ଋଗ୍ଵେଦ ସଂହିତା; ମଂଡଲଂ 10; ସୂକ୍ତଂ 83,84
ୟସ୍ତେ᳚ ମ॒ନ୍ୟୋଽଵି॑ଧଦ୍ ଵଜ୍ର ସାୟକ॒ ସହ॒ ଓଜଃ॑ ପୁଷ୍ୟତି॒ ଵିଶ୍ଵ॑ମାନୁ॒ଷକ୍ ।
ସା॒ହ୍ୟାମ॒ ଦାସ॒ମାର୍ୟଂ॒ ତ୍ଵୟା᳚ ୟୁ॒ଜା ସହ॑ସ୍କୃତେନ॒ ସହ॑ସା॒ ସହ॑ସ୍ଵତା ॥ 1 ॥
ମ॒ନ୍ୟୁରିଂଦ୍ରୋ᳚ ମ॒ନ୍ୟୁରେ॒ଵାସ॑ ଦେ॒ଵୋ ମ॒ନ୍ୟୁର୍ ହୋତା॒ ଵରୁ॑ଣୋ ଜା॒ତଵେ᳚ଦାଃ ।
ମ॒ନ୍ୟୁଂ-ଵିଁଶ॑ ଈଳତେ॒ ମାନୁ॑ଷୀ॒ର୍ୟାଃ ପା॒ହି ନୋ᳚ ମନ୍ୟୋ॒ ତପ॑ସା ସ॒ଜୋଷାଃ᳚ ॥ 2 ॥
ଅ॒ଭୀ᳚ହି ମନ୍ୟୋ ତ॒ଵସ॒ସ୍ତଵୀ᳚ୟା॒ନ୍ ତପ॑ସା ୟୁ॒ଜା ଵି ଜ॑ହି ଶତ୍ରୂ᳚ନ୍ ।
ଅ॒ମି॒ତ୍ର॒ହା ଵୃ॑ତ୍ର॒ହା ଦ॑ସ୍ୟୁ॒ହା ଚ॒ ଵିଶ୍ଵା॒ ଵସୂ॒ନ୍ୟା ଭ॑ରା॒ ତ୍ଵଂ ନଃ॑ ॥ 3 ॥
ତ୍ଵଂ ହି ମ᳚ନ୍ୟୋ ଅ॒ଭିଭୂ᳚ତ୍ୟୋଜାଃ ସ୍ଵୟଂ॒ଭୂର୍ଭାମୋ᳚ ଅଭିମାତିଷା॒ହଃ ।
ଵି॒ଶ୍ଵଚ॑ର୍-ଷଣିଃ॒ ସହୁ॑ରିଃ॒ ସହା᳚ଵାନ॒ସ୍ମାସ୍ଵୋଜଃ॒ ପୃତ॑ନାସୁ ଧେହି ॥ 4 ॥
ଅ॒ଭା॒ଗଃ ସନ୍ନପ॒ ପରେ᳚ତୋ ଅସ୍ମି॒ ତଵ॒ କ୍ରତ୍ଵା᳚ ତଵି॒ଷସ୍ୟ॑ ପ୍ରଚେତଃ ।
ତଂ ତ୍ଵା᳚ ମନ୍ୟୋ ଅକ୍ର॒ତୁର୍ଜି॑ହୀଳା॒ହଂ ସ୍ଵାତ॒ନୂର୍ବ॑ଲ॒ଦେୟା᳚ୟ॒ ମେହି॑ ॥ 5 ॥
ଅ॒ୟଂ ତେ᳚ ଅ॒ସ୍ମ୍ୟୁପ॒ ମେହ୍ୟ॒ର୍ଵାଙ୍ ପ୍ର॑ତୀଚୀ॒ନଃ ସ॑ହୁରେ ଵିଶ୍ଵଧାୟଃ ।
ମନ୍ୟୋ᳚ ଵଜ୍ରିନ୍ନ॒ଭି ମାମା ଵ॑ଵୃତ୍ସ୍ଵହନା᳚ଵ॒ ଦସ୍ୟୂ᳚ନ୍ ଋ॒ତ ବୋ᳚ଧ୍ୟା॒ପେଃ ॥ 6 ॥
ଅ॒ଭି ପ୍ରେହି॑ ଦକ୍ଷିଣ॒ତୋ ଭ॑ଵା॒ ମେଽଧା᳚ ଵୃ॒ତ୍ରାଣି॑ ଜଂଘନାଵ॒ ଭୂରି॑ ।
ଜୁ॒ହୋମି॑ ତେ ଧ॒ରୁଣଂ॒ ମଧ୍ଵୋ॒ ଅଗ୍ର॑ମୁଭା ଉ॑ପାଂ॒ଶୁ ପ୍ର॑ଥ॒ମା ପି॑ବାଵ ॥ 7 ॥
ତ୍ଵୟା᳚ ମନ୍ୟୋ ସ॒ରଥ॑ମାରୁ॒ଜଂତୋ॒ ହର୍ଷ॑ମାଣାସୋ ଧୃଷି॒ତା ମ॑ରୁତ୍ଵଃ ।
ତି॒ଗ୍ମେଷ॑ଵ॒ ଆୟୁ॑ଧା ସଂ॒ଶିଶା᳚ନା ଅ॒ଭି ପ୍ରୟଂ᳚ତୁ॒ ନରୋ᳚ ଅ॒ଗ୍ନିରୂ᳚ପାଃ ॥ 8 ॥
ଅ॒ଗ୍ନିରି॑ଵ ମନ୍ୟୋ ତ୍ଵିଷି॒ତଃ ସ॑ହସ୍ଵ ସେନା॒ନୀର୍ନଃ॑ ସହୁରେ ହୂ॒ତ ଏ᳚ଧି ।
ହ॒ତ୍ଵାୟ॒ ଶତ୍ରୂ॒ନ୍ ଵି ଭ॑ଜସ୍ଵ॒ ଵେଦ॒ ଓଜୋ॒ ମିମା᳚ନୋ॒ ଵିମୃଧୋ᳚ ନୁଦସ୍ଵ ॥ 9 ॥
ସହ॑ସ୍ଵ ମନ୍ୟୋ ଅ॒ଭିମା᳚ତିମ॒ସ୍ମେ ରୁ॒ଜନ୍ ମୃ॒ଣନ୍ ପ୍ର॑ମୃ॒ଣନ୍ ପ୍ରେହି॒ ଶତ୍ରୂ᳚ନ୍ ।
ଉ॒ଗ୍ରଂ ତେ॒ ପାଜୋ᳚ ନ॒ନ୍ଵା ରୁ॑ରୁଧ୍ରେ ଵ॒ଶୀ ଵଶଂ᳚ ନୟସ ଏକଜ॒ ତ୍ଵମ୍ ॥ 10 ॥
ଏକୋ᳚ ବହୂ॒ନାମ॑ସି ମନ୍ୟଵୀଳି॒ତୋ ଵିଶଂ᳚ଵିଁଶଂ-ୟୁଁ॒ଧୟେ॒ ସଂ ଶି॑ଶାଧି ।
ଅକୃ॑ତ୍ତରୁ॒କ୍ ତ୍ଵୟା᳚ ୟୁ॒ଜା ଵ॒ୟଂ ଦ୍ୟୁ॒ମଂତଂ॒ ଘୋଷଂ᳚-ଵିଁଜ॒ୟାୟ॑ କୃଣ୍ମହେ ॥ 11 ॥
ଵି॒ଜେ॒ଷ॒କୃଦିଂଦ୍ର॑ ଇଵାନଵବ୍ର॒ଵୋ॒(ଓ)3॑ଽସ୍ମାକଂ᳚ ମନ୍ୟୋ ଅଧି॒ପା ଭ॑ଵେ॒ହ ।
ପ୍ରି॒ୟଂ ତେ॒ ନାମ॑ ସହୁରେ ଗୃଣୀମସି ଵି॒ଦ୍ମାତମୁତ୍ସଂ॒-ୟଁତ॑ ଆବ॒ଭୂଥ॑ ॥ 12 ॥
ଆଭୂ᳚ତ୍ୟା ସହ॒ଜା ଵ॑ଜ୍ର ସାୟକ॒ ସହୋ᳚ ବିଭର୍ଷ୍ୟଭିଭୂତ॒ ଉତ୍ତ॑ରମ୍ ।
କ୍ରତ୍ଵା᳚ ନୋ ମନ୍ୟୋ ସ॒ହମେ॒ଦ୍ୟେ᳚ଧି ମହାଧ॒ନସ୍ୟ॑ ପୁରୁହୂତ ସଂ॒ସୃଜି॑ ॥ 13 ॥
ସଂସୃ॑ଷ୍ଟଂ॒ ଧନ॑ମୁ॒ଭୟଂ᳚ ସ॒ମାକୃ॑ତମ॒ସ୍ମଭ୍ୟଂ᳚ ଦତ୍ତାଂ॒-ଵଁରୁ॑ଣଶ୍ଚ ମ॒ନ୍ୟୁଃ ।
ଭିୟଂ॒ ଦଧା᳚ନା॒ ହୃଦ॑ୟେଷୁ॒ ଶତ୍ର॑ଵଃ॒ ପରା᳚ଜିତାସୋ॒ ଅପ॒ ନିଲ॑ୟଂତାମ୍ ॥ 14 ॥
ଧନ୍ଵ॑ନା॒ଗାଧନ୍ଵ॑ ନା॒ଜିଂଜ॑ୟେମ॒ ଧନ୍ଵ॑ନା ତୀ॒ଵ୍ରାଃ ସ॒ମଦୋ᳚ ଜୟେମ ।
ଧନୁଃ ଶତ୍ରୋ᳚ରପକା॒ମଂ କୃ॑ଣୋତି॒ ଧନ୍ଵ॑ ନା॒ସର୍ଵାଃ᳚ ପ୍ର॒ଦିଶୋ᳚ ଜୟେମ ॥
ଭ॒ଦ୍ରଂ ନୋ॒ ଅପି॑ ଵାତୟ॒ ମନଃ॑ ॥
ଓଂ ଶାଂତା॑ ପୃଥିଵୀ ଶି॑ଵମଂ॒ତରିକ୍ଷଂ॒ ଦ୍ୟୌର୍ନୋ᳚ ଦେ॒ଵ୍ୟଽଭ॑ୟନ୍ନୋ ଅସ୍ତୁ ।
ଶି॒ଵା॒ ଦିଶଃ॑ ପ୍ର॒ଦିଶ॑ ଉ॒ଦ୍ଦିଶୋ᳚ ନ॒ଽଆପୋ᳚ ଵି॒ଶ୍ଵତଃ॒ ପରି॑ପାଂତୁ ସ॒ର୍ଵତଃ॒ ଶାଂତିଃ॒ ଶାଂତିଃ॒ ଶାଂତିଃ॑ ॥