ସ୍କଂଦ ଉଵାଚ ।
ୟୋଗୀଶ୍ଵରୋ ମହାସେନଃ କାର୍ତିକେୟୋଽଗ୍ନିନଂଦନଃ ।
ସ୍କଂଦଃ କୁମାରଃ ସେନାନୀଃ ସ୍ଵାମୀ ଶଂକରସଂଭଵଃ ॥ 1 ॥
ଗାଂଗେୟସ୍ତାମ୍ରଚୂଡଶ୍ଚ ବ୍ରହ୍ମଚାରୀ ଶିଖିଧ୍ଵଜଃ ।
ତାରକାରିରୁମାପୁତ୍ରଃ କ୍ରୌଂଚାରିଶ୍ଚ ଷଡାନନଃ ॥ 2 ॥
ଶବ୍ଦବ୍ରହ୍ମସମୁଦ୍ରଶ୍ଚ ସିଦ୍ଧଃ ସାରସ୍ଵତୋ ଗୁହଃ ।
ସନତ୍କୁମାରୋ ଭଗଵାନ୍ ଭୋଗମୋକ୍ଷଫଲପ୍ରଦଃ ॥ 3 ॥
ଶରଜନ୍ମା ଗଣାଧୀଶପୂର୍ଵଜୋ ମୁକ୍ତିମାର୍ଗକୃତ୍ ।
ସର୍ଵାଗମପ୍ରଣେତା ଚ ଵାଂଛିତାର୍ଥପ୍ରଦର୍ଶନଃ ॥ 4 ॥
ଅଷ୍ଟାଵିଂଶତିନାମାନି ମଦୀୟାନୀତି ୟଃ ପଠେତ୍ ।
ପ୍ରତ୍ୟୂଷେ ଶ୍ରଦ୍ଧୟା ୟୁକ୍ତୋ ମୂକୋ ଵାଚସ୍ପତିର୍ଭଵେତ୍ ॥ 5 ॥
ମହାମଂତ୍ରମୟାନୀତି ମମ ନାମାନୁକୀର୍ତନମ୍ ।
ମହାପ୍ରଜ୍ଞାମଵାପ୍ନୋତି ନାତ୍ର କାର୍ୟା ଵିଚାରଣା ॥ 6 ॥
ଇତି ଶ୍ରୀରୁଦ୍ରୟାମଲେ ପ୍ରଜ୍ଞାଵିଵର୍ଧନାଖ୍ୟଂ ଶ୍ରୀମତ୍କାର୍ତିକେୟସ୍ତୋତ୍ରମ୍ ॥