ହେ ସ୍ଵାମିନାଥାର୍ତବଂଧୋ ।
ଭସ୍ମଲିପ୍ତାଂଗ ଗାଂଗେୟ କାରୁଣ୍ୟସିଂଧୋ ॥
ରୁଦ୍ରାକ୍ଷଧାରିନ୍ନମସ୍ତେ
ରୌଦ୍ରରୋଗଂ ହର ତ୍ଵଂ ପୁରାରେର୍ଗୁରୋର୍ମେ ।
ରାକେଂଦୁଵକ୍ତ୍ରଂ ଭଵଂତଂ
ମାରରୂପଂ କୁମାରଂ ଭଜେ କାମପୂରମ୍ ॥ 1 ॥
ମାଂ ପାହି ରୋଗାଦଘୋରାତ୍
ମଂଗଳାପାଂଗପାତେନ ଭଂଗାତ୍ସ୍ଵରାଣାମ୍ ।
କାଲାଚ୍ଚ ଦୁଷ୍ପାକକୂଲାତ୍
କାଲକାଲସ୍ୟସୂନୁଂ ଭଜେ କ୍ରାଂତସାନୁମ୍ ॥ 2 ॥
ବ୍ରହ୍ମାଦୟୋ ୟସ୍ୟ ଶିଷ୍ୟାଃ
ବ୍ରହ୍ମପୁତ୍ରା ଗିରୌ ୟସ୍ୟ ସୋପାନଭୂତାଃ ।
ସୈନ୍ୟଂ ସୁରାଶ୍ଚାପି ସର୍ଵେ
ସାମଵେଦାଦିଗେୟଂ ଭଜେ କାର୍ତିକେୟମ୍ ॥ 3 ॥
କାଷାୟ ସଂଵୀତ ଗାତ୍ରଂ
କାମରୋଗାଦି ସଂହାରି ଭିକ୍ଷାନ୍ନ ପାତ୍ରମ୍ ।
କାରୁଣ୍ୟ ସଂପୂର୍ଣ ନେତ୍ରଂ
ଶକ୍ତିହସ୍ତଂ ପଵିତ୍ରଂ ଭଜେ ଶଂଭୁପୁତ୍ରମ୍ ॥ 4 ॥
ଶ୍ରୀସ୍ଵାମି ଶୈଲେ ଵସଂତଂ
ସାଧୁସଂଘସ୍ୟ ରୋଗାନ୍ ସଦା ସଂହରଂତମ୍ ।
ଓଂକାରତତ୍ତ୍ଵଂ ଵଦଂତଂ
ଶଂଭୁକର୍ଣେ ହସଂତଂ ଭଜେଽହଂ ଶିଶୁଂ ତମ୍ ॥ 5 ॥
ସ୍ତୋତ୍ରଂ କୃତଂ ଚିତ୍ରଚିତ୍ରଂ
ଦୀକ୍ଷିତାନଂତରାମେଣ ସର୍ଵାର୍ଥସିଦ୍ଧ୍ୟୈ ।
ଭକ୍ତ୍ୟା ପଠେଦ୍ୟଃ ପ୍ରଭାତେ
ଦେଵଦେଵପ୍ରସାଦାତ୍ ଲଭେତାଷ୍ଟସିଦ୍ଧିମ୍ ॥ 6 ॥
ଇତି ଶ୍ରୀଅନଂତରାମଦୀକ୍ଷିତର୍ କୃତଂ ଶ୍ରୀ ସ୍ଵାମିନାଥ ପଂଚକମ୍ ।