ଓଂ ପୂର୍ଣ॒ମଦଃ॒ ପୂର୍ଣ॒ମିଦଂ॒ ପୂର୍ଣା॒ତ୍ପୂର୍ଣ॒ମୁଦ॒ଚ୍ୟତେ ।
ପୂର୍ଣ॒ସ୍ୟ ପୂର୍ଣ॒ମାଦା॒ୟ ପୂର୍ଣ॒ମେଵାଵଶି॒ଷ୍ୟତେ ॥
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥
ଓଂ ଈ॒ଶା ଵା॒ସ୍ୟ॑ମି॒ଦଗ୍ମ୍ ସର୍ଵଂ॒-ୟଁତ୍କିଂଚ॒ ଜଗ॑ତ୍ଵାଂ॒ ଜଗ॑ତ୍ ।
ତେନ॑ ତ୍ୟ॒କ୍ତେନ॑ ଭୁଂଜୀଥା॒ ମା ଗୃ॑ଧଃ॒ କସ୍ୟ॑ସ୍ଵି॒ଦ୍ଧନମ୍᳚ ॥ 1 ॥
କୁ॒ର୍ଵନ୍ନେ॒ଵେହ କର୍ମା᳚ଣି ଜିଜୀଵି॒ଷେଚ୍ଚ॒ତଗ୍ମ୍ ସମାଃ᳚ ।
ଏ॒ଵଂ ତ୍ଵୟି॒ ନାନ୍ୟଥେ॒ତୋ᳚ଽସ୍ତି॒ ନ କର୍ମ॑ ଲିପ୍ୟତେ॑ ନରେ᳚ ॥ 2 ॥
ଅ॒ସୁ॒ର୍ୟା॒ ନାମ॒ ତେ ଲୋ॒କା ଅଂ॒ଧେନ॒ ତମ॒ସାଽଽଵୃ॑ତାଃ ।
ତାଗ୍ମ୍ସ୍ତେ ପ୍ରେତ୍ୟା॒ଭିଗ॑ଚ୍ଛଂତି॒ ୟେ କେ ଚା᳚ତ୍ମ॒ହନୋ॒ ଜନାଃ᳚ ॥ 3 ॥
ଅନେ᳚ଜ॒ଦେକଂ॒ ମନ॑ସୋ॒ ଜଵୀ᳚ୟୋ॒ ନୈନ॑ଦ୍ଦେ॒ଵା ଆ᳚ପ୍ନୁଵ॒ନ୍ପୂର୍ଵ॒ମର୍ଷ॑ତ୍ ।
ତଦ୍ଧାଵ॑ତୋ॒ଽନ୍ୟାନତ୍ୟେ᳚ତି॒ ତିଷ୍ଠ॒ତ୍ତସ୍ମିନ୍᳚ନ॒ପୋ ମା᳚ତ॒ରିଶ୍ଵା᳚ ଦଧାତି ॥ 4 ॥
ତଦେ᳚ଜତି॒ ତନ୍ନେଜ॑ତି॒ ତଦ୍ଦୂ॒ରେ ତଦ୍ଵଂ॑ତି॒କେ ।
ତଦଂ॒ତର॑ସ୍ୟ॒ ସର୍ଵ॑ସ୍ୟ॒ ତଦୁ॒ ସର୍ଵ॑ସ୍ୟାସ୍ୟ ବାହ୍ୟ॒ତଃ ॥ 5 ॥
ୟସ୍ତୁ ସର୍ଵା᳚ଣି ଭୂ॒ତାନ୍ୟା॒ତ୍ମନ୍ୟେ॒ଵାନୁ॒ପଶ୍ୟ॑ତି ।
ସ॒ର୍ଵ॒ଭୂ॒ତେଷୁ॑ ଚା॒ତ୍ମାନଂ॒ ତତୋ॒ ନ ଵିହୁ॑ଗୁପ୍ସତେ ॥ 6 ॥
ୟସ୍ମି॒ନ୍ସର୍ଵା᳚ଣି ଭୂ॒ତାନ୍ୟା॒ତ୍ମୈଵାଭୂ᳚ଦ୍ଵିଜାନ॒ତଃ ।
ତତ୍ର॒ କୋ ମୋହଃ॒ କଃ ଶୋକଃ॑ ଏକ॒ତ୍ଵମ॑ନୁ॒ପଶ୍ୟ॑ତଃ ॥ 7 ॥
ସ ପର୍ୟ॑ଗାଚ୍ଚୁ॒କ୍ରମ॑କା॒ୟମ॑ପ୍ରଣ॒ମ॑ସ୍ନାଵି॒ରଗ୍ମ୍ ଶୁ॒ଦ୍ଧମପା᳚ପଵିଦ୍ଧମ୍ ।
କ॒ଵିର୍ମ॑ନୀ॒ଷୀ ପ॑ରି॒ଭୂଃ ସ୍ଵ॑ୟଂ॒ଭୂ-ର୍ୟା᳚ଥାତଥ୍ୟ॒ତୋଽର୍ଥା॒ନ୍
ଵ୍ୟ॑ଦଧାଚ୍ଛାଶ୍ଵ॒ତୀଭ୍ୟଃ॒ ସମା᳚ଭ୍ୟଃ ॥ 8 ॥
ଅଂ॒ଧଂ ତମଃ॒ ପ୍ରଵି॑ଶଂତି॒ ୟେଽଵି॑ଦ୍ୟାମୁ॒ପାସ॑ତେ ।
ତତୋ॒ ଭୂୟ॑ ଇଵ॒ ତେ ତମୋ॒ ୟ ଉ॑ ଵି॒ଦ୍ୟାୟା᳚ଗ୍ମ୍ ର॒ତାଃ ॥ 9 ॥
ଅ॒ନ୍ୟଦେ॒ଵାୟୁରି॒ଦ୍ୟୟା॒ଽନ୍ୟଦା᳚ହୁ॒ରଵି॑ଦ୍ୟୟା ।
ଇତି॑ ଶୁଶୁମ॒ ଧୀରା᳚ଣାଂ॒-ୟେଁ ନ॒ସ୍ତଦ୍ଵି॑ଚଚକ୍ଷି॒ରେ ॥ 10 ॥
ଵି॒ଦ୍ୟାଂ ଚାଵି॑ଦ୍ୟାଂ ଚ॒ ୟସ୍ତଦ୍ଵେଦୋ॒ଭୟ॑ଗ୍ମ୍ ସ॒ହ ।
ଅଵି॑ଦ୍ୟୟା ମୃ॒ତ୍ୟୁଂ ତୀ॒ର୍ତ୍ଵା ଵି॒ଦ୍ୟୟାଽମୃତ॑ମଶ୍ନୁତେ ॥ 11 ॥
ଅଂ॒ଧଂ ତମଃ॒ ପ୍ରଵି॑ଶଂତି॒ ୟେଽସମ୍᳚ଭୂତିମୁ॒ପାସ॑ତେ ।
ତତୋ॒ ଭୂୟ॑ ଇଵ॒ ତେ ତମୋ॒ ୟ ଉ॒ ସଂଭୂ᳚ତ୍ୟାଗ୍ମ୍ ର॒ତାଃ ॥ 12 ॥
ଅ॒ନ୍ୟଦେ॒ଵାହୁଃ ସମ୍᳚ଭ॒ଵାଦ॒ନ୍ୟଦା᳚ହୁ॒ରସମ୍᳚ଭଵାତ୍ ।
ଇତି॑ ଶୁଶ୍ରୁମ॒ ଧୀରା᳚ଣାଂ॒-ୟେଁ ନ॒ସ୍ତଦ୍ଵି॑ଚଚକ୍ଷି॒ରେ ॥ 13 ॥
ସଂଭୂ᳚ତିଂ ଚ ଵିଣା॒ଶଂ ଚ॒ ୟସ୍ତଦ୍ଵେଦୋ॒ଭୟ॑ଗ୍ମ୍ ସ॒ହ ।
ଵି॒ନା॒ଶେନ॑ ମୃ॒ତ୍ୟୁଂ ତୀ॒ର୍ତ୍ଵା ସଂଭୂ᳚ତ୍ୟା॒ଽମୃତ॑ମଶ୍ନୁତେ ॥ 14 ॥
ହି॒ର॒ଣ୍ମୟେ᳚ନ॒ ପାତ୍ରେ᳚ଣ ସ॒ତ୍ୟସ୍ୟାପି॑ହିତଂ॒ ମୁଖମ୍᳚ ।
ତତ୍ଵଂ ପୂ᳚ଷ॒ନ୍ନପାଵୃ॑ଣୁ ସ॒ତ୍ୟଧ᳚ର୍ମାୟ ଦୃ॒ଷ୍ଟୟେ᳚ ॥ 15 ॥
ପୂଷ॑ନ୍ନେକର୍ଷେ ୟମ ସୂର୍ୟ॒ ପ୍ରାଜା᳚ପତ୍ୟ॒ ଵ୍ୟୂ᳚ହ ର॒ଶ୍ମୀନ୍
ସମୂ᳚ହ॒ ତେଜୋ॒ ୟତ୍ତେ᳚ ରୂ॒ପଂ କଲ୍ୟା᳚ଣତମଂ॒ ତତ୍ତେ᳚ ପଶ୍ୟାମି ।
ୟୋ॒ଽସାଵ॒ସୌ ପୁରୁ॑ଷଃ॒ ସୋ॒ଽହମ॑ସ୍ମି ॥ 16 ॥
ଵା॒ୟୁରନି॑ଲମ॒ମୃତ॒ମଥେଦଂ ଭସ୍ମାଂ᳚ତ॒ଗ୍ମ୍॒ ଶରୀ॑ରମ୍ ।
ଓଂ 3 କ୍ରତୋ॒ ସ୍ମର॑ କୃ॒ତଗ୍ମ୍ ସ୍ମ॑ର॒ କ୍ରତୋ॒ ସ୍ମର॑ କୃ॒ତଗ୍ମ୍ ସ୍ମ॑ର ॥ 17 ॥
ଅଗ୍ନେ॒ ନୟ॑ ସୁ॒ପଥା᳚ ରା॒ୟେ ଅ॒ସ୍ମାନ୍ ଵିଶ୍ଵା॑ନି ଦେଵ ଵ॒ୟନା॑ନି ଵି॒ଦ୍ଵାନ୍ ।
ୟୁ॒ୟୋ॒ଧ୍ୟ॒ସ୍ମଜ୍ଜୁ॑ହୁରା॒ଣମେନୋ॒ ଭୂୟି॑ଷ୍ଟାଂ ତେ॒ ନମ॑ଉକ୍ତିଂ-ଵିଁଧେମ ॥ 18 ॥
ଓଂ ପୂର୍ଣ॒ମଦଃ॒ ପୂର୍ଣ॒ମିଦଂ॒ ପୂର୍ଣା॒ତ୍ପୂର୍ଣ॒ମୁଦ॒ଚ୍ୟତେ ।
ପୂର୍ଣ॒ସ୍ୟ ପୂର୍ଣ॒ମାଦା॒ୟ ପୂର୍ଣ॒ମେଵାଵଶି॒ଷ୍ୟତେ ॥
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥