ତେ ଧ୍ୟାନୟୋଗାନୁଗତା ଅପଶ୍ୟନ୍
ତ୍ଵାମେଵ ଦେଵୀଂ ସ୍ଵଗୁଣୈର୍ନିଗୂଢାମ୍ ।
ତ୍ଵମେଵ ଶକ୍ତିଃ ପରମେଶ୍ଵରସ୍ୟ
ମାଂ ପାହି ସର୍ଵେଶ୍ଵରି ମୋକ୍ଷଦାତ୍ରି ॥ 1 ॥
ଦେଵାତ୍ମଶକ୍ତିଃ ଶ୍ରୁତିଵାକ୍ୟଗୀତା
ମହର୍ଷିଲୋକସ୍ୟ ପୁରଃ ପ୍ରସନ୍ନା ।
ଗୁହା ପରଂ ଵ୍ୟୋମ ସତଃ ପ୍ରତିଷ୍ଠା
ମାଂ ପାହି ସର୍ଵେଶ୍ଵରି ମୋକ୍ଷଦାତ୍ରି ॥ 2 ॥
ପରାସ୍ୟ ଶକ୍ତିଃ ଵିଵିଧୈଵ ଶ୍ରୂୟସେ
ଶ୍ଵେତାଶ୍ଵଵାକ୍ୟୋଦିତଦେଵି ଦୁର୍ଗେ ।
ସ୍ଵାଭାଵିକୀ ଜ୍ଞାନବଲକ୍ରିୟା ତେ
ମାଂ ପାହି ସର୍ଵେଶ୍ଵରି ମୋକ୍ଷଦାତ୍ରି ॥ 3 ॥
ଦେଵାତ୍ମଶବ୍ଦେନ ଶିଵାତ୍ମଭୂତା
ୟତ୍କୂର୍ମଵାୟଵ୍ୟଵଚୋଵିଵୃତ୍ୟା
ତ୍ଵଂ ପାଶଵିଚ୍ଛେଦକରୀ ପ୍ରସିଦ୍ଧା
ମାଂ ପାହି ସର୍ଵେଶ୍ଵରି ମୋକ୍ଷଦାତ୍ରି ॥ 4 ॥
ତ୍ଵଂ ବ୍ରହ୍ମପୁଚ୍ଛା ଵିଵିଧା ମୟୂରୀ
ବ୍ରହ୍ମପ୍ରତିଷ୍ଠାସ୍ୟୁପଦିଷ୍ଟଗୀତା ।
ଜ୍ଞାନସ୍ଵରୂପାତ୍ମତୟାଖିଲାନାଂ
ମାଂ ପାହି ସର୍ଵେଶ୍ଵରି ମୋକ୍ଷଦାତ୍ରି ॥ 5 ॥
ଇତି ପରମପୂଜ୍ୟ ଶ୍ରୀ ଚଂଦ୍ରଶେଖରେଂଦ୍ର ସରସ୍ଵତୀ ସ୍ଵାମି କୃତଂ ଦୁର୍ଗା ପଂଚରତ୍ନଂ ସଂପୂର୍ଣମ୍ ।