(ଋ.ଵେ.1.1.1)
ଅ॒ଗ୍ନିମୀ॑ଳେ ପୁ॒ରୋହି॑ତଂ-ୟଁ॒ଜ୍ଞସ୍ୟ॑ ଦେ॒ଵମୃ॒ତ୍ଵିଜ॑ମ୍ ।
ହୋତା॑ରଂ ରତ୍ନ॒ଧାତ॑ମମ୍ ॥ 1
ଅ॒ଗ୍ନିଃ ପୂର୍ଵେ॑ଭି॒ର୍ଋଷି॑ଭି॒ରୀଡ୍ୟୋ॒ ନୂତ॑ନୈରୁ॒ତ ।
ସ ଦେ॒ଵା।ଣ୍ ଏହ ଵ॑କ୍ଷତି ॥ 2
ଅ॒ଗ୍ନିନା॑ ର॒ୟିମ॑ଶ୍ନଵ॒ତ୍ପୋଷ॑ମେ॒ଵ ଦି॒ଵେଦି॑ଵେ ।
ୟ॒ଶସଂ॑-ଵୀଁ॒ରଵ॑ତ୍ତମମ୍ ॥ 3
ଅଗ୍ନେ॒ ୟଂ-ୟଁ॒ଜ୍ଞମ॑ଧ୍ଵ॒ରଂ-ଵିଁ॒ଶ୍ଵତଃ॑ ପରି॒ଭୂରସି॑ ।
ସ ଇଦ୍ଦେ॒ଵେଷୁ॑ ଗଚ୍ଛତି ॥ 4
ଅ॒ଗ୍ନିର୍ହୋତା॑ କ॒ଵିକ୍ର॑ତୁଃ ସ॒ତ୍ୟଶ୍ଚି॒ତ୍ରଶ୍ର॑ଵସ୍ତମଃ ।
ଦେ॒ଵୋ ଦେ॒ଵେଭି॒ରା ଗ॑ମତ୍ ॥ 5
ୟଦଂ॒ଗ ଦା॒ଶୁଷେ॒ ତ୍ଵମଗ୍ନେ॑ ଭ॒ଦ୍ରଂ କ॑ରି॒ଷ୍ୟସି॑ ।
ତଵେତ୍ତତ୍ସ॒ତ୍ୟମଂ॑ଗିରଃ ॥ 6
ଉପ॑ ତ୍ଵାଗ୍ନେ ଦି॒ଵେଦି॑ଵେ॒ ଦୋଷା॑ଵସ୍ତର୍ଧି॒ୟା ଵ॒ୟମ୍ ।
ନମୋ॒ ଭରଂ॑ତ॒ ଏମ॑ସି ॥ 7
ରାଜଂ॑ତମଧ୍ଵ॒ରାଣାଂ॑ ଗୋ॒ପାମୃ॒ତସ୍ୟ॒ ଦୀଦି॑ଵିମ୍ ।
ଵର୍ଧ॑ମାନଂ॒ ସ୍ଵେ ଦମେ॑ ॥ 8
ସ ନଃ॑ ପି॒ତେଵ॑ ସୂ॒ନଵେଽଗ୍ନେ॑ ସୂପାୟ॒ନୋ ଭ॑ଵ ।
ସଚ॑ସ୍ଵା ନଃ ସ୍ଵ॒ସ୍ତୟେ॑ ॥ 9