കൃഷ്ണ യജുര്വേദീയ തൈത്തിരീയ സംഹിതായാ-മ്പ്രഥമകാണ്ഡേ ഷഷ്ഠഃ പ്രശ്നഃ – യാജമാനകാണ്ഡം
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥
സ-ന്ത്വാ॑ സിഞ്ചാമി॒ യജു॑ഷാ പ്ര॒ജാമായു॒ര്ധന॑-ഞ്ച । ബൃഹ॒സ്പതി॑പ്രസൂതോ॒ യജ॑മാന ഇ॒ഹ മാ രി॑ഷത് ॥ ആജ്യ॑മസി സ॒ത്യമ॑സി സ॒ത്യസ്യാദ്ധ്യ॑ക്ഷമസി ഹ॒വിര॑സി വൈശ്വാന॒രം-വൈഁ᳚ശ്വദേ॒വ-മുത്പൂ॑തശുഷ്മഗ്മ് സ॒ത്യൌജാ॒-സ്സഹോ॑-ഽസി॒ സഹ॑മാനമസി॒ സഹ॒സ്വാരാ॑തീ॒-സ്സഹ॑സ്വാരാതീയ॒ത-സ്സഹ॑സ്വ॒ പൃത॑നാ॒-സ്സഹ॑സ്വ പൃതന്യ॒തഃ । സ॒ഹസ്ര॑വീര്യമസി॒ തന്മാ॑ ജി॒ന്വാജ്യ॒സ്യാജ്യ॑മസി സ॒ത്യസ്യ॑ സ॒ത്യമ॑സി സ॒ത്യായു॑- [സ॒ത്യായുഃ॑, അ॒സി॒ സ॒ത്യശു॑ഷ്മമസി] 1
-രസി സ॒ത്യശു॑ഷ്മമസി സ॒ത്യേന॑ ത്വാ॒-ഽഭി ഘാ॑രയാമി॒ തസ്യ॑ തേ ഭക്ഷീയ പഞ്ചാ॒നാ-ന്ത്വാ॒ വാതാ॑നാം-യഁ॒ന്ത്രായ॑ ധ॒ര്ത്രായ॑ ഗൃഹ്ണാമി പഞ്ചാ॒നാ-ന്ത്വ॑ര്തൂ॒നാം-യഁ॒ന്ത്രായ॑ ധ॒ര്ത്രായ॑ ഗൃഹ്ണാമി പഞ്ചാ॒നാ-ന്ത്വാ॑ ദി॒ശാം-യഁ॒ന്ത്രായ॑ ധ॒ര്ത്രായ॑ ഗൃഹ്ണാമി പഞ്ചാ॒നാ-ന്ത്വാ॑ പഞ്ചജ॒നാനാം᳚-യഁ॒ന്ത്രായ॑ ധ॒ര്ത്രായ॑ ഗൃഹ്ണാമി ച॒രോസ്ത്വാ॒ പഞ്ച॑ബിലസ്യ യ॒ന്ത്രായ॑ ധ॒ര്ത്രായ॑ ഗൃഹ്ണാമി॒ ബ്രഹ്മ॑ണസ്ത്വാ॒ തേജ॑സേ യ॒ന്ത്രായ॑ ധ॒ര്ത്രായ॑ ഗൃഹ്ണാമി ക്ഷ॒ത്രസ്യ॒ ത്വൌജ॑സേ യ॒ന്ത്രായ॑ [ ] 2
ധ॒ര്ത്രായ॑ ഗൃഹ്ണാമി വി॒ശേ ത്വാ॑ യ॒ന്ത്രായ॑ ധ॒ര്ത്രായ॑ ഗൃഹ്ണാമി സു॒വീര്യാ॑യ ത്വാ ഗൃഹ്ണാമി സുപ്രജാ॒സ്ത്വായ॑ ത്വാ ഗൃഹ്ണാമി രാ॒യസ്പോഷാ॑യ ത്വാ ഗൃഹ്ണാമി ബ്രഹ്മവര്ച॒സായ॑ ത്വാ ഗൃഹ്ണാമി॒ ഭൂര॒സ്മാകഗ്മ്॑ ഹ॒വിര്ദേ॒വാനാ॑-മാ॒ശിഷോ॒ യജ॑മാനസ്യ ദേ॒വാനാ᳚-ന്ത്വാ ദേ॒വതാ᳚ഭ്യോ ഗൃഹ്ണാമി॒ കാമാ॑യ ത്വാ ഗൃഹ്ണാമി ॥ 3 ॥
(സ॒ത്യായു॒-രോജ॑സേ യ॒ന്ത്രായ॒-ത്രയ॑സ്ത്രിഗ്മ്ശച്ച) (അ. 1)
ധ്രു॒വോ॑-ഽസി ധ്രു॒വോ॑-ഽഹഗ്മ് സ॑ജാ॒തേഷു॑ ഭൂയാസ॒-ന്ധീര॒ശ്ചേത്താ॑ വസു॒വിദു॒ഗ്രോ᳚-ഽസ്യു॒ഗ്രോ॑-ഽഹഗ്മ് സ॑ജാ॒തേഷു॑ ഭൂയാസ-മു॒ഗ്രശ്ചേത്താ॑ വസു॒വിദ॑ഭി॒-ഭൂര॑സ്യഭി॒ഭൂര॒ഹഗ്മ് സ॑ജാ॒തേഷു॑ ഭൂയാസമഭി॒ഭൂശ്ചേത്താ॑ വസു॒വി-ദ്യു॒നജ്മി॑ ത്വാ॒ ബ്രഹ്മ॑ണാ॒ ദൈവ്യേ॑ന ഹ॒വ്യായാ॒സ്മൈ വോഢ॒വേ ജാ॑തവേദഃ ॥ ഇന്ധാ॑നാസ്ത്വാ സുപ്ര॒ജസ॑-സ്സു॒വീരാ॒ ജ്യോഗ്ജീ॑വേമ ബലി॒ഹൃതോ॑ വ॒യ-ന്തേ᳚ ॥ യന്മേ॑ അഗ്നേ അ॒സ്യ യ॒ജ്ഞസ്യ॒ രിഷ്യാ॒- [രിഷ്യാ᳚ത്, ദ്യദ്വാ॒] 4
-ദ്യദ്വാ॒ സ്കന്ദാ॒-ദാജ്യ॑സ്യോ॒ത വി॑ഷ്ണോ । തേന॑ ഹന്മി സ॒പത്ന॑-ന്ദുര്മരാ॒യുമൈന॑-ന്ദധാമി॒ നിര്-ഋ॑ത്യാ ഉ॒പസ്ഥേ᳚ । ഭൂ-ര്ഭുവ॒-സ്സുവ॒രുച്ഛു॑ഷ്മോ അഗ്നേ॒ യജ॑മാനായൈധി॒ നിശു॑ഷ്മോ അഭി॒ദാസ॑തേ । അഗ്നേ॒ ദേവേ᳚ദ്ധ॒ മന്വി॑ദ്ധ॒ മന്ദ്ര॑ജി॒ഹ്വാ-മ॑ര്ത്യസ്യ തേ ഹോതര്മൂ॒ര്ധന്നാ ജി॑ഘര്മി രാ॒യസ്പോഷാ॑യ സുപ്രജാ॒സ്ത്വായ॑ സു॒വീര്യാ॑യ॒ മനോ॑-ഽസി പ്രാജാപ॒ത്യ-മ്മന॑സാ മാ ഭൂ॒തേനാ വി॑ശ॒ വാഗ॑സ്യൈ॒ന്ദ്രീ സ॑പത്ന॒ക്ഷയ॑ണീ [ ] 5
വാ॒ചാ മേ᳚ന്ദ്രി॒യേണാ വി॑ശ വസ॒ന്തമൃ॑തൂ॒നാ-മ്പ്രീ॑ണാമി॒ സ മാ᳚ പ്രീ॒തഃ പ്രീ॑ണാതു ഗ്രീ॒ഷ്മമൃ॑തൂ॒നാ-മ്പ്രീ॑ണാമി॒ സ മാ᳚ പ്രീ॒തഃ പ്രീ॑ണാതു വ॒ര്॒ഷാ ഋ॑തൂ॒നാ-മ്പ്രീ॑ണാമി॒ താ മാ᳚ പ്രീ॒താഃ പ്രീ॑ണന്തു ശ॒രദ॑മൃതൂ॒നാ-മ്പ്രീ॑ണാമി॒ സാ മാ᳚ പ്രീ॒താ പ്രീ॑ണാതു ഹേമന്തശിശി॒രാവൃ॑തൂ॒നാ-മ്പ്രീ॑ണാമി॒ തൌ മാ᳚ പ്രീ॒തൌ പ്രീ॑ണീതാ-മ॒ഗ്നീഷോമ॑യോ-ര॒ഹ-ന്ദേ॑വയ॒ജ്യയാ॒ ചക്ഷു॑ഷ്മാ-ന്ഭൂയാസമ॒ഗ്നേര॒ഹ-ന്ദേ॑വയ॒ജ്യയാ᳚-ഽന്നാ॒ദോ ഭൂ॑യാസ॒- [ഭൂ॑യാസമ്, ദബ്ധി॑ര॒സ്യദ॑ബ്ധോ] 6
-ന്ദബ്ധി॑ര॒സ്യദ॑ബ്ധോ ഭൂയാസമ॒മു-ന്ദ॑ഭേയ-മ॒ഗ്നീഷോമ॑യോ-ര॒ഹ-ന്ദേ॑വയ॒ജ്യയാ॑ വൃത്ര॒ഹാ ഭൂ॑യാസമിന്ദ്രാഗ്നി॒യോര॒ഹ-ന്ദേ॑വയ॒ജ്യയേ᳚ന്ദ്രിയാ॒വ്യ॑ന്നാ॒ദോ ഭൂ॑യാസ॒മിന്ദ്ര॑സ്യാ॒-ഽഹ-ന്ദേ॑വയ॒ജ്യയേ᳚ന്ദ്രിയാ॒വീ ഭൂ॑യാസ-മ്മഹേ॒ന്ദ്രസ്യാ॒-ഽഹ-ന്ദേ॑വയ॒ജ്യയാ॑ ജേ॒മാന॑-മ്മഹി॒മാന॑-ങ്ഗമേയമ॒ഗ്നേ-സ്സ്വി॑ഷ്ട॒കൃതോ॒-ഽഹ-ന്ദേ॑വയ॒ജ്യയാ ഽഽയു॑ഷ്മാന്. യ॒ജ്ഞേന॑ പ്രതി॒ഷ്ഠാ-ങ്ഗ॑മേയമ് ॥ 7 ॥
(രിഷ്യാ᳚-ഥ്സപത്ന॒ക്ഷയ॑ണ്യ-ന്നാ॒ദോ ഭൂ॑യാസ॒ഗ്മ്॒-ഷട്ത്രിഗ്മ്॑ശച്ച) (അ. 2)
അ॒ഗ്നിര്മാ॒ ദുരി॑ഷ്ടാ-ത്പാതു സവി॒താ-ഽഘശഗ്മ്॑സാ॒ദ്യോ മേ-ഽന്തി॑ ദൂ॒രേ॑-ഽരാതീ॒യതി॒ തമേ॒തേന॑ ജേഷ॒ഗ്മ്॒ സുരൂ॑പവര്ഷവര്ണ॒ ഏഹീ॒മാ-ന്ഭ॒ദ്രാ-ന്ദുര്യാഗ്മ്॑ അ॒ഭ്യേഹി॒ മാമനു॑വ്രതാ॒ ന്യു॑ ശീ॒ര്॒ഷാണി॑ മൃഢ്വ॒മിഡ॒ ഏഹ്യദി॑ത॒ ഏഹി॒ സര॑സ്വ॒ത്യേഹി॒ രന്തി॑രസി॒ രമ॑തിരസി സൂ॒നര്യ॑സി॒ ജുഷ്ടേ॒ ജുഷ്ടി॑-ന്തേ-ഽശീ॒യോപ॑ഹൂത ഉപഹ॒വ- [ഉപഹ॒വമ്, തേ॒-ഽശീ॒യ॒ സാ ] 8
-ന്തേ॑-ഽശീയ॒ സാ മേ॑ സ॒ത്യാ-ഽഽശീര॒സ്യ യ॒ജ്ഞസ്യ॑ ഭൂയാ॒ദരേ॑ഡതാ॒ മന॑സാ॒ തച്ഛ॑കേയം-യഁ॒ജ്ഞോ ദിവഗ്മ്॑ രോഹതു യ॒ജ്ഞോ ദിവ॑-ങ്ഗച്ഛതു॒ യോ ദേ॑വ॒യാനഃ॒ പന്ഥാ॒സ്തേന॑ യ॒ജ്ഞോ ദേ॒വാഗ്മ് അപ്യേ᳚ത്വ॒സ്മാസ്വിന്ദ്ര॑ ഇന്ദ്രി॒യ-ന്ദ॑ധാത്വ॒സ്മാന്രായ॑ ഉ॒ത യ॒ജ്ഞാ-സ്സ॑ചന്താമ॒സ്മാസു॑ സന്ത്വാ॒ശിഷ॒-സ്സാ നഃ॑ പ്രി॒യാ സു॒പ്രതൂ᳚ര്തിര്മ॒ഘോനീ॒ ജുഷ്ടി॑രസി ജു॒ഷസ്വ॑ നോ॒ ജുഷ്ടാ॑ നോ- [ജുഷ്ടാ॑ നഃ, അ॒സി॒ ജുഷ്ടി॑-ന്തേ] 9
-ഽസി॒ ജുഷ്ടി॑-ന്തേ ഗമേയ॒-മ്മനോ॒ ജ്യോതി॑-ര്ജുഷതാ॒മാജ്യം॒-വിഁച്ഛി॑ന്നം-യഁ॒ജ്ഞഗ്മ് സമി॒മ-ന്ദ॑ധാതു । ബൃഹ॒സ്പതി॑-സ്തനുതാമി॒മന്നോ॒ വിശ്വേ॑ ദേ॒വാ ഇ॒ഹ മാ॑ദയന്താമ് ॥ ബ്രദ്ധ്ന॒ പിന്വ॑സ്വ॒ ദദ॑തോ മേ॒ മാ ക്ഷാ॑യി കുര്വ॒തോ മേ॒ മോപ॑ ദസ-ത്പ്ര॒ജാപ॑തേ-ര്ഭാ॒ഗോ᳚-ഽസ്യൂര്ജ॑സ്വാ॒-ന്പയ॑സ്വാ-ന്പ്രാണാപാ॒നൌ മേ॑ പാഹി സമാനവ്യാ॒നൌ മേ॑ പാഹ്യുദാനവ്യാ॒നൌ മേ॑ പാ॒ഹ്യക്ഷി॑തോ॒-ഽസ്യക്ഷി॑ത്യൈ ത്വാ॒ മാ മേ᳚ ക്ഷേഷ്ഠാ അ॒മുത്രാ॒മുഷ്മി॑-ല്ലോഁ॒കേ ॥ 10 ॥
(ഉ॒പ॒ഹ॒വം-ജുഷ്ടാ॑ന-സ്ത്വാ॒ ഷട് ച॑) (അ. 3)
ബ॒ര്॒ഹിഷോ॒-ഽഹ-ന്ദേ॑വയ॒ജ്യയാ᳚ പ്ര॒ജാവാ᳚-ന്ഭൂയാസ॒-ന്നരാ॒ശഗ്മ്സ॑സ്യാ॒ഹ-ന്ദേ॑വയ॒ജ്യയാ॑ പശു॒മാ-ന്ഭൂ॑യാസമ॒ഗ്നേ-സ്സ്വി॑ഷ്ട॒കൃതോ॒-ഽഹ-ന്ദേ॑വയ॒ജ്യയാ-ഽഽയു॑ഷ്മാന്. യ॒ജ്ഞേന॑ പ്രതി॒ഷ്ഠാ-ങ്ഗ॑മേയമ॒ഗ്നേര॒ഹ-മുജ്ജി॑തി॒-മനൂജ്ജേ॑ഷ॒ഗ്മ്॒ സോമ॑സ്യാ॒ഹ – മുജ്ജി॑തി॒-മനൂജ്ജേ॑ഷമ॒ഗ്നേര॒ഹ-മുജ്ജി॑തി॒-മനൂജ്ജേ॑ഷ-മ॒ഗ്നീഷോമ॑യോര॒ഹ-മുജ്ജി॑തി॒-മനൂജ്ജേ॑ഷ-മിന്ദ്രാഗ്നി॒യോര॒ഹ-മുജ്ജി॑തി॒-മനൂജ്ജേ॑ഷ॒-മിന്ദ്ര॑സ്യാ॒-ഽഹ- [-മിന്ദ്ര॑സ്യാ॒-ഽഹമ്, ഉജ്ജി॑തി॒മനൂജ്ജേ॑ഷം] 11
-മുജ്ജി॑തി॒മനൂജ്ജേ॑ഷ-മ്മഹേ॒ന്ദ്രസ്യാ॒ഹമുജ്ജി॑തി॒- മനൂജ്ജേ॑ഷമ॒ഗ്നേ-സ്സ്വി॑ഷ്ട॒കൃതോ॒-ഽഹ മുജ്ജി॑തി॒-മനൂജ്ജേ॑ഷം॒-വാഁജ॑സ്യ മാ പ്രസ॒വേനോ᳚-ദ്ഗ്രാ॒ഭേണോദ॑ഗ്രഭീത് । അഥാ॑ സ॒പത്നാ॒ഗ്മ്॒ ഇന്ദ്രോ॑ മേ നിഗ്രാ॒ഭേണാധ॑രാഗ്മ് അകഃ ॥ ഉ॒ദ്ഗ്രാ॒ഭ-ഞ്ച॑ നിഗ്രാ॒ഭ-ഞ്ച॒ ബ്രഹ്മ॑ ദേ॒വാ അ॑വീവൃധന്ന് । അഥാ॑ സ॒പത്നാ॑നിന്ദ്രാ॒ഗ്നീ മേ॑ വിഷൂ॒ചീനാ॒ന് വ്യ॑സ്യതാമ് ॥ ഏമാ അ॑ഗ്മന്നാ॒ശിഷോ॒ ദോഹ॑കാമാ॒ ഇന്ദ്ര॑വന്തോ [ഇന്ദ്ര॑വന്തഃ, വ॒നാ॒മ॒ഹേ॒ ധു॒ക്ഷീ॒മഹി॑] 12
വനാമഹേ ധുക്ഷീ॒മഹി॑ പ്ര॒ജാമിഷ᳚മ് ॥ രോഹി॑തേന ത്വാ॒-ഽഗ്നി-ര്ദേ॒വതാ᳚-ങ്ഗമയതു॒ ഹരി॑ഭ്യാ॒-ന്ത്വേന്ദ്രോ॑ ദേ॒വതാ᳚-ങ്ഗമയ॒ത്വേത॑ശേന ത്വാ॒ സൂര്യോ॑ ദേ॒വതാ᳚-ങ്ഗമയതു॒ വി തേ॑ മുഞ്ചാമി രശ॒നാ വി ര॒ശ്മീന് വി യോക്ത്രാ॒ യാനി॑ പരി॒ചര്ത॑നാനി ധ॒ത്താദ॒സ്മാസു॒ ദ്രവി॑ണം॒-യഁച്ച॑ ഭ॒ദ്ര-മ്പ്ര ണോ᳚ ബ്രൂതാ-ദ്ഭാഗ॒ധാ-ന്ദേ॒വതാ॑സു ॥ വിഷ്ണോ᳚-ശ്ശം॒യോഁര॒ഹ-ന്ദേ॑വയ॒ജ്യയാ॑ യ॒ജ്ഞേന॑ പ്രതി॒ഷ്ഠാ-ങ്ഗ॑മേയ॒ഗ്മ്॒ സോമ॑സ്യാ॒ഹ-ന്ദേ॑വയ॒ജ്യയാ॑ [ദേ॑വയ॒ജ്യയാ᳚, സു॒രേതാ॒] 13
സു॒രേതാ॒ രേതോ॑ ധിഷീയ॒ ത്വഷ്ടു॑ര॒ഹ-ന്ദേ॑വയ॒ജ്യയാ॑ പശൂ॒നാഗ്മ് രൂ॒പ-മ്പു॑ഷേയ-ന്ദേ॒വാനാ॒-മ്പത്നീ॑ര॒ഗ്നി-ര്ഗൃ॒ഹപ॑തി-ര്യ॒ജ്ഞസ്യ॑ മിഥു॒ന-ന്തയോ॑ര॒ഹ-ന്ദേ॑വയ॒ജ്യയാ॑ മിഥു॒നേന॒ പ്രഭൂ॑യാസം-വേഁ॒ദോ॑-ഽസി॒ വിത്തി॑രസി വി॒ദേയ॒ കര്മാ॑-ഽസി ക॒രുണ॑മസി ക്രി॒യാസഗ്മ്॑ സ॒നിര॑സി സനി॒താ-ഽസി॑ സ॒നേയ॑-ങ്ഘൃ॒തവ॑ന്ത-ങ്കുലാ॒യിനഗ്മ്॑ രാ॒യസ്പോഷഗ്മ്॑ സഹ॒സ്രിണം॑-വേഁ॒ദോ ദ॑ദാതു വാ॒ജിന᳚മ് ॥ 14 ॥
(ഇന്ദ്ര॑സ്യാ॒ഹ-മിന്ദ്ര॑വന്തഃ॒-സോമ॑സ്യാ॒ഹ-ന്ദേ॑വയ॒ജ്യയാ॒-ചതു॑ശ്ചത്വാരിഗ്മ്ശച്ച) (അ. 4)
ആ പ്യാ॑യതാ-ന്ധ്രു॒വാ ഘൃ॒തേന॑ യ॒ജ്ഞംയഁ ॑ജ്ഞ॒-മ്പ്രതി॑ ദേവ॒യദ്ഭ്യഃ॑ । സൂ॒ര്യായാ॒ ഊധോ-ഽദി॑ത്യാ ഉ॒പസ്ഥ॑ ഉ॒രുധാ॑രാ പൃഥി॒വീ യ॒ജ്ഞേ അ॒സ്മിന്ന് ॥ പ്ര॒ജാപ॑തേ-ര്വി॒ഭാന്നാമ॑ ലോ॒കസ്തസ്മിഗ്ഗ്॑സ്ത്വാ ദധാമി സ॒ഹ യജ॑മാനേന॒ സദ॑സി॒ സന്മേ॑ ഭൂയാ॒-സ്സര്വ॑മസി॒ സര്വ॑-മ്മേ ഭൂയാഃ പൂ॒ര്ണമ॑സി പൂ॒ര്ണ-മ്മേ॑ ഭൂയാ॒ അക്ഷി॑തമസി॒ മാ മേ᳚ ക്ഷേഷ്ഠാഃ॒ പ്രാച്യാ᳚-ന്ദി॒ശി ദേ॒വാ ഋ॒ത്വിജോ॑ മാര്ജയന്താ॒-ന്ദക്ഷി॑ണായാ- [ദക്ഷി॑ണായാമ്, ദി॒ശി] 15
ന്ദി॒ശി മാസാഃ᳚ പി॒തരോ॑ മാര്ജയന്താ-മ്പ്ര॒തീച്യാ᳚-ന്ദി॒ശി ഗൃ॒ഹാഃ പ॒ശവോ॑ മാര്ജയന്താ॒മുദീ᳚ച്യാ-ന്ദി॒ശ്യാപ॒ ഓഷ॑ധയോ॒ വന॒സ്പത॑യോ മാര്ജയന്താമൂ॒ര്ധ്വായാ᳚-ന്ദി॒ശി യ॒ജ്ഞ-സ്സം॑വഁഥ്സ॒രോ യ॒ജ്ഞപ॑തി-ര്മാര്ജയന്താം॒-വിഁഷ്ണോഃ॒ ക്രമോ᳚-ഽസ്യഭിമാതി॒ഹാ ഗാ॑യ॒ത്രേണ॒ ഛന്ദ॑സാ പൃഥി॒വീമനു॒ വി ക്ര॑മേ॒ നിര്ഭ॑ക്ത॒-സ്സ യ-ന്ദ്വി॒ഷ്മോ വിഷ്ണോഃ॒ ക്രമോ᳚-ഽസ്യഭിശസ്തി॒ഹാ ത്രൈഷ്ടു॑ഭേന॒ ഛന്ദ॑സാ॒ ഽന്തരി॑ക്ഷ॒മനു॒ വി ക്ര॑മേ॒ നിര്ഭ॑ക്ത॒-സ്സ യ-ന്ദ്വി॒ഷ്മോ വിഷ്ണോഃ॒ ക്രമോ᳚-ഽസ്യരാതീയ॒തോ ഹ॒ന്താ ജാഗ॑തേന॒ ഛന്ദ॑സാ॒ ദിവ॒മനു॒ വി ക്ര॑മേ॒ നിര്ഭ॑ക്ത॒-സ്സ യ-ന്ദ്വി॒ഷ്മോ വിഷ്ണോഃ॒ ക്രമോ॑-ഽസി ശത്രൂയ॒തോ ഹ॒ന്താ-ഽഽനു॑ഷ്ടുഭേന॒ ഛന്ദ॑സാ॒ ദിശോ-ഽനു॒ വി ക്ര॑മേ॒ നിര്ഭ॑ക്ത॒-സ്സ യ-ന്ദ്വി॒ഷ്മഃ ॥ 16 ॥
(ദക്ഷി॑ണായാ – മ॒ന്തരി॑ക്ഷ॒മനു॒ വി ക്ര॑മേ॒ നിര്ഭ॑ക്ത॒-സ്സ യ-ന്ദ്വി॒ഷ്മോ വിഷ്ണോ॒- രേകാ॒ന്നത്രി॒ഗ്മ്॒ശച്ച॑) (അ. 5)
അഗ॑ന്മ॒ സുവ॒-സ്സുവ॑രഗന്മ സ॒ന്ദൃശ॑സ്തേ॒ മാ ഛി॑ഥ്സി॒ യത്തേ॒ തപ॒സ്തസ്മൈ॑ തേ॒ മാ-ഽഽ വൃ॑ക്ഷി സു॒ഭൂര॑സി॒ ശ്രേഷ്ഠോ॑ രശ്മീ॒നാമാ॑യു॒ര്ധാ അ॒സ്യായു॑ര്മേ ധേഹി വര്ചോ॒ധാ അ॑സി॒ വര്ചോ॒ മയി॑ ധേഹീ॒ദമ॒ഹമ॒മു-മ്ഭ്രാതൃ॑വ്യമാ॒ഭ്യോ ദി॒ഗ്ഭ്യോ᳚-ഽസ്യൈ ദി॒വോ᳚-ഽസ്മാദ॒ന്തരി॑ക്ഷാദ॒സ്യൈ പൃ॑ഥി॒വ്യാ അ॒സ്മാദ॒ന്നാദ്യാ॒ന്നിര്ഭ॑ജാമി॒ നിര്ഭ॑ക്ത॒-സ്സ യ-ന്ദ്വി॒ഷ്മഃ ॥ 17 ॥
സ-ഞ്ജ്യോതി॑ഷാ-ഽഭൂവമൈ॒ന്ദ്രീ-മാ॒വൃത॑-മ॒ന്വാവ॑ര്തേ॒ സമ॒ഹ-മ്പ്ര॒ജയാ॒ സ-മ്മയാ᳚ പ്ര॒ജാ സമ॒ഹഗ്മ് രാ॒യസ്പോഷേ॑ണ॒ സ-മ്മയാ॑ രാ॒യസ്പോഷ॒-സ്സമി॑ദ്ധോ അഗ്നേ മേ ദീദിഹി സമേ॒ദ്ധാ തേ॑ അഗ്നേ ദീദ്യാസം॒-വഁസു॑മാന്. യ॒ജ്ഞോ വസീ॑യാ-ന്ഭൂയാസ॒മഗ്ന॒ ആയൂഗ്മ്॑ഷി പവസ॒ ആ സു॒വോര്ജ॒മിഷ॑-ഞ്ച നഃ । ആ॒രേ ബാ॑ധസ്വ ദു॒ച്ഛുനാ᳚മ് ॥ അഗ്നേ॒ പവ॑സ്വ॒ സ്വപാ॑ അ॒സ്മേ വര്ച॑-സ്സു॒വീര്യ᳚മ് ॥ 18 ॥
ദധ॒ത്പോഷഗ്മ്॑ ര॒യി-മ്മയി॑ । അഗ്നേ॑ ഗൃഹപതേ സുഗൃഹപ॒തിര॒ഹ-ന്ത്വയാ॑ ഗൃ॒ഹപ॑തിനാ ഭൂയാസഗ്മ് സുഗൃഹപ॒തിര്മയാ॒ ത്വ-ങ്ഗൃ॒ഹപ॑തിനാ ഭൂയാ-ശ്ശ॒തഗ്മ് ഹിമാ॒സ്താമാ॒ശിഷ॒മാ ശാ॑സേ॒ തന്ത॑വേ॒ ജ്യോതി॑ഷ്മതീ॒-ന്താമാ॒ശിഷ॒മാ ശാ॑സേ॒-ഽമുഷ്മൈ॒ ജ്യോതി॑ഷ്മതീ॒-ങ്കസ്ത്വാ॑ യുനക്തി॒ സ ത്വാ॒ വിമു॑ഞ്ച॒ത്വഗ്നേ᳚ വ്രതപതേ വ്ര॒തമ॑ചാരിഷ॒-ന്തദ॑ശക॒-ന്തന്മേ॑-ഽരാധി യ॒ജ്ഞോ ബ॑ഭൂവ॒ സ ആ [സ ആ, ബ॒ഭൂ॒വ॒ സ] 19
ബ॑ഭൂവ॒ സ പ്രജ॑ജ്ഞേ॒ സ വാ॑വൃധേ । സ ദേ॒വാനാ॒മധി॑പതി-ര്ബഭൂവ॒ സോ അ॒സ്മാഗ്മ് അധി॑പതീന് കരോതു വ॒യഗ്ഗ് സ്യാ॑മ॒ പത॑യോ രയീ॒ണാമ് ॥ ഗോമാഗ്മ്॑ അ॒ഗ്നേ-ഽവി॑മാഗ്മ് അ॒ശ്വീ യ॒ജ്ഞോ നൃ॒വഥ്സ॑ഖാ॒ സദ॒മിദ॑പ്രമൃ॒ഷ്യഃ ।ഇഡാ॑വാഗ്മ് ഏ॒ഷോ അ॑സുര പ്ര॒ജാവാ᳚-ന്ദീ॒ര്ഘോ ര॒യിഃ പൃ॑ഥുബു॒ദ്ധ്ന-സ്സ॒ഭാവാന്॑ ॥ 20 ॥
(ദ്വി॒ഷ്മഃ-സു॒വീര്യ॒ഗ്മ്॒-സ ആ-പഞ്ച॑ത്രിഗ്മ്ശച്ച) (അ. 6)
യഥാ॒ വൈ സ॑മൃതസോ॒മാ ഏ॒വം-വാഁ ഏ॒തേ സ॑മൃതയ॒ജ്ഞാ യദ്ദ॑ര്ശപൂര്ണമാ॒സൌ കസ്യ॒ വാ-ഽഹ॑ ദേ॒വാ യ॒ജ്ഞമാ॒ഗച്ഛ॑ന്തി॒ കസ്യ॑ വാ॒ ന ബ॑ഹൂ॒നാം-യഁജ॑മാനാനാം॒-യോഁ വൈ ദേ॒വതാഃ॒ പൂര്വഃ॑ പരിഗൃ॒ഹ്ണാതി॒ സ ഏ॑നാ॒-ശ്ശ്വോ ഭൂ॒തേ യ॑ജത ഏ॒തദ്വൈ ദേ॒വാനാ॑-മാ॒യത॑നം॒-യഁദാ॑ഹവ॒നീയോ᳚-ഽന്ത॒രാ-ഽഗ്നീ പ॑ശൂ॒നാ-ങ്ഗാര്ഹ॑പത്യോ മനു॒ഷ്യാ॑ണാ-മന്വാഹാര്യ॒പച॑നഃ പിതൃ॒ണാമ॒ഗ്നി-ങ്ഗൃ॑ഹ്ണാതി॒ സ്വ ഏ॒വായത॑നേ ദേ॒വതാഃ॒ പരി॑ [ദേ॒വതാഃ॒ പരി॑, ഗൃ॒ഹ്ണാ॒തി॒ താ-ശ്ശ്വോ] 21
ഗൃഹ്ണാതി॒ താ-ശ്ശ്വോ ഭൂ॒തേ യ॑ജതേ വ്ര॒തേന॒ വൈ മേദ്ധ്യോ॒ -ഽഗ്നി-ര്വ്ര॒തപ॑തി-ര്ബ്രാഹ്മ॒ണോ വ്ര॑ത॒ഭൃ-ദ്വ്ര॒ത-മു॑പൈ॒ഷ്യ-ന്ബ്രൂ॑യാ॒ദഗ്നേ᳚ വ്രതപതേ വ്ര॒ത-ഞ്ച॑രിഷ്യാ॒മീത്യ॒ഗ്നി-ര്വൈ ദേ॒വാനാം᳚-വ്രഁ॒തപ॑തി॒സ്തസ്മാ॑ ഏ॒വ പ്ര॑തി॒പ്രോച്യ॑ വ്ര॒തമാ ല॑ഭതേ ബ॒ര്॒ഹിഷാ॑ പൂ॒ര്ണമാ॑സേ വ്ര॒തമുപൈ॑തി വ॒ഥ്സൈര॑മാവാ॒സ്യാ॑യാമേ॒തദ്ധ്യേ॑തയോ॑-രാ॒യത॑നമുപ॒സ്തീര്യഃ॒ പൂര്വ॑ശ്ചാ॒ഗ്നിരപ॑ര॒ശ്ചേത്യാ॑ഹു-ര്മനു॒ഷ്യാ॑ [-ര്മനു॒ഷ്യാഃ᳚, ഇന്ന്വാ] 22
ഇന്ന്വാ ഉപ॑സ്തീര്ണ-മി॒ച്ഛന്തി॒ കിമു॑ ദേ॒വാ യേഷാ॒-ന്നവാ॑വസാന॒-മുപാ᳚സ്മി॒ഞ്ഛ്വോ യ॒ക്ഷ്യമാ॑ണേ ദേ॒വതാ॑ വസന്തി॒ യ ഏ॒വം-വിഁ॒ദ്വാന॒ഗ്നി-മു॑പസ്തൃ॒ണാതി॒ യജ॑മാനേന ഗ്രാ॒മ്യാശ്ച॑ പ॒ശവോ॑-ഽവ॒രുദ്ധ്യാ॑ ആര॒ണ്യാശ്ചേത്യാ॑ഹു॒-ര്യ-ദ്ഗ്രാ॒മ്യാനു॑പ॒വസ॑തി॒ തേന॑ ഗ്രാ॒മ്യാനവ॑ രുന്ധേ॒ യദാ॑ര॒ണ്യസ്യാ॒-ഽശ്ഞാതി॒ തേനാ॑ര॒ണ്യാന്. യദനാ᳚ശ്വാ-നുപ॒വസേ᳚-ത്പിതൃദേവ॒ത്യ॑-സ്സ്യാദാര॒ണ്യസ്യാ᳚-ശ്ഞാതീന്ദ്രി॒യം- [ശ്ഞാതീന്ദ്രി॒യമ്, വാ ആ॑ര॒ണ്യം-] 23
-വാഁ ആ॑ര॒ണ്യ-മി॑ന്ദ്രി॒യ-മേ॒വാ-ഽഽത്മ-ന്ധ॑ത്തേ॒ യദനാ᳚ശ്വാ-നുപ॒വസേ॒-ത്ക്ഷോധു॑ക-സ്സ്യാ॒ദ്യ-ദ॑ശ്ഞീ॒യാദ്രു॒-ദ്രോ᳚-ഽസ്യ പ॒ശൂന॒ഭി മ॑ന്യേതാ॒-ഽപോ᳚-ഽശ്ഞാതി॒ തന്നേവാ॑ശി॒ത-ന്നേവാ-ഽന॑ശിത॒-ന്ന ക്ഷോധു॑കോ॒ ഭവ॑തി॒ നാസ്യ॑ രു॒ദ്രഃ പ॒ശൂന॒ഭി മ॑ന്യതേ॒ വജ്രോ॒ വൈ യ॒ജ്ഞഃ, ക്ഷു-ത്ഖലു॒ വൈ മ॑നു॒ഷ്യ॑സ്യ॒ ഭ്രാതൃ॑വ്യോ॒ യദനാ᳚-ഽശ്വാനുപ॒വസ॑തി॒ വജ്രേ॑ണൈ॒വ സാ॒ക്ഷാ-ത്ക്ഷുധ॒-മ്ഭ്രാതൃ॑വ്യഗ്മ് ഹന്തി ॥ 24 ॥
(പരി॑-മനു॒ഷ്യാ॑-ഇന്ദ്രി॒യഗ്മ്-സാ॒ക്ഷാത്-ത്രീണി॑ ച) (അ. 7)
യോ വൈ ശ്ര॒ദ്ധാമനാ॑രഭ്യ യ॒ജ്ഞേന॒ യജ॑തേ॒ നാസ്യേ॒ഷ്ടായ॒ ശ്രദ്ദ॑ധതേ॒-ഽപഃ പ്ര ണ॑യതി ശ്ര॒ദ്ധാ വാ ആപ॑-ശ്ശ്ര॒ദ്ധാമേ॒വാ-ഽഽരഭ്യ॑ യ॒ജ്ഞേന॑ യജത ഉ॒ഭയേ᳚-ഽസ്യ ദേവമനു॒ഷ്യാ ഇ॒ഷ്ടായ॒ ശ്രദ്ദ॑ധതേ॒ തദാ॑ഹു॒രതി॒ വാ ഏ॒താ വര്ത്ര॑-ന്നേദ॒ന്ത്യതി॒ വാച॒-മ്മനോ॒ വാവൈതാ നാതി॑ നേദ॒ന്തീതി॒ മന॑സാ॒ പ്ര ണ॑യതീ॒യം-വൈഁ മനോ॒- [മനഃ॑, അ॒നയൈ॒വൈനാഃ॒] 25
-ഽനയൈ॒വൈനാഃ॒ പ്ര ണ॑യ॒ത്യ-സ്ക॑ന്നഹവി-ര്ഭവതി॒ യ ഏ॒വം-വേഁദ॑ യജ്ഞായു॒ധാനി॒ സ-മ്ഭ॑രതി യ॒ജ്ഞോ വൈ യ॑ജ്ഞായു॒ധാനി॑ യ॒ജ്ഞമേ॒വ തഥ്സ-മ്ഭ॑രതി॒ യദേക॑മേകഗ്മ് സ॒മ്ഭരേ᳚ത്-പിതൃദേവ॒ത്യാ॑നി സ്യു॒ര്യ-ഥ്സ॒ഹ സര്വാ॑ണി മാനു॒ഷാണി॒ ദ്വേദ്വേ॒ സമ്ഭ॑രതി യാജ്യാനുവാ॒ക്യ॑യോരേ॒വ രൂ॒പ-ങ്ക॑രോ॒ത്യഥോ॑ മിഥു॒നമേ॒വയോ വൈ ദശ॑ യജ്ഞായു॒ധാനി॒ വേദ॑ മുഖ॒തോ᳚-ഽസ്യ യ॒ജ്ഞഃ ക॑ല്പതേ॒ സ്ഫ്യ- [ക॑ല്പതേ॒ സ്ഫ്യഃ, ച॒ ക॒പാലാ॑നി] 26
-ശ്ച॑ ക॒പാലാ॑നി ചാഗ്നിഹോത്ര॒ഹവ॑ണീ ച॒ ശൂര്പ॑-ഞ്ച കൃഷ്ണാജി॒ന-ഞ്ച॒ ശമ്യാ॑ ചോ॒ലൂഖ॑ല-ഞ്ച॒ മുസ॑ല-ഞ്ച ദൃ॒ഷച്ചോപ॑ലാ ചൈ॒താനി॒ വൈ ദശ॑ യജ്ഞായു॒ധാനി॒ യ ഏ॒വം-വേഁദ॑ മുഖ॒തോ᳚-ഽസ്യ യ॒ജ്ഞഃ ക॑ല്പതേ॒ യോ വൈ ദേ॒വേഭ്യഃ॑ പ്രതി॒പ്രോച്യ॑ യ॒ജ്ഞേന॒ യജ॑തേ ജു॒ഷന്തേ᳚-ഽസ്യ ദേ॒വാ ഹ॒വ്യഗ്മ് ഹ॒വി-ര്നി॑രു॒പ്യമാ॑ണമ॒ഭി മ॑ന്ത്രയേതാ॒-ഽഗ്നിഗ്മ് ഹോതാ॑രമി॒ഹ തഗ്മ് ഹു॑വ॒ ഇതി॑ [ ] 27
ദേ॒വേഭ്യ॑ ഏ॒വ പ്ര॑തി॒പ്രോച്യ॑ യ॒ജ്ഞേന॑ യജതേ ജു॒ഷന്തേ᳚-ഽസ്യ ദേ॒വാ ഹ॒വ്യമേ॒ഷ വൈ യ॒ജ്ഞസ്യ॒ ഗ്രഹോ॑ ഗൃഹീ॒ത്വൈവ യ॒ജ്ഞേന॑ യജതേ॒ തദു॑ദി॒ത്വാ വാചം॑-യഁച്ഛതി യ॒ജ്ഞസ്യ॒ ധൃത്യാ॒ അഥോ॒ മന॑സാ॒ വൈ പ്ര॒ജാപ॑തി-ര്യ॒ജ്ഞമ॑തനുത॒ മന॑സൈ॒വ ത-ദ്യ॒ജ്ഞ-ന്ത॑നുതേ॒ രക്ഷ॑സാ॒-മന॑ന്വവചാരായ॒ യോ വൈ യ॒ജ്ഞം-യോഁഗ॒ ആഗ॑തേ യു॒നക്തി॑ യു॒ങ്ക്തേ യു॑ഞ്ജാ॒നേഷു॒ കസ്ത്വാ॑ യുനക്തി॒ സ ത്വാ॑ യുന॒ക്ത്വി-( ) -ത്യാ॑ഹ പ്ര॒ജാപ॑തി॒-ര്വൈ കഃ പ്ര॒ജാപ॑തിനൈ॒വൈനം॑-യുഁനക്തി യു॒ങ്ക്തേ യു॑ഞ്ജാ॒നേഷു॑ ॥ 28 ॥
(വൈമ॒നഃ-സ്ഫ്യ-ഇതി॑-യുന॒ക്ത്വേ-കാ॑ദശ ച) (അ. 8)
പ്ര॒ജാപ॑തി-ര്യ॒ജ്ഞാന॑സൃജതാ-ഗ്നിഹോ॒ത്ര-ഞ്ചാ᳚ഗ്നിഷ്ടോ॒മ-ഞ്ച॑ പൌര്ണമാ॒സീ-ഞ്ചോ॒ക്ഥ്യ॑-ഞ്ചാമാവാ॒സ്യാ᳚-ഞ്ചാതിരാ॒ത്ര-ഞ്ച॒ താനുദ॑മിമീത॒ യാവ॑ദഗ്നിഹോ॒ത്ര-മാസീ॒-ത്താവാ॑നഗ്നിഷ്ടോ॒മോ യാവ॑തീ പൌര്ണമാ॒സീ താവാ॑നു॒ക്ഥ്യോ॑ യാവ॑ത്യമാവാ॒സ്യാ॑ താവാ॑നതിരാ॒ത്രോ യ ഏ॒വം-വിഁ॒ദ്വാന॑ഗ്നിഹോ॒ത്ര-ഞ്ജു॒ഹോതി॒ യാവ॑ദഗ്നിഷ്ടോ॒മേനോ॑ പാ॒പ്നോതി॒ താവ॒ദുപാ᳚-ഽഽപ്നോതി॒ യ ഏ॒വം-വിഁ॒ദ്വാ-ന്പൌ᳚ര്ണമാ॒സീം-യഁജ॑തേ॒ യാവ॑ദു॒ക്ഥ്യേ॑നോപാ॒പ്നോതി॒ [യാവ॑ദു॒ക്ഥ്യേ॑നോപാ॒പ്നോതി॑, താവ॒ദുപാ᳚-ഽഽപ്നോതി॒] 29
താവ॒ദുപാ᳚-ഽഽപ്നോതി॒ യ ഏ॒വം-വിഁ॒ദ്വാന॑മാവാ॒സ്യാം᳚-യഁജ॑തേ॒ യാവ॑ദതിരാ॒ത്രേണോ॑പാ॒പ്നോതി॒ താവ॒ദുപാ᳚-ഽഽപ്നോതി പരമേ॒ഷ്ഠിനോ॒ വാ ഏ॒ഷ യ॒ജ്ഞോ-ഽഗ്ര॑ ആസീ॒-ത്തേന॒ സ പ॑ര॒മാ-ങ്കാഷ്ഠാ॑മഗച്ഛ॒-ത്തേന॑ പ്ര॒ജാപ॑തി-ന്നി॒രവാ॑സായയ॒-ത്തേന॑ പ്ര॒ജാപ॑തിഃ പര॒മാ-ങ്കാഷ്ഠാ॑മഗച്ഛ॒-ത്തേനേന്ദ്ര॑-ന്നി॒രവാ॑സായയ॒-ത്തേനേന്ദ്രഃ॑ പര॒മാ-ങ്കാഷ്ഠാ॑മഗച്ഛ॒-ത്തേനാ॒-ഽഗ്നീഷോമൌ॑ നി॒രവാ॑സായയ॒-ത്തേനാ॒ഗ്നീഷോമൌ॑ പ॒രമാ-ങ്കാഷ്ഠാ॑മഗച്ഛതാം॒-യഁ [കാഷ്ഠാ॑മഗച്ഛതാം॒-യഃ, ഁഏ॒വം-വിഁ॒ദ്വാ-ന്ദ॑ര്ശപൂര്ണമാ॒സൌ] 30
ഏ॒വം-വിഁ॒ദ്വാ-ന്ദ॑ര്ശപൂര്ണമാ॒സൌ യജ॑തേ പര॒മാമേ॒വ കാഷ്ഠാ᳚-ങ്ഗച്ഛതി॒ യോ വൈ പ്രജാ॑തേന യ॒ജ്ഞേന॒ യജ॑തേ॒ പ്ര പ്ര॒ജയാ॑ പ॒ശുഭി॑-ര്മിഥു॒നൈ-ര്ജാ॑യതേ॒ ദ്വാദ॑ശ॒ മാസാ᳚-സ്സംവഁഥ്സ॒രോ ദ്വാദ॑ശ ദ്വ॒ന്ദ്വാനി॑ ദര്ശപൂര്ണമാ॒സയോ॒സ്താനി॑ സ॒മ്പാദ്യാ॒നീത്യാ॑ഹു-ര്വ॒ഥ്സ-ഞ്ചോ॑പാവസൃ॒ജത്യു॒ഖാ-ഞ്ചാധി॑ ശ്രയ॒ത്യവ॑ ച॒ ഹന്തി॑ ദൃ॒ഷദൌ॑ ച സ॒മാഹ॒ന്ത്യധി॑ ച॒ വപ॑തേ ക॒പാലാ॑നി॒ ചോപ॑ ദധാതി പുരോ॒ഡാശ॑-ഞ്ചാ- [പുരോ॒ഡാശ॑-ഞ്ച, അ॒ധി॒ശ്രയ॒ത്യാജ്യ॑-ഞ്ച] 31
-ഽധി॒ശ്രയ॒ത്യാജ്യ॑-ഞ്ച സ്തമ്ബയ॒ജുശ്ച॒ ഹര॑ത്യ॒ഭി ച॑ ഗൃഹ്ണാതി॒ വേദി॑-ഞ്ച പരി ഗൃ॒ഹ്ണാതി॒ പത്നീ᳚-ഞ്ച॒ സന്ന॑ഹ്യതി॒ പ്രോക്ഷ॑ണീശ്ചാ ഽഽസാ॒ദയ॒ത്യാജ്യ॑-ഞ്ചൈ॒താനി॒ വൈ ദ്വാദ॑ശ ദ്വ॒ന്ദ്വാനി॑ ദര്ശപൂര്ണമാ॒സയോ॒സ്താനി॒ യ ഏ॒വഗ്മ് സ॒മ്പാദ്യ॒ യജ॑തേ॒ പ്രജാ॑തേനൈ॒വ യ॒ജ്ഞേന॑ യജതേ॒ പ്ര പ്ര॒ജയാ॑ പ॒ശുഭി॑-ര്മിഥു॒നൈ-ര്ജാ॑യതേ ॥ 32 ॥
(ഉ॒ക്ഥ്യേ॑നോപാ॒പ്നോത്യ॑-ഗച്ഛതാം॒-യഃ ഁ- പു॑രോ॒ഡാശം॑-ചത്വാരി॒ഗ്മ്॒ശച്ച॑) (അ. 9)
ധ്രു॒വോ॑-ഽസി ധ്രു॒വോ॑-ഽഹഗ്മ് സ॑ജാ॒തേഷു॑ ഭൂയാസ॒മിത്യാ॑ഹ ധ്രു॒വാനേ॒വൈനാ᳚ന് കുരുത ഉ॒ഗ്രോ᳚-ഽസ്യു॒ഗ്രോ॑-ഽഹഗ്മ് സ॑ജാ॒തേഷു॑ ഭൂയാസ॒-മിത്യാ॒ഹാപ്ര॑തിവാദിന ഏ॒വൈനാ᳚ന് കുരുതേ-ഽഭി॒ഭൂര॑സ്യഭി॒ഭൂര॒ഹഗ്മ് സ॑ജാ॒തേഷു॑ ഭൂയാസ॒മിത്യാ॑ഹ॒ യ ഏ॒വൈന॑-മ്പ്രത്യു॒ത്പിപീ॑തേ॒ തമുപാ᳚സ്യതേ യു॒നജ്മി॑ ത്വാ॒ ബ്രഹ്മ॑ണാ॒ ദൈവ്യേ॒നേത്യാ॑ഹൈ॒ഷ വാഅ॒ഗ്നേര്യോഗ॒സ്തേനൈ॒ – [വാഅ॒ഗ്നേര്യോഗ॒സ്തേന॑, ഏ॒വൈനം॑-യുഁനക്തി] 33
വൈനം॑-യുഁനക്തി യ॒ജ്ഞസ്യ॒ വൈ സമൃ॑ദ്ധേന ദേ॒വാ-സ്സു॑വ॒ര്ഗം-ലോഁ॒കമാ॑യന്. യ॒ജ്ഞസ്യ॒ വ്യൃ॑ദ്ധേ॒നാസു॑രാ॒-ന്പരാ॑ഭാവയ॒ന്. യന്മേ॑ അഗ്നേ അ॒സ്യ യ॒ജ്ഞസ്യ॒ രിഷ്യാ॒ദിത്യാ॑ഹ യ॒ജ്ഞസ്യൈ॒വ തഥ്സമൃ॑ദ്ധേന॒ യജ॑മാന-സ്സുവ॒ര്ഗം-ലോഁ॒കമേ॑തി യ॒ജ്ഞസ്യ॒ വ്യൃ॑ദ്ധേന॒ ഭ്രാതൃ॑വ്യാ॒-ന്പരാ॑ ഭാവയത്യഗ്നിഹോ॒ത്ര-മേ॒താഭി॒-ര്വ്യാഹൃ॑തീഭി॒രുപ॑ സാദയേദ്യജ്ഞമു॒ഖം-വാഁ അ॑ഗ്നിഹോ॒ത്ര-മ്ബ്രഹ്മൈ॒താ വ്യാഹൃ॑തയോ യജ്ഞമു॒ഖ ഏ॒വ ബ്രഹ്മ॑ – [ബ്രഹ്മ॑, കു॒രു॒തേ॒ സം॒വഁ॒ഥ്സ॒രേ] 34
കുരുതേ സംവഁഥ്സ॒രേ പ॒ര്യാഗ॑ത ഏ॒താഭി॑രേ॒വോപ॑ സാദയേ॒-ദ്ബ്രഹ്മ॑ണൈ॒വോഭ॒യത॑-സ്സംവഁഥ്സ॒ര-മ്പരി॑ ഗൃഹ്ണാതി ദര്ശപൂര്ണമാ॒സൌ ചാ॑തുര്മാ॒സ്യാന്യാ॒ലഭ॑മാന ഏ॒താഭി॒-ര്വ്യാഹൃ॑തീഭിര്-ഹ॒വീഗ്ഷ്യാസാ॑ദയേ-ദ്യജ്ഞമു॒ഖം-വൈഁ ദ॑ര്ശപൂര്ണമാ॒സൌ ചാ॑തുര്മാ॒സ്യാനി॒ ബ്രഹ്മൈ॒താ വ്യാഹൃ॑തയോ യജ്ഞമു॒ഖ ഏ॒വ ബ്രഹ്മ॑ കുരുതേ സംവഁഥ്സ॒രേ പ॒ര്യാഗ॑ത ഏ॒താഭി॑രേ॒വാസാ॑ദയേ॒-ദ്ബ്രഹ്മ॑ണൈ॒വോഭ॒യത॑-സ്സംവഁഥ്സ॒ര-മ്പരി॑ഗൃഹ്ണാതി॒ യദ്വൈ യ॒ജ്ഞസ്യ॒ സാമ്നാ᳚ ക്രി॒യതേ॑ രാ॒ഷ്ട്രം- [രാ॒ഷ്ട്രമ്, യ॒ജ്ഞസ്യാ॒-ശീര്ഗ॑ച്ഛതി॒] 35
-യഁ॒ജ്ഞസ്യാ॒-ശീര്ഗ॑ച്ഛതി॒ യദൃ॒ചാ വിശം॑-യഁ॒ജ്ഞസ്യാ॒- ശീര്ഗ॑ച്ഛ॒ത്യഥ॑ ബ്രാഹ്മ॒ണോ॑-ഽനാ॒ശീര്കേ॑ണ യ॒ജ്ഞേന॑ യജതേ സാമിധേ॒നീ-ര॑നുവ॒ക്ഷ്യന്നേ॒താ വ്യാഹൃ॑തീഃ പു॒രസ്താ᳚ദ്ദദ്ധ്യാ॒-ദ്ബ്രഹ്മൈ॒വ പ്ര॑തി॒പദ॑-ങ്കുരുതേ॒ തഥാ᳚ ബ്രാഹ്മ॒ണ-സ്സാശീ᳚ര്കേണ യ॒ജ്ഞേന॑ യജതേ॒ യ-ങ്കാ॒മയേ॑ത॒ യജ॑മാന॒-മ്ഭ്രാതൃ॑വ്യമസ്യ യ॒ജ്ഞസ്യാ॒ശീര്ഗ॑ച്ഛേ॒ദിതി॒ തസ്യൈ॒താ വ്യാഹൃ॑തീഃ പുരോനുവാ॒ക്യാ॑യാ-ന്ദദ്ധ്യാ-ദ്ഭ്രാതൃവ്യദേവ॒ത്യാ॑ വൈ പു॑രോനുവാ॒ക്യാ᳚ ഭ്രാതൃ॑വ്യമേ॒വാസ്യ॑ യ॒ജ്ഞസ്യാ॒-[യ॒ജ്ഞസ്യാ॑, ആ॒ശീര്ഗ॑ച്ഛതി॒] 36
-ഽഽശീര്ഗ॑ച്ഛതി॒ യാന് കാ॒മയേ॑ത॒ യജ॑മാനാന്-ഥ്സ॒മാവ॑ത്യേനാന് യ॒ജ്ഞസ്യാ॒ ഽഽശീര്ഗ॑ച്ഛേ॒ദിതി॒ തേഷാ॑മേ॒താ വ്യാഹൃ॑തീഃ പുരോനുവാ॒ക്യാ॑യാ അര്ധ॒ര്ച ഏകാ᳚-ന്ദദ്ധ്യാ-ദ്യാ॒ജ്യാ॑യൈ പു॒രസ്താ॒ദേകാം᳚-യാഁ॒ജ്യാ॑യാ അര്ധ॒ര്ച ഏകാ॒-ന്തഥൈ॑നാന്-ഥ്സ॒മാവ॑തീ യ॒ജ്ഞസ്യാ॒ ഽഽശീര്ഗ॑ച്ഛതി॒ യഥാ॒ വൈ പ॒ര്ജന്യ॒-സ്സുവൃ॑ഷ്ടം॒-വഁര്ഷ॑ത്യേ॒വം-യഁ॒ജ്ഞോ യജ॑മാനായ വര്ഷതി॒ സ്ഥല॑യോദ॒ക-മ്പ॑രിഗൃ॒ഹ്ണന്ത്യാ॒ശിഷാ॑ യ॒ജ്ഞം-യഁജ॑മാനഃ॒ പരി॑ ഗൃഹ്ണാതി॒ മനോ॑-ഽസി പ്രാജാപ॒ത്യം- [പ്രാജാപ॒ത്യമ്, മന॑സാ] 37
-മന॑സാ മാ ഭൂ॒തേനാ-ഽഽവി॒ശേത്യാ॑ഹ॒ മനോ॒ വൈ പ്രാ॑ജാപ॒ത്യ-മ്പ്രാ॑ജാപ॒ത്യോ യ॒ജ്ഞോ മന॑ ഏ॒വ യ॒ജ്ഞമാ॒ത്മ-ന്ധ॑ത്തേ॒ വാഗ॑സ്യൈ॒ന്ദ്രീ സ॑പത്ന॒ക്ഷയ॑ണീ വാ॒ചാ മേ᳚ന്ദ്രി॒യേണാ-ഽഽവി॒ശേത്യാ॑ഹൈ॒ന്ദ്രീ വൈ വാഗ്വാച॑-മേ॒വൈന്ദ്രീ- മാ॒ത്മ-ന്ധ॑ത്തേ ॥ 38 ॥
(തേനൈ॒-വ ബ്രഹ്മ॑- രാ॒ഷ്ട്രമേ॒-വാസ്യ॑ യ॒ജ്ഞസ്യ॑-പ്രാജാപ॒ത്യഗ്മ്-ഷട്ത്രിഗ്മ്॑ശച്ച) (അ. 10)
യോ വൈ സ॑പ്തദ॒ശ-മ്പ്ര॒ജാപ॑തിം-യഁ॒ജ്ഞമ॒ന്വായ॑ത്തം॒-വേഁദ॒ പ്രതി॑ യ॒ജ്ഞേന॑ തിഷ്ഠതി॒ ന യ॒ജ്ഞാ-ദ്ഭ്രഗ്മ്॑ശത॒ ആ ശ്രാ॑വ॒യേതി॒ ചതു॑രക്ഷര॒മസ്തു॒ ശ്രൌഷ॒ഡിതി॒ ചതു॑രക്ഷരം॒-യഁജേതി॒ ദ്വ്യ॑ക്ഷരം॒-യേഁ യജാ॑മഹ॒ ഇതി॒ പഞ്ചാ᳚ക്ഷര-ന്ദ്വ്യക്ഷ॒രോ വ॑ഷട്കാ॒ര ഏ॒ഷ വൈ സ॑പ്തദ॒ശഃ പ്ര॒ജാപ॑തി-ര്യ॒ജ്ഞമ॒ന്വായ॑ത്തോ॒ യ ഏ॒വം-വേഁദ॒ പ്രതി॑ യ॒ജ്ഞേന॑ തിഷ്ഠതി॒ ന യ॒ജ്ഞാദ്- ഭ്രഗ്മ്॑ശതേ॒ യോ വൈ യ॒ജ്ഞസ്യ॒ പ്രായ॑ണ-മ്പ്രതി॒ഷ്ഠാ- [പ്രതി॒ഷ്ഠാമ്, ഉ॒ദയ॑നം॒-വേഁദ॒] 39
മു॒ദയ॑നം॒-വേഁദ॒ പ്രതി॑ഷ്ഠിതേ॒നാരി॑ഷ്ടേന യ॒ജ്ഞേന॑ സ॒ഗ്ഗ്॒സ്ഥാ-ങ്ഗ॑ച്ഛ॒ത്യാശ്രാ॑വ॒യാസ്തു॒ ശ്രൌഷ॒ഡ്യജ॒ യേ യജാ॑മഹേ വഷട്കാ॒ര ഏ॒തദ്വൈ യ॒ജ്ഞസ്യ॒ പ്രായ॑ണമേ॒ഷാ പ്ര॑തി॒ഷ്ഠൈതദു॒ദയ॑നം॒-യഁ ഏ॒വം-വേഁദ॒ പ്രതി॑ഷ്ഠിതേ॒നാ-ഽരി॑ഷ്ടേന യ॒ജ്ഞേന॑ സ॒ഗ്ഗ്॒സ്ഥാ-ങ്ഗ॑ച്ഛതി॒ യോ വൈ സൂ॒നൃതാ॑യൈ॒ ദോഹം॒-വേഁദ॑ ദു॒ഹ ഏ॒വൈനാം᳚-യഁ॒ജ്ഞോ വൈ സൂ॒നൃതാ ഽഽ ശ്രാ॑വ॒യേത്യൈവൈനാ॑-മഹ്വ॒ദസ്തു॒ [-മഹ്വ॒ദസ്തു॑, ശ്രൌഷ॒ഡിത്യു॒പാവാ᳚സ്രാ॒-] 40
ശ്രൌഷ॒ഡിത്യു॒പാവാ᳚സ്രാ॒-ഗ്യജേത്യുദ॑നൈഷീ॒ദ്യേ യജാ॑മഹ॒ ഇത്യുപാ॑-ഽസദ-ദ്വഷട്കാ॒രേണ॑ ദോഗ്ദ്ധ്യേ॒ഷ വൈ സൂ॒നൃതാ॑യൈ॒ ദോഹോ॒ യ ഏ॒വം-വേഁദ॑ ദു॒ഹ ഏ॒വൈനാ᳚-ന്ദേ॒വാ വൈ സ॒ത്രമാ॑സത॒ തേഷാ॒-ന്ദിശോ॑-ഽദസ്യ॒ന്ത ഏ॒താമാ॒ര്ദ്രാ-മ്പ॒ങ്ക്തിമ॑പശ്യ॒ന്നാ ശ്രാ॑വ॒യേതി॑ പുരോവാ॒ത-മ॑ജനയ॒ന്നസ്തു॒ ശ്രൌഷ॒ഡിത്യ॒ഭ്രഗ്മ് സമ॑പ്ലാവയ॒ന്॒. യജേതി॑ വി॒ദ്യുത॑- [വി॒ദ്യുത॑മ്, അ॒ജ॒ന॒യ॒ന്॒ യേ] 41
മജനയ॒ന്॒ യേ യജാ॑മഹ॒ ഇതി॒ പ്രാവ॑ര്ഷയന്ന॒ഭ്യ॑സ്തനയന് വഷട്കാ॒രേണ॒ തതോ॒ വൈ തേഭ്യോ॒ ദിശഃ॒ പ്രാപ്യാ॑യന്ത॒ യ ഏ॒വം-വേഁദ॒ പ്രാസ്മൈ॒ ദിശഃ॑ പ്യായന്തേ പ്ര॒ജാപ॑തി-ന്ത്വോ॒വേദ॑ പ്ര॒ജാപ॑തി സ്ത്വംവേഁദ॒ യ-മ്പ്ര॒ജാപ॑തി॒-ര്വേദ॒ സ പുണ്യോ॑ ഭവത്യേ॒ഷ വൈ ഛ॑ന്ദ॒സ്യഃ॑ പ്ര॒ജാപ॑തി॒രാ ശ്രാ॑വ॒യാ-ഽസ്തു॒ ശ്രൌഷ॒ഡ്യജ॒ യേ യജാ॑മഹേ വഷട്കാ॒രോ യ ഏ॒വം-വേഁദ॒ പുണ്യോ॑ ഭവതി വസ॒ന്ത- [വസ॒ന്തമ്, ഋ॒തൂ॒നാം] 42
-മൃ॑തൂ॒നാ-മ്പ്രീ॑ണാ॒മീത്യാ॑ഹ॒ര്തവോ॒ വൈ പ്ര॑യാ॒ജാ ഋ॒തൂനേ॒വ പ്രീ॑ണാതി॒ തേ᳚-ഽസ്മൈ പ്രീ॒താ യ॑ഥാപൂ॒ര്വ-ങ്ക॑ല്പന്തേ॒ കല്പ॑ന്തേ-ഽസ്മാ ഋ॒തവോ॒ യ ഏ॒വം-വേഁദാ॒ഗ്നീഷോമ॑യോര॒ഹ-ന്ദേ॑വയ॒ജ്യയാ॒ ചക്ഷു॑ഷ്മാ-ന്ഭൂയാസ॒മിത്യാ॑-ഹാ॒ഗ്നീഷോമാ᳚ഭ്യാം॒-വൈഁ യ॒ജ്ഞശ്ചക്ഷു॑ഷ്മാ॒-ന്താഭ്യാ॑മേ॒വ ചക്ഷു॑രാ॒ത്മ-ന്ധ॑ത്തേ॒ ഽഗ്നേര॒ഹ-ന്ദേ॑വയ॒ജ്യയാ᳚-ഽന്നാ॒ദോ ഭൂ॑യാസ॒മിത്യാ॑ഹാ॒ഗ്നിര്വൈ ദേ॒വാനാ॑-മന്നാ॒ദസ്തേ നൈ॒വാ- [മന്നാ॒ദസ്തേ നൈ॒വാ, അ॒ന്നാദ്യ॑മാ॒ത്മന്] 43
-ഽന്നാദ്യ॑മാ॒ത്മ-ന്ധ॑ത്തേ॒ ദബ്ധി॑ര॒സ്യദ॑ബ്ധോ ഭൂയാസമ॒മു-ന്ദ॑ഭേയ॒മിത്യാ॑ഹൈ॒തയാ॒ വൈ ദബ്ദ്ധ്യാ॑ ദേ॒വാ അസു॑രാനദഭ്നുവ॒ന്തയൈ॒വ ഭ്രാതൃ॑വ്യ-ന്ദഭ്നോത്യ॒ഗ്നീഷോമ॑യോര॒ഹ-ന്ദേ॑വയ॒ജ്യയാ॑ വൃത്ര॒ഹാ ഭൂ॑യാസ॒മിത്യാ॑ഹാ॒-ഽഗ്നീഷോമാ᳚ഭ്യാം॒-വാഁ ഇന്ദ്രോ॑ വൃ॒ത്രമ॑ഹ॒ന്താഭ്യാ॑മേ॒വ ഭ്രാതൃ॑വ്യഗ്ഗ് സ്തൃണുത ഇന്ദ്രാഗ്നി॒യോര॒ഹ-ന്ദേ॑വയ॒ജ്യയേ᳚ന്ദ്രിയാ॒വ്യ॑ന്നാ॒ദോ ഭൂ॑യാസ॒മിത്യാ॑ഹേന്ദ്രിയാ॒വ്യേ॑വാന്നാ॒ദോ ഭ॑വ॒തീന്ദ്ര॑സ്യാ॒- [ഭ॑വ॒തീന്ദ്ര॑സ്യ, അ॒ഹ-ന്ദേ॑വയ॒ജ്യയേ᳚ന്ദ്രിയാ॒വീ] 44
-ഽഹ-ന്ദേ॑വയ॒ജ്യയേ᳚ന്ദ്രിയാ॒വീ ഭൂ॑യാസ॒മിത്യാ॑ഹേന്ദ്രിയാ॒വ്യേ॑വ ഭ॑വതി മഹേ॒ന്ദ്രസ്യാ॒-ഽഹ-ന്ദേ॑വയ॒ജ്യയാ॑ ജേ॒മാന॑-മ്മഹി॒മാന॑-ങ്ഗമേയ॒മിത്യാ॑ഹ ജേ॒മാന॑മേ॒വ മ॑ഹി॒മാന॑-ങ്ഗച്ഛത്യ॒ഗ്നേ-സ്സ്വി॑ഷ്ട॒കൃതോ॒-ഽഹ-ന്ദേ॑വയ॒ജ്യയാ ഽഽയു॑ഷ്മാന്. യ॒ജ്ഞേന॑ പ്രതി॒ഷ്ഠാ-ങ്ഗ॑മേയ॒മിത്യാ॒-ഹായു॑രേ॒വാത്മ-ന്ധ॑ത്തേ॒ പ്രതി॑ യ॒ജ്ഞേന॑ -തിഷ്ഠതി ॥ 45 ॥
( പ്ര॒തി॒ഷ്ഠാ-മ॑ഹ്വ॒ദസ്തു॑-വി॒ദ്യുതം॑വഁസ॒ന്തന്-തേനൈ॒വേ-ന്ദ്ര॑സ്യാ॒-ഽഷ്ടാത്രിഗ്മ്॑ശച്ച) (അ. 11)
ഇന്ദ്രം॑-വോഁ വി॒ശ്വത॒സ്പരി॒ ഹവാ॑മഹേ॒ ജനേ᳚ഭ്യഃ । അ॒സ്മാക॑മസ്തു॒ കേവ॑ലഃ ॥ ഇന്ദ്ര॒-ന്നരോ॑ നേ॒മധി॑താ ഹവന്തേ॒ യത്പാര്യാ॑ യു॒നജ॑തേ॒ ധിയ॒സ്താഃ । ശൂരോ॒ നൃഷാ॑താ॒ ശവ॑സശ്ചകാ॒ന ആ ഗോമ॑തി വ്ര॒ജേ ഭ॑ജാ॒ ത്വന്നഃ॑ ॥ ഇ॒ന്ദ്രി॒യാണി॑ ശതക്രതോ॒ യാ തേ॒ ജനേ॑ഷു പ॒ഞ്ചസു॑ ॥ ഇന്ദ്ര॒ താനി॑ ത॒ ആ വൃ॑ണേ ॥ അനു॑ തേ ദായി മ॒ഹ ഇ॑ന്ദ്രി॒യായ॑ സ॒ത്രാ തേ॒ വിശ്വ॒മനു॑ വൃത്ര॒ഹത്യേ᳚ । അനു॑ [ ] 46
ക്ഷ॒ത്രമനു॒ സഹോ॑ യജ॒ത്രേന്ദ്ര॑ ദേ॒വേഭി॒രനു॑ തേ നൃ॒ഷഹ്യേ᳚ ॥ ആയസ്മി᳚ന്-ഥ്സ॒പ്തവാ॑സ॒വാ സ്തിഷ്ഠ॑ന്തി സ്വാ॒രുഹോ॑ യഥാ । ഋഷി॑ര്ഹ ദീര്ഘ॒ശ്രുത്ത॑മ॒ ഇന്ദ്ര॑സ്യ ഘ॒ര്മോ അതി॑ഥിഃ ॥ ആ॒മാസു॑ പ॒ക്വമൈര॑യ॒ ആ സൂര്യഗ്മ്॑ രോഹയോ ദി॒വി । ഘ॒ര്മ-ന്ന സാമ॑-ന്തപതാ സുവൃ॒ക്തിഭി॒-ര്ജുഷ്ട॒-ങ്ഗിര്വ॑ണസേ॒ ഗിരഃ॑ ॥ ഇന്ദ്ര॒മി-ദ്ഗാ॒ഥിനോ॑ ബൃ॒ഹദിന്ദ്ര॑-മ॒ര്കേഭി॑-ര॒ര്കിണഃ॑ । ഇന്ദ്രം॒-വാഁണീ॑രനൂഷത ॥ ഗായ॑ന്തി ത്വാ ഗായ॒ത്രിണോ- [ഗായ॒ത്രിണഃ॑, അര്ച॑ന്ത്യ॒ര്ക-മ॒ര്കിണഃ॑ ।] 47
-ഽര്ച॑ന്ത്യ॒ര്ക-മ॒ര്കിണഃ॑ । ബ്ര॒ഹ്മാണ॑സ്ത്വാ ശതക്രത॒വു-ദ്വ॒ഗ്മ്॒ശ-മി॑വ യേമിരേ ॥ അ॒ഗ്മ്॒ഹോ॒മുചേ॒ പ്ര ഭ॑രേമാ മനീ॒ഷാമോ॑ഷിഷ്ഠ॒ദാവംനേ॑ സുമ॒തി-ങ്ഗൃ॑ണാ॒നാഃ । ഇ॒ദമി॑ന്ദ്ര॒ പ്രതി॑ ഹ॒വ്യ-ങ്ഗൃ॑ഭായ സ॒ത്യാ-സ്സ॑ന്തു॒ യജ॑മാനസ്യ॒ കാമാഃ᳚ ॥ വി॒വേഷ॒ യന്മാ॑ ധി॒ഷണാ॑ ജ॒ജാന॒ സ്തവൈ॑ പു॒രാ പാര്യാ॒ദിന്ദ്ര॒-മഹ്നഃ॑ । അഗ്മ്ഹ॑സോ॒ യത്ര॑ പീ॒പര॒ദ്യഥാ॑ നോ നാ॒വേവ॒ യാന്ത॑ മു॒ഭയേ॑ ഹവന്തേ ॥ പ്ര സ॒മ്രാജ॑-മ്പ്രഥ॒മ-മ॑ദ്ധ്വ॒രാണാ॑- [മ॑ദ്ധ്വ॒രാണാ᳚മ്, അ॒ഗ്മ്॒ഹോ॒മുചം॑] 48
-മഗ്മ്ഹോ॒മുചം॑-വൃഁഷ॒ഭം-യഁ॒ജ്ഞിയാ॑നാമ് । അ॒പാ-ന്നപാ॑തമശ്വിനാ॒ ഹയ॑ന്ത-മ॒സ്മിന്ന॑ര ഇന്ദ്രി॒യ-ന്ധ॑ത്ത॒മോജഃ॑ ॥ വി ന॑ ഇന്ദ്ര॒ മൃധോ॑ ജഹി നീ॒ചാ യ॑ച്ഛ പൃതന്യ॒തഃ । അ॒ധ॒സ്പ॒ദ-ന്തമീ᳚-ങ്കൃധി॒ യോ അ॒സ്മാഗ്മ് അ॑ഭി॒ദാസ॑തി ॥ ഇന്ദ്ര॑ ക്ഷ॒ത്രമ॒ഭി വാ॒മമോജോ ഽജാ॑യഥാ വൃഷഭ ചര്ഷണീ॒നാമ് । അപാ॑നുദോ॒ ജന॑-മമിത്ര॒യന്ത॑-മു॒രു-ന്ദേ॒വേഭ്യോ॑ അകൃണോ-രു ലോ॒കമ് ॥ മൃ॒ഗോ ന ഭീ॒മഃ കു॑ച॒രോ ഗി॑രി॒ഷ്ഠാഃ പ॑രാ॒വത [പ॑രാ॒വതഃ॑, ആ ജ॑ഗാമാ॒ പര॑സ്യാഃ ।] 49
ആ ജ॑ഗാമാ॒ പര॑സ്യാഃ । സൃ॒കഗ്മ് സ॒ഗ്മ്॒ശായ॑ പ॒വിമി॑ന്ദ്ര തി॒ഗ്മം-വിഁ ശത്രൂ᳚-ന്താഢി॒ വിമൃധോ॑ നുദസ്വ ॥ വി ശത്രൂ॒ന്॒. വി മൃധോ॑ നുദ॒ വിവൃ॒ത്രസ്യ॒ ഹനൂ॑ രുജ । വി മ॒ന്യുമി॑ന്ദ്ര ഭാമി॒തോ॑-ഽമിത്ര॑സ്യാ-ഽഭി॒ദാസ॑തഃ ॥ ത്രാ॒താര॒-മിന്ദ്ര॑-മവി॒താര॒-മിന്ദ്ര॒ഗ്മ്॒ ഹവേ॑ഹവേ സു॒ഹവ॒ഗ്മ്॒ ശൂര॒മിന്ദ്ര᳚മ് । ഹു॒വേ നു ശ॒ക്ര-മ്പു॑രുഹൂ॒തമിന്ദ്രഗ്ഗ്॑ സ്വ॒സ്തി നോ॑ മ॒ഘവാ॑ ധാ॒ത്വിന്ദ്രഃ॑ ॥ മാ തേ॑ അ॒സ്യാഗ്മ് [അ॒സ്യാഗ്മ്, സ॒ഹ॒സാ॒വ॒-ന്പരി॑ഷ്ടാവ॒ഘായ॑] 50
സ॑ഹസാവ॒-ന്പരി॑ഷ്ടാവ॒ഘായ॑ ഭൂമ ഹരിവഃ പരാ॒ദൈ । ത്രായ॑സ്വ നോ ഽവൃ॒കേഭി॒-ര്വരൂ॑ഥൈ॒-സ്തവ॑ പ്രി॒യാസ॑-സ്സൂ॒രിഷു॑ സ്യാമ ॥ അന॑വസ്തേ॒ രഥ॒മശ്വാ॑യ തക്ഷ॒-ന്ത്വഷ്ടാ॒ വജ്ര॑-മ്പുരുഹൂത ദ്യു॒മന്ത᳚മ് । ബ്ര॒ഹ്മാണ॒ ഇന്ദ്ര॑-മ്മ॒ഹയ॑ന്തോ അ॒ര്കൈരവ॑ര്ധയ॒ന്നഹ॑യേ॒ ഹന്ത॒വാ ഉ॑ ॥ വൃഷ്ണേ॒ യ-ത്തേ॒ വൃഷ॑ണോ അ॒ര്കമര്ചാ॒നിന്ദ്ര॒ ഗ്രാവാ॑ണോ॒ അദി॑തി-സ്സ॒ജോഷാഃ᳚ । അ॒ന॒ശ്വാസോ॒ യേ പ॒വയോ॑-ഽര॒ഥാ ഇന്ദ്രേ॑ഷിതാ അ॒ഭ്യവ॑ര്ത ന്ത॒ ദസ്യൂന്॑ ॥ 51 ॥
(വൃ॒ത്ര॒ഹത്യേ-ഽനു॑-ഗായ॒ത്രിണോ᳚-ഽദ്ധ॒രാണാം᳚-പരാ॒വതോ॒-ഽസ്യാ-മ॒ഷ്ടാച॑ത്വാരിഗ്മ്ശച്ച) (അ. 12)
(സന്ത്വാ॑ സിഞ്ചാമി-ധ്രു॒വോ᳚-ഽസ്യ॒ഗ്നിര്മാ॑-ബ॒ര്॒ഹിഷോ॒-ഽഹ-മാ പ്യാ॑യതാ॒-മഗ॑ന്മ॒-യഥാ॒ വൈ-യോ വൈ ശ്ര॒ദ്ധാം- പ്ര॒ജാപ॑തി॒-ര്യജ്ഞാന്-ധ്രു॒വോ॑-ഽസീത്യാ॑ഹ॒-യോ വൈ സ॑പ്തദ॒ശ-മിന്ദ്രം॑-വോഁ॒-ദ്വാദ॑ശ । )
(സന്ത്വാ॑-ബ॒ര്॒ഹിഷോ॒-ഽഹംയഁഥാ॒ വാ-ഏ॒വം-വിഁ॒ദ്വാ-ഞ്ഛ്രൌഷ॑ട്-ഥ്സാഹസാവ॒-ന്നേക॑പഞ്ചാ॒ശത് ।)
(സന്ത്വാ॑, സിഞ്ചാമി॒ ദസ്യൂന്॑)
॥ ഹരിഃ॑ ഓമ് ॥
॥ കൃഷ്ണ യജുര്വേദീയ തൈത്തിരീയ സംഹിതായാ-മ്പ്രഥമകാണ്ഡേ ഷഷ്ഠഃ പ്രശ്ന-സ്സമാപ്തഃ ॥