ଚଂଦ୍ରଶେଖର ଚଂଦ୍ରଶେଖର ଚଂଦ୍ରଶେଖର ପାହିମାମ୍ ।
ଚଂଦ୍ରଶେଖର ଚଂଦ୍ରଶେଖର ଚଂଦ୍ରଶେଖର ରକ୍ଷମାମ୍ ॥
ରତ୍ନସାନୁ ଶରାସନଂ ରଜତାଦ୍ରି ଶୃଂଗ ନିକେତନଂ
ଶିଂଜିନୀକୃତ ପନ୍ନଗେଶ୍ଵର ମଚ୍ୟୁତାନଲ ସାୟକମ୍ ।
କ୍ଷିପ୍ରଦଗ୍ଦ ପୁରତ୍ରୟଂ ତ୍ରିଦଶାଲୟୈ-ରଭିଵଂଦିତଂ
ଚଂଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ ॥ 1 ॥
ପଂଚପାଦପ ପୁଷ୍ପଗଂଧ ପଦାଂବୁଜ ଦ୍ଵୟଶୋଭିତଂ
ଫାଲଲୋଚନ ଜାତପାଵକ ଦଗ୍ଧ ମନ୍ମଧ ଵିଗ୍ରହମ୍ ।
ଭସ୍ମଦିଗ୍ଧ କଳେବରଂ ଭଵନାଶନଂ ଭଵ ମଵ୍ୟୟଂ
ଚଂଦ୍ରଶେଖର ଚଂଦ୍ରଶେଖର ଚଂଦ୍ରଶେଖର ରକ୍ଷମାମ୍ ॥ 2 ॥
ମତ୍ତଵାରଣ ମୁଖ୍ୟଚର୍ମ କୃତୋତ୍ତରୀୟ ମନୋହରଂ
ପଂକଜାସନ ପଦ୍ମଲୋଚନ ପୂଜିତାଂଘ୍ରି ସରୋରୁହମ୍ ।
ଦେଵ ସିଂଧୁ ତରଂଗ ଶ୍ରୀକର ସିକ୍ତ ଶୁଭ୍ର ଜଟାଧରଂ
ଚଂଦ୍ରଶେଖର ଚଂଦ୍ରଶେଖର ଚଂଦ୍ରଶେଖର ପାହିମାମ୍ ॥ 3 ॥
ୟକ୍ଷ ରାଜସଖଂ ଭଗାକ୍ଷ ହରଂ ଭୁଜଂଗ ଵିଭୂଷଣମ୍
ଶୈଲରାଜ ସୁତା ପରିଷ୍କୃତ ଚାରୁଵାମ କଳେବରମ୍ ।
କ୍ଷେଳ ନୀଲଗଳଂ ପରଶ୍ଵଧ ଧାରିଣଂ ମୃଗଧାରିଣମ୍
ଚଂଦ୍ରଶେଖର ଚଂଦ୍ରଶେଖର ଚଂଦ୍ରଶେଖର ପାହିମାମ୍ ॥ 4 ॥
କୁଂଡଲୀକୃତ କୁଂଡଲୀଶ୍ଵର କୁଂଡଲଂ ଵୃଷଵାହନଂ
ନାରଦାଦି ମୁନୀଶ୍ଵର ସ୍ତୁତଵୈଭଵଂ ଭୁଵନେଶ୍ଵରମ୍ ।
ଅଂଧକାଂତକ ମାଶ୍ରିତାମର ପାଦପଂ ଶମନାଂତକଂ
ଚଂଦ୍ରଶେଖର ଚଂଦ୍ରଶେଖର ଚଂଦ୍ରଶେଖର ରକ୍ଷମାମ୍ ॥ 5 ॥
ଭେଷଜଂ ଭଵରୋଗିଣା ମଖିଲାପଦା ମପହାରିଣଂ
ଦକ୍ଷୟଜ୍ଞ ଵିନାଶନଂ ତ୍ରିଗୁଣାତ୍ମକଂ ତ୍ରିଵିଲୋଚନମ୍ ।
ଭକ୍ତି ମୁକ୍ତି ଫଲପ୍ରଦଂ ସକଲାଘ ସଂଘ ନିବର୍ହଣଂ
ଚଂଦ୍ରଶେଖର ଚଂଦ୍ରଶେଖର ଚଂଦ୍ରଶେଖର ରକ୍ଷମାମ୍ ॥ 6 ॥
ଭକ୍ତଵତ୍ସଲ-ମର୍ଚିତଂ ନିଧିମକ୍ଷୟଂ ହରିଦଂବରଂ
ସର୍ଵଭୂତ ପତିଂ ପରାତ୍ପର-ମପ୍ରମେୟ ମନୁତ୍ତମମ୍ ।
ସୋମଵାରିନ ଭୂହୁତାଶନ ସୋମ ପାଦ୍ୟଖିଲାକୃତିଂ
ଚଂଦ୍ରଶେଖର ଚଂଦ୍ରଶେଖର ଚଂଦ୍ରଶେଖର ପାହିମାମ୍ ॥ 7 ॥
ଵିଶ୍ଵସୃଷ୍ଟି ଵିଧାୟକଂ ପୁନରେଵପାଲନ ତତ୍ପରଂ
ସଂହରଂ ତମପି ପ୍ରପଂଚ ମଶେଷଲୋକ ନିଵାସିନମ୍ ।
କ୍ରୀଡୟଂତ ମହର୍ନିଶଂ ଗଣନାଥ ୟୂଥ ସମନ୍ଵିତଂ
ଚଂଦ୍ରଶେଖର ଚଂଦ୍ରଶେଖର ଚଂଦ୍ରଶେଖର ରକ୍ଷମାମ୍ ॥ 8 ॥
ମୃତ୍ୟୁଭୀତ ମୃକଂଡୁସୂନୁକୃତସ୍ତଵଂ ଶିଵସନ୍ନିଧୌ
ୟତ୍ର କୁତ୍ର ଚ ୟଃ ପଠେନ୍ନ ହି ତସ୍ୟ ମୃତ୍ୟୁଭୟଂ ଭଵେତ୍ ।
ପୂର୍ଣମାୟୁରରୋଗତାମଖିଲାର୍ଥସଂପଦମାଦରଂ
ଚଂଦ୍ରଶେଖର ଏଵ ତସ୍ୟ ଦଦାତି ମୁକ୍ତିମୟତ୍ନତଃ ॥ 9 ॥