ତୈତ୍ତିରୀୟ ସଂହିତା – 1.5.3
ତୈତ୍ତିରୀୟ ବ୍ରାହ୍ମଣମ୍ – 3.1.2
ଓମ୍ ॥ ଓଂ ଭୂମି॑ର୍ଭୂ॒ମ୍ନା ଦ୍ୟୌର୍ଵ॑ରି॒ଣାଽଂତରି॑କ୍ଷଂ ମହି॒ତ୍ଵା ।
ଉ॒ପସ୍ଥେ॑ ତେ ଦେଵ୍ୟଦିତେ॒ଽଗ୍ନିମ॑ନ୍ନା॒ଦ-ମ॒ନ୍ନାଦ୍ୟା॒ୟାଦ॑ଧେ ॥
ଆଽୟଂଗୌଃ ପୃଶ୍ଞି॑ରକ୍ରମୀ॒-ଦସ॑ନନ୍ମା॒ତରଂ॒ ପୁନଃ॑ ।
ପି॒ତରଂ॑ ଚ ପ୍ର॒ୟଂଥ୍-ସୁଵଃ॑ ॥
ତ୍ରି॒ଗ୍ମ୍॒ଶଦ୍ଧାମ॒ ଵିରା॑ଜତି॒ ଵାକ୍ପ॑ତଂ॒ଗାୟ॑ ଶିଶ୍ରିୟେ ।
ପ୍ରତ୍ୟ॑ସ୍ୟ ଵହ॒ଦ୍ୟୁଭିଃ॑ ॥
ଅ॒ସ୍ୟ ପ୍ରା॒ଣାଦ॑ପାନ॒ତ୍ୟଂ॑ତଶ୍ଚ॑ରତି ରୋଚ॒ନା ।
ଵ୍ୟ॑ଖ୍ୟନ୍-ମହି॒ଷଃ ସୁଵଃ॑ ॥
ୟତ୍ତ୍ଵା᳚ କ୍ରୁ॒ଦ୍ଧଃ ପ॑ରୋ॒ଵପ॑ମ॒ନ୍ୟୁନା॒ ୟଦଵ॑ର୍ତ୍ୟା ।
ସୁ॒କଲ୍ପ॑ମଗ୍ନେ॒ ତତ୍ତଵ॒ ପୁନ॒ସ୍ତ୍ଵୋଦ୍ଦୀ॑ପୟାମସି ॥
ୟତ୍ତେ॑ ମ॒ନ୍ୟୁପ॑ରୋପ୍ତସ୍ୟ ପୃଥି॒ଵୀ-ମନୁ॑ଦଧ୍ଵ॒ସେ ।
ଆ॒ଦି॒ତ୍ୟା ଵିଶ୍ଵେ॒ ତଦ୍ଦେ॒ଵା ଵସ॑ଵଶ୍ଚ ସ॒ମାଭ॑ରନ୍ନ୍ ॥
ମେ॒ଦିନୀ॑ ଦେ॒ଵୀ ଵ॒ସୁଂଧ॑ରା ସ୍ୟା॒ଦ୍ଵସୁ॑ଧା ଦେ॒ଵୀ ଵା॒ସଵୀ᳚ ।
ବ୍ର॒ହ୍ମ॒ଵ॒ର୍ଚ॒ସଃ ପି॑ତୃ॒ଣାଂ ଶ୍ରୋତ୍ରଂ॒ ଚକ୍ଷୁ॒ର୍ମନଃ॑ ॥
ଦେ॒ଵୀ ହି॑ରଣ୍ୟଗ॒ର୍ଭିଣୀ॑ ଦେ॒ଵୀ ପ୍ର॑ସୋ॒ଦରୀ᳚ ।
ସଦ॑ନେ ସ॒ତ୍ୟାୟ॑ନେ ସୀଦ ।
ସ॒ମୁ॒ଦ୍ରଵ॑ତୀ ସାଵି॒ତ୍ରୀ ଆହ॒ନୋ ଦେ॒ଵୀ ମ॒ହ୍ୟଂ॑ଗୀ᳚ ।
ମ॒ହୋ ଧର॑ଣୀ ମ॒ହୋଽତ୍ୟ॑ତିଷ୍ଠତ୍ ॥
ଶୃଂ॒ଗେ ଶୃଂ॑ଗେ ୟ॒ଜ୍ଞେ ୟ॑ଜ୍ଞେ ଵିଭୀ॒ଷଣୀ᳚ ଇଂଦ୍ର॑ପତ୍ନୀ ଵ୍ୟା॒ପିନୀ॒ ସର॑ସିଜ ଇ॒ହ ।
ଵା॒ୟୁ॒ମତୀ॑ ଜ॒ଲଶୟ॑ନୀ ସ୍ଵ॒ୟଂ ଧା॒ରାଜା॑ ସ॒ତ୍ୟଂତୋ॒ ପରି॑ମେଦିନୀ
ସୋ॒ପରି॑ଧତ୍ତଂଗାୟ ॥
ଵି॒ଷ୍ଣୁ॒ପ॒ତ୍ନୀଂ ମ॑ହୀଂ ଦେ॒ଵୀଂ᳚ ମା॒ଧ॒ଵୀଂ ମା॑ଧଵ॒ପ୍ରିୟାମ୍ ।
ଲକ୍ଷ୍ମୀଂ᳚ ପ୍ରିୟସ॑ଖୀଂ ଦେ॒ଵୀଂ॒ ନ॒ମା॒ମ୍ୟଚ୍ୟୁ॑ତଵ॒ଲ୍ଲଭାମ୍ ॥
ଓଂ ଧ॒ନୁ॒ର୍ଧ॒ରାୟୈ॑ ଵି॒ଦ୍ମହେ॑ ସର୍ଵସି॒ଦ୍ଧ୍ୟୈ ଚ॑ ଧୀମହି ।
ତନ୍ନୋ॑ ଧରା ପ୍ରଚୋ॒ଦୟା᳚ତ୍ ।
ଶୃ॒ଣ୍ଵଂତି॑ ଶ୍ରୋ॒ଣାମମୃତ॑ସ୍ୟ ଗୋ॒ପାଂ ପୁଣ୍ୟା॑ମସ୍ୟା॒ ଉପ॑ଶୃଣୋମି॒ ଵାଚ᳚ମ୍ ।
ମ॒ହୀଂଦେ॒ଵୀଂ-ଵିଁଷ୍ଣୁ॑ପତ୍ନୀ ମଜୂ॒ର୍ୟାଂ ପ୍ରତୀ॒ଚୀ॑ମେନାଗ୍ମ୍ ହ॒ଵିଷା॑ ୟଜାମଃ ॥
ତ୍ରେ॒ଧା ଵିଷ୍ଣୁ॑-ରୁରୁଗା॒ୟୋ ଵିଚ॑କ୍ରମେ ମ॒ହୀଂ ଦିଵଂ॑ ପୃଥି॒ଵୀ-ମଂ॒ତରି॑କ୍ଷମ୍ ।
ତଚ୍ଛ୍ରୋ॒ଣୈତ୍ରିଶଵ॑ ଇ॒ଚ୍ଛମା॑ନା ପୁଣ୍ୟ॒ଗ୍ଗ୍॒ ଶ୍ଲୋକଂ॒-ୟଁଜ॑ମାନାୟ କୃଣ୍ଵ॒ତୀ ॥
ସ୍ୟୋ॒ନାପୃ॑ଥିଵି॒ଭଵା॑ନୃକ୍ଷ॒ରାନି॒ଵେଶ॑ନୀ ୟଚ୍ଛା॑ନ॒ଶ୍ଶର୍ମ॑ ସ॒ପ୍ରଥାଃ᳚ ॥
ଅଦି॑ତିର୍ଦେ॒ଵା ଗଂ॑ଧ॒ର୍ଵା ମ॑ନୁ॒ଷ୍ୟାଃ᳚ ପି॒ତରୋ ସୁ॑ରାସ୍ତେଷାଗ୍ମ୍ ସ॒ର୍ଵ ଭୂ॒ତା॒ନାଂ᳚ ମା॒ତା ମେ॒ଦିନୀ॑ ମହତା ମ॒ହୀ ।
ସାଵି॒ତ୍ରୀ ଗା॑ୟ॒ତ୍ରୀ ଜଗ॑ତ୍ୟୁ॒ର୍ଵୀ ପୃ॒ଥ୍ଵୀ ବ॑ହୁଲା॒ ଵିଶ୍ଵା॑ ଭୂ॒ତାକ॒ତମାକାୟାସା ସ॒ତ୍ୟେତ୍ୟ॒ମୃତେ॑ତି ଵସି॒ଷ୍ଠଃ ॥
ଇକ୍ଷୁଶାଲିୟଵସସ୍ୟଫଲାଢ୍ୟେ ପାରିଜାତ ତରୁଶୋଭିତମୂଲେ ।
ସ୍ଵର୍ଣ ରତ୍ନ ମଣି ମଂଟପ ମଧ୍ୟେ ଚିଂତୟେତ୍ ସକଲ ଲୋକଧରିତ୍ରୀମ୍ ॥
ଶ୍ୟାମାଂ-ଵିଁଚିତ୍ରାଂ ନଵରତ୍ନ ଭୂଷିତାଂ ଚତୁର୍ଭୁଜାଂ ତୁଂଗପୟୋଧରାନ୍ଵିତାମ୍ ।
ଇଂଦୀଵରାକ୍ଷୀଂ ନଵଶାଲି ମଂଜରୀଂ ଶୁକଂ ଦଧାନାଂ ଶରଣଂ ଭଜାମହେ ॥
ସକ୍ତୁ॑ମିଵ॒ ତିତ॑ଉନା ପୁନଂତୋ॒ ୟତ୍ର॒ ଧୀରା॒ ମନ॑ସା॒ ଵାଚ॒ ମକ୍ର॑ତ ।
ଅତ୍ରା॒ ସଖା᳚ସ୍ସ॒ଖ୍ୟାନି॑ ଜାନତେ ଭ॒ଦ୍ରୈଷାଂ᳚-ଲଁ॒କ୍ଷ୍ମୀର୍ନି॑ହି॒ତାଧି॑ଵା॒ଚି ॥
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥