ଓଂ ଅସ୍ୟ ଶ୍ରୀ ଆପଦୁଦ୍ଧାରକ ହନୁମତ୍ ସ୍ତୋତ୍ର ମହାମଂତ୍ର କଵଚସ୍ୟ, ଵିଭୀଷଣ ଋଷିଃ, ହନୁମାନ୍ ଦେଵତା, ସର୍ଵାପଦୁଦ୍ଧାରକ ଶ୍ରୀହନୁମତ୍ପ୍ରସାଦେନ ମମ ସର୍ଵାପନ୍ନିଵୃତ୍ତ୍ୟର୍ଥେ, ସର୍ଵକାର୍ୟାନୁକୂଲ୍ୟ ସିଦ୍ଧ୍ୟର୍ଥେ ଜପେ ଵିନିୟୋଗଃ ।
ଧ୍ୟାନମ୍ ।
ଵାମେ କରେ ଵୈରିଭିଦଂ ଵହଂତଂ
ଶୈଲଂ ପରେ ଶୃଂଖଲହାରିଟଂକମ୍ ।
ଦଧାନମଚ୍ଛଚ୍ଛଵିୟଜ୍ଞସୂତ୍ରଂ
ଭଜେ ଜ୍ଵଲତ୍କୁଂଡଲମାଂଜନେୟମ୍ ॥ 1 ॥
ସଂଵୀତକୌପୀନ ମୁଦଂଚିତାଂଗୁଳିଂ
ସମୁଜ୍ଜ୍ଵଲନ୍ମୌଂଜିମଥୋପଵୀତିନମ୍ ।
ସକୁଂଡଲଂ ଲଂବିଶିଖାସମାଵୃତଂ
ତମାଂଜନେୟଂ ଶରଣଂ ପ୍ରପଦ୍ୟେ ॥ 2 ॥
ଆପନ୍ନାଖିଲଲୋକାର୍ତିହାରିଣେ ଶ୍ରୀହନୂମତେ ।
ଅକସ୍ମାଦାଗତୋତ୍ପାତ ନାଶନାୟ ନମୋ ନମଃ ॥ 3 ॥
ସୀତାଵିୟୁକ୍ତଶ୍ରୀରାମଶୋକଦୁଃଖଭୟାପହ ।
ତାପତ୍ରିତୟସଂହାରିନ୍ ଆଂଜନେୟ ନମୋଽସ୍ତୁ ତେ ॥ 4 ॥
ଆଧିଵ୍ୟାଧି ମହାମାରୀ ଗ୍ରହପୀଡାପହାରିଣେ ।
ପ୍ରାଣାପହର୍ତ୍ରେଦୈତ୍ୟାନାଂ ରାମପ୍ରାଣାତ୍ମନେ ନମଃ ॥ 5 ॥
ସଂସାରସାଗରାଵର୍ତ କର୍ତଵ୍ୟଭ୍ରାଂତଚେତସାମ୍ ।
ଶରଣାଗତମର୍ତ୍ୟାନାଂ ଶରଣ୍ୟାୟ ନମୋଽସ୍ତୁ ତେ ॥ 6 ॥
ଵଜ୍ରଦେହାୟ କାଲାଗ୍ନିରୁଦ୍ରାୟାଽମିତତେଜସେ ।
ବ୍ରହ୍ମାସ୍ତ୍ରସ୍ତଂଭନାୟାସ୍ମୈ ନମଃ ଶ୍ରୀରୁଦ୍ରମୂର୍ତୟେ ॥ 7 ॥
ରାମେଷ୍ଟଂ କରୁଣାପୂର୍ଣଂ ହନୂମଂତଂ ଭୟାପହମ୍ ।
ଶତ୍ରୁନାଶକରଂ ଭୀମଂ ସର୍ଵାଭୀଷ୍ଟପ୍ରଦାୟକମ୍ ॥ 8 ॥
କାରାଗୃହେ ପ୍ରୟାଣେ ଵା ସଂଗ୍ରାମେ ଶତ୍ରୁସଂକଟେ ।
ଜଲେ ସ୍ଥଲେ ତଥାଽଽକାଶେ ଵାହନେଷୁ ଚତୁଷ୍ପଥେ ॥ 9 ॥
ଗଜସିଂହ ମହାଵ୍ୟାଘ୍ର ଚୋର ଭୀଷଣ କାନନେ ।
ୟେ ସ୍ମରଂତି ହନୂମଂତଂ ତେଷାଂ ନାସ୍ତି ଵିପତ୍ କ୍ଵଚିତ୍ ॥ 10 ॥
ସର୍ଵଵାନରମୁଖ୍ୟାନାଂ ପ୍ରାଣଭୂତାତ୍ମନେ ନମଃ ।
ଶରଣ୍ୟାୟ ଵରେଣ୍ୟାୟ ଵାୟୁପୁତ୍ରାୟ ତେ ନମଃ ॥ 11 ॥
ପ୍ରଦୋଷେ ଵା ପ୍ରଭାତେ ଵା ୟେ ସ୍ମରଂତ୍ୟଂଜନାସୁତମ୍ ।
ଅର୍ଥସିଦ୍ଧିଂ ଜୟଂ କୀର୍ତିଂ ପ୍ରାପ୍ନୁଵଂତି ନ ସଂଶୟଃ ॥ 12 ॥
ଜପ୍ତ୍ଵା ସ୍ତୋତ୍ରମିଦଂ ମଂତ୍ରଂ ପ୍ରତିଵାରଂ ପଠେନ୍ନରଃ ।
ରାଜସ୍ଥାନେ ସଭାସ୍ଥାନେ ପ୍ରାପ୍ତେ ଵାଦେ ଲଭେଜ୍ଜୟମ୍ ॥ 13 ॥
ଵିଭୀଷଣକୃତଂ ସ୍ତୋତ୍ରଂ ୟଃ ପଠେତ୍ ପ୍ରୟତୋ ନରଃ ।
ସର୍ଵାପଦ୍ଭ୍ୟୋ ଵିମୁଚ୍ୟେତ ନାଽତ୍ର କାର୍ୟା ଵିଚାରଣା ॥ 14 ॥
ମଂତ୍ରଃ ।
ମର୍କଟେଶ ମହୋତ୍ସାହ ସର୍ଵଶୋକନିଵାରକ ।
ଶତ୍ରୂନ୍ ସଂହର ମାଂ ରକ୍ଷ ଶ୍ରିୟଂ ଦାପୟ ଭୋ ହରେ ॥ 15
ଇତି ଵିଭୀଷଣକୃତଂ ସର୍ଵାପଦୁଦ୍ଧାରକ ଶ୍ରୀହନୁମତ୍ ସ୍ତୋତ୍ରମ୍ ॥