ଶ୍ରୀ ନାରଦ ଉଵାଚ –
ଭଗଵନ୍ସର୍ଵଧର୍ମଜ୍ଞ କଵଚଂ ୟତ୍ପ୍ରକାଶିତମ୍ ।
ତ୍ରୈଲୋକ୍ୟମଂଗଳଂ ନାମ କୃପୟା କଥୟ ପ୍ରଭୋ ॥ 1 ॥
ସନତ୍କୁମାର ଉଵାଚ –
ଶୃଣୁ ଵକ୍ଷ୍ୟାମି ଵିପ୍ରେଂଦ୍ର କଵଚଂ ପରମାଦ୍ଭୁତମ୍ ।
ନାରାୟଣେନ କଥିତଂ କୃପୟା ବ୍ରହ୍ମଣେ ପୁରା ॥ 2 ॥
ବ୍ରହ୍ମଣା କଥିତଂ ମହ୍ୟଂ ପରଂ ସ୍ନେହାଦ୍ଵଦାମି ତେ ।
ଅତି ଗୁହ୍ୟତରଂ ତତ୍ତ୍ଵଂ ବ୍ରହ୍ମମଂତ୍ରୌଘଵିଗ୍ରହମ୍ ॥ 3 ॥
ୟଦ୍ଧୃତ୍ଵା ପଠନାଦ୍ବ୍ରହ୍ମା ସୃଷ୍ଟିଂ ଵିତନୁତେ ଧ୍ରୁଵମ୍ ।
ୟଦ୍ଧୃତ୍ଵା ପଠନାତ୍ପାତି ମହାଲକ୍ଷ୍ମୀର୍ଜଗତ୍ତ୍ରୟମ୍ ॥ 4 ॥
ପଠନାଦ୍ଧାରଣାଚ୍ଛଂଭୁଃ ସଂହର୍ତା ସର୍ଵମଂତ୍ରଵିତ୍ ।
ତ୍ରୈଲୋକ୍ୟଜନନୀ ଦୁର୍ଗା ମହିଷାଦିମହାସୁରାନ୍ ॥ 5 ॥
ଵରତୃପ୍ତାନ୍ ଜଘାନୈଵ ପଠନାଦ୍ଧାରଣାଦ୍ୟତଃ ।
ଏଵମିଂଦ୍ରାଦୟଃ ସର୍ଵେ ସର୍ଵୈଶ୍ଵର୍ୟମଵାପ୍ନୁୟୁଃ ॥ 6 ॥
ଇଦଂ କଵଚମତ୍ୟଂତଗୁପ୍ତଂ କୁତ୍ରାପି ନୋ ଵଦେତ୍ ।
ଶିଷ୍ୟାୟ ଭକ୍ତିୟୁକ୍ତାୟ ସାଧକାୟ ପ୍ରକାଶୟେତ୍ ॥ 7 ॥
ଶଠାୟ ପରଶିଷ୍ୟାୟ ଦତ୍ଵା ମୃତ୍ୟୁମଵାପ୍ନୁୟାତ୍ ।
ତ୍ରୈଲୋକ୍ୟମଂଗଳସ୍ୟାଽସ୍ୟ କଵଚସ୍ୟ ପ୍ରଜାପତିଃ ॥ 8 ॥
ଋଷିଶ୍ଛଂଦଶ୍ଚ ଗାୟତ୍ରୀ ଦେଵୋ ନାରାୟଣସ୍ସ୍ଵୟମ୍ ।
ଧର୍ମାର୍ଥକାମମୋକ୍ଷେଷୁ ଵିନିୟୋଗଃ ପ୍ରକୀର୍ତିତଃ ॥ 9 ॥
ପ୍ରଣଵୋ ମେ ଶିରଃ ପାତୁ ନମୋ ନାରାୟଣାୟ ଚ ।
ଫାଲଂ ମେ ନେତ୍ରୟୁଗଳମଷ୍ଟାର୍ଣୋ ଭୁକ୍ତିମୁକ୍ତିଦଃ ॥ 10 ॥
କ୍ଲୀଂ ପାୟାଚ୍ଛ୍ରୋତ୍ରୟୁଗ୍ମଂ ଚୈକାକ୍ଷରଃ ସର୍ଵମୋହନଃ ।
କ୍ଲୀଂ କୃଷ୍ଣାୟ ସଦା ଘ୍ରାଣଂ ଗୋଵିଂଦାୟେତି ଜିହ୍ଵିକାମ୍ ॥ 11 ॥
ଗୋପୀଜନପଦଵଲ୍ଲଭାୟ ସ୍ଵାହାଽନନଂ ମମ ।
ଅଷ୍ଟାଦଶାକ୍ଷରୋ ମଂତ୍ରଃ କଂଠଂ ପାତୁ ଦଶାକ୍ଷରଃ ॥ 12 ॥
ଗୋପୀଜନପଦଵଲ୍ଲଭାୟ ସ୍ଵାହା ଭୁଜଦ୍ଵୟମ୍ ।
କ୍ଲୀଂ ଗ୍ଲୌଂ କ୍ଲୀଂ ଶ୍ୟାମଲାଂଗାୟ ନମଃ ସ୍କଂଧୌ ରକ୍ଷାକ୍ଷରଃ ॥ 13 ॥
କ୍ଲୀଂ କୃଷ୍ଣଃ କ୍ଲୀଂ କରୌ ପାୟାତ୍ କ୍ଲୀଂ କୃଷ୍ଣାୟାଂ ଗତୋଽଵତୁ ।
ହୃଦୟଂ ଭୁଵନେଶାନଃ କ୍ଲୀଂ କୃଷ୍ଣଃ କ୍ଲୀଂ ସ୍ତନୌ ମମ ॥ 14 ॥
ଗୋପାଲାୟାଗ୍ନିଜାୟାତଂ କୁକ୍ଷିୟୁଗ୍ମଂ ସଦାଽଵତୁ ।
କ୍ଲୀଂ କୃଷ୍ଣାୟ ସଦା ପାତୁ ପାର୍ଶ୍ଵୟୁଗ୍ମମନୁତ୍ତମଃ ॥ 15 ॥
କୃଷ୍ଣ ଗୋଵିଂଦକୌ ପାତୁ ସ୍ମରାଦ୍ୟୌଜେୟୁତୌ ମନୁଃ ।
ଅଷ୍ଟାକ୍ଷରଃ ପାତୁ ନାଭିଂ କୃଷ୍ଣେତି ଦ୍ଵ୍ୟକ୍ଷରୋଽଵତୁ ॥ 16 ॥
ପୃଷ୍ଠଂ କ୍ଲୀଂ କୃଷ୍ଣକଂ ଗଲ୍ଲ କ୍ଲୀଂ କୃଷ୍ଣାୟ ଦ୍ଵିରାଂତକଃ ।
ସକ୍ଥିନୀ ସତତଂ ପାତୁ ଶ୍ରୀଂ ହ୍ରୀଂ କ୍ଲୀଂ କୃଷ୍ଣଠଦ୍ଵୟମ୍ ॥ 17 ॥
ଊରୂ ସପ୍ତାକ୍ଷରଂ ପାୟାତ୍ ତ୍ରୟୋଦଶାକ୍ଷରୋଽଵତୁ ।
ଶ୍ରୀଂ ହ୍ରୀଂ କ୍ଲୀଂ ପଦତୋ ଗୋପୀଜନଵଲ୍ଲଭପଦଂ ତତଃ ॥ 18 ॥
ଶ୍ରିୟା ସ୍ଵାହେତି ପାୟୂ ଵୈ କ୍ଲୀଂ ହ୍ରୀଂ ଶ୍ରୀଂ ସଦଶାର୍ଣକଃ ।
ଜାନୁନୀ ଚ ସଦା ପାତୁ କ୍ଲୀଂ ହ୍ରୀଂ ଶ୍ରୀଂ ଚ ଦଶାକ୍ଷରଃ ॥ 19 ॥
ତ୍ରୟୋଦଶାକ୍ଷରଃ ପାତୁ ଜଂଘେ ଚକ୍ରାଦ୍ୟୁଦାୟୁଧଃ ।
ଅଷ୍ଟାଦଶାକ୍ଷରୋ ହ୍ରୀଂ ଶ୍ରୀଂ ପୂର୍ଵକୋ ଵିଂଶଦର୍ଣକଃ ॥ 20 ॥
ସର୍ଵାଂଗଂ ମେ ସଦା ପାତୁ ଦ୍ଵାରକାନାୟକୋ ବଲୀ ।
ନମୋ ଭଗଵତେ ପଶ୍ଚାଦ୍ଵାସୁଦେଵାୟ ତତ୍ପରମ୍ ॥ 21 ॥
ତାରାଦ୍ୟୋ ଦ୍ଵାଦଶାର୍ଣୋଽୟଂ ପ୍ରାଚ୍ୟାଂ ମାଂ ସର୍ଵଦାଽଵତୁ ।
ଶ୍ରୀଂ ହ୍ରୀଂ କ୍ଲୀଂ ଚ ଦଶାର୍ଣସ୍ତୁ କ୍ଲୀଂ ହ୍ରୀଂ ଶ୍ରୀଂ ଷୋଡଶାର୍ଣକଃ ॥ 22 ॥
ଗଦାଦ୍ୟୁଦାୟୁଧୋ ଵିଷ୍ଣୁର୍ମାମଗ୍ନେର୍ଦିଶି ରକ୍ଷତୁ ।
ହ୍ରୀଂ ଶ୍ରୀଂ ଦଶାକ୍ଷରୋ ମଂତ୍ରୋ ଦକ୍ଷିଣେ ମାଂ ସଦାଽଵତୁ ॥ 23 ॥
ତାରୋ ନମୋ ଭଗଵତେ ରୁକ୍ମିଣୀଵଲ୍ଲଭାୟ ଚ ।
ସ୍ଵାହେତି ଷୋଡଶାର୍ଣୋଽୟଂ ନୈରୃତ୍ୟାଂ ଦିଶି ରକ୍ଷତୁ ॥ 24 ॥
କ୍ଲୀଂ ହୃଷୀକେଶ ଵଂଶାୟ ନମୋ ମାଂ ଵାରୁଣୋଽଵତୁ ।
ଅଷ୍ଟାଦଶାର୍ଣଃ କାମାଂତୋ ଵାୟଵ୍ୟେ ମାଂ ସଦାଽଵତୁ ॥ 25 ॥
ଶ୍ରୀଂ ମାୟାକାମତୃଷ୍ଣାୟ ଗୋଵିଂଦାୟ ଦ୍ଵିକୋ ମନୁଃ ।
ଦ୍ଵାଦଶାର୍ଣାତ୍ମକୋ ଵିଷ୍ଣୁରୁତ୍ତରେ ମାଂ ସଦାଽଵତୁ ॥ 26 ॥
ଵାଗ୍ଭଵଂ କାମକୃଷ୍ଣାୟ ହ୍ରୀଂ ଗୋଵିଂଦାୟ ତତ୍ପରମ୍ ।
ଶ୍ରୀଂ ଗୋପୀଜନଵଲ୍ଲଭାୟ ସ୍ଵାହା ହସ୍ତୌ ତତଃ ପରମ୍ ॥ 27 ॥
ଦ୍ଵାଵିଂଶତ୍ୟକ୍ଷରୋ ମଂତ୍ରୋ ମାମୈଶାନ୍ୟେ ସଦାଽଵତୁ ।
କାଳୀୟସ୍ୟ ଫଣାମଧ୍ୟେ ଦିଵ୍ୟଂ ନୃତ୍ୟଂ କରୋତି ତମ୍ ॥ 28 ॥
ନମାମି ଦେଵକୀପୁତ୍ରଂ ନୃତ୍ୟରାଜାନମଚ୍ୟୁତମ୍ ।
ଦ୍ଵାତ୍ରିଂଶଦକ୍ଷରୋ ମଂତ୍ରୋଽପ୍ୟଧୋ ମାଂ ସର୍ଵଦାଽଵତୁ ॥ 29 ॥
କାମଦେଵାୟ ଵିଦ୍ମହେ ପୁଷ୍ପବାଣାୟ ଧୀମହି ।
ତନ୍ନୋଽନଂଗଃ ପ୍ରଚୋଦୟାଦେଷା ମାଂ ପାତୁଚୋର୍ଧ୍ଵତଃ ॥ 30 ॥
ଇତି ତେ କଥିତଂ ଵିପ୍ର ବ୍ରହ୍ମମଂତ୍ରୌଘଵିଗ୍ରହମ୍ ।
ତ୍ରୈଲୋକ୍ୟମଂଗଳଂ ନାମ କଵଚଂ ବ୍ରହ୍ମରୂପକମ୍ ॥ 31 ॥
ବ୍ରହ୍ମଣା କଥିତଂ ପୂର୍ଵଂ ନାରାୟଣମୁଖାଚ୍ଛ୍ରୁତମ୍ ।
ତଵ ସ୍ନେହାନ୍ମୟାଽଖ୍ୟାତଂ ପ୍ରଵକ୍ତଵ୍ୟଂ ନ କସ୍ୟଚିତ୍ ॥ 32 ॥
ଗୁରୁଂ ପ୍ରଣମ୍ୟ ଵିଧିଵତ୍କଵଚଂ ପ୍ରପଠେତ୍ତତଃ ।
ସକୃଦ୍ଦ୍ଵିସ୍ତ୍ରିର୍ୟଥାଜ୍ଞାନଂ ସ ହି ସର୍ଵତପୋମୟଃ ॥ 33 ॥
ମଂତ୍ରେଷୁ ସକଲେଷ୍ଵେଵ ଦେଶିକୋ ନାତ୍ର ସଂଶୟଃ ।
ଶତମଷ୍ଟୋତ୍ତରଂ ଚାସ୍ୟ ପୁରଶ୍ଚର୍ୟା ଵିଧିସ୍ସ୍ମୃତଃ ॥ 34 ॥
ହଵନାଦୀଂଦଶାଂଶେନ କୃତ୍ଵା ତତ୍ସାଧୟେଦ୍ଧ୍ରୁଵମ୍ ।
ୟଦି ସ୍ୟାତ୍ସିଦ୍ଧକଵଚୋ ଵିଷ୍ଣୁରେଵ ଭଵେତ୍ସ୍ଵୟମ୍ ॥ 35 ॥
ମଂତ୍ରସିଦ୍ଧିର୍ଭଵେତ୍ତସ୍ୟ ପୁରଶ୍ଚର୍ୟା ଵିଧାନତଃ ।
ସ୍ପର୍ଧାମୁଦ୍ଧୂୟ ସତତଂ ଲକ୍ଷ୍ମୀର୍ଵାଣୀ ଵସେତ୍ତତଃ ॥ 36 ॥
ପୁଷ୍ପାଂଜଲ୍ୟଷ୍ଟକଂ ଦତ୍ଵା ମୂଲେନୈଵ ପଠେତ୍ସକୃତ୍ ।
ଦଶଵର୍ଷସହସ୍ରାଣି ପୂଜାୟାଃ ଫଲମାପ୍ନୁୟାତ୍ ॥ 37 ॥
ଭୂର୍ଜେ ଵିଲିଖ୍ୟ ଗୁଳିକାଂ ସ୍ଵର୍ଣସ୍ଥାଂ ଧାରୟେଦ୍ୟଦି ।
କଂଠେ ଵା ଦକ୍ଷିଣେ ବାହୌ ସୋଽପି ଵିଷ୍ଣୁର୍ନ ସଂଶୟଃ ॥ 38 ॥
ଅଶ୍ଵମେଧସହସ୍ରାଣି ଵାଜପେୟଶତାନି ଚ ।
ମହାଦାନାନି ୟାନ୍ୟେଵ ପ୍ରାଦକ୍ଷିଣ୍ୟଂ ଭୁଵସ୍ତଥା ॥ 39 ॥
କଳାଂ ନାର୍ହଂତି ତାନ୍ୟେଵ ସକୃଦୁଚ୍ଚାରଣାତ୍ତତଃ ।
କଵଚସ୍ୟ ପ୍ରସାଦେନ ଜୀଵନ୍ମୁକ୍ତୋ ଭଵେନ୍ନରଃ ॥ 40 ॥
ତ୍ରୈଲୋକ୍ୟଂ କ୍ଷୋଭୟତ୍ୟେଵ ତ୍ରୈଲୋକ୍ୟଵିଜୟୀ ସ ହି ।
ଇଦଂ କଵଚମଜ୍ଞାତ୍ଵା ୟଜେଦ୍ୟଃ ପୁରୁଷୋତ୍ତମମ୍ ।
ଶତଲକ୍ଷପ୍ରଜପ୍ତୋଽପି ନ ମଂତ୍ରସ୍ତସ୍ୟ ସିଦ୍ଧ୍ୟତି ॥ 41 ॥
ଇତି ଶ୍ରୀ ନାରଦପାଂଚରାତ୍ରେ ଜ୍ଞାନାମୃତସାରେ ତ୍ରୈଲୋକ୍ୟମଂଗଳକଵଚମ୍ ।