॥ଓଂ ଓଂ॥
ଓଂକାରବିଂଦୁ ସଂୟୁକ୍ତଂ ନିତ୍ୟଂ ଧ୍ୟାୟଂତି ୟୋଗିନଃ ।
କାମଦଂ ମୋକ୍ଷଦଂ ତସ୍ମାଦୋଂକାରାୟ ନମୋନମଃ ॥ 1 ॥
॥ଓଂ ନଂ॥
ନମଂତି ମୁନୟଃ ସର୍ଵେ ନମଂତ୍ୟପ୍ସରସାଂ ଗଣାଃ ।
ନରାଣାମାଦିଦେଵାୟ ନକାରାୟ ନମୋନମଃ ॥ 2 ॥
॥ଓଂ ମଂ॥
ମହାତତ୍ଵଂ ମହାଦେଵ ପ୍ରିୟଂ ଜ୍ଞାନପ୍ରଦଂ ପରମ୍ ।
ମହାପାପହରଂ ତସ୍ମାନ୍ମକାରାୟ ନମୋନମଃ ॥ 3 ॥
॥ଓଂ ଶିଂ॥
ଶିଵଂ ଶାଂତଂ ଶିଵାକାରଂ ଶିଵାନୁଗ୍ରହକାରଣମ୍ ।
ମହାପାପହରଂ ତସ୍ମାଚ୍ଛିକାରାୟ ନମୋନମଃ ॥ 4 ॥
॥ଓଂ ଵାଂ॥
ଵାହନଂ ଵୃଷଭୋୟସ୍ୟ ଵାସୁକିଃ କଂଠଭୂଷଣମ୍ ।
ଵାମେ ଶକ୍ତିଧରଂ ଦେଵଂ ଵକାରାୟ ନମୋନମଃ ॥ 5 ॥
॥ଓଂ ୟଂ॥
ୟକାରେ ସଂସ୍ଥିତୋ ଦେଵୋ ୟକାରଂ ପରମଂ ଶୁଭମ୍ ।
ୟଂ ନିତ୍ୟଂ ପରମାନଂଦଂ ୟକାରାୟ ନମୋନମଃ ॥ 6 ॥
ଷଡକ୍ଷରମିଦଂ ସ୍ତୋତ୍ରଂ ୟଃ ପଠେଚ୍ଛିଵ ସନ୍ନିଧୌ ।
ତସ୍ୟ ମୃତ୍ୟୁଭୟଂ ନାସ୍ତି ହ୍ୟପମୃତ୍ୟୁଭୟଂ କୁତଃ ॥
ଶିଵଶିଵେତି ଶିଵେତି ଶିଵେତି ଵା
ଭଵଭଵେତି ଭଵେତି ଭଵେତି ଵା ।
ହରହରେତି ହରେତି ହରେତି ଵା
ଭୁଜମନଶ୍ଶିଵମେଵ ନିରଂତରମ୍ ॥
ଇତି ଶ୍ରୀମତ୍ପରମହଂସ ପରିଵ୍ରାଜକାଚାର୍ୟ
ଶ୍ରୀମଚ୍ଛଂକରଭଗଵତ୍ପାଦପୂଜ୍ୟକୃତ ଶିଵଷଡକ୍ଷରୀସ୍ତୋତ୍ରଂ ସଂପୂର୍ଣମ୍ ।