ଈଶ୍ଵର ଉଵାଚ ।
ଶୃଣୁ ଦେଵି ପ୍ରଵକ୍ଷ୍ୟାମି କଵଚଂ ସର୍ଵସିଦ୍ଧିଦମ୍ ।
ପଠିତ୍ଵା ପାଠୟିତ୍ଵା ଚ ନରୋ ମୁଚ୍ୟେତ ସଂକଟାତ୍ ॥ 1 ॥
ଅଜ୍ଞାତ୍ଵା କଵଚଂ ଦେଵି ଦୁର୍ଗାମଂତ୍ରଂ ଚ ୟୋ ଜପେତ୍ ।
ନ ଚାପ୍ନୋତି ଫଲଂ ତସ୍ୟ ପରଂ ଚ ନରକଂ ଵ୍ରଜେତ୍ ॥ 2 ॥
ଉମାଦେଵୀ ଶିରଃ ପାତୁ ଲଲାଟେ ଶୂଲଧାରିଣୀ ।
ଚକ୍ଷୁଷୀ ଖେଚରୀ ପାତୁ କର୍ଣୌ ଚତ୍ଵରଵାସିନୀ ॥ 3 ॥
ସୁଗଂଧା ନାସିକଂ ପାତୁ ଵଦନଂ ସର୍ଵଧାରିଣୀ ।
ଜିହ୍ଵାଂ ଚ ଚଂଡିକାଦେଵୀ ଗ୍ରୀଵାଂ ସୌଭଦ୍ରିକା ତଥା ॥ 4 ॥
ଅଶୋକଵାସିନୀ ଚେତୋ ଦ୍ଵୌ ବାହୂ ଵଜ୍ରଧାରିଣୀ ।
ହୃଦୟଂ ଲଲିତାଦେଵୀ ଉଦରଂ ସିଂହଵାହିନୀ ॥ 5 ॥
କଟିଂ ଭଗଵତୀ ଦେଵୀ ଦ୍ଵାଵୂରୂ ଵିଂଧ୍ୟଵାସିନୀ ।
ମହାବଲା ଚ ଜଂଘେ ଦ୍ଵେ ପାଦୌ ଭୂତଲଵାସିନୀ ॥ 6 ॥
ଏଵଂ ସ୍ଥିତାଽସି ଦେଵି ତ୍ଵଂ ତ୍ରୈଲୋକ୍ୟେ ରକ୍ଷଣାତ୍ମିକା ।
ରକ୍ଷ ମାଂ ସର୍ଵଗାତ୍ରେଷୁ ଦୁର୍ଗେ ଦେଵି ନମୋଽସ୍ତୁ ତେ ॥ 7 ॥