കൃഷ്ണ യജുര്വേദീയ തൈത്തിരീയ സംഹിതായാ-മ്പഞ്ചമകാണ്ഡേ ഷഷ്ഠഃ പ്രശ്നഃ – ഉപാനുവാക്യാഭിധാനം
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥
ഹിര॑ണ്യവര്ണാ॒-ശ്ശുച॑യഃ പാവ॒കാ യാസു॑ ജാ॒തഃ ക॒ശ്യപോ॒ യാസ്വിന്ദ്രഃ॑ । അ॒ഗ്നിം-യാഁ ഗര്ഭ॑-ന്ദധി॒രേ വിരൂ॑പാ॒സ്താ ന॒ ആപ॒-ശ്ശഗ്ഗ് സ്യോ॒നാ ഭ॑വന്തു ॥ യാസാ॒ഗ്മ്॒ രാജാ॒ വരു॑ണോ॒ യാതി॒ മദ്ധ്യേ॑ സത്യാനൃ॒തേ അ॑വ॒പശ്യ॒ന് ജനാ॑നാമ് । മ॒ധു॒ശ്ചുത॒-ശ്ശുച॑യോ॒ യാഃ പാ॑വ॒കാസ്താ ന॒ ആപ॒-ശ്ശഗ്ഗ് സ്യോ॒നാ ഭ॑വന്തു ॥ യാസാ᳚-ന്ദേ॒വാ ദി॒വി കൃ॒ണ്വന്തി॑ ഭ॒ക്ഷം-യാഁ അ॒ന്തരി॑ക്ഷേ ബഹു॒ധാ ഭവ॑ന്തി । യാഃ പൃ॑ഥി॒വീ-മ്പയ॑സോ॒ന്ദന്തി॑ – [ ] 1
ശു॒ക്രാസ്താ ന॒ ആപ॒-ശ്ശഗ്ഗ് സ്യോ॒നാ ഭ॑വന്തു ॥ ശി॒വേന॑ മാ॒ ചക്ഷു॑ഷാ പശ്യതാ-ഽഽപ-ശ്ശി॒വയാ॑ ത॒നുവോപ॑ സ്പൃശത॒ ത്വച॑-മ്മേ । സര്വാഗ്മ്॑ അ॒ഗ്നീഗ്മ് ര॑ഫ്സു॒ഷദോ॑ ഹുവേ വോ॒ മയി॒ വര്ചോ॒ ബല॒മോജോ॒ നി ധ॑ത്ത ॥ യദ॒ദ-സ്സ॑-മ്പ്രയ॒തീരഹാ॒ വന॑ദതാഹ॒തേ । തസ്മാ॒ദാ ന॒ദ്യോ॑ നാമ॑ സ്ഥ॒ താ വോ॒ നാമാ॑നി സിന്ധവഃ ॥ യ-ത്പ്രേഷി॑താ॒ വരു॑ണേന॒ താ-ശ്ശീഭഗ്മ്॑ സ॒മവ॑ല്ഗത । 2
തദാ᳚പ്നോ॒-ദിന്ദ്രോ॑ വോ യ॒തീ-സ്തസ്മാ॒-ദാപോ॒ അനു॑ സ്ഥന ॥ അ॒പ॒കാ॒മഗ്ഗ് സ്യന്ദ॑മാനാ॒ അവീ॑വരത വോ॒ ഹിക᳚മ് । ഇന്ദ്രോ॑ വ॒-ശ്ശക്തി॑ഭി ര്ദേവീ॒-സ്തസ്മാ॒-ദ്വാര്ണാമ॑ വോ ഹി॒തമ് ॥ ഏകോ॑ ദേ॒വോ അപ്യ॑തിഷ്ഠ॒-ഥ്സ്യന്ദ॑മാനാ യഥാ വ॒ശമ് । ഉദാ॑നിഷു-ര്മ॒ഹീരിതി॒ തസ്മാ॑-ദുദ॒ക-മു॑ച്യതേ ॥ ആപോ॑ ഭ॒ദ്രാ ഘൃ॒തമിദാപ॑ ആസുര॒ഗ്നീ-ഷോമൌ॑ ബിഭ്ര॒ത്യാപ॒ ഇ-ത്താഃ । തീ॒വ്രോ രസോ॑ മധു॒പൃചാ॑- [മധു॒പൃചാ᳚മ്, അ॒ര॒ങ്ഗ॒മ ആ മാ᳚] 3
-മരങ്ഗ॒മ ആ മാ᳚ പ്രാ॒ണേന॑ സ॒ഹ വര്ച॑സാ ഗന്ന് ॥ ആദി-ത്പ॑ശ്യാമ്യു॒ത വാ॑ ശൃണോ॒മ്യാ മാ॒ ഘോഷോ॑ ഗച്ഛതി॒ വാന്ന॑ ആസാമ് । മന്യേ॑ ഭേജാ॒നോ അ॒മൃത॑സ്യ॒ തര്ഹി॒ ഹിര॑ണ്യവര്ണാ॒ അതൃ॑പം-യഁ॒ദാ വഃ॑ ॥ ആപോ॒ ഹി ഷ്ഠാ മ॑യോ॒ ഭുവ॒സ്താ ന॑ ഊ॒ര്ജേ ദ॑ധാതന । മ॒ഹേ രണാ॑യ॒ ചക്ഷ॑സേ ॥ യോ വ॑-ശ്ശി॒വത॑മോ॒ രസ॒സ്തസ്യ॑ ഭാജയതേ॒ഹ നഃ॑ । ഉ॒ശ॒തീരി॑വ മാ॒തരഃ॑ ॥ തസ്മാ॒ അര॑-ങ്ഗമാമ വോ॒ യസ്യ॒ ക്ഷയാ॑യ॒ ജിന്വ॑ഥ । ആപോ॑ ജ॒നയ॑ഥാ ച നഃ ॥ ദി॒വി ശ്ര॑യ സ്വാ॒ന്തരി॑ക്ഷേ യതസ്വ പൃഥി॒വ്യാ സ-മ്ഭ॑വ ബ്രഹ്മവര്ച॒-സമ॑സി ബ്രഹ്മവര്ച॒സായ॑ ത്വാ ॥ 4
(ഉ॒ദന്തി॑ – സ॒മവ॑ല്ഗത – മധു॒പൃചാം᳚ – മാ॒തരോ॒ – ദ്വാവിഗ്മ്॑ശതിശ്ച) (അ. 1)
അ॒പാ-ങ്ഗ്രഹാ᳚-ന്ഗൃഹ്ണാത്യേ॒തദ്വാവ രാ॑ജ॒സൂയം॒-യഁദേ॒തേ ഗ്രഹാ᳚-സ്സ॒വോ᳚ ഽഗ്നിര്വ॑രുണസ॒വോ രാ॑ജ॒സൂയ॑-മഗ്നിസ॒വ-ശ്ചിത്യ॒സ്താഭ്യാ॑-മേ॒വ സൂ॑യ॒തേ-ഽഥോ॑ ഉ॒ഭാവേ॒വ ലോ॒കാവ॒ഭി ജ॑യതി॒ യശ്ച॑ രാജ॒സൂയേ॑നേജാ॒നസ്യ॒ യശ്ചാ᳚-ഽഗ്നി॒ചിത॒ ആപോ॑ ഭവ॒ന്ത്യാപോ॒ വാ അ॒ഗ്നേര്ഭ്രാതൃ॑വ്യാ॒ യദ॒പോ᳚ ഽഗ്നേര॒ധസ്താ॑ദുപ॒ ദധാ॑തി॒ ഭ്രാതൃ॑വ്യാഭിഭൂത്യൈ॒ ഭവ॑ത്യാ॒ത്മനാ॒ പരാ᳚-ഽസ്യ॒ ഭ്രാതൃ॑വ്യോ ഭവത്യ॒മൃതം॒- [ഭ്രാതൃ॑വ്യോ ഭവത്യ॒മൃത᳚മ്, വാ ആപ॒സ്തസ്മാ॑-] 5
-വാഁ ആപ॒സ്തസ്മാ॑-ദ॒ദ്ഭിരവ॑താന്ത-മ॒ഭി ഷി॑ഞ്ചന്തി॒ നാ-ഽഽര്തി॒മാര്ച്ഛ॑തി॒ സര്വ॒മായു॑രേതി॒ യസ്യൈ॒താ ഉ॑പധീ॒യന്തേ॒ യ ഉ॑ ചൈനാ ഏ॒വം-വേഁദാന്നം॒-വാഁ ആപഃ॑ പ॒ശവ॒ ആപോ-ഽന്ന॑-മ്പ॒ശവോ᳚-ഽന്നാ॒ദഃ പ॑ശു॒മാ-ന്ഭ॑വതി॒ യസ്യൈ॒താ ഉ॑പധീ॒യന്തേ॒ യ ഉ॑ ചൈനാ ഏ॒വം-വേഁദ॒ ദ്വാദ॑ശ ഭവന്തി॒ ദ്വാദ॑ശ॒ മാസാ᳚-സ്സംവഁഥ്സ॒ര-സ്സം॑വഁഥ്സ॒രേണൈ॒വാസ്മാ॒ [-സ്സം॑വഁഥ്സ॒രേണൈ॒വാസ്മാ᳚, അന്ന॒മവ॑ രുന്ധേ॒] 6
അന്ന॒മവ॑ രുന്ധേ॒ പാത്രാ॑ണി ഭവന്തി॒ പാത്രേ॒ വാ അന്ന॑മദ്യതേ॒ സയോ᳚ന്യേ॒വാന്ന॒മവ॑ രുന്ധ॒ ആ ദ്വാ॑ദ॒ശാ-ത്പുരു॑ഷാ॒ദന്ന॑-മ॒ത്ത്യഥോ॒ പാത്രാ॒ന്ന ഛി॑ദ്യതേ॒ യസ്യൈ॒താ ഉ॑പധീ॒യന്തേ॒ യ ഉ॑ ചൈനാ ഏ॒വം-വേഁദ॑ കു॒മ്ഭാശ്ച॑ കു॒മ്ഭീശ്ച॑ മിഥു॒നാനി॑ ഭവന്തി മിഥു॒നസ്യ॒ പ്രജാ᳚ത്യൈ॒ പ്ര പ്ര॒ജയാ॑ പ॒ശുഭി॑-ര്മിഥു॒നൈ-ര്ജാ॑യതേ॒ യസ്യൈ॒താ ഉ॑പധീ॒യന്തേ॒ യ ഉ॑ [യ ഉ॑, ചൈ॒നാ॒ ഏ॒വം-വേഁദ॒] 7
ചൈനാ ഏ॒വം-വേഁദ॒ ശുഗ്വാ അ॒ഗ്നി-സ്സോ᳚-ഽദ്ധ്വ॒ര്യും-യഁജ॑മാന-മ്പ്ര॒ജാ-ശ്ശു॒ചാ-ഽര്പ॑യതി॒ യദ॒പ ഉ॑പ॒ദധാ॑തി॒ ശുച॑മേ॒വാസ്യ॑ ശമയതി॒ നാ-ഽഽര്തി॒മാര്ച്ഛ॑ത്യദ്ധ്വ॒ര്യുര്ന യജ॑മാന॒-ശ്ശാമ്യ॑ന്തി പ്ര॒ജാ യത്രൈ॒താ ഉ॑പധീ॒യന്തേ॒ ഽപാം-വാഁ ഏ॒താനി॒ ഹൃദ॑യാനി॒ യദേ॒താ ആപോ॒ യദേ॒താ അ॒പ ഉ॑പ॒ദധാ॑തി ദി॒വ്യാഭി॑രേ॒വൈനാ॒-സ്സഗ്മ് സൃ॑ജതി॒ വര്ഷു॑കഃ പ॒ര്ജന്യോ॑ [പ॒ര്ജന്യഃ॑, ഭ॒വ॒തി॒ യോ വാ] 8
ഭവതി॒ യോ വാ ഏ॒താസാ॑മാ॒യത॑ന॒-ങ്കൢപ്തിം॒-വേഁദാ॒-ഽഽയത॑നവാ-ന്ഭവതി॒ കല്പ॑തേ ഽസ്മാ അനുസീ॒തമുപ॑ ദധാത്യേ॒തദ്വാ ആ॑സാമാ॒യത॑നമേ॒ഷാ കൢപ്തി॒ര്യ ഏ॒വം-വേഁദാ॒-ഽഽയത॑നവാ-ന്ഭവതി॒ കല്പ॑തേ-ഽസ്മൈ ദ്വ॒ദ്വമ്മ॒ന്യാ ഉപ॑ ദധാതി॒ ചത॑സ്രോ॒ മദ്ധ്യേ॒ ധൃത്യാ॒ അന്നം॒-വാഁ ഇഷ്ട॑കാ ഏ॒ത-ത്ഖലു॒ വൈ സാ॒ക്ഷാദന്നം॒-യഁദേ॒ഷ ച॒രുര്യദേ॒ത-ഞ്ച॒രുമു॑പ॒ ദധാ॑തി സാ॒ക്ഷാ- [സാ॒ക്ഷാത്, ഏ॒വാ-ഽസ്മാ॒ അന്ന॒മവ॑ രുന്ധേ] 9
-ദേ॒വാ-ഽസ്മാ॒ അന്ന॒മവ॑ രുന്ധേ മദ്ധ്യ॒ത ഉപ॑ ദധാതി മദ്ധ്യ॒ത ഏ॒വാസ്മാ॒ അന്ന॑-ന്ദധാതി॒ തസ്മാ᳚-ന്മദ്ധ്യ॒തോ-ഽന്ന॑മദ്യതേ ബാര്ഹസ്പ॒ത്യോ ഭ॑വതി॒ ബ്രഹ്മ॒ വൈ ദേ॒വാനാ॒-മ്ബൃഹ॒സ്പതി॒-ര്ബ്രഹ്മ॑ണൈ॒വാസ്മാ॒ അന്ന॒മവ॑ രുന്ധേ ബ്രഹ്മവര്ച॒സമ॑സി ബ്രഹ്മവര്ച॒സായ॒ ത്വേത്യാ॑ഹ തേജ॒സ്വീ ബ്ര॑ഹ്മവര്ച॒സീ ഭ॑വതി॒ യസ്യൈ॒ഷ ഉ॑പധീ॒യതേ॒ യ ഉ॑ ചൈനമേ॒വം-വേഁദ॑ ॥ 10 ॥
(അ॒മൃത॑ – മസ്മൈ – ജായതേ॒ യസ്യൈ॒താ – ഉ॑പധീ॒യന്തേ॒ യ ഉ॑ – പ॒ര്ജന്യ॑ – ഉപ॒ദധാ॑തി സാ॒ക്ഷാഥ് – സ॒പ്തച॑ത്വാരിഗ്മ്ശച്ച) (അ. 2)
ഭൂ॒തേ॒ഷ്ട॒കാ ഉപ॑ ദധാ॒ത്യത്രാ᳚ത്ര॒ വൈ മൃ॒ത്യുര്ജാ॑യതേ॒ യത്ര॑യത്രൈ॒വ മൃ॒ത്യുര്ജായ॑തേ॒ തത॑ ഏ॒വൈന॒മവ॑ യജതേ॒ തസ്മാ॑ദഗ്നി॒ചി-ഥ്സര്വ॒മായു॑രേതി॒ സര്വേ॒ ഹ്യ॑സ്യ മൃ॒ത്യവോ ഽവേ᳚ഷ്ടാ॒സ്തസ്മാ॑-ദഗ്നി॒ചിന്നാ-ഭിച॑രിത॒വൈ പ്ര॒ത്യഗേ॑ന-മഭിചാ॒ര-സ്സ്തൃ॑ണുതേ സൂ॒യതേ॒ വാ ഏ॒ഷ യോ᳚-ഽഗ്നി-ഞ്ചി॑നു॒തേ ദേ॑വസു॒വാമേ॒താനി॑ ഹ॒വീഗ്മ്ഷി॑ ഭവന്ത്യേ॒താവ॑ന്തോ॒ വൈ ദേ॒വാനാഗ്മ്॑ സ॒വാസ്ത ഏ॒വാ- [സ॒വാസ്ത ഏ॒വ, അ॒സ്മൈ॒ സ॒വാ-ന്പ്ര] 11
-ഽസ്മൈ॑ സ॒വാ-ന്പ്ര യ॑ച്ഛന്തി॒ ത ഏ॑നഗ്മ് സുവന്തേ സ॒വോ᳚-ഽഗ്നിര്വ॑രുണസ॒വോ രാ॑ജ॒സൂയ॑-മ്ബ്രഹ്മസ॒വശ്ചിത്യോ॑ ദേ॒വസ്യ॑ ത്വാ സവി॒തുഃ പ്ര॑സ॒വ ഇത്യാ॑ഹ സവി॒തൃപ്ര॑സൂത ഏ॒വൈന॒-മ്ബ്രഹ്മ॑ണാ ദേ॒വതാ॑ഭിര॒ഭി ഷി॑ഞ്ച॒ത്യന്ന॑-സ്യാന്നസ്യാ॒ഭി ഷി॑ഞ്ച॒ത്യന്ന॑-സ്യാന്ന॒സ്യാ-വ॑രുദ്ധ്യൈ പു॒രസ്താ᳚-ത്പ്ര॒ത്യഞ്ച॑മ॒ഭി ഷി॑ഞ്ചതി പു॒രസ്താ॒ദ്ധി പ്ര॑തീ॒ചീ-ന॒മന്ന॑മ॒ദ്യതേ॑ ശീര്ഷ॒തോ॑-ഽഭി ഷി॑ഞ്ചതി ശീര്ഷ॒തോ ഹ്യന്ന॑മ॒ദ്യത॒ ആ മുഖാ॑-ദ॒ന്വവ॑സ്രാവയതി [മുഖാ॑-ദ॒ന്വവ॑സ്രാവയതി, മു॒ഖ॒ത ഏ॒വാ-ഽസ്മാ॑] 12
മുഖ॒ത ഏ॒വാ-ഽസ്മാ॑ അ॒ന്നാദ്യ॑-ന്ദധാത്യ॒ഗ്നേസ്ത്വാ॒ സാമ്രാ᳚ജ്യേനാ॒ഭി ഷി॑ഞ്ചാ॒മീത്യാ॑ഹൈ॒ഷ വാ അ॒ഗ്നേ-സ്സ॒വസ്തേനൈ॒വൈന॑മ॒ഭി ഷി॑ഞ്ചതി॒ ബൃഹ॒സ്പതേ᳚സ്ത്വാ॒ സാമ്രാ᳚ജ്യേനാ॒ഭിഷി॑ഞ്ചാ॒മീത്യാ॑ഹ॒ ബ്രഹ്മ॒ വൈ ദേ॒വാനാ॒-മ്ബൃഹ॒സ്പതി॒ര്ബ്രഹ്മ॑ണൈ॒വൈന॑മ॒ഭി ഷി॑ഞ്ച॒തീന്ദ്ര॑സ്യ ത്വാ॒ സാമ്രാ᳚ജ്യേനാ॒ഭി ഷി॑ഞ്ചാ॒-മീത്യാ॑ഹേന്ദ്രി॒യമേ॒വാസ്മി॑-ന്നു॒പരി॑ഷ്ടാ-ദ്ദധാത്യേ॒ത- [-ദ്ദധാത്യേ॒തത്, വൈ രാ॑ജ॒സൂയ॑സ്യ] 13
-ദ്വൈ രാ॑ജ॒സൂയ॑സ്യ രൂ॒പം-യഁ ഏ॒വം-വിഁ॒ദ്വാന॒ഗ്നി-ഞ്ചി॑നു॒ത ഉ॒ഭാവേ॒വ ലോ॒കാവ॒ഭി ജ॑യതി॒ യശ്ച॑ രാജ॒സൂയേ॑നേജാ॒നസ്യ॒ യശ്ചാ᳚ഗ്നി॒ചിത॒ ഇന്ദ്ര॑സ്യ സുഷുവാ॒ണസ്യ॑ ദശ॒ധേന്ദ്രി॒യം-വീഁ॒ര്യ॑-മ്പരാ॑-ഽപത॒-ത്തദ്ദേ॒വാ-സ്സൌ᳚ത്രാമ॒ണ്യാ സമ॑ഭരന്-ഥ്സൂ॒യതേ॒ വാ ഏ॒ഷ യോ᳚-ഽഗ്നി-ഞ്ചി॑നു॒തേ᳚-ഽഗ്നി-ഞ്ചി॒ത്വാ സൌ᳚ത്രാമ॒ണ്യാ യ॑ജേതേന്ദ്രി॒യമേ॒വ വീ॒ര്യഗ്മ്॑ സ॒ഭൃന്ത്യാ॒-ഽഽത്മ-ന്ധ॑ത്തേ ॥ 14 ॥
(ത ഏ॒വാ – ന്വവ॑സ്രാവയത്യേ॒ – ത – ദ॒ഷ്ടാച॑ത്വാരിഗ്മ്ശച്ച) (അ. 3)
സ॒ജൂരബ്ദോ-ഽയാ॑വഭി-സ്സ॒ജൂരു॒ഷാ അരു॑ണീഭി-സ്സ॒ജൂ-സ്സൂര്യ॒ ഏത॑ശേന സ॒ജോഷാ॑വ॒ശ്വിനാ॒ ദഗ്മ്സോ॑ഭി-സ്സ॒ജൂര॒ഗ്നിര്വൈ᳚ശ്വാന॒ര ഇഡാ॑ഭിര്ഘൃ॒തേന॒ സ്വാഹാ॑ സംവഁഥ്സ॒രോ വാ അബ്ദോ॒ മാസാ॒ അയാ॑വാ ഉ॒ഷാ അരു॑ണീ॒ സൂര്യ॒ ഏത॑ശ ഇ॒മേ അ॒ശ്വിനാ॑ സംവഁഥ്സ॒രോ᳚-ഽഗ്നിര്വൈ᳚ശ്വാന॒രഃ പ॒ശവ॒ ഇഡാ॑ പ॒ശവോ॑ ഘൃ॒തഗ്മ് സം॑വഁഥ്സ॒ര-മ്പ॒ശവോ-ഽനു॒ പ്ര ജാ॑യന്തേ സംവഁഥ്സ॒രേണൈ॒വാസ്മൈ॑ പ॒ശൂ-ന്പ്രജ॑നയതി ദര്ഭസ്ത॒മ്ബേ ജു॑ഹോതി॒ യ – [ ] 15
-ദ്വാ അ॒സ്യാ അ॒മൃതം॒-യഁ-ദ്വീ॒ര്യ॑-ന്ത-ദ്ദ॒ര്ഭാസ്തസ്മി॑ന് ജുഹോതി॒ പ്രൈവ ജാ॑യതേ ഽന്നാ॒ദോ ഭ॑വതി॒ യസ്യൈ॒വ-ഞ്ജുഹ്വ॑ത്യേ॒താ വൈ ദേ॒വതാ॑ അ॒ഗ്നേഃ പു॒രസ്താ᳚ദ്ഭാഗാ॒സ്താ ഏ॒വ പ്രീ॑ണാ॒ത്യഥോ॒ ചക്ഷു॑രേ॒വാഗ്നേഃ പു॒രസ്താ॒-ത്പ്രതി॑ ദധാ॒ത്യന॑ന്ധോ ഭവതി॒ യ ഏ॒വം-വേഁദാ-ഽഽപോ॒ വാ ഇ॒ദമഗ്രേ॑ സലി॒ലമാ॑സീ॒-ഥ്സ പ്ര॒ജാപ॑തിഃ പുഷ്കരപ॒ര്ണേ വാതോ॑ ഭൂ॒തോ॑-ഽലേലായ॒-ഥ്സ [ഭൂ॒തോ॑-ഽലേലായ॒-ഥ്സഃ, പ്ര॒തി॒ഷ്ഠാ-ന്നാ-ഽവി॑ന്ദത॒] 16
പ്ര॑തി॒ഷ്ഠാ-ന്നാ-ഽവി॑ന്ദത॒ സ ഏ॒തദ॒പാ-ങ്കു॒ലായ॑മപശ്യ॒-ത്തസ്മി॑ന്ന॒ഗ്നിമ॑ചിനുത॒ തദി॒യമ॑ഭവ॒-ത്തതോ॒ വൈ സ പ്രത്യ॑തിഷ്ഠ॒ദ്യാ-മ്പു॒രസ്താ॑ദു॒പാ-ദ॑ധാ॒-ത്തച്ഛിരോ॑ ഽഭവ॒-ഥ്സാ പ്രാചീ॒ ദിഗ്യാ-ന്ദ॑ക്ഷിണ॒ത ഉ॒പാദ॑ധാ॒-ഥ്സ ദക്ഷി॑ണഃ പ॒ക്ഷോ॑-ഽഭവ॒-ഥ്സാ ദ॑ക്ഷി॒ണാ ദിഗ്യാ-മ്പ॒ശ്ചാ-ദു॒പാദ॑ധാ॒-ത്ത-ത്പുച്ഛ॑മഭവ॒-ഥ്സാ പ്ര॒തീചീ॒ ദിഗ്യാമു॑ത്തര॒ത ഉ॒പാദ॑ധാ॒- [ഉ॒പാദ॑ധാത്, സ ഉത്ത॑രഃ] 17
-ഥ്സ ഉത്ത॑രഃ പ॒ക്ഷോ॑-ഽഭവ॒-ഥ്സോദീ॑ചീ॒ ദിഗ്യാമു॒പരി॑ഷ്ടാ-ദു॒പാദ॑ധാ॒-ത്ത-ത്പൃ॒ഷ്ഠമ॑ഭവ॒-ഥ്സോര്ധ്വാ ദിഗി॒യം-വാഁ അ॒ഗ്നിഃ പഞ്ചേ᳚ഷ്ടക॒-സ്തസ്മാ॒-ദ്യദ॒സ്യാ-ങ്ഖന॑ന്ത്യ॒ഭീഷ്ട॑കാ-ന്തൃ॒ന്ദന്ത്യ॒ഭി ശര്ക॑രാ॒ഗ്മ്॒ സര്വാ॒ വാ ഇ॒യം-വഁയോ᳚ഭ്യോ॒ നക്ത॑-ന്ദൃ॒ശേ ദീ᳚പ്യതേ॒ തസ്മാ॑ദി॒മാം-വഁയാഗ്മ്॑സി॒ നക്ത॒-ന്നാദ്ധ്യാ॑സതേ॒ യ ഏ॒വം-വിഁ॒ദ്വാന॒ഗ്നി-ഞ്ചി॑നു॒തേ പ്രത്യേ॒വ [പ്രത്യേ॒വ, തി॒ഷ്ഠ॒ത്യ॒ഭി ദിശോ॑] 18
തി॑ഷ്ഠത്യ॒ഭി ദിശോ॑ ജയത്യാഗ്നേ॒യോ വൈ ബ്രാ᳚ഹ്മ॒ണസ്തസ്മാ᳚-ദ്ബ്രാഹ്മ॒ണായ॒ സര്വാ॑സു ദി॒ക്ഷ്വര്ധു॑ക॒ഗ്ഗ്॒ സ്വാമേ॒വ ത-ദ്ദിശ॒മന്വേ᳚ത്യ॒പാം-വാഁ അ॒ഗ്നിഃ കു॒ലായ॒-ന്തസ്മാ॒ദാപോ॒-ഽഗ്നിഗ്മ് ഹാരു॑കാ॒-സ്സ്വാമേ॒വ ത-ദ്യോനി॒-മ്പ്രവി॑ശന്തി ॥ 19 ॥
(യദ॑- ലേലായ॒-ഥ്സ-ഉ॑ത്തര॒ത ഉ॒പാദ॑ധാ-ദേ॒വ – ദ്വാത്രിഗ്മ്॑ശച്ച) (അ. 4)
സം॒വഁ॒ഥ്സ॒രമുഖ്യ॑-മ്ഭൃ॒ത്വാ ദ്വി॒തീയേ॑ സംവഁഥ്സ॒ര ആ᳚ഗ്നേ॒യമ॒ഷ്ടാക॑പാല॒-ന്നിര്വ॑പേദൈ॒ന്ദ്ര-മേകാ॑ദശകപാലം-വൈഁശ്വദേ॒വ-ന്ദ്വാദ॑ശകപാല-മ്ബാര്ഹസ്പ॒ത്യ-ഞ്ച॒രും-വൈഁ᳚ഷ്ണ॒വ-ന്ത്രി॑കപാ॒ല-ന്തൃ॒തീയേ॑ സംവഁഥ്സ॒രേ॑-ഽഭി॒ജിതാ॑ യജേത॒ യദ॒ഷ്ടാക॑പാലോ॒ ഭവ॑ത്യ॒ഷ്ടാക്ഷ॑രാ ഗായ॒ത്ര്യാ᳚ഗ്നേ॒യ-ങ്ഗാ॑യ॒ത്ര-മ്പ്രാ॑തസ്സവ॒ന-മ്പ്രാ॑തസ്സവ॒നമേ॒വ തേന॑ ദാധാര ഗായ॒ത്രീ-ഞ്ഛന്ദോ॒ യദേകാ॑ദശകപാലോ॒ ഭവ॒ത്യേകാ॑ദശാക്ഷരാ ത്രി॒ഷ്ടുഗൈ॒ന്ദ്ര-ന്ത്രൈഷ്ടു॑ഭ॒-മ്മാദ്ധ്യ॑ന്ദിന॒ഗ്മ്॒ സവ॑ന॒-മ്മാദ്ധ്യ॑ന്ദിനമേ॒വ സവ॑ന॒-ന്തേന॑ ദാധാര ത്രി॒ഷ്ടുഭ॒- [ത്രി॒ഷ്ടുഭ᳚മ്, ഛന്ദോ॒ യ-ദ്ദ്വാദ॑ശകപാലോ॒ ഭവ॑തി॒] 20
-ഞ്ഛന്ദോ॒ യ-ദ്ദ്വാദ॑ശകപാലോ॒ ഭവ॑തി॒ ദ്വാദ॑ശാക്ഷരാ॒ ജഗ॑തീ വൈശ്വദേ॒വ-ഞ്ജാഗ॑ത-ന്തൃതീയസവ॒ന-ന്തൃ॑തീയസവ॒നമേ॒വ തേന॑ ദാധാര॒ ജഗ॑തീ॒-ഞ്ഛന്ദോ॒ യ-ദ്ബാ॑ര്ഹസ്പ॒ത്യശ്ച॒രുര്ഭവ॑തി॒ ബ്രഹ്മ॒ വൈ ദേ॒വാനാ॒-മ്ബൃഹ॒സ്പതി॒ര്ബ്രഹ്മൈ॒വ തേന॑ ദാധാര॒ യ-ദ്വൈ᳚ഷ്ണ॒വസ്ത്രി॑കപാ॒ലോ ഭവ॑തി യ॒ജ്ഞോ വൈ വിഷ്ണു॑ര്യ॒ജ്ഞമേ॒വ തേന॑ ദാധാര॒ യ-ത്തൃ॒തീയേ॑ സംവഁഥ്സ॒രേ॑-ഽഭി॒ജിതാ॒ യജ॑തേ॒-ഽഭിജി॑ത്യൈ॒ യ-ഥ്സം॑വഁഥ്സ॒രമുഖ്യ॑-മ്ബി॒ഭര്തീ॒മമേ॒വ [ ] 21
തേന॑ ലോ॒കഗ്ഗ് സ്പൃ॑ണോതി॒ യ-ദ്ദ്വി॒തീയേ॑ സംവഁഥ്സ॒രേ᳚-ഽഗ്നി-ഞ്ചി॑നു॒തേ᳚ ഽന്തരി॑ക്ഷമേ॒വ തേന॑ സ്പൃണോതി॒ യ-ത്തൃ॒തീയേ॑ സംവഁഥ്സ॒രേ യജ॑തേ॒-ഽമുമേ॒വ തേന॑ ലോ॒കഗ്ഗ് സ്പൃ॑ണോത്യേ॒തം-വൈഁ പര॑ ആട്ണാ॒രഃ ക॒ക്ഷീവാഗ്മ്॑ ഔശി॒ജോ വീ॒തഹ॑വ്യ-ശ്ശ്രായ॒സസ്ത്ര॒സദ॑സ്യുഃ പൌരുകു॒ഥ്സ്യഃ പ്ര॒ജാകാ॑മാ അചിന്വത॒ തതോ॒ വൈ തേ സ॒ഹസ്രഗ്മ്॑ സഹസ്ര-മ്പു॒ത്രാന॑വിന്ദന്ത॒ പ്രഥ॑തേ പ്ര॒ജയാ॑ പ॒ശുഭി॒സ്താ-മ്മാത്രാ॑മാപ്നോതി॒ യാ-ന്തേ-ഽഗ॑ച്ഛ॒ന്॒ യ ഏ॒വം വിഁ॒ദ്വാനേ॒തമ॒ഗ്നി-ഞ്ചി॑നു॒തേ ॥ 22 ॥
(ദാ॒ധാ॒ര॒ ത്രി॒ഷ്ടുഭ॑ – മി॒മമേ॒വൈ – വം – ച॒ത്വാരി॑ ച) (അ. 5)
പ്ര॒ജാപ॑തിര॒ഗ്നിമ॑ചിനുത॒ സ ക്ഷു॒രപ॑വിര്ഭൂ॒ത്വാ-ഽതി॑ഷ്ഠ॒-ത്ത-ന്ദേ॒വാ ബിഭ്യ॑തോ॒ നോപാ॑-ഽഽയ॒-ന്തേ ഛന്ദോ॑ഭിരാ॒ത്മാന॑-ഞ്ഛാദയി॒ത്വോപാ॑-ഽഽയ॒-ന്തച്ഛന്ദ॑സാ-ഞ്ഛന്ദ॒സ്ത്വ-മ്ബ്രഹ്മ॒ വൈ ഛന്ദാഗ്മ്॑സി॒ ബ്രഹ്മ॑ണ ഏ॒ത-ദ്രൂ॒പം-യഁ-ത്കൃ॑ഷ്ണാജി॒ന-ങ്കാര്ഷ്ണീ॑ ഉപാ॒നഹാ॒വുപ॑ മുഞ്ചതേ॒ ഛന്ദോ॑ഭിരേ॒വാ-ഽഽത്മാന॑-ഞ്ഛാദയി॒ത്വാ-ഽഗ്നിമുപ॑ ചരത്യാ॒ത്മനോ-ഽഹിഗ്മ്॑സായൈ ദേവനി॒ധിര്വാ ഏ॒ഷ നി ധീ॑യതേ॒ യദ॒ഗ്നി- [യദ॒ഗ്നിഃ, അ॒ന്യേ വാ॒ വൈ] 23
-ര॒ന്യേ വാ॒ വൈ നി॒ധിമഗു॑പ്തം-വിഁ॒ന്ദന്തി॒ ന വാ॒ പ്രതി॒ പ്ര ജാ॑നാത്യു॒ഖാമാ ക്രാ॑മത്യാ॒ത്മാന॑മേ॒വാധി॒പാ-ങ്കു॑രുതേ॒ ഗുപ്ത്യാ॒ അഥോ॒ ഖല്വാ॑ഹു॒ര്നാ-ഽഽക്രമ്യേതി॑ നൈര്-ഋ॒ത്യു॑ഖാ യദാ॒ക്രാമേ॒ന്നിര്-ഋ॑ത്യാ ആ॒ത്മാന॒മപി॑ ദദ്ധ്യാ॒-ത്തസ്മാ॒ന്നാ-ഽഽക്രമ്യാ॑ പുരുഷശീ॒ര്॒ഷമുപ॑ ദധാതി॒ ഗുപ്ത്യാ॒ അഥോ॒ യഥാ᳚ ബ്രൂ॒യാദേ॒തന്മേ॑ ഗോപാ॒യേതി॑ താ॒ദൃഗേ॒വ ത- [തത്, പ്ര॒ജാപ॑തി॒ര്വാ] 24
-ത്പ്ര॒ജാപ॑തി॒ര്വാ അഥ॑ര്വാ॒ ഽഗ്നിരേ॒വ ദ॒ദ്ധ്യങ്ങാ॑ഥര്വ॒ണസ്തസ്യേഷ്ട॑കാ അ॒സ്ഥാന്യേ॒തഗ്മ് ഹ॒ വാവ തദ്-ഋഷി॑ര॒ഭ്യനൂ॑വാ॒ചേന്ദ്രോ॑ ദധീ॒ചോ അ॒സ്ഥഭി॒രിതി॒ യദിഷ്ട॑കാഭിര॒ഗ്നി-ഞ്ചി॒നോതി॒ സാത്മാ॑നമേ॒വാഗ്നി-ഞ്ചി॑നുതേ॒ സാത്മാ॒മുഷ്മി॑-ല്ലോഁ॒കേ ഭ॑വതി॒ യ ഏ॒വം-വേഁദ॒ ശരീ॑രം॒-വാഁ ഏ॒തദ॒ഗ്നേര്യച്ചിത്യ॑ ആ॒ത്മാ വൈ᳚ശ്വാന॒രോ യച്ചി॒തേ വൈ᳚ശ്വാന॒ര-ഞ്ജു॒ഹോതി॒ ശരീ॑രമേ॒വ സ॒ഗ്ഗ്॒സ്കൃത്യാ॒- [സ॒ഗ്ഗ്॒സ്കൃത്യാ॑, അ॒ഭ്യാരോ॑ഹതി॒] 25
-ഽഭ്യാരോ॑ഹതി॒ ശരീ॑രം॒-വാഁ ഏ॒ത-ദ്യജ॑മാന॒-സ്സഗ്ഗ് സ്കു॑രുതേ॒ യദ॒ഗ്നി-ഞ്ചി॑നു॒തേ യച്ചി॒തേ വൈ᳚ശ്വാന॒ര-ഞ്ജു॒ഹോതി॒ ശരീ॑രമേ॒വ സ॒ഗ്ഗ്॒സ്കൃത്യാ॒ ഽഽത്മനാ॒-ഽഭ്യാരോ॑ഹതി॒ തസ്മാ॒-ത്തസ്യ॒ നാവ॑ ദ്യന്തി॒ ജീവ॑ന്നേ॒വ ദേ॒വാനപ്യേ॑തി വൈശ്വാന॒ര്യര്ചാ പുരീ॑ഷ॒മുപ॑ ദധാതീ॒യം-വാഁ അ॒ഗ്നിര്വൈ᳚ശ്വാന॒രസ്തസ്യൈ॒ഷാ ചിതി॒ര്യ-ത്പുരീ॑ഷമ॒ഗ്നിമേ॒വ വൈ᳚ശ്വാന॒ര-ഞ്ചി॑നുത ഏ॒ഷാ വാ അ॒ഗ്നേഃ പ്രി॒യാ ത॒നൂര്യ-ദ്വൈ᳚ശ്വാന॒രഃ പ്രി॒യാമേ॒വാസ്യ॑ ത॒നുവ॒മവ॑ രുന്ധേ ॥ 26 ॥
(അ॒ഗ്നി – സ്തഥ് – സ॒ഗ്ഗ്॒സ്കൃത്യാ॒ – ഗ്നേ – ര്ദശ॑ ച) (അ. 6)
അ॒ഗ്നേര്വൈ ദീ॒ക്ഷയാ॑ ദേ॒വാ വി॒രാജ॑മാപ്നുവ-ന്തി॒സ്രോ രാത്രീ᳚ര്ദീക്ഷി॒ത-സ്സ്യാ᳚-ത്ത്രി॒പദാ॑ വി॒രാ-ഡ്വി॒രാജ॑മാപ്നോതി॒ ഷഡ്-രാത്രീ᳚ര്ദീക്ഷി॒ത-സ്സ്യാ॒-ഥ്ഷ-ഡ്വാ ഋ॒തവ॑-സ്സംവഁഥ്സ॒ര-സ്സം॑വഁഥ്സ॒രോ വി॒രാ-ഡ്വി॒രാജ॑മാപ്നോതി॒ ദശ॒ രാത്രീ᳚ര്ദീക്ഷി॒ത-സ്സ്യാ॒-ദ്ദശാ᳚ക്ഷരാ വി॒രാ-ഡ്വി॒രാജ॑മാപ്നോതി॒ ദ്വാദ॑ശ॒ രാത്രീ᳚ര്ദീക്ഷി॒ത-സ്സ്യാ॒-ദ്ദ്വാദ॑ശ॒ മാസാ᳚-സ്സംവഁഥ്സ॒ര-സ്സം॑വഁഥ്സ॒രോ വി॒രാ-ഡ്വി॒രാജ॑മാപ്നോതി॒ ത്രയോ॑ദശ॒ രാത്രീ᳚ര്ദീക്ഷി॒ത-സ്സ്യാ॒-ത്ത്രയോ॑ദശ॒ [ത്രയോ॑ദശ, മാസാ᳚-] 27
മാസാ᳚-സ്സംവഁഥ്സ॒ര-സ്സം॑വഁഥ്സ॒രോ വി॒രാ-ഡ്വി॒രാജ॑മാപ്നോതി॒ പഞ്ച॑ദശ॒ രാത്രീ᳚ര്ദീക്ഷി॒ത-സ്സ്യാ॒-ത്പഞ്ച॑ദശ॒ വാ അ॑ര്ധമാ॒സസ്യ॒ രാത്ര॑യോ-ഽര്ധമാസ॒ശ-സ്സം॑വഁഥ്സ॒ര ആ᳚പ്യതേ സംവഁഥ്സ॒രോ വി॒രാ-ഡ്വി॒രാജ॑മാപ്നോതി സ॒പ്തദ॑ശ॒ രാത്രീ᳚ര്ദീക്ഷി॒ത-സ്സ്യാ॒-ദ്ദ്വാദ॑ശ॒ മാസാഃ॒ പഞ്ച॒ര്തവ॒-സ്സ സം॑വഁഥ്സ॒ര-സ്സം॑വഁഥ്സ॒രോ വി॒രാ-ഡ്വി॒രാജ॑മാപ്നോതി॒ ചതു॑ര്വിഗ്മ്ശതി॒ഗ്മ്॒ രാത്രീ᳚ര്ദീക്ഷി॒ത-സ്സ്യാ॒-ച്ചതു॑ര്വിഗ്മ്ശതിരര്ധമാ॒സാ-സ്സം॑വഁഥ്സ॒ര-സ്സം॑വഁഥ്സ॒രോ വി॒രാ-ഡ്വി॒രാജ॑മാപ്നോതി ത്രി॒ഗ്മ്॒ശത॒ഗ്മ്॒ രാത്രീ᳚ര്ദീക്ഷി॒ത-സ്സ്യാ᳚- [രാത്രീ᳚ര്ദീക്ഷി॒ത-സ്സ്യാ᳚ത്, ത്രി॒ഗ്മ്॒ശദ॑ക്ഷരാ] 28
-ത്ത്രി॒ഗ്മ്॒ശദ॑ക്ഷരാ വി॒രാ-ഡ്വി॒രാജ॑മാപ്നോതി॒ മാസ॑-ന്ദീക്ഷി॒ത-സ്സ്യാ॒-ദ്യോ മാസ॒-സ്സ സം॑വഁഥ്സ॒ര-സ്സം॑വഁഥ്സ॒രോ വി॒രാ-ഡ്വി॒രാജ॑മാപ്നോതി ച॒തുരോ॑ മാ॒സോ ദീ᳚ക്ഷി॒ത-സ്സ്യാ᳚ച്ച॒തുരോ॒ വാ ഏ॒ത-മ്മാ॒സോ വസ॑വോ-ഽബിഭരു॒സ്തേ പൃ॑ഥി॒വീമാ-ഽജ॑യ-ന്ഗായ॒ത്രീ-ഞ്ഛന്ദോ॒-ഽഷ്ടൌ രു॒ദ്രാസ്തേ᳚-ഽന്തരി॑ക്ഷ॒മാ-ഽജ॑യ-ന്ത്രി॒ഷ്ടുഭ॒-ഞ്ഛന്ദോ॒ ദ്വാദ॑ശാ-ഽഽദി॒ത്യാസ്തേ ദിവ॒മാ-ഽജ॑യ॒ന് ജഗ॑തീ॒-ഞ്ഛന്ദ॒സ്തതോ॒ വൈ തേ വ്യാ॒വൃത॑-മഗച്ഛ॒ഞ്ഛ്രൈഷ്ഠ്യ॑-ന്ദേ॒വാനാ॒-ന്തസ്മാ॒-ദ്ദ്വാദ॑ശ മാ॒സോ ഭൃ॒ത്വാ-ഽഗ്നി-ഞ്ചി॑ന്വീത॒ ദ്വാദ॑ശ॒ മാസാ᳚-സ്സംവഁഥ്സ॒ര-സ്സം॑വഁഥ്സ॒രോ᳚ -ഽഗ്നിശ്ചിത്യ॒സ്തസ്യാ॑-ഹോരാ॒ത്രാണീഷ്ട॑കാ ആ॒പ്തേഷ്ട॑കമേന-ഞ്ചിനു॒തേ-ഽഥോ᳚ വ്യാ॒വൃത॑മേ॒വ ഗ॑ച്ഛതി॒ ശ്രൈഷ്ഠ്യഗ്മ്॑ സമാ॒നാനാ᳚മ് ॥ 29 ॥
(സ്യാ॒-ത്ത്രയോ॑ദശ – ത്രി॒ഗ്മ്॒ശത॒ഗ്മ്॒ രാത്രീ᳚ര്ദീക്ഷി॒ത-സ്സ്യാ॒-ദ്- വൈ തേ᳚ – ഽഷ്ടാവിഗ്മ്॑ശതിശ്ച) (അ. 7)
സു॒വ॒ര്ഗായ॒ വാ ഏ॒ഷ ലോ॒കായ॑ ചീയതേ॒ യദ॒ഗ്നിസ്തം-യഁന്നാന്വാ॒രോഹേ᳚-ഥ്സുവ॒ര്ഗാല്ലോ॒കാ-ദ്യജ॑മാനോ ഹീയേത പൃഥി॒വീമാ-ഽക്ര॑മിഷ-മ്പ്രാ॒ണോ മാ॒ മാ ഹാ॑സീദ॒ന്തരി॑ക്ഷ॒മാ-ഽക്ര॑മിഷ-മ്പ്ര॒ജാ മാ॒ മാ ഹാ॑സീ॒-ദ്ദിവ॒മാ-ഽക്ര॑മിഷ॒ഗ്മ്॒ സുവ॑രഗ॒ന്മേത്യാ॑ഹൈ॒ഷ വാ അ॒ഗ്നേര॑ന്വാരോ॒ഹസ്തേനൈ॒വൈന॑-മ॒ന്വാരോ॑ഹതി സുവ॒ര്ഗസ്യ॑ ലോ॒കസ്യ॒ സമ॑ഷ്ട്യൈ॒ യ-ത്പ॒ക്ഷസ॑മ്മിതാ-മ്മിനു॒യാ- [മിനു॒യാത്, കനീ॑യാഗ്മ്സ-] 30
-ത്കനീ॑യാഗ്മ്സം-യഁജ്ഞക്ര॒തുമുപേ॑യാ॒-ത്പാപീ॑യസ്യസ്യാ॒ ഽഽത്മനഃ॑ പ്ര॒ജാ സ്യാ॒-ദ്വേദി॑സമ്മിതാ-മ്മിനോതി॒ ജ്യായാഗ്മ്॑സമേ॒വ യ॑ജ്ഞക്ര॒തുമുപൈ॑തി॒ നാസ്യാ॒-ഽഽത്മനഃ॒ പാപീ॑യസീ പ്ര॒ജാ ഭ॑വതി സാഹ॒സ്ര-ഞ്ചി॑ന്വീത പ്രഥ॒മ-ഞ്ചി॑ന്വാ॒ന-സ്സ॒ഹസ്ര॑സമ്മിതോ॒ വാ അ॒യം-ലോഁ॒ക ഇ॒മമേ॒വ ലോ॒കമ॒ഭി ജ॑യതി॒ ദ്വിഷാ॑ഹസ്ര-ഞ്ചിന്വീത ദ്വി॒തീയ॑-ഞ്ചിന്വാ॒നോ ദ്വിഷാ॑ഹസ്രം॒-വാഁ അ॒ന്തരി॑ക്ഷ-മ॒ന്തരി॑ക്ഷമേ॒വാഭി ജ॑യതി॒ ത്രിഷാ॑ഹസ്ര-ഞ്ചിന്വീത തൃ॒തീയ॑-ഞ്ചിന്വാ॒ന- [തൃ॒തീയ॑-ഞ്ചിന്വാ॒നഃ, ത്രിഷാ॑ഹസ്രോ॒ വാ അ॒സൌ] 31
-സ്ത്രിഷാ॑ഹസ്രോ॒ വാ അ॒സൌ ലോ॒കോ॑ ഽമുമേ॒വ ലോ॒കമ॒ഭി ജ॑യതി ജാനുദ॒ഘ്ന-ഞ്ചി॑ന്വീത പ്രഥ॒മ-ഞ്ചി॑ന്വാ॒നോ ഗാ॑യത്രി॒യൈവേമം-ലോഁ॒കമ॒ഭ്യാരോ॑ഹതി നാഭിദ॒ഘ്ന-ഞ്ചി॑ന്വീത ദ്വി॒തീയ॑-ഞ്ചിന്വാ॒നസ്ത്രി॒ഷ്ടുഭൈ॒വാ-ന്തരി॑ക്ഷ-മ॒ഭ്യാരോ॑ഹതി ഗ്രീവദ॒ഘ്ന-ഞ്ചി॑ന്വീത തൃ॒തീയ॑-ഞ്ചിന്വാ॒നോ ജഗ॑ത്യൈ॒വാമു-ല്ലോഁ॒കമ॒ഭ്യാരോ॑ഹതി॒ നാഗ്നി-ഞ്ചി॒ത്വാ രാ॒മാമുപേ॑യാദയോ॒നൌ രേതോ॑ ധാസ്യാ॒മീതി॒ ന ദ്വി॒തീയ॑-ഞ്ചി॒ത്വാ-ഽന്യസ്യ॒ സ്ത്രിയ॒- [സ്ത്രിയ᳚മ്, ഉപേ॑യാ॒ന്ന] 32
-മുപേ॑യാ॒ന്ന തൃ॒തീയ॑-ഞ്ചി॒ത്വാ കാ-ഞ്ച॒നോപേ॑യാ॒-ദ്രേതോ॒ വാ ഏ॒തന്നി ധ॑ത്തേ॒ യദ॒ഗ്നി-ഞ്ചി॑നു॒തേ യദു॑പേ॒യാ-ദ്രേത॑സാ॒ വ്യൃ॑ദ്ധ്യേ॒താ-ഽഥോ॒ ഖല്വാ॑ഹുര പ്രജ॒സ്യ-ന്ത-ദ്യന്നോപേ॒യാദിതി॒ യ-ദ്രേ॑ത॒സ്സിചാ॑വുപ॒ദധാ॑തി॒ തേ ഏ॒വ യജ॑മാനസ്യ॒ രേതോ॑ ബിഭൃത॒സ്തസ്മാ॒-ദുപേ॑യാ॒-ദ്രേത॒സോ-ഽസ്ക॑ന്ദായ॒ ത്രീണി॒ വാവ രേതാഗ്മ്॑സി പി॒താ പു॒ത്രഃ പൌത്രോ॒ [പൌത്രഃ॑, യ-ദ്ദ്വേ രേ॑ത॒സ്സിചാ॑] 33
യ-ദ്ദ്വേ രേ॑ത॒സ്സിചാ॑-വുപദ॒ദ്ധ്യാ-ദ്രേതോ᳚-ഽസ്യ॒ വിച്ഛി॑ന്ദ്യാ-ത്തി॒സ്ര ഉപ॑ ദധാതി॒ രേത॑സ॒-സ്സന്ത॑ത്യാ ഇ॒യം-വാഁവ പ്ര॑ഥ॒മാ രേ॑ത॒സ്സിഗ് വാഗ്വാ ഇ॒യ-ന്തസ്മാ॒-ത്പശ്യ॑ന്തീ॒മാ-മ്പശ്യ॑ന്തി॒ വാചം॒-വഁദ॑ന്തീമ॒ന്തരി॑ക്ഷ-ന്ദ്വി॒തീയാ᳚ പ്രാ॒ണോ വാ അ॒ന്തരി॑ക്ഷ॒-ന്തസ്മാ॒ന്നാ-ഽന്തരി॑ക്ഷ॒-മ്പശ്യ॑ന്തി॒ ന പ്രാ॒ണമ॒സൌ തൃ॒തീയാ॒ ചക്ഷു॒ര്വാ അ॒സൌ തസ്മാ॒-ത്പശ്യ॑ന്ത്യ॒മൂ-മ്പശ്യ॑ന്തി॒ ചക്ഷു॒-ര്യജു॑ഷേ॒മാ-ഞ്ചാ॒- [ചക്ഷു॒-ര്യജു॑ഷേ॒മാ-ഞ്ചാ॑, അ॒മൂ-ഞ്ചോപ॑] 34
-ഽമൂ-ഞ്ചോപ॑ ദധാതി॒ മന॑സാ മദ്ധ്യ॒മാമേ॒ഷാം-ലോഁ॒കാനാ॒-ങ്കൢപ്ത്യാ॒ അഥോ᳚ പ്രാ॒ണാനാ॑മി॒ഷ്ടോ യ॒ജ്ഞോ ഭൃഗു॑ഭിരാശീ॒ര്ദാ വസു॑ഭി॒സ്തസ്യ॑ ത ഇ॒ഷ്ടസ്യ॑ വീ॒തസ്യ॒ ദ്രവി॑ണേ॒ഹ ഭ॑ക്ഷീ॒യേത്യാ॑ഹ സ്തുതശ॒സ്ത്രേ ഏ॒വൈതേന॑ ദുഹേ പി॒താ മാ॑ത॒രിശ്വാ-ഽച്ഛി॑ദ്രാ പ॒ദാ ധാ॒ അച്ഛി॑ദ്രാ ഉ॒ശിജഃ॑ പ॒ദാ-ഽനു॑ തക്ഷു॒-സ്സോമോ॑ വിശ്വ॒വിന്നേ॒താ നേ॑ഷ॒-ദ്ബൃഹ॒സ്പതി॑രുക്ഥാമ॒ദാനി॑ ശഗ്മ്സിഷ॒ദിത്യാ॑ഹൈ॒തദ്വാ അ॒ഗ്നേരു॒ക്ഥ-ന്തേനൈ॒വൈന॒മനു॑ ശഗ്മ്സതി ॥ 35 ॥
(മി॒നു॒യാത് – തൃ॒തീയ॑-ഞ്ചിന്വാ॒നഃ – സ്ത്രിയം॒ – പൌത്ര॑ – ശ്ച॒ – വൈ – സ॒പ്ത ച॑) (അ. 8)
സൂ॒യതേ॒ വാ ഏ॒ഷോ᳚-ഽഗ്നീ॒നാം-യഁ ഉ॒ഖായാ᳚-മ്ഭ്രി॒യതേ॒ യദ॒ധ-സ്സാ॒ദയേ॒-ദ്ഗര്ഭാഃ᳚ പ്ര॒പാദു॑കാ-സ്സ്യു॒രഥോ॒ യഥാ॑ സ॒വാ-ത്പ്ര॑ത്യവ॒രോഹ॑തി താ॒ദൃഗേ॒വ തദാ॑സ॒ന്ദീ സാ॑ദയതി॒ ഗര്ഭാ॑ണാ॒-ന്ധൃത്യാ॒ അപ്ര॑പാദാ॒യാഥോ॑ സ॒വമേ॒വൈന॑-ങ്കരോതി॒ ഗര്ഭോ॒ വാ ഏ॒ഷ യദുഖ്യോ॒ യോനി॑-ശ്ശി॒ക്യം॑-യഁച്ഛി॒ക്യാ॑ദു॒ഖാ-ന്നി॒രൂഹേ॒-ദ്യോനേ॒ര്ഗര്ഭ॒-ന്നിര്ഹ॑ണ്യാ॒-ഥ്ഷഡു॑ദ്യാമഗ്മ് ശി॒ക്യ॑-മ്ഭവതി ഷോഢാ വിഹി॒തോ വൈ [ ] 36
പുരു॑ഷ ആ॒ത്മാ ച॒ ശിര॑ശ്ച ച॒ത്വാര്യങ്ഗാ᳚ന്യാ॒ത്മന്നേ॒വൈന॑-മ്ബിഭര്തി പ്ര॒ജാപ॑തി॒ര്വാ ഏ॒ഷ യദ॒ഗ്നിസ്തസ്യോ॒ഖാ ചോ॒ലൂഖ॑ല-ഞ്ച॒ സ്തനൌ॒ താവ॑സ്യ പ്ര॒ജാ ഉപ॑ ജീവന്തി॒ യദു॒ഖാ-ഞ്ചോ॒ലൂഖ॑ല-ഞ്ചോപ॒ദധാ॑തി॒ താഭ്യാ॑മേ॒വ യജ॑മാനോ॒-ഽമുഷ്മി॑-ല്ലോഁ॒കേ᳚-ഽഗ്നി-ന്ദു॑ഹേ സംവഁഥ്സ॒രോ വാ ഏ॒ഷ യദ॒ഗ്നിസ്തസ്യ॑ ത്രേധാവിഹി॒താ ഇഷ്ട॑കാഃ പ്രാജാപ॒ത്യാ വൈ᳚ഷ്ണ॒വീ- [വൈ᳚ഷ്ണ॒വീഃ, വൈ॒ശ്വ॒ക॒ര്മ॒ണീ-] 37
-ര്വൈ᳚ശ്വകര്മ॒ണീ-ര॑ഹോരാ॒ത്രാണ്യേ॒വാ-ഽസ്യ॑ പ്രാജാപ॒ത്യാ യദുഖ്യ॑-മ്ബി॒ഭര്തി॑ പ്രാജാപ॒ത്യാ ഏ॒വ തദുപ॑ ധത്തേ॒ യ-ഥ്സ॒മിധ॑ ആ॒ദധാ॑തി വൈഷ്ണ॒വാ വൈ വന॒സ്പത॑യോ വൈഷ്ണ॒വീരേ॒വ തദുപ॑ ധത്തേ॒ യദിഷ്ട॑കാഭിര॒ഗ്നി-ഞ്ചി॒നോതീ॒യം-വൈഁ വി॒ശ്വക॑ര്മാ വൈശ്വകര്മ॒ണീരേ॒വ തദുപ॑ ധത്തേ॒ തസ്മാ॑-ദാഹു-സ്ത്രി॒വൃദ॒ഗ്നിരിതി॒ തം-വാഁ ഏ॒തം-യഁജ॑മാന ഏ॒വ ചി॑ന്വീത॒ യദ॑സ്യാ॒ന്യ ശ്ചി॑നു॒യാദ്യ-ത്ത-ന്ദക്ഷി॑ണാഭി॒ര്ന രാ॒ധയേ॑ദ॒ഗ്നിമ॑സ്യ വൃഞ്ജീത॒ യോ᳚-ഽസ്യാ॒-ഽഗ്നി-ഞ്ചി॑നു॒യാ-ത്ത-ന്ദക്ഷി॑ണാഭീ രാധയേദ॒ഗ്നിമേ॒വ ത-ഥ്സ്പൃ॑ണോതി ॥ 38 ॥
(ഷോ॒ഢാ॒വി॒ഹി॒തോ വൈ – വൈ᳚ഷ്ണ॒വീ – ര॒ന്യോ – വിഗ്മ്॑ശ॒തിശ്ച॑) (അ. 9)
പ്ര॒ജാപ॑തി-ര॒ഗ്നി-മ॑ചിനുത॒ര്തുഭി॑-സ്സംവഁഥ്സ॒രം-വഁ ॑സ॒ന്തേനൈ॒വാസ്യ॑ പൂര്വാ॒ര്ധമ॑ചിനുത ഗ്രീ॒ഷ്മേണ॒ ദക്ഷി॑ണ-മ്പ॒ക്ഷം-വഁ॒ര്॒ഷാഭിഃ॒ പുച്ഛഗ്മ്॑ ശ॒രദോത്ത॑ര-മ്പ॒ക്ഷഗ്മ് ഹേ॑മ॒ന്തേന॒ മദ്ധ്യ॒-മ്ബ്രഹ്മ॑ണാ॒ വാ അ॑സ്യ॒ ത-ത്പൂ᳚ര്വാ॒ര്ധമ॑ചിനുത ക്ഷ॒ത്രേണ॒ ദക്ഷി॑ണ-മ്പ॒ക്ഷ-മ്പ॒ശുഭിഃ॒ പുച്ഛം॑-വിഁ॒ശോത്ത॑ര-മ്പ॒ക്ഷമാ॒ശയാ॒ മദ്ധ്യം॒-യഁ ഏ॒വം-വിഁ॒ദ്വാന॒ഗ്നി-ഞ്ചി॑നു॒ത ഋ॒തുഭി॑രേ॒വൈന॑-ഞ്ചിനു॒തേ-ഽഥോ॑ ഏ॒തദേ॒വ സര്വ॒മവ॑ – [സര്വ॒മവ॑, രു॒ന്ധേ॒ ശൃ॒ണ്വന്ത്യേ॑ന] 39
രുന്ധേ ശൃ॒ണ്വന്ത്യേ॑ന-മ॒ഗ്നി-ഞ്ചി॑ക്യാ॒നമത്ത്യന്ന॒ഗ്മ്॒ രോച॑ത ഇ॒യം-വാഁവ പ്ര॑ഥ॒മാ ചിതി॒രോഷ॑ധയോ॒ വന॒സ്പത॑യഃ॒ പുരീ॑ഷമ॒ന്തരി॑ക്ഷ-ന്ദ്വി॒തീയാ॒ വയാഗ്മ്॑സി॒ പുരീ॑ഷമ॒സൌ തൃ॒തീയാ॒ നക്ഷ॑ത്രാണി॒ പുരീ॑ഷം-യഁ॒ജ്ഞശ്ച॑തു॒ര്ഥീ ദക്ഷി॑ണാ॒ പുരീ॑ഷം॒-യഁജ॑മാനഃ പഞ്ച॒മീ പ്ര॒ജാ പുരീ॑ഷം॒-യഁ-ത്ത്രിചി॑തീക-ഞ്ചിന്വീ॒ത യ॒ജ്ഞ-ന്ദക്ഷി॑ണാമാ॒ത്മാന॑-മ്പ്ര॒ജാമ॒ന്തരി॑യാ॒-ത്തസ്മാ॒-ത്പഞ്ച॑ചിതീകശ്ചേത॒വ്യ॑ ഏ॒തദേ॒വ സര്വഗ്ഗ്॑ സ്പൃണോതി॒ യ-ത്തി॒സ്രശ്ചിത॑യ- [യ-ത്തി॒സ്രശ്ചിത॑യഃ, ത്രി॒വൃദ്ധ്യ॑ഗ്നിര്യ-ദ്ദ്വേ] 40
-സ്ത്രി॒വൃദ്ധ്യ॑ഗ്നിര്യ-ദ്ദ്വേ ദ്വി॒പാ-ദ്യജ॑മാനഃ॒ പ്രതി॑ഷ്ഠിത്യൈ॒ പഞ്ച॒ ചിത॑യോ ഭവന്തി॒ പാങ്ക്തഃ॒ പുരു॑ഷ ആ॒ത്മാന॑മേ॒വ സ്പൃ॑ണോതി॒ പഞ്ച॒ ചിത॑യോ ഭവന്തി പ॒ഞ്ചഭിഃ॒ പുരീ॑ഷൈര॒ഭ്യൂ॑ഹതി॒ ദശ॒ സ-മ്പ॑ദ്യന്തേ॒ ദശാ᳚ക്ഷരോ॒ വൈ പുരു॑ഷോ॒ യാവാ॑നേ॒വ പുരു॑ഷ॒സ്തഗ്ഗ് സ്പൃ॑ണോ॒ത്യഥോ॒ ദശാ᳚ക്ഷരാ വി॒രാഡന്നം॑-വിഁ॒രാ-ഡ്വി॒രാജ്യേ॒വാന്നാദ്യേ॒ പ്രതി॑ തിഷ്ഠതി സംവഁഥ്സ॒രോ വൈ ഷ॒ഷ്ഠീ ചിതി॑ര്-ഋ॒തവഃ॒ പുരീ॑ഷ॒ഗ്മ്॒ ഷട് ചിത॑യോ ഭവന്തി॒ ഷട് പുരീ॑ഷാണി॒ ദ്വാദ॑ശ॒ സ-മ്പ॑ദ്യന്തേ॒ ദ്വാദ॑ശ॒ മാസാ᳚-സ്സംവഁഥ്സ॒ര-സ്സം॑വഁഥ്സ॒ര ഏ॒വ പ്രതി॑ തിഷ്ഠതി ॥ 41 ॥
(അവ॒ – ചിത॑യഃ॒ – പുരീ॑ഷം॒ – പഞ്ച॑ദശ ച) (അ. 10)
രോഹി॑തോ ധൂ॒മ്രരോ॑ഹിതഃ ക॒ര്കന്ധു॑രോഹിത॒സ്തേ പ്രാ॑ജാപ॒ത്യാ ബ॒ഭ്രുര॑രു॒ണബ॑ഭ്രു॒-ശ്ശുക॑ബഭ്രു॒സ്തേ രൌ॒ദ്രാ-ശ്ശ്യേത॑-ശ്ശ്യേതാ॒ക്ഷ-ശ്ശ്യേത॑ഗ്രീവ॒സ്തേ പി॑തൃദേവ॒ത്യാ᳚സ്തി॒സ്രഃ കൃ॒ഷ്ണാ വ॒ശാ വാ॑രു॒ണ്യ॑സ്തി॒സ്ര-ശ്ശ്വേ॒താ വ॒ശാ-സ്സൌ॒ര്യോ॑ മൈത്രാബാര്ഹസ്പ॒ത്യാ ധൂ॒മ്രല॑ലാമാസ്തൂപ॒രാഃ ॥ 42 ॥
(രോഹി॑തഃ॒-ഷഡ്വഗ്മ്॑ശതിഃ) (അ. 11)
പൃശ്ഞി॑-സ്തിര॒ശ്ചീന॑-പൃശ്ഞിരൂ॒ര്ധ്വ-പൃ॑ശ്ഞി॒സ്തേ മാ॑രു॒താഃ ഫ॒ല്ഗൂര്ലോ॑ഹിതോ॒ര്ണീ ബ॑ല॒ക്ഷീ താ-സ്സാ॑രസ്വ॒ത്യഃ॑ പൃഷ॑തീ സ്ഥൂ॒ലപൃ॑ഷതീ ക്ഷു॒ദ്രപൃ॑ഷതീ॒ താ വൈ᳚ശ്വദേ॒വ്യ॑സ്തി॒സ്ര-ശ്ശ്യാ॒മാ വ॒ശാഃ പൌ॒ഷ്ണിയ॑സ്തി॒സ്രോ രോഹി॑ണീര്വ॒ശാ മൈ॒ത്രിയ॑ ഐന്ദ്രാബാര്ഹസ്പ॒ത്യാ അ॑രു॒ണല॑ലാമാസ്തൂപ॒രാഃ ॥ 43 ॥
(പൃശ്ഞിഃ॒ – ഷഡ്വിഗ്മ്॑ശതിഃ) (അ. 12)
ശി॒തി॒ബാ॒ഹു-ര॒ന്യത॑ശ്ശിതിബാഹു-സ്സമ॒ന്ത ശി॑തിബാഹു॒സ്ത ഐ᳚ന്ദ്രവായ॒വാ-ശ്ശി॑തി॒രന്ധ്രോ॒ ഽന്യത॑ശ്ശിതിരന്ധ്ര-സ്സമ॒ന്തശി॑തിരന്ധ്ര॒സ്തേ മൈ᳚ത്രാവരു॒ണാ-ശ്ശു॒ദ്ധവാ॑ല-സ്സ॒ര്വശു॑ദ്ധവാലോ മ॒ണിവാ॑ല॒സ്ത ആ᳚ശ്വി॒നാസ്തി॒സ്ര-ശ്ശി॒ല്പാ വ॒ശാ വൈ᳚ശ്വദേ॒വ്യ॑സ്തി॒സ്ര-ശ്ശ്യേനീഃ᳚ പരമേ॒ഷ്ഠിനേ॑ സോമാപൌ॒ഷ്ണാ-ശ്ശ്യാ॒മല॑ലാമാസ്തൂപ॒രാഃ ॥ 44 ॥
(ശി॒തി॒ബാ॒ഹുഃ പഞ്ച॑വിഗ്മ്ശതിഃ) (അ. 13)
ഉ॒ന്ന॒ത ഋ॑ഷ॒ഭോ വാ॑മ॒നസ്ത ഐ᳚ന്ദ്രാവരു॒ണാ-ശ്ശിതി॑കകുച്ഛിതിപൃ॒ഷ്ഠ-ശ്ശിതി॑ഭസ॒-ത്ത ഐ᳚ന്ദ്രാബാര്ഹസ്പ॒ത്യാ-ശ്ശി॑തി॒പാച്ഛി॒ത്യോഷ്ഠ॑-ശ്ശിതി॒ഭ്രുസ്ത ഐ᳚ന്ദ്രാവൈഷ്ണ॒വാസ്തി॒സ്ര-സ്സി॒ദ്ധ്മാ വ॒ശാ വൈ᳚ശ്വകര്മ॒ണ്യ॑സ്തി॒സ്രോ ധാ॒ത്രേ പൃ॑ഷോദ॒രാ ഐ᳚ന്ദ്രാപൌ॒ഷ്ണാ-ശ്ശ്യേത॑ലലാമാസ്തൂപ॒രാഃ ॥ 45 ॥
(ഉ॒ന്ന॒തഃ പഞ്ച॑വിഗ്മ്ശതിഃ) (അ. 14)
ക॒ര്ണാസ്ത്രയോ॑ യാ॒മാ-സ്സൌ॒മ്യാസ്ത്രയ॑-ശ്ശ്വിതി॒ങ്ഗാ അ॒ഗ്നയേ॒ യവി॑ഷ്ഠായ॒ ത്രയോ॑ നകു॒ലാസ്തി॒സ്രോ രോഹി॑ണീ॒സ്ത്ര്യവ്യ॒സ്താ വസൂ॑നാ-ന്തി॒സ്രോ॑-ഽരു॒ണാ ദി॑ത്യൌ॒ഹ്യ॑സ്താ രു॒ദ്രാണാഗ്മ്॑ സോമൈ॒ന്ദ്രാ ബ॒ഭ്രുല॑ലാമാസ്തൂപ॒രാഃ ॥ 46 ॥
(ക॒ര്ണാസ്ത്രയോ॑ – വിഗ്മ്ശതിഃ) (അ. 15)
ശു॒ണ്ഠാസ്ത്രയോ॑ വൈഷ്ണ॒വാ അ॑ധീലോധ॒കര്ണാ॒സ്ത്രയോ॒ വിഷ്ണ॑വ ഉരുക്ര॒മായ॑ ലഫ്സു॒ദിന॒സ്ത്രയോ॒ വിഷ്ണ॑വ ഉരുഗാ॒യായ॒ പഞ്ചാ॑വീസ്തി॒സ്ര ആ॑ദി॒ത്യാനാ᳚-ന്ത്രിവ॒ഥ്സാ-സ്തി॒സ്രോ-ഽങ്ഗി॑രസാമൈന്ദ്രാവൈഷ്ണ॒വാ ഗൌ॒രല॑ലാമാസ്തൂപ॒രാഃ ॥ 47 ॥
(ശു॒ണ്ഠാ – വിഗ്മ്॑ശ॒തിഃ) (അ. 16)
ഇന്ദ്രാ॑യ॒ രാജ്ഞേ॒ ത്രയ॑-ശ്ശിതിപൃ॒ഷ്ഠാ ഇന്ദ്രാ॑യാ-ധിരാ॒ജായ॒ ത്രയ॒-ശ്ശിതി॑കകുദ॒ ഇന്ദ്രാ॑യ സ്വ॒രാജ്ഞേ॒ ത്രയ॒-ശ്ശിതി॑ഭസ-ദസ്തി॒സ്രസ്തു॑ര്യൌ॒ഹ്യ॑-സ്സാ॒ദ്ധ്യാനാ᳚-ന്തി॒സ്രഃ പ॑ഷ്ഠൌ॒ഹ്യോ॑ വിശ്വേ॑ഷാ-ന്ദേ॒വാനാ॑മാഗ്നേ॒ന്ദ്രാഃ കൃ॒ഷ്ണല॑ലാമാസ്തൂപ॒രാഃ ॥ 48 ॥
(ഇന്ദ്രാ॑യ॒ രാജ്ഞേ॒ – ദ്വാവിഗ്മ്॑ശതിഃ) (അ. 17)
അദി॑ത്യൈ॒ ത്രയോ॑ രോഹിതൈ॒താ ഇ॑ന്ദ്രാ॒ണ്യൈ ത്രയഃ॑ കൃഷ്ണൈ॒താഃ കു॒ഹ്വൈ᳚ ത്രയോ॑-ഽരുണൈ॒താസ്തി॒സ്രോ ധേ॒നവോ॑ രാ॒കായൈ॒ ത്രയോ॑-ഽന॒ഡ്വാഹ॑-സ്സിനീവാ॒ല്യാ ആ᳚ഗ്നാവൈഷ്ണ॒വാ രോഹി॑തലലാമാസ്തൂപ॒രാഃ ॥ 49 ॥
(അദി॑ത്യാ-അ॒ഷ്ടാദ॑ശ) (അ. 18)
സൌ॒മ്യാസ്ത്രയഃ॑ പി॒ശങ്ഗാ॒-സ്സോമാ॑യ॒ രാജ്ഞേ॒ ത്രയ॑-സ്സാ॒രങ്ഗാഃ᳚ പാര്ജ॒ന്യാ നഭോ॑രൂപാസ്തി॒സ്രോ॑-ഽജാ മ॒ല॒ഃആ ഇ॑ന്ദ്രാ॒ണ്യൈ തി॒സ്രോ മേ॒ഷ്യ॑ ആദി॒ത്യാ ദ്യാ॑വാപൃഥി॒വ്യാ॑ മാ॒ലങ്ഗാ᳚സ്തൂപ॒രാഃ ॥ 50 ॥
(സൌ॒മ്യാ – ഏകാ॒ന്നവിഗ്മ്॑ശ॒തിഃ) (അ. 19)
വാ॒രു॒ണാസ്ത്രയഃ॑ കൃ॒ഷ്ണല॑ലാമാ॒ വരു॑ണായ॒ രാജ്ഞേ॒ ത്രയോ॒ രോഹി॑തലലാമാ॒ വരു॑ണായ രി॒ശാദ॑സേ॒ ത്രയോ॑-ഽരു॒ണല॑ലാമാ-ശ്ശി॒ല്പാസ്ത്രയോ॑ വൈശ്വദേ॒വാസ്ത്രയഃ॒ പൃശ്ഞ॑യ-സ്സര്വദേവ॒ത്യാ॑ ഐന്ദ്രാസൂ॒രാ-ശ്ശ്യേത॑ലലാമാസ്തൂപ॒രാഃ ॥ 51 ॥
(വാ॒രു॒ണാ – വിഗ്മ്॑ശ॒തിഃ) (അ. 20)
സോമാ॑യ സ്വ॒രാജ്ഞേ॑-ഽനോവാ॒ഹാവ॑ന॒ഡ്വാഹാ॑-വിന്ദ്രാ॒ഗ്നിഭ്യാ॑-മോജോ॒ദാഭ്യാ॒മുഷ്ടാ॑രാ-വിന്ദ്രാ॒ഗ്നിഭ്യാ᳚-മ്ബല॒ദാഭ്യാഗ്മ്॑ സീരവാ॒ഹാവവീ॒ ദ്വേ ധേ॒നൂ ഭൌ॒മീ ദി॒ഗ്ഭ്യോ വഡ॑ബേ॒ ദ്വേ ധേ॒നൂ ഭൌ॒മീ വൈ॑രാ॒ജീ പു॑രു॒ഷീ ദ്വേ ധേ॒നൂ ഭൌ॒മീ വാ॒യവ॑ ആരോഹണവാ॒ഹാവ॑ന॒ഡ്വാഹൌ॑ വാരു॒ണീ കൃ॒ഷ്ണേ വ॒ശേ അ॑രാ॒ഡ്യൌ॑ ദി॒വ്യാവൃ॑ഷ॒ഭൌ പ॑രിമ॒രൌ ॥ 52 ॥
(സോമാ॑യ സ്വ॒രാജ്ഞേ॒ – ചതു॑സ്ത്രിഗ്മ്ശത്) (അ. 21)
ഏകാ॑ദശ പ്രാ॒തര്ഗ॒വ്യാഃ പ॒ശവ॒ ആ ല॑ഭ്യന്തേ ഛഗ॒ലഃ ക॒ല്മാഷഃ॑ കികിദീ॒വിര്വി॑ദീ॒ഗയ॒സ്തേ ത്വാ॒ഷ്ട്രാ-സ്സൌ॒രീര്നവ॑ ശ്വേ॒താ വ॒ശാ അ॑നൂബ॒ന്ധ്യാ॑ ഭവന്ത്യാഗ്നേ॒യ ഐ᳚ന്ദ്രാ॒ഗ്ന ആ᳚ശ്വി॒നസ്തേ വി॑ശാലയൂ॒പ ആ ല॑ഭ്യന്തേ ॥ 53 ॥
(ഐകാ॑ദശ പ്രാ॒തഃ – പഞ്ച॑വിഗ്മ്ശതിഃ) (അ. 22)
പി॒ശങ്ഗാ॒സ്ത്രയോ॑ വാസ॒ന്താ-സ്സാ॒രങ്ഗാ॒സ്ത്രയോ॒ ഗ്രൈഷ്മാഃ॒ പൃഷ॑ന്ത॒സ്ത്രയോ॒ വാര്ഷി॑കാഃ॒ പൃശ്ഞ॑യ॒സ്ത്രയ॑-ശ്ശാര॒ദാഃ പൃ॑ശ്ഞിസ॒ക്ഥാ-സ്ത്രയോ॒ ഹൈമ॑ന്തികാ അവലി॒പ്താസ്ത്രയ॑-ശ്ശൈശി॒രാ-സ്സം॑വഁഥ്സ॒രായ॒ നിവ॑ക്ഷസഃ ॥ 54 ॥
(പി॒ശങ്ഗാ॑ – വിഗ്മ്ശ॒തിഃ) (അ. 23)
(രോഹി॑തഃ കൃ॒ഷ്ണാ ധൂ॒മ്രല॑ലാമാഃ॒ – പൃശ്ഞി॑-ശ്ശ്യാ॒മാ അ॑രു॒ണല॑ലാമാഃ -ശിതിബാ॒ഹു-ശ്ശി॒ല്പാ-ശ്ശ്യേനീ᳚-ശ്ശ്യാ॒മല॑ലാമാ – ഉന്ന॒ത-സ്സി॒ദ്ധ്മാ ധാ॒ത്രേ പൌ॒ഷ്ണാ-ശ്ശ്യേത॑ലലാമാഃ – ക॒ര്ണാ ബ॒ഭ്രുല॑ലാമാഃ – ശു॒ണ്ഠാ ഗൌ॒രല॑ലാമാ॒ – ഇന്ദ്രാ॑യ കൃ॒ഷ്ണാല॑ലാമാ॒ – അദി॑ത്യൈ॒ രോഹി॑ത ലലാമഃ -സൌ॒മ്യാ മാ॒ലങ്ഗാ॑ – വാരു॒ണാ-സ്സൂ॒രാ-ശ്ശ്യേത॑ലലാമാ॒ – ദശ॑ ।)
(ഹിര॑ണ്യവര്ണാ – അ॒പാ-ങ്ഗ്രഹാ᳚ന് – ഭൂതേഷ്ട॒കാഃ – സ॒ജൂഃ – സം॑വഁഥ്സ॒രം – പ്ര॒ജാപ॑തി॒-സ്സ ക്ഷു॒രപ॑വി – ര॒വഗ്നേര്വൈ ദീ॒ക്ഷയാ॑ – സുവ॒ര്ഗായ॒ തം-യഁന്ന – സൂ॒യതേ᳚ – പ്ര॒ജാപ॑തിര്-ഋ॒തുഭീ॒ – രോഹി॑തഃ॒ – പൃഞിഃ॑ – ശിതിബാ॒ഹു – രു॑ന്ന॒തഃ – ക॒ര്ണാഃ – ശു॒ണ്ഠാ – ഇന്ദ്രാ॒യാ- ദി॑ത്യൈ – സൌ॒മ്യാ – വാ॑രു॒ണാഃ – സോമാ॒യൈ – കാ॑ദശ – പി॒ശങ്ഗാ॒ – സ്ത്രയോ॑വിഗ്മ്ശതിഃ)
(ഹിര॑ണ്യവര്ണാ – ഭൂതേഷ്ട॒കാഃ – ഛന്ദോ॒ യത് – കനീ॑യാഗ്മ്സന്-ത്രി॒വൃദ്ധ്യ॑ഗ്നി – ര്വാ॑രു॒ണാ – ശ്ചതു॑ഷ്പഞ്ചാ॒ശത് )
(ഹിര॑ണ്യവര്ണാ॒, നിവ॑ക്ഷസഃ)
॥ ഹരിഃ॑ ഓമ് ॥
॥ കൃഷ്ണ യജുര്വേദീയ തൈത്തിരീയ സംഹിതായാ-മ്പഞ്ചമകാണ്ഡേ ഷഷ്ഠഃ പ്രശ്ന-സ്സമാപ്തഃ ॥