ଅଗସ୍ତିରୁଵାଚ
ଆଜାନୁବାହୁମରଵିଂଦଦଳାୟତାକ୍ଷ-
-ମାଜନ୍ମଶୁଦ୍ଧରସହାସମୁଖପ୍ରସାଦମ୍ ।
ଶ୍ୟାମଂ ଗୃହୀତ ଶରଚାପମୁଦାରରୂପଂ
ରାମଂ ସରାମମଭିରାମମନୁସ୍ମରାମି ॥ 1 ॥
ଅସ୍ୟ ଶ୍ରୀରାମକଵଚସ୍ୟ ଅଗସ୍ତ୍ୟ ଋଷିଃ ଅନୁଷ୍ଟୁପ୍ ଛଂଦଃ ସୀତାଲକ୍ଷ୍ମଣୋପେତଃ ଶ୍ରୀରାମଚଂଦ୍ରୋ ଦେଵତା ଶ୍ରୀରାମଚଂଦ୍ରପ୍ରସାଦସିଦ୍ଧ୍ୟର୍ଥେ ଜପେ ଵିନିୟୋଗଃ ।
ଅଥ ଧ୍ୟାନଂ
ନୀଲଜୀମୂତସଂକାଶଂ ଵିଦ୍ୟୁଦ୍ଵର୍ଣାଂବରାଵୃତମ୍ ।
କୋମଲାଂଗଂ ଵିଶାଲାକ୍ଷଂ ୟୁଵାନମତିସୁଂଦରମ୍ ॥ 1 ॥
ସୀତାସୌମିତ୍ରିସହିତଂ ଜଟାମୁକୁଟଧାରିଣମ୍ ।
ସାସିତୂଣଧନୁର୍ବାଣପାଣିଂ ଦାନଵମର୍ଦନମ୍ ॥ 2 ॥
ୟଦା ଚୋରଭୟେ ରାଜଭୟେ ଶତ୍ରୁଭୟେ ତଥା ।
ଧ୍ୟାତ୍ଵା ରଘୁପତିଂ କ୍ରୁଦ୍ଧଂ କାଲାନଲସମପ୍ରଭମ୍ ॥ 3 ॥
ଚୀରକୃଷ୍ଣାଜିନଧରଂ ଭସ୍ମୋଦ୍ଧୂଳିତଵିଗ୍ରହମ୍ ।
ଆକର୍ଣାକୃଷ୍ଟଵିଶିଖକୋଦଂଡଭୁଜମଂଡିତମ୍ ॥ 4 ॥
ରଣେ ରିପୂନ୍ ରାଵଣାଦୀଂସ୍ତୀକ୍ଷ୍ଣମାର୍ଗଣଵୃଷ୍ଟିଭିଃ ।
ସଂହରଂତଂ ମହାଵୀରମୁଗ୍ରମୈଂଦ୍ରରଥସ୍ଥିତମ୍ ॥ 5 ॥
ଲକ୍ଷ୍ମଣାଦ୍ୟୈର୍ମହାଵୀରୈର୍ଵୃତଂ ହନୁମଦାଦିଭିଃ ।
ସୁଗ୍ରୀଵାଦ୍ୟୈର୍ମାହାଵୀରୈଃ ଶୈଲଵୃକ୍ଷକରୋଦ୍ୟତୈଃ ॥ 6 ॥
ଵେଗାତ୍କରାଲହୁଂକାରୈର୍ଭୁଭୁକ୍କାରମହାରଵୈଃ ।
ନଦଦ୍ଭିଃ ପରିଵାଦଦ୍ଭିଃ ସମରେ ରାଵଣଂ ପ୍ରତି ॥ 7 ॥
ଶ୍ରୀରାମ ଶତ୍ରୁସଂଘାନ୍ମେ ହନ ମର୍ଦୟ ଖାଦୟ ।
ଭୂତପ୍ରେତପିଶାଚାଦୀନ୍ ଶ୍ରୀରାମାଶୁ ଵିନାଶୟ ॥ 8 ॥
ଏଵଂ ଧ୍ୟାତ୍ଵା ଜପେଦ୍ରାମକଵଚଂ ସିଦ୍ଧିଦାୟକମ୍ ।
ସୁତୀକ୍ଷ୍ଣ ଵଜ୍ରକଵଚଂ ଶୃଣୁ ଵକ୍ଷ୍ୟାମ୍ୟନୁତ୍ତମମ୍ ॥ 9 ॥
ଅଥ କଵଚମ୍
ଶ୍ରୀରାମଃ ପାତୁ ମେ ମୂର୍ଧ୍ନି ପୂର୍ଵେ ଚ ରଘୁଵଂଶଜଃ ।
ଦକ୍ଷିଣେ ମେ ରଘୁଵରଃ ପଶ୍ଚିମେ ପାତୁ ପାଵନଃ ॥ 10 ॥
ଉତ୍ତରେ ମେ ରଘୁପତିର୍ଭାଲଂ ଦଶରଥାତ୍ମଜଃ ।
ଭ୍ରୁଵୋର୍ଦୂର୍ଵାଦଲଶ୍ୟାମସ୍ତୟୋର୍ମଧ୍ୟେ ଜନାର୍ଦନଃ ॥ 11 ॥
ଶ୍ରୋତ୍ରଂ ମେ ପାତୁ ରାଜେଂଦ୍ରୋ ଦୃଶୌ ରାଜୀଵଲୋଚନଃ ।
ଘ୍ରାଣଂ ମେ ପାତୁ ରାଜର୍ଷିର୍ଗଂଡୌ ମେ ଜାନକୀପତିଃ ॥ 12 ॥
କର୍ଣମୂଲେ ଖରଧ୍ଵଂସୀ ଭାଲଂ ମେ ରଘୁଵଲ୍ଲଭଃ ।
ଜିହ୍ଵାଂ ମେ ଵାକ୍ପତିଃ ପାତୁ ଦଂତପଂକ୍ତୀ ରଘୂତ୍ତମଃ ॥ 13 ॥
ଓଷ୍ଠୌ ଶ୍ରୀରାମଚଂଦ୍ରୋ ମେ ମୁଖଂ ପାତୁ ପରାତ୍ପରଃ ।
କଂଠଂ ପାତୁ ଜଗଦ୍ଵଂଦ୍ୟଃ ସ୍କଂଧୌ ମେ ରାଵଣାଂତକଃ ॥ 14 ॥
ଧନୁର୍ବାଣଧରଃ ପାତୁ ଭୁଜୌ ମେ ଵାଲିମର୍ଦନଃ ।
ସର୍ଵାଣ୍ୟଂଗୁଲିପର୍ଵାଣି ହସ୍ତୌ ମେ ରାକ୍ଷସାଂତକଃ ॥ 15 ॥
ଵକ୍ଷୋ ମେ ପାତୁ କାକୁତ୍ସ୍ଥଃ ପାତୁ ମେ ହୃଦୟଂ ହରିଃ ।
ସ୍ତନୌ ସୀତାପତିଃ ପାତୁ ପାର୍ଶ୍ଵଂ ମେ ଜଗଦୀଶ୍ଵରଃ ॥ 16 ॥
ମଧ୍ୟଂ ମେ ପାତୁ ଲକ୍ଷ୍ମୀଶୋ ନାଭିଂ ମେ ରଘୁନାୟକଃ ।
କୌସଲ୍ୟେୟଃ କଟୀ ପାତୁ ପୃଷ୍ଠଂ ଦୁର୍ଗତିନାଶନଃ ॥ 17 ॥
ଗୁହ୍ୟଂ ପାତୁ ହୃଷୀକେଶଃ ସକ୍ଥିନୀ ସତ୍ୟଵିକ୍ରମଃ ।
ଊରୂ ଶାର୍ଙ୍ଗଧରଃ ପାତୁ ଜାନୁନୀ ହନୁମତ୍ପ୍ରିୟଃ ॥ 18 ॥
ଜଂଘେ ପାତୁ ଜଗଦ୍ଵ୍ୟାପୀ ପାଦୌ ମେ ତାଟକାଂତକଃ ।
ସର୍ଵାଂଗଂ ପାତୁ ମେ ଵିଷ୍ଣୁଃ ସର୍ଵସଂଧୀନନାମୟଃ ॥ 19 ॥
ଜ୍ଞାନେଂଦ୍ରିୟାଣି ପ୍ରାଣାଦୀନ୍ ପାତୁ ମେ ମଧୁସୂଦନଃ ।
ପାତୁ ଶ୍ରୀରାମଭଦ୍ରୋ ମେ ଶବ୍ଦାଦୀନ୍ଵିଷୟାନପି ॥ 20 ॥
ଦ୍ଵିପଦାଦୀନି ଭୂତାନି ମତ୍ସଂବଂଧୀନି ୟାନି ଚ ।
ଜାମଦଗ୍ନ୍ୟମହାଦର୍ପଦଲନଃ ପାତୁ ତାନି ମେ ॥ 21 ॥
ସୌମିତ୍ରିପୂର୍ଵଜଃ ପାତୁ ଵାଗାଦୀନୀଂଦ୍ରିୟାଣି ଚ ।
ରୋମାଂକୁରାଣ୍ୟଶେଷାଣି ପାତୁ ସୁଗ୍ରୀଵରାଜ୍ୟଦଃ ॥ 22 ॥
ଵାଙ୍ମନୋବୁଦ୍ଧ୍ୟହଂକାରୈର୍ଜ୍ଞାନାଜ୍ଞାନକୃତାନି ଚ ।
ଜନ୍ମାଂତରକୃତାନୀହ ପାପାନି ଵିଵିଧାନି ଚ ॥ 23 ॥
ତାନି ସର୍ଵାଣି ଦଗ୍ଧ୍ଵାଶୁ ହରକୋଦଂଡଖଂଡନଃ ।
ପାତୁ ମାଂ ସର୍ଵତୋ ରାମଃ ଶାର୍ଙ୍ଗବାଣଧରଃ ସଦା ॥ 24 ॥
ଇତି ଶ୍ରୀରାମଚଂଦ୍ରସ୍ୟ କଵଚଂ ଵଜ୍ରସମ୍ମିତମ୍ ।
ଗୁହ୍ୟାଦ୍ଗୁହ୍ୟତମଂ ଦିଵ୍ୟଂ ସୁତୀକ୍ଷ୍ଣ ମୁନିସତ୍ତମ ॥ 25 ॥
ୟଃ ପଠେଚ୍ଛୃଣୁୟାଦ୍ଵାପି ଶ୍ରାଵୟେଦ୍ଵା ସମାହିତଃ ।
ସ ୟାତି ପରମଂ ସ୍ଥାନଂ ରାମଚଂଦ୍ରପ୍ରସାଦତଃ ॥ 26 ॥
ମହାପାତକୟୁକ୍ତୋ ଵା ଗୋଘ୍ନୋ ଵା ଭ୍ରୂଣହା ତଥା ।
ଶ୍ରୀରାମଚଂଦ୍ରକଵଚପଠନାଚ୍ଛୁଦ୍ଧିମାପ୍ନୁୟାତ୍ ॥ 27 ॥
ବ୍ରହ୍ମହତ୍ୟାଦିଭିଃ ପାପୈର୍ମୁଚ୍ୟତେ ନାତ୍ର ସଂଶୟଃ ।
ଭୋ ସୁତୀକ୍ଷ୍ଣ ୟଥା ପୃଷ୍ଟଂ ତ୍ଵୟା ମମ ପୁରାଃ ଶୁଭମ୍ ।
ତଥା ଶ୍ରୀରାମକଵଚଂ ମୟା ତେ ଵିନିଵେଦିତମ୍ ॥ 28 ॥
ଇତି ଶ୍ରୀମଦାନଂଦରାମାୟଣେ ମନୋହରକାଂଡେ ସୁତୀକ୍ଷ୍ଣାଗସ୍ତ୍ୟସଂଵାଦେ ଶ୍ରୀରାମକଵଚମ୍ ॥