(କାଳିଦାସ କୃତମ୍)
ଚେଟୀ ଭଵନ୍ନିଖିଲ ଖେଟୀ କଦଂବଵନ ଵାଟୀଷୁ ନାକି ପଟଲୀ
କୋଟୀର ଚାରୁତର କୋଟୀ ମଣୀକିରଣ କୋଟୀ କରଂବିତ ପଦା ।
ପାଟୀରଗଂଧି କୁଚଶାଟୀ କଵିତ୍ଵ ପରିପାଟୀମଗାଧିପ ସୁତା
ଘୋଟୀଖୁରାଦଧିକ ଧାଟୀମୁଦାର ମୁଖ ଵୀଟୀରସେନ ତନୁତାମ୍ ॥ 1 ॥ ଶା ॥
ଦ୍ଵୈପାୟନ ପ୍ରଭୃତି ଶାପାୟୁଧ ତ୍ରିଦିଵ ସୋପାନ ଧୂଳି ଚରଣା
ପାପାପହ ସ୍ଵମନୁ ଜାପାନୁଲୀନ ଜନ ତାପାପନୋଦ ନିପୁଣା ।
ନୀପାଲୟା ସୁରଭି ଧୂପାଲକା ଦୁରିତକୂପାଦୁଦନ୍ଚୟତୁମାମ୍
ରୂପାଧିକା ଶିଖରି ଭୂପାଲ ଵଂଶମଣି ଦୀପାୟିତା ଭଗଵତୀ ॥ 2 ॥ ଶା ॥
ୟାଳୀଭି ରାତ୍ମତନୁତାଲୀନକୃତ୍ପ୍ରିୟକ ପାଳୀଷୁ ଖେଲତି ଭଵା
ଵ୍ୟାଳୀ ନକୁଲ୍ୟସିତ ଚୂଳୀ ଭରା ଚରଣ ଧୂଳୀ ଲସନ୍ମଣିଗଣା ।
ୟାଳୀ ଭୃତି ଶ୍ରଵସି ତାଳୀ ଦଳଂ ଵହତି ୟାଳୀକ ଶୋଭି ତିଲକା
ସାଳୀ କରୋତୁ ମମ କାଳୀ ମନଃ ସ୍ଵପଦ ନାଳୀକ ସେଵନ ଵିଧୌ ॥ 3 ॥ ଶା ॥
ବାଲାମୃତାଂଶୁ ନିଭ ଫାଲାମନା ଗରୁଣ ଚେଲା ନିତଂବ ଫଲକେ
କୋଲାହଲ କ୍ଷପିତ କାଲାମରାକୁଶଲ କୀଲାଲ ଶୋଷଣ ରଵିଃ ।
ସ୍ଥୂଲାକୁଚେ ଜଲଦ ନୀଲାକଚେ କଲିତ ଵୀଲା କଦଂବ ଵିପିନେ
ଶୂଲାୟୁଧ ପ୍ରଣତି ଶୀଲା ଦଧାତୁ ହୃଦି ଶୈଲାଧି ରାଜ ତନୟା ॥ 4 ॥ ଶା ॥
କଂବାଵତୀଵ ସଵିଡଂବା ଗଳେନ ନଵ ତୁଂବାଭ ଵୀଣ ସଵିଧା
ବିଂବାଧରା ଵିନତ ଶଂବାୟୁଧାଦି ନିକୁରୁଂବା କଦଂବ ଵିପିନେ ।
ଅଂବା କୁରଂଗ ମଦଜଂବାଲ ରୋଚି ରିହ ଲଂବାଲକା ଦିଶତୁ ମେ
ଶଂ ବାହୁଲେୟ ଶଶି ବିଂବାଭି ରାମ ମୁଖ ସଂବାଧିତା ସ୍ତନ ଭରା ॥ 5 ॥ ଶା ॥
ଦାସାୟମାନ ସୁମହାସା କଦଂବଵନ ଵାସା କୁସୁଂଭ ସୁମନୋ
ଵାସା ଵିପଂଚି କୃତ ରାସା ଵିଧୂତ ମଧୁ ମାସାରଵିଂଦ ମଧୁରା ।
କାସାର ସୂନ ତତି ଭାସାଭିରାମ ତନୁ ରାସାର ଶୀତ କରୁଣା
ନାସା ମଣି ପ୍ରଵର ଭାସା ଶିଵା ତିମିର ମାସାୟେ ଦୁପରତିମ୍ ॥ 6 ॥ ଶା ॥
ନ୍ୟଂକାକରେ ଵପୁଷି କଂକାଳ ରକ୍ତ ପୁଷି କଂକାଦି ପକ୍ଷି ଵିଷୟେ
ତ୍ଵଂ କାମନା ମୟସି କିଂ କାରଣଂ ହୃଦୟ ପଂକାରି ମେ ହି ଗିରିଜାମ୍ ।
ଶଂକାଶିଲା ନିଶିତ ଟଂକାୟମାନ ପଦ ସଂକାଶମାନ ସୁମନୋ
ଝଂକାରି ଭୃଂଗତତି ମଂକାନୁପେତ ଶଶି ସଂକାଶ ଵକ୍ତ୍ର କମଲାମ୍ ॥ 7 ॥ ଶା ॥
ଜଂଭାରି କୁଂଭି ପୃଥୁ କୁଂଭାପହାସି କୁଚ ସଂଭାଵ୍ୟ ହାର ଲତିକା
ରଂଭା କରୀଂଦ୍ର କର ଦଂଭାପହୋରୁଗତି ଡିଂଭାନୁରଂଜିତ ପଦା ।
ଶଂଭା ଉଦାର ପରିରଂଭାଂକୁରତ୍ ପୁଲକ ଦଂଭାନୁରାଗ ପିଶୁନା
ଶଂ ଭାସୁରାଭରଣ ଗୁଂଭା ସଦା ଦିଶତୁ ଶୁଂଭାସୁର ପ୍ରହରଣା ॥ 8 ॥ ଶା ॥
ଦାକ୍ଷାୟଣୀ ଦନୁଜ ଶିକ୍ଷା ଵିଧୌ ଵିକୃତ ଦୀକ୍ଷା ମନୋହର ଗୁଣା
ଭିକ୍ଷାଶିନୋ ନଟନ ଵୀକ୍ଷା ଵିନୋଦ ମୁଖି ଦକ୍ଷାଧ୍ଵର ପ୍ରହରଣା ।
ଵୀକ୍ଷାଂ ଵିଧେହି ମୟି ଦକ୍ଷା ସ୍ଵକୀୟ ଜନ ପକ୍ଷା ଵିପକ୍ଷ ଵିମୁଖୀ
ୟକ୍ଷେଶ ସେଵିତ ନିରାକ୍ଷେପ ଶକ୍ତି ଜୟ ଲକ୍ଷାଵଧାନ କଲନା ॥ 9 ॥ ଶା ॥
ଵଂଦାରୁ ଲୋକ ଵର ସଂଧାୟିନୀ ଵିମଲ କୁଂଦାଵଦାତ ରଦନା
ବୃଂଦାରୁ ବୃଂଦ ମଣି ବୃଂଦାରଵିଂଦ ମକରଂଦାଭିଷିକ୍ତ ଚରଣା ।
ମଂଦାନିଲା କଲିତ ମଂଦାର ଦାମଭିରମଂଦାଭିରାମ ମକୁଟା
ମଂଦାକିନୀ ଜଵନ ଭିଂଦାନ ଵାଚମରଵିଂଦାନନା ଦିଶତୁ ମେ ॥ 10 ॥ ଶା ॥
ୟତ୍ରାଶୟୋ ଲଗତି ତତ୍ରାଗଜା ଭଵତୁ କୁତ୍ରାପି ନିସ୍ତୁଲ ଶୁକା
ସୁତ୍ରାମ କାଲ ମୁଖ ସତ୍ରାସକପ୍ରକର ସୁତ୍ରାଣ କାରି ଚରଣା ।
ଛତ୍ରାନିଲାତିରୟ ପତ୍ତ୍ରାଭିଭିରାମ ଗୁଣ ମିତ୍ରାମରୀ ସମ ଵଧୂଃ
କୁ ତ୍ରାସହୀନ ମଣି ଚିତ୍ରାକୃତି ସ୍ଫୁରିତ ପୁତ୍ରାଦି ଦାନ ନିପୁଣା ॥ 11 ॥ ଶା ॥
କୂଲାତିଗାମି ଭୟ ତୂଲାଵଳିଜ୍ଵଲନକୀଲା ନିଜସ୍ତୁତି ଵିଧା
କୋଲାହଲକ୍ଷପିତ କାଲାମରୀ କୁଶଲ କୀଲାଲ ପୋଷଣ ରତା ।
ସ୍ଥୂଲାକୁଚେ ଜଲଦ ନୀଲାକଚେ କଲିତ ଲୀଲା କଦଂବ ଵିପିନେ
ଶୂଲାୟୁଧ ପ୍ରଣତି ଶୀଲା ଵିଭାତୁ ହୃଦି ଶୈଲାଧିରାଜ ତନୟା ॥ 12 ॥ ଶା ॥
ଇଂଧାନ କୀର ମଣିବଂଧା ଭଵେ ହୃଦୟବଂଧା ଵତୀଵ ରସିକା
ସଂଧାଵତୀ ଭୁଵନ ସଂଧାରଣେ ପ୍ୟମୃତ ସିଂଧାଵୁଦାର ନିଲୟା ।
ଗଂଧାନୁଭାଵ ମୁହୁରଂଧାଲି ପୀତ କଚ ବଂଧା ସମର୍ପୟତୁ ମେ
ଶଂ ଧାମ ଭାନୁମପି ରୁଂଧାନ ମାଶୁ ପଦ ସଂଧାନ ମପ୍ୟନୁଗତା ॥ 13 ॥ ଶା ॥