କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟାଂ ଷଷ୍ଠକାଣ୍ଡେ ଚତୁର୍ଥଃ ପ୍ରଶ୍ନଃ – ସୋମମନ୍ତ୍ରବ୍ରାହ୍ମଣନିରୂପଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ୟ॒ଜ୍ଞେନ॒ ଵୈ ପ୍ର॒ଜାପ॑ତିଃ ପ୍ର॒ଜା ଅ॑ସୃଜତ॒ ତା ଉ॑ପ॒ୟଡ୍ଭି॑-ରେ॒ଵାସୃ॑ଜତ॒ ୟଦୁ॑ପ॒ୟଜ॑ ଉପ॒ୟଜ॑ତି ପ୍ର॒ଜା ଏ॒ଵ ତ-ଦ୍ୟଜ॑ମାନ-ସ୍ସୃଜତେ ଜଘନା॒ର୍ଧାଦଵ॑ ଦ୍ୟତି ଜଘନା॒ର୍ଧାଦ୍ଧି ପ୍ର॒ଜାଃ ପ୍ର॒ଜାୟ॑ନ୍ତେ ସ୍ଥଵିମ॒ତୋ-ଽଵ॑ ଦ୍ୟତି ସ୍ଥଵିମ॒ତୋ ହି ପ୍ର॒ଜାଃ ପ୍ର॒ଜାୟ॒ନ୍ତେ ଽସ॑ମ୍ଭିନ୍ଦ॒ନ୍ନଵ॑ ଦ୍ୟତି ପ୍ରା॒ଣାନା॒-ମସ॑ମ୍ଭେଦାୟ॒ ନ ପ॒ର୍ୟାଵ॑ର୍ତୟତି॒ ୟ-ତ୍ପ॑ର୍ୟାଵ॒ର୍ତୟେ॑ଦୁଦାଵ॒ର୍ତଃ ପ୍ର॒ଜା ଗ୍ରାହୁ॑କ-ସ୍ସ୍ୟା-ଥ୍ସମୁ॒ଦ୍ର-ଙ୍ଗ॑ଚ୍ଛ॒ ସ୍ଵାହେତ୍ୟା॑ହ॒ ରେତ॑ [ରେତଃ॑, ଏ॒ଵ] 1
ଏ॒ଵ ତ-ଦ୍ଦ॑ଧାତ୍ୟ॒ନ୍ତରି॑କ୍ଷ-ଙ୍ଗଚ୍ଛ॒ ସ୍ଵାହେତ୍ୟା॑ହା॒-ଽନ୍ତରି॑କ୍ଷେଣୈ॒ଵାସ୍ମୈ᳚ ପ୍ର॒ଜାଃ ପ୍ର ଜ॑ନୟତ୍ୟ॒ନ୍ତରି॑କ୍ଷ॒ଗ୍ଗ୍॒ ହ୍ୟନୁ॑ ପ୍ର॒ଜାଃ ପ୍ର॒ଜାୟ॑ନ୍ତେ ଦେ॒ଵଗ୍ମ୍ ସ॑ଵି॒ତାର॑-ଙ୍ଗଚ୍ଛ॒ ସ୍ଵାହେତ୍ୟା॑ହ ସଵି॒ତୃପ୍ର॑ସୂତ ଏ॒ଵାସ୍ମୈ᳚ ପ୍ର॒ଜାଃ ପ୍ର ଜ॑ନୟତ୍ୟ-ହୋରା॒ତ୍ରେ ଗ॑ଚ୍ଛ॒ ସ୍ଵାହେତ୍ୟା॑ହା-ହୋରା॒ତ୍ରାଭ୍ୟା॑-ମେ॒ଵାସ୍ମୈ᳚ ପ୍ର॒ଜାଃ ପ୍ର ଜ॑ନୟତ୍ୟ-ହୋରା॒ତ୍ରେ ହ୍ୟନୁ॑ ପ୍ର॒ଜାଃ ପ୍ର॒ଜାୟ॑ନ୍ତେ ମି॒ତ୍ରାଵରୁ॑ଣୌ ଗଚ୍ଛ॒ ସ୍ଵାହେ- [ସ୍ଵାହା᳚, ଇତ୍ୟା॑ହ] 2
-ତ୍ୟା॑ହ ପ୍ର॒ଜାସ୍ଵେ॒ଵ ପ୍ରଜା॑ତାସୁ ପ୍ରାଣାପା॒ନୌ ଦ॑ଧାତି॒ ସୋମ॑-ଙ୍ଗଚ୍ଛ॒ ସ୍ଵାହେତ୍ୟା॑ହ ସୌ॒ମ୍ୟା ହି ଦେ॒ଵତ॑ୟା ପ୍ର॒ଜା ୟ॒ଜ୍ଞ-ଙ୍ଗ॑ଚ୍ଛ॒ ସ୍ଵାହେତ୍ୟା॑ହ ପ୍ର॒ଜା ଏ॒ଵ ୟ॒ଜ୍ଞିୟାଃ᳚ କରୋତି॒ ଛନ୍ଦାଗ୍ମ୍॑ସି ଗଚ୍ଛ॒ ସ୍ଵାହେତ୍ୟା॑ହ ପ॒ଶଵୋ॒ ଵୈ ଛନ୍ଦାଗ୍ମ୍॑ସି ପ॒ଶୂନେ॒ଵାଵ॑ ରୁନ୍ଧେ॒ ଦ୍ୟାଵା॑ପୃଥି॒ଵୀ ଗ॑ଚ୍ଛ॒ ସ୍ଵାହେତ୍ୟା॑ହ ପ୍ର॒ଜା ଏ॒ଵ ପ୍ରଜା॑ତା॒ ଦ୍ୟାଵା॑ପୃଥି॒ଵୀଭ୍ୟା॑ମୁଭ॒ୟତଃ॒ ପରି॑ ଗୃହ୍ଣାତି॒ ନଭୋ॑ [ନଭଃ॑, ଦି॒ଵ୍ୟ-ଙ୍ଗ॑ଚ୍ଛ॒] 3
ଦି॒ଵ୍ୟ-ଙ୍ଗ॑ଚ୍ଛ॒ ସ୍ଵାହେତ୍ୟା॑ହ ପ୍ର॒ଜାଭ୍ୟ॑ ଏ॒ଵ ପ୍ରଜା॑ତାଭ୍ୟୋ॒ ଵୃଷ୍ଟି॒-ନ୍ନିୟ॑ଚ୍ଛତ୍ୟ॒ଗ୍ନିଂ-ଵୈଁ᳚ଶ୍ଵାନ॒ର-ଙ୍ଗ॑ଚ୍ଛ॒ ସ୍ଵାହେତ୍ୟା॑ହ ପ୍ର॒ଜା ଏ॒ଵ ପ୍ରଜା॑ତା ଅ॒ସ୍ୟା-ମ୍ପ୍ରତି॑ ଷ୍ଠାପୟତି ପ୍ରା॒ଣାନାଂ॒-ଵାଁ ଏ॒ଷୋ-ଽଵ॑ ଦ୍ୟତି॒ ୟୋ॑-ଽଵ॒ଦ୍ୟତି॑ ଗୁ॒ଦସ୍ୟ॒ ମନୋ॑ ମେ॒ ହାର୍ଦି॑ ୟ॒ଚ୍ଛେତ୍ୟା॑ହ ପ୍ରା॒ଣାନେ॒ଵ ୟ॑ଥାସ୍ଥା॒ନମୁପ॑ ହ୍ଵୟତେ ପ॒ଶୋର୍ଵା ଆଲ॑ବ୍ଧସ୍ୟ॒ ହୃଦ॑ୟ॒ଗ୍ମ୍॒ ଶୁଗୃ॑ଚ୍ଛତି॒ ସା ହୃ॑ଦୟଶୂ॒ଲ- [ହୃ॑ଦୟଶୂ॒ଲମ୍, ଅ॒ଭି ସମେ॑ତି॒] 4
-ମ॒ଭି ସମେ॑ତି॒ ୟ-ତ୍ପୃ॑ଥି॒ଵ୍ୟାଗ୍ମ୍ ହୃ॑ଦୟଶୂ॒ଲ-ମୁ॑ଦ୍ଵା॒ସୟେ᳚-ତ୍ପୃଥି॒ଵୀଗ୍ମ୍ ଶୁ॒ଚା-ଽର୍ପ॑ୟେ॒-ଦ୍ୟଦ॒ଫ୍ସ୍ଵ॑ପ-ଶ୍ଶୁ॒ଚା-ଽର୍ପ॑ୟେ॒ଚ୍ଛୁଷ୍କ॑ସ୍ୟ ଚା॒-ଽଽର୍ଦ୍ରସ୍ୟ॑ ଚ ସ॒ନ୍ଧାଵୁଦ୍ଵା॑ସୟତ୍ୟୁ॒ଭୟ॑ସ୍ୟ॒ ଶାନ୍ତ୍ୟୈ॒ ୟ-ନ୍ଦ୍ଵି॒ଷ୍ୟା-ତ୍ତ-ନ୍ଧ୍ୟା॑ୟେ-ଚ୍ଛୁ॒ଚୈଵୈନ॑-ମର୍ପୟତି ॥ 5 ॥
(ରେତୋ॑ – ମି॒ତ୍ରାଵରୁ॑ଣୌ ଗଚ୍ଛ॒ ସ୍ଵାହା॒ – ନଭୋ॑ – ହୃଦୟଶୂ॒ଲଂ – ଦ୍ଵାତ୍ରିଗ୍ମ୍॑ଶଚ୍ଚ) (ଅ. 1)
ଦେ॒ଵା ଵୈ ୟ॒ଜ୍ଞମାଗ୍ନୀ᳚ଦ୍ଧ୍ରେ॒ ଵ୍ୟ॑ଭଜନ୍ତ॒ ତତୋ॒ ୟଦ॒ତ୍ୟଶି॑ଷ୍ୟତ॒ ତଦ॑ବ୍ରୁଵ॒ନ୍ ଵସ॑ତୁ॒ ନୁ ନ॑ ଇ॒ଦମିତି॒ ତ-ଦ୍ଵ॑ସତୀ॒ଵରୀ॑ଣାଂ-ଵଁସତୀ ଵରି॒ତ୍ଵ-ନ୍ତସ୍ମି॑-ନ୍ପ୍ରା॒ତର୍ନ ସମ॑ଶକ୍ନୁଵ॒-ନ୍ତଦ॒ଫ୍ସୁ ପ୍ରାଵେ॑ଶୟ॒-ନ୍ତା ଵ॑ସତୀ॒ ଵରୀ॑ରଭଵନ୍ ଵସତୀ॒ଵରୀ᳚ର୍ଗୃହ୍ଣାତି ୟ॒ଜ୍ଞୋ ଵୈ ଵ॑ସତୀ॒ ଵରୀ᳚ର୍ୟ॒ଜ୍ଞମେ॒ଵା-ଽଽରଭ୍ୟ॑ ଗୃହୀ॒ତ୍ଵୋପ॑ ଵସତି॒ ୟସ୍ୟାଗୃ॑ହୀତା ଅ॒ଭି ନି॒ମ୍ରୋଚେ॒-ଦନା॑ରବ୍ଧୋ-ଽସ୍ୟ ୟ॒ଜ୍ଞ-ସ୍ସ୍ୟା᳚- [ୟ॒ଜ୍ଞ-ସ୍ସ୍ୟା᳚ତ୍, ୟ॒ଜ୍ଞଂ-ଵିଁ] 6
-ଦ୍ୟ॒ଜ୍ଞଂ-ଵିଁ ଚ୍ଛି॑ନ୍ଦ୍ୟା-ଜ୍ଜ୍ୟୋତି॒ଷ୍ୟା॑ ଵା ଗୃହ୍ଣୀ॒ୟାଦ୍ଧିର॑ଣ୍ୟଂ-ଵାଁ ଽଵ॒ଧାୟ॒ ସଶୁ॑କ୍ରାଣାମେ॒ଵ ଗୃ॑ହ୍ଣାତି॒ ୟୋ ଵା᳚ ବ୍ରାହ୍ମ॒ଣୋ ବ॑ହୁୟା॒ଜୀ ତସ୍ୟ॒ କୁମ୍ଭ୍ୟା॑ନା-ଙ୍ଗୃହ୍ଣୀୟା॒-ଥ୍ସ ହି ଗୃ॑ହୀ॒ତ ଵ॑ସତୀଵରୀକୋ ଵସତୀ॒ଵରୀ᳚ର୍ଗୃହ୍ଣାତି ପ॒ଶଵୋ॒ ଵୈ ଵ॑ସତୀ॒ଵରୀଃ᳚ ପ॒ଶୂନେ॒ଵା-ଽଽରଭ୍ୟ॑ ଗୃହୀ॒ତ୍ଵୋପ॑ ଵସତି॒ ୟଦ॑ନ୍ଵୀ॒ପ-ନ୍ତିଷ୍ଠ॑-ନ୍ଗୃହ୍ଣୀ॒ୟାନ୍ନି॒ର୍ମାର୍ଗୁ॑କା ଅସ୍ମା-ତ୍ପ॒ଶଵ॑-ସ୍ସ୍ୟୁଃ ପ୍ରତୀ॒ପ-ନ୍ତିଷ୍ଠ॑-ନ୍ଗୃହ୍ଣାତି ପ୍ରତି॒ରୁଦ୍ଧ୍ୟୈ॒ଵାସ୍ମୈ॑ ପ॒ଶୂ-ନ୍ଗୃ॑ହ୍ଣା॒ତୀନ୍ଦ୍ରୋ॑ [ପ॒ଶୂ-ନ୍ଗୃ॑ହ୍ଣା॒ତୀନ୍ଦ୍ରଃ॑, ଵୃ॒ତ୍ର-] 7
ଵୃ॒ତ୍ର-ମ॑ହ॒ନ୍-ଥ୍ସୋ᳚-ଽ(1॒)ପୋ᳚-ଽ(1॒)ଭ୍ୟ॑ମ୍ରିୟତ॒ ତାସାଂ॒-ୟଁନ୍ମେଦ୍ଧ୍ୟଂ॑-ୟଁ॒ଜ୍ଞିୟ॒ଗ୍ମ୍॒ ସଦେ॑ଵ॒ମାସୀ॒-ତ୍ତଦତ୍ୟ॑ମୁଚ୍ୟତ॒ ତା ଵହ॑ନ୍ତୀରଭଵ॒ନ୍ ଵହ॑ନ୍ତୀନା-ଙ୍ଗୃହ୍ଣାତି॒ ୟା ଏ॒ଵ ମେଦ୍ଧ୍ୟା॑ ୟ॒ଜ୍ଞିୟା॒-ସ୍ସଦେ॑ଵା॒ ଆପ॒ସ୍ତା ସା॑ମେ॒ଵ ଗୃ॑ହ୍ଣାତି॒ ନାନ୍ତ॒ମା ଵହ॑ନ୍ତୀ॒ରତୀ॑ୟା॒-ଦ୍ୟଦ॑ନ୍ତ॒ମା ଵହ॑ନ୍ତୀରତୀ॒ୟା-ଦ୍ୟ॒ଜ୍ଞମତି॑ ମନ୍ୟେତ॒ ନ ସ୍ଥା॑ଵ॒ରାଣା᳚-ଙ୍ଗୃହ୍ଣୀୟା॒-ଦ୍ଵରୁ॑ଣଗୃହୀତା॒ ଵୈ ସ୍ଥା॑ଵ॒ରା ୟ-ଥ୍ସ୍ଥା॑ଵ॒ରାଣା᳚-ଙ୍ଗୃହ୍ଣୀ॒ୟା- [ୟ-ଥ୍ସ୍ଥା॑ଵ॒ରାଣା᳚-ଙ୍ଗୃହ୍ଣୀ॒ୟାତ୍, ଵରୁ॑ଣେନାସ୍ୟ] 8
-ଦ୍ଵରୁ॑ଣେନାସ୍ୟ ୟ॒ଜ୍ଞ-ଙ୍ଗ୍ରା॑ହୟେ॒-ଦ୍ୟଦ୍ଵୈ ଦିଵା॒ ଭଵ॑ତ୍ୟ॒ପୋ ରାତ୍ରିଃ॒ ପ୍ର ଵି॑ଶତି॒ ତସ୍ମା᳚-ତ୍ତା॒ମ୍ରା ଆପୋ॒ ଦିଵା॑ ଦଦୃଶ୍ରେ॒ ୟନ୍ନକ୍ତ॒-ମ୍ଭଵ॑ତ୍ୟ॒ପୋ-ଽହଃ॒ ପ୍ର ଵି॑ଶତି॒ ତସ୍ମା᳚ଚ୍ଚ॒ନ୍ଦ୍ରା ଆପୋ॒ ନକ୍ତ॑-ନ୍ଦଦୃଶ୍ରେ ଛା॒ୟାୟୈ॑ ଚା॒-ଽଽତପ॑ତଶ୍ଚ ସ॒ଧୌ-ଙ୍ଗୃ॑ହ୍ଣାତ୍ୟ-ହୋରା॒ତ୍ରୟୋ॑ରେ॒ଵାସ୍ମୈ॒ ଵର୍ଣ॑-ଙ୍ଗୃହ୍ଣାତି ହ॒ଵିଷ୍ମ॑ତୀରି॒ମା ଆପ॒ ଇତ୍ୟା॑ହ ହ॒ଵିଷ୍କୃ॑ତାନାମେ॒ଵ ଗୃ॑ହ୍ଣାତି ହ॒ଵିଷ୍ମାଗ୍ମ୍॑ ଅସ୍ତୁ॒- [ଅସ୍ତୁ, ସୂର୍ୟ॒] 9
ସୂର୍ୟ॒ ଇତ୍ୟା॑ହ॒ ସଶୁ॑କ୍ରାଣାମେ॒ଵ ଗୃ॑ହ୍ଣାତ୍ୟନୁ॒ଷ୍ଟୁଭା॑ ଗୃହ୍ଣାତି॒ ଵାଗ୍ଵା ଅ॑ନୁ॒ଷ୍ଟୁଗ୍ ଵା॒ଚୈଵୈନା॒-ସ୍ସର୍ଵ॑ୟା ଗୃହ୍ଣାତି॒ ଚତୁ॑ଷ୍ପଦୟ॒ର୍ଚା ଗୃ॑ହ୍ଣାତି॒ ତ୍ରି-ସ୍ସା॑ଦୟତି ସ॒ପ୍ତ ସ-ମ୍ପ॑ଦ୍ୟନ୍ତେ ସ॒ପ୍ତପ॑ଦା॒ ଶକ୍ଵ॑ରୀ ପ॒ଶଵ॒-ଶ୍ଶକ୍ଵ॑ରୀ ପ॒ଶୂନେ॒ଵାଵ॑ ରୁନ୍ଧେ॒ ଽସ୍ମୈ ଵୈ ଲୋ॒କାୟ॒ ଗାର୍ହ॑ପତ୍ୟ॒ ଆ ଧୀ॑ୟତେ॒-ଽମୁଷ୍ମା॑ ଆହଵ॒ନୀୟୋ॒ ୟ-ଦ୍ଗାର୍ହ॑ପତ୍ୟ ଉପସା॒ଦୟେ॑ଦ॒ସ୍ମି-ଲ୍ଲୋଁ॒କେ ପ॑ଶୁ॒ମାନ୍-ଥ୍ସ୍ୟା॒-ଦ୍ୟଦା॑ହଵ॒ନୀୟେ॒-ଽ-ମୁଷ୍ମି॑- [-ମୁଷ୍ମିନ୍ନ୍॑, ଲୋ॒କେ ପ॑ଶୁ॒ମାନ୍ଥ୍ସ୍ୟା॑-] 10
ଲ୍ଲୋଁ॒କେ ପ॑ଶୁ॒ମାନ୍ଥ୍ସ୍ୟା॑-ଦୁ॒ଭୟୋ॒ରୁପ॑ ସାଦୟତ୍ୟୁ॒ଭୟୋ॑ରେ॒ଵୈନଂ॑-ଲୋଁ॒କୟୋଃ᳚ ପଶୁ॒ମନ୍ତ॑-ଙ୍କରୋତି ସ॒ର୍ଵତଃ॒ ପରି॑ ହରତି॒ ରକ୍ଷ॑ସା॒ମପ॑ହତ୍ୟା ଇନ୍ଦ୍ରାଗ୍ନି॒ୟୋର୍ଭା॑ଗ॒ଧେୟୀ॒-ସ୍ସ୍ଥେତ୍ୟା॑ହ ୟଥାୟ॒ଜୁରେ॒ଵୈତଦାଗ୍ନୀ᳚ଦ୍ଧ୍ର॒ ଉପ॑ ଵାସୟତ୍ୟେ॒ତଦ୍ଵୈ ୟ॒ଜ୍ଞସ୍ୟାପ॑ରାଜିତଂ॒-ୟଁଦାଗ୍ନୀ᳚ଦ୍ଧ୍ରଂ॒-ୟଁଦେ॒ଵ ୟ॒ଜ୍ଞସ୍ୟାପ॑ରାଜିତ॒-ନ୍ତଦେ॒ଵୈନା॒ ଉପ॑ ଵାସୟତି॒ ୟତଃ॒ ଖଲୁ॒ ଵୈ ୟ॒ଜ୍ଞସ୍ୟ॒ ଵିତ॑ତସ୍ୟ॒ ନ କ୍ରି॒ୟତେ॒ ତଦନୁ॑ ୟ॒ଜ୍ଞଗ୍ମ୍ ରକ୍ଷା॒ଗ୍॒ସ୍ୟଵ॑ ଚରନ୍ତି॒ ୟ-ଦ୍ଵହ॑ନ୍ତୀନା-ଙ୍ଗୃ॒ହ୍ଣାତି॑ କ୍ରି॒ୟମା॑ଣମେ॒ଵ ତ-ଦ୍ୟ॒ଜ୍ଞସ୍ୟ॑ ଶୟେ॒ ରକ୍ଷ॑ସା॒-ମନ॑ନ୍ଵଵଚାରାୟ॒ ନ ହ୍ୟେ॑ତା ଈ॒ଲୟ॒ନ୍ତ୍ୟା ତୃ॑ତୀୟସଵ॒ନା-ତ୍ପରି॑ ଶେରେ ୟ॒ଜ୍ଞସ୍ୟ॒ ସନ୍ତ॑ତ୍ୟୈ ॥ 11 ॥
(ସ୍ୟା॒ – ଦିନ୍ଦ୍ରୋ॑ – ଗୃହ୍ଣୀ॒ୟା – ଦ॑ସ୍ତ୍ଵ॒ – ମୁଷ୍ମି॑ନ୍ – କ୍ରି॒ୟତେ॒ – ଷଡ୍ଵିଗ୍ମ୍॑ଶତିଶ୍ଚ) (ଅ. 2)
ବ୍ର॒ହ୍ମ॒ଵା॒ଦିନୋ॑ ଵଦନ୍ତି॒ ସ ତ୍ଵା ଅ॑ଦ୍ଧ୍ଵ॒ର୍ୟୁ-ସ୍ସ୍ୟା॒ଦ୍ୟ-ସ୍ସୋମ॑-ମୁପାଵ॒ହର॒ନ୍-ଥ୍ସର୍ଵା᳚ଭ୍ୟୋ ଦେ॒ଵତା᳚ଭ୍ୟ ଉପାଵ॒ହରେ॒-ଦିତି॑ ହୃ॒ଦେ ତ୍ଵେତ୍ୟା॑ହ ମନୁ॒ଷ୍ୟେ᳚ଭ୍ୟ ଏ॒ଵୈତେନ॑ କରୋତି॒ ମନ॑ସେ॒ ତ୍ଵେତ୍ୟା॑ହ ପି॒ତୃଭ୍ୟ॑ ଏ॒ଵୈତେନ॑ କରୋତି ଦି॒ଵେ ତ୍ଵା॒ ସୂର୍ୟା॑ୟ॒ ତ୍ଵେତ୍ୟା॑ହ ଦେ॒ଵେଭ୍ୟ॑ ଏ॒ଵୈତେନ॑ କରୋତ୍ୟେ॒ତାଵ॑ତୀ॒-ର୍ଵୈ ଦେ॒ଵତା॒ସ୍ତାଭ୍ୟ॑ ଏ॒ଵୈନ॒ଗ୍ମ୍॒ ସର୍ଵା᳚ଭ୍ୟ ଉ॒ପାଵ॑ହରତି ପୁ॒ରା ଵା॒ଚଃ [ଵା॒ଚଃ, ପ୍ରଵ॑ଦିତୋଃ] 12
ପ୍ରଵ॑ଦିତୋଃ ପ୍ରାତରନୁଵା॒କ-ମୁ॒ପାକ॑ରୋତି॒ ୟାଵ॑ତ୍ୟେ॒ଵ ଵା-କ୍ତା-ମଵ॑ ରୁନ୍ଧେ॒ ଽପୋ-ଽଗ୍ରେ॑-ଽଭି॒ଵ୍ୟାହ॑ରତି ୟ॒ଜ୍ଞୋ ଵା ଆପୋ॑ ୟ॒ଜ୍ଞମେ॒ଵାଭି ଵାଚଂ॒-ଵିଁସୃ॑ଜତି॒ ସର୍ଵା॑ଣି॒ ଛନ୍ଦା॒ଗ୍॒ସ୍ୟନ୍ଵା॑ହ ପ॒ଶଵୋ॒ ଵୈ ଛନ୍ଦାଗ୍ମ୍॑ସି ପ॒ଶୂନେ॒ଵାଵ॑ ରୁନ୍ଧେ ଗାୟତ୍ରି॒ୟା ତେଜ॑ସ୍କାମସ୍ୟ॒ ପରି॑ ଦଦ୍ଧ୍ୟା-ତ୍ତ୍ରି॒ଷ୍ଟୁଭେ᳚ନ୍ଦ୍ରି॒ୟକା॑ମସ୍ୟ॒ ଜଗ॑ତ୍ୟା ପ॒ଶୁକା॑ମସ୍ୟା-ଽନୁ॒ଷ୍ଟୁଭା᳚ ପ୍ରତି॒ଷ୍ଠାକା॑ମସ୍ୟ ପ॒ଙ୍କ୍ତ୍ୟା ୟ॒ଜ୍ଞକା॑ମସ୍ୟ ଵି॒ରାଜା-ଽନ୍ନ॑କାମସ୍ୟ ଶୃ॒ଣୋତ୍ଵ॒ଗ୍ନି-ସ୍ସ॒ମିଧା॒ ହଵ॑- [ହଵ᳚ମ୍, ମ॒ ଇତ୍ୟା॑ହ] 13
-ମ୍ମ॒ ଇତ୍ୟା॑ହ ସଵି॒ତୃପ୍ର॑ସୂତ ଏ॒ଵ ଦେ॒ଵତା᳚ଭ୍ୟୋ ନି॒ଵେଦ୍ୟା॒-ଽପୋ-ଽଚ୍ଛୈ᳚ତ୍ୟ॒ପ ଇ॑ଷ୍ୟ ହୋତ॒-ରିତ୍ୟା॑ହେଷି॒ତଗ୍ମ୍ ହି କର୍ମ॑ କ୍ରି॒ୟତେ॒ ମୈତ୍ରା॑ଵରୁଣସ୍ୟ ଚମସାଦ୍ଧ୍ଵର୍ୟ॒ଵା ଦ୍ର॒ଵେତ୍ୟା॑ହ ମି॒ତ୍ରାଵରୁ॑ଣୌ॒ ଵା ଅ॒ପା-ନ୍ନେ॒ତାରୌ॒ ତାଭ୍ୟା॑ମେ॒ଵୈନା॒ ଅଚ୍ଛୈ॑ତି॒ ଦେଵୀ॑ରାପୋ ଅପା-ନ୍ନପା॒-ଦିତ୍ୟା॒ହା-ଽଽହୁ॑ତ୍ୟୈ॒ଵୈନା॑ ନି॒ଷ୍କ୍ରୀୟ॑ ଗୃହ୍ଣା॒ତ୍ୟଥୋ॑ ହ॒ଵିଷ୍କୃ॑ତାନା-ମେ॒ଵାଭିଘୃ॑ତାନା-ଙ୍ଗୃହ୍ଣାତି॒- [-ମେ॒ଵାଭିଘୃ॑ତାନା-ଙ୍ଗୃହ୍ଣାତି, କାର୍ଷି॑-ର॒ସୀତ୍ୟା॑ହ॒] 14
କାର୍ଷି॑-ର॒ସୀତ୍ୟା॑ହ॒ ଶମ॑ଲମେ॒ଵା-ଽଽସା॒ମପ॑ ପ୍ଲାଵୟତି ସମୁ॒ଦ୍ରସ୍ୟ॒ ଵୋ-ଽକ୍ଷି॑ତ୍ୟା॒ ଉନ୍ନ॑ୟ॒ ଇତ୍ୟା॑ହ॒ ତସ୍ମା॑ଦ॒ଦ୍ୟମା॑ନାଃ ପୀ॒ୟମା॑ନା॒ ଆପୋ॒ ନ କ୍ଷୀ॑ୟନ୍ତେ॒ ୟୋନି॒ର୍ଵୈ ୟ॒ଜ୍ଞସ୍ୟ॒ ଚାତ୍ଵା॑ଲଂ-ୟଁ॒ଜ୍ଞୋ ଵ॑ସତୀ॒ଵରୀର୍॑. ହୋତୃଚମ॒ସ-ଞ୍ଚ॑ ମୈତ୍ରାଵରୁଣଚମ॒ସ-ଞ୍ଚ॑ ସ॒ଗ୍ଗ୍॒ସ୍ପର୍ଶ୍ୟ॑ ଵସତୀ॒ଵରୀ॒ର୍ଵ୍ୟାନ॑ୟତି ୟ॒ଜ୍ଞସ୍ୟ॑ ସୟୋନି॒ତ୍ଵାୟାଥୋ॒ ସ୍ଵାଦେ॒ଵୈନା॒ ୟୋନେଃ॒ ପ୍ର ଜ॑ନୟତ୍ୟଦ୍ଧ୍ଵ॒ର୍ୟୋ-ଽଵେ॑ର॒ପା(3) ଇତ୍ୟା॑ହୋ॒ତେ -ମ॑ନନ୍ନମୁରୁ॒ତେମାଃ ପ॒ଶ୍ୟେତି॒ ଵାଵୈତଦା॑ହ॒ ୟଦ୍ୟ॑ଗ୍ନିଷ୍ଟୋ॒ମୋ ଜୁ॒ହୋତି॒ ୟଦ୍ୟୁ॒କ୍ଥ୍ୟଃ॑ ପରି॒ଧୌ ନି ମା᳚ର୍ଷ୍ଟି॒ ୟଦ୍ୟ॑ତିରା॒ତ୍ରୋ ୟଜୁ॒ର୍ଵଦ॒-ନ୍ପ୍ର ପ॑ଦ୍ୟତେ ୟଜ୍ଞକ୍ରତୂ॒ନାଂ-ଵ୍ୟାଁଵୃ॑ତ୍ତ୍ୟୈ ॥ 15 ॥
(ଵା॒ଚୋ-ହଵ॑-ମ॒ଭିଘୃ॑ତାନା-ଙ୍ଗୃହ୍ଣାତ୍ୟୁ॒ – ତ – ପଞ୍ଚ॑ଵିଗ୍ମ୍ଶତିଶ୍ଚ) (ଅ. 3)
ଦେ॒ଵସ୍ୟ॑ ତ୍ଵା ସଵି॒ତୁଃ ପ୍ର॑ସ॒ଵ ଇତି॒ ଗ୍ରାଵା॑ଣ॒ମା ଦ॑ତ୍ତେ॒ ପ୍ରସୂ᳚ତ୍ୟା ଅ॒ଶ୍ଵିନୋ᳚-ର୍ବା॒ହୁଭ୍ୟା॒ମିତ୍ୟା॑ହା॒ଶ୍ଵିନୌ॒ ହି ଦେ॒ଵାନା॑ମଦ୍ଧ୍ଵ॒ର୍ୟୂ ଆସ୍ତା᳚-ମ୍ପୂ॒ଷ୍ଣୋ ହସ୍ତା᳚ଭ୍ୟା॒ମିତ୍ୟା॑ହ॒ ୟତ୍ୟୈ॑ ପ॒ଶଵୋ॒ ଵୈ ସୋମୋ᳚ ଵ୍ୟା॒ନ ଉ॑ପାଗ୍ମ୍ଶୁ॒ସଵ॑ନୋ॒ ୟଦୁ॑ପାଗ୍ମ୍ଶୁ॒ସଵ॑ନ-ମ॒ଭି ମିମୀ॑ତେ ଵ୍ୟା॒ନମେ॒ଵ ପ॒ଶୁଷୁ॑ ଦଧା॒ତୀନ୍ଦ୍ରା॑ୟ॒ ତ୍ଵେନ୍ଦ୍ରା॑ୟ॒ ତ୍ଵେତି॑ ମିମୀତ॒ ଇନ୍ଦ୍ରା॑ୟ॒ ହି ସୋମ॑ ଆହ୍ରି॒ୟତେ॒ ପଞ୍ଚ॒ କୃତ୍ଵୋ॒ ୟଜୁ॑ଷା ମିମୀତେ॒ [ମିମୀତେ, ପଞ୍ଚା᳚କ୍ଷରା] 16
ପଞ୍ଚା᳚କ୍ଷରା ପ॒ଙ୍କ୍ତିଃ ପାଙ୍କ୍ତୋ॑ ୟ॒ଜ୍ଞୋ ୟ॒ଜ୍ଞମେ॒ଵାଵ॑ ରୁନ୍ଧେ॒ ପଞ୍ଚ॒ କୃତ୍ଵ॑ସ୍ତୂ॒ଷ୍ଣୀ-ନ୍ଦଶ॒ ସ-ମ୍ପ॑ଦ୍ୟନ୍ତେ॒ ଦଶା᳚କ୍ଷରା ଵି॒ରାଡନ୍ନଂ॑-ଵିଁ॒ରା-ଡ୍ଵି॒ରାଜୈ॒ଵାନ୍ନାଦ୍ୟ॒ମଵ॑ ରୁନ୍ଧେ ଶ୍ଵା॒ତ୍ରା-ସ୍ସ୍ଥ॑ ଵୃତ୍ର॒ତୁର॒ ଇତ୍ୟା॑ହୈ॒ଷ ଵା ଅ॒ପାଗ୍ମ୍ ସୋ॑ମପୀ॒ଥୋ ୟ ଏ॒ଵଂ-ଵେଁଦ॒ ନା-ଽଫ୍ସ୍ଵାର୍ତି॒ମାର୍ଚ୍ଛ॑ତି॒ ୟତ୍ତେ॑ ସୋମ ଦି॒ଵି ଜ୍ୟୋତି॒ରିତ୍ୟା॑ହୈ॒ଭ୍ୟ ଏ॒ଵୈନ॑- [ଏ॒ଵୈନ᳚ମ୍, ଲୋ॒କେଭ୍ୟ॒] 17
ଲ୍ଲୋଁ॒କେଭ୍ୟ॒-ସ୍ସ-ମ୍ଭ॑ରତି॒ ସୋମୋ॒ ଵୈ ରାଜା॒ ଦିଶୋ॒-ଽଭ୍ୟ॑ଦ୍ଧ୍ୟାୟ॒-ଥ୍ସ ଦିଶୋ-ଽନୁ॒ ପ୍ରାଵି॑ଶ॒-ତ୍ପ୍ରାଗପା॒ଗୁଦ॑ଗଧ॒ରାଗିତ୍ୟା॑ହ ଦି॒ଗ୍ଭ୍ୟ ଏ॒ଵୈନ॒ଗ୍ମ୍॒ ସ-ମ୍ଭ॑ର॒ତ୍ୟଥୋ॒ ଦିଶ॑ ଏ॒ଵାସ୍ମା॒ ଅଵ॑ ରୁ॒ନ୍ଧେ ଽମ୍ବ॒ ନି ଷ୍ଵ॒ରେତ୍ୟା॑ହ॒ କାମୁ॑କା ଏନ॒ଗ୍ଗ୍॒ ସ୍ତ୍ରିୟୋ॑ ଭଵନ୍ତି॒ ୟ ଏ॒ଵଂ-ଵେଁଦ॒ ୟ-ତ୍ତେ॑ ସୋ॒ମାଦା᳚ଭ୍ୟ॒-ନ୍ନାମ॒ ଜାଗୃ॒ଵୀ- [ଜାଗୃ॒ଵୀତି॑, ଆ॒ହୈ॒ଷ ଵୈ] 18
-ତ୍ୟା॑ହୈ॒ଷ ଵୈ ସୋମ॑ସ୍ୟ ସୋମପୀ॒ଥୋ ୟ ଏ॒ଵଂ-ଵେଁଦ॒ ନ ସୌ॒ମ୍ୟାମାର୍ତି॒ମାର୍ଚ୍ଛ॑ତି॒ ଘ୍ନନ୍ତି॒ ଵା ଏ॒ତ-ଥ୍ସୋମଂ॒-ୟଁଦ॑ଭିଷୁ॒ଣ୍ଵନ୍ତ୍ୟ॒ଗ୍ମ୍॒ ଶୂନପ॑ ଗୃହ୍ଣାତି॒ ତ୍ରାୟ॑ତ ଏ॒ଵୈନ॑-ମ୍ପ୍ରା॒ଣା ଵା ଅ॒ଗ୍ମ୍॒ଶଵଃ॑ ପ॒ଶଵ॒-ସ୍ସୋମୋ॒ ଽଗ୍ମ୍॒ଶୂ-ନ୍ପୁନ॒ରପି॑ ସୃଜତି ପ୍ରା॒ଣାନେ॒ଵ ପ॒ଶୁଷୁ॑ ଦଧାତି॒ ଦ୍ଵୌଦ୍ଵା॒ଵପି॑ ସୃଜତି॒ ତସ୍ମା॒-ଦ୍ଦ୍ଵୌଦ୍ଵୌ᳚ ପ୍ରା॒ଣାଃ ॥ 19 ॥
(ୟଜୁ॑ଷା ମିମୀତ – ଏନଂ॒ – ଜାଗୃ॒ଵୀତି॒ – ଚତୁ॑ଶ୍ଚତ୍ଵାରିଗ୍ମ୍ଶଚ୍ଚ) (ଅ. 4)
ପ୍ରା॒ଣୋ ଵା ଏ॒ଷ ୟଦୁ॑ପା॒ଗ୍ମ୍॒ଶୁ ର୍ୟଦୁପା॒ଗ୍॒ଶ୍ଵ॑ଗ୍ରା॒ ଗ୍ରହା॑ ଗୃ॒ହ୍ୟନ୍ତେ᳚ ପ୍ରା॒ଣମେ॒ଵାନୁ॒ ପ୍ର ୟ॑ନ୍ତ୍ୟରୁ॒ଣୋ ହ॑ ସ୍ମା॒-ଽଽହୌପ॑ଵେଶିଃ ପ୍ରାତସ୍ସଵ॒ନ ଏ॒ଵାହଂ-ୟଁ॒ଜ୍ଞଗ୍ମ୍ ସଗ୍ଗ୍ ସ୍ଥା॑ପୟାମି॒ ତେନ॒ ତତ॒-ସ୍ସଗ୍ଗ୍ସ୍ଥି॑ତେନ ଚରା॒ମୀତ୍ୟ॒ଷ୍ଟୌ କୃତ୍ଵୋ-ଽଗ୍ରେ॒-ଽଭିଷୁ॑ଣୋ-ତ୍ୟ॒ଷ୍ଟାକ୍ଷ॑ରା ଗାୟ॒ତ୍ରୀ ଗା॑ୟ॒ତ୍ର-ମ୍ପ୍ରା॑ତସ୍ସଵ॒ନ-ମ୍ପ୍ରା॑ତସ୍ସଵ॒ନମେ॒ଵ ତେନା᳚ ଽଽପ୍ନୋ॒ତ୍ୟେକା॑ଦଶ॒ କୃତ୍ଵୋ᳚ ଦ୍ଵି॒ତୀୟ॒-ମେକା॑ଦଶାକ୍ଷରା ତ୍ରି॒ଷ୍ଟୁ-ପ୍ତ୍ରୈଷ୍ଟୁ॑ଭ॒-ମ୍ମାଦ୍ଧ୍ୟ॑ନ୍ଦିନ॒ଗ୍ମ୍॒- [-ମ୍ମାଦ୍ଧ୍ୟ॑ନ୍ଦିନମ୍, ସଵ॑ନ॒-] 20
-ସଵ॑ନ॒-ମ୍ମାଦ୍ଧ୍ୟ॑ନ୍ଦିନମେ॒ଵ ସଵ॑ନ॒-ନ୍ତେନା᳚-ଽଽପ୍ନୋତି॒ ଦ୍ଵାଦ॑ଶ॒ କୃତ୍ଵ॑ସ୍ତୃ॒ତୀୟ॒-ନ୍ଦ୍ଵାଦ॑ଶାକ୍ଷରା॒ ଜଗ॑ତୀ॒ ଜାଗ॑ତ-ନ୍ତୃତୀୟସଵ॒ନ-ନ୍ତୃ॑ତୀୟସଵ॒ନମେ॒ଵ ତେନା᳚ ଽଽପ୍ନୋତ୍ୟେ॒ତାଗ୍ମ୍ ହ॒ ଵାଵ ସ ୟ॒ଜ୍ଞସ୍ୟ॒ ସଗ୍ଗ୍ସ୍ଥି॑ତିମୁଵା॒ଚା ସ୍କ॑ନ୍ଦା॒ୟାସ୍କ॑ନ୍ନ॒ଗ୍ମ୍॒ ହି ତ-ଦ୍ୟ-ଦ୍ୟ॒ଜ୍ଞସ୍ୟ॒ ସଗ୍ଗ୍ସ୍ଥି॑ତସ୍ୟ॒ ସ୍କନ୍ଦ॒ତ୍ୟଥୋ॒ ଖଲ୍ଵା॑ହୁର୍ଗାୟ॒ତ୍ରୀ ଵାଵ ପ୍ରା॑ତସ୍ସଵ॒ନେ ନାତି॒ଵାଦ॒ ଇତ୍ୟନ॑ତିଵାଦୁକ ଏନ॒-ମ୍ଭ୍ରାତୃ॑ଵ୍ୟୋ ଭଵତି॒ ୟ ଏ॒ଵଂ-ଵେଁଦ॒ ତସ୍ମା॑-ଦ॒ଷ୍ଟାଵ॑ଷ୍ଟୌ॒ [-ଦ॒ଷ୍ଟାଵ॑ଷ୍ଟୌ, କୃତ୍ଵୋ॑] 21
କୃତ୍ଵୋ॑-ଽଭି॒ଷୁତ୍ୟ॑-ମ୍ବ୍ରହ୍ମଵା॒ଦିନୋ॑ ଵଦନ୍ତି ପ॒ଵିତ୍ର॑ଵନ୍ତୋ॒-ଽନ୍ୟେ ଗ୍ରହା॑ ଗୃ॒ହ୍ୟନ୍ତେ॒ କିମ୍ପ॑ଵିତ୍ର ଉପା॒ଗ୍ମ୍॒ଶୁରିତି॒ ଵାକ୍ପ॑ଵିତ୍ର॒ ଇତି॑ ବ୍ରୂୟା-ଦ୍ଵା॒ଚସ୍ପତ॑ୟେ ପଵସ୍ଵ ଵାଜି॒ନ୍ନିତ୍ୟା॑ହ ଵା॒ଚୈଵୈନ॑-ମ୍ପଵୟତି॒ ଵୃଷ୍ଣୋ॑ ଅ॒ଗ୍ମ୍॒ଶୁଭ୍ୟା॒ମିତ୍ୟା॑ହ॒ ଵୃଷ୍ଣୋ॒ ହ୍ୟେ॑ତାଵ॒ଗ୍ମ୍॒ଶୂ ୟୌ ସୋମ॑ସ୍ୟ॒ ଗଭ॑ସ୍ତିପୂତ॒ ଇତ୍ୟା॑ହ॒ ଗଭ॑ସ୍ତିନା॒ ହ୍ୟେ॑ନ-ମ୍ପ॒ଵୟ॑ତି ଦେ॒ଵୋ ଦେ॒ଵାନା᳚-ମ୍ପ॒ଵିତ୍ର॑ମ॒ସୀତ୍ୟା॑ହ ଦେ॒ଵୋ ହ୍ୟେ॑ଷ [ହ୍ୟେ॑ଷଃ, ସ-ନ୍ଦେ॒ଵାନା᳚-] 22
ସ-ନ୍ଦେ॒ଵାନା᳚-ମ୍ପ॒ଵିତ୍ରଂ॒-ୟେଁଷା᳚-ମ୍ଭା॒ଗୋ-ଽସି॒ ତେଭ୍ୟ॒ସ୍ତ୍ଵେତ୍ୟା॑ହ॒ ୟେଷା॒ଗ୍॒ ହ୍ୟେ॑ଷ ଭା॒ଗସ୍ତେଭ୍ୟ॑ ଏନ-ଙ୍ଗୃ॒ହ୍ଣାତି॒ ସ୍ଵା-ଙ୍କୃ॑ତୋ॒-ଽସୀତ୍ୟା॑ହ ପ୍ରା॒ଣମେ॒ଵ ସ୍ଵମ॑କୃତ॒ ମଧୁ॑ମତୀର୍ନ॒ ଇଷ॑ସ୍କୃ॒ଧୀତ୍ୟା॑ହ॒ ସର୍ଵ॑ମେ॒ଵାସ୍ମା॑ ଇ॒ଦଗ୍ଗ୍ ସ୍ଵ॑ଦୟତି॒ ଵିଶ୍ଵେ᳚ଭ୍ୟ-ସ୍ତ୍ଵେନ୍ଦ୍ରି॒ୟେଭ୍ୟୋ॑ ଦି॒ଵ୍ୟେଭ୍ୟଃ॒ ପାର୍ଥି॑ଵେଭ୍ୟ॒ ଇତ୍ୟା॑ହୋ॒ଭୟେ᳚ଷ୍ଵେ॒ଵ ଦେ॑ଵମନୁ॒ଷ୍ୟେଷୁ॑ ପ୍ରା॒ଣା-ନ୍ଦ॑ଧାତି॒ ମନ॑ସ୍ତ୍ଵା॒- [ମନ॑ସ୍ତ୍ଵା, ଅ॒ଷ୍ଟ୍ଵିତ୍ୟା॑ହ॒] 23
-ଽଷ୍ଟ୍ଵିତ୍ୟା॑ହ॒ ମନ॑ ଏ॒ଵାଶ୍ଞୁ॑ତ ଉ॒ର୍ଵ॑ନ୍ତରି॑କ୍ଷ॒-ମନ୍ଵି॒ହୀତ୍ୟା॑ହା-ନ୍ତରିକ୍ଷଦେଵ॒ତ୍ୟୋ॑ ହି ପ୍ରା॒ଣ-ସ୍ସ୍ଵାହା᳚ ତ୍ଵା ସୁଭଵ॒-ସ୍ସୂର୍ୟା॒ୟେତ୍ୟା॑ହ ପ୍ରା॒ଣା ଵୈ ସ୍ଵଭ॑ଵସୋ ଦେ॒ଵାସ୍ତେଷ୍ଵେ॒ଵ ପ॒ରୋକ୍ଷ॑-ଞ୍ଜୁହୋତି ଦେ॒ଵେଭ୍ୟ॑ସ୍ତ୍ଵା ମରୀଚି॒ପେଭ୍ୟ॒ ଇତ୍ୟା॑ହା ଽଽଦି॒ତ୍ୟସ୍ୟ॒ ଵୈ ର॒ଶ୍ମୟୋ॑ ଦେ॒ଵା ମ॑ରୀଚି॒ପାସ୍ତେଷା॒-ନ୍ତ-ଦ୍ଭା॑ଗ॒ଧେୟ॒-ନ୍ତାନେ॒ଵ ତେନ॑ ପ୍ରୀଣାତି॒ ୟଦି॑ କା॒ମୟେ॑ତ॒ ଵର୍ଷୁ॑କଃ ପ॒ର୍ଜନ୍ୟ॑- [ପ॒ର୍ଜନ୍ୟଃ॑, ସ୍ୟା॒ଦିତି॒] 24
-ସ୍ସ୍ୟା॒ଦିତି॒ ନୀଚା॒ ହସ୍ତେ॑ନ॒ ନି ମୃ॑ଜ୍ୟା॒-ଦ୍ଵୃଷ୍ଟି॑ମେ॒ଵ ନି ୟ॑ଚ୍ଛତି॒ ୟଦି॑ କା॒ମୟେ॒ତାଵ॑ର୍ଷୁକ-ସ୍ସ୍ୟା॒ଦିତ୍ୟୁ॑ତ୍ତା॒ନେନ॒ ନି ମୃ॑ଜ୍ୟା॒-ଦ୍ଵୃଷ୍ଟି॑ମେ॒ଵୋ-ଦ୍ୟ॑ଚ୍ଛତି॒ ୟଦ୍ୟ॑ଭି॒ଚରେ॑ଦ॒ମୁ-ଞ୍ଜ॒ହ୍ୟଥ॑ ତ୍ଵା ହୋଷ୍ୟା॒ମୀତି॑ ବ୍ରୂୟା॒ଦାହୁ॑ତିମେ॒ଵୈନ॑-ମ୍ପ୍ରେ॒ଫ୍ସନ୍. ହ॑ନ୍ତି॒ ୟଦି॑ ଦୂ॒ରେ ସ୍ୟାଦା ତମି॑ତୋସ୍ତିଷ୍ଠେ-ତ୍ପ୍ରା॒ଣମେ॒ଵାସ୍ୟା॑ନୁ॒ଗତ୍ୟ॑ ହନ୍ତି॒ ୟଦ୍ୟ॑ଭି॒ଚରେ॑ଦ॒ମୁଷ୍ୟ॑- [ୟଦ୍ୟ॑ଭି॒ଚରେ॑ଦ॒ମୁଷ୍ୟ॑, ତ୍ଵା॒ ପ୍ରା॒ଣେ] 25
-ତ୍ଵା ପ୍ରା॒ଣେ ସା॑ଦୟା॒ମୀତି॑ ସାଦୟେ॒ଦସ॑ନ୍ନୋ॒ ଵୈ ପ୍ରା॒ଣଃ ପ୍ରା॒ଣମେ॒ଵାସ୍ୟ॑ ସାଦୟତି ଷ॒ଡ୍ଭିର॒ଗ୍ମ୍॒ଶୁଭିଃ॑ ପଵୟତି॒ ଷ-ଡ୍ଵା ଋ॒ତଵ॑ ଋ॒ତୁଭି॑ରେ॒ଵୈନ॑-ମ୍ପଵୟତି॒ ତ୍ରିଃ ପ॑ଵୟତି॒ ତ୍ରୟ॑ ଇ॒ମେ ଲୋ॒କା ଏ॒ଭିରେ॒ଵୈନଂ॑-ଲୋଁ॒କୈଃ ପ॑ଵୟତି ବ୍ରହ୍ମଵା॒ଦିନୋ॑ ଵଦନ୍ତି॒ କସ୍ମା᳚-ଥ୍ସ॒ତ୍ୟା-ତ୍ତ୍ରୟଃ॑ ପଶୂ॒ନାଗ୍ମ୍ ହସ୍ତା॑ଦାନା॒ ଇତି॒ ୟ-ତ୍ତ୍ରିରୁ॑ପା॒ଗ୍ମ୍॒ ଶୁଗ୍ମ୍ ହସ୍ତେ॑ନ ଵିଗୃ॒ହ୍ଣାତି॒ ତସ୍ମା॒-ତ୍ତ୍ରୟଃ॑ ପଶୂ॒ନାଗ୍ମ୍ ହସ୍ତା॑ଦାନାଃ॒ ପୁରୁ॑ଷୋ ହ॒ସ୍ତୀ ମ॒ର୍କଟଃ॑ ॥ 26 ॥
(ମାଧ୍ୟ॑ଦିନ୍ନ – ମ॒ଷ୍ଟାଵ॑ଷ୍ଟା – ଵେ॒ଷ – ମନ॑ସ୍ତ୍ଵା – ପ॒ର୍ଜନ୍ୟୋ॒ – ଽମୁଷ୍ୟ॒ – ପୁରୁ॑ଷୋ॒ – ଦ୍ଵେ ଚ॑) (ଅ. 5)
ଦେ॒ଵା ଵୈ ୟ-ଦ୍ୟ॒ଜ୍ଞେ-ଽକୁ॑ର୍ଵତ॒ ତଦସୁ॑ରା ଅକୁର୍ଵତ॒ ତେ ଦେ॒ଵା ଉ॑ପା॒ଗ୍ମ୍॒ଶୌ ୟ॒ଜ୍ଞଗ୍ମ୍ ସ॒ଗ୍ଗ୍॒ସ୍ଥାପ୍ୟ॑ମପଶ୍ୟ॒-ନ୍ତମୁ॑ପା॒ଗ୍ମ୍॒ଶୌ ସମ॑ସ୍ଥାପୟ॒-ନ୍ତେ-ଽସୁ॑ରା॒ ଵଜ୍ର॑ମୁ॒ଦ୍ୟତ୍ୟ॑ ଦେ॒ଵାନ॒ଭ୍ୟା॑ୟନ୍ତ॒ ତେ ଦେ॒ଵା ବିଭ୍ୟ॑ତ॒ ଇନ୍ଦ୍ର॒ମୁପା॑ଧାଵ॒-ନ୍ତାନିନ୍ଦ୍ରୋ᳚-ଽନ୍ତର୍ୟା॒ମେଣା॒ନ୍ତର॑ଧତ୍ତ॒ ତଦ॑ନ୍ତର୍ୟା॒ମସ୍ୟା᳚ନ୍ତର୍ୟାମ॒ତ୍ଵଂ-ୟଁଦ॑ନ୍ତର୍ୟା॒ମୋ ଗୃ॒ହ୍ୟତେ॒ ଭ୍ରାତୃ॑ଵ୍ୟାନେ॒ଵ ତ-ଦ୍ୟଜ॑ମାନୋ॒-ଽନ୍ତର୍ଧ॑ତ୍ତେ॒ ଽନ୍ତସ୍ତେ॑ [-ଽନ୍ତର୍ଧ॑ତ୍ତେ॒ ଽନ୍ତସ୍ତେ᳚, ଦ॒ଧା॒ମି॒ ଦ୍ୟାଵା॑ପୃଥି॒ଵୀ] 27
ଦଧାମି॒ ଦ୍ୟାଵା॑ପୃଥି॒ଵୀ ଅ॒ନ୍ତରୁ॒-ର୍ଵ॑ନ୍ତରି॑କ୍ଷ॒-ମିତ୍ୟା॑ହୈ॒ଭିରେ॒ଵ ଲୋ॒କୈର୍ୟଜ॑ମାନୋ॒ ଭ୍ରାତୃ॑ଵ୍ୟାନ॒ନ୍ତର୍ଧ॑ତ୍ତେ॒ ତେ ଦେ॒ଵା ଅ॑ମନ୍ୟ॒ନ୍ତେନ୍ଦ୍ରୋ॒ ଵା ଇ॒ଦମ॑ଭୂ॒ଦ୍ୟ-ଦ୍ଵ॒ୟଗ୍ଗ୍ ସ୍ମ ଇତି॒ ତେ᳚-ଽବ୍ରୁଵ॒-ନ୍ମଘ॑ଵ॒ନ୍ନନୁ॑ ନ॒ ଆ ଭ॒ଜେତି॑ ସ॒ଜୋଷା॑ ଦେ॒ଵୈରଵ॑ରୈଃ॒ ପରୈ॒ଶ୍ଚେତ୍ୟ॑ବ୍ରଵୀ॒ଦ୍ୟେ ଚୈ॒ଵ ଦେ॒ଵାଃ ପରେ॒ ୟେ ଚାଵ॑ରେ॒ ତାନୁ॒ଭୟା॑- [ତାନୁ॒ଭୟାନ୍॑, ଅ॒ନ୍ଵାଭ॑ଜ-ଥ୍ସ॒ଜୋଷା॑] 28
-ନ॒ନ୍ଵାଭ॑ଜ-ଥ୍ସ॒ଜୋଷା॑ ଦେ॒ଵୈରଵ॑ରୈଃ॒ ପରୈ॒ଶ୍ଚେତ୍ୟା॑ହ॒ ୟେ ଚୈ॒ଵ ଦେ॒ଵାଃ ପରେ॒ ୟେ ଚାଵ॑ରେ॒ ତାନୁ॒ଭୟା॑-ନ॒ନ୍ଵାଭ॑ଜ-ତ୍ୟନ୍ତର୍ୟା॒ମେ ମ॑ଘଵ-ନ୍ମାଦୟ॒ସ୍ଵେତ୍ୟା॑ହ ୟ॒ଜ୍ଞାଦେ॒ଵ ୟଜ॑ମାନ॒-ନ୍ନାନ୍ତରେ᳚ତ୍ୟୁପୟା॒ମ-ଗୃ॑ହୀତୋ॒ ଽସୀତ୍ୟା॑ହାପା॒ନସ୍ୟ॒ ଧୃତ୍ୟୈ॒ ୟଦୁ॒ଭାଵ॑ପଵି॒ତ୍ରୌ ଗୃ॒ହ୍ୟେୟା॑ତା-ମ୍ପ୍ରା॒ଣମ॑ପା॒ନୋ-ଽନୁ॒ ନ୍ୟୃ॑ଚ୍ଛେ-ତ୍ପ୍ର॒ମାୟୁ॑କ-ସ୍ସ୍ୟା-ତ୍ପ॒ଵିତ୍ର॑ଵାନନ୍ତର୍ୟା॒ମୋ ଗୃ॑ହ୍ୟତେ [ଗୃ॑ହ୍ୟତେ, ପ୍ରା॒ଣା॒ପା॒ନୟୋ॒-ର୍ଵିଧୃ॑ତ୍ୟୈ] 29
ପ୍ରାଣାପା॒ନୟୋ॒-ର୍ଵିଧୃ॑ତ୍ୟୈ ପ୍ରାଣାପା॒ନୌ ଵା ଏ॒ତୌ ୟଦୁ॑ପାଗ୍ଶ୍ଵନ୍ତର୍ୟା॒ମୌ ଵ୍ୟା॒ନ ଉ॑ପାଗ୍ମ୍ଶୁ॒ ସଵ॑ନୋ॒ ୟ-ଙ୍କା॒ମୟେ॑ତ ପ୍ର॒ମାୟୁ॑କ-ସ୍ସ୍ୟା॒ଦିତ୍ୟସଗ୍ଗ୍॑ ସ୍ପୃଷ୍ଟୌ॒ ତସ୍ୟ॑ ସାଦୟେ-ଦ୍ଵ୍ୟା॒ନେନୈ॒ଵାସ୍ୟ॑ ପ୍ରାଣାପା॒ନୌ ଵି ଚ୍ଛି॑ନତ୍ତି ତା॒ଜ-କ୍ପ୍ର ମୀ॑ୟତେ॒ ୟ-ଙ୍କା॒ମୟେ॑ତ॒ ସର୍ଵ॒ମାୟୁ॑ରିୟା॒ଦିତି॒ ସଗ୍ଗ୍ ସ୍ପୃ॑ଷ୍ଟୌ॒ ତସ୍ୟ॑ ସାଦୟେ-ଦ୍ଵ୍ୟା॒ନେନୈ॒ଵାସ୍ୟ॑ ପ୍ରାଣାପା॒ନୌ ସ-ନ୍ତ॑ନୋତି॒ ସର୍ଵ॒ମାୟୁ॑ରେତି ॥ 30 ॥
(ତ॒ – ଉ॒ଭୟା᳚ନ୍ – ଗୃହ୍ୟତେ॒ – ଚତୁ॑ଶ୍ଚତ୍ଵାରିଗ୍ମ୍ଶଚ୍ଚ) (ଅ. 6)
ଵାଗ୍ଵା ଏ॒ଷା ୟଦୈ᳚ନ୍ଦ୍ରଵାୟ॒ଵୋ ୟଦୈ᳚ନ୍ଦ୍ରଵାୟ॒ଵାଗ୍ରା॒ ଗ୍ରହା॑ ଗୃ॒ହ୍ୟନ୍ତେ॒ ଵାଚ॑ମେ॒ଵାନୁ॒ ପ୍ର ୟ॑ନ୍ତି ଵା॒ୟୁ-ନ୍ଦେ॒ଵା ଅ॑ବ୍ରୁଵ॒ନ୍-ଥ୍ସୋମ॒ଗ୍ମ୍॒ ରାଜା॑ନଗ୍ମ୍ ହନା॒ମେତି॒ ସୋ᳚-ଽବ୍ରଵୀ॒-ଦ୍ଵରଂ॑-ଵୃଁଣୈ॒ ମଦ॑ଗ୍ରା ଏ॒ଵ ଵୋ॒ ଗ୍ରହା॑ ଗୃହ୍ୟାନ୍ତା॒ ଇତି॒ ତସ୍ମା॑ଦୈନ୍ଦ୍ରଵାୟ॒ଵାଗ୍ରା॒ ଗ୍ରହା॑ ଗୃହ୍ୟନ୍ତେ॒ ତମ॑ଘ୍ନ॒ନ୍-ଥ୍ସୋ॑-ଽପୂୟ॒-ତ୍ତ-ନ୍ଦେ॒ଵା ନୋପା॑ଧୃଷ୍ଣୁଵ॒-ନ୍ତେ ଵା॒ୟୁମ॑ବ୍ରୁଵ-ନ୍ନି॒ମ-ନ୍ନ॑-ସ୍ସ୍ଵଦ॒ୟେ- [-ନ୍ନି॒ମ-ନ୍ନ॑-ସ୍ସ୍ଵଦୟ, ଇତି॒ ସୋ᳚-ଽବ୍ରଵୀ॒-] 31
-ତି॒ ସୋ᳚-ଽବ୍ରଵୀ॒-ଦ୍ଵରଂ॑-ଵୃଁଣୈ ମଦ୍ଦେଵ॒ତ୍ୟା᳚ନ୍ୟେ॒ଵ ଵଃ॒ ପାତ୍ରା᳚ଣ୍ୟୁଚ୍ୟାନ୍ତା॒ ଇତି॒ ତସ୍ମା᳚ନ୍ନାନାଦେଵ॒ତ୍ୟା॑ନି॒ ସନ୍ତି॑ ଵାୟ॒ଵ୍ୟା᳚ନ୍ୟୁଚ୍ୟନ୍ତେ॒ ତମେ᳚ଭ୍ୟୋ ଵା॒ୟୁରେ॒ଵାସ୍ଵ॑ଦୟ॒-ତ୍ତସ୍ମା॒ଦ୍ୟ-ତ୍ପୂୟ॑ତି॒ ତ-ତ୍ପ୍ର॑ଵା॒ତେ ଵି ଷ॑ଜନ୍ତି ଵା॒ୟୁର୍ହି ତସ୍ୟ॑ ପଵୟି॒ତା ସ୍ଵ॑ଦୟି॒ତା ତସ୍ୟ॑ ଵି॒ଗ୍ରହ॑ଣ॒-ନ୍ନାଵି॑ନ୍ଦ॒ନ୍-ଥ୍ସାଦି॑ତିରବ୍ରଵୀ॒-ଦ୍ଵରଂ॑-ଵୃଁଣା॒ ଅଥ॒ ମୟା॒ ଵି ଗୃ॑ହ୍ଣୀଦ୍ଧ୍ଵ-ମ୍ମଦ୍ଦେଵ॒ତ୍ୟା॑ ଏ॒ଵ ଵ॒-ସ୍ସୋମା᳚- [ଵ॒-ସ୍ସୋମାଃ᳚, ସ॒ନ୍ନା] 32
-ସ୍ସ॒ନ୍ନା ଅ॑ସ॒-ନ୍ନିତ୍ୟୁ॑ପୟା॒ମଗୃ॑ହୀତୋ॒-ଽସୀ-ତ୍ୟା॑ହା-ଦିତିଦେଵ॒ତ୍ୟା᳚ସ୍ତେନ॒ ୟାନି॒ ହି ଦା॑ରୁ॒ମୟା॑ଣି॒ ପାତ୍ରା᳚ଣ୍ୟ॒ସ୍ୟୈ ତାନି॒ ୟୋନେ॒-ସ୍ସମ୍ଭୂ॑ତାନି॒ ୟାନି॑ ମୃ॒ନ୍ମୟା॑ନି ସା॒କ୍ଷା-ତ୍ତାନ୍ୟ॒ସ୍ୟୈ ତସ୍ମା॑ଦେ॒ଵମା॑ହ॒ ଵାଗ୍ଵୈ ପରା॒ଚ୍ୟ-ଵ୍ୟା॑କୃତା-ଽଵଦ॒-ତ୍ତେ ଦେ॒ଵା ଇନ୍ଦ୍ର॑ମବ୍ରୁଵନ୍ନି॒ମା-ନ୍ନୋ॒ ଵାଚଂ॒-ଵ୍ୟାଁକୁ॒ର୍ଵିତି॒ ସୋ᳚-ଽବ୍ରଵୀ॒-ଦ୍ଵରଂ॑-ଵୃଁଣୈ॒ ମହ୍ୟ॑-ଞ୍ଚୈ॒ଵୈଷ ଵା॒ୟଵେ॑ ଚ ସ॒ହ ଗୃ॑ହ୍ୟାତା॒ ଇତି॒ ତସ୍ମା॑ଦୈନ୍ଦ୍ରଵାୟ॒ଵ-ସ୍ସ॒ହ ଗୃ॑ହ୍ୟତେ॒ ତାମିନ୍ଦ୍ରୋ॑ ମଦ୍ଧ୍ୟ॒ତୋ॑-ଽଵ॒କ୍ରମ୍ୟ॒ ଵ୍ୟାକ॑ରୋ॒-ତ୍ତସ୍ମା॑ଦି॒ୟଂ-ଵ୍ୟାଁକୃ॑ତା॒ ଵାଗୁ॑ଦ୍ୟତେ॒ ତସ୍ମା᳚-ଥ୍ସ॒କୃଦିନ୍ଦ୍ରା॑ୟ ମଦ୍ଧ୍ୟ॒ତୋ ଗୃ॑ହ୍ୟତେ॒ ଦ୍ଵିର୍ଵା॒ୟଵେ॒ ଦ୍ଵୌ ହି ସ ଵରା॒ଵଵୃ॑ଣୀତ ॥ 33 ॥
(ସ୍ଵ॒ଦ॒ୟ॒ – ସୋମାଃ᳚ – ସ॒ହା – ଷ୍ଟାଵିଗ୍ମ୍॑ଶତିଶ୍ଚ) (ଅ. 7)
ମି॒ତ୍ର-ନ୍ଦେ॒ଵା ଅ॑ବ୍ରୁଵ॒ନ୍-ଥ୍ସୋମ॒ଗ୍ମ୍॒ ରାଜା॑ନଗ୍ମ୍ ହନା॒ମେତି॒ ସୋ᳚-ଽବ୍ରଵୀ॒ନ୍ନାହଗ୍ମ୍ ସର୍ଵ॑ସ୍ୟ॒ ଵା ଅ॒ହ-ମ୍ମି॒ତ୍ରମ॒ସ୍ମୀତି॒ ତମ॑ବ୍ରୁଵ॒ନ୍॒. ହନା॑ମୈ॒ଵେତି॒ ସୋ᳚-ଽବ୍ରଵୀ॒-ଦ୍ଵରଂ॑-ଵୃଁଣୈ॒ ପୟ॑ସୈ॒ଵ ମେ॒ ସୋମଗ୍ଗ୍॑ ଶ୍ରୀଣ॒ନ୍ନିତି॒ ତସ୍ମା᳚-ନ୍ମୈତ୍ରାଵରୁ॒ଣ-ମ୍ପୟ॑ସା ଶ୍ରୀଣନ୍ତି॒ ତସ୍ମା᳚-ତ୍ପ॒ଶଵୋ-ଽପା᳚କ୍ରାମ-ନ୍ମି॒ତ୍ର-ସ୍ସନ୍ କ୍ରୂ॒ରମ॑କ॒ରିତି॑ କ୍ରୂ॒ରମି॑ଵ॒ ଖଲୁ॒ ଵା ଏ॒ଷ [ଵା ଏ॒ଷଃ, କ॒ରୋ॒ତି॒ ୟ-ସ୍ସୋମେ॑ନ॒] 34
କ॑ରୋତି॒ ୟ-ସ୍ସୋମେ॑ନ॒ ୟଜ॑ତେ॒ ତସ୍ମା᳚-ତ୍ପ॒ଶଵୋ-ଽପ॑ କ୍ରାମନ୍ତି॒ ୟନ୍ମୈ᳚ତ୍ରାଵରୁ॒ଣ-ମ୍ପୟ॑ସା ଶ୍ରୀ॒ଣାତି॑ ପ॒ଶୁଭି॑ରେ॒ଵ ତନ୍ମି॒ତ୍ରଗ୍ମ୍ ସ॑ମ॒ର୍ଧୟ॑ତି ପ॒ଶୁଭି॒ର୍ୟଜ॑ମାନ-ମ୍ପୁ॒ରା ଖଲୁ॒ ଵାଵୈଵ-ମ୍ମି॒ତ୍ରୋ॑-ଽଵେ॒ଦପ॒ ମ-ତ୍କ୍ରୂ॒ର-ଞ୍ଚ॒କ୍ରୁଷଃ॑ ପ॒ଶଵଃ॑ କ୍ରମିଷ୍ୟ॒ନ୍ତୀତି॒ ତସ୍ମା॑ଦେ॒ଵମ॑ଵୃଣୀତ॒ ଵରୁ॑ଣ-ନ୍ଦେ॒ଵା ଅ॑ବ୍ରୁଵ॒-ନ୍ତ୍ଵୟା-ଽଗ୍ମ୍॑ଶ॒ଭୁଵା॒ ସୋମ॒ଗ୍ମ୍॒ ରାଜା॑ନଗ୍ମ୍ ହନା॒ମେତି॒ ସୋ᳚-ଽବ୍ରଵୀ॒-ଦ୍ଵରଂ॑-ଵୃଁଣୈ॒ ମହ୍ୟ॑-ଞ୍ଚୈ॒- [ମହ୍ୟ॑-ଞ୍ଚ, ଏ॒ଵୈଷ ମି॒ତ୍ରାୟ॑] 35
-ଵୈଷ ମି॒ତ୍ରାୟ॑ ଚ ସ॒ହ ଗୃ॑ହ୍ୟାତା॒ ଇତି॒ ତସ୍ମା᳚ନ୍ମୈତ୍ରାଵରୁ॒ଣ-ସ୍ସ॒ହ ଗୃ॑ହ୍ୟତେ॒ ତସ୍ମା॒-ଦ୍ରାଜ୍ଞା॒ ରାଜା॑ନମଗ୍ମ୍ଶ॒ଭୁଵା᳚ ଘ୍ନନ୍ତି॒ ଵୈଶ୍ୟେ॑ନ॒ ଵୈଶ୍ୟଗ୍ମ୍॑ ଶୂ॒ଦ୍ରେଣ॑ ଶୂ॒ଦ୍ର-ନ୍ନ ଵା ଇ॒ଦ-ନ୍ଦିଵା॒ ନ ନକ୍ତ॑ମାସୀ॒ଦଵ୍ୟା॑ଵୃତ୍ତ॒-ନ୍ତେ ଦେ॒ଵା ମି॒ତ୍ରାଵରୁ॑ଣାଵବ୍ରୁଵନ୍ନି॒ଦ-ନ୍ନୋ॒ ଵିଵା॑ସୟତ॒ମିତି॒ ତାଵ॑ବ୍ରୂତାଂ॒-ଵଁରଂ॑-ଵୃଁଣାଵହା॒ ଏକ॑ ଏ॒ଵା-ଽଽଵ-ତ୍ପୂର୍ଵୋ॒ ଗ୍ରହୋ॑ ଗୃହ୍ୟାତା॒ ଇତି॒ ତସ୍ମା॑ଦୈନ୍ଦ୍ରଵାୟ॒ଵଃ ପୂର୍ଵୋ॑ ମୈତ୍ରାଵରୁ॒ଣା-ଦ୍ଗୃ॑ହ୍ୟତେ ପ୍ରାଣାପା॒ନୌ ହ୍ୟେ॑ତୌ ୟଦୁ॑ପାଗ୍-ଶ୍ଵନ୍ତର୍ୟା॒ମୌ ମି॒ତ୍ରୋ-ଽହ॒ରଜ॑ନୟ॒-ଦ୍ଵରୁ॑ଣୋ॒ ରାତ୍ରି॒-ନ୍ତତୋ॒ ଵା ଇ॒ଦଂ-ଵ୍ୟୌଁ᳚ଚ୍ଛ॒ଦ୍ୟ-ନ୍ମୈ᳚ତ୍ରାଵରୁ॒ଣୋ ଗୃ॒ହ୍ୟତେ॒ ଵ୍ୟୁ॑ଷ୍ଟ୍ୟୈ ॥ 36 ॥
(ଏ॒ଷ – ଚୈ᳚ – ନ୍ଦ୍ରଵାୟ॒ଵୋ – ଦ୍ଵାଵିଗ୍ମ୍॑ଶତିଶ୍ଚ) (ଅ. 8)
ୟ॒ଜ୍ଞସ୍ୟ॒ ଶିରୋ᳚-ଽଚ୍ଛିଦ୍ୟତ॒ ତେ ଦେ॒ଵା ଅ॒ଶ୍ଵିନା॑ଵବ୍ରୁଵ-ନ୍ଭି॒ଷଜୌ॒ ଵୈ ସ୍ଥ॑ ଇ॒ଦଂ-ୟଁ॒ଜ୍ଞସ୍ୟ॒ ଶିରଃ॒ ପ୍ରତି॑ ଧତ୍ତ॒ମିତି॒ ତାଵ॑ବ୍ରୂତାଂ॒-ଵଁରଂ॑-ଵୃଁଣାଵହୈ॒ ଗ୍ରହ॑ ଏ॒ଵ ନା॒ଵତ୍ରାପି॑ ଗୃହ୍ୟତା॒ମିତି॒ ତାଭ୍ୟା॑-ମେ॒ତମା᳚ଶ୍ଵି॒ନ-ମ॑ଗୃହ୍ଣ॒-ନ୍ତତୋ॒ ଵୈ ତୌ ୟ॒ଜ୍ଞସ୍ୟ॒ ଶିରଃ॒ ପ୍ରତ୍ୟ॑ଧତ୍ତାଂ॒-ୟଁଦା᳚ଶ୍ଵି॒ନୋ ଗୃ॒ହ୍ୟତେ॑ ୟ॒ଜ୍ଞସ୍ୟ॒ ନିଷ୍କୃ॑ତ୍ୟୈ॒ ତୌ ଦେ॒ଵା ଅ॑ବ୍ରୁଵ॒ନ୍ନପୂ॑ତୌ॒ ଵା ଇ॒ମୌ ମ॑ନୁଷ୍ୟଚ॒ରୌ [ ] 37
ଭି॒ଷଜା॒ଵିତି॒ ତସ୍ମା᳚-ଦ୍ବ୍ରାହ୍ମ॒ଣେନ॑ ଭେଷ॒ଜ-ନ୍ନ କା॒ର୍ୟ॑ମପୂ॑ତୋ॒ ହ୍ୟେ᳚(1॒)ଷୋ॑ ଽମେ॒ଦ୍ଧ୍ୟୋ ୟୋ ଭି॒ଷକ୍ତୌ ବ॑ହିଷ୍ପଵମା॒ନେନ॑ ପଵୟି॒ତ୍ଵା ତାଭ୍ୟା॑-ମେ॒ତମା᳚ଶ୍ଵି॒ନ-ମ॑ଗୃହ୍ଣ॒-ନ୍ତସ୍ମା᳚-ଦ୍ବହିଷ୍ପଵମା॒ନେ ସ୍ତୁ॒ତ ଆ᳚ଶ୍ଵି॒ନୋ ଗୃ॑ହ୍ୟତେ॒ ତସ୍ମା॑ଦେ॒ଵଂ-ଵିଁ॒ଦୁଷା॑ ବହିଷ୍ପଵମା॒ନ ଉ॑ପ॒ସଦ୍ୟଃ॑ ପ॒ଵିତ୍ରଂ॒-ଵୈଁ ବ॑ହିଷ୍ପଵମା॒ନ ଆ॒ତ୍ମାନ॑ମେ॒ଵ ପ॑ଵୟତେ॒ ତୟୋ᳚-ଽସ୍ତ୍ରେ॒ଧା ଭୈଷ॑ଜ୍ୟଂ॒-ଵିଁ ନ୍ୟ॑ଦଧୁର॒ଗ୍ନୌ ତୃତୀ॑ୟମ॒ଫ୍ସୁ ତୃତୀ॑ୟ-ମ୍ବ୍ରାହ୍ମ॒ଣେ ତୃତୀ॑ୟ॒-ନ୍ତସ୍ମା॑ଦୁଦପା॒ତ୍ର- [ତୃତୀ॑ୟ॒-ନ୍ତସ୍ମା॑ଦୁଦପା॒ତ୍ରମ୍, ଉ॒ପ॒ନି॒ଧାୟ॑] 38
-ମୁ॑ପନି॒ଧାୟ॑ ବ୍ରାହ୍ମ॒ଣ-ନ୍ଦ॑କ୍ଷିଣ॒ତୋ ନି॒ଷାଦ୍ୟ॑ ଭେଷ॒ଜ-ଙ୍କୁ॑ର୍ୟା॒-ଦ୍ୟାଵ॑ଦେ॒ଵ ଭେ॑ଷ॒ଜ-ନ୍ତେନ॑ କରୋତି ସ॒ମର୍ଧୁ॑କମସ୍ୟ କୃ॒ତ-ମ୍ଭ॑ଵତି ବ୍ରହ୍ମଵା॒ଦିନୋ॑ ଵଦନ୍ତି॒ କସ୍ମା᳚-ଥ୍ସ॒ତ୍ୟାଦେକ॑ପାତ୍ରା ଦ୍ଵିଦେଵ॒ତ୍ୟା॑ ଗୃ॒ହ୍ୟନ୍ତେ᳚ ଦ୍ଵି॒ପାତ୍ରା॑ ହୂୟନ୍ତ॒ ଇତି॒ ୟଦେକ॑ପାତ୍ରା ଗୃ॒ହ୍ୟନ୍ତେ॒ ତସ୍ମା॒ଦେକୋ᳚-ଽନ୍ତର॒ତଃ ପ୍ରା॒ଣୋ ଦ୍ଵି॒ପାତ୍ରା॑ ହୂୟନ୍ତେ॒ ତସ୍ମା॒-ଦ୍ଦ୍ଵୌଦ୍ଵୌ॑ ବ॒ହିଷ୍ଟା᳚-ତ୍ପ୍ରା॒ଣାଃ ପ୍ରା॒ଣା ଵା ଏ॒ତେ ୟ-ଦ୍ଦ୍ଵି॑ଦେଵ॒ତ୍ୟାଃ᳚ ପ॒ଶଵ॒ ଇଡା॒ ୟଦିଡା॒-ମ୍ପୂର୍ଵା᳚-ନ୍ଦ୍ଵିଦେଵ॒ତ୍ୟେ᳚ଭ୍ୟ ଉପ॒ହ୍ଵୟେ॑ତ [ ] 39
ପ॒ଶୁଭିଃ॑ ପ୍ରା॒ଣାନ॒ନ୍ତର୍ଦ॑ଧୀତ ପ୍ର॒ମାୟୁ॑କ-ସ୍ସ୍ୟା-ଦ୍ଦ୍ଵିଦେଵ॒ତ୍ୟା᳚-ନ୍ଭକ୍ଷୟି॒ତ୍ଵେଡା॒ମୁପ॑ ହ୍ଵୟତେ ପ୍ରା॒ଣାନେ॒ଵା-ଽଽତ୍ମ-ନ୍ଧି॒ତ୍ଵା ପ॒ଶୂନୁପ॑ ହ୍ଵୟତେ॒ ଵାଗ୍ଵା ଐ᳚ନ୍ଦ୍ରଵାୟ॒ଵଶ୍ଚକ୍ଷୁ॑-ର୍ମୈତ୍ରାଵରୁ॒ଣ-ଶ୍ଶ୍ରୋତ୍ର॑ମାଶ୍ଵି॒ନଃ ପୁ॒ରସ୍ତା॑ଦୈନ୍ଦ୍ରଵାୟ॒ଵ-ମ୍ଭ॑କ୍ଷୟତି॒ ତସ୍ମା᳚-ତ୍ପୁ॒ରସ୍ତା᳚-ଦ୍ଵା॒ଚା ଵ॑ଦତି ପୁ॒ରସ୍ତା᳚ନ୍ମୈତ୍ରାଵରୁ॒ଣ-ନ୍ତସ୍ମା᳚-ତ୍ପୁ॒ରସ୍ତା॒ଚ୍ଚକ୍ଷୁ॑ଷା ପଶ୍ୟତି ସ॒ର୍ଵତଃ॑ ପରି॒ହାର॑ମାଶ୍ଵି॒ନ-ନ୍ତସ୍ମା᳚-ଥ୍ସ॒ର୍ଵତ॒-ଶ୍ଶ୍ରୋତ୍ରେ॑ଣ ଶୃଣୋତି ପ୍ରା॒ଣା ଵା ଏ॒ତେ ୟ-ଦ୍ଦ୍ଵି॑ଦେଵ॒ତ୍ୟା॑ [ୟ-ଦ୍ଦ୍ଵି॑ଦେଵ॒ତ୍ୟାଃ᳚, ଅରି॑କ୍ତାନି॒] 40
ଅରି॑କ୍ତାନି॒ ପାତ୍ରା॑ଣି ସାଦୟତି॒ ତସ୍ମା॒ଦରି॑କ୍ତା ଅନ୍ତର॒ତଃ ପ୍ରା॒ଣା ୟତଃ॒ ଖଲୁ॒ ଵୈ ୟ॒ଜ୍ଞସ୍ୟ॒ ଵିତ॑ତସ୍ୟ॒ ନ କ୍ରି॒ୟତେ॒ ତଦନୁ॑ ୟ॒ଜ୍ଞଗ୍ମ୍ ରକ୍ଷା॒ଗ୍॒ସ୍ୟଵ॑ ଚରନ୍ତି॒ ୟଦରି॑କ୍ତାନି॒ ପାତ୍ରା॑ଣି ସା॒ଦୟ॑ତି କ୍ରି॒ୟମା॑ଣମେ॒ଵ ତ-ଦ୍ୟ॒ଜ୍ଞସ୍ୟ॑ ଶୟେ॒ ରକ୍ଷ॑ସା॒ -ମନ॑ନ୍ଵଵଚାରାୟ॒ ଦକ୍ଷି॑ଣସ୍ୟ ହଵି॒ର୍ଧାନ॒ସ୍ୟୋତ୍ତ॑ରସ୍ୟାଂ-ଵଁର୍ତ॒ନ୍ୟାଗ୍ମ୍ ସା॑ଦୟତି ଵା॒ଚ୍ୟେ॑ଵ ଵାଚ॑-ନ୍ଦଧା॒ତ୍ୟା ତୃ॑ତୀୟସଵ॒ନା-ତ୍ପରି॑ ଶେରେ ୟ॒ଜ୍ଞସ୍ୟ॒ ସନ୍ତ॑ତ୍ୟୈ ॥ 41 ॥
(ମ॒ନୁ॒ଷ୍ୟ॒ଚ॒ରା – ଵୁ॑ଦପା॒ତ୍ର – ମୁ॑ପ॒ହ୍ଵୟେ॑ତ – ଦ୍ଵିଦେଵ॒ତ୍ୟାଃ᳚ – ଷଟ୍ଚ॑ତ୍ଵାରିଗ୍ମ୍ଶଚ୍ଚ) (ଅ. 9)
ବୃହ॒ସ୍ପତି॑ର୍ଦେ॒ଵାନା᳚-ମ୍ପୁ॒ରୋହି॑ତ॒ ଆସୀ॒-ଚ୍ଛଣ୍ଡା॒ମର୍କା॒-ଵସୁ॑ରାଣା॒-ମ୍ବ୍ରହ୍ମ॑ଣ୍ ଵନ୍ତୋ ଦେ॒ଵା ଆସ॒-ନ୍ବ୍ରହ୍ମ॑ଣ୍ ଵ॒ନ୍ତୋ-ଽସୁ॑ରା॒ସ୍ତେ᳚(1॒) ଽନ୍ୟୋ᳚-ଽନ୍ୟ-ନ୍ନାଶ॑କ୍ନୁଵ-ନ୍ନ॒ଭିଭ॑ଵିତୁ॒-ନ୍ତେ ଦେ॒ଵା-ଶ୍ଶଣ୍ଡା॒ମର୍କା॒-ଵୁପା॑ମନ୍ତ୍ରୟନ୍ତ॒ ତା ଵ॑ବ୍ରୂତାଂ॒-ଵଁରଂ॑-ଵୃଁଣାଵହୈ॒ ଗ୍ରହା॑ଵେ॒ଵ ନା॒ଵତ୍ରାପି॑ ଗୃହ୍ୟେତା॒ମିତି॒ ତାଭ୍ୟା॑ମେ॒ତୌ ଶୁ॒କ୍ରାମ॒ନ୍ଥିନା॑-ଵଗୃହ୍ଣ॒-ନ୍ତତୋ॑ ଦେ॒ଵା ଅଭ॑ଵ॒-ନ୍ପରା-ଽସୁ॑ରା॒ ୟସ୍ୟୈ॒ଵଂ-ଵିଁ॒ଦୁଷ॑-ଶ୍ଶୁ॒କ୍ରାମ॒ନ୍ଥିନୌ॑ ଗୃ॒ହ୍ୟେତେ॒ ଭ॑ଵତ୍ୟା॒ତ୍ମନା॒ ପରା᳚- [ପରା᳚, ଅ॒ସ୍ୟ॒ ଭ୍ରାତୃ॑ଵ୍ୟୋ] 42
-ଽସ୍ୟ॒ ଭ୍ରାତୃ॑ଵ୍ୟୋ ଭଵତି॒ ତୌ ଦେ॒ଵା ଅ॑ପ॒ନୁଦ୍ୟା॒-ଽଽତ୍ମନ॒ ଇନ୍ଦ୍ରା॑ୟାଜୁହଵୁ॒-ରପ॑ନୁତ୍ତୌ॒ ଶଣ୍ଡା॒ମର୍କୌ॑ ସ॒ହାମୁନେତି॑ ବ୍ରୂୟା॒ଦ୍ୟ-ନ୍ଦ୍ଵି॒ଷ୍ୟାଦ୍ୟମେ॒ଵ ଦ୍ଵେଷ୍ଟି॒ ତେନୈ॑ନୌ ସ॒ହାପ॑ ନୁଦତେ॒ ସ ପ୍ର॑ଥ॒ମ-ସ୍ସଙ୍କୃ॑ତି-ର୍ଵି॒ଶ୍ଵକ॒ର୍ମେତ୍ୟେ॒ଵୈନା॑-ଵା॒ତ୍ମନ॒ ଇନ୍ଦ୍ରା॑ୟା-ଜୁହଵୁ॒ରିନ୍ଦ୍ରୋ॒ ହ୍ୟେ॑ତାନି॑ ରୂ॒ପାଣି॒ କରି॑କ୍ର॒ଦଚ॑ରଦ॒ସୌ ଵା ଆ॑ଦି॒ତ୍ୟ-ଶ୍ଶୁ॒କ୍ରଶ୍ଚ॒ନ୍ଦ୍ରମା॑ ମ॒ନ୍ଥ୍ୟ॑ପି॒-ଗୃହ୍ୟ॒ ପ୍ରାଞ୍ଚୌ॒ ନି- [ପ୍ରାଞ୍ଚୌ॒ ନିଃ, କ୍ରା॒ମ॒ତ॒-ସ୍ତସ୍ମା॒-] 43
-ଷ୍କ୍ରା॑ମତ॒-ସ୍ତସ୍ମା॒-ତ୍ପ୍ରାଞ୍ଚୌ॒ ୟନ୍ତୌ॒ ନ ପ॑ଶ୍ୟନ୍ତି ପ୍ର॒ତ୍ୟଞ୍ଚା॑ଵା॒ଵୃତ୍ୟ॑ ଜୁହୁତ॒ସ୍ତସ୍ମା᳚-ତ୍ପ୍ର॒ତ୍ୟଞ୍ଚୌ॒ ୟନ୍ତୌ॑ ପଶ୍ୟନ୍ତି॒ ଚକ୍ଷୁ॑ଷୀ॒ ଵା ଏ॒ତେ ୟ॒ଜ୍ଞସ୍ୟ॒ ୟଚ୍ଛୁ॒କ୍ରାମ॒ନ୍ଥିନୌ॒ ନାସି॑କୋତ୍ତରଵେ॒ଦିର॒ଭିତଃ॑ ପରି॒କ୍ରମ୍ୟ॑ ଜୁହୁତ॒ସ୍ତସ୍ମା॑ଦ॒ଭିତୋ॒ ନାସି॑କା॒-ଞ୍ଚକ୍ଷୁ॑ଷୀ॒ ତସ୍ମା॒ନ୍ନାସି॑କୟା॒ ଚକ୍ଷୁ॑ଷୀ॒ ଵିଧୃ॑ତେ ସ॒ର୍ଵତଃ॒ ପରି॑ କ୍ରାମତୋ॒ ରକ୍ଷ॑ସା॒ମପ॑ହତ୍ୟୈ ଦେ॒ଵା ଵୈ ୟାଃ ପ୍ରାଚୀ॒ରାହୁ॑ତୀ॒ରଜୁ॑ହଵୁ॒ର୍ୟେ ପୁ॒ରସ୍ତା॒ଦସୁ॑ରା॒ ଆସ॒-ନ୍ତାଗ୍ସ୍ତାଭିଃ॒ ପ୍ରା- [ଆସ॒-ନ୍ତାଗ୍ସ୍ତାଭିଃ॒ ପ୍ର, ଅ॒ନୁ॒ଦ॒ନ୍ତ॒ ୟାଃ] 44
-ଣୁ॑ଦନ୍ତ॒ ୟାଃ ପ୍ର॒ତୀଚୀ॒ର୍ୟେ ପ॒ଶ୍ଚାଦସୁ॑ରା॒ ଆସ॒-ନ୍ତାଗ୍ସ୍ତାଭି॒ରପା॑ନୁଦନ୍ତ॒ ପ୍ରାଚୀ॑ର॒ନ୍ୟା ଆହୁ॑ତୟୋ ହୂ॒ୟନ୍ତେ᳚ ପ୍ର॒ତ୍ୟଞ୍ଚୌ॑ ଶୁ॒କ୍ରାମ॒ନ୍ଥିନୌ॑ ପ॒ଶ୍ଚାଚ୍ଚୈ॒ଵ ପୁ॒ରସ୍ତା᳚ଚ୍ଚ॒ ୟଜ॑ମାନୋ॒ ଭ୍ରାତୃ॑ଵ୍ୟା॒-ନ୍ପ୍ର ଣୁ॑ଦତେ॒ ତସ୍ମା॒-ତ୍ପରା॑ଚୀଃ ପ୍ର॒ଜାଃ ପ୍ର ଵୀ॑ୟନ୍ତେ ପ୍ର॒ତୀଚୀ᳚ର୍ଜାୟନ୍ତେ ଶୁ॒କ୍ରାମ॒ନ୍ଥିନୌ॒ ଵା ଅନୁ॑ ପ୍ର॒ଜାଃ ପ୍ର ଜା॑ୟନ୍ତେ॒-ଽତ୍ତ୍ରୀଶ୍ଚା॒ଦ୍ୟା᳚ଶ୍ଚ ସୁ॒ଵୀରାଃ᳚ ପ୍ର॒ଜାଃ ପ୍ର॑ଜ॒ନୟ॒-ନ୍ପରୀ॑ହି ଶୁ॒କ୍ର-ଶ୍ଶୁ॒କ୍ରଶୋ॑ଚିଷା [ଶୁ॒କ୍ର-ଶ୍ଶୁ॒କ୍ରଶୋ॑ଚିଷା, ସୁ॒ପ୍ର॒ଜାଃ ପ୍ର॒ଜାଃ] 45
ସୁପ୍ର॒ଜାଃ ପ୍ର॒ଜାଃ ପ୍ର॑ଜ॒ନୟ॒-ନ୍ପରୀ॑ହି ମ॒ନ୍ଥୀ ମ॒ନ୍ଥିଶୋ॑ଚି॒ଷେତ୍ୟା॑ହୈ॒ତା ଵୈ ସୁ॒ଵୀରା॒ ୟା ଅ॒ତ୍ତ୍ରୀରେ॒ତା-ସ୍ସୁ॑ପ୍ର॒ଜା ୟା ଆ॒ଦ୍ୟା॑ ୟ ଏ॒ଵଂ-ଵେଁଦା॒ତ୍ର୍ୟ॑ସ୍ୟ ପ୍ର॒ଜା ଜା॑ୟତେ॒ ନା-ଽଽଦ୍ୟା᳚ ପ୍ର॒ଜାପ॑ତେ॒ରକ୍ଷ୍ୟ॑ଶ୍ଵୟ॒-ତ୍ତ-ତ୍ପରା॑-ଽଽପତ॒-ତ୍ତ-ଦ୍ଵିକ॑ଙ୍କତ॒-ମ୍ପ୍ରାଵି॑ଶ॒-ତ୍ତ-ଦ୍ଵିକ॑ଙ୍କତେ॒ ନାର॑ମତ॒ ତ-ଦ୍ୟଵ॒-ମ୍ପ୍ରାଵି॑ଶ॒-ତ୍ତ-ଦ୍ୟଵେ॑-ଽରମତ॒ ତ-ଦ୍ୟଵ॑ସ୍ୟ- [ତ-ଦ୍ୟଵ॑ସ୍ୟ, ୟ॒ଵ॒ତ୍ଵଂ-ୟଁ-ଦ୍ଵୈକ॑ଙ୍କତ-] 46
ୟଵ॒ତ୍ଵଂ-ୟଁ-ଦ୍ଵୈକ॑ଙ୍କତ-ମ୍ମନ୍ଥିପା॒ତ୍ର-ମ୍ଭଵ॑ତି॒ ସକ୍ତୁ॑ଭି-ଶ୍ଶ୍ରୀ॒ଣାତି॑ ପ୍ର॒ଜାପ॑ତେରେ॒ଵ ତଚ୍ଚକ୍ଷୁ॒-ସ୍ସ-ମ୍ଭ॑ରତି ବ୍ରହ୍ମଵା॒ଦିନୋ॑ ଵଦନ୍ତି॒ କସ୍ମା᳚-ଥ୍ସ॒ତ୍ୟାନ୍ମ॑ନ୍ଥିପା॒ତ୍ରଗ୍ମ୍ ସଦୋ॒ ନାଶ୍ଞୁ॑ତ॒ ଇତ୍ୟା᳚ର୍ତପା॒ତ୍ରଗ୍ମ୍ ହୀତି॑ ବ୍ରୂୟା॒-ଦ୍ୟଦ॑ଶ୍ଞୁଵୀ॒ତାନ୍ଧୋ᳚-ଽଦ୍ଧ୍ଵ॒ର୍ୟୁ-ସ୍ସ୍ୟା॒ଦାର୍ତି॒ମାର୍ଚ୍ଛେ॒-ତ୍ତସ୍ମା॒ନ୍ନାଶ୍ଞୁ॑ତେ ॥ 47 ॥
(ଆ॒ତ୍ମନା॒ ପରା॒ – ନି – ଷ୍ପ୍ର – ଶୁ॒କ୍ରଶୋ॑ଚିଷା॒ – ୟଵ॑ସ୍ୟ – ସ॒ପ୍ତତ୍ରିଗ୍ମ୍॑ଶଚ୍ଚ) (ଅ. 10)
ଦେ॒ଵା ଵୈ ୟ-ଦ୍ୟ॒ଜ୍ଞେ-ଽକୁ॑ର୍ଵତ॒ ତଦସୁ॑ରା ଅକୁର୍ଵତ॒ ତେ ଦେ॒ଵା ଆ᳚ଗ୍ରୟ॒ଣାଗ୍ରା॒-ନ୍ଗ୍ରହା॑ନପଶ୍ୟ॒-ନ୍ତାନ॑ଗୃହ୍ଣତ॒ ତତୋ॒ ଵୈ ତେ-ଽଗ୍ର॒-ମ୍ପର୍ୟା॑ୟ॒ନ୍॒. ୟସ୍ୟୈ॒ଵଂ-ଵିଁ॒ଦୁଷ॑ ଆଗ୍ରୟ॒ଣାଗ୍ରା॒ ଗ୍ରହା॑ ଗୃ॒ହ୍ୟନ୍ତେ-ଽଗ୍ର॑ମେ॒ଵ ସ॑ମା॒ନାନା॒-ମ୍ପର୍ୟେ॑ତି ରୁ॒ଗ୍ଣଵ॑ତ୍ୟ॒ର୍ଚା ଭ୍ରାତୃ॑ଵ୍ୟଵତୋ ଗୃହ୍ଣୀୟା॒-ଦ୍ଭ୍ରାତୃ॑ଵ୍ୟସ୍ୟୈ॒ଵ ରୁ॒କ୍ତ୍ଵା-ଽଗ୍ରଗ୍ମ୍॑ ସମା॒ନାନା॒-ମ୍ପର୍ୟେ॑ତି॒ ୟେ ଦେ॑ଵା ଦି॒ଵ୍ୟେକା॑ଦଶ॒ ସ୍ଥେତ୍ୟା॑ହୈ॒- [ସ୍ଥେତ୍ୟା॑ହ, ଏ॒ତାଵ॑ତୀ॒ର୍ଵୈ] 48
-ତାଵ॑ତୀ॒ର୍ଵୈ ଦେ॒ଵତା॒ସ୍ତାଭ୍ୟ॑ ଏ॒ଵୈନ॒ଗ୍ମ୍॒ ସର୍ଵା᳚ଭ୍ୟୋ ଗୃହ୍ଣାତ୍ୟେ॒ଷ ତେ॒ ୟୋନି॒ ର୍ଵିଶ୍ଵେ᳚ଭ୍ୟସ୍ତ୍ଵା ଦେ॒ଵେଭ୍ୟ॒ ଇତ୍ୟା॑ହ ଵୈଶ୍ଵଦେ॒ଵୋ ହ୍ୟେ॑ଷ ଦେ॒ଵତ॑ୟା॒ ଵାଗ୍ଵୈ ଦେ॒ଵେଭ୍ୟୋ-ଽପା᳚କ୍ରାମ-ଦ୍ୟ॒ଜ୍ଞାୟାତି॑ଷ୍ଠମାନା॒ ତେ ଦେ॒ଵା ଵା॒ଚ୍ୟପ॑କ୍ରାନ୍ତାୟା-ନ୍ତୂ॒ଷ୍ଣୀ-ଙ୍ଗ୍ରହା॑ନଗୃହ୍ଣତ॒ ସାମ॑ନ୍ୟତ॒ ଵାଗ॒ନ୍ତର୍ୟ॑ନ୍ତି॒ ଵୈ ମେତି॒ ସା-ଽଽଗ୍ର॑ୟ॒ଣ-ମ୍ପ୍ରତ୍ୟାଗ॑ଚ୍ଛ॒-ତ୍ତଦା᳚ଗ୍ରୟ॒ଣସ୍ୟା᳚-ଽଽଗ୍ରୟଣ॒ତ୍ଵ- [-ଽଽଗ୍ରୟଣ॒ତ୍ଵମ୍, ତସ୍ମା॑ଦାଗ୍ରୟ॒ଣେ] 49
-ନ୍ତସ୍ମା॑ଦାଗ୍ରୟ॒ଣେ ଵାଗ୍ଵି ସୃ॑ଜ୍ୟତେ॒ ୟ-ତ୍ତୂ॒ଷ୍ଣୀ-ମ୍ପୂର୍ଵେ॒ ଗ୍ରହା॑ ଗୃ॒ହ୍ୟନ୍ତେ॒ ୟଥା᳚ଥ୍ସା॒ରୀୟ॑ତି ମ॒ ଆଖ॒ ଇୟ॑ତି॒ ନାପ॑ ରାଥ୍ସ୍ୟା॒-ମୀତ୍ୟୁ॑ପାଵସୃ॒ଜତ୍ୟେ॒ଵମେ॒ଵ ତଦ॑ଦ୍ଧ୍ଵ॒ର୍ୟୁରା᳚ଗ୍ରୟ॒ଣ-ଙ୍ଗୃ॑ହୀ॒ତ୍ଵା ୟ॒ଜ୍ଞମା॒ରଭ୍ୟ॒ ଵାଚଂ॒-ଵିଁ ସୃ॑ଜତେ॒ ତ୍ରିର୍ହି-ଙ୍କ॑ରୋତ୍ୟୁଦ୍ଗା॒ତୄ-ନେ॒ଵ ତ-ଦ୍ଵୃ॑ଣୀତେ ପ୍ର॒ଜାପ॑ତି॒ର୍ଵା ଏ॒ଷ ୟଦା᳚ଗ୍ରୟ॒ଣୋ ୟଦା᳚ଗ୍ରୟ॒ଣ-ଙ୍ଗୃ॑ହୀ॒ତ୍ଵା ହି॑-ଙ୍କ॒ରୋତି॑ ପ୍ର॒ଜାପ॑ତିରେ॒ଵ [ ] 50
ତ-ତ୍ପ୍ର॒ଜା ଅ॒ଭି ଜି॑ଘ୍ରତି॒ ତସ୍ମା᳚-ଦ୍ଵ॒ଥ୍ସ-ଞ୍ଜା॒ତ-ଙ୍ଗୌର॒ଭି ଜି॑ଘ୍ରତ୍ୟା॒ତ୍ମା ଵା ଏ॒ଷ ୟ॒ଜ୍ଞସ୍ୟ॒ ୟଦା᳚ଗ୍ରୟ॒ଣ-ସ୍ସଵ॑ନେସଵନେ॒-ଽଭି ଗୃ॑ହ୍ଣାତ୍ୟା॒ତ୍ମନ୍ନେ॒ଵ ୟ॒ଜ୍ଞଗ୍ମ୍ ସ-ନ୍ତ॑ନୋତ୍ୟୁ॒ପରି॑ଷ୍ଟା॒ଦା ନ॑ୟତି॒ ରେତ॑ ଏ॒ଵ ତ-ଦ୍ଦ॑ଧାତ୍ୟ॒ଧସ୍ତା॒ଦୁପ॑ ଗୃହ୍ଣାତି॒ ପ୍ର ଜ॑ନୟତ୍ୟେ॒ଵ ତଦ୍ବ୍ର॑ହ୍ମଵା॒ଦିନୋ॑ ଵଦନ୍ତି॒ କସ୍ମା᳚-ଥ୍ସ॒ତ୍ୟା-ଦ୍ଗା॑ୟ॒ତ୍ରୀ କନି॑ଷ୍ଠା॒ ଛନ୍ଦ॑ସାଗ୍ମ୍ ସ॒ତୀ ସର୍ଵା॑ଣି॒ ସଵ॑ନାନି ଵହ॒ତୀତ୍ୟେ॒ଷ ଵୈ ଗା॑ୟତ୍ରି॒ୟୈ ଵ॒ଥ୍ସୋ ୟଦା᳚ଗ୍ରୟ॒ଣସ୍ତମେ॒ଵ ତଦ॑ଭିନି॒ଵର୍ତ॒ଗ୍ମ୍॒ ସର୍ଵା॑ଣି॒ ସଵ॑ନାନି ଵହତି॒ ତସ୍ମା᳚-ଦ୍ଵ॒ଥ୍ସମ॒ପାକୃ॑ତ॒-ଙ୍ଗୌର॒ଭି ନି ଵ॑ର୍ତତେ ॥ 51 ॥
(ଆ॒ହା॒-ଽଽ – ଗ୍ର॒ୟ॒ଣ॒ତ୍ଵଂ – ପ୍ର॒ଜାପ॑ତିରେ॒ଵେ – ତି॑ – ଵିଗ୍ମ୍ଶ॒ତିଶ୍ଚ॑) (ଅ. 11)
(ୟ॒ଜ୍ଞେନ॒ ତା ଉ॑ପ॒ୟଡ୍ଭି॑ – ର୍ଦେ॒ଵା ଵୈ ୟ॒ଜ୍ଞମାଗ୍ନୀ᳚ଧ୍ରେ – ବ୍ରହ୍ମଵା॒ଦିନ॒-ସ୍ସ ତ୍ଵୈ – ଦେ॒ଵସ୍ୟ॒ ଗ୍ରାଵା॑ଣଂ – ପ୍ରା॒ଣୋ ଵା ଉ॑ପା॒ଗ୍॒ଶ୍ଵ॑ଗ୍ରା – ଦେ॒ଵା ଵା ଉ॑ପା॒ଗ୍ମ୍॒ଶୌ – ଵାଗ୍ଵୈ – ମି॒ତ୍ରଂ – ୟଁ॒ଜ୍ଞସ୍ୟ॒ – ବୃହ॒ସ୍ପତି॑ – ର୍ଦେ॒ଵା ଵା ଆ᳚ଗ୍ରୟ॒ଣାଗ୍ରା॒ – ନେକା॑ଦଶ)
(ୟ॒ଜ୍ଞେନ॑ – ଲୋ॒କେ ପ॑ଶୁ॒ମାନ୍-ଥ୍ସ୍ୟା॒ଥ୍ – ସଵ॑ନ॒-ମ୍ମାଧ୍ୟ॑ନ୍ଦିନଂ॒ – ଵାଁଗ୍ଵା – ଅରି॑କ୍ତାନି॒ – ତ-ତ୍ପ୍ର॒ଜା – ଏକ॑ପଞ୍ଚା॒ଶତ୍)
(ୟ॒ଜ୍ଞେନ॒, ନି ଵ॑ର୍ତତେ)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟାଂ ଷଷ୍ଠକାଣ୍ଡେ ଚତୁର୍ଥଃ ପ୍ରଶ୍ନ-ସ୍ସମାପ୍ତଃ ॥