ଵିନାୟକୋ ଵିଘ୍ନରାଜୋ ଗୌରୀପୁତ୍ରୋ ଗଣେଶ୍ଵରଃ ।
ସ୍କଂଦାଗ୍ରଜୋଽଵ୍ୟୟଃ ପୂତୋ ଦକ୍ଷୋଽଧ୍ୟକ୍ଷୋ ଦ୍ଵିଜପ୍ରିୟଃ ॥ 1 ॥
ଅଗ୍ନିଗର୍ଵଚ୍ଛିଦିଂଦ୍ରଶ୍ରୀପ୍ରଦୋ ଵାଣୀପ୍ରଦାୟକଃ ।
ସର୍ଵସିଦ୍ଧିପ୍ରଦଃ ଶର୍ଵତନୟଃ ଶର୍ଵରୀପ୍ରିୟଃ ॥ 2 ॥
ସର୍ଵାତ୍ମକଃ ସୃଷ୍ଟିକର୍ତା ଦେଵାନୀକାର୍ଚିତଃ ଶିଵଃ ।
ସିଦ୍ଧିବୁଦ୍ଧିପ୍ରଦଃ ଶାଂତୋ ବ୍ରହ୍ମଚାରୀ ଗଜାନନଃ ॥ 3 ॥
ଦ୍ଵୈମାତୁରୋ ମୁନିସ୍ତୁତ୍ୟୋ ଭକ୍ତଵିଘ୍ନଵିନାଶନଃ ।
ଏକଦଂତଶ୍ଚତୁର୍ବାହୁଶ୍ଚତୁରଃ ଶକ୍ତିସଂୟୁତଃ ॥ 4 ॥
ଲଂବୋଦରଃ ଶୂର୍ପକର୍ଣୋ ହରିର୍ବ୍ରହ୍ମଵିଦୁତ୍ତମଃ ।
କାଵ୍ୟୋ ଗ୍ରହପତିଃ କାମୀ ସୋମସୂର୍ୟାଗ୍ନିଲୋଚନଃ ॥ 5 ॥
ପାଶାଂକୁଶଧରଶ୍ଚଂଡୋ ଗୁଣାତୀତୋ ନିରଂଜନଃ ।
ଅକଲ୍ମଷଃ ସ୍ଵୟଂ ସିଦ୍ଧଃ ସିଦ୍ଧାର୍ଚିତପଦାଂବୁଜଃ ॥ 6 ॥
ବୀଜାପୂରଫଲାସକ୍ତୋ ଵରଦଃ ଶାଶ୍ଵତଃ କୃତୀ ।
ଦ୍ଵିଜପ୍ରିୟୋ ଵୀତଭୟୋ ଗଦୀ ଚକ୍ରୀକ୍ଷୁଚାପଧୃତ୍ ॥ 7 ॥
ଶ୍ରୀଦୋଽଜ ଉତ୍ପଲକରଃ ଶ୍ରୀପତିସ୍ତୁତିହର୍ଷିତଃ ।
କୁଲାଦ୍ରିଭେତ୍ତା ଜଟିଲଶ୍ଚଂଦ୍ରଚୂଡୋଽମରେଶ୍ଵରଃ ॥ 8 ॥
ନାଗୟଜ୍ଞୋପଵୀତୀ ଚ କଲିକଲ୍ମଷନାଶନଃ ।
ସ୍ଥୂଲକଂଠଃ ସ୍ଵୟଂକର୍ତା ସାମଘୋଷପ୍ରିୟଃ ପରଃ ॥ 9 ॥
ସ୍ଥୂଲତୁଂଡୋଽଗ୍ରଣୀର୍ଧୀରୋ ଵାଗୀଶଃ ସିଦ୍ଧିଦାୟକଃ ।
ଦୂର୍ଵାବିଲ୍ଵପ୍ରିୟଃ କାଂତଃ ପାପହାରୀ ସମାହିତଃ ॥ 10 ॥
ଆଶ୍ରିତଶ୍ରୀକରଃ ସୌମ୍ୟୋ ଭକ୍ତଵାଂଛିତଦାୟକଃ ।
ଶାଂତୋଽଚ୍ୟୁତାର୍ଚ୍ୟଃ କୈଵଲ୍ୟୋ ସଚ୍ଚିଦାନଂଦଵିଗ୍ରହଃ ॥ 11 ॥
ଜ୍ଞାନୀ ଦୟାୟୁତୋ ଦାଂତୋ ବ୍ରହ୍ମଦ୍ଵେଷଵିଵର୍ଜିତଃ ।
ପ୍ରମତ୍ତଦୈତ୍ୟଭୟଦୋ ଵ୍ୟକ୍ତମୂର୍ତିରମୂର୍ତିମାନ୍ ॥ 12 ॥
ଶୈଲେଂଦ୍ରତନୁଜୋତ୍ସଂଗଖେଲନୋତ୍ସୁକମାନସଃ ।
ସ୍ଵଲାଵଣ୍ୟସୁଧାସାରଜିତମନ୍ମଥଵିଗ୍ରହଃ ॥ 13 ॥
ସମସ୍ତଜଗଦାଧାରୋ ମାୟୀ ମୂଷକଵାହନଃ ।
ରମାର୍ଚିତୋ ଵିଧିଶ୍ଚୈଵ ଶ୍ରୀକଂଠୋ ଵିବୁଧେଶ୍ଵରଃ ॥ 14 ॥
ଚିଂତାମଣିଦ୍ଵୀପପତିଃ ପରମାତ୍ମା ଗଜାନନଃ ।
ହୃଷ୍ଟସ୍ତୁଷ୍ଟଃ ପ୍ରସନ୍ନାତ୍ମା ସର୍ଵସିଦ୍ଧିପ୍ରଦାୟକଃ ॥ 15 ॥
ଅଷ୍ଟୋତ୍ତରଶତେନୈଵଂ ନାମ୍ନାଂ ଵିଘ୍ନେଶ୍ଵରଂ ଵିଭୁମ୍ ।
ୟଃ ପୂଜୟେଦନେନୈଵ ଭକ୍ତ୍ୟା ସିଦ୍ଧିଵିନାୟକମ୍ ॥ 16 ॥
ଦୂର୍ଵାଦଳୈଃ ବିଲ୍ଵପତ୍ରୈଃ ପୁଷ୍ପୈର୍ଵା ଚଂଦନାକ୍ଷତୈଃ ।
ସର୍ଵାନ୍କାମାନଵାପ୍ନୋତି ସର୍ଵଵିଘ୍ନୈଃ ପ୍ରମୁଚ୍ୟତେ ॥ 17 ॥
ଇତି ଭଵିଷ୍ୟୋତ୍ତରପୁରାଣେ ଵିନାୟକାଷ୍ଟୋତ୍ତରଶତନାମ ସ୍ତୋତ୍ରମ୍ ।