ୟଦି ମନ୍ୟସେ ସୁଵେଦେତି ଦହରମେଵାପି
ନୂନଂ ତ୍ଵଂ-ଵେଁତ୍ଥ ବ୍ରହ୍ମଣୋ ରୂପମ୍ ।
ୟଦସ୍ୟ ତ୍ଵଂ-ୟଁଦସ୍ୟ ଦେଵେଷ୍ଵଥ ନୁ
ମୀମାମ୍ସ୍ୟମେଵ ତେ ମନ୍ୟେ ଵିଦିତମ୍ ॥ 1॥
ନାହଂ ମନ୍ୟେ ସୁଵେଦେତି ନୋ ନ ଵେଦେତି ଵେଦ ଚ ।
ୟୋ ନସ୍ତଦ୍ଵେଦ ତଦ୍ଵେଦ ନୋ ନ ଵେଦେତି ଵେଦ ଚ ॥ 2॥
ୟସ୍ୟାମତଂ ତସ୍ୟ ମତଂ ମତଂ-ୟଁସ୍ୟ ନ ଵେଦ ସଃ ।
ଅଵିଜ୍ଞାତଂ-ଵିଁଜାନତାଂ-ଵିଁଜ୍ଞାତମଵିଜାନତାମ୍ ॥ 3॥
ପ୍ରତିବୋଧଵିଦିତଂ ମତମମୃତତ୍ଵଂ ହି ଵିଂଦତେ ।
ଆତ୍ମନା ଵିଂଦତେ ଵୀର୍ୟଂ-ଵିଁଦ୍ୟୟା ଵିଂଦତେଽମୃତମ୍ ॥ 4॥
ଇହ ଚେଦଵେଦୀଦଥ ସତ୍ୟମସ୍ତି
ନ ଚେଦିହାଵେଦୀନ୍ମହତୀ ଵିନଷ୍ଟିଃ ।
ଭୂତେଷୁ ଭୂତେଷୁ ଵିଚିତ୍ୟ ଧୀରାଃ
ପ୍ରେତ୍ୟାସ୍ମାଲ୍ଲୋକାଦମୃତା ଭଵଂତି ॥ 5॥
॥ ଇତି କେନୋପନିଷଦି ଦ୍ଵିତୀୟଃ ଖଂଡଃ ॥