(ତୈ. ସଂ. 1.4.6)
ୟ ଇ॒ମା ଵିଶ୍ଵା॒ ଭୁଵ॑ନାନି॒ ଜୁହ୍ଵ॒ଦୃଷି॒ର୍ହୋତା॑ ନିଷ॒ସାଦା॑ ପି॒ତା ନଃ॑ ।
ସ ଆ॒ଶିଷା॒ ଦ୍ରଵି॑ଣମି॒ଚ୍ଛମା॑ନଃ ପରମ॒ଚ୍ଛଦୋ॒ ଵର॒ ଆ ଵି॑ଵେଶ ॥ 1
ଵି॒ଶ୍ଵକ॑ର୍ମା॒ ମନ॑ସା॒ ୟଦ୍ଵିହା॑ୟା ଧା॒ତା ଵି॑ଧା॒ତା ପ॑ର॒ମୋତ ସଂ॒ଦୃକ୍ ।
ତେଷା॑ମି॒ଷ୍ଟାନି॒ ସମି॒ଷା ମ॑ଦଂତି॒ ୟତ୍ର॑ ସପ୍ତ॒ର୍ଷୀନ୍ପ॒ର ଏକ॑ମା॒ହୁଃ ॥ 2
ୟୋ ନଃ॑ ପି॒ତା ଜ॑ନି॒ତା ୟୋ ଵି॑ଧା॒ତା ୟୋ ନଃ॑ ସ॒ତୋ ଅ॒ଭ୍ୟା ସଜ୍ଜ॒ଜାନ॑ ।
ୟୋ ଦେ॒ଵାନାଂ॑ ନାମ॒ଧା ଏକ॑ ଏ॒ଵ ତଗ୍ମ୍ ସଂ॑ପ୍ର॒ଶ୍ନଂଭୁଵ॑ନା ୟଂତ୍ୟ॒ନ୍ୟା ॥ 3
ତ ଆୟ॑ଜଂତ॒ ଦ୍ରଵି॑ଣ॒ଗ୍ମ୍ ସମ॑ସ୍ମା॒ ଋଷ॑ୟଃ॒ ପୂର୍ଵେ॑ ଜରି॒ତାରୋ॒ ନ ଭୂ॒ନା ।
ଅ॒ସୂର୍ତା॒ ସୂର୍ତା॒ ରଜ॑ସୋ ଵି॒ମାନେ॒ ୟେ ଭୂ॒ତାନି॑ ସ॒ମକୃ॑ଣ୍ଵନ୍ନି॒ମାନି॑ ॥ 4
ନ ତଂ-ଵିଁ॑ଦାଥ॒ ୟ ଇ॒ଦଂ ଜ॒ଜାନା॒ନ୍ୟଦ୍ୟୁ॒ଷ୍ମାକ॒ମଂତ॑ରଂଭଵାତି ।
ନୀ॒ହା॒ରେଣ॒ ପ୍ରାଵୃ॑ତା ଜଲ୍ପ୍ୟା॑ ଚାସୁ॒ତୃପ॑ ଉକ୍ଥ॒ଶାସ॑ଶ୍ଚରଂତି ॥ 5
ପ॒ରୋ ଦି॒ଵା ପ॒ର ଏ॒ନା ପୃ॑ଥି॒ଵ୍ୟା ପ॒ରୋ ଦେ॒ଵେଭି॒ରସୁ॑ରୈ॒ର୍ଗୁହା॒ ୟତ୍ ।
କଗ୍ମ୍ ସ୍ଵି॒ଦ୍ଗର୍ଭଂ॑ ପ୍ରଥ॒ମଂ ଦ॑ଧ୍ର॒ ଆପୋ॒ ୟତ୍ର॑ ଦେ॒ଵାଃ ସ॒ମଗ॑ଚ୍ଛଂତ॒ ଵିଶ୍ଵେ ॥ 6
ତମିଦ୍ଗର୍ଭଂ॑ପ୍ରଥ॒ମଂ ଦ॑ଧ୍ର॒ ଆପୋ॒ ୟତ୍ର॑ ଦେ॒ଵାଃ ସ॒ମଗ॑ଚ୍ଛଂତ॒ ଵିଶ୍ଵେ॑ ।
ଅ॒ଜସ୍ୟ॒ ନାଭା॒ଵଧ୍ୟେକ॒ମର୍ପି॑ତଂ॒-ୟଁସ୍ମି॑ନ୍ନି॒ଦଂ-ଵିଁଶ୍ଵଂ॒ଭୁଵନ॒ମଧି॑ ଶ୍ରି॒ତମ୍ ॥ 7
ଵି॒ଶ୍ଵକ॑ର୍ମା॒ ହ୍ୟଜ॑ନିଷ୍ଟ ଦେ॒ଵ ଆଦିଦ୍ଗଂ॑ଧ॒ର୍ଵୋ ଅ॑ଭଵଦ୍ଦ୍ଵି॒ତୀୟଃ॑ ।
ତୃ॒ତୀୟଃ॑ ପି॒ତା ଜ॑ନି॒ତୌଷ॑ଧୀନାମ॒ପାଂ ଗର୍ଭଂ॒-ଵ୍ୟଁ॑ଦଧାତ୍ପୁରୁ॒ତ୍ରା ॥ 8
ଚକ୍ଷୁ॑ଷଃ ପି॒ତା ମନ॑ସା॒ ହି ଧୀରୋ॑ ଘୃ॒ତମେ॑ନେ ଅଜନ॒ନ୍ନନ୍ନ॑ମାନେ ।
ୟ॒ଦେଦଂତା॒ ଅଦ॑ଦୃଗ୍ମ୍ହଂତ॒ ପୂର୍ଵ॒ ଆଦିଦ୍ଦ୍ୟାଵା॑ପୃଥି॒ଵୀ ଅ॑ପ୍ରଥେତାମ୍ ॥ 9
ଵି॒ଶ୍ଵତ॑ଶ୍ଚକ୍ଷୁରୁ॒ତ ଵି॒ଶ୍ଵତୋ॑ମୁଖୋ ଵି॒ଶ୍ଵତୋ॑ହସ୍ତ ଉ॒ତ ଵି॒ଶ୍ଵତ॑ସ୍ପାତ୍ ।
ସଂବା॒ହୁଭ୍ୟାଂ॒ ନମ॑ତି॒ ସଂପତ॑ତ୍ରୈ॒ର୍ଦ୍ୟାଵା॑ପୃଥି॒ଵୀ ଜ॒ନୟଂ॑ଦେ॒ଵ ଏକଃ॑ ॥ 10
କିଗ୍ମ୍ ସ୍ଵି॑ଦାସୀଦଧି॒ଷ୍ଠାନ॑ମା॒ରଂଭ॑ଣଂ କତ॒ମତ୍ସ୍ଵି॒ତ୍କିମା॑ସୀତ୍ ।
ୟଦୀ॒ ଭୂମିଂ॑ ଜ॒ନୟ॑ନ୍ଵି॒ଶ୍ଵକ॑ର୍ମା॒ ଵି ଦ୍ୟାମୌର୍ଣୋ॑ନ୍ମହି॒ନା ଵି॒ଶ୍ଵଚ॑କ୍ଷାଃ ॥ 11
କିଗ୍ମ୍ ସ୍ଵି॒ଦ୍ଵନଂ॒ କ ଉ॒ ସ ଵୃ॒କ୍ଷ ଆ॑ସୀ॒ଦ୍ୟତୋ॒ ଦ୍ୟାଵା॑ପୃଥି॒ଵୀ ନି॑ଷ୍ଟତ॒କ୍ଷୁଃ ।
ମନୀ॑ଷିଣୋ॒ ମନ॑ସା ପୃ॒ଚ୍ଛତେଦୁ॒ ତଦ୍ୟଦ॒ଧ୍ୟତି॑ଷ୍ଠ॒ଦ୍ଭୁଵ॑ନାନି ଧା॒ରୟନ୍॑ ॥ 12
ୟା ତେ॒ ଧାମା॑ନି ପର॒ମାଣି॒ ୟାଵ॒ମା ୟା ମ॑ଧ୍ୟ॒ମା ଵି॑ଶ୍ଵକର୍ମନ୍ନୁ॒ତେମା ।
ଶିକ୍ଷା॒ ସଖି॑ଭ୍ୟୋ ହ॒ଵିଷି॑ ସ୍ଵଧାଵଃ ସ୍ଵ॒ୟଂ-ୟଁ॑ଜସ୍ଵ ତ॒ନୁଵଂ॑ ଜୁଷା॒ଣଃ ॥ 13
ଵା॒ଚସ୍ପତିଂ॑-ଵିଁ॒ଶ୍ଵକ॑ର୍ମାଣମୂ॒ତୟେ॑ ମନୋ॒ୟୁଜଂ॒-ଵାଁଜେ॑ ଅ॒ଦ୍ୟା ହୁ॑ଵେମ ।
ସ ନୋ॒ ନେଦି॑ଷ୍ଠା॒ ହଵ॑ନାନି ଜୋଷତେ ଵି॒ଶ୍ଵଶଂ॑ଭୂ॒ରଵ॑ସେ ସା॒ଧୁକ॑ର୍ମା ॥ 14
ଵିଶ୍ଵ॑କର୍ମନ୍ହ॒ଵିଷା॑ ଵାଵୃଧା॒ନଃ ସ୍ଵ॒ୟଂ-ୟଁ॑ଜସ୍ଵ ତ॒ନୁଵଂ॑ ଜୁଷା॒ଣଃ ।
ମୁହ୍ୟଂ॑ତ୍ଵ॒ନ୍ୟେ ଅ॒ଭିତଃ॑ ସ॒ପତ୍ନା॑ ଇ॒ହାସ୍ମାକ॑ମ୍ମ॒ଘଵା॑ ସୂ॒ରିର॑ସ୍ତୁ ॥ 15
ଵିଶ୍ଵ॑କର୍ମନ୍ହ॒ଵିଷା ଵର୍ଧ॑ନେନ ତ୍ରା॒ତାର॒ମିଂଦ୍ର॑ମକୃଣୋରଵ॒ଧ୍ୟମ୍ ।
ତସ୍ମୈ॒ ଵିଶଃ॒ ସମ॑ନମଂତ ପୂ॒ର୍ଵୀର॒ୟମୁ॒ଗ୍ରୋ ଵି॑ହ॒ଵ୍ୟୋ॑ ୟଥାସ॑ତ୍ ॥ 16
ସ॒ମୁ॒ଦ୍ରାୟ॑ ଵ॒ୟୁନା॑ୟ॒ ସିଂଧୂ॑ନାଂ॒ପତ॑ୟେ॒ ନମଃ॑ ।
ନ॒ଦୀନା॒ଗ୍ମ୍ ସର୍ଵା॑ସାଂପି॒ତ୍ରେ ଜୁ॑ହୁ॒ତା
ଵି॒ଶ୍ଵକ॑ର୍ମଣେ॒ ଵିଶ୍ଵାହାମ॑ର୍ତ୍ୟଗ୍ମ୍ ହ॒ଵିଃ ।