കൃഷ്ണ യജുര്വേദീയ തൈത്തിരീയ സംഹിതായാ-മ്പ്രഥമകാണ്ഡേ അഷമഃ പ്രശ്നഃ – രാജസൂയഃ
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥
അനു॑മത്യൈ പുരോ॒ഡാശ॑-മ॒ഷ്ടാക॑പാല॒-ന്നിര്വ॑പതി ധേ॒നു-ര്ദക്ഷി॑ണാ॒ യേ പ്ര॒ത്യഞ്ച॒-ശ്ശമ്യാ॑യാ അവ॒ശീയ॑ന്തേ॒ ത-ന്നൈര്-ഋ॒ത-മേക॑കപാല-ങ്കൃ॒ഷ്ണം-വാഁസഃ॑ കൃ॒ഷ്ണതൂ॑ഷ॒-ന്ദക്ഷി॑ണാ॒ വീഹി॒ സ്വാഹാ-ഽഽഹു॑തി-ഞ്ജുഷാ॒ണ ഏ॒ഷ തേ॑ നിര്-ഋതേ ഭാ॒ഗോ ഭൂതേ॑ ഹ॒വിഷ്മ॑ത്യസി മു॒ഞ്ചേമ-മഗ്മ്ഹ॑സ॒-സ്സ്വാഹാ॒ നമോ॒ യ ഇ॒ദ-ഞ്ച॒കാരാ॑-ഽഽദി॒ത്യ-ഞ്ച॒രു-ന്നിര്വ॑പതി॒ വരോ॒ ദക്ഷി॑ണാ-ഽഽഗ്നാവൈഷ്ണ॒വ-മേകാ॑ദശകപാലം-വാഁമ॒നോ വ॒ഹീ ദക്ഷി॑ണാ ഽഗ്നീഷോ॒മീയ॒- [ദക്ഷി॑ണാ ഽഗ്നീഷോ॒മീയ᳚മ്, ഏകാ॑ദശകപാല॒ഗ്മ്॒ ഹിര॑ണ്യം॒] 1
-മേകാ॑ദശകപാല॒ഗ്മ്॒ ഹിര॑ണ്യ॒-ന്ദക്ഷി॑ണൈ॒ന്ദ്ര-മേകാ॑ദശകപാല-മൃഷ॒ഭോ വ॒ഹീ ദക്ഷി॑ണാ-ഽഽഗ്നേ॒യ-മ॒ഷ്ടാക॑പാലമൈ॒ന്ദ്ര-ന്ദദ്ധ്യൃ॑ഷ॒ഭോ വ॒ഹീ ദക്ഷി॑ണൈന്ദ്രാ॒ഗ്ന-ന്ദ്വാദ॑ശകപാലം-വൈഁശ്വദേ॒വ-ഞ്ച॒രു-മ്പ്ര॑ഥമ॒ജോ വ॒ഥ്സോ ദക്ഷി॑ണാ സൌ॒മ്യഗ്ഗ് ശ്യാ॑മാ॒ക-ഞ്ച॒രും-വാഁസോ॒ ദക്ഷി॑ണാ॒ സര॑സ്വത്യൈ ച॒രുഗ്മ് സര॑സ്വതേ ച॒രു-മ്മി॑ഥു॒നൌ ഗാവൌ॒ ദക്ഷി॑ണാ ॥ 2 ॥
(അ॒ഗ്നീ॒ഷോ॒മീയം॒-ചതു॑സ്ത്രിഗ്മ്ശച്ച) (അ. 1)
ആ॒ഗ്നേ॒യമ॒ഷ്ടാക॑പാല॒-ന്നിര്വ॑പതി സൌ॒മ്യ-ഞ്ച॒രുഗ്മ് സാ॑വി॒ത്രം-ദ്വാദ॑ശകപാലഗ്മ് സാരസ്വ॒ത-ഞ്ച॒രു-മ്പൌ॒ഷ്ണ-ഞ്ച॒രു-മ്മാ॑രു॒തഗ്മ് സ॒പ്തക॑പാലം-വൈഁശ്വദേ॒വീ-മാ॒മിക്ഷാ᳚-ന്ദ്യാവാപൃഥി॒വ്യ॑-മേക॑കപാലമ് ॥ 3 ॥
(ആ॒ഗ്നേ॒യഗ്മ് സൌ॒മ്യ-മ്മാ॑രു॒ത-മ॒ഷ്ടാദ॑ശ) (അ. 2)
ഐ॒ന്ദ്രാ॒ഗ്ന-മേകാ॑ദശകപാല-മ്മാരു॒തീ-മാ॒മിക്ഷാം᳚-വാഁരു॒ണീ-മാ॒മിക്ഷാ᳚-ങ്കാ॒യമേക॑കപാല-മ്പ്രഘാ॒സ്യാന്॑. ഹവാമഹേ മ॒രുതോ॑ യ॒ജ്ഞവാ॑ഹസഃ കര॒മ്ഭേണ॑ സ॒ജോഷ॑സഃ ॥ മോ ഷൂ ണ॑ ഇന്ദ്ര പൃ॒ഥ്സു ദേ॒വാസ്തു॑ സ്മ തേ ശുഷ്മിന്നവ॒യാ । മ॒ഹീ ഹ്യ॑സ്യ മീ॒ഢുഷോ॑ യ॒വ്യാ । ഹ॒വിഷ്മ॑തോ മ॒രുതോ॒ വന്ദ॑തേ॒ ഗീഃ ॥ യ-ദ്ഗ്രാമേ॒ യദര॑ണ്യേ॒ യ-ഥ്സ॒ഭായാം॒-യഁദി॑ന്ദ്രി॒യേ । യച്ഛൂ॒ദ്രേ യദ॒ര്യ॑ ഏന॑ശ്ചകൃ॒മാ വ॒യമ് । യദേ ക॒സ്യാധി॒ ധര്മ॑ണി॒ തസ്യാ॑വ॒യജ॑നമസി॒ സ്വാഹാ᳚ ॥ അക്ര॒ന് കര്മ॑ കര്മ॒കൃത॑-സ്സ॒ഹ വാ॒ചാ മ॑യോഭു॒വാ । ദേ॒വേഭ്യഃ॒ കര്മ॑ കൃ॒ത്വാ-ഽസ്ത॒-മ്പ്രേത॑ സുദാനവഃ ॥ 4 ॥
(വ॒യംയഁ-ദ്വിഗ്മ്॑ശ॒തിശ്ച॑) (അ. 3)
അ॒ഗ്നയേ-ഽനീ॑കവതേ പുരോ॒ഡാശ॑-മ॒ഷ്ടാക॑പാല॒-ന്നിര്വ॑പതി സാ॒കഗ്മ് സൂര്യേ॑ണോദ്യ॒താ മ॒രുദ്ഭ്യ॑-സ്സാന്തപ॒നേഭ്യോ॑ മ॒ദ്ധ്യന്ദി॑നേ ച॒രു-മ്മ॒രുദ്ഭ്യോ॑ ഗൃഹമേ॒ധിഭ്യ॒-സ്സര്വാ॑സാ-ന്ദു॒ഗ്ധേ സാ॒യ-ഞ്ച॒രു-മ്പൂ॒ര്ണാ ദ॑ര്വി॒ പരാ॑പത॒ സുപൂ᳚ര്ണാ॒ പുന॒രാ പ॑ത । വ॒സ്നേവ॒ വി ക്രീ॑ണാവഹാ॒ ഇഷ॒മൂര്ജഗ്മ്॑ ശതക്രതോ ॥ ദേ॒ഹി മേ॒ ദദാ॑മി തേ॒ നി മേ॑ ധേഹി॒ നി തേ॑ ദധേ । നി॒ഹാര॒മിന്നി മേ॑ ഹരാ നി॒ ഹാര॒- [നി॒ ഹാര᳚മ്, നി ഹ॑രാമി തേ ।] 5
-ന്നി ഹ॑രാമി തേ ॥ മ॒രുദ്ഭ്യഃ॑ ക്രീ॒ഡിഭ്യഃ॑ പുരോ॒ഡാശഗ്മ്॑ സ॒പ്തക॑പാല॒-ന്നിര്വ॑പതി സാ॒കഗ്മ് സൂര്യേ॑ണോദ്യ॒താ-ഽഽഗ്നേ॒യ-മ॒ഷ്ടാക॑പാല॒-ന്നിര്വ॑പതി സൌ॒മ്യ-ഞ്ച॒രുഗ്മ് സാ॑വി॒ത്ര-ന്ദ്വാദ॑ശകപാലഗ്മ് സാരസ്വ॒ത-ഞ്ച॒രു-മ്പൌ॒ഷ്ണ-ഞ്ച॒രുമൈ᳚ന്ദ്രാ॒ഗ്ന-മേകാ॑ദശകപാല-മൈ॒ന്ദ്ര-ഞ്ച॒രും-വൈഁ᳚ശ്വകര്മ॒ണ-മേക॑കപാലമ് ॥ 6 ॥
(ഹ॒രാ॒ നി॒ഹാര॑ന്-ത്രി॒ഗ്മ്॒ശച്ച॑) (അ. 4)
സോമാ॑യ പിതൃ॒മതേ॑ പുരോ॒ഡാശ॒ഗ്മ്॒ ഷട്ക॑പാല॒-ന്നിര്വ॑പതി പി॒തൃഭ്യോ॑ ബര്ഹി॒ഷദ്ഭ്യോ॑ ധാ॒നാഃ പി॒തൃഭ്യോ᳚-ഽഗ്നിഷ്വാ॒ത്തേഭ്യോ॑ ഽഭിവാ॒ന്യാ॑യൈ ദു॒ഗ്ധേ മ॒ന്ഥമേ॒ത-ത്തേ॑ തത॒ യേ ച॒ ത്വാ-മന്വേ॒ത-ത്തേ॑ പിതാമഹ പ്രപിതാമഹ॒ യേ ച॒ ത്വാമന്വത്ര॑ പിതരോ യഥാഭാ॒ഗ-മ്മ॑ന്ദദ്ധ്വഗ്മ് സുസ॒ന്ദൃശ॑-ന്ത്വാ വ॒യ-മ്മഘ॑വ-ന്മന്ദിഷീ॒മഹി॑ । പ്രനൂ॒ന-മ്പൂ॒ര്ണവ॑ന്ധുര-സ്സ്തു॒തോ യാ॑സി॒ വശാ॒ഗ്മ്॒ അനു॑ । യോജാ॒ ന്വി॑ന്ദ്ര തേ॒ ഹരീ᳚ ॥ 7 ॥
അക്ഷ॒ന്നമീ॑മദന്ത॒ ഹ്യവ॑ പ്രി॒യാ അ॑ധൂഷത । അസ്തോ॑ഷത॒ സ്വഭാ॑നവോ॒ വിപ്രാ॒ നവി॑ഷ്ഠയാ മ॒തീ । യോജാ॒ ന്വി॑ന്ദ്ര തേ॒ ഹരീ᳚ ॥ അക്ഷ॑-ന്പി॒തരോ-ഽമീ॑മദന്ത പി॒തരോ-ഽതീ॑തൃപന്ത പി॒തരോ-ഽമീ॑മൃജന്ത പി॒തരഃ॑ ॥ പരേ॑ത പിതര-സ്സോമ്യാ ഗമ്ഭീ॒രൈഃ പ॒ഥിഭിഃ॑ പൂ॒ര്വ്യൈഃ । അഥാ॑ പി॒തൃന്-ഥ്സു॑വി॒ദത്രാ॒ഗ്മ്॒ അപീ॑ത യ॒മേന॒ യേ സ॑ധ॒മാദ॒-മ്മദ॑ന്തി ॥ മനോ॒ ന്വാ ഹു॑വാമഹേ നാരാശ॒ഗ്മ്॒സേന॒ സ്തോമേ॑ന പിതൃ॒ണാ-ഞ്ച॒ മന്മ॑ഭിഃ ॥ ആ [ആ, ന॒ ഏ॒തു॒ മനഃ॒ പുനഃ॒ ക്രത്വേ॒] 8
ന॑ ഏതു॒ മനഃ॒ പുനഃ॒ ക്രത്വേ॒ ദക്ഷാ॑യ ജീ॒വസേ᳚ । ജ്യോക്ച॒ സൂര്യ॑-ന്ദൃ॒ശേ ॥ പുന॑ര്നഃ പി॒തരോ॒ മനോ॒ ദദാ॑തു॒ ദൈവ്യോ॒ ജനഃ॑ । ജീ॒വം-വ്രാഁതഗ്മ്॑ സചേമഹി ॥ യദ॒ന്തരി॑ക്ഷ-മ്പൃഥി॒വീമു॒ത ദ്യാം-യഁന്മാ॒തര॑-മ്പി॒തരം॑-വാഁ ജിഹിഗ്മ്സി॒മ । അ॒ഗ്നി-ര്മാ॒ തസ്മാ॒ദേന॑സോ॒ ഗാര്ഹ॑പത്യഃ॒ പ്ര മു॑ഞ്ചതു ദുരി॒താ യാനി॑ ചകൃ॒മ ക॒രോതു॒ മാ-മ॑നേ॒നസ᳚മ് ॥ 9 ॥
(ഹരീ॒-മന്മ॑ഭി॒രാ-ചതു॑ശ്ചത്വാരിഗ്മ്ശച്ച) (അ. 5)
പ്ര॒തി॒പൂ॒രു॒ഷമേക॑കപാലാ॒-ന്നിര്വ॑പ॒ത്യേക॒-മതി॑രിക്തം॒-യാഁവ॑ന്തോ ഗൃ॒ഹ്യാ᳚-സ്സ്മസ്തേഭ്യഃ॒ കമ॑കര-മ്പശൂ॒നാഗ്മ് ശര്മാ॑സി॒ ശര്മ॒ യജ॑മാനസ്യ॒ ശര്മ॑ മേ യ॒ച്ഛൈക॑ ഏ॒വ രു॒ദ്രോ ന ദ്വി॒തീയാ॑യ തസ്ഥ ആ॒ഖുസ്തേ॑ രുദ്ര പ॒ശുസ്ത-ഞ്ജു॑ഷസ്വൈ॒ഷ തേ॑ രുദ്ര ഭാ॒ഗ-സ്സ॒ഹ സ്വസ്രാ-ഽമ്ബി॑കയാ॒ ത-ഞ്ജു॑ഷസ്വ ഭേഷ॒ജ-ങ്ഗവേ-ഽശ്വാ॑യ॒ പുരു॑ഷായ ഭേഷ॒ജമഥോ॑ അ॒സ്മഭ്യ॑-മ്ഭേഷ॒ജഗ്മ് സുഭേ॑ഷജം॒- [സുഭേ॑ഷജമ്, യഥാ-ഽസ॑തി ।] 10
-യഁഥാ-ഽസ॑തി । സു॒ഗ-മ്മേ॒ഷായ॑ മേ॒ഷ്യാ॑ അവാ᳚മ്ബ രു॒ദ്ര-മ॑ദിമ॒ഹ്യവ॑ ദേ॒വ-ന്ത്യ്ര॑മ്ബകമ് । യഥാ॑ ന॒-ശ്ശ്രേയ॑സഃ॒ കര॒-ദ്യഥാ॑ നോ॒ വസ്യ॑സഃ॒ കര॒-ദ്യഥാ॑ നഃ പശു॒മതഃ॒ കര॒-ദ്യഥാ॑ നോ വ്യവസാ॒യയാ᳚ത് ॥ ത്യ്ര॑മ്ബകം-യഁജാമഹേ സുഗ॒ന്ധി-മ്പു॑ഷ്ടി॒വര്ധ॑നമ് । ഉ॒ര്വാ॒രു॒ക-മി॑വ॒ ബന്ധ॑നാ-ന്മൃ॒ത്യോ-ര്മു॑ക്ഷീയ॒ മാ-ഽമൃതാ᳚ത് ॥ ഏ॒ഷ തേ॑ രുദ്ര ഭാ॒ഗസ്ത-ഞ്ജു॑ഷസ്വ॒ തേനാ॑വ॒സേന॑ പ॒രോ മൂജ॑വ॒തോ-ഽതീ॒ഹ്യ വ॑തതധന്വാ॒ പിനാ॑കഹസ്തഃ॒ കൃത്തി॑വാസാഃ ॥ 11 ॥
(സുഭേ॑ഷജ-മിഹി॒ ത്രീണി॑ ച) (അ. 6)
ഐ॒ന്ദ്രാ॒ഗ്ന-ന്ദ്വാദ॑ശകപാലം-വൈഁശ്വദേ॒വ-ഞ്ച॒രുമിന്ദ്രാ॑യ॒ ശുനാ॒സീരാ॑യ പുരോ॒ഡാശ॒-ന്ദ്വാദ॑ശകപാലം-വാഁയ॒വ്യ॑-മ്പയ॑-സ്സൌ॒ര്യമേക॑കപാല-ന്ദ്വാദശഗ॒വഗ്മ് സീര॒-ന്ദക്ഷി॑ണാ- ഽഽഗ്നേ॒യ-മ॒ഷ്ടാക॑പാല॒-ന്നിര്വ॑പതി രൌ॒ദ്ര-ങ്ഗാ॑വീധു॒ക-ഞ്ച॒രുമൈ॒ന്ദ്ര-ന്ദധി॑ വാരു॒ണം-യഁ ॑വ॒മയ॑-ഞ്ച॒രും-വഁ॒ഹിനീ॑ ധേ॒നു-ര്ദക്ഷി॑ണാ॒ യേ ദേ॒വാഃ പു॑ര॒സ്സദോ॒-ഽഗ്നിനേ᳚ത്രാ ദക്ഷിണ॒സദോ॑ യ॒മനേ᳚ത്രാഃ പശ്ചാ॒ഥ്സദ॑-സ്സവി॒തൃനേ᳚ത്രാ ഉത്തര॒സദോ॒ വരു॑ണനേത്രാ ഉപരി॒ഷദോ॒ ബൃഹ॒സ്പതി॑നേത്രാ രക്ഷോ॒ഹണ॒സ്തേ നഃ॑ പാന്തു॒ തേ നോ॑-ഽവന്തു॒ തേഭ്യോ॒ [തേ നോ॑-ഽവന്തു॒ തേഭ്യഃ॑, നമ॒സ്തേഭ്യ॒-സ്സ്വാഹാ॒] 12
നമ॒സ്തേഭ്യ॒-സ്സ്വാഹാ॒ സമൂ॑ഢ॒ഗ്മ്॒ രക്ഷ॒-സ്സന്ദ॑॑ഗ്ധ॒ഗ്മ്॒ രക്ഷ॑ ഇ॒ദമ॒ഹഗ്മ് രക്ഷോ॒-ഽഭി സ-ന്ദ॑ഹാമ്യ॒ഗ്നയേ॑ രക്ഷോ॒ഘ്നേ സ്വാഹാ॑ യ॒മായ॑ സവി॒ത്രേ വരു॑ണായ॒ ബൃഹ॒സ്പത॑യേ॒ ദുവ॑സ്വതേ രക്ഷോ॒ഘ്നേ സ്വാഹാ᳚ പ്രഷ്ടിവാ॒ഹീ രഥോ॒ ദക്ഷി॑ണാ ദേ॒വസ്യ॑ ത്വാ സവി॒തുഃ പ്ര॑സ॒വേ᳚-ഽശ്വിനോ᳚-ര്ബാ॒ഹുഭ്യാ᳚-മ്പൂ॒ഷ്ണോ ഹസ്താ᳚ഭ്യാ॒ഗ്മ്॒ രക്ഷ॑സോ വ॒ധ-ഞ്ജു॑ഹോമി ഹ॒തഗ്മ് രക്ഷോ-ഽവ॑ധിഷ്മ॒ രക്ഷോ॒ യ-ദ്വസ്തേ॒ ത-ദ്ദക്ഷി॑ണാ ॥ 13 ॥
(തേഭ്യഃ॒-പഞ്ച॑ചത്വാരിഗ്മ്ശച്ച) (അ. 7)
ധാ॒ത്രേ പു॑രോ॒ഡാശ॒-ന്ദ്വാദ॑ശകപാല॒-ന്നിര്വ॑പ॒ത്യനു॑മത്യൈ ച॒രുഗ്മ് രാ॒കായൈ॑ ച॒രുഗ്മ് സി॑നീവാ॒ല്യൈ ച॒രു-ങ്കു॒ഹ്വൈ॑ ച॒രു-മ്മി॑ഥു॒നൌ ഗാവൌ॒ ദക്ഷി॑ണാ ഽഽഗ്നാവൈഷ്ണ॒വ-മേകാ॑ദശകപാല॒-ന്നിര്വ॑പത്യൈന്ദ്രാവൈഷ്ണ॒വ-മേകാ॑ദശകപാലം-വൈഁഷ്ണ॒വ-ന്ത്രി॑കപാ॒ലം-വാഁ ॑മ॒നോ വ॒ഹീ ദക്ഷി॑ണാ-ഽഗ്നീഷോ॒മീയ॒-മേകാ॑ദശകപാല॒-ന്നിര്വ॑പതീന്ദ്രാസോ॒മീയ॒- മേകാ॑ദശകപാലഗ്മ് സൌ॒മ്യ-ഞ്ച॒രു-മ്ബ॒ഭ്രു-ര്ദക്ഷി॑ണാ സോമാപൌ॒ഷ്ണ-ഞ്ച॒രു-ന്നിര്വ॑പത്യൈന്ദ്രാ പൌ॒ഷ്ണ-ഞ്ച॒രു-മ്പൌ॒ഷ്ണ-ഞ്ച॒രുഗ്ഗ് ശ്യാ॒മോ ദക്ഷി॑ണാ വൈശ്വാന॒ര-ന്ദ്വാദ॑ശകപാല॒-ന്നിര്വ॑പതി॒ ഹിര॑ണ്യ॒-ന്ദക്ഷി॑ണാ വാരു॒ണം-യഁ ॑വ॒മയ॑-ഞ്ച॒രുമശ്വോ॒ ദക്ഷി॑ണാ ॥ 14 ॥
(വൈ॒ശ്വാ॒ന॒ര-ന്ദ്വാദ॑ശകപാല॒-ന്നി॒-രഷ്ടൌ ച॑) (അ. 8)
ബാ॒ര്॒ഹ॒സ്പ॒ത്യ-ഞ്ച॒രു-ന്നിര്വ॑പതി ബ്ര॒ഹ്മണോ॑ ഗൃ॒ഹേ ശി॑തിപൃ॒ഷ്ഠോ ദക്ഷി॑ണൈ॒ന്ദ്ര-മേകാ॑ദശകപാലഗ്മ് രാജ॒ന്യ॑സ്യ ഗൃ॒ഹ ഋ॑ഷ॒ഭോ ദക്ഷി॑ണാ-ഽഽദി॒ത്യ-ഞ്ച॒രു-മ്മഹി॑ഷ്യൈ ഗൃ॒ഹേ ധേ॒നു-ര്ദക്ഷി॑ണാ നൈര്-ഋ॒ത-ഞ്ച॒രു-മ്പ॑രിവൃ॒ക്ത്യൈ॑ ഗൃ॒ഹേ കൃ॒ഷ്ണാനാം᳚-വ്രീഁഹീ॒ണാ-ന്ന॒ഖനി॑ര്ഭിന്ന-ങ്കൃ॒ഷ്ണാ കൂ॒ടാ ദക്ഷി॑ണാ ഽഽഗ്നേ॒യമ॒ഷ്ടാക॑പാലഗ്മ് സേനാ॒ന്യോ॑ ഗൃ॒ഹേ ഹിര॑ണ്യ॒-ന്ദക്ഷി॑ണാ വാരു॒ണ-ന്ദശ॑കപാലഗ്മ് സൂ॒തസ്യ॑ ഗൃ॒ഹേ മ॒ഹാനി॑രഷ്ടോ॒ ദക്ഷി॑ണാ മാരു॒തഗ്മ് സ॒പ്തക॑പാല-ങ്ഗ്രാമ॒ണ്യോ॑ ഗൃ॒ഹേ പൃശ്ഞി॒-ര്ദക്ഷി॑ണാ സാവി॒ത്ര-ന്ദ്വാദ॑ശകപാലം- [ദ്വാദ॑ശകപാലമ്, ക്ഷ॒ത്തു-ര്ഗൃ॒ഹ] 15
-ക്ഷ॒ത്തു-ര്ഗൃ॒ഹ ഉ॑പദ്ധ്വ॒സ്തോ ദക്ഷി॑ണാ-ഽഽശ്വി॒ന-ന്ദ്വി॑കപാ॒ലഗ്മ് സ॑ങ്ഗ്രഹീ॒തു-ര്ഗൃ॒ഹേ സ॑വാ॒ത്യൌ॑ ദക്ഷി॑ണാ പൌ॒ഷ്ണ-ഞ്ച॒രു-മ്ഭാ॑ഗദു॒ഘസ്യ॑ ഗൃ॒ഹേ ശ്യാ॒മോ ദക്ഷി॑ണാ രൌ॒ദ്ര-ങ്ഗാ॑വീധു॒ക-ഞ്ച॒രുമ॑ക്ഷാവാ॒പസ്യ॑ ഗൃ॒ഹേ ശ॒ബല॒ ഉദ്വാ॑രോ॒ ദക്ഷി॒ണേന്ദ്രാ॑യ സു॒ത്രാംണേ॑ പുരോ॒ഡാശ॒മേകാ॑ദശകപാല॒-മ്പ്രതി॒ നിര്വ॑പ॒തീന്ദ്രാ॑യാഗ്മ്ഹോ॒മുചേ॒ ഽയ-ന്നോ॒ രാജാ॑ വൃത്ര॒ഹാ രാജാ॑ ഭൂ॒ത്വാ വൃ॒ത്രം-വഁ ॑ദ്ധ്യാ-ന്മൈത്രാബാര്ഹസ്പ॒ത്യ-മ്ഭ॑വതി ശ്വേ॒തായൈ᳚ ശ്വേ॒തവ॑ഥ്സായൈ ദു॒ഗ്ധേ സ്വ॑യമ്മൂ॒ര്തേ സ്വ॑യമ്മഥി॒ത ആജ്യ॒ ആശ്വ॑ത്ഥേ॒ [ആശ്വ॑ത്ഥേ, പാത്രേ॒ ചതു॑സ്സ്രക്തൌ] 16
പാത്രേ॒ ചതു॑സ്സ്രക്തൌ സ്വയമവപ॒ന്നായൈ॒ ശാഖാ॑യൈ ക॒ര്ണാഗ്ശ്ചാക॑ര്ണാഗ്ശ്ച തണ്ഡു॒ലാന് വി ചി॑നുയാ-ദ്യേക॒ര്ണാ-സ്സ പയ॑സി ബാര്ഹസ്പ॒ത്യോ യേ-ഽക॑ര്ണാ॒-സ്സ ആജ്യേ॑ മൈ॒ത്ര-സ്സ്വ॑യങ്കൃ॒താ വേദി॑-ര്ഭവതി സ്വയന്ദി॒ന-മ്ബ॒ര്॒ഹി-സ്സ്വ॑യങ്കൃ॒ത ഇ॒ദ്ധ്മ-സ്സൈവ ശ്വേ॒താ ശ്വേ॒തവ॑ഥ്സാ॒ ദക്ഷി॑ണാ ॥ 17 ॥
(സാവി॒ത്ര-ന്ദ്വാദ॑ശകപാല॒-മാശ്വ॑ത്ഥേ॒ ത്രയ॑സ്ത്രിഗ്മ്ശച്ച) (അ. 9)
അ॒ഗ്നയേ॑ ഗൃ॒ഹപ॑തയേ പുരോ॒ഡാശ॑മ॒ഷ്ടാക॑പാല॒-ന്നിര്വ॑പതി കൃ॒ഷ്ണാനാം᳚-വ്രീഁഹീ॒ണാഗ്മ് സോമാ॑യ॒ വന॒സ്പത॑യേ ശ്യാമാ॒ക-ഞ്ച॒രുഗ്മ് സ॑വി॒ത്രേ സ॒ത്യപ്ര॑സവായ പുരോ॒ഡാശ॒-ന്ദ്വാദ॑ശകപാല-മാശൂ॒നാം-വ്രീഁ ॑ഹീ॒ണാഗ്മ് രു॒ദ്രായ॑ പശു॒പത॑യേ ഗാവീധു॒ക-ഞ്ച॒രു-മ്ബൃഹ॒സ്പത॑യേ വാ॒ചസ്പത॑യേ നൈവാ॒ര-ഞ്ച॒രുമിന്ദ്രാ॑യ ജ്യേ॒ഷ്ഠായ॑ പുരോ॒ഡാശ॒-മേകാ॑ദശകപാല-മ്മ॒ഹാവ്രീ॑ഹീണാ-മ്മി॒ത്രായ॑ സ॒ത്യായാ॒-ഽഽമ്ബാനാ᳚-ഞ്ച॒രും-വഁരു॑ണായ॒ ധര്മ॑പതയേ യവ॒മയ॑-ഞ്ച॒രുഗ്മ് സ॑വി॒താ ത്വാ᳚ പ്രസ॒വാനാഗ്മ്॑ സുവതാമ॒ഗ്നി-ര്ഗൃ॒ഹപ॑തീനാ॒ഗ്മ്॒ സോമോ॒ വന॒സ്പതീ॑നാഗ്മ് രു॒ദ്രഃ പ॑ശൂ॒നാം- [പ॑ശൂ॒നാമ്, ബൃഹ॒സ്പതി॑-ര്വാ॒ചാമിന്ദ്രോ᳚] 18
-ബൃഹ॒സ്പതി॑-ര്വാ॒ചാമിന്ദ്രോ᳚ ജ്യേ॒ഷ്ഠാനാ᳚-മ്മി॒ത്ര-സ്സ॒ത്യാനാം॒-വഁരു॑ണോ॒ ധര്മ॑പതീനാം॒-യേഁ ദേ॑വാ ദേവ॒സുവ॒-സ്സ്ഥ ത ഇ॒മ-മാ॑മുഷ്യായ॒ണ-മ॑നമി॒ത്രായ॑ സുവദ്ധ്വ-മ്മഹ॒തേ ക്ഷ॒ത്രായ॑ മഹ॒ത ആധി॑പത്യായ മഹ॒തേ ജാന॑രാജ്യായൈ॒ഷ വോ॑ ഭരതാ॒ രാജാ॒ സോമോ॒-ഽസ്മാക॑-മ്ബ്രാഹ്മ॒ണാനാ॒ഗ്മ്॒ രാജാ॒ പ്രതി॒ ത്യന്നാമ॑ രാ॒ജ്യ-മ॑ധായി॒ സ്വാ-ന്ത॒നുവം॒-വഁരു॑ണോ അശിശ്രേ॒ച്ഛുചേ᳚-ര്മി॒ത്രസ്യ॒ വ്രത്യാ॑ അഭൂ॒മാമ॑ന്മഹി മഹ॒ത ഋ॒തസ്യ॒ നാമ॒ സര്വേ॒ വ്രാതാ॒ വരു॑ണസ്യാഭൂവ॒ന് വി മി॒ത്ര ഏവൈ॒-രരാ॑തി-മതാരീ॒ദസൂ॑ഷുദന്ത യ॒ജ്ഞിയാ॑ ഋ॒തേന॒ വ്യു॑ ത്രി॒തോ ജ॑രി॒മാണ॑-ന്ന ആന॒-ഡ്വിഷ്ണോഃ॒ ക്രമോ॑-ഽസി॒ വിഷ്ണോഃ᳚ ക്രാ॒ന്തമ॑സി॒ വിഷ്ണോ॒-ര്വിക്രാ᳚ന്ത-മസി ॥ 19 ॥
(പ॒ശൂ॒നാംവ്രാഁതാഃ॒-പഞ്ച॑വിഗ്മ്ശതിശ്ച) (അ. 10)
അ॒ര്ഥേത॑-സ്സ്ഥാ॒-ഽപാ-മ്പതി॑രസി॒ വൃഷാ᳚-ഽസ്യൂ॒ര്മി-ര്വൃ॑ഷസേ॒നോ॑-ഽസി വ്രജ॒ക്ഷിത॑-സ്സ്ഥ മ॒രുതാ॒മോജ॑-സ്സ്ഥ॒ സൂര്യ॑വര്ചസ-സ്സ്ഥ॒ സൂര്യ॑ത്വചസ-സ്സ്ഥ॒ മാന്ദാ᳚-സ്സ്ഥ॒ വാശാ᳚-സ്സ്ഥ॒ ശക്വ॑രീ-സ്സ്ഥ വിശ്വ॒ഭൃത॑-സ്സ്ഥ ജന॒ഭൃത॑-സ്സ്ഥാ॒-ഽഗ്നേസ്തേ॑ജ॒സ്യാ᳚-സ്സ്ഥാ॒-ഽപാമോഷ॑ധീനാ॒ഗ്മ്॒ രസ॑-സ്സ്ഥാ॒-ഽപോ ദേ॒വീ-ര്മധു॑മതീരഗൃഹ്ണ॒ന്നൂര്ജ॑സ്വതീ രാജ॒സൂയാ॑യ॒ ചിതാ॑നാഃ ॥ യാഭി॑-ര്മി॒ത്രാവരു॑ണാവ॒-ഭ്യഷി॑ഞ്ച॒ന്॒. യാഭി॒-രിന്ദ്ര॒മന॑യ॒ന്നത്യ രാ॑തീഃ ॥ രാ॒ഷ്ട്ര॒ദാ-സ്സ്ഥ॑ രാ॒ഷ്ട്ര-ന്ദ॑ത്ത॒ സ്വാഹാ॑ രാഷ്ട്ര॒ദാ-സ്സ്ഥ॑ രാ॒ഷ്ട്രമ॒മുഷ്മൈ॑ ദത്ത ॥ 20 ॥
(അത്യേ-കാ॑ദശ ച) (അ. 11)
ദേവീ॑രാപ॒-സ്സ-മ്മധു॑മതീ॒-ര്മധു॑മതീഭി-സ്സൃജ്യദ്ധ്വ॒-മ്മഹി॒ വര്ചഃ॑, ക്ഷ॒ത്രിയാ॑യ വന്വാ॒നാ അനാ॑ധൃഷ്ടാ-സ്സീദ॒തോര്ജ॑സ്വതീ॒ര്മഹി॒ വര്ചഃ॑, ക്ഷ॒ത്രിയാ॑യ॒ ദധ॑തീ॒രനി॑ഭൃഷ്ടമസി വാ॒ചോ ബന്ധു॑സ്തപോ॒ജാ-സ്സോമ॑സ്യ ദാ॒ത്രമ॑സി ശു॒ക്രാ വ॑-ശ്ശു॒ക്രേണോത്പു॑നാമി ച॒ന്ദ്രാശ്ച॒ന്ദ്രേണാ॒മൃതാ॑ അ॒മൃതേ॑ന॒ സ്വാഹാ॑ രാജ॒സൂയാ॑യ॒ ചിതാ॑നാഃ । സ॒ധ॒മാദോ᳚ ദ്യു॒മ്നിനീ॒രൂര്ജ॑ ഏ॒താ അനി॑ഭൃഷ്ടാ അപ॒സ്യുവോ॒ വസാ॑നഃ ॥ പ॒സ്ത്യാ॑സു ചക്രേ॒ വരു॑ണ-സ്സ॒ധസ്ഥ॑മ॒പാഗ്മ് ശിശു॑- [ശിശുഃ॑, മാ॒തൃത॑മാസ്വ॒ന്തഃ ।] 21
-ര്മാ॒തൃത॑മാസ്വ॒ന്തഃ ॥ ക്ഷ॒ത്രസ്യോല്ബ॑മസി ക്ഷ॒ത്രസ്യ॒ യോനി॑ര॒സ്യാവി॑ന്നോ അ॒ഗ്നി-ര്ഗൃ॒ഹപ॑തി॒രാവി॑ന്ന॒ ഇന്ദ്രോ॑ വൃ॒ദ്ധശ്ര॑വാ॒ ആവി॑ന്നഃ പൂ॒ഷാ വി॒ശ്വവേ॑ദാ॒ ആവി॑ന്നൌ മി॒ത്രാവരു॑ണാ വൃതാ॒വൃധാ॒വാവി॑ന്നേ॒ ദ്യാവാ॑പൃഥി॒വീ ധൃ॒തവ്ര॑തേ॒ ആവി॑ന്നാ ദേ॒വ്യദി॑തി-ര്വിശ്വരൂ॒പ്യാവി॑ന്നോ॒ ഽയമ॒സാവാ॑മുഷ്യായ॒ണോ᳚-ഽസ്യാം-വിഁ॒ശ്യ॑സ്മി-ന്രാ॒ഷ്ട്രേ മ॑ഹ॒തേ ക്ഷ॒ത്രായ॑ മഹ॒ത ആധി॑പത്യായ മഹ॒തേ ജാന॑രാജ്യായൈ॒ഷ വോ॑ ഭരതാ॒ രാജാ॒ സോമോ॒-ഽസ്മാക॑-മ്ബ്രാഹ്മ॒ണാനാ॒ഗ്മ്॒ രാജേന്ദ്ര॑സ്യ॒ [രാജേന്ദ്ര॑സ്യ, വജ്രോ॑-ഽസി॒] 22
വജ്രോ॑-ഽസി॒ വാര്ത്ര॑ഘ്ന॒സ്ത്വയാ॒ യം-വൃഁ॒ത്രം-വഁ ॑ദ്ധ്യാച്ഛത്രു॒ബാധ॑നാ-സ്സ്ഥ പാ॒ത മാ᳚ പ്ര॒ത്യഞ്ച॑-മ്പാ॒ത മാ॑ തി॒ര്യഞ്ച॑മ॒ന്വഞ്ച॑-മ്മാ പാത ദി॒ഗ്ഭ്യോ മാ॑ പാത॒ വിശ്വാ᳚ഭ്യോ മാ നാ॒ഷ്ട്രാഭ്യഃ॑ പാത॒ ഹിര॑ണ്യവര്ണാ-വു॒ഷസാം᳚ വിഁരോ॒കേ-ഽയ॑സ്സ്ഥൂണാ॒-വുദി॑തൌ॒ സൂര്യ॒സ്യാ-ഽഽ രോ॑ഹതം-വഁരുണ മിത്ര॒ ഗര്ത॒-ന്തത॑ശ്ചക്ഷാഥാ॒മദി॑തി॒-ന്ദിതി॑-ഞ്ച ॥ 23 ॥
(ശിശു॒-രിന്ദ്ര॒സ്യൈ-ക॑ചത്വാരിഗ്മ്ശച്ച) (അ. 12)
സ॒മിധ॒മാ തി॑ഷ്ഠ ഗായ॒ത്രീ ത്വാ॒ ഛന്ദ॑സാമവതു ത്രി॒വൃഥ്സ്തോമോ॑ രഥന്ത॒രഗ്മ് സാമാ॒ഗ്നി-ര്ദേ॒വതാ॒ ബ്രഹ്മ॒ ദ്രവി॑ണമു॒ഗ്രാമാ തി॑ഷ്ഠ ത്രി॒ഷ്ടു-പ്ത്വാ॒ ഛന്ദ॑സാമവതു പഞ്ചദ॒ശ-സ്സ്തോമോ॑ ബൃ॒ഹ-ഥ്സാമേന്ദ്രോ॑ ദേ॒വതാ᳚ ക്ഷ॒ത്ര-ന്ദ്രവി॑ണം-വിഁ॒രാജ॒മാ തി॑ഷ്ഠ॒ ജഗ॑തീ ത്വാ॒ ഛന്ദ॑സാമവതു സപ്തദ॒ശ-സ്സ്തോമോ॑ വൈരൂ॒പഗ്മ് സാമ॑ മ॒രുതോ॑ ദേ॒വതാ॒ വി-ഡ്ദ്രവി॑ണ॒-മുദീ॑ചീ॒മാ-തി॑ഷ്ഠാനു॒ഷ്ടു-പ്ത്വാ॒ – [തി॑ഷ്ഠാനു॒ഷ്ടു-പ്ത്വാ᳚, ഛന്ദ॑സാ-] 24
ഛന്ദ॑സാ-മവത്വേകവി॒ഗ്മ്॒ശ-സ്സ്തോമോ॑ വൈരാ॒ജഗ്മ് സാമ॑ മി॒ത്രാവരു॑ണൌ ദേ॒വതാ॒ ബല॒-ന്ദ്രവി॑ണ-മൂ॒ര്ധ്വാമാ തി॑ഷ്ഠ പ॒ങ്ക്തിസ്ത്വാ॒ ഛന്ദ॑സാമവതു ത്രിണവത്രയസ്ത്രി॒ഗ്മ്॒ശൌ സ്തോമൌ॑ ശാക്വരരൈവ॒തേ സാമ॑നീ॒ ബൃഹ॒സ്പതി॑-ര്ദേ॒വതാ॒ വര്ചോ॒ ദ്രവി॑ണ-മീ॒ദൃ-ഞ്ചാ᳚ന്യാ॒ദൃ-ഞ്ചൈ॑താ॒ദൃ-ഞ്ച॑ പ്രതി॒ദൃ-ഞ്ച॑ മി॒തശ്ച॒ സമ്മി॑തശ്ച॒ സഭ॑രാഃ । ശു॒ക്രജ്യോ॑തിശ്ച ചി॒ത്രജ്യോ॑തിശ്ച സ॒ത്യജ്യോ॑തിശ്ച॒ ജ്യോതി॑ഷ്മാഗ്ശ്ച സ॒ത്യശ്ച॑ര്ത॒പാശ്ചാ- [സ॒ത്യശ്ച॑ര്ത॒പാശ്ച॑, അത്യഗ്മ്॑ഹാഃ ।] 25
-ഽത്യഗ്മ്॑ഹാഃ । അ॒ഗ്നയേ॒ സ്വാഹാ॒ സോമാ॑യ॒ സ്വാഹാ॑ സവി॒ത്രേ സ്വാഹാ॒ സര॑സ്വത്യൈ॒ സ്വാഹാ॑ പൂ॒ഷ്ണേ സ്വാഹാ॒ ബൃഹ॒സ്പത॑യേ॒ സ്വാഹേന്ദ്രാ॑യ॒ സ്വാഹാ॒ ഘോഷാ॑യ॒ സ്വാഹാ॒ ശ്ലോകാ॑യ॒ സ്വാഹാ ഽഗ്മ്ശാ॑യ॒ സ്വാഹാ॒ ഭഗാ॑യ॒ സ്വാഹാ॒ ക്ഷേത്ര॑സ്യ॒ പത॑യേ॒ സ്വാഹാ॑ പൃഥി॒വ്യൈ സ്വാഹാ॒ ഽന്തരി॑ക്ഷായ॒ സ്വാഹാ॑ ദി॒വേ സ്വാഹാ॒ സൂര്യാ॑യ॒ സ്വാഹാ॑ ച॒ന്ദ്രമ॑സേ॒ സ്വാഹാ॒ നക്ഷ॑ത്രേഭ്യ॒-സ്സ്വാഹാ॒ ഽദ്ഭ്യ-സ്സ്വാഹൌഷ॑ധീഭ്യ॒-സ്സ്വാഹാ॒ വന॒സ്പതി॑ഭ്യ॒-സ്സ്വാഹാ॑ ചരാച॒രേഭ്യ॒-സ്സ്വാഹാ॑ പരിപ്ല॒വേഭ്യ॒-സ്സ്വാഹാ॑ സരീസൃ॒പേഭ്യ॒-സ്സ്വാഹാ᳚ ॥ 26 ॥
(അ॒നു॒ഷ്ടുപ്ത്വ॑-ര്ത॒പാശ്ച॑ – സരീസൃ॒പേഭ്യ॒-സ്സ്വാഹാ᳚) (അ. 13)
സോമ॑സ്യ॒ ത്വിഷി॑രസി॒ തവേ॑വ മേ॒ ത്വിഷി॑-ര്ഭൂയാദ॒മൃത॑മസി മൃ॒ത്യോ-ര്മാ॑ പാഹി ദി॒ദ്യോന്മാ॑ പാ॒ഹ്യവേ᳚ഷ്ടാ ദന്ദ॒ശൂകാ॒ നിര॑സ്ത॒-ന്നമു॑ചേ॒-ശ്ശിരഃ॑ ॥ സോമോ॒ രാജാ॒ വരു॑ണോ ദേ॒വാ ധ॑ര്മ॒സുവ॑ശ്ച॒ യേ । തേ തേ॒ വാചഗ്മ്॑ സുവന്താ॒-ന്തേ തേ᳚ പ്രാ॒ണഗ്മ് സു॑വന്താ॒-ന്തേ തേ॒ ചക്ഷു॑-സ്സുവന്താ॒-ന്തേ തേ॒ ശ്രോത്രഗ്മ്॑ സുവന്താ॒ഗ്മ്॒ സോമ॑സ്യ ത്വാ ദ്യു॒മ്നേനാ॒ഭി ഷി॑ഞ്ചാമ്യ॒ഗ്നേ- [ഷി॑ഞ്ചാമ്യ॒ഗ്നേഃ, തേജ॑സാ॒ സൂര്യ॑സ്യ॒] 27
-സ്തേജ॑സാ॒ സൂര്യ॑സ്യ॒ വര്ച॒സേന്ദ്ര॑സ്യേന്ദ്രി॒യേണ॑ മി॒ത്രാവരു॑ണയോ-ര്വീ॒ര്യേ॑ണ മ॒രുതാ॒മോജ॑സാ ക്ഷ॒ത്രാണാ᳚-ങ്ക്ഷ॒ത്രപ॑തിര॒സ്യതി॑ ദി॒വസ്പാ॑ഹി സ॒മാവ॑വൃത്രന്ന-ധ॒രാഗുദീ॑ചീ॒-രഹി॑-മ്ബു॒ദ്ധ്നിയ॒മനു॑ സ॒ഞ്ചര॑ന്തീ॒സ്താഃ പര്വ॑തസ്യ വൃഷ॒ഭസ്യ॑ പൃ॒ഷ്ഠേ നാവ॑ശ്ചരന്തി സ്വ॒സിച॑ ഇയാ॒നാഃ ॥ രുദ്ര॒ യത്തേ॒ ക്രയീ॒ പര॒-ന്നാമ॒ തസ്മൈ॑ ഹു॒തമ॑സി യ॒മേഷ്ട॑മസി । പ്രജാ॑പതേ॒ ന ത്വദേ॒താന്യ॒ന്യോ വിശ്വാ॑ ജാ॒താനി॒ പരി॒ താ ബ॑ഭൂവ । യത്കാ॑മാസ്തേ ജുഹു॒മസ്തന്നോ॑ അസ്തു വ॒യഗ്ഗ് സ്യാ॑മ॒ പത॑യോ രയീ॒ണാമ് ॥ 28 ॥
(അ॒ഗ്നേ-സ്തൈ-കാ॑ദശ ച) (അ. 14)
ഇന്ദ്ര॑സ്യ॒ വജ്രോ॑-ഽസി॒ വാര്ത്ര॑ഘ്ന॒സ്ത്വയാ॒-ഽയം-വൃഁ॒ത്രം-വഁ ॑ദ്ധ്യാ-ന്മി॒ത്രാവരു॑ണയോസ്ത്വാ പ്രശാ॒സ്ത്രോഃ പ്ര॒ശിഷാ॑ യുനജ്മി യ॒ജ്ഞസ്യ॒ യോഗേ॑ന॒ വിഷ്ണോഃ॒ ക്രമോ॑-ഽസി॒ വിഷ്ണോഃ᳚ ക്രാ॒ന്തമ॑സി॒ വിഷ്ണോ॒-ര്വിക്രാ᳚ന്തമസി മ॒രുതാ᳚-മ്പ്രസ॒വേ ജേ॑ഷമാ॒പ്ത-മ്മന॒-സ്സമ॒ഹമി॑ന്ദ്രി॒യേണ॑ വീ॒ര്യേ॑ണ പശൂ॒നാ-മ്മ॒ന്യുര॑സി॒ തവേ॑വ മേ മ॒ന്യു-ര്ഭൂ॑യാ॒ന്നമോ॑ മാ॒ത്രേ പൃ॑ഥി॒വ്യൈ മാ-ഽഹ-മ്മാ॒തര॑-മ്പൃഥി॒വീഗ്മ് ഹിഗ്മ്॑സിഷ॒-മ്മാ [ ] 29
മാ-മ്മാ॒താ പൃ॑ഥി॒വീ ഹിഗ്മ്॑സീ॒ദിയ॑ദ॒സ്യായു॑-ര॒സ്യായു॑-ര്മേ ധേ॒ഹ്യൂര്ഗ॒സ്യൂര്ജ॑-മ്മേ ധേഹി॒ യുങ്ങ॑സി॒ വര്ചോ॑-ഽസി॒ വര്ചോ॒ മയി॑ ധേഹ്യ॒ഗ്നയേ॑ ഗൃ॒ഹപ॑തയേ॒ സ്വാഹാ॒ സോമാ॑യ॒ വന॒സ്പത॑യേ॒ സ്വാഹേന്ദ്ര॑സ്യ॒ ബലാ॑യ॒ സ്വാഹാ॑ മ॒രുതാ॒മോജ॑സേ॒ സ്വാഹാ॑ ഹ॒ഗ്മ്॒സ-ശ്ശു॑ചി॒ഷ-ദ്വസു॑രന്തരിക്ഷ॒ -സദ്ധോതാ॑ വേദി॒ഷദതി॑ഥി-ര്ദുരോണ॒സത് । നൃ॒ഷ-ദ്വ॑ര॒സദൃ॑ത॒സ-ദ്വ്യോ॑മ॒സദ॒ബ്ജാ ഗോ॒ജാ ഋ॑ത॒ജാ അ॑ദ്രി॒ജാ ഋ॒ത-മ്ബൃ॒ഹത് ॥ 30 ॥
(ഹി॒ഗ്മ്॒സി॒ഷ॒-മ്മ-ര്ത॒ജാ-സ്ത്രീണി॑ ച) (അ. 15)
മി॒ത്രോ॑-ഽസി॒ വരു॑ണോ-ഽസി॒ സമ॒ഹം-വിഁ॒ശ്വൈ᳚-ര്ദേ॒വൈഃ, ക്ഷ॒ത്രസ്യ॒ നാഭി॑രസി ക്ഷ॒ത്രസ്യ॒ യോനി॑രസി സ്യോ॒നാമാ സീ॑ദ സു॒ഷദാ॒മാ സീ॑ദ॒ മാ ത്വാ॑ ഹിഗ്മ്സീ॒ന്മാ മാ॑ ഹിഗ്മ്സീ॒ന്നി ഷ॑സാദ ധൃ॒തവ്ര॑തോ॒ വരു॑ണഃ പ॒സ്ത്യാ᳚സ്വാ സാമ്രാ᳚ജ്യായ സു॒ക്രതു॒-ര്ബ്രഹ്മാ(3)-ന്ത്വഗ്മ് രാ॑ജ-ന്ബ്ര॒ഹ്മാ-ഽസി॑ സവി॒താ-ഽസി॑ സ॒ത്യസ॑വോ॒ ബ്രഹ്മാ(3)-ന്ത്വഗ്മ് രാ॑ജ-ന്ബ്ര॒ഹ്മാ-ഽസീന്ദ്രോ॑-ഽസി സ॒ത്യൌജാ॒ [സ॒ത്യൌജാഃ᳚, ബ്രഹ്മാ(3)ന്ത്വഗ്മ്] 31
ബ്രഹ്മാ(3)ന്ത്വഗ്മ് രാ॑ജ-ന്ബ്ര॒ഹ്മാ-ഽസി॑ മി॒ത്രോ॑-ഽസി സു॒ശേവോ॒ ബ്രഹ്മാ(3)-ന്ത്വഗ്മ് രാ॑ജ-ന്ബ്ര॒ഹ്മാ-ഽസി॒ വരു॑ണോ-ഽസി സ॒ത്യധ॒ര്മേന്ദ്ര॑സ്യ॒ വജ്രോ॑-ഽസി॒ വാര്ത്ര॑ഘ്ന॒സ്തേന॑ മേ രദ്ധ്യ॒ ദിശോ॒-ഽഭ്യ॑യഗ്മ് രാജാ॑-ഽഭൂ॒-ഥ്സുശ്ലോ॒കാ(4) സുമ॑ങ്ഗ॒ലാ(4) സത്യ॑രാ॒ജാ(3)ന് । അ॒പാ-ന്നപ്ത്രേ॒ സ്വാഹോ॒ര്ജോ നപ്ത്രേ॒ സ്വാഹാ॒-ഽഗ്നയേ॑ ഗൃ॒ഹപ॑തയേ॒ സ്വാഹാ᳚ ॥ 32 ॥
(സ॒ത്യൌജാ᳚-ശ്ചത്വാരി॒ഗ്മ്॒ശച്ച॑) (അ. 16)
ആ॒ഗ്നേ॒യമ॒ഷ്ടാക॑പാല॒-ന്നിര്വ॑പതി॒ ഹിര॑ണ്യ॒-ന്ദക്ഷി॑ണാ സാരസ്വ॒ത-ഞ്ച॒രും-വഁ ॑ഥ്സത॒രീ ദക്ഷി॑ണാ സാവി॒ത്ര-ന്ദ്വാദ॑ശകപാല-മുപദ്ധ്വ॒സ്തോ ദക്ഷി॑ണാ പൌ॒ഷ്ണ-ഞ്ച॒രുഗ്ഗ് ശ്യാ॒മോ ദക്ഷി॑ണാ ബാര്ഹസ്പ॒ത്യ-ഞ്ച॒രുഗ്മ് ശി॑തിപൃ॒ഷ്ഠോ ദക്ഷി॑ണൈ॒ന്ദ്ര-മേകാ॑ദശകപാല-മൃഷ॒ഭോ ദക്ഷി॑ണാ വാരു॒ണ-ന്ദശ॑കപാല-മ്മ॒ഹാനി॑രഷ്ടോ॒ ദക്ഷി॑ണാ സൌ॒മ്യ-ഞ്ച॒രു-മ്ബ॒ഭ്രു-ര്ദക്ഷി॑ണാ ത്വാ॒ഷ്ട്രമ॒ഷ്ടാക॑പാലഗ്മ് ശു॒ണ്ഠോ ദക്ഷി॑ണാ വൈഷ്ണ॒വ-ന്ത്രി॑കപാ॒ലം-വാഁ ॑മ॒നോ ദക്ഷി॑ണാ ॥ 33 ॥
(ആ॒ഗ്നേ॒യഗ്മ് ഹിര॑ണ്യഗ്മ് സാരസ്വ॒തം-ദ്വിച॑ത്വാരിഗ്മ്ശത് ) (അ. 17)
സ॒ദ്യോ ദീ᳚ക്ഷയന്തി സ॒ദ്യ-സ്സോമ॑-ങ്ക്രീണന്തി പുണ്ഡരിസ്ര॒ജാ-മ്പ്ര യ॑ച്ഛതി ദ॒ശഭി॑-ര്വഥ്സത॒രൈ-സ്സോമ॑-ങ്ക്രീണാതി ദശ॒പേയോ॑ ഭവതി ശ॒ത-മ്ബ്രാ᳚ഹ്മ॒ണാഃ പി॑ബന്തി സപ്തദ॒ശഗ്ഗ് സ്തോ॒ത്ര-മ്ഭ॑വതി പ്രാകാ॒ശാവ॑ദ്ധ്വ॒ര്യവേ॑ ദദാതി॒ സ്രജ॑-മുദ്ഗാ॒ത്രേ രു॒ക്മഗ്മ് ഹോത്രേ-ഽശ്വ॑-മ്പ്രസ്തോതൃപ്രതിഹ॒ര്തൃഭ്യാ॒-ന്ദ്വാദ॑ശ പഷ്ഠൌ॒ഹീ-ര്ബ്ര॒ഹ്മണേ॑ വ॒ശാ-മ്മൈ᳚ത്രാവരു॒ണായ॑ര്ഷ॒ഭ-മ്ബ്രാ᳚ഹ്മണാച്ഛ॒ഗ്മ്॒സിനേ॒ വാസ॑സീ നേഷ്ടാപോ॒തൃഭ്യാ॒ഗ്॒ സ്ഥൂരി॑ യവാചി॒ത-മ॑ച്ഛാവാ॒കായാ॑-ഽന॒ഡ്വാഹ॑-മ॒ഗ്നീധേ॑ ഭാര്ഗ॒വോ ഹോതാ॑ ഭവതി ശ്രായ॒ന്തീയ॑-മ്ബ്രഹ്മസാ॒മ-മ്ഭ॑വതി വാരവ॒ന്തീയ॑ മഗ്നിഷ്ടോമസാ॒മഗ്മ് സാ॑രസ്വ॒തീ-ര॒പോ ഗൃ॑ഹ്ണാതി ॥ 34 ॥
(വാ॒ര॒വ॒ന്തീയ॑-ഞ്ച॒ത്വാരി॑ ച)(ആ18)
ആ॒ഗ്നേ॒യ-മ॒ഷ്ടാക॑പാല॒-ന്നിര്വ॑പതി॒ ഹിര॑ണ്യ॒-ന്ദക്ഷി॑ണൈ॒ന്ദ്ര-മേകാ॑ദശകപാല-മൃഷ॒ഭോ ദക്ഷി॑ണാ വൈശ്വദേ॒വ-ഞ്ച॒രു-മ്പി॒ശങ്ഗീ॑ പഷ്ഠൌ॒ഹീ ദക്ഷി॑ണാ മൈത്രാവരു॒ണീ-മാ॒മിക്ഷാം᳚-വഁ॒ശാ ദക്ഷി॑ണാ ബാര്ഹസ്പ॒ത്യ-ഞ്ച॒രുഗ്മ് ശി॑തിപൃ॒ഷ്ഠോ ദക്ഷി॑ണാ-ഽഽദി॒ത്യാ-മ്മ॒ല്॒ഃആ-ങ്ഗ॒ര്ഭിണീ॒മാ ല॑ഭതേ മാരു॒തീ-മ്പൃശ്ഞി॑-മ്പഷ്ഠൌ॒ഹീ-മ॒ശ്വിഭ്യാ᳚-മ്പൂ॒ഷ്ണേ പു॑രോ॒ഡാശ॒-ന്ദ്വാദ॑ശകപാല॒-ന്നിര്വ॑പതി॒ സര॑സ്വതേ സത്യ॒വാചേ॑ ച॒രുഗ്മ് സ॑വി॒ത്രേ സ॒ത്യപ്ര॑സവായ പുരോ॒ഡാശ॒-ന്ദ്വാദ॑ശകപാല-ന്തിസൃധ॒ന്വഗ്മ് ശു॑ഷ്കദൃ॒തി-ര്ദക്ഷി॑ണാ ॥ 35 ॥
(അ॒ഗ്നേ॒യഗ്മ് ഹിര॑ണ്യമൈ॒ദ്രമൃ॑ഷ॒ഭോ വൈ᳚ശ്വദേ॒വ-മ്പി॒ശങ്ഗീ॑ ബാര്ഹസ്പ॒ത്യഗ്മ്-സ॒പ്തച॑ത്വാരിഗ്മ്ശത്) (അ. 19)
ആ॒ഗ്നേ॒യ-മ॒ഷ്ടാക॑പാല॒-ന്നിര്വ॑പതി സൌ॒മ്യ-ഞ്ച॒രുഗ്മ് സാ॑വി॒ത്ര-ന്ദ്വാദ॑ശകപാല-മ്ബാര്ഹസ്പ॒ത്യ-ഞ്ച॒രു-ന്ത്വാ॒ഷ്ട്രമ॒ഷ്ടാക॑പാലം-വൈഁശ്വാന॒ര-ന്ദ്വാദ॑ശകപാല॒-ന്ദക്ഷി॑ണോ രഥവാഹനവാ॒ഹോ ദക്ഷി॑ണാ സാരസ്വ॒ത-ഞ്ച॒രു-ന്നിര്വ॑പതി പൌ॒ഷ്ണ-ഞ്ച॒രു-മ്മൈ॒ത്ര-ഞ്ച॒രും-വാഁ ॑രു॒ണ-ഞ്ച॒രു-ങ്ക്ഷൈ᳚ത്രപ॒ത്യ-ഞ്ച॒രുമാ॑ദി॒ത്യ-ഞ്ച॒രുമുത്ത॑രോ രഥവാഹനവാ॒ഹോ ദക്ഷി॑ണാ ॥ 36 ॥
(ആ॒ഗ്നേ॒യഗ്മ് സൌ॒മ്യ-മ്ബാ॑ര്ഹസ്പ॒ത്യം-ചതു॑സ്ത്രിഗ്മ്ശത്) (അ. 20)
സ്വാ॒ദ്വീ-ന്ത്വാ᳚ സ്വാ॒ദുനാ॑ തീ॒വ്രാ-ന്തീ॒വ്രേണാ॒-ഽമൃതാ॑-മ॒മൃതേ॑ന സൃ॒ജാമി॒ സഗ്മ് സോമേ॑ന॒ സോമോ᳚-ഽസ്യ॒ശ്വിഭ്യാ᳚-മ്പച്യസ്വ॒ സര॑സ്വത്യൈ പച്യ॒സ്വേന്ദ്രാ॑യ സു॒ത്രാംണേ॑ പച്യസ്വ പു॒നാതു॑ തേ പരി॒സ്രുത॒ഗ്മ്॒ സോമ॒ഗ്മ്॒ സൂര്യ॑സ്യ ദുഹി॒താ । വാരേ॑ണ॒ ശശ്വ॑താ॒ തനാ᳚ ॥ വാ॒യുഃ പൂ॒തഃ പ॒വിത്രേ॑ണ പ്ര॒ത്യം സോമോ॒ അതി॑ദ്രുതഃ । ഇന്ദ്ര॑സ്യ॒ യുജ്യ॒-സ്സഖാ᳚ ॥ കു॒വിദം॒-യഁവ॑മന്തോ॒ യവ॑-ഞ്ചി॒-ദ്യഥാ॒ ദാന്ത്യ॑നുപൂ॒ര്വം-വിഁ॒യൂയ॑ । ഇ॒ഹേഹൈ॑ഷാ-ങ്കൃണുത॒ ഭോജ॑നാനി॒ യേ ബ॒ര്॒ഹിഷോ॒ നമോ॑വൃക്തി॒-ന്ന ജ॒ഗ്മുഃ ॥ ആ॒ശ്വി॒ന-ന്ധൂ॒മ്രമാ ല॑ഭതേ സാരസ്വ॒ത-മ്മേ॒ഷമൈ॒ന്ദ്രമൃ॑ഷ॒ഭ-മൈ॒ന്ദ്ര-മേകാ॑ദശകപാല॒-ന്നിര്വ॑പതി സാവി॒ത്ര-ന്ദ്വാദ॑ശകപാലം-വാഁരു॒ണ-ന്ദശ॑കപാല॒ഗ്മ്॒ സോമ॑പ്രതീകാഃ പിതരസ്തൃപ്ണുത॒ വഡ॑ബാ॒ ദക്ഷി॑ണാ ॥ 37 ॥
(ഭോജ॑നാനി॒-ഷഡ്വിഗ്മ്॑ശതിശ്ച) (അ. 21)
അഗ്നാ॑വിഷ്ണൂ॒ മഹി॒ ത-ദ്വാ᳚-മ്മഹി॒ത്വം-വീഁ॒ത-ങ്ഘൃ॒തസ്യ॒ ഗുഹ്യാ॑നി॒ നാമ॑ । ദമേ॑ദമേ സ॒പ്ത രത്നാ॒ ദധാ॑നാ॒ പ്രതി॑ വാ-ഞ്ജി॒ഹ്വാ ഘൃ॒തമാ ച॑രണ്യേത് ॥ അഗ്നാ॑വിഷ്ണൂ॒ മഹി॒ ധാമ॑ പ്രി॒യം-വാഁം᳚-വീഁ॒ഥോ ഘൃ॒തസ്യ॒ ഗുഹ്യാ॑ ജുഷാ॒ണാ । ദമേ॑ദമേ സുഷ്ടു॒തീ-ര്വാ॑വൃധാ॒നാ പ്രതി॑ വാ-ഞ്ജി॒ഹ്വാ ഘൃ॒തമുച്ച॑രണ്യേത് ॥ പ്ര ണോ॑ ദേ॒വീ സര॑സ്വതീ॒ വാജേ॑ഭി-ര്വാ॒ജിനീ॑വതീ । ധീ॒നാ-മ॑വി॒ത്യ്ര॑വതു । ആ നോ॑ ദി॒വോ ബൃ॑ഹ॒തഃ – [ബൃ॑ഹ॒തഃ, പര്വ॑താ॒ദാ] 38
പര്വ॑താ॒ദാ സര॑സ്വതീ യജ॒താ ഗ॑ന്തു യ॒ജ്ഞമ് । ഹവ॑-ന്ദേ॒വീ ജു॑ജുഷാ॒ണാ ഘൃ॒താചീ॑ ശ॒ഗ്മാ-ന്നോ॒ വാച॑മുശ॒തീ ശൃ॑ണോതു ॥ ബൃഹ॑സ്പതേ ജു॒ഷസ്വ॑ നോ ഹ॒വ്യാനി॑ വിശ്വദേവ്യ । രാസ്വ॒ രത്നാ॑നി ദാ॒ശുഷേ᳚ ॥ ഏ॒വാ പി॒ത്രേ വി॒ശ്വദേ॑വായ॒ വൃഷ്ണേ॑ യ॒ജ്ഞൈ-ര്വി॑ധേമ॒ നമ॑സാ ഹ॒വിര്ഭിഃ॑ । ബൃഹ॑സ്പതേ സുപ്ര॒ജാ വീ॒രവ॑ന്തോ വ॒യഗ്ഗ് സ്യാ॑മ॒ പത॑യോ രയീ॒ണാമ് ॥ ബൃഹ॑സ്പതേ॒ അതി॒ യദ॒ര്യോ അര്ഹാ᳚-ദ്ദ്യു॒മ-ദ്വി॒ഭാതി॒ ക്രതു॑മ॒ജ്ജനേ॑ഷു । യ-ദ്ദീ॒ദയ॒ച്ഛവ॑സ- [യ-ദ്ദീ॒ദയ॒ച്ഛവ॑സഃ, ഋ॒ത॒പ്ര॒ജാ॒ത॒ തദ॒സ്മാസു॒] 39
-ര്തപ്രജാത॒ തദ॒സ്മാസു॒ ദ്രവി॑ണ-ന്ധേഹി ചി॒ത്രമ് ॥ ആ നോ॑ മിത്രാവരുണാ ഘൃ॒തൈ-ര്ഗവ്യൂ॑തിമുക്ഷതമ് । മദ്ധ്വാ॒ രജാഗ്മ്॑സി സുക്രതൂ ॥ പ്ര ബാ॒ഹവാ॑ സിസൃത-ഞ്ജീ॒വസേ॑ ന॒ ആ നോ॒ ഗവ്യൂ॑തി-മുക്ഷത-ങ്ഘൃ॒തേന॑ । ആ നോ॒ ജനേ᳚ ശ്രവയതം-യുഁവാനാ ശ്രു॒ത-മ്മേ॑ മിത്രാവരുണാ॒ ഹവേ॒മാ ॥ അ॒ഗ്നിം-വഁ ഃ॑ പൂ॒ര്വ്യ-ങ്ഗി॒രാ ദേ॒വമീ॑ഡേ॒ വസൂ॑നാമ് । സ॒പ॒ര്യന്തഃ॑ പുരുപ്രി॒യ-മ്മി॒ത്ര-ന്ന ക്ഷേ᳚ത്ര॒സാധ॑സമ് ॥ മ॒ക്ഷൂ ദേ॒വവ॑തോ॒ രഥ॒- [രഥഃ॑, ശൂരോ॑ വാ പൃ॒ഥ്സു] 40
-ശ്ശൂരോ॑ വാ പൃ॒ഥ്സു കാസു॑ ചിത് । ദേ॒വാനാം॒-യഁ ഇന്മനോ॒ യജ॑മാന॒ ഇയ॑ക്ഷത്യ॒ഭീദയ॑ജ്വനോ ഭുവത് ॥ ന യ॑ജമാന രിഷ്യസി॒ ന സു॑ന്വാന॒ ന ദേ॑വയോ ॥ അസ॒ദത്ര॑ സു॒വീര്യ॑മു॒ത ത്യദാ॒ശ്വശ്വി॑യമ് ॥ നകി॒ഷ്ട-ങ്കര്മ॑ണാ നശ॒ന്ന പ്ര യോ॑ഷ॒ന്ന യോ॑ഷതി ॥ ഉപ॑ ക്ഷരന്തി॒ സിന്ധ॑വോ മയോ॒ഭുവ॑ ഈജാ॒ന-ഞ്ച॑ യ॒ക്ഷ്യമാ॑ണ-ഞ്ച ധേ॒നവഃ॑ । പൃ॒ണന്ത॑-ഞ്ച॒ പപു॑രി-ഞ്ച [പപു॑രി-ഞ്ച, ശ്ര॒വ॒സ്യവോ॑ ഘൃ॒തസ്യ॒] 41
ശ്രവ॒സ്യവോ॑ ഘൃ॒തസ്യ॒ ധാരാ॒ ഉപ॑ യന്തി വി॒ശ്വതഃ॑ ॥സോമാ॑രുദ്രാ॒ വി വൃ॑ഹതം॒-വിഁഷൂ॑ചീ॒മമീ॑വാ॒ യാ നോ॒ ഗയ॑-മാവി॒വേശ॑ । ആ॒രേ ബാ॑ധേഥാ॒-ന്നിര്-ഋ॑തി-മ്പരാ॒ചൈഃ കൃ॒ത-ഞ്ചി॒ദേനഃ॒ പ്ര മു॑മുക്ത-മ॒സ്മത് ॥ സോമാ॑രുദ്രാ യു॒വ-മേ॒താന്യ॒സ്മേ വിശ്വാ॑ ത॒നൂഷു॑ ഭേഷ॒ജാനി॑ ധത്തമ് । അവ॑ സ്യത-മ്മു॒ഞ്ചതം॒-യഁന്നോ॒ അസ്തി॑ ത॒നൂഷു॑ ബ॒ദ്ധ-ങ്കൃ॒തമേനോ॑ അ॒സ്മത് ॥ സോമാ॑പൂഷണാ॒ ജന॑നാ രയീ॒ണാ-ഞ്ജന॑നാ ദി॒വോ ജന॑നാ പൃഥി॒വ്യാഃ । ജാ॒തൌ വിശ്വ॑സ്യ॒ ഭുവ॑നസ്യ ഗോ॒പൌ ദേ॒വാ അ॑കൃണ്വന്ന॒മൃത॑സ്യ॒ നാഭി᳚മ് ॥ ഇ॒മൌ ദേ॒വൌ ജായ॑മാനൌ ജുഷന്തേ॒മൌ തമാഗ്മ്॑സി ഗൂഹതാ॒-മജു॑ഷ്ടാ । ആ॒ഭ്യാമിന്ദ്രഃ॑ പ॒ക്വമാ॒മാസ്വ॒ന്ത-സ്സോ॑മാപൂ॒ഷഭ്യാ᳚-ഞ്ജനദു॒സ്രിയാ॑സു ॥ 42 ॥
(ബൃ॒ഹ॒തഃ-ശവ॑സാ॒-രഥഃ॒-പപു॑രി-ഞ്ച-ദി॒വോ ജന॑നാ॒-പഞ്ച॑വിഗ്മ്ശതിശ്ച) (അ. 22)
(അനു॑മത്യാ-ആഗ്നേ॒യ-മൈ᳚ന്ദ്രാ॒ഗ്നമ॒ഗ്നയേ॒-സോമാ॑യ-പ്രതിപൂ॒രുഷ-മൈ᳚ന്ദ്രാഗ്നം-ധാ॒ത്രേ ബാ॑ര്ഹസ്പ॒ത്യ-മ॒ഗ്നയേ॒-ര്-ഽഥതോ॒-ദേവീഃ᳚-സ॒മിധ॒ഗ്മ്॒-സോമ॒സ്യേ-ന്ദ്ര॑സ്യ -മി॒ത്ര-ആ᳚ഗ്നേ॒യഗ്മ്-സ॒ദ്യ-ആ᳚ഗ്നേ॒യഗ്മ്-മാ᳚ഗ്നേ॒യഗ്ഗ്-സ്വാ॒ദ്വീ-ന്ത്വാ-ഽഗ്നാ॑വിഷ്ണൂ॒-ദ്വാവിഗ്മ്॑ശതിഃ । )
(അനു॑മത്യൈ॒-യഥാ-ഽസ॑തി॒-ദേവീ॑രാപോ-മി॒ത്രോ॑-ഽസി॒-ശൂരോ॑ വാ॒-ദ്വിച॑ത്വാരിഗ്മ്ശത് । )
(അനു॑മത്യാ, ഉ॒സ്രിയാ॑സു)
(ഇ॒ഷ, ആപോ॑, ദേ॒വസ്യാ, ഽഽദ॑ദേ, ദേവാസു॒രാ, സ്സന്ത്വാ॑, പാകയ॒ജ്ഞ, മനു॒മത്യാ, അ॒ഷ്ടൌ) (8)
॥ ഹരിഃ॑ ഓമ് ॥
॥ കൃഷ്ണ യജുര്വേദീയ തൈത്തിരീയ സംഹിതായാ-മ്പ്രഥമകാണ്ഡേ അഷ്തമഃ പ്രശ്ന-സ്സമാപ്തഃ ॥