ଵଂଦେ ଭାରତମାତରଂ ଵଦ, ଭାରତ ! ଵଂଦେ ମାତରଂ
ଵଂଦେ ମାତରଂ, ଵଂଦେ ମାତରଂ, ଵଂଦେ ମାତରମ୍ ॥
ଜନ୍ମଭୂରିୟଂ ଵୀରଵରାଣାଂ ତ୍ୟାଗଧନାନାଂ ଧୀରାଣାଂ
ମାତୃଭୂମୟେ ଲୋକହିତାୟ ଚ ନିତ୍ୟସମର୍ପିତଚିତ୍ତାନାମ୍ ।
ଜିତକୋପାନାଂ କୃତକୃତ୍ୟାନାଂ ଵିତ୍ତଂ ତୃଣଵଦ୍ ଦୃଷ୍ଟଵତାଂ
ମାତୃସେଵନାଦାତ୍ମଜୀଵନେ ସାର୍ଥକତାମାନୀତଵତାମ୍ ॥ 1 ॥
ଗ୍ରାମେ ଗ୍ରାମେ କର୍ମଦେଶିକାସ୍ତତ୍ତ୍ଵଵେଦିନୋ ଧର୍ମରତାଃ ।
ଅର୍ଥସଂଚୟସ୍ତ୍ୟାଗହେତୁକୋ ଧର୍ମସମ୍ମତଃ କାମ ଇହ ।
ନଶ୍ଵରବୁଦ୍ଧିଃ କ୍ଷଣପରିଵର୍ତିନି କାୟେ, ଆତ୍ମନ୍ୟାଦରଧୀଃ
ଜାତୋ ୟତ୍ର ହି ସ୍ଵସ୍ୟ ଜନ୍ମନା ଧନ୍ୟଂ ମନ୍ୟତ ଆତ୍ମାନମ୍ ॥ 2 ॥
ମାତସ୍ତ୍ଵତ୍ତୋ ଵିତ୍ତଂ ଚିତ୍ତଂ ସ୍ଵତ୍ଵଂ ପ୍ରତିଭା ଦେହବଲଂ
ନାହଂ କର୍ତା, କାରୟସି ତ୍ଵଂ, ନିଃସ୍ପୃହତା ମମ କର୍ମଫଲେ ।
ଅର୍ପିତମେତଜ୍ଜୀଵନପୁଷ୍ପଂ ମାତସ୍ତଵ ଶୁଭପାଦପଲେ
ନାନ୍ୟୋ ମଂତ୍ରୋ ନାନ୍ୟଚିଂତନଂ ନାନ୍ୟଦ୍ଦେଶହିତାଦ୍ଧି ୠତେ ॥ 3 ॥
ରଚନ: ଶ୍ରୀ ଜନାର୍ଦନ ହେଗ୍ଡେ