തിഷ്ഠതേ॒ രേത॑സ ഏ॒വ സി॒ക്തസ്യ॑ ബഹു॒ശോ രൂ॒പാണി॒ വി ക॑രോതി॒ സ പ്രൈവ ജാ॑യതേ॒ ശ്വസ്ശ്വോ॒ ഭൂയാ᳚-ന്ഭവതി॒ യ ഏ॒വം വിഁ॒ദ്വാന॒ഗ്നിമു॑പ॒തിഷ്ഠ॒തേ ഽഹ॑ര്ദേ॒വാനാ॒മാസീ॒-ദ്- രാത്രി॒രസു॑രാണാ॒-ന്തേ-ഽസു॑രാ॒ യദ്ദേ॒വാനാം᳚-വിഁ॒ത്തം വേഁദ്യ॒മാസീ॒ത്തേന॑ സ॒ഹ [ ] 37
രാത്രി॒-മ്പ്രാ-ഽവി॑ശ॒ന്തേ ദേ॒വാ ഹീ॒നാ അ॑മന്യന്ത॒ തേ॑-ഽപശ്യന്നാഗ്നേ॒യീ രാത്രി॑രാഗ്നേ॒യാഃ പ॒ശവ॑ ഇ॒മമേ॒വാഗ്നിഗ്ഗ് സ്ത॑വാമ॒ സ ന॑-സ്സ്തു॒തഃ പ॒ശൂ-ന്പുന॑ര്ദാസ്യ॒തീതി॒ തേ᳚-ഽഗ്നിമ॑സ്തുവ॒ന്-ഥ്സ ഏ᳚ഭ്യ-സ്സ്തു॒തോ രാത്രി॑യാ॒ അദ്ധ്യഹ॑ര॒ഭി പ॒ശൂന്നിരാ᳚ര്ജ॒ത്തേ ദേ॒വാഃ പ॒ശൂന് വി॒ത്ത്വാ കാമാഗ്മ്॑ അകുര്വത॒ യ ഏ॒വം-വിഁ॒ദ്വാന॒ഗ്നിമു॑പ॒തിഷ്ഠ॑തേ പശു॒മാ-ന്ഭ॑വ- [പശു॒മാ-ന്ഭ॑വതി, ആ॒ദി॒ത്യോ] 38
-ത്യാദി॒ത്യോ വാ അ॒സ്മാല്ലോ॒കാദ॒മും-ലോഁ॒കമൈ॒ഥ്സോ॑-ഽമും-ലോഁ॒ക-ങ്ഗ॒ത്വാ പുന॑രി॒മം-ലോഁ॒കമ॒ഭ്യ॑ദ്ധ്യായ॒-ഥ്സ ഇ॒മം-ലോഁ॒കമാ॒ഗത്യ॑ മൃ॒ത്യോര॑ബിഭേന്മൃ॒ത്യുസം॑യുഁത ഇവ॒ ഹ്യ॑യം-ലോഁ॒ക-സ്സോ॑-ഽമന്യതേ॒മ-മേ॒വാഗ്നിഗ്ഗ് സ്ത॑വാനി॒ സ മാ᳚ സ്തു॒ത-സ്സു॑വ॒ര്ഗം-ലോഁ॒ക-ങ്ഗ॑മയിഷ്യ॒തീതി॒ സോ᳚-ഽഗ്നിമ॑സ്തൌ॒-ഥ്സ ഏ॑നഗ്ഗ് സ്തു॒ത-സ്സു॑വ॒ര്ഗം-ലോഁ॒കമ॑ഗമയ॒ദ്യ [ലോ॒കമ॑ഗമയ॒ദ്യഃ, ഏ॒വം-വിഁ॒ദ്വാന॒ഗ്നി-] 39
ഏ॒വം-വിഁ॒ദ്വാന॒ഗ്നിമു॑പ॒തിഷ്ഠ॑തേ സുവ॒ര്ഗമേ॒വ ലോ॒കമേ॑തി॒ സര്വ॒മായു॑രേത്യ॒ഭി വാ ഏ॒ഷോ᳚-ഽഗ്നീ ആ രോ॑ഹതി॒ യ ഏ॑നാവുപ॒തിഷ്ഠ॑തേ॒ യഥാ॒ ഖലു॒ വൈ ശ്രേയാ॑ന॒ഭ്യാരൂ॑ഢഃ കാ॒മയ॑തേ॒ തഥാ॑ കരോതി॒ നക്ത॒മുപ॑ തിഷ്ഠതേ॒ ന പ്രാ॒ത-സ്സഗ്മ് ഹി നക്തം॑-വ്രഁ॒താനി॑ സൃ॒ജ്യന്തേ॑ സ॒ഹ ശ്രേയാഗ്॑ശ്ച॒ പാപീ॑യാഗ്ശ്ചാസാതേ॒ ജ്യോതി॒ര്വാ അ॒ഗ്നിസ്തമോ॒ രാത്രി॒ര്യ- [രാത്രി॒ര്യത്, നക്ത॑മുപ॒തിഷ്ഠ॑തേ॒] 40
-ന്നക്ത॑മുപ॒തിഷ്ഠ॑തേ॒ ജ്യോതി॑ഷൈ॒വ തമ॑സ്തരത്യുപ॒സ്ഥേയോ॒ ഽഗ്നീ(3)-ര്നോപ॒സ്ഥേയാ(3) ഇത്യാ॑ഹു-ര്മനു॒ഷ്യാ॑യേന്ന്വൈ യോ-ഽഹ॑രഹരാ॒ഹൃത്യാ-ഽഥൈ॑നം॒-യാഁച॑തി॒ സ ഇന്ന്വൈ തമുപാ᳚ര്ച്ഛ॒ത്യഥ॒ കോ ദേ॒വാനഹ॑രഹര്യാചിഷ്യ॒തീതി॒ തസ്മാ॒ന്നോപ॒സ്ഥേയോ ഽഥോ॒ ഖല്വാ॑ഹുരാ॒ശിഷേ॒ വൈ കം-യഁജ॑മാനോ യജത॒ ഇത്യേ॒ഷാ ഖലു॒ വാ [ഖലു॒ വൈ, ആഹി॑താഗ്നേ-] 41
ആഹി॑താഗ്നേ രാ॒ശീ-ര്യദ॒ഗ്നിമു॑പ॒തിഷ്ഠ॑തേ॒ തസ്മാ॑ദുപ॒സ്ഥേയഃ॑ പ്ര॒ജാപ॑തിഃ പ॒ശൂന॑സൃജത॒ തേ സൃ॒ഷ്ടാ അ॑ഹോരാ॒ത്രേ പ്രാ-ഽവി॑ശ॒-ന്താഞ്ഛന്ദോ॑ഭി॒-രന്വ॑॑വിന്ദ॒-ദ്യച്ഛന്ദോ॑ഭി-രുപ॒തിഷ്ഠ॑തേ॒ സ്വമേ॒വ തദന്വി॑ച്ഛതി॒ ന തത്ര॑ ജാ॒മ്യ॑സ്തീത്യാ॑ഹു॒ര്യോ-ഽഹ॑രഹരുപ॒ തിഷ്ഠ॑ത॒ ഇതി॒ യോ വാ അ॒ഗ്നി-മ്പ്ര॒ത്യങ്ങു॑പ॒ തിഷ്ഠ॑തേ॒ പ്രത്യേ॑നമോഷതി॒ യഃ പരാം॒-വിഁഷ്വ॑-മ്പ്ര॒ജയാ॑ പ॒ശുഭി॑ രേതി॒ കവാ॑തിര്യങ്ങി॒വോപ॑ തിഷ്ഠേത॒ നൈന॑-മ്പ്ര॒ത്യോഷ॑തി॒ ന വിഷ്വ॑-മ്പ്ര॒ജയാ॑ പ॒ശുഭി॑രേതി ॥ 42 ॥
(സി॒ക്തസ്യ॑-സ॒ഹ-ഭ॑വതി॒-യോ-യത്-ഖലു॒ വൈ-പ॒ശുഭി॒-സ്ത്രയോ॑ദശ ച) (അ. 9)
മമ॒ നാമ॑ പ്രഥ॒മ-ഞ്ജാ॑തവേദഃ പി॒താ മാ॒താ ച॑ ദധതു॒ര്യദഗ്രേ᳚ । തത്ത്വ-മ്ബി॑ഭൃഹി॒ പുന॒രാ മദൈതോ॒സ്തവാ॒ഹ-ന്നാമ॑ ബിഭരാണ്യഗ്നേ ॥ മമ॒ നാമ॒ തവ॑ ച ജാതവേദോ॒ വാസ॑സീ ഇവ വി॒വസാ॑നൌ॒ യേ ചരാ॑വഃ । ആയു॑ഷേ॒ ത്വ-ഞ്ജീ॒വസേ॑ വ॒യം-യഁ ॑ഥായ॒ഥം-വിഁ പരി॑ ദധാവഹൈ॒ പുന॒സ്തേ ॥ നമോ॒-ഽഗ്നയേ ഽപ്ര॑തിവിദ്ധായ॒ നമോ-ഽനാ॑ധൃഷ്ടായ॒ നമ॑-സ്സ॒മ്രാജേ᳚ । അഷാ॑ഢോ [അഷാ॑ഢഃ, അ॒ഗ്നിര്ബൃ॒ഹദ്വ॑യാ] 43
അ॒ഗ്നിര്ബൃ॒ഹദ്വ॑യാ വിശ്വ॒ജി-ഥ്സഹ॑ന്ത്യ॒-ശ്ശ്രേഷ്ഠോ॑ ഗന്ധ॒ര്വഃ । ത്വത്പി॑താരോ അഗ്നേ ദേ॒വാ-സ്ത്വാമാ॑ഹുതയ॒-സ്ത്വദ്വി॑വാചനാഃ । സ-മ്മാമായു॑ഷാ॒ സ-ങ്ഗൌ॑പ॒ത്യേന॒ സുഹി॑തേ മാ ധാഃ ॥ അ॒യമ॒ഗ്നി-ശ്ശ്രേഷ്ഠ॑തമോ॒ ഽയ-മ്ഭഗ॑വത്തമോ॒ ഽയഗ്മ് സ॑ഹസ്ര॒സാത॑മഃ । അ॒സ്മാ അ॑സ്തു സു॒വീര്യ᳚മ് ॥ മനോ॒ ജ്യോതി॑-ര്ജുഷതാ॒മാജ്യം॒ വിഁച്ഛി॑ന്നം-യഁ॒ജ്ഞഗ്മ് സമി॒മ-ന്ദ॑ധാതു । യാ ഇ॒ഷ്ടാ ഉ॒ഷസോ॑ നി॒മ്രുച॑ശ്ച॒ താ-സ്സ-ന്ദ॑ധാമി ഹ॒വിഷാ॑ ഘൃ॒തേന॑ ॥ പയ॑സ്വതീ॒രോഷ॑ധയഃ॒- [പയ॑സ്വതീ॒രോഷ॑ധയഃ, പയ॑സ്വ-] 44
പയ॑സ്വദ്വീ॒രുധാ॒-മ്പയഃ॑ । അ॒പാ-മ്പയ॑സോ॒ യത്പയ॒സ്തേന॒ മാമി॑ന്ദ്ര॒ സഗ്മ് സൃ॑ജ ॥ അഗ്നേ᳚ വ്രതപതേ വ്ര॒ത-ഞ്ച॑രിഷ്യാമി॒ തച്ഛ॑കേയ॒-ന്തന്മേ॑ രാദ്ധ്യതാമ് ॥ അ॒ഗ്നിഗ്മ് ഹോതാ॑രമി॒ഹ തഗ്മ് ഹു॑വേ ദേ॒വാന്. യ॒ജ്ഞിയാ॑നി॒ഹ യാന്. ഹവാ॑മഹേ ॥ ആ യ॑ന്തു ദേ॒വാ-സ്സു॑മന॒സ്യമാ॑നാ വി॒യന്തു॑ ദേ॒വാ ഹ॒വിഷോ॑ മേ അ॒സ്യ ॥ കസ്ത്വാ॑ യുനക്തി॒ സ ത്വാ॑ യുനക്തു॒ യാനി॑ ഘ॒ര്മേ ക॒പാലാ᳚ന്യുപചി॒ന്വന്തി॑ [ ] 45
വേ॒ധസഃ॑ । പൂ॒ഷ്ണസ്താന്യപി॑ വ്ര॒ത ഇ॑ന്ദ്രവാ॒യൂ വി മു॑ഞ്ചതാമ് ॥അഭി॑ന്നോ ഘ॒ര്മോ ജീ॒രദാ॑നു॒ര്യത॒ ആത്ത॒സ്തദ॑ഗ॒-ന്പുനഃ॑ । ഇ॒ദ്ധ്മോ വേദിഃ॑ പരി॒ധയ॑ശ്ച॒ സര്വേ॑ യ॒ജ്ഞസ്യാ-ഽഽയു॒രനു॒ സ-ഞ്ച॑രന്തി ॥ ത്രയ॑സ്ത്രിഗ്മ്ശ॒-ത്തന്ത॑വോ॒ യേ വി॑തത്നി॒രേ യ ഇ॒മം-യഁ॒ജ്ഞഗ്ഗ് സ്വ॒ധയാ॒ ദദ॑ന്തേ॒ തേഷാ᳚-ഞ്ഛി॒ന്ന-മ്പ്രത്യേ॒ത-ദ്ദ॑ധാമി॒ സ്വാഹാ॑ ഘ॒ര്മോ ദേ॒വാഗ്മ് അപ്യേ॑തു ॥ 46 ॥
(അഷാ॑ഢ॒-ഓഷ॑ധയ-ഉപചി॒ന്വന്തി॒-പഞ്ച॑ചത്വാരിഗ്മ്ശച്ച) (അ. 10)
വൈ॒ശ്വാ॒ന॒രോ ന॑ ഊ॒ത്യാ-ഽഽ പ്ര യാ॑തു പരാ॒വതഃ॑ । അ॒ഗ്നിരു॒ക്ഥേന॒ വാഹ॑സാ ॥ ഋ॒താവാ॑നം-വൈഁശ്വാന॒രമൃ॒തസ്യ॒ ജ്യോതി॑ഷ॒സ്പതി᳚മ് । അജ॑സ്ര-ങ്ഘ॒ര്മമീ॑മഹേ ॥ വൈ॒ശ്വാ॒ന॒രസ്യ॑ ദ॒ഗ്മ്॒സനാ᳚ഭ്യോ ബൃ॒ഹദരി॑ണാ॒ദേക॑-സ്സ്വപ॒സ്യ॑യാ ക॒വിഃ । ഉ॒ഭാ പി॒തരാ॑ മ॒ഹയ॑ന്നജായതാ॒ഗ്നി-ര്ദ്യാവാ॑പൃഥി॒വീ ഭൂരി॑രേതസാ ॥ പൃ॒ഷ്ടോ ദി॒വി പൃ॒ഷ്ടോ അ॒ഗ്നിഃ പൃ॑ഥി॒വ്യാ-മ്പൃ॒ഷ്ടോ വിശ്വാ॒ ഓഷ॑ധീ॒രാ വി॑വേശ । വൈ॒ശ്വാ॒ന॒ര-സ്സഹ॑സാ പൃ॒ഷ്ടോ അ॒ഗ്നി-സ്സനോ॒ ദിവാ॒ സ- [ദിവാ॒ സഃ, രി॒ഷഃ പാ॑തു॒ നക്ത᳚മ് ।] 47
രി॒ഷഃ പാ॑തു॒ നക്ത᳚മ് ॥ ജാ॒തോ യദ॑ഗ്നേ॒ ഭുവ॑നാ॒ വ്യഖ്യഃ॑ പ॒ശു-ന്ന ഗോ॒പാ ഇര്യഃ॒ പരി॑ജ്മാ । വൈശ്വാ॑നര॒ ബ്രഹ്മ॑ണേ വിന്ദ ഗാ॒തും-യൂഁ॒യ-മ്പാ॑ത സ്വ॒സ്തിഭി॒-സ്സദാ॑ നഃ ॥ ത്വമ॑ഗ്നേ ശോ॒ചിഷാ॒ ശോശു॑ചാന॒ ആ രോദ॑സീ അപൃണാ॒ ജായ॑മാനഃ । ത്വ-ന്ദേ॒വാഗ്മ് അ॒ഭിശ॑സ്തേരമുഞ്ചോ॒ വൈശ്വാ॑നര ജാതവേദോ മഹി॒ത്വാ ॥ അ॒സ്മാക॑മഗ്നേ മ॒ഘവ॑ഥ്സു ധാര॒യാനാ॑മി ക്ഷ॒ത്രമ॒ജരഗ്മ്॑ സു॒വീര്യ᳚മ് । വ॒യ-ഞ്ജ॑യേമ ശ॒തിനഗ്മ്॑ സഹ॒സ്രിണം॒-വൈഁശ്വാ॑നര॒ [വൈശ്വാ॑നര, വാജ॑മഗ്നേ॒] 48
വാജ॑മഗ്നേ॒ തവോ॒തിഭിഃ॑ ॥ വൈ॒ശ്വാ॒ന॒രസ്യ॑ സുമ॒തൌ സ്യാ॑മ॒ രാജാ॒ ഹിക॒-മ്ഭുവ॑നാനാ-മഭി॒ശ്രീഃ । ഇ॒തോ ജാ॒തോ വിശ്വ॑മി॒ദം-വിഁ ച॑ഷ്ടേ വൈശ്വാന॒രോ യ॑തതേ॒ സൂര്യേ॑ണ ॥ അവ॑ തേ॒ ഹേഡോ॑ വരുണ॒ നമോ॑ഭി॒രവ॑ യ॒ജ്ഞേഭി॑രീമഹേ ഹ॒വിര്ഭിഃ॑ । ക്ഷയ॑ന്ന॒സ്മഭ്യ॑മസുര പ്രചേതോ॒ രാജ॒ന്നേനാഗ്മ്॑സി ശിശ്രഥഃ കൃ॒താനി॑ ॥ ഉദു॑ത്ത॒മം-വഁ ॑രുണ॒ പാശ॑മ॒സ്മദവാ॑-ഽധ॒മം-വിഁമ॑ദ്ധ്യ॒മഗ്ഗ് ശ്ര॑ഥായ । അഥാ॑ വ॒യമാ॑ദിത്യ [ ] 49
വ്ര॒തേ തവാ-ഽനാ॑ഗസോ॒ അദി॑തയേ സ്യാമ ॥ ദ॒ധി॒ക്രാവ്.ണ്ണോ॑ അകാരിഷ-ഞ്ജി॒ഷ്ണോരശ്വ॑സ്യ വാ॒ജിനഃ॑ ॥ സു॒ര॒ഭിനോ॒ മുഖാ॑ കര॒-ത്പ്രണ॒ ആയൂഗ്മ്॑ഷി താരിഷത് ॥ ആ ദ॑ധി॒ക്രാ-ശ്ശവ॑സ॒ പഞ്ച॑ കൃ॒ഷ്ടീ-സ്സൂര്യ॑ ഇവ॒ ജ്യോതി॑ഷാ॒-ഽപസ്ത॑താന । സ॒ഹ॒സ്ര॒സാ-ശ്ശ॑ത॒സാ വാ॒ജ്യര്വാ॑ പൃ॒ണക്തു॒ മദ്ധ്വാ॒ സമി॒മാ വചാഗ്മ്॑സി । അ॒ഗ്നി-ര്മൂ॒ര്ധാ, ഭുവഃ॑ । മരു॑തോ॒ യദ്ധ॑വോ ദി॒വ-സ്സു॑മ്നാ॒യന്തോ॒ ഹവാ॑മഹേ । ആ തൂ ന॒ [ആ തൂ നഃ॑, ഉപ॑ ഗന്തന ।] 50
ഉപ॑ ഗന്തന ॥ യാ വ॒-ശ്ശര്മ॑ ശശമാ॒നായ॒ സന്തി॑ ത്രി॒ധാതൂ॑നി ദാ॒ശുഷേ॑ യച്ഛ॒താധി॑ । അ॒സ്മഭ്യ॒-ന്താനി॑ മരുതോ॒ വി യ॑ന്ത ര॒യി-ന്നോ॑ ധത്ത വൃഷണ-സ്സു॒വീര᳚മ് ॥ അദി॑തി-ര്ന ഉരുഷ്യ॒ത്വദി॑തി॒-ശ്ശര്മ॑ യച്ഛതു । അദി॑തിഃ പാ॒ത്വഗ്മ്ഹ॑സഃ ॥ മ॒ഹീമൂ॒ഷു മാ॒തരഗ്മ്॑ സുവ്ര॒താനാ॑മൃ॒തസ്യ॒ പത്നീ॒മവ॑സേ ഹുവേമ । തു॒വി॒ക്ഷ॒ത്രാ-മ॒ജര॑ന്തീ-മുരൂ॒ചീഗ്മ് സു॒ശര്മാ॑ണ॒മദി॑തിഗ്മ് സു॒പ്രണീ॑തിമ് ॥ സു॒ത്രാമാ॑ണ-മ്പൃഥി॒വീ-ന്ദ്യാമ॑നേ॒ഹസഗ്മ്॑ സു॒ശര്മാ॑ണ॒ മദി॑തിഗ്മ് സു॒പ്രണീ॑തിമ് । ദൈവീ॒-ന്നാവഗ്ഗ്॑ സ്വരി॒ത്രാ-മനാ॑ഗസ॒-മസ്ര॑വന്തീ॒മാ രു॑ഹേമാ സ്വ॒സ്തയേ᳚ ॥ ഇ॒മാഗ്മ് സു നാവ॒മാ-ഽരു॑ഹഗ്മ് ശ॒താരി॑ത്രാഗ്മ് ശ॒തസ്ഫ്യാ᳚മ് । അച്ഛി॑ദ്രാ-മ്പാരയി॒ഷ്ണുമ് ॥ 51 ॥
(ദിവാ॒ സ-സ॑ഹ॒സ്രിണം॒-വൈഁശ്വാ॑നരാ-ദിത്യ॒- തൂ നോ ॑- ഽനേ॒ഹസഗ്മ്॑ സു॒ശര്മാ॑ണ॒-മേകാ॒ന്നവിഗ്മ്॑ശ॒തിശ്ച॑ ) (അ. 11)
(ദേ॒വാ॒സു॒രാഃ-പരാ॒-ഭൂമി॒-ര്ഭൂമി॑-രുപപ്ര॒യന്തഃ॒-സ-മ്പ॑ശ്യാ॒-മ്യയ॑ജ്ഞഃ॒- സ-മ്പ॑ശ്യാ – മ്യഗ്നിഹോ॒ത്രം – മമ॒ നാമ॑-വൈശ്വാന॒ര-ഏകാ॑ദശ । )
(ദേ॒വാ॒സു॒രാഃ-ക്രു॒ദ്ധഃ-സ-മ്പ॑ശ്യാമി॒-സ-മ്പ॑ശ്യാമി॒-നക്ത॒-മുപ॑ഗന്ത॒-നൈക॑പഞ്ചാ॒ശത് । )
(ദേ॒വാ॒സു॒രാഃ, പാ॑രയി॒ഷ്ണുമ്)
॥ ഹരിഃ॑ ഓമ് ॥
॥ കൃഷ്ണ യജുര്വേദീയ തൈത്തിരീയ സംഹിതായാ-മ്പ്രഥമകാണ്ഡേ പഞ്ചമഃ പ്രശ്ന-സ്സമാപ്തഃ ॥