ଓଂ-ଵିଁଷ୍ଣୋ॒ର୍ନୁକଂ॑-ଵୀଁ॒ର୍ୟା॑ଣି॒ ପ୍ରଵୋ॑ଚଂ॒ ୟଃ ପାର୍ଥି॑ଵାନି ଵିମ॒ମେ ରାଜାଗ୍ମ୍॑ସି॒ ୟୋ ଅସ୍କ॑ଭାୟ॒ଦୁତ୍ତ॑ରଗ୍ମ୍ ସ॒ଧସ୍ଥଂ॑-ଵିଁଚକ୍ରମା॒ଣସ୍ତ୍ରେ॒ଧୋରୁ॑ଗା॒ୟଃ ॥ 1 (ତୈ. ସଂ. 1.2.13.3)
ଵିଷ୍ଣୋ॑ର॒ରାଟ॑ମସି॒ ଵିଷ୍ଣୋଃ᳚ ପୃ॒ଷ୍ଠମ॑ସି॒ ଵିଷ୍ଣୋଃ॒ ଶ୍ନପ୍ତ୍ରେ᳚ସ୍ଥୋ॒ ଵିଷ୍ଣୋ॒ସ୍ସ୍ୟୂର॑ସି॒ ଵିଷ୍ଣୋ᳚ର୍ଧ୍ରୁ॒ଵମ॑ସି ଵୈଷ୍ଣ॒ଵମ॑ସି॒ ଵିଷ୍ଣ॑ଵେ ତ୍ଵା ॥ 2 (ତୈ. ସଂ. 1.2.13.3)
ତଦ॑ସ୍ୟ ପ୍ରି॒ୟମ॒ଭିପାଥୋ॑ ଅଶ୍ୟାମ୍ । ନରୋ॒ ୟତ୍ର॑ ଦେଵ॒ୟଵୋ॒ ମଦଂ॑ତି । ଉ॒ରୁ॒କ୍ର॒ମସ୍ୟ॒ ସ ହି ବଂଧୁ॑ରି॒ତ୍ଥା । ଵିଷ୍ଣୋ᳚ ପ॒ଦେ ପ॑ର॒ମେ ମଧ୍ଵ॒ ଉଥ୍ସଃ॑ ॥ 3 (ତୈ. ବ୍ରା. 2.4.6.2)
ପ୍ର ତଦ୍ଵିଷ୍ଣୁ॑-ସ୍ସ୍ତଵତେ ଵୀ॒ର୍ୟା॑ୟ । ମୃ॒ଗୋ ନ ଭୀ॒ମଃ କୁ॑ଚ॒ରୋ ଗି॑ରି॒ଷ୍ଠାଃ । ୟସ୍ୟୋ॒ରୁଷୁ॑ ତ୍ରି॒ଷୁ ଵି॒କ୍ରମ॑ଣେଷୁ । ଅଧି॑କ୍ଷ॒ୟଂତି॒ ଭୁଵ॑ନାନି॒ ଵିଶ୍ଵା᳚ ॥ 4 (ତୈ. ବ୍ରା. 2.4.3.4)
ପ॒ରୋ ମାତ୍ର॑ୟା ତ॒ନୁଵା॑ ଵୃଧାନ । ନ ତେ॑ ମହି॒ତ୍ଵମନ୍ଵ॑ଶ୍ନୁଵଂତି । ଉ॒ଭେ ତେ॑ ଵିଦ୍ମ॒ ରଜ॑ସୀ ପୃଥି॒ଵ୍ୟା ଵିଷ୍ଣୋ॑ ଦେଵ॒ତ୍ଵମ୍ । ପ॒ର॒ମସ୍ୟ॑ ଵିଥ୍ସେ ॥ 5 (ତୈ. ବ୍ରା. 2.8.3.2)
ଵିଚ॑କ୍ରମେ ପୃଥି॒ଵୀମେ॒ଷ ଏ॒ତାମ୍ । କ୍ଷେତ୍ରା॑ୟ॒ ଵିଷ୍ଣୁ॒ର୍ମନୁ॑ଷେ ଦଶ॒ସ୍ୟନ୍ନ୍ । ଧ୍ରୁ॒ଵାସୋ॑ ଅସ୍ୟ କୀ॒ରୟୋ॒ ଜନା॑ସଃ । ଊ॒ରୁ॒କ୍ଷି॒ତିଗ୍ମ୍ ସୁ॒ଜନି॑ମାଚକାର ॥ 6 (ତୈ. ବ୍ରା. 2.4.3.5)
ତ୍ରିର୍ଦେ॒ଵଃ ପୃ॑ଥି॒ଵୀମେ॒ଷ ଏ॒ତାମ୍ । ଵିଚ॑କ୍ରମେ ଶ॒ତର୍ଚ॑ସଂ ମହି॒ତ୍ଵା । ପ୍ର ଵିଷ୍ଣୁ॑ରସ୍ତୁ ତ॒ଵସ॒ସ୍ତଵୀ॑ୟାନ୍ । ତ୍ଵେ॒ଷଗ୍ଗ୍ ହ୍ୟ॑ସ୍ୟ॒ ସ୍ଥଵି॑ରସ୍ୟ॒ ନାମ॑ ॥ 7 (ତୈ. ବ୍ରା. 2.4.3.5)
ଅତୋ॑ ଦେ॒ଵା ଅ॑ଵଂତୁ ନୋ॒ ୟତୋ॒ ଵିଷ୍ଣୁ॑ର୍ଵିଚକ୍ର॒ମେ । ପୃ॒ଥି॒ଵ୍ୟା-ସ୍ସ॒ପ୍ତଧାମ॑ଭିଃ । ଇ॒ଦଂ-ଵିଁଷ୍ଣୁ॒ର୍ଵିଚ॑କ୍ରମେ ତ୍ରେ॒ଧା ନିଦ॑ଧେ ପ॒ଦମ୍ । ସମୂ॑ଢମସ୍ୟ ପାଗ୍ମ୍ ସୁ॒ରେ ॥ ତ୍ରୀଣି॑ ପ॒ଦା ଵିଚ॑କ୍ରମେ॒ ଵିଷ୍ଣୁ॑ର୍ଗୋ॒ପା ଅଦା᳚ଭ୍ୟଃ । ତତୋ॒ ଧର୍ମା॑ଣି ଧା॒ରୟନ୍॑ । ଵିଷ୍ଣୋଃ॒ କର୍ମା॑ଣି ପଶ୍ୟତ॒ ୟତୋ᳚ ଵ୍ର॒ତାନି॑ ପସ୍ପ॒ଶେ । ଇଂଦ୍ର॑ସ୍ୟ॒ ୟୁଜ୍ୟ॒ସ୍ସଖା᳚ ॥
ତଦ୍ଵିଷ୍ଣୋଃ᳚ ପର॒ମଂ ପ॒ଦଗ୍ମ୍ ସଦା॑ ପଶ୍ୟଂତି ସୂ॒ରୟଃ॑ । ଦି॒ଵୀଵ॒ ଚକ୍ଷୁ॒ରାତ॑ତମ୍ । ତଦ୍ଵିପ୍ରା॑ସୋ ଵିପ॒ନ୍ୟଵୋ॑ ଜାଗୃ॒ଵାଗ୍ମ୍ ସ॒ସ୍ସମିଂ॑ଧତେ । ଵିଷ୍ଣୋ॒ର୍ୟତ୍ପ॑ର॒ମଂ ପ॒ଦମ୍ । ପର୍ୟା᳚ପ୍ତ୍ୟା॒ ଅନଂ॑ତରାୟାୟ॒ ସର୍ଵ॑ସ୍ତୋମୋଽତି ରା॒ତ୍ର ଉ॑ତ୍ତ॒ମ ମହ॑ର୍ଭଵତି ସର୍ଵ॒ସ୍ୟାପ୍ତ୍ୟୈ॒ ସର୍ଵ॑ସ୍ୟ॒ ଜିତ୍ତ୍ୟୈ॒ ସର୍ଵ॑ମେ॒ଵ ତେନା᳚ପ୍ନୋତି॒ ସର୍ଵଂ॑ ଜୟତି ॥
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥