କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ଞ୍ଚତୁର୍ଥକାଣ୍ଡେ ପଞ୍ଚମଃ ପ୍ରଶ୍ନଃ – ହୋମଵିଧିନିରୂପଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ନମ॑ସ୍ତେ ରୁଦ୍ର ମ॒ନ୍ୟଵ॑ ଉ॒ତୋତ॒ ଇଷ॑ଵେ॒ ନମଃ॑ । ନମ॑ସ୍ତେ ଅସ୍ତୁ॒ ଧନ୍ଵ॑ନେ ବା॒ହୁଭ୍ୟା॑ମୁ॒ତ ତେ॒ ନମଃ॑ ॥ ୟା ତ॒ ଇଷୁ॑-ଶ୍ଶି॒ଵତ॑ମା ଶି॒ଵ-ମ୍ବ॒ଭୂଵ॑ ତେ॒ ଧନୁଃ॑ । ଶି॒ଵା ଶ॑ର॒ଵ୍ୟା॑ ୟା ତଵ॒ ତୟା॑ ନୋ ରୁଦ୍ର ମୃଡୟ ॥ ୟା ତେ॑ ରୁଦ୍ର ଶି॒ଵା ତ॒ନୂରଘୋ॒ରା ଽପା॑ପକାଶିନୀ । ତୟା॑ ନସ୍ତ॒ନୁଵା॒ ଶନ୍ତ॑ମୟା॒ ଗିରି॑ଶନ୍ତା॒ଭି ଚା॑କଶୀହି ॥ ୟାମିଷୁ॑-ଙ୍ଗିରିଶନ୍ତ॒ ହସ୍ତେ॒ [ହସ୍ତେ᳚, ବିଭ॒ର୍ଷ୍ୟସ୍ତ॑ଵେ ।] 1
ବିଭ॒ର୍ଷ୍ୟସ୍ତ॑ଵେ । ଶି॒ଵା-ଙ୍ଗି॑ରିତ୍ର॒ ତା-ଙ୍କୁ॑ରୁ॒ ମା ହିଗ୍ମ୍॑ସୀଃ॒ ପୁରୁ॑ଷ॒-ଞ୍ଜଗ॑ତ୍ ॥ ଶି॒ଵେନ॒ ଵଚ॑ସା ତ୍ଵା॒ ଗିରି॒ଶାଚ୍ଛା॑ ଵଦାମସି । ୟଥା॑ ନ॒-ସ୍ସର୍ଵ॒ମି-ଜ୍ଜଗ॑ଦୟ॒କ୍ଷ୍ମଗ୍ମ୍ ସୁ॒ମନା॒ ଅସ॑ତ୍ ॥ ଅଦ୍ଧ୍ୟ॑ଵୋଚଦଧିଵ॒କ୍ତା ପ୍ର॑ଥ॒ମୋ ଦୈଵ୍ୟୋ॑ ଭି॒ଷକ୍ । ଅହୀଗ୍॑ଶ୍ଚ॒ ସର୍ଵା᳚ନ୍ ଜ॒ଭଂୟଁ॒ନ୍-ଥ୍ସର୍ଵା᳚ଶ୍ଚ ୟାତୁ ଧା॒ନ୍ୟଃ॑ ॥ ଅ॒ସୌ ୟସ୍ତା॒ମ୍ରୋ ଅ॑ରୁ॒ଣ ଉ॒ତ ବ॒ଭ୍ରୁ-ସ୍ସୁ॑ମ॒ଙ୍ଗଲଃ॑ । ୟେ ଚେ॒ମାଗ୍ମ୍ ରୁ॒ଦ୍ରା ଅ॒ଭିତୋ॑ ଦି॒କ୍ଷୁ [ ] 2
ଶ୍ରି॒ତା-ସ୍ସ॑ହସ୍ର॒ଶୋ ଽଵୈ॑ଷା॒ଗ୍ମ୍॒ ହେଡ॑ ଈମହେ ॥ ଅ॒ସୌ ୟୋ॑ ଽଵ॒ସର୍ପ॑ତି॒ ନୀଲ॑ଗ୍ରୀଵୋ॒ ଵିଲୋ॑ହିତଃ । ଉ॒ତୈନ॑-ଙ୍ଗୋ॒ପା ଅ॑ଦୃଶ॒-ନ୍ନଦୃ॑ଶ-ନ୍ନୁଦହା॒ର୍ୟଃ॑ । ଉ॒ତୈନଂ॒-ଵିଁଶ୍ଵା॑ ଭୂ॒ତାନି॒ ସ ଦୃ॒ଷ୍ଟୋ ମୃ॑ଡୟାତି ନଃ ॥ ନମୋ॑ ଅସ୍ତୁ॒ ନୀଲ॑ଗ୍ରୀଵାୟ ସହସ୍ରା॒କ୍ଷାୟ॑ ମୀ॒ଢୁଷେ᳚ । ଅଥୋ॒ ୟେ ଅ॑ସ୍ୟ॒ ସତ୍ଵା॑ନୋ॒-ଽହ-ନ୍ତେଭ୍ୟୋ॑ ଽକର॒ନ୍ନମଃ॑ ॥ ପ୍ରମୁ॑ଞ୍ଚ॒ ଧନ୍ଵ॑ନ॒ସ୍ତ୍ଵ ମୁ॒ଭୟୋ॒-ରାର୍ତ୍ନି॑ୟୋ॒ର୍ଜ୍ୟାମ୍ । ୟାଶ୍ଚ॑ ତେ॒ ହସ୍ତ॒ ଇଷ॑ଵଃ॒ [ଇଷ॑ଵଃ, ପରା॒ ତା ଭ॑ଗଵୋ ଵପ ।] 3
ପରା॒ ତା ଭ॑ଗଵୋ ଵପ ॥ ଅ॒ଵ॒ତତ୍ୟ॒ ଧନୁ॒ସ୍ତ୍ଵଗ୍ମ୍ ସହ॑ସ୍ରାକ୍ଷ॒ ଶତେ॑ଷୁଧେ । ନି॒ଶୀର୍ୟ॑ ଶ॒ଲ୍ୟାନା॒-ମ୍ମୁଖା॑ ଶି॒ଵୋ ନ॑-ସ୍ସୁ॒ମନା॑ ଭଵ ॥ ଵିଜ୍ୟ॒-ନ୍ଧନୁଃ॑ କପ॒ର୍ଦିନୋ॒ ଵିଶ॑ଲ୍ୟୋ॒ ବାଣ॑ଵାଗ୍ମ୍ ଉ॒ତ । ଅନେ॑ଶନ୍ନ॒ସ୍ୟେଷ॑ଵ ଆ॒ଭୁର॑ସ୍ୟ ନିଷ॒ଙ୍ଗଥିଃ॑ ॥ ୟା ତେ॑ ହେ॒ତି-ର୍ମୀ॑ଢୁଷ୍ଟମ॒ ହସ୍ତେ॑ ବ॒ଭୂଵ॑ ତେ॒ ଧନୁଃ॑ । ତୟା॒-ଽସ୍ମାନ୍. ଵି॒ଶ୍ଵତ॒ ସ୍ତ୍ଵମ॑ୟ॒କ୍ଷ୍ମୟା॒ ପରି॑ବ୍ଭୁଜ ॥ ନମ॑ସ୍ତେ ଅ॒ସ୍ତ୍ଵାୟୁ॑ଧା॒ୟା-ନା॑ତତାୟ ଧୃ॒ଷ୍ଣଵେ᳚ । ଉ॒ଭାଭ୍ୟା॑ ମୁ॒ତ ତେ॒ ନମୋ॑ ବା॒ହୁଭ୍ୟା॒-ନ୍ତଵ॒ ଧନ୍ଵ॑ନେ ॥ ପରି॑ ତେ॒ ଧନ୍ଵ॑ନୋ ହେ॒ତିର॒ସ୍ମାନ୍-ଵୃ॑ଣକ୍ତୁ ଵି॒ଶ୍ଵତଃ॑ । ଅଥୋ॒ ୟ ଇ॑ଷୁ॒ଧିସ୍ତଵା॒ରେ ଅ॒ସ୍ମ-ନ୍ନିଧେ॑ହି॒ ତମ୍ ॥ 4 ॥
(ହସ୍ତେ॑ – ଦି॒କ୍ଷ୍ଵି – ଷ॑ଵ – ଉ॒ଭାଭ୍ୟାଂ॒ – ଦ୍ଵାଵିଗ୍ମ୍॑ଶତିଶ୍ଚ) (ଅ. 1)
ନମୋ॒ ହିର॑ଣ୍ୟ ବାହଵେ ସେନା॒ନ୍ୟେ॑ ଦି॒ଶାଞ୍ଚ॒ ପତ॑ୟେ॒ ନମୋ॒ ନମୋ॑ ଵୃ॒କ୍ଷେଭ୍ୟୋ॒ ହରି॑କେଶେଭ୍ୟଃ ପଶୂ॒ନା-ମ୍ପତ॑ୟେ॒ ନମୋ॒ ନମ॑-ସ୍ସ॒ସ୍ପିଞ୍ଜ॑ରାୟ॒ ତ୍ଵିଷୀ॑ମତେ ପଥୀ॒ନା-ମ୍ପତ॑ୟେ॒ ନମୋ॒ ନମୋ॑ ବଭ୍ଲୁ॒ଶାୟ॑ ଵିଵ୍ୟା॒ଧିନେ-ଽନ୍ନା॑ନା॒-ମ୍ପତ॑ୟେ॒ ନମୋ॒ ନମୋ॒ ହରି॑କେଶାୟୋ-ପଵୀ॒ତିନେ॑ ପୁ॒ଷ୍ଟାନା॒-ମ୍ପତ॑ୟେ॒ ନମୋ॒ ନମୋ॑ ଭ॒ଵସ୍ୟ॑ ହେ॒ତ୍ୟୈ ଜଗ॑ତା॒-ମ୍ପତ॑ୟେ॒ ନମୋ॒ ନମୋ॑ ରୁ॒ଦ୍ରାୟା॑-ତତା॒ଵିନେ॒ କ୍ଷେତ୍ରା॑ଣା॒-ମ୍ପତ॑ୟେ॒ ନମୋ॒ ନମ॑-ସ୍ସୂ॒ତାୟା-ହ॑ନ୍ତ୍ୟାୟ॒ ଵନା॑ନା॒-ମ୍ପତ॑ୟେ॒ ନମୋ॒ ନମୋ॒ [ନମଃ॑, ରୋହି॑ତାୟ] 5
ରୋହି॑ତାୟ ସ୍ଥ॒ପତ॑ୟେ ଵୃ॒କ୍ଷାଣା॒-ମ୍ପତ॑ୟେ॒ ନମୋ॒ ନମୋ॑ ମ॒ନ୍ତ୍ରିଣେ॑ ଵାଣି॒ଜାୟ॒ କକ୍ଷା॑ଣା॒-ମ୍ପତ॑ୟେ॒ ନମୋ॒ ନମୋ॑ ଭୁଵ॒ନ୍ତୟେ॑ ଵାରିଵସ୍କୃ॒ତା-ୟୌଷ॑ଧୀନା॒-ମ୍ପତ॑ୟେ॒ ନମୋ॒ ନମ॑ ଉ॒ଚ୍ଚୈ-ର୍ଘୋ॑ଷାୟା କ୍ର॒ନ୍ଦୟ॑ତେ ପତ୍ତୀ॒ନା-ମ୍ପତ॑ୟେ॒ ନମୋ॒ ନମଃ॑ କୃଥ୍ସ୍ନଵୀ॒ତାୟ॒ ଧାଵ॑ତେ॒ ସତ୍ତ୍ଵ॑ନା॒-ମ୍ପତ॑ୟେ॒ ନମଃ॑ ॥ 6 ॥
(ଵନା॑ନା॒-ମ୍ପତ॑ୟେ॒ ନମୋ॒ ନମ॒ – ଏକା॒ନ୍ନତ୍ରି॒ଗ୍ମ୍॒ଶଚ୍ଚ॑ ) (ଅ. 2)
ନମ॒-ସ୍ସହ॑ମାନାୟ ନିଵ୍ୟା॒ଧିନ॑ ଆଵ୍ୟା॒ଧିନୀ॑ନା॒-ମ୍ପତ॑ୟେ॒ ନମୋ॒ ନମଃ॑ କକୁ॒ଭାୟ॑ ନିଷ॒ଙ୍ଗିଣେ᳚ ସ୍ତେ॒ନାନା॒-ମ୍ପତ॑ୟେ॒ ନମୋ॒ ନମୋ॑ ନିଷ॒ଙ୍ଗିଣ॑ ଇଷୁଧି॒ମତେ॒ ତସ୍କ॑ରାଣା॒-ମ୍ପତ॑ୟେ॒ ନମୋ॒ ନମୋ॒ ଵଞ୍ଚ॑ତେ ପରି॒ଵଞ୍ଚ॑ତେ ସ୍ତାୟୂ॒ନା-ମ୍ପତ॑ୟେ॒ ନମୋ॒ ନମୋ॑ ନିଚେ॒ରଵେ॑ ପରିଚ॒ରାୟାର॑ଣ୍ୟାନା॒-ମ୍ପତ॑ୟେ॒ ନମୋ॒ ନମ॑-ସ୍ସୃକା॒ଵିଭ୍ୟୋ॒ ଜିଘାଗ୍ମ୍॑ସଦ୍ଭ୍ୟୋ ମୁଷ୍ଣ॒ତା-ମ୍ପତ॑ୟେ॒ ନମୋ॒ ନମୋ॑ ଽସି॒ମଦ୍ଭ୍ୟୋ॒ ନକ୍ତ॒-ଞ୍ଚର॑ଦ୍ଭ୍ୟଃ ପ୍ରକୃ॒ନ୍ତାନା॒-ମ୍ପତ॑ୟେ॒ ନମୋ॒ ନମ॑ ଉଷ୍ଣୀ॒ଷିଣେ॑ ଗିରିଚ॒ରାୟ॑ କୁଲୁ॒ଞ୍ଚାନା॒-ମ୍ପତ॑ୟେ॒ ନମୋ॒ ନମ॒ [ନମଃ॑, ଇଷୁ॑ମଦ୍ଭ୍ୟୋ] 7
ଇଷୁ॑ମଦ୍ଭ୍ୟୋ ଧନ୍ଵା॒ଵିଭ୍ୟ॑ଶ୍ଚ ଵୋ॒ ନମୋ॒ ନମ॑ ଆତନ୍ଵା॒ନେଭ୍ୟଃ॑ ପ୍ରତି॒ଦଧା॑ନେଭ୍ୟଶ୍ଚ ଵୋ॒ ନମୋ॒ ନମ॑ ଆ॒ୟଚ୍ଛ॑ଦ୍ଭ୍ୟୋ ଵିସୃ॒ଜଦ୍ଭ୍ୟ॑ଶ୍ଚ ଵୋ॒ ନମୋ॒ ନମୋ-ଽସ୍ୟ॑ଦ୍ଭ୍ୟୋ॒ ଵିଦ୍ଧ୍ୟ॑ଦ୍ଭ୍ୟଶ୍ଚ ଵୋ॒ ନମୋ॒ ନମ॒ ଆସୀ॑ନେଭ୍ୟ॒-ଶ୍ଶୟା॑ନେଭ୍ୟଶ୍ଚ ଵୋ॒ ନମୋ॒ ନମ॑-ସ୍ସ୍ଵ॒ପଦ୍ଭ୍ୟୋ॒ ଜାଗ୍ର॑ଦ୍ଭ୍ୟଶ୍ଚ ଵୋ॒ ନମୋ॒ ନମ॒ସ୍ତିଷ୍ଠ॑ଦ୍ଭ୍ୟୋ॒ ଧାଵ॑ଦ୍ଭ୍ୟଶ୍ଚ ଵୋ॒ ନମୋ॒ ନମ॑-ସ୍ସ॒ଭାଭ୍ୟ॑-ସ୍ସ॒ଭାପ॑ତିଭ୍ୟଶ୍ଚ ଵୋ॒ ନମୋ॒ ନମୋ॒ ଅଶ୍ଵେ॒ଭ୍ୟୋ ଽଶ୍ଵ॑ପତିଭ୍ୟ ଶ୍ଚ ଵୋ॒ ନମଃ॑ ॥ 8 ॥
(କୁ॒ଲୁ॒ଞ୍ଚାନା॒-ମ୍ପତ॑ୟେ॒ ନମୋ॒ ନମୋ – ଽଶ୍ଵ॑ପତିଭ୍ୟ॒ – ସ୍ତ୍ରୀଣି॑ ଚ) (ଅ. 3)
ନମ॑ ଆଵ୍ୟା॒ଧିନୀ᳚ଭ୍ୟୋ ଵି॒ଵିଦ୍ଧ୍ୟ॑ନ୍ତୀଭ୍ୟଶ୍ଚ ଵୋ॒ ନମୋ॒ ନମ॒ ଉଗ॑ଣାଭ୍ୟ-ସ୍ତୃଗ୍ମ୍ହ॒ତୀଭ୍ୟ॑ଶ୍ଚ ଵୋ॒ ନମୋ॒ ନମୋ॑ ଗୃ॒ଥ୍ସେଭ୍ୟୋ॑ ଗୃ॒ଥ୍ସପ॑ତିଭ୍ୟଶ୍ଚ ଵୋ॒ ନମୋ॒ ନମୋ॒ ଵ୍ରାତେ᳚ଭ୍ୟୋ॒ ଵ୍ରାତ॑ପତିଭ୍ୟଶ୍ଚ ଵୋ॒ ନମୋ॒ ନମୋ॑ ଗ॒ଣେଭ୍ୟୋ॑ ଗ॒ଣପ॑ତିଭ୍ୟଶ୍ଚ ଵୋ॒ ନମୋ॒ ନମୋ॒ ଵିରୂ॑ପେଭ୍ୟୋ ଵି॒ଶ୍ଵରୂ॑ପେଭ୍ୟଶ୍ଚ ଵୋ॒ ନମୋ॒ ନମୋ॑ ମ॒ହଦ୍ଭ୍ୟଃ॑, କ୍ଷୁଲ୍ଲ॒କେଭ୍ୟ॑ଶ୍ଚ ଵୋ॒ ନମୋ॒ ନମୋ॑ ର॒ଥିଭ୍ୟୋ॑-ଽର॒ଥେଭ୍ୟ॑ଶ୍ଚ ଵୋ॒ ନମୋ॒ ନମୋ॒ ରଥେ᳚ଭ୍ୟୋ॒ [ନମୋ॒ ରଥେ᳚ଭ୍ୟଃ, ରଥ॑ପତିଭ୍ୟଶ୍ଚ] 9
ରଥ॑ପତିଭ୍ୟଶ୍ଚ ଵୋ॒ ନମୋ॒ ନମ॒-ସ୍ସେନା᳚ଭ୍ୟ-ସ୍ସେନା॒ନିଭ୍ୟ॑ଶ୍ଚ ଵୋ॒ ନମୋ॒ ନମଃ॑, କ୍ଷ॒ତ୍ତୃଭ୍ୟ॑-ସ୍ସଙ୍ଗ୍ରହୀ॒ତୃଭ୍ୟ॑ଶ୍ଚ ଵୋ॒ ନମୋ॒ ନମ॒ସ୍ତକ୍ଷ॑ଭ୍ୟୋ ରଥକା॒ରେଭ୍ୟ॑ଶ୍ଚ ଵୋ॒ ନମୋ॒ ନମଃ॒ କୁଲା॑ଲେଭ୍ୟଃ କ॒ର୍ମାରେ᳚ଭ୍ୟଶ୍ଚ ଵୋ॒ ନମୋ॒ ନମଃ॑ ପୁ॒ଞ୍ଜିଷ୍ଟେ᳚ଭ୍ୟୋ ନିଷା॒ଦେଭ୍ୟ॑ଶ୍ଚ ଵୋ॒ ନମୋ॒ ନମ॑ ଇଷୁ॒କୃଦ୍ଭ୍ୟୋ॑ ଧନ୍ଵ॒କୃଦ୍ଭ୍ୟ॑ଶ୍ଚ ଵୋ॒ ନମୋ॒ ନମୋ॑ ମୃଗ॒ୟୁଭ୍ୟ॑-ଶ୍ଶ୍ଵ॒ନିଭ୍ୟ॑ଶ୍ଚ ଵୋ॒ ନମୋ॒ ନମ॒-ଶ୍ଶ୍ଵଭ୍ୟ॒-ଶ୍ଶ୍ଵପ॑ତିଭ୍ୟଶ୍ଚ ଵୋ॒ ନମଃ॑ ॥ 10 ॥
(ରଥେ᳚ଭ୍ୟଃ॒ – ଶ୍ଵପ॑ତିଭ୍ୟଶ୍ଚ॒ – ଦ୍ଵେ ଚ॑ ) (ଅ. 4)
ନମୋ॑ ଭ॒ଵାୟ॑ ଚ ରୁ॒ଦ୍ରାୟ॑ ଚ॒ ନମ॑-ଶ୍ଶ॒ର୍ଵାୟ॑ ଚ ପଶୁ॒ପତ॑ୟେ ଚ॒ ନମୋ॒ ନୀଲ॑ଗ୍ରୀଵାୟ ଚ ଶିତି॒କଣ୍ଠା॑ୟ ଚ॒ ନମଃ॑ କପ॒ର୍ଦିନେ॑ ଚ॒ ଵ୍ୟୁ॑ପ୍ତକେଶାୟ ଚ॒ ନମ॑-ସ୍ସହସ୍ରା॒କ୍ଷାୟ॑ ଚ ଶ॒ତଧ॑ନ୍ଵନେ ଚ॒ ନମୋ॑ ଗିରି॒ଶାୟ॑ ଚ ଶିପିଵି॒ଷ୍ଟାୟ॑ ଚ॒ ନମୋ॑ ମୀ॒ଢୁଷ୍ଟ॑ମାୟ॒ ଚେଷୁ॑ମତେ ଚ॒ ନମୋ᳚ ହ୍ର॒ସ୍ଵାୟ॑ ଚ ଵାମ॒ନାୟ॑ ଚ॒ ନମୋ॑ ବୃହ॒ତେ ଚ॒ ଵର୍ଷୀ॑ୟସେ ଚ॒ ନମୋ॑ ଵୃ॒ଦ୍ଧାୟ॑ ଚ ସଂ॒ଵୃଁଦ୍ଧ୍ଵ॑ନେ ଚ॒ [ସଂ॒ଵୃଁଦ୍ଧ୍ଵ॑ନେ ଚ, ନମୋ॒ ଅଗ୍ରି॑ୟାୟ ଚ] 11
ନମୋ॒ ଅଗ୍ରି॑ୟାୟ ଚ ପ୍ରଥ॒ମାୟ॑ ଚ॒ ନମ॑ ଆ॒ଶଵେ॑ ଚାଜି॒ରାୟ॑ ଚ॒ ନମQସ୍ଶୀଘ୍ରି॑ୟାୟ ଚ॒ ଶୀଭ୍ୟା॑ୟ ଚ॒ ନମ॑ ଊ॒ର୍ମ୍ୟା॑ୟ ଚାଵସ୍ଵ॒ନ୍ୟା॑ୟ ଚ॒ ନମ॑-ସ୍ସ୍ରୋତ॒ସ୍ୟା॑ୟ ଚ॒ ଦ୍ଵୀପ୍ୟା॑ୟ ଚ ॥ 12 ॥
(ସଂ॒ଵୃଁଦ୍ଧ୍ଵ॑ନେ ଚ॒ – ପଞ୍ଚ॑ଵିଗ୍ମ୍ଶତିଶ୍ଚ) (ଅ. 5)
ନମୋ᳚ ଜ୍ୟେ॒ଷ୍ଠାୟ॑ ଚ କନି॒ଷ୍ଠାୟ॑ ଚ॒ ନମଃ॑ ପୂର୍ଵ॒ଜାୟ॑ ଚାପର॒ଜାୟ॑ ଚ॒ ନମୋ॑ ମଦ୍ଧ୍ୟ॒ମାୟ॑ ଚାପଗ॒ଲ୍ଭାୟ॑ ଚ॒ ନମୋ॑ ଜଘ॒ନ୍ୟା॑ୟ ଚ॒ ବୁଦ୍ଧ୍ନି॑ୟାୟ ଚ॒ ନମ॑-ସ୍ସୋ॒ଭ୍ୟା॑ୟ ଚ ପ୍ରତିସ॒ର୍ୟା॑ୟ ଚ॒ ନମୋ॒ ୟାମ୍ୟା॑ୟ ଚ॒ କ୍ଷେମ୍ୟା॑ୟ ଚ॒ ନମ॑ ଉର୍ଵ॒ର୍ୟା॑ୟ ଚ॒ ଖଲ୍ୟା॑ୟ ଚ॒ ନମ॒-ଶ୍ଶ୍ଲୋକ୍ୟା॑ୟ ଚାଵସା॒ନ୍ୟା॑ୟ ଚ॒ ନମୋ॒ ଵନ୍ୟା॑ୟ ଚ॒ କକ୍ଷ୍ୟା॑ୟ ଚ॒ ନମ॑-ଶ୍ଶ୍ର॒ଵାୟ॑ ଚ ପ୍ରତିଶ୍ର॒ଵାୟ॑ ଚ॒ [ପ୍ରତିଶ୍ର॒ଵାୟ॑ ଚ, ନମ॑ ଆ॒ଶୁଷେ॑ଣାୟ] 13
ନମ॑ ଆ॒ଶୁଷେ॑ଣାୟ ଚା॒ଶୁର॑ଥାୟ ଚ॒ ନମ॒-ଶ୍ଶୂରା॑ୟ ଚାଵଭିନ୍ଦ॒ତେ ଚ॒ ନମୋ॑ ଵ॒ର୍ମିଣେ॑ ଚ ଵରୂ॒ଥିନେ॑ ଚ॒ ନମୋ॑ ବି॒ଲ୍ମିନେ॑ ଚ କଵ॒ଚିନେ॑ ଚ॒ ନମ॑-ଶ୍ଶ୍ରୁ॒ତାୟ॑ ଚ ଶ୍ରୁତସେ॒ନାୟ॑ ଚ ॥ 14 ॥
(ପ୍ର॒ତି॒ଶ୍ର॒ଵାୟ॑ ଚ॒ – ପଞ୍ଚ॑ଵିଗ୍ମ୍ଶତିଶ୍ଚ) (ଅ. 6)
ନମୋ॑ ଦୁନ୍ଦୁ॒ଭ୍ୟା॑ୟ ଚାହନ॒ନ୍ୟା॑ୟ ଚ॒ ନମୋ॑ ଧୃ॒ଷ୍ଣଵେ॑ ଚ ପ୍ରମୃ॒ଶାୟ॑ ଚ॒ ନମୋ॑ ଦୂ॒ତାୟ॑ ଚ॒ ପ୍ରହି॑ତାୟ ଚ॒ ନମୋ॑ ନିଷ॒ଙ୍ଗିଣେ॑ ଚେଷୁଧି॒ମତେ॑ ଚ॒ ନମ॑ ସ୍ତୀ॒କ୍ଷ୍ଣେଷ॑ଵେ ଚାୟୁ॒ଧିନେ॑ ଚ॒ ନମ॑-ସ୍ସ୍ଵାୟୁ॒ଧାୟ॑ ଚ ସୁ॒ଧନ୍ଵ॑ନେ ଚ॒ ନମ॒-ସ୍ସ୍ରୁତ୍ୟା॑ୟ ଚ॒ ପଥ୍ୟା॑ୟ ଚ॒ ନମଃ॑ କା॒ଟ୍ୟା॑ୟ ଚ ନୀ॒ପ୍ୟା॑ୟ ଚ॒ ନମ॒-ସ୍ସୂଦ୍ୟା॑ୟ ଚ ସର॒ସ୍ୟା॑ୟ ଚ॒ ନମୋ॑ ନା॒ଦ୍ୟାୟ॑ ଚ ଵୈଶ॒ନ୍ତାୟ॑ ଚ॒ [ଵୈଶ॒ନ୍ତାୟ॑ ଚ, ନମଃ॒ କୂପ୍ୟା॑ୟ] 15
ନମଃ॒ କୂପ୍ୟା॑ୟ ଚାଵ॒ଟ୍ୟା॑ୟ ଚ॒ ନମୋ॒ ଵର୍ଷ୍ୟା॑ୟ ଚାଵ॒ର୍ଷ୍ୟାୟ॑ ଚ॒ ନମୋ॑ ମେ॒ଘ୍ୟା॑ୟ ଚ ଵିଦ୍ୟୁ॒ତ୍ୟା॑ୟ ଚ॒ ନମ॑ ଈ॒ଦ୍ଧ୍ରିୟା॑ୟ ଚାତ॒ପ୍ୟା॑ୟ ଚ॒ ନମୋ॒ ଵାତ୍ୟା॑ୟ ଚ॒ ରେଷ୍ମି॑ୟାୟ ଚ॒ ନମୋ॑ ଵାସ୍ତ॒ଵ୍ୟା॑ୟ ଚ ଵାସ୍ତୁ॒ପାୟ॑ ଚ ॥ 16 ॥
(ଵୈ॒ଶ॒ନ୍ତାୟ॑ ଚ – ତ୍ରି॒ଗ୍ମ୍॒ଶଚ୍ଚ॑) (ଅ. 7)
ନମ॒-ସ୍ସୋମା॑ୟ ଚ ରୁ॒ଦ୍ରାୟ॑ ଚ॒ ନମ॑ସ୍ତା॒ମ୍ରାୟ॑ ଚାରୁ॒ଣାୟ॑ ଚ॒ ନମ॑-ଶ୍ଶ॒ଙ୍ଗାୟ॑ ଚ ପଶୁ॒ପତ॑ୟେ ଚ॒ ନମ॑ ଉ॒ଗ୍ରାୟ॑ ଚ ଭୀ॒ମାୟ॑ ଚ॒ ନମୋ॑ ଅଗ୍ରେଵ॒ଧାୟ॑ ଚ ଦୂରେଵ॒ଧାୟ॑ ଚ॒ ନମୋ॑ ହ॒ନ୍ତ୍ରେ ଚ॒ ହନୀ॑ୟସେ ଚ॒ ନମୋ॑ ଵୃ॒କ୍ଷେଭ୍ୟୋ॒ ହରି॑କେଶେଭ୍ୟୋ॒ ନମ॑ସ୍ତା॒ରାୟ॒ ନମ॑-ଶ୍ଶ॒ମ୍ଭଵେ॑ ଚ ମୟୋ॒ଭଵେ॑ ଚ॒ ନମ॑-ଶ୍ଶଙ୍କ॒ରାୟ॑ ଚ ମୟସ୍କ॒ରାୟ॑ ଚ॒ ନମ॑-ଶ୍ଶି॒ଵାୟ॑ ଚ ଶି॒ଵତ॑ରାୟ ଚ॒ [ଶି॒ଵତ॑ରାୟ ଚ, ନମ॒ସ୍ତୀର୍ଥ୍ୟା॑ୟ ଚ॒] 17
ନମ॒ସ୍ତୀର୍ଥ୍ୟା॑ୟ ଚ॒ କୂଲ୍ୟା॑ୟ ଚ॒ ନମଃ॑ ପା॒ର୍ୟା॑ୟ ଚାଵା॒ର୍ୟା॑ୟ ଚ॒ ନମଃ॑ ପ୍ର॒ତର॑ଣାୟ ଚୋ॒ତ୍ତର॑ଣାୟ ଚ॒ ନମ॑ ଆତା॒ର୍ୟା॑ୟ ଚାଲା॒ଦ୍ୟା॑ୟ ଚ॒ ନମ॒-ଶ୍ଶଷ୍ପ୍ୟା॑ୟ ଚ॒ ଫେନ୍ୟା॑ୟ ଚ॒ ନମ॑-ସ୍ସିକ॒ତ୍ୟା॑ୟ ଚ ପ୍ରଵା॒ହ୍ୟା॑ୟ ଚ ॥ 18 ॥
(ଶି॒ଵତ॑ରାୟ ଚ – ତ୍ରି॒ଗ୍ମ୍॒ଶଚ୍ଚ॑) (ଅ. 8)
ନମ॑ ଇରି॒ଣ୍ୟା॑ୟ ଚ ପ୍ରପ॒ଥ୍ୟା॑ୟ ଚ॒ ନମଃ॑ କିଗ୍ମ୍ଶି॒ଲାୟ॑ ଚ॒ କ୍ଷୟ॑ଣାୟ ଚ॒ ନମଃ॑ କପ॒ର୍ଦିନେ॑ ଚ ପୁଲ॒ସ୍ତୟେ॑ ଚ॒ ନମୋ॒ ଗୋଷ୍ଠ୍ୟା॑ୟ ଚ॒ ଗୃହ୍ୟା॑ୟ ଚ॒ ନମ॒ସ୍ତଲ୍ପ୍ୟା॑ୟ ଚ॒ ଗେହ୍ୟା॑ୟ ଚ॒ ନମଃ॑ କା॒ଟ୍ୟା॑ୟ ଚ ଗହ୍ଵରେ॒ଷ୍ଠାୟ॑ ଚ॒ ନମୋ᳚ ହ୍ରଦ॒ୟ୍ୟା॑ୟ ଚ ନିଵେ॒ଷ୍ପ୍ୟା॑ୟ ଚ॒ ନମଃ॑ ପାଗ୍ମ୍ସ॒ଵ୍ୟା॑ୟ ଚ ରଜ॒ସ୍ୟା॑ୟ ଚ॒ ନମ॒-ଶ୍ଶୁଷ୍କ୍ୟା॑ୟ ଚ ହରି॒ତ୍ୟା॑ୟ ଚ॒ ନମୋ॒ ଲୋପ୍ୟା॑ୟ ଚୋଲ॒ପ୍ୟା॑ୟ ଚ॒ [ଚୋଲ॒ପ୍ୟା॑ୟ ଚ, ନମ॑ ଊ॒ର୍ଵ୍ୟା॑ୟ ଚ] 19
ନମ॑ ଊ॒ର୍ଵ୍ୟା॑ୟ ଚ ସୂ॒ର୍ମ୍ୟା॑ୟ ଚ॒ ନମଃ॑ ପ॒ର୍ଣ୍ୟା॑ୟ ଚ ପର୍ଣଶ॒ଦ୍ୟା॑ୟ ଚ॒ ନମୋ॑-ଽପଗୁ॒ରମା॑ଣାୟ ଚାଭିଘ୍ନ॒ତେ ଚ॒ ନମ॑ ଆକ୍ଖିଦ॒ତେ ଚ॑ ପ୍ରକ୍ଖିଦ॒ତେ ଚ॒ ନମୋ॑ ଵଃ କିରି॒କେଭ୍ୟୋ॑ ଦେ॒ଵାନା॒ଗ୍ମ୍॒ ହୃଦ॑ୟେଭ୍ୟୋ॒ ନମୋ॑ ଵିକ୍ଷୀଣ॒କେଭ୍ୟୋ॒ ନମୋ॑ ଵିଚିନ୍ଵ॒ତ୍କେଭ୍ୟୋ॒ ନମ॑ ଆନିର୍-ହ॒ତେଭ୍ୟୋ॒ ନମ॑ ଆମୀଵ॒ତ୍କେଭ୍ୟଃ॑ ॥ 20 ॥
(ଉ॒ଲ॒ପ୍ୟା॑ୟ ଚ॒ – ତ୍ରୟ॑ସ୍ତ୍ରିଗ୍ମ୍ଶଚ୍ଚ॑) (ଅ. 9)
ଦ୍ରାପେ॒ ଅନ୍ଧ॑ସସ୍ପତେ॒ ଦରି॑ଦ୍ର॒ନ୍ନୀଲ॑ଲୋହିତ । ଏ॒ଷା-ମ୍ପୁରୁ॑ଷାଣାମେ॒ଷା-ମ୍ପ॑ଶୂ॒ନା-ମ୍ମା ଭେ ର୍ମା-ଽରୋ॒ ମୋ ଏ॑ଷା॒-ଙ୍କିଞ୍ଚ॒ନାମ॑ମତ୍ ॥ ୟା ତେ॑ ରୁଦ୍ର ଶି॒ଵା ତ॒ନୂ-ଶ୍ଶି॒ଵା ଵି॒ଶ୍ଵାହ॑ଭେଷଜୀ । ଶି॒ଵା ରୁ॒ଦ୍ରସ୍ୟ॑ ଭେଷ॒ଜୀ ତୟା॑ ନୋ ମୃଡ ଜୀ॒ଵସେ᳚ ॥ ଇ॒ମାଗ୍ମ୍ ରୁ॒ଦ୍ରାୟ॑ ତ॒ଵସେ॑ କପ॒ର୍ଦିନେ᳚ କ୍ଷ॒ୟଦ୍ଵୀ॑ରାୟ॒ ପ୍ରଭ॑ରାମହେ ମ॒ତିମ୍ । ୟଥା॑ ନ॒-ଶ୍ଶମସ॑-ଦ୍ଦ୍ଵି॒ପଦେ॒ ଚତୁ॑ଷ୍ପଦେ॒ ଵିଶ୍ଵ॑-ମ୍ପୁ॒ଷ୍ଟ-ଙ୍ଗ୍ରାମେ॑ ଅ॒ସ୍ମି- [ଅ॒ସ୍ମିନ୍ନ୍, ଅନା॑ତୁରମ୍ ।] 21
-ନ୍ନନା॑ତୁରମ୍ ॥ ମୃ॒ଡା ନୋ॑ ରୁଦ୍ରୋ॒ ତନୋ॒ ମୟ॑ସ୍କୃଧି କ୍ଷ॒ୟଦ୍ଵୀ॑ରାୟ॒ ନମ॑ସା ଵିଧେମ ତେ । ୟଚ୍ଛ-ଞ୍ଚ॒ ୟୋଶ୍ଚ॒ ମନୁ॑ରାୟ॒ଜେ ପି॒ତା ତଦ॑ଶ୍ୟାମ॒ ତଵ॑ ରୁଦ୍ର॒ ପ୍ରଣୀ॑ତୌ ॥ ମା ନୋ॑ ମ॒ହାନ୍ତ॑ମୁ॒ତ ମା ନୋ॑ ଅର୍ଭ॒କ-ମ୍ମା ନ॒ ଉକ୍ଷ॑ନ୍ତମୁ॒ତ ମା ନ॑ ଉକ୍ଷି॒ତମ୍ । ମା ନୋ॑ ଵଧୀଃ ପି॒ତର॒-ମ୍ମୋତ ମା॒ତର॑-ମ୍ପ୍ରି॒ୟା ମା ନ॑ସ୍ତ॒ନୁଵୋ॑ [ମା ନ॑ସ୍ତ॒ନୁଵଃ॑, ରୁ॒ଦ୍ର॒ ରୀ॒ରି॒ଷଃ॒ ।] 22
ରୁଦ୍ର ରୀରିଷଃ ॥ ମା ନ॑ସ୍ତୋ॒କେ ତନ॑ୟେ॒ ମା ନ॒ ଆୟୁ॑ଷି॒ ମା ନୋ॒ ଗୋଷୁ॒ ମା ନୋ॒ ଅଶ୍ଵେ॑ଷୁ ରୀରିଷଃ । ଵୀ॒ରା-ନ୍ମାନୋ॑ ରୁଦ୍ର ଭାମି॒ତୋ ଵ॑ଧୀର୍-ହ॒ଵିଷ୍ମ॑ନ୍ତୋ॒ ନମ॑ସା ଵିଧେମ ତେ ॥ ଆ॒ରାତ୍ତେ॑ ଗୋ॒ଘ୍ନ ଉ॒ତ ପୂ॑ରୁଷ॒ଘ୍ନେ କ୍ଷ॒ୟଦ୍ଵୀ॑ରାୟ ସୁ॒ମ୍ନମ॒ସ୍ମେ ତେ॑ ଅସ୍ତୁ । ରକ୍ଷା॑ ଚ ନୋ॒ ଅଧି॑ ଚ ଦେଵ ବ୍ରୂ॒ହ୍ୟଧା॑ ଚ ନ॒-ଶ୍ଶର୍ମ॑ ୟଚ୍ଛ ଦ୍ଵି॒ବର୍ହାଃ᳚ ॥ ସ୍ତୁ॒ହି [ ] 23
ଶ୍ରୁ॒ତ-ଙ୍ଗ॑ର୍ତ॒ସଦଂ॒-ୟୁଁଵା॑ନ-ମ୍ମୃ॒ଗ-ନ୍ନ ଭୀ॒ମ-ମୁ॑ପହ॒ତ୍ନୁ-ମୁ॒ଗ୍ରମ୍ । ମୃ॒ଡା ଜ॑ରି॒ତ୍ରେ ରୁ॑ଦ୍ର॒ ସ୍ତଵା॑ନୋ ଅ॒ନ୍ୟନ୍ତେ॑ ଅ॒ସ୍ମନ୍ନିଵ॑ପନ୍ତୁ॒ ସେନାଃ᳚ ॥ ପରି॑ଣୋ ରୁ॒ଦ୍ରସ୍ୟ॑ ହେ॒ତି ର୍ଵୃ॑ଣକ୍ତୁ॒ ପରି॑ତ୍ଵେ॒ଷସ୍ୟ॑ ଦୁର୍ମ॒ତିର॑ଘା॒ୟୋଃ । ଅଵ॑ ସ୍ଥି॒ରା ମ॒ଘଵ॑ଦ୍ଭ୍ୟ-ସ୍ତନୁଷ୍ଵ॒ ମୀଢ୍ଵ॑ସ୍ତୋ॒କାୟ॒ ତନ॑ୟାୟ ମୃଡୟ ॥ ମୀଢୁ॑ଷ୍ଟମ॒ ଶିଵ॑ତମ ଶି॒ଵୋ ନ॑-ସ୍ସୁ॒ମନା॑ ଭଵ । ପ॒ର॒ମେ ଵୃ॒କ୍ଷ ଆୟୁ॑ଧ-ନ୍ନି॒ଧାୟ॒ କୃତ୍ତିଂ॒-ଵଁସା॑ନ॒ ଆଚ॑ର॒ ପିନା॑କ॒- [ଆଚ॑ର॒ ପିନା॑କମ୍, ବିଭ୍ର॒ଦାଗ॑ହି ।] 24
-ମ୍ବିଭ୍ର॒ଦାଗ॑ହି ॥ ଵିକି॑ରିଦ॒ ଵିଲୋ॑ହିତ॒ ନମ॑ସ୍ତେ ଅସ୍ତୁ ଭଗଵଃ । ୟାସ୍ତେ॑ ସ॒ହସ୍ରଗ୍ମ୍॑ ହେ॒ତୟୋ॒-ଽନ୍ୟ-ମ॒ସ୍ମନ୍ନି ଵ॑ପନ୍ତୁ॒ ତାଃ ॥ ସ॒ହସ୍ରା॑ଣି ସହସ୍ର॒ଧା ବା॑ହୁ॒ଵୋସ୍ତଵ॑ ହେ॒ତୟଃ॑ । ତାସା॒ମୀଶା॑ନୋ ଭଗଵଃ ପରା॒ଚୀନା॒ ମୁଖା॑ କୃଧି ॥ 25 ॥
(ଅ॒ସ୍ମିଗ୍ଗ୍-ସ୍ତ॒ନୁଵଃ॑-ସ୍ତୁ॒ହି-ପିନା॑କ॒-ମେକା॒ନ୍ନତ୍ରି॒ଗ୍ମ୍॒ଶଚ୍ଚ॑) (ଅ. 10)
ସ॒ହସ୍ରା॑ଣି ସହସ୍ର॒ଶୋ ୟେ ରୁ॒ଦ୍ରା ଅଧି॒ ଭୂମ୍ୟା᳚ମ୍ । ତେଷାଗ୍ମ୍॑ ସହସ୍ରୟୋଜ॒ନେ ଽଵ॒ଧନ୍ଵା॑ନି ତନ୍ମସି ॥ ଅ॒ସ୍ମି-ନ୍ମ॑ହ॒ତ୍ୟ॑ର୍ଣ॒ଵେ᳚-ଽନ୍ତରି॑କ୍ଷେ ଭ॒ଵା ଅଧି॑ ॥ ନୀଲ॑ଗ୍ରୀଵା-ଶ୍ଶିତି॒କଣ୍ଠା᳚-ଶ୍ଶ॒ର୍ଵା ଅ॒ଧଃ, କ୍ଷ॑ମାଚ॒ରାଃ ॥ ନୀଲ॑ଗ୍ରୀଵା-ଶ୍ଶିତି॒କଣ୍ଠା॒ ଦିଵଗ୍ମ୍॑ ରୁ॒ଦ୍ରା ଉପ॑ଶ୍ରିତାଃ ॥ ୟେ ଵୃ॒କ୍ଷେଷୁ॑ ସ॒ସ୍ପିଞ୍ଜ॑ରା॒ ନୀଲ॑ଗ୍ରୀଵା॒ ଵିଲୋ॑ହିତାଃ ॥ ୟେ ଭୂ॒ତାନା॒-ମଧି॑ପତୟୋ ଵିଶି॒ଖାସଃ॑ କପ॒ର୍ଦି॑ନଃ ॥ ୟେ ଅନ୍ନେ॑ଷୁ ଵି॒ଵିଦ୍ଧ୍ୟ॑ନ୍ତି॒ ପାତ୍ରେ॑ଷୁ॒ ପିବ॑ତୋ॒ ଜନାନ୍॑ ॥ ୟେ ପ॒ଥା-ମ୍ପ॑ଥି॒ରକ୍ଷ॑ୟ ଐଲବୃ॒ଦା ୟ॒ଵ୍ୟୁଧଃ॑ ॥ ୟେ ତୀ॒ର୍ଥାନି॑ – [ ] 26
ପ୍ର॒ଚର॑ନ୍ତି ସୃ॒କାଵ॑ନ୍ତୋ ନିଷ॒ଙ୍ଗିଣଃ॑ ॥ ୟ ଏ॒ତାଵ॑ନ୍ତଶ୍ଚ॒ ଭୂୟାଗ୍ମ୍॑ସଶ୍ଚ॒ ଦିଶୋ॑ ରୁ॒ଦ୍ରା ଵି॑ତସ୍ଥି॒ରେ ॥ ତେଷାଗ୍ମ୍॑ ସହସ୍ରୟୋଜ॒ନେ ଽଵ॒ଧନ୍ଵା॑ନି ତନ୍ମସି ॥ ନମୋ॑ ରୁ॒ଦ୍ରେଭ୍ୟୋ॒ ୟେ ପୃ॑ଥି॒ଵ୍ୟାଂ-ୟେଁ᳚-ଽନ୍ତରି॑କ୍ଷେ॒ ୟେ ଦି॒ଵି ୟେଷା॒ମନ୍ନଂ॒ ଵାଁତୋ॑ ଵ॒ର୍॒ଷମିଷ॑ଵ॒ସ୍ତେଭ୍ୟୋ॒ ଦଶ॒ ପ୍ରାଚୀ॒ ର୍ଦଶ॑ଦକ୍ଷି॒ଣା ଦଶ॑ପ୍ର॒ତୀଚୀ॒ ର୍ଦଶୋଦୀ॑ଚୀ॒ ର୍ଦଶୋ॒ର୍ଧ୍ଵା-ସ୍ତେଭ୍ୟୋ॒ ନମ॒ସ୍ତେ ନୋ॑ ମୃଡୟନ୍ତୁ॒ ତେ ୟ-ନ୍ଦ୍ଵି॒ଷ୍ମୋ ୟଶ୍ଚ॑ ନୋ॒ ଦ୍ଵେଷ୍ଟି॒ ତଂ-ଵୋଁ॒ ଜମ୍ଭେ॑ ଦଧାମି ॥ 27 ॥
(ତୀ॒ର୍ଥାନି॒ – ୟଶ୍ଚ॒ – ଷଟ୍ ଚ॑ ) (ଅ. 11)
(ନମ॑ସ୍ତେ ରୁଦ୍ର॒ – ନମୋ॒ ହିର॑ଣ୍ୟବାହଵେ॒ – ନମ॒-ସ୍ସହ॑ମାନାୟ॒ – ନମ॑ ଆଵ୍ୟା॒ଧିନୀ᳚ଭ୍ୟୋ॒ – ନମୋ॑ ଭ॒ଵାୟ॒ – ନମୋ᳚ ଜ୍ୟେ॒ଷ୍ଠାୟ॒ – ନମୋ॑ ଦୁନ୍ଦୁ॒ଭ୍ୟା॑ୟ॒ – ନମ॒-ସ୍ସୋମା॑ୟ॒ – ନମ॑ ଇରି॒ଣ୍ୟା॑ୟ॒ – ଦ୍ରାପ॑ – ସ॒ହସ୍ରା॒ – ଣ୍ୟେକା॑ଦଶ)
(ନମ॑ସ୍ତେ ରୁଦ୍ର॒ – ନମୋ॑ ଭ॒ଵାୟ॒ – ଦ୍ରାପେ॑ – ସ॒ପ୍ତଵିଗ୍ମ୍॑ଶତିଃ)
(ନମ॑ସ୍ତେ ରୁଦ୍ର॒, ତଂ-ଵୋଁ॒ ଜମ୍ଭେ॑ ଦଧାମି)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ଞ୍ଚତୁର୍ଥ କାଣ୍ଡେ ପଞ୍ଚମଃ ପ୍ରଶ୍ନ-ସ୍ସମାପ୍ତଃ ॥