କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ମ୍ପ୍ରଥମକାଣ୍ଡେ ସପ୍ତମଃ ପ୍ରଶ୍ନଃ – ୟାଜମାନ ବ୍ରାହ୍ମଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ପା॒କ॒ୟ॒ଜ୍ଞଂ-ଵାଁ ଅନ୍ଵାହି॑ତାଗ୍ନେଃ ପ॒ଶଵ॒ ଉପ॑ ତିଷ୍ଠନ୍ତ॒ ଇଡା॒ ଖଲୁ॒ ଵୈ ପା॑କୟ॒ଜ୍ଞ-ସ୍ସୈଷା-ଽନ୍ତ॒ରା ପ୍ର॑ୟାଜାନୂୟା॒ଜାନ୍. ୟଜ॑ମାନସ୍ୟ ଲୋ॒କେ-ଽଵ॑ହିତା॒ ତାମା᳚ହ୍ରି॒ୟମା॑ଣାମ॒ଭି ମ॑ନ୍ତ୍ରୟେତ॒ ସୁରୂ॑ପଵର୍ଷଵର୍ଣ॒ ଏହୀତି॑ ପ॒ଶଵୋ॒ ଵା ଇଡା॑ ପ॒ଶୂନେ॒ଵୋପ॑ ହ୍ଵୟତେ ୟ॒ଜ୍ଞଂ-ଵୈଁ ଦେ॒ଵା ଅଦୁ॑ହ୍ରନ୍. ୟ॒ଜ୍ଞୋ-ଽସୁ॑ରାଗ୍ମ୍ ଅଦୁହ॒-ତ୍ତେ-ଽସୁ॑ରା ॒ଜ୍ଞଦୁ॑ଗ୍ଧାଃ॒ ପରା॑-ଽଭଵ॒ନ୍॒. ୟୋ ଵୈ ୟ॒ଜ୍ଞସ୍ୟ॒ ଦୋହଂ॑-ଵିଁ॒ଦ୍ଵାନ୍ [ ] 1
ୟଜ॒ତେ-ଽପ୍ୟ॒ନ୍ୟଂ-ୟଁଜ॑ମାନ-ନ୍ଦୁହେ॒ ସା ମେ॑ ସ॒ତ୍ୟା-ଽଽଶୀର॒ସ୍ୟ ୟ॒ଜ୍ଞସ୍ୟ॑ ଭୂୟା॒ଦିତ୍ୟା॑ହୈ॒ଷ ଵୈ ୟ॒ଜ୍ଞସ୍ୟ॒ ଦୋହ॒ସ୍ତେନୈ॒ଵୈନ॑-ନ୍ଦୁହେ॒ ପ୍ରତ୍ତା॒ ଵୈ ଗୌର୍ଦୁ॑ହେ॒ ପ୍ରତ୍ତେଡା॒ ୟଜ॑ମାନାୟ ଦୁହ ଏ॒ତେ ଵା ଇଡା॑ୟୈ॒ ସ୍ତନା॒ ଇଡୋପ॑ହୂ॒ତେତି॑ ଵା॒ୟୁର୍ଵ॒ଥ୍ସୋ ୟର୍ହି॒ ହୋତେଡା॑ମୁପ॒ହ୍ଵୟେ॑ତ॒ ତର୍ହି॒ ୟଜ॑ମାନୋ॒ ହୋତା॑ର॒ମୀକ୍ଷ॑ମାଣୋ ଵା॒ୟୁ-ମ୍ମନ॑ସା ଧ୍ୟାୟେ- [ଧ୍ୟାୟେତ୍, ମା॒ତ୍ରେ] 2
-ନ୍ମା॒ତ୍ରେ ଵ॒ଥ୍ସ-ମୁ॒ପାଵ॑ସୃଜତି॒ ସର୍ଵେ॑ଣ॒ ଵୈ ୟ॒ଜ୍ଞେନ॑ ଦେ॒ଵା-ସ୍ସୁ॑ଵ॒ର୍ଗଂ-ଲୋଁ॒କମା॑ୟ-ନ୍ପାକୟ॒ଜ୍ଞେନ॒ ମନୁ॑ରଶ୍ରାମ୍ୟ॒ଥ୍ସେଡା॒ ମନୁ॑ମୁ॒ପାଵ॑ର୍ତତ॒ ତା-ନ୍ଦେ॑ଵାସୁ॒ରା ଵ୍ୟ॑ହ୍ଵୟନ୍ତ ପ୍ର॒ତୀଚୀ᳚-ନ୍ଦେ॒ଵାଃ ପରା॑ଚୀ॒ମସୁ॑ରା॒-ସ୍ସା ଦେ॒ଵାନୁ॒ପାଵ॑ର୍ତତ ପ॒ଶଵୋ॒ ଵୈ ତ-ଦ୍ଦେ॒ଵାନ॑ଵୃଣତ ପ॒ଶଵୋ-ଽସୁ॑ରାନଜହୁ॒ର୍ୟ-ଙ୍କା॒ମୟେ॑ତାପ॒ଶୁ-ସ୍ସ୍ୟା॒ଦିତି॒ ପରା॑ଚୀ॒-ନ୍ତସ୍ୟେଡା॒ମୁପ॑ ହ୍ଵୟେତାପ॒ଶୁରେ॒ଵ ଭ॑ଵତି॒ ୟଂ- [ଭ॑ଵତି॒ ୟମ୍, କା॒ମୟେ॑ତ] 3
-କା॒ମୟେ॑ତ ପଶୁ॒ମାନ୍-ଥ୍ସ୍ୟା॒ଦିତି॑ ପ୍ର॒ତୀଚୀ॒-ନ୍ତସ୍ୟେଡା॒-ମୁପ॑ ହ୍ଵୟେତ ପଶୁ॒ମାନେ॒ଵ ଭ॑ଵତି ବ୍ରହ୍ମଵା॒ଦିନୋ॑ ଵଦନ୍ତି॒ ସ ତ୍ଵା ଇଡା॒ମୁପ॑ ହ୍ଵୟେତ॒ ୟ ଇଡା॑- ମୁପ॒ହୂୟା॒ତ୍ମାନ॒-ମିଡା॑ୟା-ମୁପ॒ହ୍ଵୟେ॒ତେତି॒ ସା ନଃ॑ ପ୍ରି॒ୟା ସୁ॒ପ୍ରତୂ᳚ର୍ତି-ର୍ମ॒ଘୋନୀତ୍ୟା॒ହେଡା॑-ମେ॒ଵୋପ॒ହୂୟା॒-ଽଽତ୍ମାନ॒ -ମିଡା॑ୟା॒ମୁପ॑ ହ୍ଵୟତେ॒ ଵ୍ୟ॑ସ୍ତମିଵ॒ ଵା ଏ॒ତ-ଦ୍ୟ॒ଜ୍ଞସ୍ୟ॒ ୟଦିଡା॑ ସା॒ମି ପ୍ରା॒ଶ୍ଞନ୍ତି॑ [ ] 4
ସା॒ମି ମା᳚ର୍ଜୟନ୍ତ ଏ॒ତ-ତ୍ପ୍ରତି॒ ଵା ଅସୁ॑ରାଣାଂ-ୟଁ॒ଜ୍ଞୋ ଵ୍ୟ॑ଚ୍ଛିଦ୍ୟତ॒ ବ୍ରହ୍ମ॑ଣା ଦେ॒ଵା-ସ୍ସମ॑ଦଧୁ॒-ର୍ବୃହ॒ସ୍ପତି॑ -ସ୍ତନୁତାମି॒ମ-ନ୍ନ॒ ଇତ୍ୟା॑ହ॒ ବ୍ରହ୍ମ॒ ଵୈ ଦେ॒ଵାନା॒-ମ୍ବୃହ॒ସ୍ପତି॒-ର୍ବ୍ରହ୍ମ॑ଣୈ॒ଵ ୟ॒ଜ୍ଞଗ୍ମ୍ ସ-ନ୍ଦ॑ଧାତି॒ ଵିଚ୍ଛି॑ନ୍ନଂ-ୟଁ॒ଜ୍ଞଗ୍ମ୍ ସମି॒ମ-ନ୍ଦ॑ଧା॒ତ୍ଵିତ୍ୟା॑ହ॒ ସନ୍ତ॑ତ୍ୟୈ॒ ଵିଶ୍ଵେ॑ ଦେ॒ଵା ଇ॒ହ ମା॑ଦୟନ୍ତା॒ମିତ୍ୟା॑ହ ସ॒ନ୍ତତ୍ୟୈ॒ଵ ୟ॒ଜ୍ଞ-ନ୍ଦେ॒ଵେଭ୍ୟୋ-ଽନୁ॑ ଦିଶତି॒ ୟାଂ-ଵୈଁ [ ] 5
ୟ॒ଜ୍ଞେ ଦକ୍ଷି॑ଣା॒-ନ୍ଦଦା॑ତି॒ ତାମ॑ସ୍ୟ ପ॒ଶଵୋ-ଽନୁ॒ ସ-ଙ୍କ୍ରା॑ମନ୍ତି॒ ସ ଏ॒ଷ ଈ॑ଜା॒ନୋ॑-ଽପ॒ଶୁ-ର୍ଭାଵୁ॑କୋ॒ ୟଜ॑ମାନେନ॒ ଖଲୁ॒ ଵୈ ତତ୍କା॒ର୍ୟ॑-ମିତ୍ୟା॑ହୁ॒-ର୍ୟଥା॑ ଦେଵ॒ତ୍ରା ଦ॒ତ୍ତ-ଙ୍କୁ॑ର୍ଵୀ॒ତାତ୍ମ-ନ୍ପ॒ଶୂ-ନ୍ର॒ମୟେ॒ତେତି॒ ବ୍ରଦ୍ଧ୍ନ॒ ପିନ୍ଵ॒ସ୍ଵେତ୍ୟା॑ହ ୟ॒ଜ୍ଞୋ ଵୈ ବ୍ର॒ଦ୍ଧ୍ନୋ ୟ॒ଜ୍ଞମେ॒ଵ ତନ୍ମ॑ହୟ॒ତ୍ୟଥୋ॑ ଦେଵ॒ତ୍ରୈଵ ଦ॒ତ୍ତ-ଙ୍କୁ॑ରୁତ ଆ॒ତ୍ମ-ନ୍ପ॒ଶୂ-ନ୍ର॑ମୟତେ॒ ଦଦ॑ତୋ ମେ॒ ମା କ୍ଷା॒ୟୀତ୍ୟା॒ହାକ୍ଷି॑ତି-ମେ॒ଵୋପୈ॑ତି କୁର୍ଵ॒ତୋ ମେ॒ ମୋପ॑ ଦସ॒ଦିତ୍ୟା॑ହ ଭୂ॒ମାନ॑ମେ॒ଵୋପୈ॑ତି ॥ 6 ॥
(ଵି॒ଦ୍ଵାନ୍-ଧ୍ୟା॑ୟେ-ଦ୍ଭଵତି॒ ୟଂ-ପ୍ରା॒ଶ୍ଞନ୍ତି॒-ୟାଂ-ଵୈଁ-ମ॒-ଏକା॒ନ୍ନଵିଗ୍ମ୍॑ଶ॒ତିଶ୍ଚ॑ ) (ଅ. 1)
ସଗ୍ଗ୍ଶ୍ର॑ଵା ହ ସୌଵର୍ଚନ॒ସଃ ତୁମି॑ଞ୍ଜ॒ମୌପୋ॑ଦିତି-ମୁଵାଚ॒ ୟଥ୍ସ॒ତ୍ରିଣା॒ଗ୍ମ୍॒ ହୋତା-ଽଭୂଃ॒ କାମିଡା॒ମୁପା᳚ହ୍ଵଥା॒ ଇତି॒ ତାମୁପା᳚ହ୍ଵ॒ ଇତି॑ ହୋଵାଚ॒ ୟା ପ୍ରା॒ଣେନ॑ ଦେ॒ଵା-ନ୍ଦା॒ଧାର॑ ଵ୍ୟା॒ନେନ॑ ମନୁ॒ଷ୍ୟା॑ନପା॒ନେନ॑ ପି॒ତୃନିତି॑ ଛି॒ନତ୍ତି॒ ସା ନ ଛି॑ନ॒ତ୍ତୀ(3) ଇତି॑ ଛି॒ନତ୍ତୀତି॑ ହୋଵାଚ॒ ଶରୀ॑ରଂ॒-ଵାଁ ଅ॑ସ୍ୟୈ॒ ତଦୁପା᳚ହ୍ଵଥା॒ ଇତି॑ ହୋଵାଚ॒ ଗୌର୍ଵା [ଗୌର୍ଵୈ, ଅ॒ସ୍ୟୈ॒ ଶରୀ॑ରଂ॒] 7
ଅ॑ସ୍ୟୈ॒ ଶରୀ॑ର॒-ଙ୍ଗାଂ-ଵାଁଵ ତୌ ତ-ତ୍ପର୍ୟ॑ଵଦତାଂ॒-ୟାଁ ୟ॒ଜ୍ଞେ ଦୀ॒ୟତେ॒ ସା ପ୍ରା॒ଣେନ॑ ଦେ॒ଵା-ନ୍ଦା॑ଧାର॒ ୟୟା॑ ମନୁ॒ଷ୍ୟା॑ ଜୀଵ॑ନ୍ତି॒ ସା ଵ୍ୟା॒ନେନ॑ ମନୁ॒ଷ୍ୟାନ୍॑ ୟା-ମ୍ପି॒ତୃଭ୍ୟୋ॒ ଘ୍ନନ୍ତି॒ ସା-ଽପା॒ନେନ॑ ପି॒ତୄନ୍. ୟ ଏ॒ଵଂ ଵେଁଦ॑ ପଶୁ॒ମା-ନ୍ଭ॑ଵ॒ତ୍ୟଥ॒ ଵୈ ତାମୁପା᳚ହ୍ଵ॒ ଇତି॑ ହୋଵାଚ॒ ୟା ପ୍ର॒ଜାଃ ପ୍ର॒ଭଵ॑ନ୍ତୀଃ॒ ପ୍ରତ୍ୟା॒ଭଵ॒ତୀତ୍ୟନ୍ନଂ॒ ଵାଁ ଅ॑ସ୍ୟୈ॒ ତ- [ଅ॑ସ୍ୟୈ॒ ତତ୍, ଉପା᳚ହ୍ଵଥା॒ ଇତି॑] 8
-ଦୁପା᳚ହ୍ଵଥା॒ ଇତି॑ ହୋଵା॒ଚୌଷ॑ଧୟୋ॒ ଵା ଅ॑ସ୍ୟା॒ ଅନ୍ନ॒ମୋଷ॑ଧୟୋ॒ ଵୈ ପ୍ର॒ଜାଃ ପ୍ର॒ଭଵ॑ନ୍ତୀଃ॒ ପ୍ରତ୍ୟା ଭ॑ଵନ୍ତି॒ ୟ ଏ॒ଵଂ-ଵେଁଦା᳚ନ୍ନା॒ଦୋ ଭ॑ଵ॒ତ୍ୟଥ॒ ଵୈ ତାମୁପା᳚ହ୍ଵ॒ ଇତି॑ ହୋଵାଚ॒ ୟା ପ୍ର॒ଜାଃ ପ॑ରା॒ଭଵ॑ନ୍ତୀ-ରନୁଗୃ॒ହ୍ଣାତି॒ ପ୍ରତ୍ୟା॒ଭଵ॑ନ୍ତୀ-ର୍ଗୃ॒ହ୍ଣାତୀତି॑ ପ୍ରତି॒ଷ୍ଠାଂ-ଵାଁ ଅ॑ସ୍ୟୈ॒ ତଦୁପା᳚ହ୍ଵଥା॒ ଇତି॑ ହୋଵାଚେ॒ୟଂ-ଵାଁ ଅ॑ସ୍ୟୈ ପ୍ରତି॒ଷ୍ଠେ [ପ୍ରତି॒ଷ୍ଠା, ଇ॒ୟଂ-ଵୈଁ] 9
ୟଂ-ଵୈଁ ପ୍ର॒ଜାଃ ପ॑ରା॒ଭଵ॑ନ୍ତୀ॒ରନୁ॑ ଗୃହ୍ଣାତି॒ ପ୍ରତ୍ୟା॒ଭଵ॑ନ୍ତୀ-ର୍ଗୃହ୍ଣାତି॒ ୟ ଏ॒ଵଂ-ଵେଁଦ॒ ପ୍ରତ୍ୟେ॒ଵ ତି॑ଷ୍ଠ॒ତ୍ୟଥ॒ ଵୈ ତାମୁପା᳚ହ୍ଵ॒ ଇତି॑ ହୋଵାଚ॒ ୟସ୍ୟୈ॑ ନି॒କ୍ରମ॑ଣେ ଘୃ॒ତ-ମ୍ପ୍ର॒ଜା-ସ୍ସ॒ଞ୍ଜୀଵ॑ନ୍ତୀଃ॒ ପିବ॒ନ୍ତୀତି॑ ଛି॒ନତ୍ତି॒ ସା ନ ଛି॑ନ॒ତ୍ତୀ (3) ଇତି॒ ନ ଛି॑ନ॒ତ୍ତୀତି॑ ହୋଵାଚ॒ ପ୍ର ତୁ ଜ॑ନୟ॒ତୀତ୍ୟେ॒ଷ ଵା ଇଡା॒ମୁପା᳚ହ୍ଵଥା॒ ଇତି॑ ହୋଵାଚ॒ ଵୃଷ୍ଟି॒ର୍॒ଵା ଇଡା॒ ଵୃଷ୍ଟ୍ୟୈ॒ ଵୈ ନି॒କ୍ରମ॑ଣେ ଘୃ॒ତ-ମ୍ପ୍ର॒ଜା-ସ୍ସ॒ଞ୍ଜୀଵ॑ନ୍ତୀଃ ପିବନ୍ତି॒ ୟ ଏ॒ଵଂ-ଵେଁଦ॒ ପ୍ରୈଵ ଜା॑ୟତେ-ଽନ୍ନା॒ଦୋ ଭ॑ଵତି ॥ 10 ॥
(ଗୌର୍ଵା-ଅ॑ସ୍ୟୈ॒ ତତ୍-ପ୍ର॑ତି॒ଷ୍ଠା-ଽହ୍ଵ॑ଥା॒ ଇତି॑-ଵିଗ୍ମ୍ଶ॒ତିଶ୍ଚ॑) (ଅ. 2)
ପ॒ରୋକ୍ଷଂ॒-ଵାଁ ଅ॒ନ୍ୟେ ଦେ॒ଵା ଇ॒ଜ୍ୟନ୍ତେ᳚ ପ୍ର॒ତ୍ୟକ୍ଷ॑ମ॒ନ୍ୟେ ୟ-ଦ୍ୟଜ॑ତେ॒ ୟ ଏ॒ଵ ଦେ॒ଵାଃ ପ॒ରୋକ୍ଷ॑ମି॒ଜ୍ୟନ୍ତେ॒ ତାନେ॒ଵ ତ-ଦ୍ୟ॑ଜତି॒ ୟଦ॑ନ୍ଵାହା॒ର୍ୟ॑-ମା॒ହର॑ତ୍ୟେ॒ତେ ଵୈ ଦେ॒ଵାଃ ପ୍ର॒ତ୍ୟକ୍ଷଂ॒-ୟଁ-ଦ୍ବ୍ରା᳚ହ୍ମ॒ଣାସ୍ତାନେ॒ଵ ତେନ॑ ପ୍ରୀଣା॒ତ୍ୟଥୋ॒ ଦକ୍ଷି॑ଣୈ॒ଵାସ୍ୟୈ॒ଷା-ଽଥୋ॑ ୟ॒ଜ୍ଞସ୍ୟୈ॒ଵ ଛି॒ଦ୍ରମପି॑ ଦଧାତି॒ ୟଦ୍ଵୈ ୟ॒ଜ୍ଞସ୍ୟ॑ କ୍ରୂ॒ରଂ-ୟଁଦ୍ଵିଲି॑ଷ୍ଟ॒-ନ୍ତଦ॑ନ୍ଵାହା॒ର୍ୟେ॑ଣା॒- [ତଦ॑ନ୍ଵାହା॒ର୍ୟେ॑ଣ, ଅ॒ନ୍ଵାହ॑ରତି॒] 11
-ଽନ୍ଵାହ॑ରତି॒ ତଦ॑ନ୍ଵାହା॒ର୍ୟ॑ସ୍ୟା-ନ୍ଵାହାର୍ୟ॒ତ୍ଵ-ନ୍ଦେ॑ଵଦୂ॒ତା ଵା ଏ॒ତେ ୟଦ୍-ଋ॒ତ୍ଵିଜୋ॒ ୟଦ॑ନ୍ଵାହା॒ର୍ୟ॑-ମା॒ହର॑ତି ଦେଵଦୂ॒ତାନେ॒ଵ ପ୍ରୀ॑ଣାତି ପ୍ର॒ଜାପ॑ତି-ର୍ଦେ॒ଵେଭ୍ୟୋ॑ ୟ॒ଜ୍ଞାନ୍ ଵ୍ୟାଦି॑ଶ॒-ଥ୍ସ ରି॑ରିଚା॒ନୋ॑-ଽମନ୍ୟତ॒ ସ ଏ॒ତମ॑ନ୍ଵାହା॒ର୍ୟ॑-ମଭ॑କ୍ତ-ମପଶ୍ୟ॒-ତ୍ତମା॒ତ୍ମନ୍ନ॑ଧତ୍ତ॒ସ ଵା ଏ॒ଷ ପ୍ରା॑ଜାପ॒ତ୍ୟୋ ୟଦ॑ନ୍ଵାହା॒ର୍ୟୋ॑ ୟସ୍ୟୈ॒ଵଂ-ଵିଁ॒ଦୁଷୋ᳚-ଽନ୍ଵାହା॒ର୍ୟ॑ ଆହ୍ରି॒ୟତେ॑ ସା॒କ୍ଷାଦେ॒ଵ ପ୍ର॒ଜାପ॑ତି-ମୃଦ୍ଧ୍ନୋ॒ତ୍ୟପ॑ରିମିତୋନି॒ରୁପ୍ୟୋ-ଽପ॑ରିମିତଃ ପ୍ର॒ଜାପ॑ତିଃ ପ୍ର॒ଜାପ॑ତେ॒- [ପ୍ର॒ଜାପ॑ତେଃ, ଆପ୍ତ୍ୟୈ॑] 12
-ରାପ୍ତ୍ୟୈ॑ ଦେ॒ଵା ଵୈ ୟ-ଦ୍ୟ॒ଜ୍ଞେ-ଽକୁ॑ର୍ଵତ॒ ତଦସୁ॑ରା ଅକୁର୍ଵତ॒ ତେ ଦେ॒ଵା ଏ॒ତ-ମ୍ପ୍ରା॑ଜାପ॒ତ୍ୟ-ମ॑ନ୍ଵାହା॒ର୍ୟ॑-ମପଶ୍ୟ॒-ନ୍ତମ॒ନ୍ଵାହ॑ରନ୍ତ॒ ତତୋ॑ ଦେ॒ଵା ଅଭ॑ଵ॒-ନ୍ପରାସୁ॑ରା॒ ୟସ୍ୟୈ॒ଵଂ-ଵିଁ॒ଦୁଷୋ᳚-ଽନ୍ଵାହା॒ର୍ୟ॑ ଆହ୍ରି॒ୟତେ॒ ଭଵ॑ତ୍ୟା॒ତ୍ମନା॒ ପରା᳚ସ୍ୟ॒ ଭ୍ରାତୃ॑ଵ୍ୟୋ ଭଵତି ୟ॒ଜ୍ଞେନ॒ ଵା ଇ॒ଷ୍ଟୀ ପ॒କ୍ଵେନ॑ ପୂ॒ର୍ତୀ ୟସ୍ୟୈ॒ଵଂ-ଵିଁ॒ଦୁଷୋ᳚-ଽନ୍ଵାହା॒ର୍ୟ॑ ଆହ୍ରି॒ୟତେ॒ ସ ତ୍ଵେ॑ଵେଷ୍ଟା॑ପୂ॒ର୍ତୀ ପ୍ର॒ଜାପ॑ତେର୍ଭା॒ଗୋ॑-ଽସୀ- [ପ୍ର॒ଜାପ॑ତେର୍ଭା॒ଗୋ॑-ଽସୀ, ଇତ୍ୟା॑ହ] 13
-ତ୍ୟା॑ହ ପ୍ର॒ଜାପ॑ତିମେ॒ଵ ଭା॑ଗ॒ଧେୟେ॑ନ॒ ସମ॑ର୍ଧୟ॒ତ୍ୟୂର୍ଜ॑ସ୍ଵା॒-ନ୍ପୟ॑ସ୍ଵା॒ନିତ୍ୟା॒ହୋର୍ଜ॑-ମେ॒ଵାସ୍ମି॒-ନ୍ପୟୋ॑ ଦଧାତି ପ୍ରାଣାପା॒ନୌ ମେ॑ ପାହି ସମାନଵ୍ୟା॒ନୌ ମେ॑ ପା॒ହୀତ୍ୟା॑ହା॒-ଽଽଶିଷ॑ମେ॒ଵୈତାମା ଶା॒ସ୍ତେ ଽକ୍ଷି॑ତୋ॒ ଽସ୍ୟକ୍ଷି॑ତ୍ୟୈ ତ୍ଵା॒ ମା ମେ᳚ କ୍ଷେଷ୍ଠା ଅ॒ମୁତ୍ରା॒ମୁଷ୍ମି॑-ଲ୍ଲୋଁ॒କ ଇତ୍ୟା॑ହ॒ କ୍ଷୀୟ॑ତେ॒ ଵା ଅ॒ମୁଷ୍ମି॑-ଲ୍ଲୋଁ॒କେ-ଽନ୍ନ॑-ମି॒ତଃପ୍ର॑ଦାନ॒ଗ୍ଗ୍॒ ହ୍ୟ॑ମୁଷ୍ମି-ଲ୍ଲୋଁ॒କେ ପ୍ର॒ଜା ଉ॑ପ॒ଜୀଵ॑ନ୍ତି॒ ୟଦେ॒ଵ-ମ॑ଭିମୃ॒ଶତ୍ୟକ୍ଷି॑ତି-ମେ॒ଵୈନ॑-ଦ୍ଗମୟତି॒ ନାସ୍ୟା॒ମୁଷ୍ମି॑-ଲ୍ଲୋଁ॒କେ-ଽନ୍ନ॑-ଙ୍କ୍ଷୀୟତେ ॥ 14 ॥
(ଅ॒ନ୍ଵା॒ହା॒ର୍ୟେ॑ଣ-ପ୍ର॒ଜାପ॑ତେ-ରସି॒-ହ୍ୟ॑ମୁଷ୍ମି॑-ଲ୍ଲୋଁ॒କେ-ପଞ୍ଚ॑ଦଶ ଚ ) (ଅ. 3)
ବ॒ର୍॒ହିଷୋ॒-ଽହ-ନ୍ଦେ॑ଵୟ॒ଜ୍ୟୟା᳚ ପ୍ର॒ଜାଵା᳚-ନ୍ଭୂୟାସ॒ମିତ୍ୟା॑ହ ବ॒ର୍॒ହିଷା॒ ଵୈ ପ୍ର॒ଜାପ॑ତିଃ ପ୍ର॒ଜା ଅ॑ସୃଜତ॒ ତେନୈ॒ଵ ପ୍ର॒ଜା-ସ୍ସୃ॑ଜତେ॒ ନରା॒ଶଗ୍ମ୍ସ॑ସ୍ୟା॒ହ-ନ୍ଦେ॑ଵୟ॒ଜ୍ୟୟା॑ ପଶୁ॒ମା-ନ୍ଭୂ॑ୟାସ॒ମିତ୍ୟା॑ହ॒ ନରା॒ଶଗ୍ମ୍ସେ॑ନ॒ ଵୈ ପ୍ର॒ଜାପ॑ତିଃ ପ॒ଶୂନ॑ସୃଜତ॒ ତେନୈ॒ଵ ପ॒ଶୂନ୍-ଥ୍ସୃ॑ଜତେ॒-ଽଗ୍ନେ-ସ୍ସ୍ଵି॑ଷ୍ଟ॒କୃତୋ॒-ଽହ-ନ୍ଦେ॑ଵୟ॒ଜ୍ୟୟା-ଽଽୟୁ॑ଷ୍ମାନ୍. ୟ॒ଜ୍ଞେନ॑ ପ୍ରତି॒ଷ୍ଠା-ଙ୍ଗ॑ମେୟ॒ମିତ୍ୟା॒ହା-ଽଽୟୁ॑ରେ॒ଵାତ୍ମ-ନ୍ଧ॑ତ୍ତେ॒ ପ୍ରତି॑ ୟ॒ଜ୍ଞେନ॑ ତିଷ୍ଠତି ଦର୍ଶପୂର୍ଣମା॒ସୟୋ॒- [ଦର୍ଶପୂର୍ଣମା॒ସୟୋଃ᳚, ଵୈ ଦେ॒ଵା] 15
-ର୍ଵୈ ଦେ॒ଵା ଉଜ୍ଜି॑ତି॒-ମନୂଦ॑ଜୟ-ନ୍ଦର୍ଶପୂର୍ଣମା॒ସାଭ୍ୟା॒- ମସୁ॑ରା॒ନପା॑-ନୁଦନ୍ତା॒ଗ୍ନେ-ର॒ହମୁଜ୍ଜି॑ତି॒-ମନୂଜ୍ଜେ॑ଷ॒-ମିତ୍ୟା॑ହ ଦର୍ଶପୂର୍ଣମା॒ସୟୋ॑ରେ॒ଵ ଦେ॒ଵତା॑ନାଂ॒-ୟଁଜ॑ମାନ॒ ଉଜ୍ଜି॑ତି॒ମନୂଜ୍ଜ॑ୟତି ଦର୍ଶପୂର୍ଣମା॒ସାଭ୍ୟା॒-ମ୍ଭ୍ରାତୃ॑ଵ୍ୟା॒ନପ॑ ନୁଦତେ॒ ଵାଜ॑ଵତୀଭ୍ୟାଂ॒-ଵ୍ୟୂଁ॑ହ॒ତ୍ୟନ୍ନଂ॒-ଵୈଁ ଵାଜୋ-ଽନ୍ନ॑ମେ॒ଵାଵ॑ ରୁନ୍ଧେ॒ ଦ୍ଵାଭ୍ୟା॒-ମ୍ପ୍ରତି॑ଷ୍ଠିତ୍ୟୈ॒ ୟୋ ଵୈ ୟ॒ଜ୍ଞସ୍ୟ॒ ଦ୍ଵୌ ଦୋହୌ॑ ଵି॒ଦ୍ଵାନ୍ ୟଜ॑ତ ଉଭ॒ୟତ॑ [ଉଭ॒ୟତଃ॑, ଏ॒ଵ ୟ॒ଜ୍ଞଂ] 16
ଏ॒ଵ ୟ॒ଜ୍ଞ-ନ୍ଦୁ॑ହେ ପୁ॒ରସ୍ତା᳚ଚ୍ଚୋ॒ପରି॑ଷ୍ଟାଚ୍ଚୈ॒ଷ ଵା ଅ॒ନ୍ୟୋ ୟ॒ଜ୍ଞସ୍ୟ॒ ଦୋହ॒ ଇଡା॑ୟାମ॒ନ୍ୟୋ ୟର୍ହି॒ ହୋତା॒ ୟଜ॑ମାନସ୍ୟ॒ ନାମ॑ ଗୃହ୍ଣୀ॒ୟା-ତ୍ତର୍ହି॑ ବ୍ରୂୟା॒ଦେମା ଅ॑ଗ୍ମନ୍ନା॒ଶିଷୋ॒ ଦୋହ॑କାମା॒ ଇତି॒ ସଗ୍ଗ୍ସ୍ତୁ॑ତା ଏ॒ଵ ଦେ॒ଵତା॑ ଦୁ॒ହେ-ଽଥୋ॑ ଉଭ॒ୟତ॑ ଏ॒ଵ ୟ॒ଜ୍ଞ-ନ୍ଦୁ॑ହେ ପୁ॒ରସ୍ତା᳚ଚ୍ଚୋ॒ପରି॑ଷ୍ଟାଚ୍ଚ॒ ରୋହି॑ତେନ ତ୍ଵା॒-ଽଗ୍ନିର୍ଦେ॒ଵତା᳚-ଙ୍ଗମୟ॒ତ୍ଵିତ୍ୟା॑ହୈ॒ତେ ଵୈ ଦେ॑ଵା॒ଶ୍ଵା [ଵୈ ଦେ॑ଵା॒ଶ୍ଵାଃ, ୟଜ॑ମାନଃ ପ୍ରସ୍ତ॒ରୋ] 17
ୟଜ॑ମାନଃ ପ୍ରସ୍ତ॒ରୋ ୟଦେ॒ତୈଃ ପ୍ର॑ସ୍ତ॒ର-ମ୍ପ୍ର॒ହର॑ତି ଦେଵା॒ଶ୍ଵୈରେ॒ଵ ୟଜ॑ମାନଗ୍ମ୍ ସୁଵ॒ର୍ଗଂ-ଲୋଁ॒କ-ଙ୍ଗ॑ମୟତି॒ ଵି ତେ॑ ମୁଞ୍ଚାମି ରଶ॒ନା ଵି ର॒ଶ୍ମୀନିତ୍ୟା॑ହୈ॒ଷ ଵା ଅ॒ଗ୍ନେର୍ଵି॑ମୋ॒କସ୍ତେ-ନୈ॒ଵୈନଂ॒-ଵିଁମୁ॑ଞ୍ଚତି ॒ଵିଷ୍ଣୋ᳚-ଶ୍ଶଂ॒ୟୋଁର॒ହ-ନ୍ଦେ॑ଵୟ॒ଜ୍ୟୟା॑ ୟ॒ଜ୍ଞେନ॑ ପ୍ରତି॒ଷ୍ଠା-ଙ୍ଗ॑ମେୟ॒ମିତ୍ୟା॑ହ ୟ॒ଜ୍ଞୋ ଵୈ ଵିଷ୍ଣୁ॑-ର୍ୟ॒ଜ୍ଞ ଏ॒ଵାନ୍ତ॒ତଃ ପ୍ରତି॑ ତିଷ୍ଠତି॒ ସୋମ॑ସ୍ୟା॒ହ-ନ୍ଦେ॑ଵୟ॒ଜ୍ୟୟା॑ ସୁ॒ରେତା॒ [ସୁ॒ରେତାଃ᳚, ରେତୋ॑] 18
ରେତୋ॑ ଧିଷୀ॒ୟେତ୍ୟା॑ହ॒ ସୋମୋ॒ ଵୈ ରେ॑ତୋ॒ଧାସ୍ତେନୈ॒ଵ ରେତ॑ ଆ॒ତ୍ମ-ନ୍ଧ॑ତ୍ତେ॒ ତ୍ଵଷ୍ଟୁ॑ର॒ହ-ନ୍ଦେ॑ଵୟ॒ଜ୍ୟୟା॑ ପଶୂ॒ନାଗ୍ମ୍ ରୂ॒ପ-ମ୍ପୁ॑ଷେୟ॒ମିତ୍ୟା॑ହ॒ ତ୍ଵଷ୍ଟା॒ ଵୈ ପ॑ଶୂ॒ନା-ମ୍ମି॑ଥୁ॒ନାନାଗ୍ମ୍॑ ରୂପ॒କୃତ୍ତେନୈ॒ଵ ପ॑ଶୂ॒ନାଗ୍ମ୍ ରୂ॒ପମା॒ତ୍ମ-ନ୍ଧ॑ତ୍ତେ ଦେ॒ଵାନା॒-ମ୍ପତ୍ନୀ॑ର॒ଗ୍ନି-ର୍ଗୃ॒ହପ॑ତି-ର୍ୟ॒ଜ୍ଞସ୍ୟ॑ ମିଥୁ॒ନ-ନ୍ତୟୋ॑ର॒ହ-ନ୍ଦେ॑ଵୟ॒ଜ୍ୟୟା॑ ମିଥୁ॒ନେନ॒ ପ୍ରଭୂ॑ୟାସ॒-ମିତ୍ୟା॑ହୈ॒ତସ୍ମା॒-ଦ୍ଵୈ ମି॑ଥୁ॒ନା-ତ୍ପ୍ର॒ଜାପ॑ତି-ର୍ମିଥୁ॒ନେନ॒ [ର୍ମିଥୁ॒ନେନ॑, ପ୍ରା-ଽଜା॑ୟତ॒] 19
ପ୍ରା-ଽଜା॑ୟତ॒ ତସ୍ମା॑ଦେ॒ଵ ୟଜ॑ମାନୋ ମିଥୁ॒ନେନ॒ ପ୍ରଜା॑ୟତେ ଵେ॒ଦୋ॑-ଽସି॒ ଵିତ୍ତି॑ରସି ଵି॒ଦେୟେତ୍ୟା॑ହ ଵେ॒ଦେନ॒ ଵୈ ଦେ॒ଵା ଅସୁ॑ରାଣାଂ-ଵିଁ॒ତ୍ତଂ-ଵେଁଦ୍ୟ॑ମଵିନ୍ଦନ୍ତ॒ ତ-ଦ୍ଵେ॒ଦସ୍ୟ॑ ଵେଦ॒ତ୍ଵଂ-ୟଁଦ୍ୟ॒-ଦ୍ଭ୍ରାତୃ॑ଵ୍ୟସ୍ୟାଭି॒ଦ୍ଧ୍ୟାୟେ॒-ତ୍ତସ୍ୟ॒ ନାମ॑ ଗୃହ୍ଣୀୟା॒-ତ୍ତଦେ॒ଵାସ୍ୟ॒ ସର୍ଵଂ॑-ଵୃଁଙ୍କ୍ତେ ଘୃ॒ତଵ॑ନ୍ତ-ଙ୍କୁଲା॒ୟିନଗ୍ମ୍॑ ରା॒ୟସ୍ପୋଷଗ୍ମ୍॑ ସହ॒ସ୍ରିଣଂ॑-ଵେଁ॒ଦୋ ଦ॑ଦାତୁ ଵା॒ଜିନ॒ମିତ୍ୟା॑ହ॒ ପ୍ରସ॒ହସ୍ର॑-ମ୍ପ॒ଶୂନା᳚ପ୍ନୋ॒ତ୍ୟା ସ୍ୟ॑ ପ୍ର॒ଜାୟାଂ᳚-ଵାଁ॒ଜୀ ଜା॑ୟତେ॒ ୟ ଏ॒ଵଂ-ଵେଁଦ॑ ॥ 20 ॥
(ଦ॒ର୍॒ଶ॒ପୂ॒ର୍ଣ॒ମାସୟୋ॑-ରୁଭ॒ୟତୋ॑-ଦେଵା॒ଶ୍ଵାଃ-ସୁ॒ରେତାଃ᳚-ପ୍ର॒ଜାପ॑ତି-ର୍ମିଥୁ॒ନେନା᳚-ପ୍ନୋତ୍ୟ॒-ଷ୍ଟୌ ଚ॑) (ଅ. 4)
ଧ୍ରୁ॒ଵାଂ-ଵୈଁ ରିଚ୍ୟ॑ମାନାଂ-ୟଁ॒ଜ୍ଞୋ-ଽନୁ॑ ରିଚ୍ୟତେ ୟ॒ଜ୍ଞଂ-ୟଁଜ॑ମାନୋ॒ ୟଜ॑ମାନ-ମ୍ପ୍ର॒ଜା ଧ୍ରୁ॒ଵାମା॒ପ୍ୟାୟ॑ମାନାଂ-ୟଁ॒ଜ୍ଞୋ-ଽନ୍ଵା ପ୍ୟା॑ୟତେ ୟ॒ଜ୍ଞଂ-ୟଁଜ॑ମାନୋ॒ ୟଜ॑ମାନ-ମ୍ପ୍ର॒ଜା ଆ ପ୍ୟା॑ୟତା-ନ୍ଧ୍ରୁ॒ଵା ଘୃ॒ତେନେତ୍ୟା॑ହ ଧ୍ରୁ॒ଵାମେ॒ଵା ଽଽ ପ୍ୟା॑ୟୟତି॒ ତାମା॒ପ୍ୟାୟ॑ମାନାଂ-ୟଁ॒ଜ୍ଞୋ-ଽନ୍ଵା ପ୍ୟା॑ୟତେ ୟ॒ଜ୍ଞଂ-ୟଁଜ॑ମାନୋ॒ ୟଜ॑ମାନ-ମ୍ପ୍ର॒ଜାଃ ପ୍ର॒ଜାପ॑ତେ-ର୍ଵି॒ଭାନ୍ନାମ॑ ଲୋ॒କସ୍ତସ୍ମିଗ୍ଗ୍॑ସ୍ତ୍ଵା ଦଧାମି ସ॒ହ ୟଜ॑ମାନେ॒ନେ- [ୟଜ॑ମାନେ॒ନେତି, ଆ॒ହା॒-ଽୟଂ-ଵୈଁ] 21
-ତ୍ୟା॑ହା॒-ଽୟଂ-ଵୈଁ ପ୍ର॒ଜାପ॑ତେ-ର୍ଵି॒ଭାନ୍ନାମ॑ ଲୋ॒କସ୍ତସ୍ମି॑-ନ୍ନେ॒ଵୈନ॑-ନ୍ଦଧାତି ସ॒ହ ୟଜ॑ମାନେନ॒ ରିଚ୍ୟ॑ତ ଇଵ॒ ଵା ଏ॒ତ-ଦ୍ୟ-ଦ୍ୟଜ॑ତେ॒ ୟ-ଦ୍ୟ॑ଜମାନଭା॒ଗ-ମ୍ପ୍ରା॒ଶ୍ଞାତ୍ୟା॒ତ୍ମାନ॑ମେ॒ଵ ପ୍ରୀ॑ଣାତ୍ୟେ॒ତାଵା॒ନ୍॒. ଵୈ ୟ॒ଜ୍ଞୋ ୟାଵାନ୍॑. ୟଜମାନଭା॒ଗୋ ୟ॒ଜ୍ଞୋ ୟଜ॑ମାନୋ॒ ୟ-ଦ୍ୟ॑ଜମାନଭା॒ଗ-ମ୍ପ୍ରା॒ଶ୍ଞାତି॑ ୟ॒ଜ୍ଞ ଏ॒ଵ ୟ॒ଜ୍ଞ-ମ୍ପ୍ରତି॑ ଷ୍ଠାପୟତ୍ୟେ॒ତଦ୍ଵୈ ସୂ॒ୟଵ॑ସ॒ଗ୍ମ୍॒ ସୋଦ॑କଂ॒-ୟଁଦ୍ବ॒ର୍॒ହିଶ୍ଚା-ଽଽପ॑ଶ୍ଚୈ॒ତ- [-ଽଽପ॑ଶ୍ଚୈ॒ତତ୍, ୟଜ॑ମାନସ୍ୟା॒-] 22
-ଦ୍ୟଜ॑ମାନସ୍ୟା॒-ଽଽୟତ॑ନଂ॒-ୟଁଦ୍ଵେଦି॒ର୍ୟ-ତ୍ପୂ᳚ର୍ଣପା॒ତ୍ର-ମ॑ନ୍ତର୍ଵେ॒ଦି ନି॒ନୟ॑ତି॒ ସ୍ଵ ଏ॒ଵା-ଽଽୟ॑ତନେ ସୂ॒ୟଵ॑ସ॒ଗ୍ମ୍॒ ସୋଦ॑କ-ଙ୍କୁରୁତେ॒ ସଦ॑ସି॒ ସନ୍ମେ॑ ଭୂୟା॒ ଇତ୍ୟା॒ହା-ଽଽପୋ॒ ଵୈ ୟ॒ଜ୍ଞ ଆପୋ॒-ଽମୃତଂ॑-ୟଁ॒ଜ୍ଞମେ॒ଵାମୃତ॑-ମା॒ତ୍ମ-ନ୍ଧ॑ତ୍ତେ॒ ସର୍ଵା॑ଣି॒ ଵୈ ଭୂ॒ତାନି॑ ଵ୍ର॒ତ-ମୁ॑ପ॒ୟନ୍ତ॒ -ମନୂପ॑ ୟନ୍ତି॒ ପ୍ରାଚ୍ୟା᳚-ନ୍ଦି॒ଶି ଦେ॒ଵା ଋ॒ତ୍ଵିଜୋ॑ ମାର୍ଜୟନ୍ତା॒-ମିତ୍ୟା॑ହୈ॒ଷ ଵୈ ଦ॑ର୍ଶପୂର୍ଣମା॒ସୟୋ॑-ରଵଭୃ॒ଥୋ [-ରଵଭୃ॒ଥଃ, ୟାନ୍ୟେ॒ଵୈନ॑-ମ୍ଭୂ॒ତାନି॑] 23
ୟାନ୍ୟେ॒ଵୈନ॑-ମ୍ଭୂ॒ତାନି॑ ଵ୍ର॒ତମୁ॑ପ॒ୟନ୍ତ॑-ମନୂପ॒ୟନ୍ତି॒ ତୈରେ॒ଵ ସ॒ହାଵ॑ଭୃ॒ଥମଵୈ॑ତି॒ ଵିଷ୍ଣୁ॑ମୁଖା॒ ଵୈ ଦେ॒ଵା ଶ୍ଛନ୍ଦୋ॑ଭିରି॒ମା-ଲ୍ଲୋଁ॒କା-ନ॑ନପଜ॒ୟ୍ୟମ॒ଭ୍ୟ॑ଜୟ॒ନ୍॒. ୟ-ଦ୍ଵି॑ଷ୍ଣୁକ୍ର॒ମାନ୍ କ୍ରମ॑ତେ॒ ଵିଷ୍ଣୁ॑ରେ॒ଵ ଭୂ॒ତ୍ଵା ୟଜ॑ମାନ॒ଶ୍ଛନ୍ଦୋ॑ଭିରି॒ମା-ଲ୍ଲୋଁ॒କା-ନ॑ନପଜ॒ୟ୍ୟମ॒ଭି ଜ॑ୟତି॒ ଵିଷ୍ଣୋଃ॒ କ୍ରମୋ᳚-ଽସ୍ୟଭିମାତି॒ହେତ୍ୟା॑ହ ଗାୟ॒ତ୍ରୀ ଵୈ ପୃ॑ଥି॒ଵୀ ତ୍ରୈଷ୍ଟୁ॑ଭମ॒ନ୍ତରି॑କ୍ଷ॒-ଞ୍ଜାଗ॑ତୀ॒ ଦ୍ୟୌରାନୁ॑ଷ୍ଟୁଭୀ॒-ର୍ଦିଶ॒ ଶ୍ଛନ୍ଦୋ॑ଭିରେ॒ଵେମା-ଲ୍ଲୋଁ॒କାନ୍. ୟ॑ଥାପୂ॒ର୍ଵମ॒ଭି ଜ॑ୟତି ॥ 24 ॥
(ୟଜ॑ମାନେ॒ନେତି॑-ଚୈ॒ ତଦ॑-ଵଭୃ॒ଥୋ-ଦିଶଃ॑-ସ॒ପ୍ତ ଚ॑) (ଅ. 5)
ଅଗ॑ନ୍ମ॒ ସୁଵ॒-ସ୍ସୁଵ॑ରଗ॒ନ୍ମେତ୍ୟା॑ହ ସୁଵ॒ର୍ଗମେ॒ଵ ଲୋ॒କମେ॑ତି ସ॒ନ୍ଦୃଶ॑ସ୍ତେ॒ ମା ଛି॑ଥ୍ସି॒ ୟତ୍ତେ॒ ତପ॒ସ୍ତସ୍ମୈ॑ ତେ॒ ମା ଽଽ ଵୃ॒କ୍ଷୀତ୍ୟା॑ହ ୟଥାୟ॒ଜୁ-ରେ॒ଵୈତ-ଥ୍ସୁ॒ଭୂର॑ସି॒ ଶ୍ରେଷ୍ଠୋ॑ ରଶ୍ମୀ॒ନାମା॑ୟୁ॒ର୍ଧା ଅ॒ସ୍ୟାୟୁ॑ର୍ମେ ଧେ॒ହୀତ୍ୟା॑ହା॒-ଽଽଶିଷ॑ମେ॒ଵୈତାମା ଶା᳚ସ୍ତେ॒ ପ୍ର ଵା ଏ॒ଷୋ᳚-ଽସ୍ମା-ଲ୍ଲୋଁ॒କାଚ୍ଚ୍ୟ॑ଵତେ॒ ୟୋ [ୟଃ, ଵି॒ଷ୍ଣୁ॒କ୍ର॒ମାନ୍ କ୍ରମ॑ତେ] 25
ଵି॑ଷ୍ଣୁକ୍ର॒ମାନ୍ କ୍ରମ॑ତେ ସୁଵ॒ର୍ଗାୟ॒ ହି ଲୋ॒କାୟ॑ ଵିଷ୍ଣୁକ୍ର॒ମାଃ କ୍ର॒ମ୍ୟନ୍ତେ᳚ ବ୍ରହ୍ମଵା॒ଦିନୋ॑ ଵଦନ୍ତି॒ ସ ତ୍ଵୈ ଵି॑ଷ୍ଣୁକ୍ର॒ମାନ୍ କ୍ର॑ମେତ॒ ୟ ଇ॒ମା-ଲ୍ଲୋଁ॒କା-ନ୍ଭ୍ରାତୃ॑ଵ୍ୟସ୍ୟ ସଂ॒ଵିଁଦ୍ୟ॒ ପୁନ॑ରି॒ମଂ-ଲୋଁ॒କ-ମ୍ପ୍ର॑ତ୍ୟଵ॒ରୋହେ॒ଦିତ୍ୟେ॒ଷ ଵା ଅ॒ସ୍ୟ ଲୋ॒କସ୍ୟ॑ ପ୍ରତ୍ୟଵରୋ॒ହୋ ୟଦାହେ॒ଦମ॒ହମ॒ମୁ-ମ୍ଭ୍ରାତୃ॑ଵ୍ୟମା॒ଭ୍ୟୋ ଦି॒ଗ୍ଭ୍ୟୋ᳚-ଽସ୍ୟୈ ଦି॒ଵ ଇତୀ॒ମାନେ॒ଵ ଲୋ॒କା-ନ୍ଭ୍ରାତୃ॑ଵ୍ୟସ୍ୟ ସଂ॒ଵିଁଦ୍ୟ॒ ପୁନ॑ରି॒ମଂ-ଲୋଁ॒କ-ମ୍ପ୍ର॒ତ୍ୟଵ॑ରୋହତି॒ ସଂ- [ସମ୍, ଜ୍ୟୋତି॑ଷା-ଽଭୂଵ॒ମିତ୍ୟା॑ହା॒ସ୍ମିନ୍ନେ॒ଵ] 26
-ଜ୍ୟୋତି॑ଷା-ଽଭୂଵ॒ମିତ୍ୟା॑ହା॒ସ୍ମିନ୍ନେ॒ଵ ଲୋ॒କେ ପ୍ରତି॑ ତିଷ୍ଠତ୍ୟୈ॒ନ୍ଦ୍ରୀ-ମା॒ଵୃତ॑-ମ॒ନ୍ଵାଵ॑ର୍ତ॒ ଇତ୍ୟା॑ହା॒ସୌ ଵା ଆ॑ଦି॒ତ୍ୟ ଇନ୍ଦ୍ର॒ସ୍ତସ୍ୟୈ॒ଵା-ଽଽଵୃତ॒ମନୁ॑ ପ॒ର୍ୟାଵ॑ର୍ତତେ ଦକ୍ଷି॒ଣା ପ॒ର୍ୟାଵ॑ର୍ତତେ॒ ସ୍ଵମେ॒ଵ ଵୀ॒ର୍ୟ॑ମନୁ॑ ପ॒ର୍ୟାଵ॑ର୍ତତେ॒ ତସ୍ମା॒-ଦ୍ଦକ୍ଷି॒ଣୋ-ଽର୍ଧ॑ ଆ॒ତ୍ମନୋ॑ ଵୀ॒ର୍ୟା॑ଵତ୍ତ॒ରୋ-ଽଥୋ॑ ଆଦି॒ତ୍ୟସ୍ୟୈ॒ଵା-ଽଽଵୃତ॒ମନୁ॑ ପ॒ର୍ୟାଵ॑ର୍ତତେ॒ ସମ॒ହ-ମ୍ପ୍ର॒ଜୟା॒ ସ-ମ୍ମୟା᳚ ପ୍ର॒ଜେତ୍ୟା॑ହା॒-ଽଽଶିଷ॑- [ପ୍ର॒ଜେତ୍ୟା॑ହା॒-ଽଽଶିଷ᳚ମ୍, ଏ॒ଵୈତାମା] 27
-ମେ॒ଵୈତାମା ଶା᳚ସ୍ତେ॒ ସମି॑ଦ୍ଧୋ ଅଗ୍ନେ ମେ ଦୀଦିହି ସମେ॒ଦ୍ଧା ତେ॑ ଅଗ୍ନେ ଦୀଦ୍ୟାସ॒ମିତ୍ୟା॑ହ ୟଥାୟ॒ଜୁ-ରେ॒ଵୈତଦ୍ଵସୁ॑ମାନ୍. ୟ॒ଜ୍ଞୋ ଵସୀ॑ୟା-ନ୍ଭୂୟାସ॒-ମିତ୍ୟା॑ହା॒-ଽଽଶିଷ॑ମେ॒ଵେତାମା ଶା᳚ସ୍ତେ ବ॒ହୁ ଵୈ ଗାର୍ହ॑ପତ୍ୟ॒ସ୍ୟାନ୍ତେ॑ ମି॒ଶ୍ରମି॑ଵ ଚର୍ୟତ ଆଗ୍ନିପାଵମା॒ନୀଭ୍ୟା॒-ଙ୍ଗାର୍ହ॑ପତ୍ୟ॒ମୁପ॑ ତିଷ୍ଠତେ ପୁ॒ନାତ୍ୟେ॒ଵାଗ୍ନି-ମ୍ପୁ॑ନୀ॒ତ ଆ॒ତ୍ମାନ॒-ନ୍ଦ୍ଵାଭ୍ୟା॒-ମ୍ପ୍ରତି॑ଷ୍ଠିତ୍ୟା॒ ଅଗ୍ନେ॑ ଗୃହପତ॒ ଇତ୍ୟା॑ହ [ଇତ୍ୟା॑ହ, ୟ॒ଥା॒ୟ॒ଜୁରେ॒ଵୈତଚ୍ଛ॒ତଗ୍ମ୍] 28
ୟଥାୟ॒ଜୁରେ॒ଵୈତଚ୍ଛ॒ତଗ୍ମ୍ ହିମା॒ ଇତ୍ୟା॑ହ ଶ॒ତ-ନ୍ତ୍ଵା॑ ହେମ॒ନ୍ତାନି॑ନ୍ଧିଷୀ॒ୟେତି॒ ଵାଵୈତଦା॑ହ ପୁ॒ତ୍ରସ୍ୟ॒ ନାମ॑ ଗୃହ୍ଣାତ୍ୟନ୍ନା॒ଦମେ॒ଵୈନ॑-ଙ୍କରୋତି॒ ତାମା॒ଶିଷ॒ମା ଶା॑ସେ॒ ତନ୍ତ॑ଵେ॒ ଜ୍ୟୋତି॑ଷ୍ମତୀ॒ମିତି॑ ବ୍ରୂୟା॒-ଦ୍ୟସ୍ୟ॑ ପୁ॒ତ୍ରୋ-ଽଜା॑ତ॒-ସ୍ସ୍ୟା-ତ୍ତେ॑ଜ॒ସ୍ଵ୍ୟେ॑ଵାସ୍ୟ॑ ବ୍ରହ୍ମଵର୍ଚ॒ସୀ ପୁ॒ତ୍ରୋ ଜା॑ୟତେ॒ ତାମା॒ଶିଷ॒ମା ଶା॑ସେ॒-ଽମୁଷ୍ମୈ॒ ଜ୍ୟୋତି॑ଷ୍ମତୀ॒ମିତି॑ ବ୍ରୂୟା॒-ଦ୍ୟସ୍ୟ॑ ପୁ॒ତ୍ରୋ [ପୁ॒ତ୍ରଃ, ଜା॒ତ-ସ୍ସ୍ୟାତ୍ତେଜ॑] 29
ଜା॒ତ-ସ୍ସ୍ୟାତ୍ତେଜ॑ ଏ॒ଵାସ୍ମି॑-ନ୍ବ୍ରହ୍ମଵର୍ଚ॒ସ-ନ୍ଦ॑ଧାତି॒ ୟୋ ଵୈ ୟ॒ଜ୍ଞ-ମ୍ପ୍ର॒ୟୁଜ୍ୟ॒ ନ ଵି॑ମୁ॒ଞ୍ଚତ୍ୟ॑ପ୍ରତିଷ୍ଠା॒ନୋ ଵୈ ସ ଭ॑ଵତି॒ କସ୍ତ୍ଵା॑ ୟୁନକ୍ତି॒ ସ ତ୍ଵା॒ ଵି ମୁ॑ଞ୍ଚ॒ତ୍ଵିତ୍ୟା॑ହ ପ୍ର॒ଜାପ॑ତି॒-ର୍ଵୈ କଃ ପ୍ର॒ଜାପ॑ତିନୈ॒ଵୈନଂ॑-ୟୁଁ॒ନକ୍ତି॑ ପ୍ର॒ଜାପ॑ତିନା॒ ଵି ମୁ॑ଞ୍ଚତି॒ ପ୍ରତି॑ଷ୍ଠିତ୍ୟା ଈଶ୍ଵ॒ରଂ-ଵୈଁ ଵ୍ର॒ତମଵି॑ସୃଷ୍ଟ-ମ୍ପ୍ର॒ଦହୋ-ଽଗ୍ନେ᳚ ଵ୍ରତପତେ ଵ୍ର॒ତମ॑ଚାରିଷ॒ମିତ୍ୟା॑ହ ଵ୍ର॒ତମେ॒ଵ [ ] 30
ଵି ସୃ॑ଜତେ॒ ଶାନ୍ତ୍ୟା॒ ଅପ୍ର॑ଦାହାୟ॒ ପରାଂ॒ଅ॒. ଵାଵ ୟ॒ଜ୍ଞ ଏ॑ତି॒ ନ ନି ଵ॑ର୍ତତେ॒ ପୁନ॒ର୍ୟୋ ଵୈ ୟ॒ଜ୍ଞସ୍ୟ॑ ପୁନରାଲ॒ମ୍ଭଂ-ଵିଁ॒ଦ୍ଵାନ୍. ୟଜ॑ତେ॒ ତମ॒ଭି ନି ଵ॑ର୍ତତେ ୟ॒ଜ୍ଞୋ ବ॑ଭୂଵ॒ ସ ଆ ବ॑ଭୂ॒ଵେତ୍ୟା॑ହୈ॒ଷ ଵୈ ୟ॒ଜ୍ଞସ୍ୟ॑ ପୁନରାଲ॒ମ୍ଭ-ସ୍ତେନୈ॒ଵୈନ॒-ମ୍ପୁନ॒ରା ଲ॑ଭ॒ତେ-ଽନ॑ଵରୁଦ୍ଧା॒ ଵା ଏ॒ତସ୍ୟ॑ ଵି॒ରାଡ୍ ୟ ଆହି॑ତାଗ୍ନି॒-ସ୍ସନ୍ନ॑ସ॒ଭଃ ପ॒ଶଵଃ॒ ଖଲୁ॒ ଵୈ ବ୍ରା᳚ହ୍ମ॒ଣସ୍ୟ॑ ସ॒ଭେଷ୍ଟ୍ଵା ପ୍ରାଂଉ॒ତ୍କ୍ରମ୍ୟ॑ ବ୍ରୂୟା॒-ଦ୍ଗୋମାଗ୍ମ୍॑ ଅ॒ଗ୍ନେ-ଽଵି॑ମାଗ୍ମ୍ ଅ॒ଶ୍ଵୀ ୟ॒ଜ୍ଞ ଇତ୍ୟଵ॑ ସ॒ଭାଗ୍ମ୍ ରୁ॒ନ୍ଧେ ପ୍ର ସ॒ହସ୍ର॑-ମ୍ପ॒ଶୂନା᳚ପ୍ନୋ॒ତ୍ୟା-ଽସ୍ୟ॑ ପ୍ର॒ଜାୟାଂ᳚-ଵାଁ॒ଜୀ ଜା॑ୟତେ ॥ 31 ॥
(ୟଃ-ସ-ମା॒ସିଷଂ॑-ଗୃହପତ॒-ଇତ୍ୟା॑ହା॒-ମୁଷ୍ମୈ॒ ଜ୍ୟୋତି॑ଷ୍ମତୀ॒ମିତି॑ ବ୍ରୂୟା॒-ଦ୍ୟସ୍ୟ॑ପୁ॒ତ୍ରୋ-ଵ୍ର॒ତମେ॒ଵ-ଖଲୁ॒ ଵୈ- ଚତୁ॑ର୍ଵିଗ୍ମ୍ଶତିଶ୍ଚ) (ଅ. 6)
ଦେଵ॑ ସଵିତଃ॒ ପ୍ର ସୁ॑ଵ ୟ॒ଜ୍ଞ-ମ୍ପ୍ର ସୁ॑ଵ ୟ॒ଜ୍ଞପ॑ତି॒-ମ୍ଭଗା॑ୟ ଦି॒ଵ୍ୟୋ ଗ॑ନ୍ଧ॒ର୍ଵଃ । କେ॒ତ॒ପୂଃ କେତ॑-ନ୍ନଃ ପୁନାତୁ ଵା॒ଚସ୍ପତି॒-ର୍ଵାଚ॑ମ॒ଦ୍ୟ ସ୍ଵ॑ଦାତି ନଃ ॥ ଇନ୍ଦ୍ର॑ସ୍ୟ॒ ଵଜ୍ରୋ॑-ଽସି॒ ଵାର୍ତ୍ର॑ଘ୍ନ॒ସ୍ତ୍ଵୟା॒-ଽୟଂ-ଵୃଁ॒ତ୍ରଂ-ଵଁ॑ଦ୍ଧ୍ୟାତ୍ ॥ ଵାଜ॑ସ୍ୟ॒ ନୁ ପ୍ର॑ସ॒ଵେ ମା॒ତର॑-ମ୍ମ॒ହୀମଦି॑ତି॒-ନ୍ନାମ॒ ଵଚ॑ସା କରାମହେ । ୟସ୍ୟା॑ମି॒ଦଂ-ଵିଁଶ୍ଵ॒-ମ୍ଭୁଵ॑ନ-ମାଵି॒ଵେଶ॒ ତସ୍ୟା᳚-ନ୍ନୋ ଦେ॒ଵ-ସ୍ସ॑ଵି॒ତା ଧର୍ମ॑ ସାଵିଷତ୍ ॥ ଅ॒- [ଅ॒ଫ୍ସୁ, ଅ॒ନ୍ତର॒ମୃତ॑ମ॒ଫ୍ସୁ] 32
ଫ୍ସ୍ଵ॑ନ୍ତର॒ମୃତ॑ମ॒ଫ୍ସୁ ଭେ॑ଷ॒ଜମ॒ପାମୁ॒ତ ପ୍ରଶ॑ସ୍ତି॒ଷ୍ଵଶ୍ଵା॑ ଭଵଥ ଵାଜିନଃ ॥ ଵା॒ୟୁ-ର୍ଵା᳚ ତ୍ଵା॒ ମନୁ॑-ର୍ଵା ତ୍ଵା ଗନ୍ଧ॒ର୍ଵା-ସ୍ସ॒ପ୍ତଵିଗ୍ମ୍॑ଶତିଃ । ତେ ଅଗ୍ରେ॒ ଅଶ୍ଵ॑ମାୟୁଞ୍ଜ॒ନ୍ତେ ଅ॑ସ୍ମିଞ୍ଜ॒ଵମା-ଽଦ॑ଧୁଃ ॥ ଅପା᳚-ନ୍ନପାଦାଶୁହେମ॒ନ୍॒. ୟ ଊ॒ର୍ମିଃ କ॒କୁଦ୍ମା॒-ନ୍ପ୍ରତୂ᳚ର୍ତି-ର୍ଵାଜ॒ସାତ॑ମ॒ସ୍ତେନା॒ୟଂ-ଵାଁଜଗ୍ମ୍॑ ସେତ୍ ॥ ଵିଷ୍ଣୋଃ॒ କ୍ରମୋ॑-ଽସି॒ ଵିଷ୍ଣୋଃ᳚ କ୍ରା॒ନ୍ତମ॑ସି॒ ଵିଷ୍ଣୋ॒-ର୍ଵିକ୍ରା᳚ନ୍ତମସ୍ୟ॒ଙ୍କୌ ନ୍ୟ॒ଙ୍କା ଵ॒ଭିତୋ॒ ରଥଂ॒-ୟୌଁ ଧ୍ଵା॒ନ୍ତଂ-ଵାଁ॑ତା॒ଗ୍ରମନୁ॑ ସ॒ଞ୍ଚର॑ନ୍ତୌ ଦୂ॒ରେହେ॑ତି-ରିନ୍ଦ୍ରି॒ୟାଵା᳚-ନ୍ପତ॒ତ୍ରୀ ତେ ନୋ॒-ଽଗ୍ନୟଃ॒ ପପ୍ର॑ୟଃ ପାରୟନ୍ତୁ ॥ 33 ॥
(ଅ॒ଫ୍ସୁ-ନ୍ୟ॒ଙ୍କୌ-ପଞ୍ଚ॑ଦଶ ଚ) (ଅ. 7)
ଦେ॒ଵସ୍ୟା॒ହଗ୍ମ୍ ସ॑ଵି॒ତୁଃ ପ୍ର॑ସ॒ଵେ ବୃହ॒ସ୍ପତି॑ନା ଵାଜ॒ଜିତା॒ ଵାଜ॑-ଞ୍ଜେଷ-ନ୍ଦେ॒ଵସ୍ୟା॒ହଗ୍ମ୍ ସ॑ଵି॒ତୁଃ ପ୍ର॑ସ॒ଵେ ବୃହ॒ସ୍ପତି॑ନା ଵାଜ॒ଜିତା॒ ଵର୍ଷି॑ଷ୍ଠ॒-ନ୍ନାକଗ୍ମ୍॑ ରୁହେୟ॒ମିନ୍ଦ୍ରା॑ୟ॒ ଵାଚଂ॑-ଵଁଦ॒ତେନ୍ଦ୍ରଂ॒-ଵାଁଜ॑-ଞ୍ଜାପୟ॒ତେନ୍ଦ୍ରୋ॒ ଵାଜ॑ମଜୟିତ୍ ॥ ଅଶ୍ଵା॑ଜନି ଵାଜିନି॒ ଵାଜେ॑ଷୁ ଵାଜିନୀଵ॒ତ୍ୟଶ୍ଵା᳚ନ୍-ଥ୍ସ॒ମଥ୍ସୁ॑ ଵାଜୟ ॥ ଅର୍ଵା॑-ଽସି॒ ସପ୍ତି॑ରସି ଵା॒ଜ୍ୟ॑ସି॒ ଵାଜି॑ନୋ॒ ଵାଜ॑-ନ୍ଧାଵତ ମ॒ରୁତା᳚-ମ୍ପ୍ରସ॒ଵେ ଜ॑ୟତ॒ ଵି ୟୋଜ॑ନା ମିମୀଦ୍ଧ୍ଵ॒ମଦ୍ଧ୍ଵ॑ନ-ସ୍ସ୍କଭ୍ନୀତ॒ [ସ୍କଭ୍ନୀତ, କାଷ୍ଠା᳚-ଙ୍ଗଚ୍ଛତ॒] 34
କାଷ୍ଠା᳚-ଙ୍ଗଚ୍ଛତ॒ ଵାଜେ॑ଵାଜେ-ଽଵତ ଵାଜିନୋ ନୋ॒ ଧନେ॑ଷୁ ଵିପ୍ରା ଅମୃତା ଋତଜ୍ଞାଃ ॥ ଅ॒ସ୍ୟ ମଦ୍ଧ୍ଵଃ॑ ପିବତ ମା॒ଦୟ॑ଦ୍ଧ୍ଵ-ନ୍ତୃ॒ପ୍ତା ୟା॑ତ ପ॒ଥିଭି॑-ର୍ଦେଵ॒ୟାନୈଃ᳚ ॥ ତେ ନୋ॒ ଅର୍ଵ॑ନ୍ତୋ ହଵନ॒ଶ୍ରୁତୋ॒ ହଵଂ॒-ଵିଁଶ୍ଵେ॑ ଶୃଣ୍ଵନ୍ତୁ ଵା॒ଜିନଃ॑ ॥ ମି॒ତଦ୍ର॑ଵ-ସ୍ସହସ୍ର॒ସା ମେ॒ଧସା॑ତା ସନି॒ଷ୍ୟଵଃ॑ । ମ॒ହୋ ୟେ ରତ୍ନଗ୍ମ୍॑ ସମି॒ଥେଷୁ॑ ଜଭ୍ରି॒ରେ ଶନ୍ନୋ॑ ଭଵନ୍ତୁ ଵା॒ଜିନୋ॒ ହଵେ॑ଷୁ ॥ଦେ॒ଵତା॑ତା ମି॒ତଦ୍ର॑ଵ-ସ୍ସ୍ଵ॒ର୍କାଃ । ଜ॒ମ୍ଭୟ॒ନ୍ତୋ-ଽହିଂ॒-ଵୃଁକ॒ଗ୍ମ୍॒ ରକ୍ଷାଗ୍ମ୍॑ସି॒ ସନେ᳚ମ୍ୟ॒ସ୍ମଦ୍ୟୁ॑ୟଵ॒- [ସନେ᳚ମ୍ୟ॒ସ୍ମଦ୍ୟୁ॑ୟଵନ୍ନ୍, ଅମୀ॑ଵାଃ ।] 35
-ନ୍ନମୀ॑ଵାଃ ॥ ଏ॒ଷ ସ୍ୟ ଵା॒ଜୀ କ୍ଷି॑ପ॒ଣି-ନ୍ତୁ॑ରଣ୍ୟତି ଗ୍ରୀ॒ଵାୟା᳚-ମ୍ବ॒ଦ୍ଧୋ ଅ॑ପିକ॒କ୍ଷ ଆ॒ସନି॑ । କ୍ରତୁ॑-ନ୍ଦଧି॒କ୍ରା ଅନୁ॑ ସ॒ନ୍ତଵୀ᳚ତ୍ଵ-ତ୍ପ॒ଥାମଙ୍କା॒ଗ୍॒ସ୍ୟନ୍ଵା॒ପନୀ॑ଫଣତ୍ ॥ଉ॒ତ ସ୍ମା᳚ସ୍ୟ॒ ଦ୍ରଵ॑ତ-ସ୍ତୁରଣ୍ୟ॒ତଃ ପ॒ର୍ଣ-ନ୍ନ ଵେ-ରନୁ॑ ଵାତି ପ୍ରଗ॒ର୍ଧିନଃ॑ । ଶ୍ୟେ॒ନସ୍ୟେ॑ଵ॒ ଧ୍ରଜ॑ତୋ ଅଙ୍କ॒ସ-ମ୍ପରି॑ ଦଧି॒କ୍ରାଵ୍.ଣ୍ଣ॑-ସ୍ସ॒ହୋର୍ଜା ତରି॑ତ୍ରତଃ ॥ ଆ ମା॒ ଵାଜ॑ସ୍ୟ ପ୍ରସ॒ଵୋ ଜ॑ଗମ୍ୟା॒ଦା ଦ୍ୟାଵା॑ପୃଥି॒ଵୀ ଵି॒ଶ୍ଵଶ॑ମ୍ଭୂ । ଆ ମା॑ ଗନ୍ତା-ମ୍ପି॒ତରା॑ [ଗନ୍ତା-ମ୍ପି॒ତରା᳚, ମା॒ତରା॒] 36
ମା॒ତରା॒ ଚା-ଽଽ ମା॒ ସୋମୋ॑ ଅମୃତ॒ତ୍ଵାୟ॑ ଗମ୍ୟାତ୍ ॥ ଵାଜି॑ନୋ ଵାଜଜିତୋ॒ ଵାଜଗ୍ମ୍॑ ସରି॒ଷ୍ୟନ୍ତୋ॒ ଵାଜ॑-ଞ୍ଜେ॒ଷ୍ୟନ୍ତୋ॒ ବୃହ॒ସ୍ପତେ᳚-ର୍ଭା॒ଗମଵ॑ ଜିଘ୍ରତ॒ ଵାଜି॑ନୋ ଵାଜଜିତୋ॒ ଵାଜଗ୍ମ୍॑ ସସୃ॒ଵାଗ୍ମ୍ସୋ॒ ଵାଜ॑-ଞ୍ଜିଗି॒ଵାଗ୍ମ୍ସୋ॒ ବୃହ॒ସ୍ପତେ᳚-ର୍ଭା॒ଗେ ନି ମୃ॑ଢ୍ଵମି॒ୟଂ-ଵଁ॒-ସ୍ସା ସ॒ତ୍ୟା ସ॒ନ୍ଧା-ଽଭୂ॒ଦ୍ୟାମିନ୍ଦ୍ରେ॑ଣ ସ॒ମଧ॑ଦ୍ଧ୍ଵ॒-ମଜୀ॑ଜିପତ ଵନସ୍ପତୟ॒ ଇନ୍ଦ୍ରଂ॒-ଵାଁଜଂ॒-ଵିଁ ମୁ॑ଚ୍ୟଦ୍ଧ୍ଵମ୍ ॥ 37 ॥
(ସ୍କ॒ଭ୍ନୀ॒ତ॒-ୟୁ॒ୟ॒ଵ॒ନ୍-ପି॒ତରା॒-ଦ୍ଵିଚ॑ତ୍ଵାରିଗ୍ମ୍ଶଚ୍ଚ) (ଅ. 8)
କ୍ଷ॒ତ୍ରସ୍ୟୋଲଗ୍ଗ୍॑ମସି କ୍ଷ॒ତ୍ରସ୍ୟ॒ ୟୋନି॑ରସି॒ ଜାୟ॒ ଏହି॒ ସୁଵୋ॒ ରୋହା॑ଵ॒ ରୋହା॑ଵ॒ ହି ସୁଵ॑ର॒ହ-ନ୍ନା॑ଵୁ॒ଭୟୋ॒-ସ୍ସୁଵୋ॑ ରୋକ୍ଷ୍ୟାମି॒ ଵାଜ॑ଶ୍ଚ ପ୍ରସ॒ଵଶ୍ଚା॑ପି॒ଜଶ୍ଚ॒ କ୍ରତୁ॑ଶ୍ଚ॒ ସୁଵ॑ଶ୍ଚ ମୂ॒ର୍ଧା ଚ॒ ଵ୍ୟଶ୍ନ୍ନି॑ୟଶ୍ଚା-ଽଽନ୍ତ୍ୟାୟ॒ନ ଶ୍ଚାନ୍ତ୍ୟ॑ଶ୍ଚ ଭୌଵ॒ନଶ୍ଚ॒ ଭୁଵ॑ନ॒ଶ୍ଚାଧି॑ପତିଶ୍ଚ । ଆୟୁ॑-ର୍ୟ॒ଜ୍ଞେନ॑ କଲ୍ପତା-ମ୍ପ୍ରା॒ଣୋ ୟ॒ଜ୍ଞେନ॑ କଲ୍ପତାମପା॒ନୋ [କଲ୍ପତାମପା॒ନଃ, ୟ॒ଜ୍ଞେନ॑ କଲ୍ପତାଂ] 38
ୟ॒ଜ୍ଞେନ॑ କଲ୍ପତାଂ-ଵ୍ୟାଁ॒ନୋ ୟ॒ଜ୍ଞେନ॑ କଲ୍ପତା॒-ଞ୍ଚକ୍ଷୁ॑-ର୍ୟ॒ଜ୍ଞେନ॑ କଲ୍ପତା॒ଗ୍॒ ଶ୍ରୋତ୍ରଂ॑-ୟଁ॒ଜ୍ଞେନ॑ କଲ୍ପତା॒-ମ୍ମନୋ॑ ୟ॒ଜ୍ଞେନ॑ କଲ୍ପତାଂ॒-ଵାଁଗ୍ ୟ॒ଜ୍ଞେନ॑ କଲ୍ପତା-ମା॒ତ୍ମା ୟ॒ଜ୍ଞେନ॑ କଲ୍ପତାଂ-ୟଁ॒ଜ୍ଞୋ ୟ॒ଜ୍ଞେନ॑ କଲ୍ପତା॒ଗ୍ମ୍॒ ସୁଵ॑-ର୍ଦେ॒ଵାଗ୍ମ୍ ଅ॑ଗନ୍ମା॒ମୃତା॑ ଅଭୂମ ପ୍ର॒ଜାପ॑ତେଃ ପ୍ର॒ଜା ଅ॑ଭୂମ॒ ସମ॒ହ-ମ୍ପ୍ର॒ଜୟା॒ ସ-ମ୍ମୟା᳚ ପ୍ର॒ଜା ସମ॒ହଗ୍ମ୍ ରା॒ୟସ୍ପୋଷେ॑ଣ॒ ସ-ମ୍ମୟା॑ ରା॒ୟସ୍ପୋଷୋ-ଽନ୍ନା॑ୟ ତ୍ଵା॒-ଽନ୍ନାଦ୍ୟା॑ୟ ତ୍ଵା॒ ଵାଜା॑ୟ ତ୍ଵା ଵାଜଜି॒ତ୍ୟାୟୈ᳚ ତ୍ଵା॒ ଽମୃତ॑ମସି॒ ପୁଷ୍ଟି॑ରସି ପ୍ର॒ଜନ॑ନମସି ॥ 39 ॥
(ଅ॒ପା॒ନୋ-ଵାଜା॑ୟ॒-ନଵ॑ ଚ) (ଅ. 9)
ଵାଜ॑ସ୍ୟେ॒ମ-ମ୍ପ୍ର॑ସ॒ଵ-ସ୍ସୁ॑ଷୁଵେ॒ ଅଗ୍ରେ॒ ସୋମ॒ଗ୍ମ୍॒ ରାଜା॑ନ॒ମୋଷ॑ଧୀଷ୍ଵ॒ଫ୍ସୁ । ତା ଅ॒ସ୍ମଭ୍ୟ॒-ମ୍ମଧୁ॑ମତୀ-ର୍ଭଵନ୍ତୁ ଵ॒ୟଗ୍ମ୍ ରା॒ଷ୍ଟ୍ରେ ଜା᳚ଗ୍ରିୟାମ ପୁ॒ରୋହି॑ତାଃ । ଵାଜ॑ସ୍ୟେ॒ଦ-ମ୍ପ୍ର॑ସ॒ଵ ଆ ବ॑ଭୂଵେ॒ମା ଚ॒ ଵିଶ୍ଵା॒ ଭୁଵ॑ନାନି ସ॒ର୍ଵତଃ॑ । ସ ଵି॒ରାଜ॒-ମ୍ପର୍ୟେ॑ତି ପ୍ରଜା॒ନ-ନ୍ପ୍ର॒ଜା-ମ୍ପୁଷ୍ଟିଂ॑-ଵଁ॒ର୍ଧୟ॑ମାନୋ ଅ॒ସ୍ମେ । ଵାଜ॑ସ୍ୟେ॒ମା-ମ୍ପ୍ର॑ସ॒ଵ-ଶ୍ଶି॑ଶ୍ରିୟେ॒ ଦିଵ॑ମି॒ମା ଚ॒ ଵିଶ୍ଵା॒ ଭୁଵ॑ନାନି ସ॒ମ୍ରାଟ୍ । ଅଦି॑ଥ୍ସନ୍ତ-ନ୍ଦାପୟତୁ ପ୍ରଜା॒ନ-ନ୍ର॒ୟିଂ- [ପ୍ରଜା॒ନ-ନ୍ର॒ୟିମ୍, ଚ॒ ନ॒-ସ୍ସର୍ଵ॑ଵୀରାଂ॒] 40
-ଚ॑ ନ॒-ସ୍ସର୍ଵ॑ଵୀରା॒-ନ୍ନି ୟ॑ଚ୍ଛତୁ ॥ ଅଗ୍ନେ॒ ଅଚ୍ଛା॑ ଵଦେ॒ହ ନଃ॒ ପ୍ରତି॑ ନ-ସ୍ସୁ॒ମନା॑ ଭଵ । ପ୍ର ଣୋ॑ ୟଚ୍ଛ ଭୁଵସ୍ପତେ ଧନ॒ଦା ଅ॑ସି ନ॒ସ୍ତ୍ଵମ୍ ॥ ପ୍ର ଣୋ॑ ୟଚ୍ଛତ୍ଵର୍ୟ॒ମା ପ୍ର ଭଗଃ॒ ପ୍ର ବୃହ॒ସ୍ପତିଃ॑ । ପ୍ର ଦେ॒ଵାଃ ପ୍ରୋତ ସୂ॒ନୃତା॒ ପ୍ର ଵାଗ୍ ଦେ॒ଵୀ ଦ॑ଦାତୁ ନଃ ॥ ଅ॒ର୍ୟ॒ମଣ॒-ମ୍ବୃହ॒ସ୍ପତି॒ମିନ୍ଦ୍ର॒-ନ୍ଦାନା॑ୟ ଚୋଦୟ । ଵାଚଂ॒-ଵିଁଷ୍ଣୁ॒ଗ୍ମ୍॒ ସର॑ସ୍ଵତୀଗ୍ମ୍ ସଵି॒ତାରଂ॑- [ସର॑ସ୍ଵତୀଗ୍ମ୍ ସଵି॒ତାର᳚ମ୍, ଚ ଵା॒ଜିନ᳚ମ୍ ।] 41
-ଚ ଵା॒ଜିନ᳚ମ୍ ॥ ସୋମ॒ଗ୍ମ୍॒ ରାଜା॑ନଂ॒-ଵଁରୁ॑ଣମ॒ଗ୍ନି-ମ॒ନ୍ଵାର॑ଭାମହେ । ଆ॒ଦି॒ତ୍ୟାନ୍ ଵିଷ୍ଣୁ॒ଗ୍ମ୍॒ ସୂର୍ୟ॑-ମ୍ବ୍ର॒ହ୍ମାଣ॑-ଞ୍ଚ॒ ବୃହ॒ସ୍ପତି᳚ମ୍ ॥ ଦେ॒ଵସ୍ୟ॑ ତ୍ଵା ସଵି॒ତୁଃ ପ୍ର॑ସ॒ଵେ᳚-ଽଶ୍ଵିନୋ᳚-ର୍ବା॒ହୁଭ୍ୟା᳚-ମ୍ପୂ॒ଷ୍ଣୋ ହସ୍ତା᳚ଭ୍ୟା॒ଗ୍ମ୍॒ ସର॑ସ୍ଵତ୍ୟୈ ଵା॒ଚୋ ୟ॒ନ୍ତୁ-ର୍ୟ॒ନ୍ତ୍ରେଣା॒ଗ୍ନେସ୍ତ୍ଵା॒ ଆମ୍ରା᳚ଜ୍ୟେନା॒ଭିଷି॑ଞ୍ଚା॒ମୀନ୍ଦ୍ର॑ସ୍ୟ॒ ବୃହ॒ସ୍ପତେ᳚ସ୍ତ୍ଵା॒ ସାମ୍ରା᳚ଜ୍ୟେନା॒ଭିଷି॑ଞ୍ଚାମି ॥ 42 ॥
(ର॒ୟିଗ୍ମ୍-ସ॑ଵି॒ତାର॒ଗ୍ମ୍॒-ଷଟ୍ତ୍ରିଗ୍ମ୍॑ଶଚ୍ଚ) (ଅ. 10)
ଅ॒ଗ୍ନିରେକା᳚କ୍ଷରେଣ॒ ଵାଚ॒ମୁଦ॑ଜୟଦ॒ଶ୍ଵିନୌ॒ ଦ୍ଵ୍ୟ॑କ୍ଷରେଣ ପ୍ରାଣାପା॒ନାଵୁଦ॑ଜୟତାଂ॒-ଵିଁଷ୍ଣୁ॒ସ୍ତ୍ୟ୍ର॑କ୍ଷରେଣ॒ ତ୍ରୀ-ଲ୍ଲୋଁ॒କାନୁଦ॑ଜୟ॒-ଥ୍ସୋମ॒ଶ୍ଚତୁ॑ରକ୍ଷରେଣ॒ ଚତୁ॑ଷ୍ପଦଃ ପ॒ଶୂନୁଦ॑ଜୟ-ତ୍ପୂ॒ଷା ପଞ୍ଚା᳚କ୍ଷରେଣ ପ॒ଙ୍କ୍ତିମୁଦ॑ଜୟ-ଦ୍ଧା॒ତା ଷଡ॑କ୍ଷରେଣ॒ ଷଡ୍-ଋ॒ତୂନୁଦ॑ଜୟ-ନ୍ମ॒ରୁତ॑-ସ୍ସ॒ପ୍ତାକ୍ଷ॑ରେଣ ସ॒ପ୍ତପ॑ଦା॒ଗ୍ମ୍॒ ଶକ୍ଵ॑ରୀ॒ମୁଦ॑ଜୟ॒-ନ୍ବୃହ॒ସ୍ପତି॑-ର॒ଷ୍ଟାକ୍ଷ॑ରେଣ ଗାୟ॒ତ୍ରୀମୁଦ॑ଜୟ-ନ୍ମି॒ତ୍ରୋ ନଵା᳚କ୍ଷରେଣ ତ୍ରି॒ଵୃତ॒ଗ୍ଗ୍॒ ସ୍ତୋମ॒ମୁଦ॑ଜୟ॒- [ସ୍ତୋମ॒ମୁଦ॑ଜୟତ୍, ଵରୁ॑ଣୋ॒ ଦଶା᳚କ୍ଷରେଣ] 43
-ଦ୍ଵରୁ॑ଣୋ॒ ଦଶା᳚କ୍ଷରେଣ ଵି॒ରାଜ॒-ମୁଦ॑ଜୟ॒ଦିନ୍ଦ୍ର॒ ଏକା॑ଦଶାକ୍ଷରେଣ ତ୍ରି॒ଷ୍ଟୁଭ॒-ମୁଦ॑ଜୟ॒-ଦ୍ଵିଶ୍ଵେ॑ ଦେ॒ଵା ଦ୍ଵାଦ॑ଶାକ୍ଷରେଣ॒ ଜଗ॑ତୀ॒ମୁଦ॑ଜୟ॒ନ୍ ଵସ॑ଵ॒ସ୍ତ୍ରୟୋ॑ ଦଶାକ୍ଷରେଣ ତ୍ରୟୋଦ॒ଶଗ୍ଗ୍ ସ୍ତୋମ॒ମୁଦ॑ଜୟ-ନ୍ରୁ॒ଦ୍ରାଶ୍ଚତୁ॑ର୍ଦଶାକ୍ଷରେଣ ଚତୁର୍ଦ॒ଶଗ୍ଗ୍ ସ୍ତୋମ॒ମୁଦ॑ଜୟନ୍ନାଦି॒ତ୍ୟାଃ ପଞ୍ଚ॑ଦଶାକ୍ଷରେଣ ପଞ୍ଚଦ॒ଶଗ୍ଗ୍ ସ୍ତୋମ॒ମୁଦ॑ଜୟ॒ନ୍ନଦି॑ତି॒-ଷ୍ଷୋଡ॑ଶାକ୍ଷରେଣ ଷୋଡ॒ଶଗ୍ଗ୍ ସ୍ତୋମ॒ମୁଦ॑ଜୟ-ତ୍ପ୍ର॒ଜାପ॑ତି-ସ୍ସ॒ପ୍ତଦ॑ଶାକ୍ଷରେଣ ସପ୍ତଦ॒ଶଗ୍ଗ୍ ସ୍ତୋମ॒ମୁଦ॑ଜୟତ୍ ॥ 44 ॥
(ତ୍ରି॒ଵୃତ॒ଗ୍ଗ୍॒ ସ୍ତୋମ॒ମୁଦ॑ଜୟ॒-ଥ୍ଷଟ୍ଚ॑ତ୍ଵାରିଗ୍ମ୍ଶଚ୍ଚ) (ଅ. 11)
ଉ॒ପ॒ୟା॒ମଗୃ॑ହୀତୋ-ଽସି ନୃ॒ଷଦ॑-ନ୍ତ୍ଵା ଦ୍ରୁ॒ଷଦ॑-ମ୍ଭୁଵନ॒ସଦ॒ମିନ୍ଦ୍ରା॑ୟ॒ ଜୁଷ୍ଟ॑-ଙ୍ଗୃହ୍ଣାମ୍ୟେ॒ଷ ତେ॒ ୟୋନି॒ରିନ୍ଦ୍ରା॑ୟ ତ୍ଵୋପୟା॒ମଗୃ॑ହୀତୋ-ଽସ୍ୟଫ୍ସୁ॒ଷଦ॑-ନ୍ତ୍ଵା ଘୃତ॒ସଦଂ॑-ଵ୍ୟୋଁମ॒ସଦ॒ମିନ୍ଦ୍ରା॑ୟ॒ ଜୁଷ୍ଟ॑-ଙ୍ଗୃହ୍ଣାମ୍ୟେ॒ଷ ତେ॒ ୟୋନି॒ରିନ୍ଦ୍ରା॑ୟ ତ୍ଵୋପୟା॒ମଗୃ॑ହୀତୋ-ଽସି ପୃଥିଵି॒ଷଦ॑-ନ୍ତ୍ଵା-ଽନ୍ତରିକ୍ଷ॒ସଦ॑-ନ୍ନାକ॒ସଦ॒ମିନ୍ଦ୍ରା॑ୟ॒ ଜୁଷ୍ଟ॑-ଙ୍ଗୃହ୍ଣାମ୍ୟେ॒ଷ ତେ॒ ୟୋନି॒ରିନ୍ଦ୍ରା॑ୟ ତ୍ଵା ॥ ୟେ ଗ୍ରହାଃ᳚ ପଞ୍ଚଜ॒ନୀନା॒ ୟେଷା᳚-ନ୍ତି॒ସ୍ରଃ ପ॑ରମ॒ଜାଃ । ଦୈଵ୍ୟଃ॒ କୋଶ॒- [ଦୈଵ୍ୟଃ॒ କୋଶଃ॑, ସମୁ॑ବ୍ଜିତଃ ।] 45
-ସ୍ସମୁ॑ବ୍ଜିତଃ । ତେଷାଂ॒-ଵିଁଶି॑ପ୍ରିୟାଣା॒-ମିଷ॒ମୂର୍ଜ॒ଗ୍ମ୍॒ ସମ॑ଗ୍ରଭୀ-ମେ॒ଷ ତେ॒ ୟୋନି॒ରିନ୍ଦ୍ରା॑ୟ ତ୍ଵା ॥ ଅ॒ପାଗ୍ମ୍ ରସ॒ମୁଦ୍ଵ॑ୟସ॒ଗ୍ମ୍॒ ସୂର୍ୟ॑ରଶ୍ମିଗ୍ମ୍ ସ॒ମାଭୃ॑ତମ୍ । ଅ॒ପାଗ୍ମ୍ ରସ॑ସ୍ୟ॒ ୟୋ ରସ॒ସ୍ତଂ-ଵୋଁ॑ ଗୃହ୍ଣାମ୍ୟୁତ୍ତ॒ମମେ॒ଷ ତେ॒ ୟୋନି॒ରିନ୍ଦ୍ରା॑ୟ ତ୍ଵା ॥ ଅ॒ୟା ଵି॒ଷ୍ଠା ଜ॒ନୟ॒ନ୍ କର୍ଵ॑ରାଣି॒ ସ ହି ଘୃଣି॑ରୁ॒ରୁ-ର୍ଵରା॑ୟ ଗା॒ତୁଃ । ସ ପ୍ରତ୍ୟୁଦୈ᳚-ଦ୍ଧ॒ରୁଣୋ ମଦ୍ଧ୍ଵୋ॒ ଅଗ୍ର॒ଗ୍ଗ୍॒ ସ୍ଵାୟାଂ॒-ୟଁ-ତ୍ତ॒ନୁଵା᳚-ନ୍ତ॒ନୂମୈର॑ୟତ । ଉ॒ପ॒ୟା॒ମଗୃ॑ହୀତୋ-ଽସି ପ୍ର॒ଜାପ॑ତୟେ ତ୍ଵା॒ ଜୁଷ୍ଟ॑-ଙ୍ଗୃହ୍ଣାମ୍ୟେ॒ଷ ତେ॒ ୟୋନିଃ॑ ପ୍ର॒ଜାପ॑ତୟେ ତ୍ଵା ॥ 46 ॥
(କୋଶ॑-ସ୍ତ॒ନୁଵା॒ନ୍-ତ୍ରୟୋ॑ଦଶ ଚ) (ଅ. 12)
ଅନ୍ଵହ॒ ମାସା॒ ଅନ୍ଵିଦ୍ଵନା॒ନ୍ୟନ୍ଵୋଷ॑ଧୀ॒ରନୁ॒ ପର୍ଵ॑ତାସଃ । ଅନ୍ଵିନ୍ଦ୍ର॒ଗ୍ମ୍॒ ରୋଦ॑ସୀ ଵାଵଶା॒ନେ ଅନ୍ଵାପୋ॑ ଅଜିହତ॒ ଜାୟ॑ମାନମ୍ ॥ ଅନୁ॑ ତେ ଦାୟି ମ॒ହ ଇ॑ନ୍ଦ୍ରି॒ୟାୟ॑ ସ॒ତ୍ରା ତେ॒ ଵିଶ୍ଵ॒ମନୁ॑ ଵୃତ୍ର॒ହତ୍ୟେ᳚ । ଅନୁ॑ କ୍ଷ॒ତ୍ରମନୁ॒ ସହୋ॑ ୟଜ॒ତ୍ରେନ୍ଦ୍ର॑ ଦେ॒ଵେଭି॒ରନୁ॑ ତେ ନୃ॒ଷହ୍ୟେ᳚ ॥ ଇ॒ନ୍ଦ୍ରା॒ଣୀମା॒ସୁ ନାରି॑ଷୁ ସୁ॒ପତ୍ନୀ॑-ମ॒ହମ॑ଶ୍ରଵମ୍ । ନ ହ୍ୟ॑ସ୍ୟା ଅପ॒ର-ଞ୍ଚ॒ନ ଜ॒ରସା॒ [ଜ॒ରସା᳚, ମର॑ତେ॒ ପତିଃ॑ ।] 47
ମର॑ତେ॒ ପତିଃ॑ ॥ ନାହମି॑ନ୍ଦ୍ରାଣି ରାରଣ॒ ସଖ୍ୟୁ॑-ର୍ଵୃ॒ଷାକ॑ପେର୍-ଋ॒ତେ । ୟସ୍ୟେ॒ଦମପ୍ୟଗ୍ମ୍॑ ହ॒ଵିଃ ପ୍ରି॒ୟ-ନ୍ଦେ॒ଵେଷୁ॒ ଗଚ୍ଛ॑ତି ॥ୟୋ ଜା॒ତ ଏ॒ଵ ପ୍ର॑ଥ॒ମୋ ମନ॑ସ୍ଵା-ନ୍ଦେ॒ଵୋ ଦେ॒ଵାନ୍ କ୍ରତୁ॑ନା ପ॒ର୍ୟଭୂ॑ଷତ୍ । ୟସ୍ୟ॒ ଶୁଷ୍ମା॒ଦ୍ରୋଦ॑ସୀ॒ ଅଭ୍ୟ॑ସେତା-ନ୍ନୃଂ॒ଣସ୍ୟ॑ ମ॒ହ୍ନା ସ ଜ॑ନାସ॒ ଇନ୍ଦ୍ରଃ॑ ॥ ଆ ତେ॑ ମ॒ହ ଇ॑ନ୍ଦ୍ରୋ॒ତ୍ୟୁ॑ଗ୍ର॒ ସମ॑ନ୍ୟଵୋ॒ ୟ-ଥ୍ସ॒ମର॑ନ୍ତ॒ ସେନାଃ᳚ । ପତା॑ତି ଦି॒ଦ୍ୟୁନ୍ନର୍ୟ॑ସ୍ୟ ବାହୁ॒ଵୋ-ର୍ମା ତେ॒ [ବାହୁ॒ଵୋ-ର୍ମା ତେ᳚, ମନୋ॑] 48
ମନୋ॑ ଵିଷ୍ଵ॒ଦ୍ରିୟ॒ଗ୍ ଵି ଚା॑ରୀତ୍ ॥ ମା ନୋ॑ ମର୍ଧୀ॒ରା ଭ॑ରା ଦ॒ଦ୍ଧି ତନ୍ନଃ॒ ପ୍ର ଦା॒ଶୁଷେ॒ ଦାତ॑ଵେ॒ ଭୂରି॒ ୟ-ତ୍ତେ᳚ । ନଵ୍ୟେ॑ ଦେ॒ଷ୍ଣେ ଶ॒ସ୍ତେ ଅ॒ସ୍ମି-ନ୍ତ॑ ଉ॒କ୍ଥେ ପ୍ର ବ୍ର॑ଵାମ ଵ॒ୟମି॑ନ୍ଦ୍ର ସ୍ତୁ॒ଵନ୍ତଃ॑ ॥ ଆ ତୂ ଭ॑ର॒ ମାକି॑ରେ॒ତ-ତ୍ପରି॑ ଷ୍ଠା-ଦ୍ଵି॒ଦ୍ମା ହି ତ୍ଵା॒ ଵସୁ॑ପତିଂ॒-ଵଁସୂ॑ନାମ୍ । ଇନ୍ଦ୍ର॒ ୟ-ତ୍ତେ॒ ମାହି॑ନ॒-ନ୍ଦତ୍ର॒-ମସ୍ତ୍ୟ॒ସ୍ମଭ୍ୟ॒-ନ୍ତଦ୍ଧ॑ର୍ୟଶ୍ଵ॒ [ତଦ୍ଧ॑ର୍ୟଶ୍ଵ, ପ୍ର ୟ॑ନ୍ଧି ।] 49
ପ୍ର ୟ॑ନ୍ଧି ॥ ପ୍ର॒ଦା॒ତାରଗ୍ମ୍॑ ହଵାମହ॒ ଇନ୍ଦ୍ର॒ମା ହ॒ଵିଷା॑ ଵ॒ୟମ୍ । ଉ॒ଭା ହି ହସ୍ତା॒ ଵସୁ॑ନା ପୃ॒ଣସ୍ଵା ଽଽ ପ୍ର ୟ॑ଚ୍ଛ॒ ଦକ୍ଷି॑ଣା॒ଦୋତ ସ॒ଵ୍ୟାତ୍ ॥ ପ୍ର॒ଦା॒ତା ଵ॒ଜ୍ରୀ ଵୃ॑ଷ॒ଭସ୍ତୁ॑ରା॒ଷାଟ୍ଛୁ॒ଷ୍ମୀ ରାଜା॑ ଵୃତ୍ର॒ହା ସୋ॑ମ॒ପାଵା᳚ । ଅ॒ସ୍ମିନ୍. ୟ॒ଜ୍ଞେ ବ॒ର୍॒ହିଷ୍ୟା ନି॒ଷଦ୍ୟାଥା॑ ଭଵ॒ ୟଜ॑ମାନାୟ॒ ଶଂ-ୟୋଃ ଁ॥ ଇନ୍ଦ୍ର॑-ସ୍ସୁ॒ତ୍ରାମା॒ ସ୍ଵଵା॒ଗ୍ମ୍॒ ଅଵୋ॑ଭି-ସ୍ସୁମୃଡୀ॒କୋ ଭ॑ଵତୁ ଵି॒ଶ୍ଵଵେ॑ଦାଃ । ବାଧ॑ତା॒-ନ୍ଦ୍ଵେଷୋ॒ ଅଭ॑ୟ-ଙ୍କୃଣୋତୁ ସୁ॒ଵୀର୍ୟ॑ସ୍ୟ॒ [ସୁ॒ଵୀର୍ୟ॑ସ୍ୟ, ପତ॑ୟ-ସ୍ସ୍ୟାମ ।] 50
ପତ॑ୟ-ସ୍ସ୍ୟାମ ॥ ତସ୍ୟ॑ ଵ॒ୟଗ୍ମ୍ ସୁ॑ମ॒ତୌ ୟ॒ଜ୍ଞିୟ॒ସ୍ୟାପି॑ ଭ॒ଦ୍ରେ ସୌ॑ମନ॒ସେ ସ୍ୟା॑ମ । ସ ସୁ॒ତ୍ରାମା॒ ସ୍ଵଵା॒ଗ୍ମ୍॒ ଇନ୍ଦ୍ରୋ॑ ଅ॒ସ୍ମେ ଆ॒ରାଚ୍ଚି॒-ଦ୍ଦ୍ଵେଷ॑-ସ୍ସନୁ॒ତ-ର୍ୟୁ॑ୟୋତୁ ॥ ରେ॒ଵତୀ᳚-ର୍ନ-ସ୍ସଧ॒ମାଦ॒ ଇନ୍ଦ୍ରେ॑ ସନ୍ତୁ ତୁ॒ଵିଵା॑ଜାଃ । କ୍ଷୁ॒ମନ୍ତୋ॒ ୟାଭି॒-ର୍ମଦେ॑ମ ॥ ପ୍ରୋଷ୍ଵ॑ସ୍ମୈ ପୁରୋର॒ଥମିନ୍ଦ୍ରା॑ୟ ଶୂ॒ଷମ॑ର୍ଚତ । ଅ॒ଭୀକେ॑ ଚିଦୁ ଲୋକ॒କୃ-ଥ୍ସ॒ଙ୍ଗେ ସ॒ମଥ୍ସୁ॑ ଵୃତ୍ର॒ହା । ଅ॒ସ୍ମାକ॑-ମ୍ବୋଧି ଚୋଦି॒ତା ନଭ॑ନ୍ତା-ମନ୍ୟ॒କେଷା᳚ମ୍ । ଜ୍ୟା॒କା ଅଧି॒ ଧନ୍ଵ॑ସୁ ॥ 51 ॥
(ଜ॒ରସା॒-ମା ତେ॑-ହର୍ୟଶ୍ଵ-ସୁ॒ଵୀର୍ୟ॒ସ୍ୟା-ଦ୍ଧ୍ୟେ-କ॑-ଞ୍ଚ ) (ଅ. 13)
(ପା॒କ॒ୟ॒ଜ୍ଞଗ୍ମ୍-ସଗ୍ଗ୍ଶ୍ର॑ଵାଃ-ପ॒ରୋକ୍ଷଂ॑-ବ॒ର୍॒ହିଷୋ॒-ଽହଂ -ଧ୍ରୁ॒ଵା-ମଗ॒ନ୍ମେତ୍ୟା॑ହ॒ -ଦେଵ॑ ସଵିତ-ର୍ଦେ॒ଵସ୍ୟା॒ହଂ-କ୍ଷ॒ତ୍ରସ୍ୟୋଲଗ୍ଗ୍ମ୍॒ଵାଁଜ॑ସ୍ୟେ॒ମ-ମ॒ଗ୍ନିରେକା᳚କ୍ଷରେଣୋ -ପୟା॒ମଗୃ॑ହୀତୋ॒-ଽ-ସ୍ୟନ୍ଵହ॒ ମାସା॒-ସ୍ତ୍ରୟୋ॑ଦଶ ।)
(ପା॒କ॒ୟ॒ଜ୍ଞଂ-ପ॒ରୋକ୍ଷଂ॑-ଧ୍ରୁ॒ଵାଂଵିଁ ସୃ॑ଜତେ-ଚ ନ॒-ସ୍ସର୍ଵ॑ଵୀରାଂ॒ – ପତ॑ୟ-ସ୍ସ୍ୟୋ॒-ମୈକ॑ପଞ୍ଚା॒ଶତ୍ । )
(ପା॒କ॒ୟ॒ଜ୍ଞମ୍, ଧନ୍ଵ॑ସୁ)
॥ ହରି॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ମ୍ପ୍ରଥମକାଣ୍ଡେ ସପ୍ତମଃ ପ୍ରଶ୍ନ-ସ୍ସମାପ୍ତଃ ॥