ଦେଵରାଜ-ସେଵ୍ୟମାନ-ପାଵନାଂଘ୍ରି-ପଂକଜଂ
ଵ୍ୟାଳୟଜ୍ଞ-ସୂତ୍ରମିଂଦୁ-ଶେଖରଂ କୃପାକରମ୍ ।
ନାରଦାଦି-ୟୋଗିବୃଂଦ-ଵଂଦିତଂ ଦିଗଂବରଂ
କାଶିକାପୁରାଧିନାଥ କାଲଭୈରଵଂ ଭଜେ ॥ 1 ॥
ଭାନୁକୋଟି-ଭାସ୍ଵରଂ ଭଵବ୍ଧିତାରକଂ ପରଂ
ନୀଲକଂଠ-ମୀପ୍ସିତାର୍ଧ-ଦାୟକଂ ତ୍ରିଲୋଚନମ୍ ।
କାଲକାଲ-ମଂବୁଜାକ୍ଷ-ମକ୍ଷଶୂଲ-ମକ୍ଷରଂ
କାଶିକାପୁରାଧିନାଥ କାଲଭୈରଵଂ ଭଜେ ॥ 2 ॥
ଶୂଲଟଂକ-ପାଶଦଂଡ-ପାଣିମାଦି-କାରଣଂ
ଶ୍ୟାମକାୟ-ମାଦିଦେଵ-ମକ୍ଷରଂ ନିରାମୟମ୍ ।
ଭୀମଵିକ୍ରମଂ ପ୍ରଭୁଂ ଵିଚିତ୍ର ତାଂଡଵ ପ୍ରିୟଂ
କାଶିକାପୁରାଧିନାଥ କାଲଭୈରଵଂ ଭଜେ ॥ 3 ॥
ଭୁକ୍ତି-ମୁକ୍ତି-ଦାୟକଂ ପ୍ରଶସ୍ତଚାରୁ-ଵିଗ୍ରହଂ
ଭକ୍ତଵତ୍ସଲଂ ସ୍ଥିରଂ ସମସ୍ତଲୋକ-ଵିଗ୍ରହମ୍ ।
ନିକ୍ଵଣନ୍-ମନୋଜ୍ଞ-ହେମ-କିଂକିଣୀ-ଲସତ୍କଟିଂ
କାଶିକାପୁରାଧିନାଥ କାଲଭୈରଵଂ ଭଜେ ॥ 4 ॥
ଧର୍ମସେତୁ-ପାଲକଂ ତ୍ଵଧର୍ମମାର୍ଗ ନାଶକଂ
କର୍ମପାଶ-ମୋଚକଂ ସୁଶର୍ମ-ଦାୟକଂ ଵିଭୁମ୍ ।
ସ୍ଵର୍ଣଵର୍ଣ-କେଶପାଶ-ଶୋଭିତାଂଗ-ମଂଡଲଂ
କାଶିକାପୁରାଧିନାଥ କାଲଭୈରଵଂ ଭଜେ ॥ 5 ॥
ରତ୍ନ-ପାଦୁକା-ପ୍ରଭାଭିରାମ-ପାଦୟୁଗ୍ମକଂ
ନିତ୍ୟ-ମଦ୍ଵିତୀୟ-ମିଷ୍ଟ-ଦୈଵତଂ ନିରଂଜନମ୍ ।
ମୃତ୍ୟୁଦର୍ପ-ନାଶନଂ କରାଳଦଂଷ୍ଟ୍ର-ମୋକ୍ଷଣଂ
କାଶିକାପୁରାଧିନାଥ କାଲଭୈରଵଂ ଭଜେ ॥ 6 ॥
ଅଟ୍ଟହାସ-ଭିନ୍ନ-ପଦ୍ମଜାଂଡକୋଶ-ସଂତତିଂ
ଦୃଷ୍ଟିପାତ-ନଷ୍ଟପାପ-ଜାଲମୁଗ୍ର-ଶାସନମ୍ ।
ଅଷ୍ଟସିଦ୍ଧି-ଦାୟକଂ କପାଲମାଲିକା-ଧରଂ
କାଶିକାପୁରାଧିନାଥ କାଲଭୈରଵଂ ଭଜେ ॥ 7 ॥
ଭୂତସଂଘ-ନାୟକଂ ଵିଶାଲକୀର୍ତି-ଦାୟକଂ
କାଶିଵାସି-ଲୋକ-ପୁଣ୍ୟପାପ-ଶୋଧକଂ ଵିଭୁମ୍ ।
ନୀତିମାର୍ଗ-କୋଵିଦଂ ପୁରାତନଂ ଜଗତ୍ପତିଂ
କାଶିକାପୁରାଧିନାଥ କାଲଭୈରଵଂ ଭଜେ ॥ 8 ॥
କାଲଭୈରଵାଷ୍ଟକଂ ପଠଂତି ୟେ ମନୋହରଂ
ଜ୍ଞାନମୁକ୍ତି-ସାଧକଂ ଵିଚିତ୍ର-ପୁଣ୍ୟ-ଵର୍ଧନମ୍ ।
ଶୋକମୋହ-ଲୋଭଦୈନ୍ୟ-କୋପତାପ-ନାଶନଂ
ତେ ପ୍ରୟାଂତି କାଲଭୈରଵାଂଘ୍ରି-ସନ୍ନିଧିଂ ଧ୍ରୁଵମ୍ ॥
ଇତି ଶ୍ରୀମଚ୍ଚଂକରାଚାର୍ୟ ଵିରଚିତଂ କାଲଭୈରଵାଷ୍ଟକଂ ସଂପୂର୍ଣମ୍ ।