ଅସ୍ୟ ଶ୍ରୀରଂଗନାଥାଷ୍ଟୋତ୍ତରଶତନାମସ୍ତୋତ୍ରମହାମଂତ୍ରସ୍ୟ ଵେଦଵ୍ୟାସୋ ଭଗଵାନୃଷିଃ ଅନୁଷ୍ଟୁପ୍ଛଂଦଃ ଭଗଵାନ୍ ଶ୍ରୀମହାଵିଷ୍ଣୁର୍ଦେଵତା, ଶ୍ରୀରଂଗଶାୟୀତି ବୀଜଂ ଶ୍ରୀକାଂତ ଇତି ଶକ୍ତିଃ ଶ୍ରୀପ୍ରଦ ଇତି କୀଲକଂ ମମ ସମସ୍ତପାପନାଶାର୍ଥେ ଶ୍ରୀରଂଗରାଜପ୍ରସାଦ ସିଦ୍ଧ୍ୟର୍ଥେ ଜପେ ଵିନିୟୋଗଃ ।
ଧୌମ୍ୟ ଉଵାଚ ।
ଶ୍ରୀରଂଗଶାୟୀ ଶ୍ରୀକାଂତଃ ଶ୍ରୀପ୍ରଦଃ ଶ୍ରିତଵତ୍ସଲଃ ।
ଅନଂତୋ ମାଧଵୋ ଜେତା ଜଗନ୍ନାଥୋ ଜଗଦ୍ଗୁରୁଃ ॥ 1 ॥
ସୁରଵର୍ୟଃ ସୁରାରାଧ୍ୟଃ ସୁରରାଜାନୁଜଃ ପ୍ରଭୁଃ ।
ହରିର୍ହତାରିର୍ଵିଶ୍ଵେଶଃ ଶାଶ୍ଵତଃ ଶଂଭୁରଵ୍ୟୟଃ ॥ 2 ॥
ଭକ୍ତାର୍ତିଭଂଜନୋ ଵାଗ୍ମୀ ଵୀରୋ ଵିଖ୍ୟାତକୀର୍ତିମାନ୍ ।
ଭାସ୍କରଃ ଶାସ୍ତ୍ରତତ୍ତ୍ଵଜ୍ଞୋ ଦୈତ୍ୟଶାସ୍ତାଽମରେଶ୍ଵରଃ ॥ 3 ॥
ନାରାୟଣୋ ନରହରିର୍ନୀରଜାକ୍ଷୋ ନରପ୍ରିୟଃ ।
ବ୍ରହ୍ମଣ୍ୟୋ ବ୍ରହ୍ମକୃଦ୍ବ୍ରହ୍ମା ବ୍ରହ୍ମାଂଗୋ ବ୍ରହ୍ମପୂଜିତଃ ॥ 4 ॥
କୃଷ୍ଣଃ କୃତଜ୍ଞୋ ଗୋଵିଂଦୋ ହୃଷୀକେଶୋଽଘନାଶନଃ ।
ଵିଷ୍ଣୁର୍ଜିଷ୍ଣୁର୍ଜିତାରାତିଃ ସଜ୍ଜନପ୍ରିୟ ଈଶ୍ଵରଃ ॥ 5 ॥
ତ୍ରିଵିକ୍ରମସ୍ତ୍ରିଲୋକେଶଃ ତ୍ରୟ୍ୟର୍ଥସ୍ତ୍ରିଗୁଣାତ୍ମକଃ ।
କାକୁତ୍ସ୍ଥଃ କମଲାକାଂତଃ କାଳୀୟୋରଗମର୍ଦନଃ ॥ 6 ॥
କାଲାଂବୁଦଶ୍ୟାମଲାଂଗଃ କେଶଵଃ କ୍ଲେଶନାଶନଃ ।
କେଶିପ୍ରଭଂଜନଃ କାଂତୋ ନଂଦସୂନୁରରିଂଦମଃ ॥ 7 ॥
ରୁକ୍ମିଣୀଵଲ୍ଲଭଃ ଶୌରିର୍ବଲଭଦ୍ରୋ ବଲାନୁଜଃ ।
ଦାମୋଦରୋ ହୃଷୀକେଶୋ ଵାମନୋ ମଧୁସୂଦନଃ ॥ 8 ॥
ପୂତଃ ପୁଣ୍ୟଜନଧ୍ଵଂସୀ ପୁଣ୍ୟଶ୍ଲୋକଶିଖାମଣିଃ ।
ଆଦିମୂର୍ତିର୍ଦୟାମୂର୍ତିଃ ଶାଂତମୂର୍ତିରମୂର୍ତିମାନ୍ ॥ 9 ॥
ପରଂବ୍ରହ୍ମ ପରଂଧାମ ପାଵନଃ ପଵନୋ ଵିଭୁଃ ।
ଚଂଦ୍ରଶ୍ଛଂଦୋମୟୋ ରାମଃ ସଂସାରାଂବୁଧିତାରକଃ ॥ 10 ॥
ଆଦିତେୟୋଽଚ୍ୟୁତୋ ଭାନୁଃ ଶଂକରଶ୍ଶିଵ ଊର୍ଜିତଃ ।
ମହେଶ୍ଵରୋ ମହାୟୋଗୀ ମହାଶକ୍ତିର୍ମହତ୍ପ୍ରିୟଃ ॥ 11 ॥
ଦୁର୍ଜନଧ୍ଵଂସକୋଽଶେଷସଜ୍ଜନୋପାସ୍ତସତ୍ଫଲମ୍ ।
ପକ୍ଷୀଂଦ୍ରଵାହନୋଽକ୍ଷୋଭ୍ୟଃ କ୍ଷୀରାବ୍ଧିଶୟନୋ ଵିଧୁଃ ॥ 12 ॥
ଜନାର୍ଦନୋ ଜଗଦ୍ଧେତୁର୍ଜିତମନ୍ମଥଵିଗ୍ରହଃ ।
ଚକ୍ରପାଣିଃ ଶଂଖଧାରୀ ଶାରଂଗୀ ଖଡ୍ଗୀ ଗଦାଧରଃ ॥ 13 ॥
ଏଵଂ ଵିଷ୍ଣୋଶ୍ଶତଂ ନାମ୍ନାମଷ୍ଟୋତ୍ତରମିହେରିତମ୍ ।
ସ୍ତୋତ୍ରାଣାମୁତ୍ତମଂ ଗୁହ୍ୟଂ ନାମରତ୍ନସ୍ତଵାଭିଧମ୍ ॥ 14 ॥
ସର୍ଵଦା ସର୍ଵରୋଗଘ୍ନଂ ଚିଂତିତାର୍ଥଫଲପ୍ରଦମ୍ ।
ତ୍ଵଂ ତୁ ଶୀଘ୍ରଂ ମହାରାଜ ଗଚ୍ଛ ରଂଗସ୍ଥଲଂ ଶୁଭମ୍ ॥ 15 ॥
ସ୍ନାତ୍ଵା ତୁଲାର୍କେ କାଵେର୍ୟାଂ ମାହାତ୍ମ୍ୟ ଶ୍ରଵଣଂ କୁରୁ ।
ଗଵାଶ୍ଵଵସ୍ତ୍ରଧାନ୍ୟାନ୍ନଭୂମିକନ୍ୟାପ୍ରଦୋ ଭଵ ॥ 16 ॥
ଦ୍ଵାଦଶ୍ୟାଂ ପାୟସାନ୍ନେନ ସହସ୍ରଂ ଦଶ ଭୋଜୟ ।
ନାମରତ୍ନସ୍ତଵାଖ୍ୟେନ ଵିଷ୍ଣୋରଷ୍ଟଶତେନ ଚ ।
ସ୍ତୁତ୍ଵା ଶ୍ରୀରଂଗନାଥଂ ତ୍ଵମଭୀଷ୍ଟଫଲମାପ୍ନୁହି ॥ 17 ॥
ଇତି ତୁଲାକାଵେରୀମାହାତ୍ମ୍ୟେ ଶଂତନୁଂ ପ୍ରତି ଧୌମ୍ୟୋପଦିଷ୍ଟ ଶ୍ରୀରଂଗନାଥାଷ୍ଟୋତ୍ତରଶତନାମ ସ୍ତୋତ୍ରମ୍ ।