കൃഷ്ണ യജുര്വേദീയ തൈത്തിരീയ സംഹിതായാ-മ്പ്രഥമകാണ്ഡേ സപ്തമഃ പ്രശ്നഃ – യാജമാന ബ്രാഹ്മണം
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥
പാ॒ക॒യ॒ജ്ഞം-വാഁ അന്വാഹി॑താഗ്നേഃ പ॒ശവ॒ ഉപ॑ തിഷ്ഠന്ത॒ ഇഡാ॒ ഖലു॒ വൈ പാ॑കയ॒ജ്ഞ-സ്സൈഷാ-ഽന്ത॒രാ പ്ര॑യാജാനൂയാ॒ജാന്. യജ॑മാനസ്യ ലോ॒കേ-ഽവ॑ഹിതാ॒ താമാ᳚ഹ്രി॒യമാ॑ണാമ॒ഭി മ॑ന്ത്രയേത॒ സുരൂ॑പവര്ഷവര്ണ॒ ഏഹീതി॑ പ॒ശവോ॒ വാ ഇഡാ॑ പ॒ശൂനേ॒വോപ॑ ഹ്വയതേ യ॒ജ്ഞം-വൈഁ ദേ॒വാ അദു॑ഹ്രന്. യ॒ജ്ഞോ-ഽസു॑രാഗ്മ് അദുഹ॒-ത്തേ-ഽസു॑രാ ॒ജ്ഞദു॑ഗ്ധാഃ॒ പരാ॑-ഽഭവ॒ന്॒. യോ വൈ യ॒ജ്ഞസ്യ॒ ദോഹം॑-വിഁ॒ദ്വാന് [ ] 1
യജ॒തേ-ഽപ്യ॒ന്യം-യഁജ॑മാന-ന്ദുഹേ॒ സാ മേ॑ സ॒ത്യാ-ഽഽശീര॒സ്യ യ॒ജ്ഞസ്യ॑ ഭൂയാ॒ദിത്യാ॑ഹൈ॒ഷ വൈ യ॒ജ്ഞസ്യ॒ ദോഹ॒സ്തേനൈ॒വൈന॑-ന്ദുഹേ॒ പ്രത്താ॒ വൈ ഗൌര്ദു॑ഹേ॒ പ്രത്തേഡാ॒ യജ॑മാനായ ദുഹ ഏ॒തേ വാ ഇഡാ॑യൈ॒ സ്തനാ॒ ഇഡോപ॑ഹൂ॒തേതി॑ വാ॒യുര്വ॒ഥ്സോ യര്ഹി॒ ഹോതേഡാ॑മുപ॒ഹ്വയേ॑ത॒ തര്ഹി॒ യജ॑മാനോ॒ ഹോതാ॑ര॒മീക്ഷ॑മാണോ വാ॒യു-മ്മന॑സാ ധ്യായേ- [ധ്യായേത്, മാ॒ത്രേ] 2
-ന്മാ॒ത്രേ വ॒ഥ്സ-മു॒പാവ॑സൃജതി॒ സര്വേ॑ണ॒ വൈ യ॒ജ്ഞേന॑ ദേ॒വാ-സ്സു॑വ॒ര്ഗം-ലോഁ॒കമാ॑യ-ന്പാകയ॒ജ്ഞേന॒ മനു॑രശ്രാമ്യ॒ഥ്സേഡാ॒ മനു॑മു॒പാവ॑ര്തത॒ താ-ന്ദേ॑വാസു॒രാ വ്യ॑ഹ്വയന്ത പ്ര॒തീചീ᳚-ന്ദേ॒വാഃ പരാ॑ചീ॒മസു॑രാ॒-സ്സാ ദേ॒വാനു॒പാവ॑ര്തത പ॒ശവോ॒ വൈ ത-ദ്ദേ॒വാന॑വൃണത പ॒ശവോ-ഽസു॑രാനജഹു॒ര്യ-ങ്കാ॒മയേ॑താപ॒ശു-സ്സ്യാ॒ദിതി॒ പരാ॑ചീ॒-ന്തസ്യേഡാ॒മുപ॑ ഹ്വയേതാപ॒ശുരേ॒വ ഭ॑വതി॒ യം- [ഭ॑വതി॒ യമ്, കാ॒മയേ॑ത] 3
-കാ॒മയേ॑ത പശു॒മാന്-ഥ്സ്യാ॒ദിതി॑ പ്ര॒തീചീ॒-ന്തസ്യേഡാ॒-മുപ॑ ഹ്വയേത പശു॒മാനേ॒വ ഭ॑വതി ബ്രഹ്മവാ॒ദിനോ॑ വദന്തി॒ സ ത്വാ ഇഡാ॒മുപ॑ ഹ്വയേത॒ യ ഇഡാ॑- മുപ॒ഹൂയാ॒ത്മാന॒-മിഡാ॑യാ-മുപ॒ഹ്വയേ॒തേതി॒ സാ നഃ॑ പ്രി॒യാ സു॒പ്രതൂ᳚ര്തി-ര്മ॒ഘോനീത്യാ॒ഹേഡാ॑-മേ॒വോപ॒ഹൂയാ॒-ഽഽത്മാന॒ -മിഡാ॑യാ॒മുപ॑ ഹ്വയതേ॒ വ്യ॑സ്തമിവ॒ വാ ഏ॒ത-ദ്യ॒ജ്ഞസ്യ॒ യദിഡാ॑ സാ॒മി പ്രാ॒ശ്ഞന്തി॑ [ ] 4
സാ॒മി മാ᳚ര്ജയന്ത ഏ॒ത-ത്പ്രതി॒ വാ അസു॑രാണാം-യഁ॒ജ്ഞോ വ്യ॑ച്ഛിദ്യത॒ ബ്രഹ്മ॑ണാ ദേ॒വാ-സ്സമ॑ദധു॒-ര്ബൃഹ॒സ്പതി॑ -സ്തനുതാമി॒മ-ന്ന॒ ഇത്യാ॑ഹ॒ ബ്രഹ്മ॒ വൈ ദേ॒വാനാ॒-മ്ബൃഹ॒സ്പതി॒-ര്ബ്രഹ്മ॑ണൈ॒വ യ॒ജ്ഞഗ്മ് സ-ന്ദ॑ധാതി॒ വിച്ഛി॑ന്നം-യഁ॒ജ്ഞഗ്മ് സമി॒മ-ന്ദ॑ധാ॒ത്വിത്യാ॑ഹ॒ സന്ത॑ത്യൈ॒ വിശ്വേ॑ ദേ॒വാ ഇ॒ഹ മാ॑ദയന്താ॒മിത്യാ॑ഹ സ॒ന്തത്യൈ॒വ യ॒ജ്ഞ-ന്ദേ॒വേഭ്യോ-ഽനു॑ ദിശതി॒ യാം-വൈഁ [ ] 5
യ॒ജ്ഞേ ദക്ഷി॑ണാ॒-ന്ദദാ॑തി॒ താമ॑സ്യ പ॒ശവോ-ഽനു॒ സ-ങ്ക്രാ॑മന്തി॒ സ ഏ॒ഷ ഈ॑ജാ॒നോ॑-ഽപ॒ശു-ര്ഭാവു॑കോ॒ യജ॑മാനേന॒ ഖലു॒ വൈ തത്കാ॒ര്യ॑-മിത്യാ॑ഹു॒-ര്യഥാ॑ ദേവ॒ത്രാ ദ॒ത്ത-ങ്കു॑ര്വീ॒താത്മ-ന്പ॒ശൂ-ന്ര॒മയേ॒തേതി॒ ബ്രദ്ധ്ന॒ പിന്വ॒സ്വേത്യാ॑ഹ യ॒ജ്ഞോ വൈ ബ്ര॒ദ്ധ്നോ യ॒ജ്ഞമേ॒വ തന്മ॑ഹയ॒ത്യഥോ॑ ദേവ॒ത്രൈവ ദ॒ത്ത-ങ്കു॑രുത ആ॒ത്മ-ന്പ॒ശൂ-ന്ര॑മയതേ॒ ദദ॑തോ മേ॒ മാ ക്ഷാ॒യീത്യാ॒ഹാക്ഷി॑തി-മേ॒വോപൈ॑തി കുര്വ॒തോ മേ॒ മോപ॑ ദസ॒ദിത്യാ॑ഹ ഭൂ॒മാന॑മേ॒വോപൈ॑തി ॥ 6 ॥
(വി॒ദ്വാന്-ധ്യാ॑യേ-ദ്ഭവതി॒ യം-പ്രാ॒ശ്ഞന്തി॒-യാം-വൈഁ-മ॒-ഏകാ॒ന്നവിഗ്മ്॑ശ॒തിശ്ച॑ ) (അ. 1)
സഗ്ഗ്ശ്ര॑വാ ഹ സൌവര്ചന॒സഃ തുമി॑ഞ്ജ॒മൌപോ॑ദിതി-മുവാച॒ യഥ്സ॒ത്രിണാ॒ഗ്മ്॒ ഹോതാ-ഽഭൂഃ॒ കാമിഡാ॒മുപാ᳚ഹ്വഥാ॒ ഇതി॒ താമുപാ᳚ഹ്വ॒ ഇതി॑ ഹോവാച॒ യാ പ്രാ॒ണേന॑ ദേ॒വാ-ന്ദാ॒ധാര॑ വ്യാ॒നേന॑ മനു॒ഷ്യാ॑നപാ॒നേന॑ പി॒തൃനിതി॑ ഛി॒നത്തി॒ സാ ന ഛി॑ന॒ത്തീ(3) ഇതി॑ ഛി॒നത്തീതി॑ ഹോവാച॒ ശരീ॑രം॒-വാഁ അ॑സ്യൈ॒ തദുപാ᳚ഹ്വഥാ॒ ഇതി॑ ഹോവാച॒ ഗൌര്വാ [ഗൌര്വൈ, അ॒സ്യൈ॒ ശരീ॑രം॒] 7
അ॑സ്യൈ॒ ശരീ॑ര॒-ങ്ഗാം-വാഁവ തൌ ത-ത്പര്യ॑വദതാം॒-യാഁ യ॒ജ്ഞേ ദീ॒യതേ॒ സാ പ്രാ॒ണേന॑ ദേ॒വാ-ന്ദാ॑ധാര॒ യയാ॑ മനു॒ഷ്യാ॑ ജീവ॑ന്തി॒ സാ വ്യാ॒നേന॑ മനു॒ഷ്യാന്॑ യാ-മ്പി॒തൃഭ്യോ॒ ഘ്നന്തി॒ സാ-ഽപാ॒നേന॑ പി॒തൄന്. യ ഏ॒വം വേഁദ॑ പശു॒മാ-ന്ഭ॑വ॒ത്യഥ॒ വൈ താമുപാ᳚ഹ്വ॒ ഇതി॑ ഹോവാച॒ യാ പ്ര॒ജാഃ പ്ര॒ഭവ॑ന്തീഃ॒ പ്രത്യാ॒ഭവ॒തീത്യന്നം॒ വാഁ അ॑സ്യൈ॒ ത- [അ॑സ്യൈ॒ തത്, ഉപാ᳚ഹ്വഥാ॒ ഇതി॑] 8
-ദുപാ᳚ഹ്വഥാ॒ ഇതി॑ ഹോവാ॒ചൌഷ॑ധയോ॒ വാ അ॑സ്യാ॒ അന്ന॒മോഷ॑ധയോ॒ വൈ പ്ര॒ജാഃ പ്ര॒ഭവ॑ന്തീഃ॒ പ്രത്യാ ഭ॑വന്തി॒ യ ഏ॒വം-വേഁദാ᳚ന്നാ॒ദോ ഭ॑വ॒ത്യഥ॒ വൈ താമുപാ᳚ഹ്വ॒ ഇതി॑ ഹോവാച॒ യാ പ്ര॒ജാഃ പ॑രാ॒ഭവ॑ന്തീ-രനുഗൃ॒ഹ്ണാതി॒ പ്രത്യാ॒ഭവ॑ന്തീ-ര്ഗൃ॒ഹ്ണാതീതി॑ പ്രതി॒ഷ്ഠാം-വാഁ അ॑സ്യൈ॒ തദുപാ᳚ഹ്വഥാ॒ ഇതി॑ ഹോവാചേ॒യം-വാഁ അ॑സ്യൈ പ്രതി॒ഷ്ഠേ [പ്രതി॒ഷ്ഠാ, ഇ॒യം-വൈഁ] 9
യം-വൈഁ പ്ര॒ജാഃ പ॑രാ॒ഭവ॑ന്തീ॒രനു॑ ഗൃഹ്ണാതി॒ പ്രത്യാ॒ഭവ॑ന്തീ-ര്ഗൃഹ്ണാതി॒ യ ഏ॒വം-വേഁദ॒ പ്രത്യേ॒വ തി॑ഷ്ഠ॒ത്യഥ॒ വൈ താമുപാ᳚ഹ്വ॒ ഇതി॑ ഹോവാച॒ യസ്യൈ॑ നി॒ക്രമ॑ണേ ഘൃ॒ത-മ്പ്ര॒ജാ-സ്സ॒ഞ്ജീവ॑ന്തീഃ॒ പിബ॒ന്തീതി॑ ഛി॒നത്തി॒ സാ ന ഛി॑ന॒ത്തീ (3) ഇതി॒ ന ഛി॑ന॒ത്തീതി॑ ഹോവാച॒ പ്ര തു ജ॑നയ॒തീത്യേ॒ഷ വാ ഇഡാ॒മുപാ᳚ഹ്വഥാ॒ ഇതി॑ ഹോവാച॒ വൃഷ്ടി॒ര്॒വാ ഇഡാ॒ വൃഷ്ട്യൈ॒ വൈ നി॒ക്രമ॑ണേ ഘൃ॒ത-മ്പ്ര॒ജാ-സ്സ॒ഞ്ജീവ॑ന്തീഃ പിബന്തി॒ യ ഏ॒വം-വേഁദ॒ പ്രൈവ ജാ॑യതേ-ഽന്നാ॒ദോ ഭ॑വതി ॥ 10 ॥
(ഗൌര്വാ-അ॑സ്യൈ॒ തത്-പ്ര॑തി॒ഷ്ഠാ-ഽഹ്വ॑ഥാ॒ ഇതി॑-വിഗ്മ്ശ॒തിശ്ച॑) (അ. 2)
പ॒രോക്ഷം॒-വാഁ അ॒ന്യേ ദേ॒വാ ഇ॒ജ്യന്തേ᳚ പ്ര॒ത്യക്ഷ॑മ॒ന്യേ യ-ദ്യജ॑തേ॒ യ ഏ॒വ ദേ॒വാഃ പ॒രോക്ഷ॑മി॒ജ്യന്തേ॒ താനേ॒വ ത-ദ്യ॑ജതി॒ യദ॑ന്വാഹാ॒ര്യ॑-മാ॒ഹര॑ത്യേ॒തേ വൈ ദേ॒വാഃ പ്ര॒ത്യക്ഷം॒-യഁ-ദ്ബ്രാ᳚ഹ്മ॒ണാസ്താനേ॒വ തേന॑ പ്രീണാ॒ത്യഥോ॒ ദക്ഷി॑ണൈ॒വാസ്യൈ॒ഷാ-ഽഥോ॑ യ॒ജ്ഞസ്യൈ॒വ ഛി॒ദ്രമപി॑ ദധാതി॒ യദ്വൈ യ॒ജ്ഞസ്യ॑ ക്രൂ॒രം-യഁദ്വിലി॑ഷ്ട॒-ന്തദ॑ന്വാഹാ॒ര്യേ॑ണാ॒- [തദ॑ന്വാഹാ॒ര്യേ॑ണ, അ॒ന്വാഹ॑രതി॒] 11
-ഽന്വാഹ॑രതി॒ തദ॑ന്വാഹാ॒ര്യ॑സ്യാ-ന്വാഹാര്യ॒ത്വ-ന്ദേ॑വദൂ॒താ വാ ഏ॒തേ യദ്-ഋ॒ത്വിജോ॒ യദ॑ന്വാഹാ॒ര്യ॑-മാ॒ഹര॑തി ദേവദൂ॒താനേ॒വ പ്രീ॑ണാതി പ്ര॒ജാപ॑തി-ര്ദേ॒വേഭ്യോ॑ യ॒ജ്ഞാന് വ്യാദി॑ശ॒-ഥ്സ രി॑രിചാ॒നോ॑-ഽമന്യത॒ സ ഏ॒തമ॑ന്വാഹാ॒ര്യ॑-മഭ॑ക്ത-മപശ്യ॒-ത്തമാ॒ത്മന്ന॑ധത്ത॒സ വാ ഏ॒ഷ പ്രാ॑ജാപ॒ത്യോ യദ॑ന്വാഹാ॒ര്യോ॑ യസ്യൈ॒വം-വിഁ॒ദുഷോ᳚-ഽന്വാഹാ॒ര്യ॑ ആഹ്രി॒യതേ॑ സാ॒ക്ഷാദേ॒വ പ്ര॒ജാപ॑തി-മൃദ്ധ്നോ॒ത്യപ॑രിമിതോനി॒രുപ്യോ-ഽപ॑രിമിതഃ പ്ര॒ജാപ॑തിഃ പ്ര॒ജാപ॑തേ॒- [പ്ര॒ജാപ॑തേഃ, ആപ്ത്യൈ॑] 12
-രാപ്ത്യൈ॑ ദേ॒വാ വൈ യ-ദ്യ॒ജ്ഞേ-ഽകു॑ര്വത॒ തദസു॑രാ അകുര്വത॒ തേ ദേ॒വാ ഏ॒ത-മ്പ്രാ॑ജാപ॒ത്യ-മ॑ന്വാഹാ॒ര്യ॑-മപശ്യ॒-ന്തമ॒ന്വാഹ॑രന്ത॒ തതോ॑ ദേ॒വാ അഭ॑വ॒-ന്പരാസു॑രാ॒ യസ്യൈ॒വം-വിഁ॒ദുഷോ᳚-ഽന്വാഹാ॒ര്യ॑ ആഹ്രി॒യതേ॒ ഭവ॑ത്യാ॒ത്മനാ॒ പരാ᳚സ്യ॒ ഭ്രാതൃ॑വ്യോ ഭവതി യ॒ജ്ഞേന॒ വാ ഇ॒ഷ്ടീ പ॒ക്വേന॑ പൂ॒ര്തീ യസ്യൈ॒വം-വിഁ॒ദുഷോ᳚-ഽന്വാഹാ॒ര്യ॑ ആഹ്രി॒യതേ॒ സ ത്വേ॑വേഷ്ടാ॑പൂ॒ര്തീ പ്ര॒ജാപ॑തേര്ഭാ॒ഗോ॑-ഽസീ- [പ്ര॒ജാപ॑തേര്ഭാ॒ഗോ॑-ഽസീ, ഇത്യാ॑ഹ] 13
-ത്യാ॑ഹ പ്ര॒ജാപ॑തിമേ॒വ ഭാ॑ഗ॒ധേയേ॑ന॒ സമ॑ര്ധയ॒ത്യൂര്ജ॑സ്വാ॒-ന്പയ॑സ്വാ॒നിത്യാ॒ഹോര്ജ॑-മേ॒വാസ്മി॒-ന്പയോ॑ ദധാതി പ്രാണാപാ॒നൌ മേ॑ പാഹി സമാനവ്യാ॒നൌ മേ॑ പാ॒ഹീത്യാ॑ഹാ॒-ഽഽശിഷ॑മേ॒വൈതാമാ ശാ॒സ്തേ ഽക്ഷി॑തോ॒ ഽസ്യക്ഷി॑ത്യൈ ത്വാ॒ മാ മേ᳚ ക്ഷേഷ്ഠാ അ॒മുത്രാ॒മുഷ്മി॑-ല്ലോഁ॒ക ഇത്യാ॑ഹ॒ ക്ഷീയ॑തേ॒ വാ അ॒മുഷ്മി॑-ല്ലോഁ॒കേ-ഽന്ന॑-മി॒തഃപ്ര॑ദാന॒ഗ്ഗ്॒ ഹ്യ॑മുഷ്മി-ല്ലോഁ॒കേ പ്ര॒ജാ ഉ॑പ॒ജീവ॑ന്തി॒ യദേ॒വ-മ॑ഭിമൃ॒ശത്യക്ഷി॑തി-മേ॒വൈന॑-ദ്ഗമയതി॒ നാസ്യാ॒മുഷ്മി॑-ല്ലോഁ॒കേ-ഽന്ന॑-ങ്ക്ഷീയതേ ॥ 14 ॥
(അ॒ന്വാ॒ഹാ॒ര്യേ॑ണ-പ്ര॒ജാപ॑തേ-രസി॒-ഹ്യ॑മുഷ്മി॑-ല്ലോഁ॒കേ-പഞ്ച॑ദശ ച ) (അ. 3)
ബ॒ര്॒ഹിഷോ॒-ഽഹ-ന്ദേ॑വയ॒ജ്യയാ᳚ പ്ര॒ജാവാ᳚-ന്ഭൂയാസ॒മിത്യാ॑ഹ ബ॒ര്॒ഹിഷാ॒ വൈ പ്ര॒ജാപ॑തിഃ പ്ര॒ജാ അ॑സൃജത॒ തേനൈ॒വ പ്ര॒ജാ-സ്സൃ॑ജതേ॒ നരാ॒ശഗ്മ്സ॑സ്യാ॒ഹ-ന്ദേ॑വയ॒ജ്യയാ॑ പശു॒മാ-ന്ഭൂ॑യാസ॒മിത്യാ॑ഹ॒ നരാ॒ശഗ്മ്സേ॑ന॒ വൈ പ്ര॒ജാപ॑തിഃ പ॒ശൂന॑സൃജത॒ തേനൈ॒വ പ॒ശൂന്-ഥ്സൃ॑ജതേ॒-ഽഗ്നേ-സ്സ്വി॑ഷ്ട॒കൃതോ॒-ഽഹ-ന്ദേ॑വയ॒ജ്യയാ-ഽഽയു॑ഷ്മാന്. യ॒ജ്ഞേന॑ പ്രതി॒ഷ്ഠാ-ങ്ഗ॑മേയ॒മിത്യാ॒ഹാ-ഽഽയു॑രേ॒വാത്മ-ന്ധ॑ത്തേ॒ പ്രതി॑ യ॒ജ്ഞേന॑ തിഷ്ഠതി ദര്ശപൂര്ണമാ॒സയോ॒- [ദര്ശപൂര്ണമാ॒സയോഃ᳚, വൈ ദേ॒വാ] 15
-ര്വൈ ദേ॒വാ ഉജ്ജി॑തി॒-മനൂദ॑ജയ-ന്ദര്ശപൂര്ണമാ॒സാഭ്യാ॒- മസു॑രാ॒നപാ॑-നുദന്താ॒ഗ്നേ-ര॒ഹമുജ്ജി॑തി॒-മനൂജ്ജേ॑ഷ॒-മിത്യാ॑ഹ ദര്ശപൂര്ണമാ॒സയോ॑രേ॒വ ദേ॒വതാ॑നാം॒-യഁജ॑മാന॒ ഉജ്ജി॑തി॒മനൂജ്ജ॑യതി ദര്ശപൂര്ണമാ॒സാഭ്യാ॒-മ്ഭ്രാതൃ॑വ്യാ॒നപ॑ നുദതേ॒ വാജ॑വതീഭ്യാം॒-വ്യൂഁ ॑ഹ॒ത്യന്നം॒-വൈഁ വാജോ-ഽന്ന॑മേ॒വാവ॑ രുന്ധേ॒ ദ്വാഭ്യാ॒-മ്പ്രതി॑ഷ്ഠിത്യൈ॒ യോ വൈ യ॒ജ്ഞസ്യ॒ ദ്വൌ ദോഹൌ॑ വി॒ദ്വാന് യജ॑ത ഉഭ॒യത॑ [ഉഭ॒യതഃ॑, ഏ॒വ യ॒ജ്ഞം] 16
ഏ॒വ യ॒ജ്ഞ-ന്ദു॑ഹേ പു॒രസ്താ᳚ച്ചോ॒പരി॑ഷ്ടാച്ചൈ॒ഷ വാ അ॒ന്യോ യ॒ജ്ഞസ്യ॒ ദോഹ॒ ഇഡാ॑യാമ॒ന്യോ യര്ഹി॒ ഹോതാ॒ യജ॑മാനസ്യ॒ നാമ॑ ഗൃഹ്ണീ॒യാ-ത്തര്ഹി॑ ബ്രൂയാ॒ദേമാ അ॑ഗ്മന്നാ॒ശിഷോ॒ ദോഹ॑കാമാ॒ ഇതി॒ സഗ്ഗ്സ്തു॑താ ഏ॒വ ദേ॒വതാ॑ ദു॒ഹേ-ഽഥോ॑ ഉഭ॒യത॑ ഏ॒വ യ॒ജ്ഞ-ന്ദു॑ഹേ പു॒രസ്താ᳚ച്ചോ॒പരി॑ഷ്ടാച്ച॒ രോഹി॑തേന ത്വാ॒-ഽഗ്നിര്ദേ॒വതാ᳚-ങ്ഗമയ॒ത്വിത്യാ॑ഹൈ॒തേ വൈ ദേ॑വാ॒ശ്വാ [വൈ ദേ॑വാ॒ശ്വാഃ, യജ॑മാനഃ പ്രസ്ത॒രോ] 17
യജ॑മാനഃ പ്രസ്ത॒രോ യദേ॒തൈഃ പ്ര॑സ്ത॒ര-മ്പ്ര॒ഹര॑തി ദേവാ॒ശ്വൈരേ॒വ യജ॑മാനഗ്മ് സുവ॒ര്ഗം-ലോഁ॒ക-ങ്ഗ॑മയതി॒ വി തേ॑ മുഞ്ചാമി രശ॒നാ വി ര॒ശ്മീനിത്യാ॑ഹൈ॒ഷ വാ അ॒ഗ്നേര്വി॑മോ॒കസ്തേ-നൈ॒വൈനം॒-വിഁമു॑ഞ്ചതി ॒വിഷ്ണോ᳚-ശ്ശം॒യോഁര॒ഹ-ന്ദേ॑വയ॒ജ്യയാ॑ യ॒ജ്ഞേന॑ പ്രതി॒ഷ്ഠാ-ങ്ഗ॑മേയ॒മിത്യാ॑ഹ യ॒ജ്ഞോ വൈ വിഷ്ണു॑-ര്യ॒ജ്ഞ ഏ॒വാന്ത॒തഃ പ്രതി॑ തിഷ്ഠതി॒ സോമ॑സ്യാ॒ഹ-ന്ദേ॑വയ॒ജ്യയാ॑ സു॒രേതാ॒ [സു॒രേതാഃ᳚, രേതോ॑] 18
രേതോ॑ ധിഷീ॒യേത്യാ॑ഹ॒ സോമോ॒ വൈ രേ॑തോ॒ധാസ്തേനൈ॒വ രേത॑ ആ॒ത്മ-ന്ധ॑ത്തേ॒ ത്വഷ്ടു॑ര॒ഹ-ന്ദേ॑വയ॒ജ്യയാ॑ പശൂ॒നാഗ്മ് രൂ॒പ-മ്പു॑ഷേയ॒മിത്യാ॑ഹ॒ ത്വഷ്ടാ॒ വൈ പ॑ശൂ॒നാ-മ്മി॑ഥു॒നാനാഗ്മ്॑ രൂപ॒കൃത്തേനൈ॒വ പ॑ശൂ॒നാഗ്മ് രൂ॒പമാ॒ത്മ-ന്ധ॑ത്തേ ദേ॒വാനാ॒-മ്പത്നീ॑ര॒ഗ്നി-ര്ഗൃ॒ഹപ॑തി-ര്യ॒ജ്ഞസ്യ॑ മിഥു॒ന-ന്തയോ॑ര॒ഹ-ന്ദേ॑വയ॒ജ്യയാ॑ മിഥു॒നേന॒ പ്രഭൂ॑യാസ॒-മിത്യാ॑ഹൈ॒തസ്മാ॒-ദ്വൈ മി॑ഥു॒നാ-ത്പ്ര॒ജാപ॑തി-ര്മിഥു॒നേന॒ [ര്മിഥു॒നേന॑, പ്രാ-ഽജാ॑യത॒] 19
പ്രാ-ഽജാ॑യത॒ തസ്മാ॑ദേ॒വ യജ॑മാനോ മിഥു॒നേന॒ പ്രജാ॑യതേ വേ॒ദോ॑-ഽസി॒ വിത്തി॑രസി വി॒ദേയേത്യാ॑ഹ വേ॒ദേന॒ വൈ ദേ॒വാ അസു॑രാണാം-വിഁ॒ത്തം-വേഁദ്യ॑മവിന്ദന്ത॒ ത-ദ്വേ॒ദസ്യ॑ വേദ॒ത്വം-യഁദ്യ॒-ദ്ഭ്രാതൃ॑വ്യസ്യാഭി॒ദ്ധ്യായേ॒-ത്തസ്യ॒ നാമ॑ ഗൃഹ്ണീയാ॒-ത്തദേ॒വാസ്യ॒ സര്വം॑-വൃഁങ്ക്തേ ഘൃ॒തവ॑ന്ത-ങ്കുലാ॒യിനഗ്മ്॑ രാ॒യസ്പോഷഗ്മ്॑ സഹ॒സ്രിണം॑-വേഁ॒ദോ ദ॑ദാതു വാ॒ജിന॒മിത്യാ॑ഹ॒ പ്രസ॒ഹസ്ര॑-മ്പ॒ശൂനാ᳚പ്നോ॒ത്യാ സ്യ॑ പ്ര॒ജായാം᳚-വാഁ॒ജീ ജാ॑യതേ॒ യ ഏ॒വം-വേഁദ॑ ॥ 20 ॥
(ദ॒ര്॒ശ॒പൂ॒ര്ണ॒മാസയോ॑-രുഭ॒യതോ॑-ദേവാ॒ശ്വാഃ-സു॒രേതാഃ᳚-പ്ര॒ജാപ॑തി-ര്മിഥു॒നേനാ᳚-പ്നോത്യ॒-ഷ്ടൌ ച॑) (അ. 4)
ധ്രു॒വാം-വൈഁ രിച്യ॑മാനാം-യഁ॒ജ്ഞോ-ഽനു॑ രിച്യതേ യ॒ജ്ഞം-യഁജ॑മാനോ॒ യജ॑മാന-മ്പ്ര॒ജാ ധ്രു॒വാമാ॒പ്യായ॑മാനാം-യഁ॒ജ്ഞോ-ഽന്വാ പ്യാ॑യതേ യ॒ജ്ഞം-യഁജ॑മാനോ॒ യജ॑മാന-മ്പ്ര॒ജാ ആ പ്യാ॑യതാ-ന്ധ്രു॒വാ ഘൃ॒തേനേത്യാ॑ഹ ധ്രു॒വാമേ॒വാ ഽഽ പ്യാ॑യയതി॒ താമാ॒പ്യായ॑മാനാം-യഁ॒ജ്ഞോ-ഽന്വാ പ്യാ॑യതേ യ॒ജ്ഞം-യഁജ॑മാനോ॒ യജ॑മാന-മ്പ്ര॒ജാഃ പ്ര॒ജാപ॑തേ-ര്വി॒ഭാന്നാമ॑ ലോ॒കസ്തസ്മിഗ്ഗ്॑സ്ത്വാ ദധാമി സ॒ഹ യജ॑മാനേ॒നേ- [യജ॑മാനേ॒നേതി, ആ॒ഹാ॒-ഽയം-വൈഁ] 21
-ത്യാ॑ഹാ॒-ഽയം-വൈഁ പ്ര॒ജാപ॑തേ-ര്വി॒ഭാന്നാമ॑ ലോ॒കസ്തസ്മി॑-ന്നേ॒വൈന॑-ന്ദധാതി സ॒ഹ യജ॑മാനേന॒ രിച്യ॑ത ഇവ॒ വാ ഏ॒ത-ദ്യ-ദ്യജ॑തേ॒ യ-ദ്യ॑ജമാനഭാ॒ഗ-മ്പ്രാ॒ശ്ഞാത്യാ॒ത്മാന॑മേ॒വ പ്രീ॑ണാത്യേ॒താവാ॒ന്॒. വൈ യ॒ജ്ഞോ യാവാന്॑. യജമാനഭാ॒ഗോ യ॒ജ്ഞോ യജ॑മാനോ॒ യ-ദ്യ॑ജമാനഭാ॒ഗ-മ്പ്രാ॒ശ്ഞാതി॑ യ॒ജ്ഞ ഏ॒വ യ॒ജ്ഞ-മ്പ്രതി॑ ഷ്ഠാപയത്യേ॒തദ്വൈ സൂ॒യവ॑സ॒ഗ്മ്॒ സോദ॑കം॒-യഁദ്ബ॒ര്॒ഹിശ്ചാ-ഽഽപ॑ശ്ചൈ॒ത- [-ഽഽപ॑ശ്ചൈ॒തത്, യജ॑മാനസ്യാ॒-] 22
-ദ്യജ॑മാനസ്യാ॒-ഽഽയത॑നം॒-യഁദ്വേദി॒ര്യ-ത്പൂ᳚ര്ണപാ॒ത്ര-മ॑ന്തര്വേ॒ദി നി॒നയ॑തി॒ സ്വ ഏ॒വാ-ഽഽയ॑തനേ സൂ॒യവ॑സ॒ഗ്മ്॒ സോദ॑ക-ങ്കുരുതേ॒ സദ॑സി॒ സന്മേ॑ ഭൂയാ॒ ഇത്യാ॒ഹാ-ഽഽപോ॒ വൈ യ॒ജ്ഞ ആപോ॒-ഽമൃതം॑-യഁ॒ജ്ഞമേ॒വാമൃത॑-മാ॒ത്മ-ന്ധ॑ത്തേ॒ സര്വാ॑ണി॒ വൈ ഭൂ॒താനി॑ വ്ര॒ത-മു॑പ॒യന്ത॒ -മനൂപ॑ യന്തി॒ പ്രാച്യാ᳚-ന്ദി॒ശി ദേ॒വാ ഋ॒ത്വിജോ॑ മാര്ജയന്താ॒-മിത്യാ॑ഹൈ॒ഷ വൈ ദ॑ര്ശപൂര്ണമാ॒സയോ॑-രവഭൃ॒ഥോ [-രവഭൃ॒ഥഃ, യാന്യേ॒വൈന॑-മ്ഭൂ॒താനി॑] 23
യാന്യേ॒വൈന॑-മ്ഭൂ॒താനി॑ വ്ര॒തമു॑പ॒യന്ത॑-മനൂപ॒യന്തി॒ തൈരേ॒വ സ॒ഹാവ॑ഭൃ॒ഥമവൈ॑തി॒ വിഷ്ണു॑മുഖാ॒ വൈ ദേ॒വാ ശ്ഛന്ദോ॑ഭിരി॒മാ-ല്ലോഁ॒കാ-ന॑നപജ॒യ്യമ॒ഭ്യ॑ജയ॒ന്॒. യ-ദ്വി॑ഷ്ണുക്ര॒മാന് ക്രമ॑തേ॒ വിഷ്ണു॑രേ॒വ ഭൂ॒ത്വാ യജ॑മാന॒ശ്ഛന്ദോ॑ഭിരി॒മാ-ല്ലോഁ॒കാ-ന॑നപജ॒യ്യമ॒ഭി ജ॑യതി॒ വിഷ്ണോഃ॒ ക്രമോ᳚-ഽസ്യഭിമാതി॒ഹേത്യാ॑ഹ ഗായ॒ത്രീ വൈ പൃ॑ഥി॒വീ ത്രൈഷ്ടു॑ഭമ॒ന്തരി॑ക്ഷ॒-ഞ്ജാഗ॑തീ॒ ദ്യൌരാനു॑ഷ്ടുഭീ॒-ര്ദിശ॒ ശ്ഛന്ദോ॑ഭിരേ॒വേമാ-ല്ലോഁ॒കാന്. യ॑ഥാപൂ॒ര്വമ॒ഭി ജ॑യതി ॥ 24 ॥
(യജ॑മാനേ॒നേതി॑-ചൈ॒ തദ॑-വഭൃ॒ഥോ-ദിശഃ॑-സ॒പ്ത ച॑) (അ. 5)
അഗ॑ന്മ॒ സുവ॒-സ്സുവ॑രഗ॒ന്മേത്യാ॑ഹ സുവ॒ര്ഗമേ॒വ ലോ॒കമേ॑തി സ॒ന്ദൃശ॑സ്തേ॒ മാ ഛി॑ഥ്സി॒ യത്തേ॒ തപ॒സ്തസ്മൈ॑ തേ॒ മാ ഽഽ വൃ॒ക്ഷീത്യാ॑ഹ യഥായ॒ജു-രേ॒വൈത-ഥ്സു॒ഭൂര॑സി॒ ശ്രേഷ്ഠോ॑ രശ്മീ॒നാമാ॑യു॒ര്ധാ അ॒സ്യായു॑ര്മേ ധേ॒ഹീത്യാ॑ഹാ॒-ഽഽശിഷ॑മേ॒വൈതാമാ ശാ᳚സ്തേ॒ പ്ര വാ ഏ॒ഷോ᳚-ഽസ്മാ-ല്ലോഁ॒കാച്ച്യ॑വതേ॒ യോ [യഃ, വി॒ഷ്ണു॒ക്ര॒മാന് ക്രമ॑തേ] 25
വി॑ഷ്ണുക്ര॒മാന് ക്രമ॑തേ സുവ॒ര്ഗായ॒ ഹി ലോ॒കായ॑ വിഷ്ണുക്ര॒മാഃ ക്ര॒മ്യന്തേ᳚ ബ്രഹ്മവാ॒ദിനോ॑ വദന്തി॒ സ ത്വൈ വി॑ഷ്ണുക്ര॒മാന് ക്ര॑മേത॒ യ ഇ॒മാ-ല്ലോഁ॒കാ-ന്ഭ്രാതൃ॑വ്യസ്യ സം॒വിഁദ്യ॒ പുന॑രി॒മം-ലോഁ॒ക-മ്പ്ര॑ത്യവ॒രോഹേ॒ദിത്യേ॒ഷ വാ അ॒സ്യ ലോ॒കസ്യ॑ പ്രത്യവരോ॒ഹോ യദാഹേ॒ദമ॒ഹമ॒മു-മ്ഭ്രാതൃ॑വ്യമാ॒ഭ്യോ ദി॒ഗ്ഭ്യോ᳚-ഽസ്യൈ ദി॒വ ഇതീ॒മാനേ॒വ ലോ॒കാ-ന്ഭ്രാതൃ॑വ്യസ്യ സം॒വിഁദ്യ॒ പുന॑രി॒മം-ലോഁ॒ക-മ്പ്ര॒ത്യവ॑രോഹതി॒ സം- [സമ്, ജ്യോതി॑ഷാ-ഽഭൂവ॒മിത്യാ॑ഹാ॒സ്മിന്നേ॒വ] 26
-ജ്യോതി॑ഷാ-ഽഭൂവ॒മിത്യാ॑ഹാ॒സ്മിന്നേ॒വ ലോ॒കേ പ്രതി॑ തിഷ്ഠത്യൈ॒ന്ദ്രീ-മാ॒വൃത॑-മ॒ന്വാവ॑ര്ത॒ ഇത്യാ॑ഹാ॒സൌ വാ ആ॑ദി॒ത്യ ഇന്ദ്ര॒സ്തസ്യൈ॒വാ-ഽഽവൃത॒മനു॑ പ॒ര്യാവ॑ര്തതേ ദക്ഷി॒ണാ പ॒ര്യാവ॑ര്തതേ॒ സ്വമേ॒വ വീ॒ര്യ॑മനു॑ പ॒ര്യാവ॑ര്തതേ॒ തസ്മാ॒-ദ്ദക്ഷി॒ണോ-ഽര്ധ॑ ആ॒ത്മനോ॑ വീ॒ര്യാ॑വത്ത॒രോ-ഽഥോ॑ ആദി॒ത്യസ്യൈ॒വാ-ഽഽവൃത॒മനു॑ പ॒ര്യാവ॑ര്തതേ॒ സമ॒ഹ-മ്പ്ര॒ജയാ॒ സ-മ്മയാ᳚ പ്ര॒ജേത്യാ॑ഹാ॒-ഽഽശിഷ॑- [പ്ര॒ജേത്യാ॑ഹാ॒-ഽഽശിഷ᳚മ്, ഏ॒വൈതാമാ] 27
-മേ॒വൈതാമാ ശാ᳚സ്തേ॒ സമി॑ദ്ധോ അഗ്നേ മേ ദീദിഹി സമേ॒ദ്ധാ തേ॑ അഗ്നേ ദീദ്യാസ॒മിത്യാ॑ഹ യഥായ॒ജു-രേ॒വൈതദ്വസു॑മാന്. യ॒ജ്ഞോ വസീ॑യാ-ന്ഭൂയാസ॒-മിത്യാ॑ഹാ॒-ഽഽശിഷ॑മേ॒വേതാമാ ശാ᳚സ്തേ ബ॒ഹു വൈ ഗാര്ഹ॑പത്യ॒സ്യാന്തേ॑ മി॒ശ്രമി॑വ ചര്യത ആഗ്നിപാവമാ॒നീഭ്യാ॒-ങ്ഗാര്ഹ॑പത്യ॒മുപ॑ തിഷ്ഠതേ പു॒നാത്യേ॒വാഗ്നി-മ്പു॑നീ॒ത ആ॒ത്മാന॒-ന്ദ്വാഭ്യാ॒-മ്പ്രതി॑ഷ്ഠിത്യാ॒ അഗ്നേ॑ ഗൃഹപത॒ ഇത്യാ॑ഹ [ഇത്യാ॑ഹ, യ॒ഥാ॒യ॒ജുരേ॒വൈതച്ഛ॒തഗ്മ്] 28
യഥായ॒ജുരേ॒വൈതച്ഛ॒തഗ്മ് ഹിമാ॒ ഇത്യാ॑ഹ ശ॒ത-ന്ത്വാ॑ ഹേമ॒ന്താനി॑ന്ധിഷീ॒യേതി॒ വാവൈതദാ॑ഹ പു॒ത്രസ്യ॒ നാമ॑ ഗൃഹ്ണാത്യന്നാ॒ദമേ॒വൈന॑-ങ്കരോതി॒ താമാ॒ശിഷ॒മാ ശാ॑സേ॒ തന്ത॑വേ॒ ജ്യോതി॑ഷ്മതീ॒മിതി॑ ബ്രൂയാ॒-ദ്യസ്യ॑ പു॒ത്രോ-ഽജാ॑ത॒-സ്സ്യാ-ത്തേ॑ജ॒സ്വ്യേ॑വാസ്യ॑ ബ്രഹ്മവര്ച॒സീ പു॒ത്രോ ജാ॑യതേ॒ താമാ॒ശിഷ॒മാ ശാ॑സേ॒-ഽമുഷ്മൈ॒ ജ്യോതി॑ഷ്മതീ॒മിതി॑ ബ്രൂയാ॒-ദ്യസ്യ॑ പു॒ത്രോ [പു॒ത്രഃ, ജാ॒ത-സ്സ്യാത്തേജ॑] 29
ജാ॒ത-സ്സ്യാത്തേജ॑ ഏ॒വാസ്മി॑-ന്ബ്രഹ്മവര്ച॒സ-ന്ദ॑ധാതി॒ യോ വൈ യ॒ജ്ഞ-മ്പ്ര॒യുജ്യ॒ ന വി॑മു॒ഞ്ചത്യ॑പ്രതിഷ്ഠാ॒നോ വൈ സ ഭ॑വതി॒ കസ്ത്വാ॑ യുനക്തി॒ സ ത്വാ॒ വി മു॑ഞ്ച॒ത്വിത്യാ॑ഹ പ്ര॒ജാപ॑തി॒-ര്വൈ കഃ പ്ര॒ജാപ॑തിനൈ॒വൈനം॑-യുഁ॒നക്തി॑ പ്ര॒ജാപ॑തിനാ॒ വി മു॑ഞ്ചതി॒ പ്രതി॑ഷ്ഠിത്യാ ഈശ്വ॒രം-വൈഁ വ്ര॒തമവി॑സൃഷ്ട-മ്പ്ര॒ദഹോ-ഽഗ്നേ᳚ വ്രതപതേ വ്ര॒തമ॑ചാരിഷ॒മിത്യാ॑ഹ വ്ര॒തമേ॒വ [ ] 30
വി സൃ॑ജതേ॒ ശാന്ത്യാ॒ അപ്ര॑ദാഹായ॒ പരാം॒അ॒. വാവ യ॒ജ്ഞ ഏ॑തി॒ ന നി വ॑ര്തതേ॒ പുന॒ര്യോ വൈ യ॒ജ്ഞസ്യ॑ പുനരാല॒മ്ഭം-വിഁ॒ദ്വാന്. യജ॑തേ॒ തമ॒ഭി നി വ॑ര്തതേ യ॒ജ്ഞോ ബ॑ഭൂവ॒ സ ആ ബ॑ഭൂ॒വേത്യാ॑ഹൈ॒ഷ വൈ യ॒ജ്ഞസ്യ॑ പുനരാല॒മ്ഭ-സ്തേനൈ॒വൈന॒-മ്പുന॒രാ ല॑ഭ॒തേ-ഽന॑വരുദ്ധാ॒ വാ ഏ॒തസ്യ॑ വി॒രാഡ് യ ആഹി॑താഗ്നി॒-സ്സന്ന॑സ॒ഭഃ പ॒ശവഃ॒ ഖലു॒ വൈ ബ്രാ᳚ഹ്മ॒ണസ്യ॑ സ॒ഭേഷ്ട്വാ പ്രാംഉ॒ത്ക്രമ്യ॑ ബ്രൂയാ॒-ദ്ഗോമാഗ്മ്॑ അ॒ഗ്നേ-ഽവി॑മാഗ്മ് അ॒ശ്വീ യ॒ജ്ഞ ഇത്യവ॑ സ॒ഭാഗ്മ് രു॒ന്ധേ പ്ര സ॒ഹസ്ര॑-മ്പ॒ശൂനാ᳚പ്നോ॒ത്യാ-ഽസ്യ॑ പ്ര॒ജായാം᳚-വാഁ॒ജീ ജാ॑യതേ ॥ 31 ॥
(യഃ-സ-മാ॒സിഷം॑-ഗൃഹപത॒-ഇത്യാ॑ഹാ॒-മുഷ്മൈ॒ ജ്യോതി॑ഷ്മതീ॒മിതി॑ ബ്രൂയാ॒-ദ്യസ്യ॑പു॒ത്രോ-വ്ര॒തമേ॒വ-ഖലു॒ വൈ- ചതു॑ര്വിഗ്മ്ശതിശ്ച) (അ. 6)
ദേവ॑ സവിതഃ॒ പ്ര സു॑വ യ॒ജ്ഞ-മ്പ്ര സു॑വ യ॒ജ്ഞപ॑തി॒-മ്ഭഗാ॑യ ദി॒വ്യോ ഗ॑ന്ധ॒ര്വഃ । കേ॒ത॒പൂഃ കേത॑-ന്നഃ പുനാതു വാ॒ചസ്പതി॒-ര്വാച॑മ॒ദ്യ സ്വ॑ദാതി നഃ ॥ ഇന്ദ്ര॑സ്യ॒ വജ്രോ॑-ഽസി॒ വാര്ത്ര॑ഘ്ന॒സ്ത്വയാ॒-ഽയം-വൃഁ॒ത്രം-വഁ ॑ദ്ധ്യാത് ॥ വാജ॑സ്യ॒ നു പ്ര॑സ॒വേ മാ॒തര॑-മ്മ॒ഹീമദി॑തി॒-ന്നാമ॒ വച॑സാ കരാമഹേ । യസ്യാ॑മി॒ദം-വിഁശ്വ॒-മ്ഭുവ॑ന-മാവി॒വേശ॒ തസ്യാ᳚-ന്നോ ദേ॒വ-സ്സ॑വി॒താ ധര്മ॑ സാവിഷത് ॥ അ॒- [അ॒ഫ്സു, അ॒ന്തര॒മൃത॑മ॒ഫ്സു] 32
ഫ്സ്വ॑ന്തര॒മൃത॑മ॒ഫ്സു ഭേ॑ഷ॒ജമ॒പാമു॒ത പ്രശ॑സ്തി॒ഷ്വശ്വാ॑ ഭവഥ വാജിനഃ ॥ വാ॒യു-ര്വാ᳚ ത്വാ॒ മനു॑-ര്വാ ത്വാ ഗന്ധ॒ര്വാ-സ്സ॒പ്തവിഗ്മ്॑ശതിഃ । തേ അഗ്രേ॒ അശ്വ॑മായുഞ്ജ॒ന്തേ അ॑സ്മിഞ്ജ॒വമാ-ഽദ॑ധുഃ ॥ അപാ᳚-ന്നപാദാശുഹേമ॒ന്॒. യ ഊ॒ര്മിഃ ക॒കുദ്മാ॒-ന്പ്രതൂ᳚ര്തി-ര്വാജ॒സാത॑മ॒സ്തേനാ॒യം-വാഁജഗ്മ്॑ സേത് ॥ വിഷ്ണോഃ॒ ക്രമോ॑-ഽസി॒ വിഷ്ണോഃ᳚ ക്രാ॒ന്തമ॑സി॒ വിഷ്ണോ॒-ര്വിക്രാ᳚ന്തമസ്യ॒ങ്കൌ ന്യ॒ങ്കാ വ॒ഭിതോ॒ രഥം॒-യൌഁ ധ്വാ॒ന്തം-വാഁ ॑താ॒ഗ്രമനു॑ സ॒ഞ്ചര॑ന്തൌ ദൂ॒രേഹേ॑തി-രിന്ദ്രി॒യാവാ᳚-ന്പത॒ത്രീ തേ നോ॒-ഽഗ്നയഃ॒ പപ്ര॑യഃ പാരയന്തു ॥ 33 ॥
(അ॒ഫ്സു-ന്യ॒ങ്കൌ-പഞ്ച॑ദശ ച) (അ. 7)
ദേ॒വസ്യാ॒ഹഗ്മ് സ॑വി॒തുഃ പ്ര॑സ॒വേ ബൃഹ॒സ്പതി॑നാ വാജ॒ജിതാ॒ വാജ॑-ഞ്ജേഷ-ന്ദേ॒വസ്യാ॒ഹഗ്മ് സ॑വി॒തുഃ പ്ര॑സ॒വേ ബൃഹ॒സ്പതി॑നാ വാജ॒ജിതാ॒ വര്ഷി॑ഷ്ഠ॒-ന്നാകഗ്മ്॑ രുഹേയ॒മിന്ദ്രാ॑യ॒ വാചം॑-വഁദ॒തേന്ദ്രം॒-വാഁജ॑-ഞ്ജാപയ॒തേന്ദ്രോ॒ വാജ॑മജയിത് ॥ അശ്വാ॑ജനി വാജിനി॒ വാജേ॑ഷു വാജിനീവ॒ത്യശ്വാ᳚ന്-ഥ്സ॒മഥ്സു॑ വാജയ ॥ അര്വാ॑-ഽസി॒ സപ്തി॑രസി വാ॒ജ്യ॑സി॒ വാജി॑നോ॒ വാജ॑-ന്ധാവത മ॒രുതാ᳚-മ്പ്രസ॒വേ ജ॑യത॒ വി യോജ॑നാ മിമീദ്ധ്വ॒മദ്ധ്വ॑ന-സ്സ്കഭ്നീത॒ [സ്കഭ്നീത, കാഷ്ഠാ᳚-ങ്ഗച്ഛത॒] 34
കാഷ്ഠാ᳚-ങ്ഗച്ഛത॒ വാജേ॑വാജേ-ഽവത വാജിനോ നോ॒ ധനേ॑ഷു വിപ്രാ അമൃതാ ഋതജ്ഞാഃ ॥ അ॒സ്യ മദ്ധ്വഃ॑ പിബത മാ॒ദയ॑ദ്ധ്വ-ന്തൃ॒പ്താ യാ॑ത പ॒ഥിഭി॑-ര്ദേവ॒യാനൈഃ᳚ ॥ തേ നോ॒ അര്വ॑ന്തോ ഹവന॒ശ്രുതോ॒ ഹവം॒-വിഁശ്വേ॑ ശൃണ്വന്തു വാ॒ജിനഃ॑ ॥ മി॒തദ്ര॑വ-സ്സഹസ്ര॒സാ മേ॒ധസാ॑താ സനി॒ഷ്യവഃ॑ । മ॒ഹോ യേ രത്നഗ്മ്॑ സമി॒ഥേഷു॑ ജഭ്രി॒രേ ശന്നോ॑ ഭവന്തു വാ॒ജിനോ॒ ഹവേ॑ഷു ॥ദേ॒വതാ॑താ മി॒തദ്ര॑വ-സ്സ്വ॒ര്കാഃ । ജ॒മ്ഭയ॒ന്തോ-ഽഹിം॒-വൃഁക॒ഗ്മ്॒ രക്ഷാഗ്മ്॑സി॒ സനേ᳚മ്യ॒സ്മദ്യു॑യവ॒- [സനേ᳚മ്യ॒സ്മദ്യു॑യവന്ന്, അമീ॑വാഃ ।] 35
-ന്നമീ॑വാഃ ॥ ഏ॒ഷ സ്യ വാ॒ജീ ക്ഷി॑പ॒ണി-ന്തു॑രണ്യതി ഗ്രീ॒വായാ᳚-മ്ബ॒ദ്ധോ അ॑പിക॒ക്ഷ ആ॒സനി॑ । ക്രതു॑-ന്ദധി॒ക്രാ അനു॑ സ॒ന്തവീ᳚ത്വ-ത്പ॒ഥാമങ്കാ॒ഗ്॒സ്യന്വാ॒പനീ॑ഫണത് ॥ഉ॒ത സ്മാ᳚സ്യ॒ ദ്രവ॑ത-സ്തുരണ്യ॒തഃ പ॒ര്ണ-ന്ന വേ-രനു॑ വാതി പ്രഗ॒ര്ധിനഃ॑ । ശ്യേ॒നസ്യേ॑വ॒ ധ്രജ॑തോ അങ്ക॒സ-മ്പരി॑ ദധി॒ക്രാവ്.ണ്ണ॑-സ്സ॒ഹോര്ജാ തരി॑ത്രതഃ ॥ ആ മാ॒ വാജ॑സ്യ പ്രസ॒വോ ജ॑ഗമ്യാ॒ദാ ദ്യാവാ॑പൃഥി॒വീ വി॒ശ്വശ॑മ്ഭൂ । ആ മാ॑ ഗന്താ-മ്പി॒തരാ॑ [ഗന്താ-മ്പി॒തരാ᳚, മാ॒തരാ॒] 36
മാ॒തരാ॒ ചാ-ഽഽ മാ॒ സോമോ॑ അമൃത॒ത്വായ॑ ഗമ്യാത് ॥ വാജി॑നോ വാജജിതോ॒ വാജഗ്മ്॑ സരി॒ഷ്യന്തോ॒ വാജ॑-ഞ്ജേ॒ഷ്യന്തോ॒ ബൃഹ॒സ്പതേ᳚-ര്ഭാ॒ഗമവ॑ ജിഘ്രത॒ വാജി॑നോ വാജജിതോ॒ വാജഗ്മ്॑ സസൃ॒വാഗ്മ്സോ॒ വാജ॑-ഞ്ജിഗി॒വാഗ്മ്സോ॒ ബൃഹ॒സ്പതേ᳚-ര്ഭാ॒ഗേ നി മൃ॑ഢ്വമി॒യം-വഁ॒-സ്സാ സ॒ത്യാ സ॒ന്ധാ-ഽഭൂ॒ദ്യാമിന്ദ്രേ॑ണ സ॒മധ॑ദ്ധ്വ॒-മജീ॑ജിപത വനസ്പതയ॒ ഇന്ദ്രം॒-വാഁജം॒-വിഁ മു॑ച്യദ്ധ്വമ് ॥ 37 ॥
(സ്ക॒ഭ്നീ॒ത॒-യു॒യ॒വ॒ന്-പി॒തരാ॒-ദ്വിച॑ത്വാരിഗ്മ്ശച്ച) (അ. 8)
ക്ഷ॒ത്രസ്യോലഗ്ഗ്॑മസി ക്ഷ॒ത്രസ്യ॒ യോനി॑രസി॒ ജായ॒ ഏഹി॒ സുവോ॒ രോഹാ॑വ॒ രോഹാ॑വ॒ ഹി സുവ॑ര॒ഹ-ന്നാ॑വു॒ഭയോ॒-സ്സുവോ॑ രോക്ഷ്യാമി॒ വാജ॑ശ്ച പ്രസ॒വശ്ചാ॑പി॒ജശ്ച॒ ക്രതു॑ശ്ച॒ സുവ॑ശ്ച മൂ॒ര്ധാ ച॒ വ്യശ്ന്നി॑യശ്ചാ-ഽഽന്ത്യായ॒ന ശ്ചാന്ത്യ॑ശ്ച ഭൌവ॒നശ്ച॒ ഭുവ॑ന॒ശ്ചാധി॑പതിശ്ച । ആയു॑-ര്യ॒ജ്ഞേന॑ കല്പതാ-മ്പ്രാ॒ണോ യ॒ജ്ഞേന॑ കല്പതാമപാ॒നോ [കല്പതാമപാ॒നഃ, യ॒ജ്ഞേന॑ കല്പതാം] 38
യ॒ജ്ഞേന॑ കല്പതാം-വ്യാഁ॒നോ യ॒ജ്ഞേന॑ കല്പതാ॒-ഞ്ചക്ഷു॑-ര്യ॒ജ്ഞേന॑ കല്പതാ॒ഗ്॒ ശ്രോത്രം॑-യഁ॒ജ്ഞേന॑ കല്പതാ॒-മ്മനോ॑ യ॒ജ്ഞേന॑ കല്പതാം॒-വാഁഗ് യ॒ജ്ഞേന॑ കല്പതാ-മാ॒ത്മാ യ॒ജ്ഞേന॑ കല്പതാം-യഁ॒ജ്ഞോ യ॒ജ്ഞേന॑ കല്പതാ॒ഗ്മ്॒ സുവ॑-ര്ദേ॒വാഗ്മ് അ॑ഗന്മാ॒മൃതാ॑ അഭൂമ പ്ര॒ജാപ॑തേഃ പ്ര॒ജാ അ॑ഭൂമ॒ സമ॒ഹ-മ്പ്ര॒ജയാ॒ സ-മ്മയാ᳚ പ്ര॒ജാ സമ॒ഹഗ്മ് രാ॒യസ്പോഷേ॑ണ॒ സ-മ്മയാ॑ രാ॒യസ്പോഷോ-ഽന്നാ॑യ ത്വാ॒-ഽന്നാദ്യാ॑യ ത്വാ॒ വാജാ॑യ ത്വാ വാജജി॒ത്യായൈ᳚ ത്വാ॒ ഽമൃത॑മസി॒ പുഷ്ടി॑രസി പ്ര॒ജന॑നമസി ॥ 39 ॥
(അ॒പാ॒നോ-വാജാ॑യ॒-നവ॑ ച) (അ. 9)
വാജ॑സ്യേ॒മ-മ്പ്ര॑സ॒വ-സ്സു॑ഷുവേ॒ അഗ്രേ॒ സോമ॒ഗ്മ്॒ രാജാ॑ന॒മോഷ॑ധീഷ്വ॒ഫ്സു । താ അ॒സ്മഭ്യ॒-മ്മധു॑മതീ-ര്ഭവന്തു വ॒യഗ്മ് രാ॒ഷ്ട്രേ ജാ᳚ഗ്രിയാമ പു॒രോഹി॑താഃ । വാജ॑സ്യേ॒ദ-മ്പ്ര॑സ॒വ ആ ബ॑ഭൂവേ॒മാ ച॒ വിശ്വാ॒ ഭുവ॑നാനി സ॒ര്വതഃ॑ । സ വി॒രാജ॒-മ്പര്യേ॑തി പ്രജാ॒ന-ന്പ്ര॒ജാ-മ്പുഷ്ടിം॑-വഁ॒ര്ധയ॑മാനോ അ॒സ്മേ । വാജ॑സ്യേ॒മാ-മ്പ്ര॑സ॒വ-ശ്ശി॑ശ്രിയേ॒ ദിവ॑മി॒മാ ച॒ വിശ്വാ॒ ഭുവ॑നാനി സ॒മ്രാട് । അദി॑ഥ്സന്ത-ന്ദാപയതു പ്രജാ॒ന-ന്ര॒യിം- [പ്രജാ॒ന-ന്ര॒യിമ്, ച॒ ന॒-സ്സര്വ॑വീരാം॒] 40
-ച॑ ന॒-സ്സര്വ॑വീരാ॒-ന്നി യ॑ച്ഛതു ॥ അഗ്നേ॒ അച്ഛാ॑ വദേ॒ഹ നഃ॒ പ്രതി॑ ന-സ്സു॒മനാ॑ ഭവ । പ്ര ണോ॑ യച്ഛ ഭുവസ്പതേ ധന॒ദാ അ॑സി ന॒സ്ത്വമ് ॥ പ്ര ണോ॑ യച്ഛത്വര്യ॒മാ പ്ര ഭഗഃ॒ പ്ര ബൃഹ॒സ്പതിഃ॑ । പ്ര ദേ॒വാഃ പ്രോത സൂ॒നൃതാ॒ പ്ര വാഗ് ദേ॒വീ ദ॑ദാതു നഃ ॥ അ॒ര്യ॒മണ॒-മ്ബൃഹ॒സ്പതി॒മിന്ദ്ര॒-ന്ദാനാ॑യ ചോദയ । വാചം॒-വിഁഷ്ണു॒ഗ്മ്॒ സര॑സ്വതീഗ്മ് സവി॒താരം॑- [സര॑സ്വതീഗ്മ് സവി॒താര᳚മ്, ച വാ॒ജിന᳚മ് ।] 41
-ച വാ॒ജിന᳚മ് ॥ സോമ॒ഗ്മ്॒ രാജാ॑നം॒-വഁരു॑ണമ॒ഗ്നി-മ॒ന്വാര॑ഭാമഹേ । ആ॒ദി॒ത്യാന് വിഷ്ണു॒ഗ്മ്॒ സൂര്യ॑-മ്ബ്ര॒ഹ്മാണ॑-ഞ്ച॒ ബൃഹ॒സ്പതി᳚മ് ॥ ദേ॒വസ്യ॑ ത്വാ സവി॒തുഃ പ്ര॑സ॒വേ᳚-ഽശ്വിനോ᳚-ര്ബാ॒ഹുഭ്യാ᳚-മ്പൂ॒ഷ്ണോ ഹസ്താ᳚ഭ്യാ॒ഗ്മ്॒ സര॑സ്വത്യൈ വാ॒ചോ യ॒ന്തു-ര്യ॒ന്ത്രേണാ॒ഗ്നേസ്ത്വാ॒ ആമ്രാ᳚ജ്യേനാ॒ഭിഷി॑ഞ്ചാ॒മീന്ദ്ര॑സ്യ॒ ബൃഹ॒സ്പതേ᳚സ്ത്വാ॒ സാമ്രാ᳚ജ്യേനാ॒ഭിഷി॑ഞ്ചാമി ॥ 42 ॥
(ര॒യിഗ്മ്-സ॑വി॒താര॒ഗ്മ്॒-ഷട്ത്രിഗ്മ്॑ശച്ച) (അ. 10)
അ॒ഗ്നിരേകാ᳚ക്ഷരേണ॒ വാച॒മുദ॑ജയദ॒ശ്വിനൌ॒ ദ്വ്യ॑ക്ഷരേണ പ്രാണാപാ॒നാവുദ॑ജയതാം॒-വിഁഷ്ണു॒സ്ത്യ്ര॑ക്ഷരേണ॒ ത്രീ-ല്ലോഁ॒കാനുദ॑ജയ॒-ഥ്സോമ॒ശ്ചതു॑രക്ഷരേണ॒ ചതു॑ഷ്പദഃ പ॒ശൂനുദ॑ജയ-ത്പൂ॒ഷാ പഞ്ചാ᳚ക്ഷരേണ പ॒ങ്ക്തിമുദ॑ജയ-ദ്ധാ॒താ ഷഡ॑ക്ഷരേണ॒ ഷഡ്-ഋ॒തൂനുദ॑ജയ-ന്മ॒രുത॑-സ്സ॒പ്താക്ഷ॑രേണ സ॒പ്തപ॑ദാ॒ഗ്മ്॒ ശക്വ॑രീ॒മുദ॑ജയ॒-ന്ബൃഹ॒സ്പതി॑-ര॒ഷ്ടാക്ഷ॑രേണ ഗായ॒ത്രീമുദ॑ജയ-ന്മി॒ത്രോ നവാ᳚ക്ഷരേണ ത്രി॒വൃത॒ഗ്ഗ്॒ സ്തോമ॒മുദ॑ജയ॒- [സ്തോമ॒മുദ॑ജയത്, വരു॑ണോ॒ ദശാ᳚ക്ഷരേണ] 43
-ദ്വരു॑ണോ॒ ദശാ᳚ക്ഷരേണ വി॒രാജ॒-മുദ॑ജയ॒ദിന്ദ്ര॒ ഏകാ॑ദശാക്ഷരേണ ത്രി॒ഷ്ടുഭ॒-മുദ॑ജയ॒-ദ്വിശ്വേ॑ ദേ॒വാ ദ്വാദ॑ശാക്ഷരേണ॒ ജഗ॑തീ॒മുദ॑ജയ॒ന് വസ॑വ॒സ്ത്രയോ॑ ദശാക്ഷരേണ ത്രയോദ॒ശഗ്ഗ് സ്തോമ॒മുദ॑ജയ-ന്രു॒ദ്രാശ്ചതു॑ര്ദശാക്ഷരേണ ചതുര്ദ॒ശഗ്ഗ് സ്തോമ॒മുദ॑ജയന്നാദി॒ത്യാഃ പഞ്ച॑ദശാക്ഷരേണ പഞ്ചദ॒ശഗ്ഗ് സ്തോമ॒മുദ॑ജയ॒ന്നദി॑തി॒-ഷ്ഷോഡ॑ശാക്ഷരേണ ഷോഡ॒ശഗ്ഗ് സ്തോമ॒മുദ॑ജയ-ത്പ്ര॒ജാപ॑തി-സ്സ॒പ്തദ॑ശാക്ഷരേണ സപ്തദ॒ശഗ്ഗ് സ്തോമ॒മുദ॑ജയത് ॥ 44 ॥
(ത്രി॒വൃത॒ഗ്ഗ്॒ സ്തോമ॒മുദ॑ജയ॒-ഥ്ഷട്ച॑ത്വാരിഗ്മ്ശച്ച) (അ. 11)
ഉ॒പ॒യാ॒മഗൃ॑ഹീതോ-ഽസി നൃ॒ഷദ॑-ന്ത്വാ ദ്രു॒ഷദ॑-മ്ഭുവന॒സദ॒മിന്ദ്രാ॑യ॒ ജുഷ്ട॑-ങ്ഗൃഹ്ണാമ്യേ॒ഷ തേ॒ യോനി॒രിന്ദ്രാ॑യ ത്വോപയാ॒മഗൃ॑ഹീതോ-ഽസ്യഫ്സു॒ഷദ॑-ന്ത്വാ ഘൃത॒സദം॑-വ്യോഁമ॒സദ॒മിന്ദ്രാ॑യ॒ ജുഷ്ട॑-ങ്ഗൃഹ്ണാമ്യേ॒ഷ തേ॒ യോനി॒രിന്ദ്രാ॑യ ത്വോപയാ॒മഗൃ॑ഹീതോ-ഽസി പൃഥിവി॒ഷദ॑-ന്ത്വാ-ഽന്തരിക്ഷ॒സദ॑-ന്നാക॒സദ॒മിന്ദ്രാ॑യ॒ ജുഷ്ട॑-ങ്ഗൃഹ്ണാമ്യേ॒ഷ തേ॒ യോനി॒രിന്ദ്രാ॑യ ത്വാ ॥ യേ ഗ്രഹാഃ᳚ പഞ്ചജ॒നീനാ॒ യേഷാ᳚-ന്തി॒സ്രഃ പ॑രമ॒ജാഃ । ദൈവ്യഃ॒ കോശ॒- [ദൈവ്യഃ॒ കോശഃ॑, സമു॑ബ്ജിതഃ ।] 45
-സ്സമു॑ബ്ജിതഃ । തേഷാം॒-വിഁശി॑പ്രിയാണാ॒-മിഷ॒മൂര്ജ॒ഗ്മ്॒ സമ॑ഗ്രഭീ-മേ॒ഷ തേ॒ യോനി॒രിന്ദ്രാ॑യ ത്വാ ॥ അ॒പാഗ്മ് രസ॒മുദ്വ॑യസ॒ഗ്മ്॒ സൂര്യ॑രശ്മിഗ്മ് സ॒മാഭൃ॑തമ് । അ॒പാഗ്മ് രസ॑സ്യ॒ യോ രസ॒സ്തം-വോഁ ॑ ഗൃഹ്ണാമ്യുത്ത॒മമേ॒ഷ തേ॒ യോനി॒രിന്ദ്രാ॑യ ത്വാ ॥ അ॒യാ വി॒ഷ്ഠാ ജ॒നയ॒ന് കര്വ॑രാണി॒ സ ഹി ഘൃണി॑രു॒രു-ര്വരാ॑യ ഗാ॒തുഃ । സ പ്രത്യുദൈ᳚-ദ്ധ॒രുണോ മദ്ധ്വോ॒ അഗ്ര॒ഗ്ഗ്॒ സ്വായാം॒-യഁ-ത്ത॒നുവാ᳚-ന്ത॒നൂമൈര॑യത । ഉ॒പ॒യാ॒മഗൃ॑ഹീതോ-ഽസി പ്ര॒ജാപ॑തയേ ത്വാ॒ ജുഷ്ട॑-ങ്ഗൃഹ്ണാമ്യേ॒ഷ തേ॒ യോനിഃ॑ പ്ര॒ജാപ॑തയേ ത്വാ ॥ 46 ॥
(കോശ॑-സ്ത॒നുവാ॒ന്-ത്രയോ॑ദശ ച) (അ. 12)
അന്വഹ॒ മാസാ॒ അന്വിദ്വനാ॒ന്യന്വോഷ॑ധീ॒രനു॒ പര്വ॑താസഃ । അന്വിന്ദ്ര॒ഗ്മ്॒ രോദ॑സീ വാവശാ॒നേ അന്വാപോ॑ അജിഹത॒ ജായ॑മാനമ് ॥ അനു॑ തേ ദായി മ॒ഹ ഇ॑ന്ദ്രി॒യായ॑ സ॒ത്രാ തേ॒ വിശ്വ॒മനു॑ വൃത്ര॒ഹത്യേ᳚ । അനു॑ ക്ഷ॒ത്രമനു॒ സഹോ॑ യജ॒ത്രേന്ദ്ര॑ ദേ॒വേഭി॒രനു॑ തേ നൃ॒ഷഹ്യേ᳚ ॥ ഇ॒ന്ദ്രാ॒ണീമാ॒സു നാരി॑ഷു സു॒പത്നീ॑-മ॒ഹമ॑ശ്രവമ് । ന ഹ്യ॑സ്യാ അപ॒ര-ഞ്ച॒ന ജ॒രസാ॒ [ജ॒രസാ᳚, മര॑തേ॒ പതിഃ॑ ।] 47
മര॑തേ॒ പതിഃ॑ ॥ നാഹമി॑ന്ദ്രാണി രാരണ॒ സഖ്യു॑-ര്വൃ॒ഷാക॑പേര്-ഋ॒തേ । യസ്യേ॒ദമപ്യഗ്മ്॑ ഹ॒വിഃ പ്രി॒യ-ന്ദേ॒വേഷു॒ ഗച്ഛ॑തി ॥യോ ജാ॒ത ഏ॒വ പ്ര॑ഥ॒മോ മന॑സ്വാ-ന്ദേ॒വോ ദേ॒വാന് ക്രതു॑നാ പ॒ര്യഭൂ॑ഷത് । യസ്യ॒ ശുഷ്മാ॒ദ്രോദ॑സീ॒ അഭ്യ॑സേതാ-ന്നൃം॒ണസ്യ॑ മ॒ഹ്നാ സ ജ॑നാസ॒ ഇന്ദ്രഃ॑ ॥ ആ തേ॑ മ॒ഹ ഇ॑ന്ദ്രോ॒ത്യു॑ഗ്ര॒ സമ॑ന്യവോ॒ യ-ഥ്സ॒മര॑ന്ത॒ സേനാഃ᳚ । പതാ॑തി ദി॒ദ്യുന്നര്യ॑സ്യ ബാഹു॒വോ-ര്മാ തേ॒ [ബാഹു॒വോ-ര്മാ തേ᳚, മനോ॑] 48
മനോ॑ വിഷ്വ॒ദ്രിയ॒ഗ് വി ചാ॑രീത് ॥ മാ നോ॑ മര്ധീ॒രാ ഭ॑രാ ദ॒ദ്ധി തന്നഃ॒ പ്ര ദാ॒ശുഷേ॒ ദാത॑വേ॒ ഭൂരി॒ യ-ത്തേ᳚ । നവ്യേ॑ ദേ॒ഷ്ണേ ശ॒സ്തേ അ॒സ്മി-ന്ത॑ ഉ॒ക്ഥേ പ്ര ബ്ര॑വാമ വ॒യമി॑ന്ദ്ര സ്തു॒വന്തഃ॑ ॥ ആ തൂ ഭ॑ര॒ മാകി॑രേ॒ത-ത്പരി॑ ഷ്ഠാ-ദ്വി॒ദ്മാ ഹി ത്വാ॒ വസു॑പതിം॒-വഁസൂ॑നാമ് । ഇന്ദ്ര॒ യ-ത്തേ॒ മാഹി॑ന॒-ന്ദത്ര॒-മസ്ത്യ॒സ്മഭ്യ॒-ന്തദ്ധ॑ര്യശ്വ॒ [തദ്ധ॑ര്യശ്വ, പ്ര യ॑ന്ധി ।] 49
പ്ര യ॑ന്ധി ॥ പ്ര॒ദാ॒താരഗ്മ്॑ ഹവാമഹ॒ ഇന്ദ്ര॒മാ ഹ॒വിഷാ॑ വ॒യമ് । ഉ॒ഭാ ഹി ഹസ്താ॒ വസു॑നാ പൃ॒ണസ്വാ ഽഽ പ്ര യ॑ച്ഛ॒ ദക്ഷി॑ണാ॒ദോത സ॒വ്യാത് ॥ പ്ര॒ദാ॒താ വ॒ജ്രീ വൃ॑ഷ॒ഭസ്തു॑രാ॒ഷാട്ഛു॒ഷ്മീ രാജാ॑ വൃത്ര॒ഹാ സോ॑മ॒പാവാ᳚ । അ॒സ്മിന്. യ॒ജ്ഞേ ബ॒ര്॒ഹിഷ്യാ നി॒ഷദ്യാഥാ॑ ഭവ॒ യജ॑മാനായ॒ ശം-യോഃ ഁ॥ ഇന്ദ്ര॑-സ്സു॒ത്രാമാ॒ സ്വവാ॒ഗ്മ്॒ അവോ॑ഭി-സ്സുമൃഡീ॒കോ ഭ॑വതു വി॒ശ്വവേ॑ദാഃ । ബാധ॑താ॒-ന്ദ്വേഷോ॒ അഭ॑യ-ങ്കൃണോതു സു॒വീര്യ॑സ്യ॒ [സു॒വീര്യ॑സ്യ, പത॑യ-സ്സ്യാമ ।] 50
പത॑യ-സ്സ്യാമ ॥ തസ്യ॑ വ॒യഗ്മ് സു॑മ॒തൌ യ॒ജ്ഞിയ॒സ്യാപി॑ ഭ॒ദ്രേ സൌ॑മന॒സേ സ്യാ॑മ । സ സു॒ത്രാമാ॒ സ്വവാ॒ഗ്മ്॒ ഇന്ദ്രോ॑ അ॒സ്മേ ആ॒രാച്ചി॒-ദ്ദ്വേഷ॑-സ്സനു॒ത-ര്യു॑യോതു ॥ രേ॒വതീ᳚-ര്ന-സ്സധ॒മാദ॒ ഇന്ദ്രേ॑ സന്തു തു॒വിവാ॑ജാഃ । ക്ഷു॒മന്തോ॒ യാഭി॒-ര്മദേ॑മ ॥ പ്രോഷ്വ॑സ്മൈ പുരോര॒ഥമിന്ദ്രാ॑യ ശൂ॒ഷമ॑ര്ചത । അ॒ഭീകേ॑ ചിദു ലോക॒കൃ-ഥ്സ॒ങ്ഗേ സ॒മഥ്സു॑ വൃത്ര॒ഹാ । അ॒സ്മാക॑-മ്ബോധി ചോദി॒താ നഭ॑ന്താ-മന്യ॒കേഷാ᳚മ് । ജ്യാ॒കാ അധി॒ ധന്വ॑സു ॥ 51 ॥
(ജ॒രസാ॒-മാ തേ॑-ഹര്യശ്വ-സു॒വീര്യ॒സ്യാ-ദ്ധ്യേ-ക॑-ഞ്ച ) (അ. 13)
(പാ॒ക॒യ॒ജ്ഞഗ്മ്-സഗ്ഗ്ശ്ര॑വാഃ-പ॒രോക്ഷം॑-ബ॒ര്॒ഹിഷോ॒-ഽഹം -ധ്രു॒വാ-മഗ॒ന്മേത്യാ॑ഹ॒ -ദേവ॑ സവിത-ര്ദേ॒വസ്യാ॒ഹം-ക്ഷ॒ത്രസ്യോലഗ്ഗ്മ്॒വാഁജ॑സ്യേ॒മ-മ॒ഗ്നിരേകാ᳚ക്ഷരേണോ -പയാ॒മഗൃ॑ഹീതോ॒-ഽ-സ്യന്വഹ॒ മാസാ॒-സ്ത്രയോ॑ദശ ।)
(പാ॒ക॒യ॒ജ്ഞം-പ॒രോക്ഷം॑-ധ്രു॒വാംവിഁ സൃ॑ജതേ-ച ന॒-സ്സര്വ॑വീരാം॒ – പത॑യ-സ്സ്യോ॒-മൈക॑പഞ്ചാ॒ശത് । )
(പാ॒ക॒യ॒ജ്ഞമ്, ധന്വ॑സു)
॥ ഹരി॑ ഓമ് ॥
॥ കൃഷ്ണ യജുര്വേദീയ തൈത്തിരീയ സംഹിതായാ-മ്പ്രഥമകാണ്ഡേ സപ്തമഃ പ്രശ്ന-സ്സമാപ്തഃ ॥