കൃഷ്ണ യജുര്വേദീയ തൈത്തിരീയ സംഹിതായാ-ന്തൃതീയകാണ്ഡേ തൃതീയഃ പ്രശ്നഃ – വൈകൃതവിധീനാമഭിധാനം
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥
അഗ്നേ॑ തേജസ്വി-ന്തേജ॒സ്വീ ത്വ-ന്ദേ॒വേഷു॑ ഭൂയാ॒സ്തേജ॑സ്വന്ത॒-മ്മാമായു॑ഷ്മന്തം॒-വഁര്ച॑സ്വന്ത-മ്മനു॒ഷ്യേ॑ഷു കുരു ദീ॒ക്ഷായൈ॑ ച ത്വാ॒ തപ॑സശ്ച॒ തേജ॑സേ ജുഹോമി തേജോ॒വിദ॑സി॒ തേജോ॑ മാ॒ മാ ഹാ॑സീ॒ന്മാ-ഽഹ-ന്തേജോ॑ ഹാസിഷ॒-മ്മാ മാ-ന്തേജോ॑ ഹാസീ॒ദിന്ദ്രൌ॑ജസ്വിന്നോജ॒സ്വീ ത്വ-ന്ദേ॒വേഷു॑ ഭൂയാ॒ ഓജ॑സ്വന്ത॒-മ്മാമായു॑ഷ്മന്തം॒-വഁര്ച॑സ്വന്ത-മ്മനു॒ഷ്യേ॑ഷു കുരു॒ ബ്രഹ്മ॑ണശ്ച ത്വാ ക്ഷ॒ത്രസ്യ॒ ചൌ- [ക്ഷ॒ത്രസ്യ॒ ച, ഓജ॑സേ ജുഹോമ്യോജോ॒വി-] 1
-ജ॑സേ ജുഹോമ്യോജോ॒വി-ദ॒സ്യോജോ॑ മാ॒ മാ ഹാ॑സീ॒ന്മാ-ഽഹമോജോ॑ ഹാസിഷ॒-മ്മാ മാമോജോ॑ ഹാസീ॒-ഥ്സൂര്യ॑ ഭ്രാജസ്വി-ന്ഭ്രാജ॒സ്വീ ത്വ-ന്ദേ॒വേഷു॑ ഭൂയാ॒ ഭ്രാജ॑സ്വന്ത॒-മ്മാമായു॑ഷ്മന്തം॒-വഁര്ച॑സ്വന്ത-മ്മനു॒ഷ്യേ॑ഷു കുരു വാ॒യോശ്ച॑ ത്വാ॒-ഽപാഞ്ച॒ ഭ്രാജ॑സേ ജുഹോമിസുവ॒ര്വിദ॑സി॒ സുവ॑ര്മാ॒ മാ ഹാ॑സീ॒ന്മാ-ഽഹഗ്മ് സുവ॑ര്ഹാസിഷ॒-മ്മാ മാഗ്മ് സുവ॑ര്ഹാസീ॒-ന്മയി॑ മേ॒ധാ-മ്മയി॑ പ്ര॒ജാ-മ്മയ്യ॒ഗ്നിസ്തേജോ॑ ദധാതു॒ മയി॑ മേ॒ധാ-മ്മയി॑ പ്ര॒ജാ-മ്മയീന്ദ്ര॑ ഇന്ദ്രി॒യ-ന്ദ॑ധാതു॒ മയി॑ മേ॒ധാ-മ്മയി॑ പ്ര॒ജാ-മ്മയി॒ സൂര്യോ॒ ഭ്രാജോ॑ ദധാതു ॥ 2 ॥
(ക്ഷ॒ത്രസ്യ॑ ച॒ – മയി॒ – ത്രയോ॑വിഗ്മ്ശതിശ്ച) (അ. 1)
വാ॒യുര്ഹി॑കം॒ര്താ-ഽഗ്നിഃ പ്ര॑സ്തോ॒താ പ്ര॒ജാപ॑തി॒-സ്സാമ॒ ബൃഹ॒സ്പതി॑രുദ്ഗാ॒താ വിശ്വേ॑ ദേ॒വാ ഉ॑പഗാ॒താരോ॑ മ॒രുതഃ॑ പ്രതിഹ॒ര്താര॒ ഇന്ദ്രോ॑ നി॒ധന॒ന്തേ ദേ॒വാഃ പ്രാ॑ണ॒ഭൃതഃ॑ പ്രാ॒ണ-മ്മയി॑ ദധത്വേ॒തദ്വൈ സര്വ॑മദ്ധ്വ॒ര്യു-രു॑പാകു॒ര്വന്നു॑ദ്ഗാ॒തൃഭ്യ॑ ഉ॒പാക॑രോതി॒ തേ ദേ॒വാഃ പ്രാ॑ണ॒ഭൃതഃ॑ പ്രാ॒ണ-മ്മയി॑ ദധ॒ത്വിത്യാ॑ഹൈ॒തദേ॒വ സവ॑ര്മാ॒ത്മ-ന്ധ॑ത്ത॒ ഇഡാ॑ ദേവ॒ഹൂ ര്മനു॑-ര്യജ്ഞ॒നീ-ര്ബൃഹ॒സ്പതി॑രുക്ഥാമ॒ദാനി॑ ശഗ്മ്സിഷ॒-ദ്വിശ്വേ॑ ദേ॒വാ- [ദേ॒വാഃ, സൂ॒ക്ത॒വാചഃ॒ പൃഥി॑വി] 3
-സ്സൂ᳚ക്ത॒വാചഃ॒ പൃഥി॑വി മാത॒ര്മാ മാ॑ഹിഗ്മ്സീ॒ ര്മധു॑ മനിഷ്യേ॒ മധു॑ ജനിഷ്യേ॒ മധു॑വക്ഷ്യാമി॒ മധു॑വദിഷ്യാമി॒ മധു॑മതീ-ന്ദേ॒വേഭ്യോ॒ വാച॑മുദ്യാസഗ്മ് ശുശ്രൂ॒ഷേണ്യാ᳚-മ്മനു॒ഷ്യേ᳚ഭ്യ॒സ്ത-മ്മാ॑ ദേ॒വാ അ॑വന്തു ശോ॒ഭായൈ॑ പി॒തരോ-ഽനു॑ മദന്തു ॥ 4 ॥
(ശ॒ഗ്മ്॒സി॒ഷ॒-ദ്വിശ്വേ॑ ദേ॒വാ – അ॒ഷ്ടാവിഗ്മ്॑ശതിശ്ച) (അ. 2)
വസ॑വസ്ത്വാ॒ പ്രവ॑ഹന്തു ഗായ॒ത്രേണ॒ ഛന്ദ॑സാ॒-ഽഗ്നേഃ പ്രി॒യ-മ്പാഥ॒ ഉപേ॑ഹി രു॒ദ്രാസ്ത്വാ॒ പ്രവൃ॑ഹന്തു॒ ത്രൈഷ്ടു॑ഭേന॒ ഛന്ദ॒സേന്ദ്ര॑സ്യ പ്രി॒യ-മ്പാഥ॒ ഉപേ᳚ഹ്യാദി॒ത്യാസ്ത്വാ॒ പ്രവൃ॑ഹന്തു॒ ജാഗ॑തേന॒ ഛന്ദ॑സാ॒ വിശ്വേ॑ഷാ-ന്ദേ॒വാനാ᳚-മ്പ്രി॒യ-മ്പാഥ॒ ഉപേ॑ഹി॒ മാന്ദാ॑സു തേ ശുക്ര ശു॒ക്രമാ ധൂ॑നോമി ഭ॒ന്ദനാ॑സു॒ കോത॑നാസു॒ നൂത॑നാസു॒ രേശീ॑ഷു॒ മേഷീ॑ഷു॒ വാശീ॑ഷു വിശ്വ॒ഭൃഥ്സു॒ മാദ്ധ്വീ॑ഷു കകു॒ഹാസു॒ ശക്വ॑രീഷു [ ] 5
ശു॒ക്രാസു॑ തേ ശുക്ര ശു॒ക്രമാ ധൂ॑നോമി ശു॒ക്ര-ന്തേ॑ ശു॒ക്രേണ॑ ഗൃഹ്ണാ॒മ്യഹ്നോ॑ രൂ॒പേണ॒ സൂര്യ॑സ്യ ര॒ശ്മിഭിഃ॑ ॥ ആ-ഽസ്മി॑ന്നു॒ഗ്രാ അ॑ചുച്യവുര്ദി॒വോ ധാരാ॑ അസശ്ചത ॥ ക॒കു॒ഹഗ്മ് രൂ॒പം-വൃഁ ॑ഷ॒ഭസ്യ॑ രോചതേ ബൃ॒ഹ-ഥ്സോമ॒-സ്സോമ॑സ്യ പുരോ॒ഗാ-ശ്ശു॒ക്ര-ശ്ശു॒ക്രസ്യ॑ പുരോ॒ഗാഃ ॥ യ-ത്തേ॑ സോ॒മാദാ᳚ഭ്യ॒-ന്നാമ॒ ജാഗൃ॑വി॒ തസ്മൈ॑ തേ സോമ॒ സോമാ॑യ॒ സ്വാഹോ॒ശി-ക്ത്വ-ന്ദേ॑വ സോമ ഗായ॒ത്രേണ॒ ഛന്ദ॑സാ॒-ഽഗ്നേഃ [ഛന്ദ॑സാ॒-ഽഗ്നേഃ, പ്രി॒യ-മ്പാഥോ॒] 6
പ്രി॒യ-മ്പാഥോ॒ അപീ॑ഹി വ॒ശീ ത്വ-ന്ദേ॑വ സോമ॒ ത്രൈഷ്ടു॑ഭേന॒ ഛന്ദ॒സേന്ദ്ര॑സ്യ പ്രി॒യ-മ്പാഥോ॒ അപീ᳚ഹ്യ॒സ്മഥ്സ॑ഖാ॒ ത്വ-ന്ദേ॑വ സോമ॒ ജാഗ॑തേന॒ ഛന്ദ॑സാ॒ വിശ്വേ॑ഷാ-ന്ദേ॒വാനാ᳚-മ്പ്രി॒യ-മ്പാഥോ॒ അപീ॒ഹ്യാ നഃ॑ പ്രാ॒ണ ഏ॑തു പരാ॒വത॒ ആ-ഽന്തരി॑ക്ഷാദ്ദി॒വസ്പരി॑ । ആയുഃ॑ പൃഥി॒വ്യാ അദ്ധ്യ॒മൃത॑മസി പ്രാ॒ണായ॑ ത്വാ ॥ ഇ॒ന്ദ്രാ॒ഗ്നീ മേ॒ വര്ചഃ॑ കൃണുതാം॒-വഁര്ച॒-സ്സോമോ॒ ബൃഹ॒സ്പതിഃ॑ । വര്ചോ॑ മേ॒ വിശ്വേ॑ദേ॒വാ വര്ചോ॑ മേ ധത്തമശ്വിനാ ॥ ദ॒ധ॒ന്വേ വാ॒ യദീ॒മനു॒ വോച॒ദ്ബ്രഹ്മാ॑ണി॒ വേരു॒ തത് । പരി॒ വിശ്വാ॑നി॒ കാവ്യാ॑ നേ॒മിശ്ച॒ക്രമി॑വാ ഭവത് ॥ 7 ॥
(ശക്വ॑രീഷ്വ॒ – ഗ്നേ – ര്ബൃഹ॒സ്പതിഃ॒ – പഞ്ച॑വിഗ്മ്ശതിശ്ച) (അ. 3)
ഏ॒തദ്വാ അ॒പാ-ന്നാ॑മ॒ധേയ॒-ങ്ഗുഹ്യം॒-യഁദാ॑ധാ॒വാ മാന്ദാ॑സു തേ ശുക്ര ശു॒ക്രമാ ധൂ॑നോ॒മീത്യാ॑ഹാ॒പാമേ॒വ നാ॑മ॒ധേയേ॑ന॒ ഗുഹ്യേ॑ന ദി॒വോ വൃഷ്ടി॒മവ॑ രുന്ധേ ശു॒ക്ര-ന്തേ॑ ശു॒ക്രേണ॑ ഗൃഹ്ണാ॒മീത്യാ॑ഹൈ॒തദ്വാ അഹ്നോ॑ രൂ॒പം-യഁദ്രാത്രി॒-സ്സൂര്യ॑സ്യ ര॒ശ്മയോ॒ വൃഷ്ട്യാ॑ ഈശ॒തേ-ഽഹ്ന॑ ഏ॒വ രൂ॒പേണ॒ സൂര്യ॑സ്യ ര॒ശ്മിഭി॑ര്ദി॒വോ വൃഷ്ടി॑-ഞ്ച്യാവയ॒ത്യാ-ഽസ്മി॑ന്നു॒ഗ്രാ [-ഽസ്മി॑ന്നു॒ഗ്രാഃ, അ॒ചു॒ച്യ॒വു॒രിത്യാ॑ഹ] 8
അ॑ചുച്യവു॒രിത്യാ॑ഹ യഥായ॒ജുരേ॒വൈത-ത്ക॑കു॒ഹഗ്മ് രൂ॒പം-വൃഁ ॑ഷ॒ഭസ്യ॑ രോചതേ ബൃ॒ഹദിത്യാ॑ഹൈ॒തദ്വാ അ॑സ്യ കകു॒ഹഗ്മ് രൂ॒പം-യഁ-ദ്വൃഷ്ടീ॑ രൂ॒പേണൈ॒വ വൃഷ്ടി॒മവ॑ രുന്ധേ॒ യത്തേ॑ സോ॒മാദാ᳚ഭ്യ॒-ന്നാമ॒ ജാഗൃ॒വീത്യാ॑ഹൈ॒ഷ ഹ॒ വൈ ഹ॒വിഷാ॑ ഹ॒വിര്യ॑ജതി॒ യോ-ഽദാ᳚ഭ്യ-ങ്ഗൃഹീ॒ത്വാ സോമാ॑യ ജു॒ഹോതി॒പരാ॒ വാ ഏ॒തസ്യാ-ഽഽയുഃ॑ പ്രാ॒ണ ഏ॑തി॒ [പ്രാ॒ണ ഏ॑തി, യോ-ഽഗ്മ്॑ശു-] 9
യോ-ഽഗ്മ്॑ശു-ങ്ഗൃ॒ഹ്ണാത്യാ നഃ॑ പ്രാ॒ണ ഏ॑തു പരാ॒വത॒ ഇത്യാ॒ഹാ-ഽഽയു॑രേ॒വ പ്രാ॒ണമാ॒ത്മ-ന്ധ॑ത്തേ॒ ഽമൃത॑മസി പ്രാ॒ണായ॒ ത്വേതി॒ ഹിര॑ണ്യമ॒ഭി വ്യ॑നിത്യ॒മൃതം॒-വൈഁ ഹിര॑ണ്യ॒മായുഃ॑ പ്രാ॒ണോ॑-ഽമൃതേ॑നൈ॒വാ-ഽഽയു॑രാ॒ത്മ-ന്ധ॑ത്തേ ശ॒തമാ॑ന-മ്ഭവതി ശ॒തായുഃ॒ പുരു॑ഷ-ശ്ശ॒തേന്ദ്രി॑യ॒ ആയു॑ഷ്യേ॒വേന്ദ്രി॒യേ പ്രതി॑തിഷ്ഠത്യ॒പ ഉപ॑ സ്പൃശതി ഭേഷ॒ജം-വാഁ ആപോ॑ ഭേഷ॒ജമേ॒വ കു॑രുതേ ॥ 10 ॥
(ഉ॒ഗ്രാ – ഏ॒ത്യാ – പ॒ – സ്ത്രീണി॑ ച) (അ. 4)
വാ॒യുര॑സി പ്രാ॒ണോ നാമ॑ സവി॒തുരാധി॑പത്യേ-ഽപാ॒ന-മ്മേ॑ ദാ॒ശ്ചക്ഷു॑രസി॒ ശ്രോത്ര॒-ന്നാമ॑ ധാ॒തുരാധി॑പത്യ॒ ആയു॑ര്മേ ദാ രൂ॒പമ॑സി॒ വര്ണോ॒ നാമ॒ ബൃഹ॒സ്പതേ॒രാധി॑പത്യേ പ്ര॒ജാ-മ്മേ॑ ദാ ഋ॒തമ॑സി സ॒ത്യ-ന്നാമേന്ദ്ര॒സ്യാ-ഽഽധി॑പത്യേ ക്ഷ॒ത്ര-മ്മേ॑ ദാ ഭൂ॒തമ॑സി॒ ഭവ്യ॒-ന്നാമ॑ പിതൃ॒ണാമാധി॑പത്യേ॒-ഽപാ-മോഷ॑ധീനാ॒-ങ്ഗര്ഭ॑-ന്ധാ ഋ॒തസ്യ॑ ത്വാ॒ വ്യോ॑മന ഋ॒തസ്യ॑ [ ] 11
ത്വാ॒ വിഭൂ॑മന ഋ॒തസ്യ॑ ത്വാ॒ വിധ॑ര്മണ ഋ॒തസ്യ॑ ത്വാ സ॒ത്യായ॒ര്തസ്യ॑ ത്വാ॒ ജ്യോതി॑ഷേ പ്ര॒ജാപ॑തി ര്വി॒രാജ॑മപശ്യ॒-ത്തയാ॑ ഭൂ॒ത-ഞ്ച॒ ഭവ്യ॑-ഞ്ചാ സൃജത॒ താമൃഷി॑ഭ്യസ്തി॒രോ॑-ഽദധാ॒-ത്താ-ഞ്ജ॒മദ॑ഗ്നി॒സ്തപ॑സാ-ഽ പശ്യ॒-ത്തയാ॒ വൈ സ പൃശ്ഞീ॒ന് കാമാ॑നസൃജത॒ ത-ത്പൃശ്ഞീ॑നാ-മ്പൃശ്ഞി॒ത്വം-യഁ-ത്പൃശ്ഞ॑യോ ഗൃ॒ഹ്യന്തേ॒ പൃശ്ഞീ॑നേ॒വ തൈഃ കാമാ॒ന്॒. യജ॑മാ॒നോ-ഽവ॑ രുന്ധേ വാ॒യുര॑സി പ്രാ॒ണോ [വാ॒യുര॑സി പ്രാ॒ണഃ, നാമേത്യാ॑ഹ] 12
നാമേത്യാ॑ഹ പ്രാണാപാ॒നാവേ॒വാവ॑ രുന്ധേ॒ ചക്ഷു॑രസി॒ ശ്രോത്ര॒-ന്നാമേത്യാ॒ഹാ-ഽഽയു॑രേ॒വാവ॑ രുന്ധേ രൂ॒പമ॑സി॒ വര്ണോ॒ നാമേത്യാ॑ഹ പ്ര॒ജാമേ॒വാവ॑ രുന്ധഋ॒തമ॑സി സ॒ത്യ-ന്നാമേത്യാ॑ഹ ക്ഷ॒ത്രമേ॒വാവ॑ രുന്ധേ ഭൂ॒തമ॑സി॒ ഭവ്യ॒-ന്നാമേത്യാ॑ഹ പ॒ശവോ॒ വാ അ॒പാമോഷ॑ധീനാ॒-ങ്ഗര്ഭഃ॑ പ॒ശൂനേ॒വാ- [പ॒ശൂനേ॒വ, അവ॑ രുന്ധ] 13
-വ॑ രുന്ധ ഏ॒താവ॒ദ്വൈ പുരു॑ഷ-മ്പ॒രിത॒സ്തദേ॒വാവ॑ രുന്ധ ഋ॒തസ്യ॑ ത്വാ॒ വ്യോ॑മന॒ ഇത്യാ॑ഹേ॒യം-വാഁ ഋ॒തസ്യ॒ വ്യോ॑മേ॒മാമേ॒വാഭി ജ॑യത്യൃ॒തസ്യ॑ ത്വാ॒ വിഭൂ॑മന॒ ഇത്യാ॑ഹാ॒-ഽന്തരി॑ക്ഷം॒-വാഁ ഋ॒തസ്യ॒ വിഭൂ॑മാ॒ന്തരി॑ക്ഷമേ॒വാഭി ജ॑യത്യൃ॒തസ്യ॑ ത്വാ॒ വിധ॑ര്മണ॒ ഇത്യാ॑ഹ॒ ദ്യൌര്വാ ഋ॒തസ്യ॒ വിധ॑ര്മ॒ ദിവ॑മേ॒വാഭി ജ॑യത്യൃ॒തസ്യ॑ [ജ॑യത്യൃ॒തസ്യ॑, ത്വാ॒ സ॒ത്യായേത്യാ॑ഹ॒] 14
ത്വാ സ॒ത്യായേത്യാ॑ഹ॒ ദിശോ॒ വാ ഋ॒തസ്യ॑ സ॒ത്യ-ന്ദിശ॑ ഏ॒വാഭി ജ॑യത്യൃ॒തസ്യ॑ ത്വാ॒ ജ്യോതി॑ഷ॒ ഇത്യാ॑ഹ സുവ॒ര്ഗോ വൈ ലോ॒ക ഋ॒തസ്യ॒ ജ്യോതി॑-സ്സുവ॒ര്ഗമേ॒വ ലോ॒കമ॒ഭി ജ॑യത്യേ॒താവ॑ന്തോ॒ വൈ ദേ॑വലോ॒കാസ്താനേ॒വാഭി ജ॑യതി॒ ദശ॒ സമ്പ॑ദ്യന്തേ॒ ദശാ᳚ക്ഷരാ വി॒രാഡന്നം॑-വിഁ॒രാ-ഡ്വി॒രാജ്യേ॒വാന്നാദ്യേ॒ പ്രതി॑തിഷ്ഠതി ॥ 15 ॥
(വ്യോ॑മന ഋ॒തസ്യ॑ – പ്രാ॒ണഃ – പ॒ശുനേ॒വ – വിധ॑ര്മ॒ ദിവ॑മേ॒വാഭി ജ॑യത്യൃ॒തസ്യ॒ -ഷട്ച॑ത്വാരിഗ്മ്ശച്ച) (അ. 5)
ദേ॒വാ വൈ യ-ദ്യ॒ജ്ഞേന॒ നാവാരു॑ന്ധത॒ ത-ത്പരൈ॒രവാ॑രുന്ധത॒ ത-ത്പരാ॑ണാ-മ്പര॒ത്വം-യഁ-ത്പരേ॑ ഗൃ॒ഹ്യന്തേ॒ യദേ॒വ യ॒ജ്ഞേന॒നാവ॑രു॒ന്ധേ തസ്യാവ॑രുദ്ധ്യൈ॒ യ-മ്പ്ര॑ഥ॒മ-ങ്ഗൃ॒ഹ്ണാതീ॒മമേ॒വ തേന॑ ലോ॒കമ॒ഭി ജ॑യതി॒യ-ന്ദ്വി॒തീയ॑മ॒ന്തരി॑ക്ഷ॒-ന്തേന॒ യ-ന്തൃ॒തീയ॑മ॒മുമേ॒വ തേന॑ ലോ॒കമ॒ഭി ജ॑യതി॒ യദേ॒തേ ഗൃ॒ഹ്യന്ത॑ ഏ॒ഷാം ലോഁ॒കാനാ॑-മ॒ഭിജി॑ത്യാ॒ [-മ॒ഭിജി॑ത്യാ, ഉത്ത॑രേ॒ഷ്വഹ-] 16
ഉത്ത॑രേ॒ഷ്വഹ॑-സ്സ്വ॒മുതോ॒-ഽര്വാഞ്ചോ॑ ഗൃഹ്യന്തേ ഽഭി॒ജിത്യൈ॒വേമാം-ലോഁ॒കാ-ന്പുന॑രി॒മം-ലോഁ॒ക-മ്പ്ര॒ത്യവ॑രോഹന്തി॒ യ-ത്പൂര്വേ॒ഷ്വഹ॑-സ്സ്വി॒തഃ പരാ᳚ഞ്ചോ ഗൃ॒ഹ്യന്തേ॒ തസ്മാ॑ദി॒തഃ പരാ᳚ഞ്ച ഇ॒മേ ലോ॒കാ യദുത്ത॑രേ॒ഷ്വഹ॑-സ്സ്വ॒മുതോ॒-ഽര്വാഞ്ചോ॑ ഗൃ॒ഹ്യന്തേ॒ തസ്മാ॑ദ॒മുതോ॒ ഽര്വാഞ്ച॑ ഇ॒മേ ലോ॒കാസ്തസ്മാ॒ദയാ॑തയാമ്നോ ലോ॒കാ-ന്മ॑നു॒ഷ്യാ॑ ഉപ॑ ജീവന്തി ബ്രഹ്മവാ॒ദിനോ॑ വദന്തി॒ കസ്മാ᳚-ഥ്സ॒ത്യാദ॒ദ്ഭ്യ ഓഷ॑ധയ॒-സ്സ-മ്ഭ॑വ॒ന്ത്യോഷ॑ധയോ [ഓഷ॑ധയ॒-സ്സ-മ്ഭ॑വ॒ന്ത്യോഷ॑ധയഃ, മ॒നു॒ഷ്യാ॑ണാ॒മന്ന॑-] 17
മനു॒ഷ്യാ॑ണാ॒മന്ന॑-മ്പ്ര॒ജാപ॑തി-മ്പ്ര॒ജാ അനു॒ പ്രജാ॑യന്ത॒ ഇതി॒ പരാ॒നന്വിതി॑ ബ്രൂയാ॒-ദ്യ-ദ്ഗൃ॒ഹ്ണാത്യ॒ദ്ഭ്യസ്ത്വൌഷ॑ധീഭ്യോ ഗൃഹ്ണാ॒മീതി॒ തസ്മാ॑ദ॒ദ്ഭ്യ ഓഷ॑ധയ॒-സ്സമ്ഭ॑വന്തി॒ യ-ദ്ഗൃ॒ഹ്ണാത്യോഷ॑ധീഭ്യസ്ത്വാ പ്ര॒ജാഭ്യോ॑ ഗൃഹ്ണാ॒മീതി॒ തസ്മാ॒ദോഷ॑ധയോ മനു॒ഷ്യാ॑ണാ॒മന്നം॒-യഁ-ദ്ഗൃ॒ഹ്ണാതി॑ പ്ര॒ജാഭ്യ॑സ്ത്വാ പ്ര॒ജാപ॑തയേ ഗൃഹ്ണാ॒മീതി॒ തസ്മാ᳚-ത്പ്ര॒ജാപ॑തി-മ്പ്ര॒ജാ അനു॒ പ്രജാ॑യന്തേ ॥ 18 ॥
(അ॒ഭിജി॑ത്യൈ – ഭവ॒ന്ത്യോഷ॑ധയോ॒ – ഽഷ്ടാ ച॑ത്വാരിഗ്മ്ശച്ച) (അ. 6)
പ്ര॒ജാപ॑തിര്ദേവാസു॒രാന॑ സൃജത॒ തദനു॑ യ॒ജ്ഞോ॑-ഽസൃജ്യത യ॒ജ്ഞ-ഞ്ഛന്ദാഗ്മ്॑സി॒ തേ വിഷ്വ॑ഞ്ചോ॒ വ്യ॑ക്രാമ॒ന്-ഥ്സോ-ഽസു॑രാ॒നനു॑ യ॒ജ്ഞോ-ഽപാ᳚ക്രാമ-ദ്യ॒ജ്ഞ-ഞ്ഛന്ദാഗ്മ്॑സി॒ തേ ദേ॒വാ അ॑മന്യന്താ॒മീ വാ ഇ॒ദമ॑ഭൂവ॒ന്॒. യ-ദ്വ॒യഗ്ഗ് സ്മ ഇതി॒ തേ പ്ര॒ജാപ॑തി॒മുപാ॑-ഽധാവ॒ന്-ഥ്സോ᳚-ഽബ്രവീത്-പ്ര॒ജാപ॑തി॒ശ്ഛന്ദ॑സാം-വീഁ॒ര്യ॑മാ॒ദായ॒ തദ്വഃ॒ പ്ര ദാ᳚സ്യാ॒മീതി॒ സ ഛന്ദ॑സാം-വീഁ॒ര്യ॑- [ഛന്ദ॑സാം-വീഁ॒ര്യ᳚മ്, ആ॒ദായ॒ തദേ᳚ഭ്യഃ॒] 19
-മാ॒ദായ॒ തദേ᳚ഭ്യഃ॒ പ്രായ॑ച്ഛ॒-ത്തദനു॒ ഛന്ദാ॒ഗ്॒സ്യപാ᳚-ഽക്രാമ॒ന് ഛന്ദാഗ്മ്॑സി യ॒ജ്ഞസ്തതോ॑ ദേ॒വാ അഭ॑വ॒-ന്പരാ-ഽസു॑രാ॒ യ ഏ॒വ-ഞ്ഛന്ദ॑സാം-വീഁ॒ര്യം॑-വേഁദാ-ഽഽ ശ്രാ॑വ॒യാ-ഽസ്തു॒ ശ്രൌഷ॒ഡ് യജ॒ യേ യജാ॑മഹേ വഷട്കാ॒രോ ഭവ॑ത്യാ॒ത്മനാ॒ പരാ᳚-ഽസ്യ॒ ഭ്രാതൃ॑വ്യോ ഭവതി ബ്രഹ്മവാ॒ദിനോ॑ വദന്തി॒ കസ്മൈ॒ കമ॑ദ്ധ്വ॒ര്യുരാ ശ്രാ॑വയ॒തീതി॒ ഛന്ദ॑സാം-വീഁ॒ര്യാ॑യേതി॑ ബ്രൂയാദേ॒ ത-ദ്വൈ [ ] 20
ഛന്ദ॑സാം-വീഁ॒ര്യ॑മാ ശ്രാ॑വ॒യാ-ഽസ്തു॒ ശ്രൌഷ॒ഡ് യജ॒ യേ യജാ॑മഹേ വഷട്കാ॒രോ യ ഏ॒വം-വേഁദ॒ സവീ᳚ര്യൈരേ॒വ ഛന്ദോ॑ഭിരര്ചതി॒ യ-ത്കി-ഞ്ചാര്ച॑തി॒ യദിന്ദ്രോ॑ വൃ॒ത്രമഹ॑ന്ന-മേ॒ദ്ധ്യ-ന്ത-ദ്യ-ദ്യതീ॑ന॒പാവ॑പദ-മേ॒ദ്ധ്യ-ന്തദഥ॒ കസ്മാ॑ദൈ॒ന്ദ്രോ യ॒ജ്ഞ ആ സഗ്ഗ്സ്ഥാ॑തോ॒രിത്യാ॑ഹു॒രിന്ദ്ര॑സ്യ॒ വാ ഏ॒ഷാ യ॒ജ്ഞിയാ॑ ത॒നൂര്യ-ദ്യ॒ജ്ഞസ്താമേ॒വ ത ദ്യ॑ജന്തി॒ യ ഏ॒വം-വേഁദോപൈ॑നം-യഁ॒ജ്ഞോ ന॑മതി ॥ 21 ॥
(ഛന്ദ॑സാം-വീഁ॒ര്യം॑ – വാഁ – ഏ॒വ ത – ദ॒ഷ്ടൌ ച॑) (അ. 7)
ആ॒യുര്ദാ അ॑ഗ്നേ ഹ॒വിഷോ॑ ജുഷാ॒ണോ ഘൃ॒തപ്ര॑തീകോ ഘൃ॒തയോ॑നിരേധി । ഘൃ॒ത-മ്പീ॒ത്വാ മധു॒ചാരു॒ ഗവ്യ॑-മ്പി॒തേവ॑പു॒ത്രമ॒ഭി ര॑ക്ഷതാദി॒മമ് ॥ ആ വൃ॑ശ്ച്യതേ॒ വാ ഏ॒ത-ദ്യജ॑മാനോ॒-ഽഗ്നിഭ്യാം॒-യഁദേ॑നയോ-ശ്ശൃത॒-ങ്കൃത്യാഥാ॒-ഽന്യത്രാ॑-വഭൃ॒ഥമ॒വൈത്യാ॑യു॒ര്ദാ അ॑ഗ്നേ ഹ॒വിഷോ॑ ജുഷാ॒ണ ഇത്യ॑വഭൃ॒ഥമ॑വൈ॒ഷ്യന് ജു॑ഹുയാ॒ദാഹു॑ത്യൈ॒വൈനൌ॑ ശമയതി॒ നാ-ഽഽര്തി॒മാര്ച്ഛ॑തി॒ യജ॑മാനോ॒ യ-ത്കുസീ॑ദ॒- [യ-ത്കുസീ॑ദമ്, അപ്ര॑തീത്ത॒-മ്മയി॒ യേന॑] 22
-മപ്ര॑തീത്ത॒-മ്മയി॒ യേന॑ യ॒മസ്യ॑ ബ॒ലിനാ॒ ചരാ॑മി । ഇ॒ഹൈവ സ-ന്നി॒രവ॑ദയേ॒ തദേ॒ത-ത്തദ॑ഗ്നേ അനൃ॒ണോ ഭ॑വാമി । വിശ്വ॑ലോപ വിശ്വദാ॒വസ്യ॑ ത്വാ॒ ഽഽസഞ്ജു॑ഹോമ്യ॒ഗ്ധാദേകോ॑ ഽഹു॒താദേക॑-സ്സമസ॒നാദേകഃ॑ । തേനഃ॑ കൃണ്വന്തു ഭേഷ॒ജഗ്മ് സദ॒-സ്സഹോ॒ വരേ᳚ണ്യമ് ॥ അ॒യ-ന്നോ॒ നഭ॑സാ പു॒ര-സ്സ॒ഗ്ഗ്॒സ്ഫാനോ॑ അ॒ഭി ര॑ക്ഷതു । ഗൃ॒ഹാണാ॒മസ॑മര്ത്യൈ ബ॒ഹവോ॑ നോ ഗൃ॒ഹാ അ॑സന്ന് ॥ സ ത്വന്നോ॑ [സ ത്വന്നഃ॑, ന॒ഭ॒സ॒സ്പ॒ത॒ ഊര്ജ॑-ന്നോ] 23
നഭസസ്പത॒ ഊര്ജ॑-ന്നോ ധേഹി ഭ॒ദ്രയാ᳚ । പുന॑ര്നോ ന॒ഷ്ടമാ കൃ॑ധി॒ പുന॑ര്നോ ര॒യിമാ കൃ॑ധി ॥ ദേവ॑ സഗ്ഗ്സ്ഫാന സഹസ്രപോ॒ഷസ്യേ॑ശിഷേ॒ സ നോ॑ രാ॒സ്വാ-ഽജ്യാ॑നിഗ്മ് രാ॒യസ്പോഷഗ്മ്॑ സു॒വീര്യഗ്മ്॑ സംവഁഥ്സ॒രീണാഗ്॑ സ്വ॒സ്തിമ് ॥ അ॒ഗ്നിര്വാവ യ॒മ ഇ॒യം-യഁ॒മീ കുസീ॑ദം॒-വാഁ ഏ॒ത-ദ്യ॒മസ്യ॒ യജ॑മാന॒ ആ ദ॑ത്തേ॒ യദോഷ॑ധീഭി॒ര്വേദിഗ്ഗ്॑ സ്തൃ॒ണാതി॒ യദനു॑പൌഷ്യ പ്രയാ॒യാ-ദ്ഗ്രീ॑വബ॒ദ്ധമേ॑ന- [-ദ്ഗ്രീ॑വബ॒ദ്ധമേ॑നമ്, അ॒മുഷ്മി॑-ല്ലോഁ॒കേ] 24
-മ॒മുഷ്മി॑-ല്ലോഁ॒കേ നേ॑നീയേര॒ന്॒. യ-ത്കുസീ॑ദ॒മപ്ര॑തീത്ത॒-മ്മയീത്യുപൌ॑ഷതീ॒ഹൈവ സന്. യ॒മ-ങ്കുസീ॑ദ-ന്നിരവ॒ദായാ॑നൃ॒ണ-സ്സു॑വ॒ര്ഗം-ലോഁ॒കമേ॑തി॒യദി॑ മി॒ശ്രമി॑വ॒ ചരേ॑ദഞ്ജ॒ലിനാ॒ സക്തൂ᳚-ന്പ്രദാ॒വ്യേ॑ ജുഹുയാദേ॒ഷ വാ അ॒ഗ്നിര്വൈ᳚ശ്വാന॒രോ യ-ത്പ്ര॑ദാ॒വ്യ॑-സ്സ ഏ॒വൈനഗ്ഗ്॑സ്വദയ॒ത്യഹ്നാം᳚-വിഁ॒ധാന്യാ॑-മേകാഷ്ട॒കായാ॑മപൂ॒പ-ഞ്ചതു॑-ശ്ശരാവ-മ്പ॒ക്ത്വാ പ്രാ॒തരേ॒തേന॒ കക്ഷ॒-മുപൌ॑ഷേ॒ദ്യദി॒ [-മുപൌ॑ഷേ॒ദ്യദി॑, ദഹ॑തി] 25
ദഹ॑തി പുണ്യ॒സമ॑-മ്ഭവതി॒ യദി॒ ന ദഹ॑തി പാപ॒സമ॑മേ॒തേന॑ ഹസ്മ॒ വാ ഋഷ॑യഃ പു॒രാ വി॒ജ്ഞാനേ॑ന ദീര്ഘസ॒ത്രമുപ॑ യന്തി॒ യോ വാ ഉ॑പദ്ര॒ഷ്ടാര॑മുപ-ശ്രോ॒താര॑മനുഖ്യാ॒താരം॑-വിഁ॒ദ്വാന്. യജ॑തേ॒ സമ॒മുഷ്മി॑-ല്ലോഁ॒ക ഇ॑ഷ്ടാപൂ॒ര്തേന॑ ഗച്ഛതേ॒-ഽഗ്നിര്വാ ഉ॑പദ്ര॒ഷ്ടാ വാ॒യുരു॑പശ്രോ॒താ ഽഽദി॒ത്യോ॑-ഽനുഖ്യാ॒താ താന്. യ ഏ॒വം-വിഁ॒ദ്വാന്. യജ॑തേ॒ സമ॒മുഷ്മി॑-ല്ലോഁ॒ക ഇ॑ഷ്ടാപൂ॒ര്തേന॑ ഗച്ഛതേ॒ ഽയ-ന്നോ॒ നഭ॑സാ പു॒ര [പു॒രഃ, ഇത്യാ॑ഹാ॒ഗ്നിര്വൈ] 26
ഇത്യാ॑ഹാ॒ഗ്നിര്വൈ നഭ॑സാ പു॒രോ᳚-ഽഗ്നിമേ॒വ തദാ॑ഹൈ॒തന്മേ॑ ഗോപാ॒യേതി॒ സ ത്വ-ന്നോ॑ നഭസസ്പത॒ ഇത്യാ॑ഹ വാ॒യുര്വൈ നഭ॑സ॒സ്പതി॑ര്വാ॒യുമേ॒വ തദാ॑ഹൈ॒തന്മേ॑ ഗോപാ॒യേതി॒ ദേവ॑ സഗ്ഗ്സ്ഫാ॒നേത്യാ॑ഹാ॒-ഽസൌ വാ ആ॑ദി॒ത്യോ ദേ॒വ-സ്സ॒ഗ്ഗ്॒സ്ഫാന॑ ആദി॒ത്യമേ॒വ തദാ॑ഹൈ॒തന്മേ॑ ഗോപാ॒യേതി॑ ॥ 27 ॥
(കുസീ॑ദം॒ – ത്വ-ന്ന॑ – ഏന – മോഷേ॒ദ്യദി॑ – പു॒ര – ആ॑ദി॒ത്യമേ॒വ തദാ॑ഹൈ॒തന്മേ॑ ഗോപാ॒യേതി॑) (അ. 8)
ഏ॒തം-യുഁവാ॑ന॒-മ്പരി॑ വോ ദദാമി॒ തേന॒ ക്രീഡ॑ന്തീശ്ചരത പ്രി॒യേണ॑ । മാ ന॑-ശ്ശാപ്ത ജ॒നുഷാ॑ സുഭാഗാ രാ॒യസ്പോഷേ॑ണ॒ സമി॒ഷാ മ॑ദേമ ॥ നമോ॑ മഹി॒മ്ന ഉ॒ത ചക്ഷു॑ഷേ തേ॒ മരു॑താ-മ്പിത॒സ്തദ॒ഹ-ങ്ഗൃ॑ണാമി । അനു॑ മന്യസ്വ സു॒യജാ॑ യജാമ॒ ജുഷ്ട॑-ന്ദേ॒വാനാ॑മി॒ദമ॑സ്തു ഹ॒വ്യമ് ॥ ദേ॒വാനാ॑മേ॒ഷ ഉ॑പനാ॒ഹ ആ॑സീദ॒പാ-ങ്ഗര്ഭ॒ ഓഷ॑ധീഷു॒ ന്യ॑ക്തഃ । സോമ॑സ്യ ദ്ര॒ഫ്സമ॑വൃണീത പൂ॒ഷാ [ ] 28
ബൃ॒ഹന്നദ്രി॑രഭവ॒-ത്തദേ॑ഷാമ് ॥ പി॒താ വ॒ഥ്സാനാ॒-മ്പതി॑രഘ്നി॒യാനാ॒മഥോ॑ പി॒താ മ॑ഹ॒താ-ങ്ഗര്ഗ॑രാണാമ് । വ॒ഥ്സോ ജ॒രായു॑ പ്രതി॒ധു-ക്പീ॒യൂഷ॑ ആ॒മിക്ഷാ॒ മസ്തു॑ ഘൃ॒തമ॑സ്യ॒ രേതഃ॑ ॥ ത്വാ-ങ്ഗാവോ॑-ഽവൃണത രാ॒ജ്യായ॒ ത്വാഗ്മ് ഹ॑വന്ത മ॒രുത॑-സ്സ്വ॒ര്കാഃ । വര്ഷ്മ॑ന് ക്ഷ॒ത്രസ്യ॑ ക॒കുഭി॑ ശിശ്രിയാ॒ണസ്തതോ॑ ന ഉ॒ഗ്രോ വി ഭ॑ജാ॒ വസൂ॑നി ॥ വ്യൃ॑ദ്ധേന॒ വാ ഏ॒ഷ പ॒ശുനാ॑ യജതേ॒ യസ്യൈ॒താനി॒ ന ക്രി॒യന്ത॑ ഏ॒ഷ ഹ॒ ത്വൈ സമൃ॑ദ്ധേന യജതേ॒ യസ്യൈ॒താനി॑ ക്രി॒യന്തേ᳚ ॥ 29 ॥
(പൂ॒ഷാ – ക്രി॒യന്ത॑ ഏ॒ഷോ᳚ – ഽഷ്ടൌ ച॑) (അ. 9)
സൂര്യോ॑ ദേ॒വോ ദി॑വി॒ഷദ്ഭ്യോ॑ ധാ॒താ ക്ഷ॒ത്രായ॑ വാ॒യുഃ പ്ര॒ജാഭ്യഃ॑ । ബൃഹ॒സ്പതി॑സ്ത്വാ പ്ര॒ജാപ॑തയേ॒ ജ്യോതി॑ഷ്മതീ-ഞ്ജുഹോതു ॥ യസ്യാ᳚സ്തേ॒ ഹരി॑തോ॒ ഗര്ഭോ-ഽഥോ॒ യോനി॑ര്ഹിര॒ണ്യയീ᳚ । അങ്ഗാ॒ന്യഹ്രു॑താ॒ യസ്യൈ॒ താ-ന്ദേ॒വൈ-സ്സമ॑ജീഗമമ് ॥ ആ വ॑ര്തന വര്തയ॒ നി നി॑വര്തന വര്ത॒യേന്ദ്ര॑ നര്ദബുദ । ഭൂമ്യാ॒ശ്ചത॑സ്രഃ പ്ര॒ദിശ॒സ്താഭി॒രാ വ॑ര്തയാ॒ പുനഃ॑ ॥ വി തേ॑ ഭിനദ്മി തക॒രീം-വിഁയോനിം॒-വിഁ ഗ॑വീ॒ന്യൌ᳚ । വി [ ] 30
മാ॒തര॑ഞ്ച പു॒ത്ര-ഞ്ച॒ വി ഗര്ഭ॑-ഞ്ച ജ॒രായു॑ ച ॥ ബ॒ഹിസ്തേ॑ അസ്തു॒ ബാലിതി॑ ॥ ഉ॒രു॒ദ്ര॒ഫ്സോ വി॒ശ്വരൂ॑പ॒ ഇന്ദുഃ॒ പവ॑മാനോ॒ ധീര॑ ആനഞ്ജ॒ ഗര്ഭ᳚മ് ॥ ഏക॑പദീ ദ്വി॒പദീ᳚ ത്രി॒പദീ॒ ചതു॑ഷ്പദീ॒ പഞ്ച॑പദീ॒ ഷട്പ॑ദീ സ॒പ്തപ॑ദ്യ॒ഷ്ടാപ॑ദീ॒ ഭുവ॒നാ-ഽനു॑ പ്രഥതാ॒ഗ്॒ സ്വാഹാ᳚ ॥ മ॒ഹീ ദ്യൌഃ പൃ॑ഥി॒വീ ച॑ ന ഇ॒മം-യഁ॒ജ്ഞ-മ്മി॑മിക്ഷതാമ് । പി॒പൃ॒താന്നോ॒ ഭരീ॑മഭിഃ ॥ 31 ॥
(ഗ॒വി॒ന്യൌ॑ വി – ചതു॑ശ്ചത്വാരിഗ്മ്ശച്ച) (അ. 10)
ഇ॒ദം-വാഁ ॑മാ॒സ്യേ॑ ഹ॒വിഃ പ്രി॒യമി॑ന്ദ്രാബൃഹസ്പതീ । ഉ॒ക്ഥ-മ്മദ॑ശ്ച ശസ്യതേ ॥ അ॒യം-വാഁ॒-മ്പരി॑ ഷിച്യതേ॒ സോമ॑ഇന്ദ്രാബൃഹസ്പതീ । ചാരു॒ര്മദാ॑യ പീ॒തയേ᳚ ॥ അ॒സ്മേ ഇ॑ന്ദ്രാബൃഹസ്പതീ ര॒യി-ന്ധ॑ത്തഗ്മ് ശത॒ഗ്വിന᳚മ് । അശ്വാ॑വന്തഗ്മ് സഹ॒സ്രിണ᳚മ് ॥ ബൃഹ॒സ്പതി॑ര്നഃ॒ പരി॑പാതു പ॒ശ്ചാദു॒തോത്ത॑രസ്മാ॒ദധ॑രാദഘാ॒യോഃ । ഇന്ദ്രഃ॑ പു॒രസ്താ॑ദു॒ത മ॑ദ്ധ്യ॒തോ ന॒-സ്സഖാ॒ സഖി॑ഭ്യോ॒ വരി॑വഃ കൃണോതു ॥ വി തേ॒ വിഷ്വ॒ഗ്വാത॑ജൂതാസോ അഗ്നേ॒ ഭാമാ॑സ- [അഗ്നേ॒ ഭാമാ॑സഃ, ശു॒ചേ॒ ശുച॑യശ്ചരന്തി ।] 32
-ശ്ശുചേ॒ ശുച॑യശ്ചരന്തി । തു॒വി॒മ്ര॒ക്ഷാസോ॑ ദി॒വ്യാ നവ॑ഗ്വാ॒ വനാ॑ വനന്തി ധൃഷ॒താ രു॒ജന്തഃ॑ ॥ ത്വാമ॑ഗ്നേ॒ മാനു॑ഷീരീഡതേ॒ വിശോ॑ ഹോത്രാ॒വിദം॒-വിഁവി॑ചിഗ്മ് രത്ന॒ധാത॑മമ് । ഗുഹാ॒ സന്തഗ്മ്॑ സുഭഗ വി॒ശ്വദ॑ര്ശത-ന്തു വിഷ്മ॒ണസഗ്മ്॑ സു॒യജ॑-ങ്ഘൃത॒ശ്രിയ᳚മ് ॥ ധാ॒താ ദ॑ദാതു നോ ര॒യിമീശാ॑നോ॒ ജഗ॑ത॒സ്പതിഃ॑ । സ നഃ॑ പൂ॒ര്ണേന॑ വാവനത് ॥ ധാ॒താ പ്ര॒ജായാ॑ ഉ॒ത രാ॒യ ഈ॑ശേ ധാ॒തേദം-വിഁശ്വ॒-മ്ഭുവ॑ന-ഞ്ജജാന । ധാ॒താ പു॒ത്രം-യഁജ॑മാനായ॒ ദാതാ॒ [ദാതാ᳚, തസ്മാ॑] 33
തസ്മാ॑ ഉ ഹ॒വ്യ-ങ്ഘൃ॒തവ॑ദ്വിധേമ ॥ ധാ॒താ ദ॑ദാതു നോ ര॒യി-മ്പ്രാചീ᳚-ഞ്ജീ॒വാതു॒മക്ഷി॑താമ് । വ॒യ-ന്ദേ॒വസ്യ॑ ധീമഹി സുമ॒തിഗ്മ് സ॒ത്യരാ॑ധസഃ ॥ ധാ॒താ ദ॑ദാതു ദാ॒ശുഷേ॒ വസൂ॑നി പ്ര॒ജാകാ॑മായ മീ॒ഢുഷേ॑ ദുരോ॒ണേ । തസ്മൈ॑ ദേ॒വാ അ॒മൃതാ॒-സ്സംവ്യഁ ॑യന്താം॒-വിഁശ്വേ॑ ദേ॒വാസോ॒ അദി॑തി-സ്സ॒ജോഷാഃ᳚ ॥ അനു॑ നോ॒-ഽദ്യാ-ഽനു॑മതിര്യ॒ജ്ഞ-ന്ദേ॒വേഷു॑ മന്യതാമ് । അ॒ഗ്നിശ്ച॑ ഹവ്യ॒വാഹ॑നോ॒ ഭവ॑താ-ന്ദാ॒ശുഷേ॒ മയഃ॑ ॥ അന്വിദ॑നുമതേ॒ ത്വ- [അന്വിദ॑നുമതേ॒ ത്വമ്, മന്യാ॑സൈ॒ ശഞ്ച॑നഃ കൃധി ।] 34
-മ്മന്യാ॑സൈ॒ ശഞ്ച॑നഃ കൃധി । ക്രത്വേ॒ ദക്ഷാ॑യ നോ ഹിനു॒ പ്രണ॒ ആയൂഗ്മ്॑ഷി താരിഷഃ ॥ അനു॑ മന്യതാ-മനു॒മന്യ॑മാനാ പ്ര॒ജാവ॑ന്തഗ്മ് ര॒യിമക്ഷീ॑യമാണമ് । തസ്യൈ॑ വ॒യഗ്മ് ഹേഡ॑സി॒ മാ-ഽപി॑ ഭൂമ॒ സാ നോ॑ ദേ॒വീ സു॒ഹവാ॒ ശര്മ॑ യച്ഛതു ॥ യസ്യാ॑മി॒ദ-മ്പ്ര॒ദിശി॒ യദ്വി॒രോച॒തേ-ഽനു॑മതി॒-മ്പ്രതി॑ ഭൂഷന്ത്യാ॒യവഃ॑ । യസ്യാ॑ ഉ॒പസ്ഥ॑ ഉ॒ര്വ॑ന്തരി॑ക്ഷ॒ഗ്മ്॒ സാ നോ॑ ദേ॒വീ സു॒ഹവാ॒ ശര്മ॑ യച്ഛതു ॥ 35 ॥
രാ॒കാമ॒ഹഗ്മ് സു॒ഹവാഗ്മ്॑ സുഷ്ടു॒തീ ഹു॑വേ ശൃ॒ണോതു॑ ന-സ്സു॒ഭഗാ॒ ബോധ॑തു॒ ത്മനാ᳚ । സീവ്യ॒ത്വപ॑-സ്സൂ॒ച്യാ-ഽച്ഛി॑ദ്യമാനയാ॒ ദദാ॑തു വീ॒രഗ്മ് ശ॒തദാ॑യമു॒ക്ഥ്യ᳚മ് ॥ യാസ്തേ॑ രാകേ സുമ॒തയ॑-സ്സു॒പേശ॑സോ॒ യാഭി॒ര്ദദാ॑സി ദാ॒ശുഷേ॒ വസൂ॑നി । താഭി॑ര്നോ അ॒ദ്യ സു॒മനാ॑ ഉ॒പാഗ॑ഹി സഹസ്രപോ॒ഷഗ്മ് സു॑ഭഗേ॒ രരാ॑ണാ ॥ സിനീ॑വാലി॒, യാ സു॑പാ॒ണിഃ ॥ കു॒ഹൂമ॒ഹഗ്മ് സു॒ഭഗാം᳚-വിഁദ്മ॒നാപ॑സമ॒സ്മിന്. യ॒ജ്ഞേ സു॒ഹവാ᳚-ഞ്ജോഹവീമി । സാ നോ॑ ദദാതു॒ ശ്രവ॑ണ-മ്പിതൃ॒ണാ-ന്തസ്യാ᳚സ്തേ ദേവി ഹ॒വിഷാ॑ വിധേമ ॥ കു॒ഹൂ-ര്ദേ॒വാനാ॑മ॒മൃത॑സ്യ॒ പത്നീ॒ ഹവ്യാ॑ നോ അ॒സ്യ ഹ॒വിഷ॑ശ്ചികേതു । സ-ന്ദാ॒ശുഷേ॑ കി॒രതു॒ ഭൂരി॑ വാ॒മഗ്മ് രാ॒യസ്പോഷ॑-ഞ്ചികി॒തുഷേ॑ ദധാതു ॥ 36 ॥
(ഭാമാ॑സോ॒ – ദാതാ॒ – ത്വ – മ॒ന്തരി॑ക്ഷ॒ഗ്മ്॒ സാ നോ॑ ദേ॒വീ സു॒ഹവാ॒ ശര്മ॑ യച്ഛതു॒ -ശ്രവ॑ണം॒ – ചതു॑ര്വിഗ്മ്ശതിശ്ച) (അ. 11)
(അഗ്നേ॑ തേജസ്വിന് – വാ॒യു – ര്വസ॑വസ്ത് – വൈ॒തദ്വാ അ॒പാം – വാഁ॒യുര॑സി പ്രാ॒ണോ നാമ॑ – ദേ॒വാ വൈ യദ്യ॒ജ്ഞേന॒ന – പ്ര॒ജാപ॑തി ര്ദേവാസു॒രാ – നാ॑യു॒ര്ദാ – ഏ॒തം-യുഁവാ॑ന॒ഗ്മ്॒ – സൂര്യോ॑ ദേ॒വ – ഇ॒ദം-വാഁ॒ – മേകാ॑ദശ)
(അഗ്നേ॑ തേജസ്വിന് – വാ॒യുര॑സി॒ – ഛന്ദ॑സാം-വീഁ॒ര്യം॑ – മാ॒തര॑ഞ്ച॒ – ഷട്ത്രിഗ്മ്॑ശത് )
(അഗ്നേ॑ തേജസ്വിഗ്ഗ്, ശ്ചികി॒തുഷേ॑ ദധാതു )
॥ ഹരിഃ॑ ഓമ് ॥
॥ കൃഷ്ണ യജുര്വേദീയ തൈത്തിരീയ സംഹിതായാ-ന്തൃതീയകാണ്ഡേ തൃതീയഃ പ്രശ്ന-സ്സമാപ്തഃ ॥