ଓଂ ଦୁର୍ଗା, ଦୁର୍ଗାର୍ତି ଶମନୀ, ଦୁର୍ଗାପଦ୍ଵିନିଵାରିଣୀ ।
ଦୁର୍ଗାମଚ୍ଛେଦିନୀ, ଦୁର୍ଗସାଧିନୀ, ଦୁର୍ଗନାଶିନୀ ॥
ଦୁର୍ଗତୋଦ୍ଧାରିଣୀ, ଦୁର୍ଗନିହଂତ୍ରୀ, ଦୁର୍ଗମାପହା ।
ଦୁର୍ଗମଜ୍ଞାନଦା, ଦୁର୍ଗ ଦୈତ୍ୟଲୋକଦଵାନଲା ॥
ଦୁର୍ଗମା, ଦୁର୍ଗମାଲୋକା, ଦୁର୍ଗମାତ୍ମସ୍ଵରୂପିଣୀ ।
ଦୁର୍ଗମାର୍ଗପ୍ରଦା, ଦୁର୍ଗମଵିଦ୍ୟା, ଦୁର୍ଗମାଶ୍ରିତା ॥
ଦୁର୍ଗମଜ୍ଞାନସଂସ୍ଥାନା, ଦୁର୍ଗମଧ୍ୟାନଭାସିନୀ ।
ଦୁର୍ଗମୋହା, ଦୁର୍ଗମଗା, ଦୁର୍ଗମାର୍ଥସ୍ଵରୂପିଣୀ ॥
ଦୁର୍ଗମାସୁରସଂହଂତ୍ରୀ, ଦୁର୍ଗମାୟୁଧଧାରିଣୀ ।
ଦୁର୍ଗମାଂଗୀ, ଦୁର୍ଗମାତା, ଦୁର୍ଗମ୍ୟା, ଦୁର୍ଗମେଶ୍ଵରୀ ॥
ଦୁର୍ଗଭୀମା, ଦୁର୍ଗଭାମା, ଦୁର୍ଲଭା, ଦୁର୍ଗଧାରିଣୀ ।
ନାମାଵଳିମିଦଂ ୟସ୍ତୁ ଦୁର୍ଗାୟା ସୁ ଧୀ ମାନଵଃ ।
ପଠେତ୍ସର୍ଵଭୟାନ୍ମୁକ୍ତୋ ଭଵିଷ୍ୟତି ନ ସଂଶୟଃ ॥
ଶତ୍ରୁଭିଃ ପୀଡ୍ୟମନୋ ଵା ଦୁର୍ଗବଂଧଗତୋପି ଵା ।
ଦ୍ଵାତ୍ରିଂଶନ୍ନାମପାଠେନ ମୁଚ୍ୟତେ ନାତ୍ର ସଂଶୟଃ ॥