କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟାଂ ସପ୍ତମକାଣ୍ଡେ ଚତୁର୍ଥଃ ପ୍ରଶ୍ନଃ – ସତ୍ରକର୍ମନିରୂପଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ବୃହ॒ସ୍ପତି॑ରକାମୟତ॒ ଶ୍ରନ୍ମେ॑ ଦେ॒ଵା ଦଧୀ॑ର॒-ନ୍ଗଚ୍ଛେ॑ୟ-ମ୍ପୁରୋ॒ଧାମିତି॒ ସ ଏ॒ତ-ଞ୍ଚ॑ତୁର୍ଵିଗ୍ମ୍ଶତିରା॒ତ୍ର-ମ॑ପଶ୍ୟ॒-ତ୍ତମା-ଽହ॑ର॒-ତ୍ତେନା॑ୟଜତ॒ ତତୋ॒ ଵୈ ତସ୍ମୈ॒ ଶ୍ରଦ୍ଦେ॒ଵା ଅଦ॑ଧ॒ତାଗ॑ଚ୍ଛ-ତ୍ପୁରୋ॒ଧାଂ-ୟଁ ଏ॒ଵଂ-ଵିଁ॒ଦ୍ଵାଗ୍ମ୍ସ॑-ଶ୍ଚତୁର୍ଵିଗ୍ମ୍ଶତିରା॒ତ୍ର-ମାସ॑ତେ॒ ଶ୍ରଦେ᳚ଭ୍ୟୋ ମନୁ॒ଷ୍ୟା॑ ଦଧତେ॒ ଗଚ୍ଛ॑ନ୍ତି ପୁରୋ॒ଧା-ଞ୍ଜ୍ୟୋତି॒ର୍ଗୌରାୟୁ॒ରିତି॑ ତ୍ର୍ୟ॒ହା ଭ॑ଵନ୍ତୀ॒ୟଂ-ଵାଁଵ ଜ୍ୟୋତି॑ର॒ନ୍ତରି॑କ୍ଷ॒-ଙ୍ଗୌର॒ସା-ଵାୟୁ॑- [-ଵାୟୁଃ॑, ଇ॒ମାନେ॒ଵ] 1
-ରି॒ମାନେ॒ଵ ଲୋ॒କାନ॒ଭ୍ୟାରୋ॑ହନ୍ତ୍ୟଭି ପୂ॒ର୍ଵ-ନ୍ତ୍ର୍ୟ॒ହା ଭ॑ଵନ୍ତ୍ୟଭିପୂ॒ର୍ଵମେ॒ଵ ସୁ॑ଵ॒ର୍ଗଂ-ଲୋଁ॒କମ॒ଭ୍ୟାରୋ॑ହ॒ନ୍ତ୍ୟସ॑ତ୍ରଂ॒-ଵାଁ ଏ॒ତ-ଦ୍ୟଦ॑ଛନ୍ଦୋ॒ମଂ-ୟଁଚ୍ଛ॑ନ୍ଦୋ॒ମା ଭଵ॑ନ୍ତି॒ ତେନ॑ ସ॒ତ୍ର-ନ୍ଦେ॒ଵତା॑ ଏ॒ଵ ପୃ॒ଷ୍ଠୈରଵ॑ ରୁନ୍ଧତେ ପ॒ଶୂଞ୍ଛ॑ନ୍ଦୋ॒ମୈରୋଜୋ॒ ଵୈ ଵୀ॒ର୍ୟ॑-ମ୍ପୃ॒ଷ୍ଠାନି॑ ପ॒ଶଵ॑-ଶ୍ଛନ୍ଦୋ॒ମା ଓଜ॑ସ୍ୟେ॒ଵ ଵୀ॒ର୍ୟେ॑ ପ॒ଶୁଷୁ॒ ପ୍ରତି॑ ତିଷ୍ଠନ୍ତି ବୃହ-ଦ୍ରଥନ୍ତ॒ରାଭ୍ୟାଂ᳚-ୟଁନ୍ତୀ॒ୟଂ-ଵାଁଵ ର॑ଥନ୍ତ॒ରମ॒ସୌ ବୃ॒ହଦା॒ଭ୍ୟାମେ॒ଵ [ ] 2
ୟ॒ନ୍ତ୍ୟଥୋ॑ ଅ॒ନୟୋ॑ରେ॒ଵ ପ୍ରତି॑ ତିଷ୍ଠନ୍ତ୍ୟେ॒ତେ ଵୈ ୟ॒ଜ୍ଞସ୍ୟା᳚ଞ୍ଜ॒ସାୟ॑ନୀ ସ୍ରୁ॒ତୀ ତାଭ୍ୟା॑ମେ॒ଵ ସୁ॑ଵ॒ର୍ଗଂ-ଲୋଁ॒କଂ-ୟଁ॑ନ୍ତି ଚତୁର୍ଵିଗ୍ମ୍ଶତିରା॒ତ୍ରୋ ଭ॑ଵତି॒ ଚତୁ॑ର୍ଵିଗ୍ମ୍ଶତିରର୍ଧମା॒ସା-ସ୍ସଂ॑ଵଁଥ୍ସ॒ର-ସ୍ସଂ॑ଵଁଥ୍ସ॒ର-ସ୍ସୁ॑ଵ॒ର୍ଗୋ ଲୋ॒କ-ସ୍ସଂ॑ଵଁଥ୍ସ॒ର ଏ॒ଵ ସୁ॑ଵ॒ର୍ଗେ ଲୋ॒କେ ପ୍ରତି॑ ତିଷ୍ଠ॒ନ୍ତ୍ୟଥୋ॒ ଚତୁ॑ର୍ଵିଗ୍ମ୍ଶତ୍ୟକ୍ଷରା ଗାୟ॒ତ୍ରୀ ଗା॑ୟ॒ତ୍ରୀ ବ୍ର॑ହ୍ମଵର୍ଚ॒ସ-ଙ୍ଗା॑ୟତ୍ରି॒ୟୈଵ ବ୍ର॑ହ୍ମଵର୍ଚ॒ସମଵ॑ ରୁନ୍ଧତେ ଽତିରା॒ତ୍ରାଵ॒ଭିତୋ॑ ଭଵତୋ ବ୍ରହ୍ମଵର୍ଚ॒ସସ୍ୟ॒ ପରି॑ଗୃହୀତ୍ୟୈ ॥ 3 ॥
(ଅ॒ସାଵାୟୁ॑ – ରା॒ଭ୍ୟାମେ॒ଵ – ପଞ୍ଚ॑ଚତ୍ଵାରିଗ୍ମ୍ଶଚ୍ଚ) (ଅ. 1)
ୟଥା॒ ଵୈ ମ॑ନୁ॒ଷ୍ୟା॑ ଏ॒ଵ-ନ୍ଦେ॒ଵା ଅଗ୍ର॑ ଆସ॒-ନ୍ତେ॑-ଽକାମୟ॒ନ୍ତା-ଽଵ॑ର୍ତି-ମ୍ପା॒ପ୍ମାନ॑-ମ୍ମୃ॒ତ୍ୟୁ-ମ॑ପ॒ହତ୍ୟ॒ ଦୈଵୀଗ୍ମ୍॑ ସ॒ଗ୍ମ୍॒ସଦ॑-ଙ୍ଗଚ୍ଛେ॒ମେତି॒ ତ ଏ॒ତ-ଞ୍ଚ॑ତୁର୍ଵିଗ୍ମ୍ଶତିରା॒ତ୍ର-ମ॑ପଶ୍ୟ॒-ନ୍ତମା-ଽହ॑ର॒-ନ୍ତେନା॑ୟଜନ୍ତ॒ ତତୋ॒ ଵୈ ତେ-ଽଵ॑ର୍ତି-ମ୍ପା॒ପ୍ମାନ॑-ମ୍ମୃ॒ତ୍ୟୁ-ମ॑ପ॒ହତ୍ୟ॒ ଦୈଵୀଗ୍ମ୍॑ ସ॒ଗ୍ମ୍॒ସଦ॑ମଗଚ୍ଛ॒ନ୍॒. ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑-ଶ୍ଚତୁର୍ଵିଗ୍ମ୍ଶତିରା॒ତ୍ର-ମାସ॒ତେ-ଽଵ॑ର୍ତିମେ॒ଵ ପା॒ପ୍ମାନ॑-ମପ॒ହତ୍ୟ॒ ଶ୍ରିୟ॑-ଙ୍ଗଚ୍ଛନ୍ତି॒ ଶ୍ରୀର୍ହି ମ॑ନୁ॒ଷ୍ୟ॑ସ୍ୟ॒ [ଶ୍ରୀର୍ହି ମ॑ନୁ॒ଷ୍ୟ॑ସ୍ୟ, ଦୈଵୀ॑ ସ॒ଗ୍ମ୍॒ସ-ଜ୍ଜ୍ୟୋତି॑-] 4
ଦୈଵୀ॑ ସ॒ଗ୍ମ୍॒ସ-ଜ୍ଜ୍ୟୋତି॑-ରତିରା॒ତ୍ରୋ ଭ॑ଵତି ସୁଵ॒ର୍ଗସ୍ୟ॑ ଲୋ॒କସ୍ୟାନୁ॑ଖ୍ୟାତ୍ୟୈ॒ ପୃଷ୍ଠ୍ୟ॑-ଷ୍ଷଡ॒ହୋ ଭ॑ଵତି॒ ଷ-ଡ୍ଵା ଋ॒ତଵ॑-ସ୍ସଂଵଁଥ୍ସ॒ରସ୍ତ-ମ୍ମାସା॑ ଅର୍ଧମା॒ସା ଋ॒ତଵଃ॑ ପ୍ର॒ଵିଶ୍ୟ॒ ଦୈଵୀଗ୍ମ୍॑ ସ॒ଗ୍ମ୍॒ସଦ॑ମଗଚ୍ଛ॒ନ୍॒. ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑-ଶ୍ଚତୁର୍ଵିଗ୍ମ୍ଶତିରା॒ତ୍ରମାସ॑ତେ ସଂଵଁଥ୍ସ॒ରମେ॒ଵ ପ୍ର॒ଵିଶ୍ୟ॒ ଵସ୍ୟ॑ସୀଗ୍ମ୍ ସ॒ଗ୍ମ୍॒ସଦ॑-ଙ୍ଗଚ୍ଛନ୍ତି॒ ତ୍ରୟ॑ସ୍ତ୍ରୟସ୍ତ୍ରି॒ଗ୍ମ୍॒ଶା ଅ॒ଵସ୍ତା᳚-ଦ୍ଭଵନ୍ତି॒ ତ୍ରୟ॑ସ୍ତ୍ରୟସ୍ତ୍ରି॒ଗ୍ମ୍॒ଶାଃ ପ॒ରସ୍ତା᳚-ତ୍ତ୍ରୟସ୍ତ୍ରି॒ଗ୍ମ୍॒ଶୈରେ॒ଵୋଭ॒ୟତୋ ଽଵ॑ର୍ତି-ମ୍ପା॒ପ୍ମାନ॑ମପ॒ହତ୍ୟ॒ ଦୈଵୀଗ୍ମ୍॑ ସ॒ଗ୍ମ୍॒ସଦ॑-ମ୍ମଦ୍ଧ୍ୟ॒ତୋ [ସ॒ଗ୍ମ୍॒ସଦ॑-ମ୍ମଦ୍ଧ୍ୟ॒ତଃ, ଗ॒ଚ୍ଛ॒ନ୍ତି॒ ପୃ॒ଷ୍ଠାନି॒ ହି] 5
ଗ॑ଚ୍ଛନ୍ତି ପୃ॒ଷ୍ଠାନି॒ ହି ଦୈଵୀ॑ ସ॒ଗ୍ମ୍॒ସଜ୍ଜା॒ମି ଵା ଏ॒ତ-ତ୍କୁ॑ର୍ଵନ୍ତି॒ ୟ-ତ୍ତ୍ରୟ॑ସ୍ତ୍ରୟସ୍ତ୍ରି॒ଗ୍ମ୍॒ଶା ଅ॒ନ୍ଵଞ୍ଚୋ॒ ମଦ୍ଧ୍ୟେ-ଽନି॑ରୁକ୍ତୋ ଭଵତି॒ ତେନାଜା᳚ମ୍ୟୂ॒ର୍ଧ୍ଵାନି॑ ପୃ॒ଷ୍ଠାନି॑ ଭଵନ୍ତ୍ୟୂ॒ର୍ଧ୍ଵା-ଶ୍ଛ॑ନ୍ଦୋ॒ମା ଉ॒ଭାଭ୍ୟାଗ୍ମ୍॑ ରୂ॒ପାଭ୍ୟାଗ୍ମ୍॑ ସୁଵ॒ର୍ଗଂ-ଲୋଁ॒କଂ-ୟଁ॒ନ୍ତ୍ୟସ॑ତ୍ରଂ॒-ଵାଁ ଏ॒ତ-ଦ୍ୟଦ॑ଛନ୍ଦୋ॒ମଂ-ୟଁଚ୍ଛ॑ନ୍ଦୋ॒ମା ଭଵ॑ନ୍ତି॒ ତେନ॑ ସ॒ତ୍ର-ନ୍ଦେ॒ଵତା॑ ଏ॒ଵ ପୃ॒ଷ୍ଠୈରଵ॑ ରୁନ୍ଧତେ ପ॒ଶୂଞ୍ଛ॑ନ୍ଦୋ॒ମୈରୋଜୋ॒ ଵୈ ଵୀ॒ର୍ୟ॑-ମ୍ପୃ॒ଷ୍ଠାନି॑ ପ॒ଶଵ॑- [ପ॒ଶଵଃ॑, ଛ॒ନ୍ଦୋ॒ମା ଓଜ॑ସ୍ୟେ॒ଵ] 6
-ଶ୍ଛନ୍ଦୋ॒ମା ଓଜ॑ସ୍ୟେ॒ଵ ଵୀ॒ର୍ୟେ॑ ପ॒ଶୁଷୁ॒ ପ୍ରତି॑ ତିଷ୍ଠନ୍ତି॒ ତ୍ରୟ॑ସ୍ତ୍ରୟସ୍ତ୍ରି॒ଗ୍ମ୍॒ଶା ଅ॒ଵସ୍ତା᳚-ଦ୍ଭଵନ୍ତି॒ ତ୍ରୟ॑ସ୍ତ୍ରୟସ୍ତ୍ରି॒ଗ୍ମ୍॒ଶାଃ ପ॒ରସ୍ତା॒ନ୍ମଦ୍ଧ୍ୟେ॑ ପୃ॒ଷ୍ଠାନ୍ୟୁରୋ॒ ଵୈ ତ୍ର॑ୟସ୍ତ୍ରି॒ଗ୍ମ୍॒ଶା ଆ॒ତ୍ମା ପୃ॒ଷ୍ଠାନ୍ୟା॒ତ୍ମନ॑ ଏ॒ଵ ତ-ଦ୍ୟଜ॑ମାନା॒-ଶ୍ଶର୍ମ॑ ନହ୍ୟ॒ନ୍ତେ-ଽନା᳚ର୍ତ୍ୟୈ ବୃହ-ଦ୍ରଥନ୍ତ॒ରାଭ୍ୟାଂ᳚-ୟଁନ୍ତୀ॒ୟଂ-ଵାଁଵ ର॑ଥନ୍ତ॒ରମ॒ସୌ ବୃ॒ହଦା॒ଭ୍ୟାମେ॒ଵ ୟ॒ନ୍ତ୍ୟଥୋ॑ ଅ॒ନୟୋ॑ରେ॒ଵ ପ୍ରତି॑ ତିଷ୍ଠନ୍ତ୍ୟେ॒ତେ ଵୈ ୟ॒ଜ୍ଞସ୍ୟା᳚ଞ୍ଜ॒ସାୟ॑ନୀ ସ୍ରୁ॒ତୀ ତାଭ୍ୟା॑ମେ॒ଵ [ତାଭ୍ୟା॑ମେ॒ଵ, ସୁ॒ଵ॒ର୍ଗଂ-ଲୋଁ॒କଂ-ୟଁ॑ନ୍ତି॒] 7
ସୁ॑ଵ॒ର୍ଗଂ-ଲୋଁ॒କଂ-ୟଁ॑ନ୍ତି॒ ପରା᳚ଞ୍ଚୋ॒ ଵା ଏ॒ତେ ସୁ॑ଵ॒ର୍ଗଂ-ଲୋଁ॒କମ॒ଭ୍ୟାରୋ॑ହନ୍ତି॒ ୟେ ପ॑ରା॒ଚୀନା॑ନି ପୃ॒ଷ୍ଠାନ୍ୟୁ॑ପ॒ୟନ୍ତି॑ ପ୍ର॒ତ୍ୟଂ ଷ॑ଡ॒ହୋ ଭ॑ଵତି ପ୍ର॒ତ୍ୟଵ॑ରୂଢ୍ୟା॒ ଅଥୋ॒ ପ୍ରତି॑ଷ୍ଠିତ୍ୟା ଉ॒ଭୟୋ᳚ର୍ଲୋ॒କୟୋର॑ ଋ॒ଦ୍ଧ୍ଵୋ-ତ୍ତି॑ଷ୍ଠନ୍ତି ତ୍ରି॒ଵୃତୋ-ଽଧି॑ ତ୍ରି॒ଵୃତ॒ମୁପ॑ ୟନ୍ତି॒ ସ୍ତୋମା॑ନା॒ଗ୍ମ୍॒ ସମ୍ପ॑ତ୍ତ୍ୟୈ ପ୍ରଭ॒ଵାୟ॒ ଜ୍ୟୋତି॑ରଗ୍ନିଷ୍ଟୋ॒ମୋ ଭ॑ଵତ୍ୟ॒ୟଂ-ଵାଁଵ ସ କ୍ଷୟୋ॒-ଽସ୍ମାଦେ॒ଵ ତେନ॒ କ୍ଷୟା॒ନ୍ନ ୟ॑ନ୍ତି ଚତୁର୍ଵିଗ୍ମ୍ଶତିରା॒ତ୍ରୋ ଭ॑ଵତି॒ ଚତୁ॑ର୍ଵିଗ୍ମ୍ଶତିରର୍ଧମା॒ସା-ସ୍ସଂ॑ଵଁଥ୍ସ॒ର-ସ୍ସଂ॑ଵଁଥ୍ସ॒ର-ସ୍ସୁ॑ଵ॒ର୍ଗୋ ଲୋ॒କ-ସ୍ସଂ॑ଵଁଥ୍ସ॒ର ଏ॒ଵ ସୁ॑ଵ॒ର୍ଗେ ଲୋ॒କେ ପ୍ରତି॑ ତିଷ୍ଠ॒ନ୍ତ୍ୟଥୋ॒ ଚତୁ॑ର୍ଵିଗ୍ମ୍ଶତ୍ୟକ୍ଷରା ଗାୟ॒ତ୍ରୀ ଗା॑ୟ॒ତ୍ରୀ ବ୍ର॑ହ୍ମଵର୍ଚ॒ସ-ଙ୍ଗା॑ୟତ୍ରି॒ୟୈଵ ବ୍ର॑ହ୍ମଵର୍ଚ॒ସମଵ॑ ରୁନ୍ଧତେ ଽତିରା॒ତ୍ରାଵ॒ଭିତୋ॑ ଭଵତୋ ବ୍ରହ୍ମଵର୍ଚ॒ସସ୍ୟ॒ ପରି॑ଗୃହୀତ୍ୟୈ ॥ 8 ॥
(ମ॒ନୁ॒ଷ୍ୟ॑ସ୍ୟ – ମଧ୍ୟ॒ତଃ – ପ॒ଶଵ॒ – ସ୍ତାଭ୍ୟା॑ମେ॒ଵ – ସଂ॑ଵଁଥ୍ସ॒ର – ଶ୍ଚତୁ॑ର୍ଵିଗ୍ମ୍ଶତିଶ୍ଚ) (ଅ. 2)
ଋ॒କ୍ଷା ଵା ଇ॒ୟମ॑ଲୋ॒ମକା॑-ଽଽସୀ॒-ଥ୍ସା-ଽକା॑ମୟ॒ତୌଷ॑ଧୀଭି॒-ର୍ଵନ॒ସ୍ପତି॑ଭିଃ॒ ପ୍ର ଜା॑ୟେ॒ୟେତି॒ ସୈତାସ୍ତ୍ରି॒ଗ୍ମ୍॒ଶତ॒ଗ୍ମ୍॒ ରାତ୍ରୀ॑ରପଶ୍ୟ॒-ତ୍ତତୋ॒ ଵା ଇ॒ୟମୋଷ॑ଧୀଭି॒-ର୍ଵନ॒ସ୍ପତି॑ଭିଃ॒ ପ୍ରାଜା॑ୟତ॒ ୟେ ପ୍ର॒ଜାକା॑ମାଃ ପ॒ଶୁକା॑ମା॒-ସ୍ସ୍ୟୁସ୍ତ ଏ॒ତା ଆ॑ସୀର॒-ନ୍ପ୍ରୈଵ ଜା॑ୟନ୍ତେ ପ୍ର॒ଜୟା॑ ପ॒ଶୁଭି॑ରି॒ୟଂ-ଵାଁ ଅ॑କ୍ଷୁଦ୍ଧ୍ୟ॒-ଥ୍ସୈତାଂ-ଵିଁ॒ରାଜ॑ମପଶ୍ୟ॒-ତ୍ତାମା॒ତ୍ମ-ନ୍ଧି॒ତ୍ଵା-ଽନ୍ନାଦ୍ୟ॒ମଵା॑ ଽରୁ॒ନ୍ଧୌଷ॑ଧୀ॒- [-ଽରୁ॒ନ୍ଧୌଷ॑ଧୀଃ, ଵନ॒ସ୍ପତୀ᳚-ନ୍ପ୍ର॒ଜା-] 9
-ର୍ଵନ॒ସ୍ପତୀ᳚-ନ୍ପ୍ର॒ଜା-ମ୍ପ॒ଶୂ-ନ୍ତେନା॑ଵର୍ଧତ॒ ସା ଜେ॒ମାନ॑-ମ୍ମହି॒ମାନ॑-ମଗଚ୍ଛ॒ଦ୍ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑ ଏ॒ତା ଆସ॑ତେ ଵି॒ରାଜ॑ମେ॒ଵା-ଽଽତ୍ମ-ନ୍ଧି॒ତ୍ଵା-ଽନ୍ନାଦ୍ୟ॒ମଵ॑ ରୁନ୍ଧତେ॒ ଵର୍ଧ॑ନ୍ତେ ପ୍ର॒ଜୟା॑ ପ॒ଶୁଭି॑ର୍ଜେ॒ମାନ॑-ମ୍ମହି॒ମାନ॑-ଙ୍ଗଚ୍ଛନ୍ତି॒ ଜ୍ୟୋତି॑ରତିରା॒ତ୍ରୋ ଭ॑ଵତି ସୁଵ॒ର୍ଗସ୍ୟ॑ ଲୋ॒କସ୍ୟାନୁ॑ଖ୍ୟାତ୍ୟୈ॒ ପୃଷ୍ଠ୍ୟ॑-ଷ୍ଷଡ॒ହୋ ଭ॑ଵତି॒ ଷ-ଡ୍ଵା ଋ॒ତଵ॒-ଷ୍ଷଟ୍ ପୃ॒ଷ୍ଠାନି॑ ପୃ॒ଷ୍ଠୈରେ॒ଵର୍ତୂନ॒ନ୍ଵା-ରୋ॑ହନ୍ତ୍ୟୃ॒ତୁଭି॑-ସ୍ସଂଵଁଥ୍ସ॒ର-ନ୍ତେ ସଂ॑ଵଁଥ୍ସ॒ର ଏ॒ଵ [ ] 10
ପ୍ରତି॑ ତିଷ୍ଠନ୍ତି ତ୍ରୟସ୍ତ୍ରି॒ଗ୍ମ୍॒ଶା-ତ୍ତ୍ର॑ୟସ୍ତ୍ରି॒ଗ୍ମ୍॒ଶମୁପ॑ ୟନ୍ତି ୟ॒ଜ୍ଞସ୍ୟ॒ ସନ୍ତ॑ତ୍ୟା॒ ଅଥୋ᳚ ପ୍ର॒ଜାପ॑ତି॒ର୍ଵୈ ତ୍ର॑ୟସ୍ତ୍ରି॒ଗ୍ମ୍॒ଶଃ ପ୍ର॒ଜାପ॑ତିମେ॒ଵା-ଽଽର॑ଭନ୍ତେ॒ ପ୍ରତି॑ଷ୍ଠିତ୍ୟୈ ତ୍ରିଣ॒ଵୋ ଭ॑ଵତି॒ ଵିଜି॑ତ୍ୟା ଏକଵି॒ଗ୍ମ୍॒ଶୋ ଭ॑ଵତି॒ ପ୍ରତି॑ଷ୍ଠିତ୍ୟା॒ ଅଥୋ॒ ରୁଚ॑ମେ॒ଵା-ଽଽତ୍ମ-ନ୍ଦ॑ଧତେ ତ୍ରି॒ଵୃଦ॑ଗ୍ନି॒ଷ୍ଟୁ-ଦ୍ଭ॑ଵତି ପା॒ପ୍ମାନ॑ମେ॒ଵ ତେନ॒ ନିର୍ଦ॑ହ॒ନ୍ତେ-ଽଥୋ॒ ତେଜୋ॒ ଵୈ ତ୍ରି॒ଵୃ-ତ୍ତେଜ॑ ଏ॒ଵା-ଽଽତ୍ମ-ନ୍ଦ॑ଧତେ ପଞ୍ଚଦ॒ଶ ଇ॑ନ୍ଦ୍ରସ୍ତୋ॒ମୋ ଭ॑ଵତୀନ୍ଦ୍ରି॒ୟ-ମେ॒ଵା-ଽଵ॑ [ଭ॑ଵତୀନ୍ଦ୍ରି॒ୟ-ମେ॒ଵା-ଽଵ॑, ରୁ॒ନ୍ଧ॒ତେ॒ ସ॒ପ୍ତ॒ଦ॒ଶୋ ଭ॑ଵତ୍ୟ॒ନ୍ନାଦ୍ୟ॒ସ୍ୟା] 11
ରୁନ୍ଧତେ ସପ୍ତଦ॒ଶୋ ଭ॑ଵତ୍ୟ॒ନ୍ନାଦ୍ୟ॒ସ୍ୟା ଵ॑ରୁଦ୍ଧ୍ୟା॒ ଅଥୋ॒ ପ୍ରୈଵ ତେନ॑ ଜାୟନ୍ତ ଏକଵି॒ଗ୍ମ୍॒ଶୋ ଭ॑ଵତି॒ ପ୍ରତି॑ଷ୍ଠିତ୍ୟା॒ ଅଥୋ॒ ରୁଚ॑ମେ॒ଵା-ଽଽତ୍ମ-ନ୍ଦ॑ଧତେ ଚତୁର୍ଵି॒ଗ୍ମ୍॒ଶୋ ଭ॑ଵତି॒ ଅତୁ॑ର୍ଵିଗ୍ମ୍ଶତିରର୍ଧମା॒ସା-ସ୍ସଂ॑ଵଁଥ୍ସ॒ର-ସ୍ସଂ॑ଵଁଥ୍ସ॒ର-ସ୍ସୁ॑ଵ॒ର୍ଗୋ ଲୋ॒କ-ସ୍ସଂ॑ଵଁଥ୍ସ॒ର ଏ॒ଵ ସୁ॑ଵ॒ର୍ଗେ ଲୋ॒କେ ପ୍ରତି॑ ତିଷ୍ଠ॒ନ୍ତ୍ୟଥୋ॑ ଏ॒ଷ ଵୈ ଵି॑ଷୂ॒ଵାନ୍ ଵି॑ଷୂ॒ଵନ୍ତୋ॑ ଭଵନ୍ତି॒ ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑ ଏ॒ତା ଆସ॑ତେ ଚତୁର୍ଵି॒ଗ୍ମ୍॒ଶା-ତ୍ପୃ॒ଷ୍ଠାନ୍ୟୁପ॑ ୟନ୍ତି ସଂଵଁଥ୍ସ॒ର ଏ॒ଵ ପ୍ର॑ତି॒ଷ୍ଠାୟ॑ [ ] 12
ଦେ॒ଵତା॑ ଅ॒ଭ୍ୟାରୋ॑ହନ୍ତି ତ୍ରୟସ୍ତ୍ରି॒ଗ୍ମ୍॒ଶା-ତ୍ତ୍ର॑ୟସ୍ତ୍ରି॒ଗ୍ମ୍॒ଶମୁପ॑ ୟନ୍ତି॒ ତ୍ରୟ॑ସ୍ତ୍ରିଗ୍ମ୍ଶ॒ଦ୍ଵୈ ଦେ॒ଵତା॑ ଦେ॒ଵତା᳚ସ୍ଵେ॒ଵ ପ୍ରତି॑ ତିଷ୍ଠନ୍ତି ତ୍ରିଣ॒ଵୋ ଭ॑ଵତୀ॒ମେ ଵୈ ଲୋ॒କାସ୍ତ୍ରି॑ଣ॒ଵ ଏ॒ଷ୍ଵେ॑ଵ ଲୋ॒କେଷୁ॒ ପ୍ରତି॑ ତିଷ୍ଠନ୍ତି॒ ଦ୍ଵାଵେ॑କଵି॒ଗ୍ମ୍॒ଶୌ ଭ॑ଵତଃ॒ ପ୍ରତି॑ଷ୍ଠିତ୍ୟା॒ ଅଥୋ॒ ରୁଚ॑ମେ॒ଵା-ଽଽତ୍ମ-ନ୍ଦ॑ଧତେ ବ॒ହଵ॑-ଷ୍ଷୋଡ॒ଶିନୋ॑ ଭଵନ୍ତି॒ ତସ୍ମା᳚-ଦ୍ବ॒ହଵଃ॑ ପ୍ର॒ଜାସୁ॒ ଵୃଷା॑ଣୋ॒ ୟଦେ॒ତେ ସ୍ତୋମା॒ ଵ୍ୟତି॑ଷକ୍ତା॒ ଭଵ॑ନ୍ତି॒ ତସ୍ମା॑ଦି॒ୟ -ମୋଷ॑ଧୀଭି॒-ର୍ଵନ॒ସ୍ପତି॑ଭି॒-ର୍ଵ୍ୟତି॑ଷକ୍ତା॒ [-ର୍ଵ୍ୟତି॑ଷକ୍ତା, ଵ୍ୟତି॑ଷଜ୍ୟନ୍ତେ] 13
ଵ୍ୟତି॑ଷଜ୍ୟନ୍ତେ ପ୍ର॒ଜୟା॑ ପ॒ଶୁଭି॒ର୍ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑ ଏ॒ତା ଆସ॒ତେ ଽକୢ॑ପ୍ତା॒ ଵା ଏ॒ତେ ସୁ॑ଵ॒ର୍ଗଂ-ଲୋଁ॒କଂ-ୟଁ॑ନ୍ତ୍ୟୁଚ୍ଚାଵ॒ଚାନ୍ ହି ସ୍ତୋମା॑ନୁପ॒ୟନ୍ତି॒ ୟଦେ॒ତ ଊ॒ର୍ଧ୍ଵାଃ କୢ॒ପ୍ତା-ସ୍ସ୍ତୋମା॒ ଭଵ॑ନ୍ତି କୢ॒ପ୍ତା ଏ॒ଵ ସୁ॑ଵ॒ର୍ଗଂ-ଲୋଁ॒କଂ-ୟଁ॑ନ୍ତ୍ୟୁ॒ଭୟୋ॑ରେ॒ଭ୍ୟୋ ଲୋ॒କୟୋଃ᳚ କଲ୍ପତେ ତ୍ରି॒ଗ୍ମ୍॒ଶଦେ॒ତାସ୍ତ୍ରି॒ଗ୍ମ୍॒ଶଦ॑କ୍ଷରା ଵି॒ରାଡନ୍ନଂ॑-ଵିଁ॒ରା-ଡ୍ଵି॒ରାଜୈ॒ଵାନ୍ନାଦ୍ୟ॒ମଵ॑ ରୁନ୍ଧତେ ଽତିରା॒ତ୍ରାଵ॒ଭିତୋ॑ ଭଵତୋ॒ ଽନ୍ନାଦ୍ୟ॑ସ୍ୟ॒ ପରି॑ଗୃହୀତ୍ୟୈ ॥ 14 ॥
(ଓଷ॑ଧୀଃ – ସଂଵଁଥ୍ସ॒ର ଏ॒ଵା – ଽଵ॑ – ପ୍ରତି॒ଷ୍ଠାୟ॒ – ଵ୍ୟତି॑ଷ॒କ୍ତ୍ୟୈ – କା॒ନ୍ନପ॑ଞ୍ଚା॒ଶଚ୍ଚ॑) (ଅ. 3)
ପ୍ର॒ଜାପ॑ତି-ସ୍ସୁଵ॒ର୍ଗଂ-ଲୋଁ॒କମୈ॒-ତ୍ତ-ନ୍ଦେ॒ଵା ୟେନ॑ୟେନ॒ ଛନ୍ଦ॒ସା-ଽନୁ॒ ପ୍ରାୟୁ॑ଞ୍ଜତ॒ ତେନ॒ ନା-ଽଽପ୍ନୁ॑ଵ॒-ନ୍ତ ଏ॒ତା ଦ୍ଵାତ୍ରିଗ୍ମ୍॑ଶତ॒ଗ୍ମ୍॒ ରାତ୍ରୀ॑ରପଶ୍ୟ॒-ନ୍ଦ୍ଵାତ୍ରିଗ୍ମ୍॑ଶଦକ୍ଷରା ଽନୁ॒ଷ୍ଟୁଗା-ନୁ॑ଷ୍ଟୁଭଃ ପ୍ର॒ଜାପ॑ତି॒-ସ୍ସ୍ଵେନୈ॒ଵ ଛନ୍ଦ॑ସା ପ୍ର॒ଜାପ॑ତି-ମା॒ପ୍ତ୍ଵା ଽଭ୍ୟା॒ରୁହ୍ୟ॑ ସୁଵ॒ର୍ଗଂ-ଲୋଁ॒କମା॑ୟ॒ନ୍॒. ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑ ଏ॒ତା ଆସ॑ତେ॒ ଦ୍ଵାତ୍ରିଗ୍ମ୍॑ଶଦେ॒ତା ଦ୍ଵାତ୍ରିଗ୍ମ୍॑ଶଦକ୍ଷରା ଽନୁ॒ଷ୍ଟୁଗା-ନୁ॑ଷ୍ଟୁଭଃ ପ୍ର॒ଜାପ॑ତି॒-ସ୍ସ୍ଵେନୈ॒ଵ ଛନ୍ଦ॑ସା ପ୍ର॒ଜାପ॑ତିମା॒ପ୍ତ୍ଵା ଶ୍ରିୟ॑-ଙ୍ଗଚ୍ଛନ୍ତି॒ [ଶ୍ରିୟ॑-ଙ୍ଗଚ୍ଛନ୍ତି, ଶ୍ରୀର୍ହି] 15
ଶ୍ରୀର୍ହି ମ॑ନୁ॒ଷ୍ୟ॑ସ୍ୟ ସୁଵ॒ର୍ଗୋ ଲୋ॒କୋ ଦ୍ଵାତ୍ରିଗ୍ମ୍॑ଶଦେ॒ତା ଦ୍ଵାତ୍ରିଗ୍ମ୍॑ଶଦକ୍ଷରା-ଽନୁ॒ଷ୍ଟୁଗ୍-ଵାଗ॑ନୁ॒ଷ୍ଟୁ-ଫ୍ସର୍ଵା॑ମେ॒ଵ ଵାଚ॑ମାପ୍ନୁଵନ୍ତି॒ ସର୍ଵେ॑ ଵା॒ଚୋ ଵ॑ଦି॒ତାରୋ॑ ଭଵନ୍ତି॒ ସର୍ଵେ॒ ହି ଶ୍ରିୟ॒-ଙ୍ଗଚ୍ଛ॑ନ୍ତି॒ ଜ୍ୟୋତି॒ର୍ଗୌରାୟୁ॒ରିତି॑ ତ୍ର୍ୟ॒ହା ଭ॑ଵନ୍ତୀ॒ୟଂ-ଵାଁଵ ଜ୍ୟୋତି॑ର॒ନ୍ତରି॑କ୍ଷ॒-ଙ୍ଗୌର॒ସାଵାୟୁ॑ରି॒ମାନେ॒ଵ ଲୋ॒କାନ॒ଭ୍ୟାରୋ॑ହନ୍ତ୍ୟଭିପୂ॒ର୍ଵ-ନ୍ତ୍ର୍ୟ॒ହା ଭ॑ଵନ୍ତ୍ୟଭିପୂ॒ର୍ଵମେ॒ଵ ସୁ॑ଵ॒ର୍ଗଂ-ଲୋଁ॒କମ॒ଭ୍ୟାରୋ॑ହନ୍ତି ବୃହ-ଦ୍ରଥନ୍ତ॒ରାଭ୍ୟାଂ᳚-ୟଁନ୍ତୀ॒- [-ୟଁନ୍ତି, ଇ॒ୟଂ-ଵାଁଵ] 16
-ୟଂ-ଵାଁଵ ର॑ଥନ୍ତ॒ରମ॒ସୌ ବୃ॒ହଦା॒ଭ୍ୟାମେ॒ଵ ୟ॒ନ୍ତ୍ୟଥୋ॑ ଅ॒ନୟୋ॑ରେ॒ଵ ପ୍ରତି॑ ତିଷ୍ଠନ୍ତ୍ୟେ॒ତେ ଵୈ ୟ॒ଜ୍ଞସ୍ୟା᳚ଞ୍ଜ॒ସାୟ॑ନୀ ସ୍ରୁ॒ତୀ ତାଭ୍ୟା॑ମେ॒ଵ ସୁ॑ଵ॒ର୍ଗଂ-ଲୋଁ॒କଂ-ୟଁ॑ନ୍ତି॒ ପରା᳚ଞ୍ଚୋ॒ ଵା ଏ॒ତେ ସୁ॑ଵ॒ର୍ଗଂ-ଲୋଁ॒କମ॒ଭ୍ୟାରୋ॑ହନ୍ତି॒ ୟେ ପରା॑ଚସ୍ତ୍ର୍ୟ॒ହାନୁ॑ପ॒ୟନ୍ତି॑ ପ୍ର॒ତ୍ୟ-ନ୍ତ୍ର୍ୟ॒ହୋ ଭ॑ଵତି ପ୍ର॒ତ୍ୟଵ॑ରୂଢ୍ୟା॒ ଅଥୋ॒ ପ୍ରତି॑ଷ୍ଠିତ୍ୟା ଉ॒ଭୟୋ᳚ର୍ଲୋ॒କୟୋର୍॑. ଋ॒ଦ୍ଧ୍ଵୋ-ତ୍ତି॑ଷ୍ଠନ୍ତି॒ ଦ୍ଵାତ୍ରିଗ୍ମ୍॑ଶଦେ॒ତାସ୍ତାସାଂ॒-ୟାଁ ସ୍ତ୍ରି॒ଗ୍ମ୍॒ଶ-ତ୍ତ୍ରି॒ଗ୍ମ୍॒ଶଦ॑କ୍ଷରା ଵି॒ରାଡନ୍ନଂ॑-ଵିଁ॒ରା-ଡ୍ଵି॒ରାଜୈ॒ଵା-ଽନ୍ନାଦ୍ୟ॒ମଵ॑ ରୁନ୍ଧତେ॒ ୟେ ଦ୍ଵେ ଅ॑ହୋରା॒ତ୍ରେ ଏ॒ଵ ତେ ଉ॒ଭାଭ୍ୟାଗ୍ମ୍॑ ରୂ॒ପାଭ୍ୟାଗ୍ମ୍॑ ସୁଵ॒ର୍ଗଂ-ଲୋଁ॒କଂ-ୟଁ॑ନ୍ତ୍ୟତିରା॒ତ୍ରାଵ॒ଭିତୋ॑ ଭଵତଃ॒ ପରି॑ଗୃହୀତ୍ୟୈ ॥ 17 ॥
(ଗ॒ଚ୍ଛ॒ନ୍ତି॒ – ୟ॒ନ୍ତି॒ – ତ୍ରି॒ଗ୍ମ୍॒ଶଦ॑କ୍ଷରା॒ – ଦ୍ଵାଵିଗ୍ମ୍॑ଶତିଶ୍ଚ) (ଅ. 4)
ଦ୍ଵେ ଵାଵ ଦେ॑ଵସ॒ତ୍ରେ ଦ୍ଵା॑ଦଶା॒ହଶ୍ଚୈ॒ଵ ତ୍ର॑ୟସ୍ତ୍ରିଗ୍ମ୍ଶଦ॒ହଶ୍ଚ॒ ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑ସ୍ତ୍ରୟସ୍ତ୍ରିଗ୍ମ୍ଶଦ॒ହମାସ॑ତେ ସା॒କ୍ଷାଦେ॒ଵ ଦେ॒ଵତା॑ ଅ॒ଭ୍ୟାରୋ॑ହନ୍ତି॒ ୟଥା॒ ଖଲୁ॒ ଵୈ ଶ୍ରେୟା॑ନ॒ଭ୍ୟାରୂ॑ଢଃ କା॒ମୟ॑ତେ॒ ତଥା॑ କରୋତି॒ ୟଦ୍ୟ॑ଵ॒ଵିଦ୍ଧ୍ୟ॑ତି॒ ପାପୀ॑ୟା-ନ୍ଭଵତି॒ ୟଦି॒ ନାଵ॒ଵିଦ୍ଧ୍ୟ॑ତି ସ॒ଦୃଂ-ୟଁ ଏ॒ଵଂ-ଵିଁ॒ଦ୍ଵାଗ୍ମ୍ସ॑ସ୍ତ୍ରୟସ୍ତ୍ରିଗ୍ମ୍- ଶଦ॒ହମାସ॑ତେ॒ ଵି ପା॒ପ୍ମନା॒ ଭ୍ରାତୃ॑ଵ୍ୟେ॒ଣା-ଽଽ ଵ॑ର୍ତନ୍ତେ ଽହ॒ର୍ଭାଜୋ॒ ଵା ଏ॒ତା ଦେ॒ଵା ଅଗ୍ର॒ ଆ-ଽହ॑ର॒- [ଆ-ଽହ॑ରନ୍ନ୍, ଅହ॒ରେକୋ ଽଭ॑ଜ॒ତା-] 18
-ନ୍ନହ॒ରେକୋ ଽଭ॑ଜ॒ତା-ହ॒ରେକ॒ସ୍ତାଭି॒ର୍ଵୈତେ ପ୍ର॒ବାହୁ॑ଗାର୍ଧ୍ନୁଵ॒ନ୍॒. ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑ସ୍ତ୍ରୟସ୍ତ୍ରିଗ୍ମ୍ଶଦ॒ହମାସ॑ତେ॒ ସର୍ଵ॑ ଏ॒ଵ ପ୍ର॒ବାହୁ॑ଗୃଦ୍ଧ୍ନୁଵନ୍ତି॒ ସର୍ଵେ॒ ଗ୍ରାମ॑ଣୀୟ॒-ମ୍ପ୍ରାପ୍ନୁ॑ଵନ୍ତି ପଞ୍ଚା॒ହା ଭ॑ଵନ୍ତି॒ ପଞ୍ଚ॒ ଵା ଋ॒ତଵ॑-ସ୍ସଂଵଁଥ୍ସ॒ର ଋ॒ତୁଷ୍ଵେ॒ଵ ସଂ॑ଵଁଥ୍ସ॒ରେ ପ୍ରତି॑ ତିଷ୍ଠ॒ନ୍ତ୍ୟଥୋ॒ ପଞ୍ଚା᳚କ୍ଷରା ପ॒ଙ୍କ୍ତିଃ ପାଙ୍କ୍ତୋ॑ ୟ॒ଜ୍ଞୋ ୟ॒ଜ୍ଞମେ॒ଵାଵ॑ ରୁନ୍ଧତେ॒ ତ୍ରୀଣ୍ୟା᳚ଶ୍ଵି॒ନାନି॑ ଭଵନ୍ତି॒ ତ୍ରୟ॑ ଇ॒ମେ ଲୋ॒କା ଏ॒- [ଇ॒ମେ ଲୋ॒କା ଏ॒ଷୁ, ଏ॒ଵ ଲୋ॒କେଷୁ॒ ପ୍ରତି॑] 19
-ଷ୍ଵେ॑ଵ ଲୋ॒କେଷୁ॒ ପ୍ରତି॑ ତିଷ୍ଠ॒ନ୍ତ୍ୟଥୋ॒ ତ୍ରୀଣି॒ ଵୈ ୟ॒ଜ୍ଞସ୍ୟେ᳚ନ୍ଦ୍ରି॒ୟାଣି॒ ତାନ୍ୟେ॒ଵାଵ॑ ରୁନ୍ଧତେ ଵିଶ୍ଵ॒ଜି-ଦ୍ଭ॑ଵତ୍ୟ॒ନ୍ନାଦ୍ୟ॒ସ୍ୟା ଵ॑ରୁଦ୍ଧ୍ୟୈ॒ ସର୍ଵ॑ପୃଷ୍ଠୋ ଭଵତି॒ ସର୍ଵ॑ସ୍ୟା॒ଭିଜି॑ତ୍ୟୈ॒ ଵାଗ୍ଵୈ ଦ୍ଵା॑ଦଶା॒ହୋ ୟ-ତ୍ପୁ॒ରସ୍ତା᳚-ଦ୍ଦ୍ଵାଦଶା॒ହ-ମୁ॑ପେ॒ୟୁରନା᳚ପ୍ତାଂ॒-ଵାଁଚ॒-ମୁପେ॑ୟୁ-ରୁପ॒ଦାସୁ॑କୈଷାଂ॒-ଵାଁ-ଖ୍ସ୍ୟା॑-ଦୁ॒ପରି॑ଷ୍ଟା-ଦ୍ଦ୍ଵାଦଶା॒ହମୁପ॑ ୟନ୍ତ୍ୟା॒ପ୍ତାମେ॒ଵ ଵାଚ॒ମୁପ॑ ୟନ୍ତି॒ ତସ୍ମା॑-ଦୁ॒ପରି॑ଷ୍ଟା-ଦ୍ଵା॒ଚା ଵ॑ଦାମୋ ଽଵାନ୍ତ॒ରଂ- [ଵ॑ଦାମୋ ଽଵାନ୍ତ॒ରମ୍, ଵୈ ଦ॑ଶରା॒ତ୍ରେଣ॑] 20
-ଵୈଁ ଦ॑ଶରା॒ତ୍ରେଣ॑ ପ୍ର॒ଜାପ॑ତିଃ ପ୍ର॒ଜା ଅ॑ସୃଜତ॒ ୟ-ଦ୍ଦ॑ଶରା॒ତ୍ରୋ ଭଵ॑ତି ପ୍ର॒ଜା ଏ॒ଵ ତ-ଦ୍ୟଜ॑ମାନା-ସ୍ସୃଜନ୍ତ ଏ॒ତାଗ୍ମ୍ ହ॒ ଵା ଉ॑ଦ॒ଙ୍କ-ଶ୍ଶୌ᳚ଲ୍ବାୟ॒ନ-ସ୍ସ॒ତ୍ରସ୍ୟର୍ଧି॑ମୁଵାଚ॒ ୟ-ଦ୍ଦ॑ଶରା॒ତ୍ରୋ ୟ-ଦ୍ଦ॑ଶରା॒ତ୍ରୋ ଭଵ॑ତି ସ॒ତ୍ରସ୍ୟର୍ଧ୍ୟା॒ ଅଥୋ॒ ୟଦେ॒ଵ ପୂର୍ଵେ॒ଷ୍ଵହ॑ସ୍ସୁ॒ ଵିଲୋ॑ମ କ୍ରି॒ୟତେ॒ ତସ୍ୟୈ॒ଵୈଷା ଶାନ୍ତି॑ଦ୍ର୍ଵ୍ୟନୀ॒କା ଵା ଏ॒ତା ରାତ୍ର॑ୟୋ॒ ୟଜ॑ମାନା ଵିଶ୍ଵ॒ଜି-ଥ୍ସ॒ହାତି॑ରା॒ତ୍ରେଣ॒ ପୂର୍ଵା॒-ଷ୍ଷୋଡ॑ଶ ସ॒ହା ତି॑ରା॒ତ୍ରେଣୋତ୍ତ॑ରା॒-ଷ୍ଷୋଡ॑ଶ॒ ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑ସ୍ତ୍ରୟସ୍ତ୍ରିଗ୍ମ୍ଶଦ॒ହମାସ॑ତ॒ ଐଷା᳚-ନ୍ଦ୍ଵ୍ୟନୀ॒କା ପ୍ର॒ଜା ଜା॑ୟତେ ଽତିରା॒ତ୍ରାଵ॒ଭିତୋ॑ ଭଵତଃ॒ ପରି॑ଗୃହୀତ୍ୟୈ ॥ 21 ॥
(ଅ॒ହ॒ର॒- ନ୍ନେ॒ଷ୍ଵ॑ – ଵାନ୍ତ॒ରଗ୍ମ୍ – ଷୋଡ॑ଶ ସ॒ହ – ସ॒ପ୍ତଦ॑ଶ ଚ) (ଅ. 5)
ଆ॒ଦି॒ତ୍ୟା ଅ॑କାମୟନ୍ତ ସୁଵ॒ର୍ଗଂ-ଲୋଁ॒କମି॑ୟା॒ମେତି॒ ତେ ସୁ॑ଵ॒ର୍ଗଂ-ଲୋଁ॒କ-ନ୍ନ ପ୍ରାଜା॑ନ॒ନ୍ନ ସୁ॑ଵ॒ର୍ଗଂ-ଲୋଁ॒କମା॑ୟ॒-ନ୍ତ ଏ॒ତଗ୍ମ୍ ଷ॑ଟ୍ତ୍ରିଗ୍ମ୍ଶଦ୍ରା॒ତ୍ର-ମ॑ପଶ୍ୟ॒-ନ୍ତମା-ଽହ॑ର॒-ନ୍ତେନା॑ୟଜନ୍ତ॒ ତତୋ॒ ଵୈ ତେ ସୁ॑ଵ॒ର୍ଗଂ-ଲୋଁ॒କ-ମ୍ପ୍ରାଜା॑ନନ୍-ଥ୍ସୁଵ॒ର୍ଗଂ-ଲୋଁ॒କମା॑ୟ॒ନ୍॒. ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑-ଷ୍ଷଟ୍ତ୍ରିଗ୍ମ୍ଶ-ଦ୍ରା॒ତ୍ରମାସ॑ତେ ସୁଵ॒ର୍ଗମେ॒ଵ ଲୋକ-ମ୍ପ୍ର ଜା॑ନନ୍ତି ସୁଵ॒ର୍ଗଂ-ଲୋଁ॒କଂ-ୟଁ॑ନ୍ତି॒ ଜ୍ୟୋତି॑-ରତିରା॒ତ୍ରୋ [ଜ୍ୟୋତି॑-ରତିରା॒ତ୍ରଃ, ଭ॒ଵ॒ତି॒ ଜ୍ୟୋତି॑ରେ॒ଵ] 22
ଭ॑ଵତି॒ ଜ୍ୟୋତି॑ରେ॒ଵ ପୁ॒ରସ୍ତା᳚-ଦ୍ଦଧତେ ସୁଵ॒ର୍ଗସ୍ୟ॑ ଲୋ॒କସ୍ୟାନୁ॑ଖ୍ୟାତ୍ୟୈ ଷଡ॒ହା ଭ॑ଵନ୍ତି॒ ଷ-ଡ୍ଵା ଋ॒ତଵ॑ ଋ॒ତୁଷ୍ଵେ॒ଵ ପ୍ରତି॑ ତିଷ୍ଠନ୍ତି ଚ॒ତ୍ଵାରୋ॑ ଭଵନ୍ତି॒ ଚତ॑ସ୍ରୋ॒ ଦିଶୋ॑ ଦି॒କ୍ଷ୍ଵେ॑ଵ ପ୍ରତି॑ ତିଷ୍ଠ॒ନ୍ତ୍ୟସ॑ତ୍ରଂ॒-ଵାଁ ଏ॒ତ-ଦ୍ୟଦ॑ଛନ୍ଦୋ॒ମଂ-ୟଁଚ୍ଛ॑ନ୍ଦୋ॒ମା ଭଵ॑ନ୍ତି॒ ତେନ॑ ସ॒ତ୍ର-ନ୍ଦେ॒ଵତା॑ ଏ॒ଵ ପୃ॒ଷ୍ଠୈରଵ॑ ରୁନ୍ଧତେ ପ॒ଶୂଞ୍ଛ॑ନ୍ଦୋ॒ମୈରୋଜୋ॒ ଵୈ ଵୀ॒ର୍ୟ॑-ମ୍ପୃ॒ଷ୍ଠାନି॑ ପ॒ଶଵ॑-ଶ୍ଛନ୍ଦୋ॒ମା ଓଜ॑ସ୍ୟେ॒ଵ [ ] 23
ଵୀ॒ର୍ୟେ॑ ପ॒ଶୁଷୁ॒ ପ୍ରତି॑ ତିଷ୍ଠନ୍ତି ଷଟ୍-ତ୍ରିଗ୍ମ୍ଶ-ଦ୍ରା॒ତ୍ରୋ ଭ॑ଵତି॒ ଷଟ୍ତ୍ରିଗ୍ମ୍॑ଶଦକ୍ଷରା ବୃହ॒ତୀ ବାର୍ହ॑ତାଃ ପ॒ଶଵୋ॑ ବୃହ॒ତ୍ୟୈଵ ପ॒ଶୂନଵ॑ ରୁନ୍ଧତେ ବୃହ॒ତୀ ଛନ୍ଦ॑ସା॒ଗ୍॒ ସ୍ଵାରା᳚ଜ୍ୟମାଶ୍ଞୁତା-ଶ୍ଞୁ॒ଵତେ॒ ସ୍ଵାରା᳚ଜ୍ୟଂ॒-ୟଁ ଏ॒ଵଂ-ଵିଁ॒ଦ୍ଵାଗ୍ମ୍ସ॑-ଷ୍ଷଟ୍ତ୍ରିଗ୍ମ୍ଶ-ଦ୍ରା॒ତ୍ରମାସ॑ତେ ସୁଵ॒ର୍ଗମେ॒ଵ ଲୋ॒କଂ-ୟଁ॑ନ୍ତ୍ୟତିରା॒ତ୍ରାଵ॒ଭିତୋ॑ ଭଵତ-ସ୍ସୁଵ॒ର୍ଗସ୍ୟ॑ ଲୋ॒କସ୍ୟ॒ ପରି॑ଗୃହୀତ୍ୟୈ ॥ 24 ॥
(ଅ॒ତି॒ରା॒ତ୍ର – ଓଜ॑ସ୍ୟେ॒ଵ – ଷଟ୍ତ୍ରିଗ୍ମ୍॑ଶଚ୍ଚ) (ଅ. 6)
ଵସି॑ଷ୍ଠୋ ହ॒ତପୁ॑ତ୍ରୋ-ଽକାମୟତ ଵି॒ନ୍ଦେୟ॑ ପ୍ର॒ଜାମ॒ଭି ସା॑ଦା॒ସା-ନ୍ଭ॑ଵେୟ॒ମିତି॒ ସ ଏ॒ତମେ॑କସ୍ମା-ନ୍ନପଞ୍ଚା॒ଶ-ମ॑ପଶ୍ୟ॒-ତ୍ତମା-ଽହ॑ର॒-ତ୍ତେନା॑ୟଜତ॒ ତତୋ॒ ଵୈ ସୋ-ଽଵି॑ନ୍ଦତ ପ୍ର॒ଜାମ॒ଭି ସୌ॑ଦା॒ସାନ॑ଭଵ॒ଦ୍ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑ ଏକସ୍ମା-ନ୍ନପଞ୍ଚା॒ଶମାସ॑ତେ ଵି॒ନ୍ଦନ୍ତେ᳚ ପ୍ର॒ଜାମ॒ଭି ଭ୍ରାତୃ॑ଵ୍ୟା-ନ୍ଭଵନ୍ତି॒ ତ୍ରୟ॑ସ୍ତ୍ରି॒ଵୃତୋ᳚-ଽଗ୍ନିଷ୍ଟୋ॒ମା ଭ॑ଵନ୍ତି॒ ଵଜ୍ର॑ସ୍ୟୈ॒ଵ ମୁଖ॒ଗ୍ମ୍॒ ସଗ୍ଗ୍ ଶ୍ୟ॑ନ୍ତି॒ ଦଶ॑ ପଞ୍ଚଦ॒ଶା ଭ॑ଵନ୍ତି ପଞ୍ଚଦ॒ଶୋ ଵଜ୍ରୋ॒ [ଵଜ୍ରଃ॑, ଵଜ୍ର॑ମେ॒ଵ] 25
ଵଜ୍ର॑ମେ॒ଵ ଭ୍ରାତୃ॑ଵ୍ୟେଭ୍ୟଃ॒ ପ୍ର ହ॑ରନ୍ତି ଷୋଡଶି॒ମ॑-ଦ୍ଦଶ॒ମମହ॑-ର୍ଭଵତି॒ ଵଜ୍ର॑ ଏ॒ଵ ଵୀ॒ର୍ୟ॑-ନ୍ଦଧତି॒ ଦ୍ଵାଦ॑ଶ ସପ୍ତଦ॒ଶା ଭ॑ଵନ୍ତ୍ୟ॒ନ୍ନାଦ୍ୟ॒ସ୍ୟା ଵ॑ରୁଦ୍ଧ୍ୟା॒ ଅଥୋ॒ ପ୍ରୈଵ ତୈର୍ଜା॑ୟନ୍ତେ॒ ପୃଷ୍ଠ୍ୟ॑-ଷ୍ଷଡ॒ହୋ ଭ॑ଵତି॒ ଷଡ୍ଵା ଋ॒ତଵ॒-ଷ୍ଷଟ୍ ପୃ॒ଷ୍ଠାନି॑ ପୃ॒ଷ୍ଠୈରେ॒ଵର୍ତୂନ॒ନ୍ଵାରୋ॑ହନ୍ତ୍ୟୃ॒ତୃଭି॑-ସ୍ସଂଵଁଥ୍ସ॒ର-ନ୍ତେ ସଂ॑ଵଁଥ୍ସ॒ର ଏ॒ଵ ପ୍ରତି॑ ତିଷ୍ଠନ୍ତି॒ ଦ୍ଵାଦ॑ଶୈକଵି॒ଗ୍ମ୍॒ଶା ଭ॑ଵନ୍ତି॒ ପ୍ରତି॑ଷ୍ଠିତ୍ୟା॒ ଅଥୋ॒ ରୁଚ॑ମେ॒ଵା-ଽଽତ୍ମ- [ରୁଚ॑ମେ॒ଵା-ଽଽତ୍ମନ୍ନ୍, ଦ॒ଧ॒ତେ॒ ବ॒ହଵ॑-ଷ୍ଷୋଡ॒ଶିନୋ॑] 26
-ନ୍ଦ॑ଧତେ ବ॒ହଵ॑-ଷ୍ଷୋଡ॒ଶିନୋ॑ ଭଵନ୍ତି॒ ଵିଜି॑ତ୍ୟୈ॒ ଷଡା᳚ଶ୍ଵି॒ନାନି॑ ଭଵନ୍ତି॒ ଷଡ୍ଵା ଋ॒ତଵ॑ ଋ॒ତୁଷ୍ଵେ॒ଵ ପ୍ରତି॑ ତିଷ୍ଠନ୍ତ୍ୟୂନାତିରି॒କ୍ତା ଵା ଏ॒ତା ରାତ୍ର॑ୟ ଊ॒ନାସ୍ତ-ଦ୍ୟଦେକ॑ସ୍ୟୈ॒ ନ ପ॑ଞ୍ଚା॒ଶଦ-ତି॑ରିକ୍ତା॒ସ୍ତ-ଦ୍ୟ-ଦ୍ଭୂୟ॑ସୀ-ର॒ଷ୍ଟାଚ॑ତ୍ଵାରିଗ୍ମ୍ଶତ ଊ॒ନାଚ୍ଚ॒ ଖଲୁ॒ ଵା ଅତି॑ରିକ୍ତାଚ୍ଚ ପ୍ର॒ଜାପ॑ତିଃ॒ ପ୍ରାଜା॑ୟତ॒ ୟେ ପ୍ର॒ଜାକା॑ମାଃ ପ॒ଶୁକା॑ମା॒-ସ୍ସ୍ୟୁସ୍ତ ଏ॒ତା ଆ॑ସୀର॒-ନ୍ପ୍ରୈଵ ଜା॑ୟନ୍ତେ ପ୍ର॒ଜୟା॑ ପ॒ଶୁଭି॑ର୍ଵୈରା॒ଜୋ ଵା ଏ॒ଷ ୟ॒ଜ୍ଞୋ ୟଦେ॑କସ୍ମା-ନ୍ନପଞ୍ଚା॒ଶୋ ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑ ଏକସ୍ମା-ନ୍ନପଞ୍ଚା॒ଶମାସ॑ତେ ଵି॒ରାଜ॑ମେ॒ଵ ଗ॑ଚ୍ଛନ୍ତ୍ୟନ୍ନା॒ଦା ଭ॑ଵନ୍ତ୍ୟତି-ରା॒ତ୍ରାଵ॒ଭିତୋ॑ ଭଵତୋ॒-ଽନ୍ନାଦ୍ୟ॑ସ୍ୟ॒ ପରି॑ଗୃହୀତ୍ୟୈ ॥ 27 ॥
(ଵଜ୍ର॑ – ଆ॒ତ୍ମନ୍ – ପ୍ର॒ଜୟା॒ – ଦ୍ଵାଵିଗ୍ମ୍॑ଶତିଶ୍ଚ) (ଅ. 7)
ସଂ॒ଵଁ॒ଥ୍ସ॒ରାୟ॑ ଦୀକ୍ଷି॒ଷ୍ୟମା॑ଣା ଏକାଷ୍ଟ॒କାୟା᳚-ନ୍ଦୀକ୍ଷେରନ୍ନେ॒ଷା ଵୈ ସଂ॑ଵଁଥ୍ସ॒ରସ୍ୟ॒ ପତ୍ନୀ॒ ୟଦେ॑କାଷ୍ଟ॒କୈତସ୍ୟାଂ॒-ଵାଁ ଏ॒ଷ ଏ॒ତାଗ୍ମ୍ ରାତ୍ରିଂ॑-ଵଁସତି ସା॒କ୍ଷାଦେ॒ଵ ସଂ॑ଵଁଥ୍ସ॒ରମା॒ରଭ୍ୟ॑ ଦୀକ୍ଷନ୍ତ॒ ଆର୍ତଂ॒-ଵାଁ ଏ॒ତେ ସଂ॑ଵଁଥ୍ସ॒ରସ୍ୟା॒ଭି ଦୀ᳚କ୍ଷନ୍ତେ॒ ୟ ଏ॑କାଷ୍ଟ॒କାୟା॒-ନ୍ଦୀକ୍ଷ॒ନ୍ତେ ଽନ୍ତ॑ନାମାନାଵୃ॒ତୂ ଭ॑ଵତୋ॒ ଵ୍ୟ॑ସ୍ତଂ॒-ଵାଁ ଏ॒ତେ ସଂ॑ଵଁଥ୍ସ॒ରସ୍ୟା॒-ଽଭି ଦୀ᳚କ୍ଷନ୍ତେ॒ ୟ ଏ॑କାଷ୍ଟ॒କାୟା॒-ନ୍ଦୀକ୍ଷ॒ନ୍ତେ-ଽନ୍ତ॑ନାମାନାଵୃ॒ତୂ ଭ॑ଵତଃ ଫଲ୍ଗୁନୀ ପୂର୍ଣମା॒ସେ ଦୀ᳚କ୍ଷେର॒-ନ୍ମୁଖଂ॒-ଵାଁ ଏ॒ତ- [ଏ॒ତତ୍, ସଂ॒ଵଁ॒ଥ୍ସ॒ରସ୍ୟ॒ ୟ-ତ୍ଫ॑ଲ୍ଗୁନୀ-] 28
-ଥ୍ସଂ॑ଵଁଥ୍ସ॒ରସ୍ୟ॒ ୟ-ତ୍ଫ॑ଲ୍ଗୁନୀ-ପୂର୍ଣମା॒ସୋ ମୁ॑ଖ॒ତ ଏ॒ଵ ସଂ॑ଵଁଥ୍ସ॒ରମା॒ରଭ୍ୟ॑ ଦୀକ୍ଷନ୍ତେ॒ ତସ୍ୟୈକୈ॒ଵ ନି॒ର୍ୟା ୟ-ଥ୍ସାମ୍ମେ᳚ଘ୍ୟେ ଵିଷୂ॒ଵାନ୍-ଥ୍ସ॒ପନ୍ଦ୍ୟ॑ତେ ଚିତ୍ରାପୂର୍ଣମା॒ସେ ଦୀ᳚କ୍ଷେର॒-ନ୍ମୁଖଂ॒-ଵାଁ ଏ॒ତ-ଥ୍ସଂ॑ଵଁଥ୍ସ॒ରସ୍ୟ॒ ୟଚ୍ଚି॑ତ୍ରାପୂର୍ଣମା॒ସୋ ମୁ॑ଖ॒ତ ଏ॒ଵ ସଂ॑ଵଁଥ୍ସ॒ରମା॒ରଭ୍ୟ॑ ଦୀକ୍ଷନ୍ତେ॒ ତସ୍ୟ॒ ନ କା ଚ॒ନ ନି॒ର୍ୟା ଭ॑ଵତି ଚତୁର॒ହେ ପୁ॒ରସ୍ତା᳚-ତ୍ପୌର୍ଣମା॒ସ୍ୟୈ ଦୀ᳚କ୍ଷେର॒-ନ୍ତେଷା॑ମେକାଷ୍ଟ॒କାୟା᳚-ଙ୍କ୍ର॒ୟ-ସ୍ସ-ମ୍ପ॑ଦ୍ୟତେ॒ ତେନୈ॑କାଷ୍ଟ॒କା-ନ୍ନ ଛ॒ମ୍ବ-ଟ୍କୁ॑ର୍ଵନ୍ତି॒ ତେଷା᳚- [ତେଷା᳚ମ୍, ପୂ॒ର୍ଵ॒ପ॒କ୍ଷେ ସୁ॒ତ୍ୟା] 29
-ମ୍ପୂର୍ଵପ॒କ୍ଷେ ସୁ॒ତ୍ୟା ସ-ମ୍ପ॑ଦ୍ୟତେ ପୂର୍ଵପ॒କ୍ଷ-ମ୍ମାସା॑ ଅ॒ଭି ସ-ମ୍ପ॑ଦ୍ୟନ୍ତେ॒ ତେ ପୂ᳚ର୍ଵପ॒କ୍ଷ ଉ-ତ୍ତି॑ଷ୍ଠନ୍ତି॒ ତାନୁ॒ତ୍ତିଷ୍ଠ॑ତ॒ ଓଷ॑ଧୟୋ॒ ଵନ॒ସ୍ପତ॒ୟୋ-ଽନୂ-ତ୍ତି॑ଷ୍ଠନ୍ତି॒ ତାନ୍ କ॑ଲ୍ୟା॒ଣୀ କୀ॒ର୍ତିରନୂ-ତ୍ତି॑ଷ୍ଠ॒ତ୍ୟରା᳚-ଥ୍ସୁରି॒ମେ ୟଜ॑ମାନା॒ ଇତି॒ ତଦନୁ॒ ସର୍ଵେ॑ ରାଦ୍ଧ୍ନୁଵନ୍ତି ॥ 30 ॥
(ଏ॒ତ – ଚ୍ଛ॒ବଣ୍ଟ୍କୁ॑ର୍ଵନ୍ତି॒ ତେଷାଂ॒ – ଚତୁ॑ସ୍ତ୍ରିଗ୍ମ୍ଶଚ୍ଚ) (ଅ. 8)
ସୁ॒ଵ॒ର୍ଗଂ-ଵାଁ ଏ॒ତେ ଲୋ॒କଂ-ୟଁ॑ନ୍ତି॒ ୟେ ସ॒ତ୍ରମୁ॑ପ॒ୟନ୍ତ୍ୟ॒ଭୀନ୍ଧ॑ତ ଏ॒ଵ ଦୀ॒କ୍ଷାଭି॑ରା॒ତ୍ମାନଗ୍ଗ୍॑ ଶ୍ରପୟନ୍ତ ଉପ॒ସଦ୍ଭି॒-ର୍ଦ୍ଵାଭ୍ୟାଂ॒-ଲୋଁମାଵ॑ ଦ୍ୟନ୍ତି॒ ଦ୍ଵାଭ୍ୟା॒-ନ୍ତ୍ଵଚ॒-ନ୍ଦ୍ଵାଭ୍ୟା॒ମସୃ॒-ଦ୍ଦ୍ଵାଭ୍ୟା᳚-ମ୍ମା॒ଗ୍ମ୍॒ସ-ନ୍ଦ୍ଵାଭ୍ୟା॒ମସ୍ଥି॒ ଦ୍ଵାଭ୍ୟା᳚-ମ୍ମ॒ଜ୍ଜାନ॑ମା॒ତ୍ମଦ॑କ୍ଷିଣଂ॒-ଵୈଁ ସ॒ତ୍ରମା॒ତ୍ମାନ॑ମେ॒ଵ ଦକ୍ଷି॑ଣା-ନ୍ନୀ॒ତ୍ଵା ସୁ॑ଵ॒ର୍ଗଂ-ଲୋଁ॒କଂ-ୟଁ॑ନ୍ତି॒ ଶିଖା॒ମନୁ॒ ପ୍ର ଵ॑ପନ୍ତ॒ ଋଦ୍ଧ୍ୟା॒ ଅଥୋ॒ ରଘୀ॑ୟାଗ୍ମ୍ସ-ସ୍ସୁଵ॒ର୍ଗଂ-ଲୋଁ॒କମ॑ୟା॒ମେତି॑ ॥ 31 ॥
(ସୁ॒ଵ॒ର୍ଗଂ – ପ॑ଞ୍ଚା॒ଶତ୍) (ଅ. 9)
ବ୍ର॒ହ୍ମ॒ଵା॒ଦିନୋ॑ ଵଦନ୍ତ୍ୟତିରା॒ତ୍ରଃ ପ॑ର॒ମୋ ୟ॑ଜ୍ଞକ୍ରତୂ॒ନା-ଙ୍କସ୍ମା॒-ତ୍ତ-ମ୍ପ୍ର॑ଥ॒ମମୁପ॑ ୟ॒ନ୍ତୀତ୍ୟେ॒ତଦ୍ଵା ଅ॑ଗ୍ନିଷ୍ଟୋ॒ମ-ମ୍ପ୍ର॑ଥ॒ମମୁପ॑ ୟ॒ନ୍ତ୍ୟଥୋ॒କ୍ଥ୍ୟ॑ମଥ॑ ଷୋଡ॒ଶିନ॒-ମଥା॑ତିରା॒ତ୍ର-ମ॑ନୁପୂ॒ର୍ଵମେ॒ଵୈତ-ଦ୍ୟ॑ଜ୍ଞକ୍ର॒ତୂନୁ॒ପେତ୍ୟ॒ ତାନା॒ଲଭ୍ୟ॑ ପରି॒ଗୃହ୍ୟ॒ ସୋମ॑ମେ॒ଵୈତ-ତ୍ପିବ॑ନ୍ତ ଆସତେ॒ ଜ୍ୟୋତି॑ଷ୍ଟୋମ-ମ୍ପ୍ରଥ॒ମମୁପ॑ ୟନ୍ତି॒ ଜ୍ୟୋତି॑ଷ୍ଟୋମୋ॒ ଵୈ ସ୍ତୋମା॑ନା॒-ମ୍ମୁଖ॑-ମ୍ମୁଖ॒ତ ଏ॒ଵ ସ୍ତୋମା॒-ନ୍ପ୍ର ୟୁ॑ଞ୍ଜତେ॒ ତେ [ ] 32
ସଗ୍ଗ୍ସ୍ତୁ॑ତା ଵି॒ରାଜ॑ମ॒ଭି ସ-ମ୍ପ॑ଦ୍ୟନ୍ତେ॒ ଦ୍ଵେ ଚର୍ଚା॒ଵତି॑ ରିଚ୍ୟେତେ॒ ଏକ॑ୟା॒ ଗୌରତି॑ରିକ୍ତ॒ ଏକ॒ୟା-ଽଽୟୁ॑ରୂ॒ନ-ସ୍ସୁ॑ଵ॒ର୍ଗୋ ଵୈ ଲୋ॒କୋ ଜ୍ୟୋତି॒ରୂର୍ଗ୍-ଵି॒ରାଟ୍-ଥ୍ସୁ॑ଵ॒ର୍ଗମେ॒ଵ ତେନ॑ ଲୋ॒କଂ-ୟଁ॑ନ୍ତି ରଥନ୍ତ॒ର-ନ୍ଦିଵା॒ ଭଵ॑ତି ରଥନ୍ତ॒ର-ନ୍ନକ୍ତ॒ମିତ୍ୟା॑ହୁ-ର୍ବ୍ରହ୍ମଵା॒ଦିନଃ॒ କେନ॒ ତଦଜା॒ମୀତି॑ ସୌଭ॒ର-ନ୍ତୃ॑ତୀୟସଵ॒ନେ ବ୍ର॑ହ୍ମସା॒ମ-ମ୍ବୃ॒ହ-ତ୍ତନ୍ମ॑ଦ୍ଧ୍ୟ॒ତୋ ଦ॑ଧତି॒ ଵିଧୃ॑ତ୍ୟୈ॒ ତେନାଜା॑ମି ॥ 33 ॥
(ତ – ଏକା॒ନ୍ନପ॑ଞ୍ଚା॒ଶଚ୍ଚ॑) (ଅ. 10)
ଜ୍ୟୋତି॑ଷ୍ଟୋମ-ମ୍ପ୍ରଥ॒ମମୁପ॑ ୟନ୍ତ୍ୟ॒ସ୍ମିନ୍ନେ॒ଵ ତେନ॑ ଲୋ॒କେ ପ୍ରତି॑ ତିଷ୍ଠନ୍ତି॒ ଗୋଷ୍ଟୋ॑ମ-ନ୍ଦ୍ଵି॒ତୀୟ॒ମୁପ॑ ୟନ୍ତ୍ୟ॒ନ୍ତରି॑କ୍ଷ ଏ॒ଵ ତେନ॒ ପ୍ରତି॑ ତିଷ୍ଠ॒ନ୍ତ୍ୟାୟୁ॑ଷ୍ଟୋମ-ନ୍ତୃ॒ତୀୟ॒ମୁପ॑ ୟନ୍ତ୍ୟ॒ମୁଷ୍ମି॑ନ୍ନେ॒ଵ ତେନ॑ ଲୋ॒କେ ପ୍ରତି॑ ତିଷ୍ଠନ୍ତୀ॒ୟଂ-ଵାଁଵ ଜ୍ୟୋତି॑ର॒ନ୍ତରି॑କ୍ଷ॒-ଙ୍ଗୌର॒ସାଵାୟୁ॒-ର୍ୟଦେ॒ତାନ୍-ଥ୍ସ୍ତୋମା॑-ନୁପ॒ୟନ୍ତ୍ୟେ॒ଷ୍ଵେ॑ଵ ତଲ୍ଲୋ॒କେଷୁ॑ ସ॒ତ୍ରିଣଃ॑ ପ୍ରତି॒ ତିଷ୍ଠ॑ନ୍ତୋ ୟନ୍ତି॒ ତେ ସଗ୍ଗ୍ସ୍ତୁ॑ତା ଵି॒ରାଜ॑- [ଵି॒ରାଜ᳚ମ୍, ଅ॒ଭି ସମ୍ପ॑ଦ୍ୟନ୍ତେ॒ ଦ୍ଵେ] 34
-ମ॒ଭି ସମ୍ପ॑ଦ୍ୟନ୍ତେ॒ ଦ୍ଵେ ଚର୍ଚା॒ଵତି॑ ରିଚ୍ୟେତେ॒ ଏକ॑ୟା॒ ଗୌରତି॑ରିକ୍ତ॒ ଏକ॒ୟା-ଽଽୟୁ॑ରୂ॒ନ-ସ୍ସୁ॑ଵ॒ର୍ଗୋ ଵୈ ଲୋ॒କୋ ଜ୍ୟୋତି॒ରୂର୍ଗ୍-ଵି॒ରାଡୂର୍ଜ॑-ମେ॒ଵାଵ॑ ରୁନ୍ଧତେ॒ ତେ ନ କ୍ଷୁ॒ଧା ଽଽର୍ତି॒ମାର୍ଚ୍ଛ॒ନ୍ତ୍ୟକ୍ଷୋ॑ଧୁକା ଭଵନ୍ତି॒ କ୍ଷୁ-ଥ୍ସ॑ବାନ୍ଧା ଇଵ॒ ହି ସ॒ତ୍ରିଣୋ᳚ ଽଗ୍ନିଷ୍ଟୋ॒ମାଵ॒ଭିତଃ॑ ପ୍ର॒ଧୀ ତାଵୁ॒କ୍ଥ୍ୟା॑ ମଦ୍ଧ୍ୟେ॒ ନଭ୍ୟ॒-ନ୍ତ-ତ୍ତଦେ॒ତ-ତ୍ପ॑ରି॒ୟ-ଦ୍ଦେ॑ଵଚ॒କ୍ରଂ-ୟଁଦେ॒ତେନ॑ [-ୟଁଦେ॒ତେନ॑, ଷ॒ଡ॒ହେନ॒ ୟନ୍ତି॑] 35
ଷଡ॒ହେନ॒ ୟନ୍ତି॑ ଦେଵଚ॒କ୍ରମେ॒ଵ ସ॒ମାରୋ॑ହ॒ନ୍ତ୍ୟରି॑ଷ୍ଟ୍ୟୈ॒ ତେ ସ୍ଵ॒ସ୍ତି ସମ॑ଶ୍ଞୁଵତେ ଷଡ॒ହେନ॑ ୟନ୍ତି॒ ଷଡ୍ଵା ଋ॒ତଵ॑ ଋ॒ତୁଷ୍ଵେ॒ଵ ପ୍ରତି॑ ତିଷ୍ଠନ୍ତ୍ୟୁଭ॒ୟତୋ᳚ ଜ୍ୟୋତିଷା ୟନ୍ତ୍ୟୁଭ॒ୟତ॑ ଏ॒ଵ ସୁ॑ଵ॒ର୍ଗେ ଲୋ॒କେ ପ୍ର॑ତି॒ତିଷ୍ଠ॑ନ୍ତୋ ୟନ୍ତି॒ ଦ୍ଵୌ ଷ॑ଡ॒ହୌ ଭ॑ଵତ॒ସ୍ତାନି॒ ଦ୍ଵାଦ॒ଶାହା॑ନି॒ ସ-ମ୍ପ॑ଦ୍ୟନ୍ତେ ଦ୍ଵାଦ॒ଶୋ ଵୈ ପୁରୁ॑ଷୋ॒ ଦ୍ଵେ ସ॒କ୍ଥ୍ୟୌ᳚ ଦ୍ଵୌ ବା॒ହୂ ଆ॒ତ୍ମା ଚ॒ ଶିର॑ଶ୍ଚ ଚ॒ତ୍ଵାର୍ୟଙ୍ଗା॑ନି॒ ସ୍ତନୌ᳚ ଦ୍ଵାଦ॒ଶୌ [ ] 36
ତ-ତ୍ପୁରୁ॑ଷ॒ମନୁ॑ ପ॒ର୍ୟାଵ॑ର୍ତନ୍ତେ॒ ତ୍ରୟ॑-ଷ୍ଷଡ॒ହା ଭ॑ଵନ୍ତି॒ ତାନ୍ୟ॒ଷ୍ଟାଦ॒ଶାହା॑ନି॒ ସ-ମ୍ପ॑ଦ୍ୟନ୍ତେ॒ ନଵା॒ନ୍ୟାନି॒ ନଵା॒ନ୍ୟାନି॒ ନଵ॒ ଵୈ ପୁରୁ॑ଷେ ପ୍ରା॒ଣାସ୍ତ-ତ୍ପ୍ରା॒ଣାନନୁ॑ ପ॒ର୍ୟାଵ॑ର୍ତନ୍ତେ ଚ॒ତ୍ଵାର॑-ଷ୍ଷଡ॒ହା ଭ॑ଵନ୍ତି॒ ତାନି॒ ଚତୁ॑ର୍ଵିଗ୍ମ୍ଶତି॒ରହା॑ନି॒ ସ-ମ୍ପ॑ଦ୍ୟନ୍ତେ॒ ଚତୁ॑ର୍ଵିଗ୍ମ୍ଶତିରର୍ଧମା॒ସା-ସ୍ସଂ॑ଵଁଥ୍ସ॒ରସ୍ତ-ଥ୍ସଂ॑ଵଁଥ୍ସ॒ରମନୁ॑ ପ॒ର୍ୟାଵ॑ର୍ତ॒ନ୍ତେ ଽପ୍ର॑ତିଷ୍ଠିତ-ସ୍ସଂଵଁଥ୍ସ॒ର ଇତି॒ ଖଲୁ॒ ଵା ଆ॑ହୁ॒ର୍ଵର୍ଷୀ॑ୟା-ନ୍ପ୍ରତି॒ଷ୍ଠାୟା॒ ଇତ୍ୟେ॒ତାଵ॒ଦ୍ଵୈ ସଂ॑ଵଁଥ୍ସ॒ରସ୍ୟ॒ ବ୍ରାହ୍ମ॑ଣଂ॒-ୟାଁଵ॑ନ୍ମା॒ସୋ ମା॒ସିମା᳚ସ୍ୟେ॒ଵ ପ୍ର॑ତି॒ତିଷ୍ଠ॑ନ୍ତୋ ୟନ୍ତି ॥ 37 ॥
(ଵି॒ରାଜ॑ – ମେ॒ତେନ॑ – ଦ୍ଵାଦ॒ଶା – ଵେ॒ତାଵ॒ଦ୍ଵା – ଅ॒ଷ୍ଟୌ ଚ॑) (ଅ. 11)
ମେ॒ଷସ୍ତ୍ଵା॑ ପଚ॒ତୈର॑ଵତୁ॒ ଲୋହି॑ତଗ୍ରୀଵ॒-ଶ୍ଛାଗୈ᳚-ଶ୍ଶଲ୍ମ॒ଲିର୍ଵୃଦ୍ଧ୍ୟା॑ ପ॒ର୍ଣୋ ବ୍ରହ୍ମ॑ଣା ପ୍ଲ॒କ୍ଷୋ ମେଧେ॑ନ ନ୍ୟ॒ଗ୍ରୋଧ॑ଶ୍ଚମ॒ସୈରୁ॑ଦୁ॒ବଂର॑ ଊ॒ର୍ଜା ଗା॑ୟ॒ତ୍ରୀ ଛନ୍ଦୋ॑ଭିସ୍ତ୍ରି॒ଵୃ-ଥ୍ସ୍ତୋମୈ॒ରଵ॑ନ୍ତୀ॒-ସ୍ସ୍ଥାଵ॑ନ୍ତୀସ୍ତ୍ଵା-ଽଵନ୍ତୁ ପ୍ରି॒ୟ-ନ୍ତ୍ଵା᳚ ପ୍ରି॒ୟାଣାଂ॒-ଵଁର୍ଷି॑ଷ୍ଠ॒ମାପ୍ୟା॑ନା-ନ୍ନିଧୀ॒ନା-ନ୍ତ୍ଵା॑ ନିଧି॒ପତିଗ୍ମ୍॑ ହଵାମହେ ଵସୋ ମମ ॥ 38 ॥
(ମେ॒ଷଃ – ଷ-ଟ୍ତ୍ରିଗ୍ମ୍॑ଶତ୍) (ଅ. 12)
କୂପ୍ୟା᳚ଭ୍ୟ॒-ସ୍ସ୍ଵାହା॒ କୂଲ୍ୟା᳚ଭ୍ୟ॒-ସ୍ସ୍ଵାହା॑ ଵିକ॒ର୍ୟା᳚ଭ୍ୟ॒-ସ୍ସ୍ଵାହା॑ ଽଵ॒ଟ୍ୟା᳚ଭ୍ୟ॒-ସ୍ସ୍ଵାହା॒ ଖନ୍ୟା᳚ଭ୍ୟ॒-ସ୍ସ୍ଵାହା॒ ହ୍ରଦ୍ୟା᳚ଭ୍ୟ॒-ସ୍ସ୍ଵାହା॒ ସୂଦ୍ୟା᳚ଭ୍ୟ॒-ସ୍ସ୍ଵାହା॑ ସର॒ସ୍ୟା᳚ଭ୍ୟ॒-ସ୍ସ୍ଵାହା॑ ଵୈଶ॒ନ୍ତୀଭ୍ୟ॒-ସ୍ସ୍ଵାହା॑ ପଲ୍ଵ॒ଲ୍ୟା᳚ଭ୍ୟ॒-ସ୍ସ୍ଵାହା॒ ଵର୍ଷ୍ୟା᳚ଭ୍ୟ॒-ସ୍ସ୍ଵାହା॑ ଽଵ॒ର୍ଷ୍ୟାଭ୍ୟ॒-ସ୍ସ୍ଵାହା᳚ ହ୍ରା॒ଦୁନୀ᳚ଭ୍ୟ॒-ସ୍ସ୍ଵାହା॒ ପୃଷ୍ଵା᳚ଭ୍ୟ॒-ସ୍ସ୍ଵାହା॒ ସ୍ୟନ୍ଦ॑ମାନାଭ୍ୟ॒-ସ୍ସ୍ଵାହା᳚ ସ୍ଥାଵ॒ରାଭ୍ୟ॒-ସ୍ସ୍ଵାହା॑ ନାଦେ॒ୟୀଭ୍ୟ॒-ସ୍ସ୍ଵାହା॑ ସୈନ୍ଧ॒ଵୀଭ୍ୟ॒-ସ୍ସ୍ଵାହା॑ ସମୁ॒ଦ୍ରିୟା᳚ଭ୍ୟ॒-ସ୍ସ୍ଵାହା॒ ସର୍ଵା᳚ଭ୍ୟ॒-ସ୍ସ୍ଵାହା᳚ ॥ 39 ॥
(କୂପ୍ୟା᳚ଭ୍ୟ – ଶ୍ଚତ୍ଵାରି॒ଗ୍ମ୍॒ଶତ୍) (ଅ. 13)
ଅ॒ଦ୍ଭ୍ୟ-ସ୍ସ୍ଵାହା॒ ଵହ॑ନ୍ତୀଭ୍ୟ॒-ସ୍ସ୍ଵାହା॑ ପରି॒ଵହ॑ନ୍ତୀଭ୍ୟ॒-ସ୍ସ୍ଵାହା॑ ସମ॒ନ୍ତଂ-ଵଁହ॑ନ୍ତୀଭ୍ୟ॒-ସ୍ସ୍ଵାହା॒ ଶୀଘ୍ରଂ॒-ଵଁହ॑ନ୍ତୀଭ୍ୟ॒-ସ୍ସ୍ଵାହା॒ ଶୀଭଂ॒-ଵଁହ॑ନ୍ତୀଭ୍ୟ॒-ସ୍ସ୍ଵାହୋ॒ଗ୍ରଂ-ଵଁହ॑ନ୍ତୀଭ୍ୟ॒-ସ୍ସ୍ଵାହା॑ ଭୀ॒ମଂ-ଵଁହ॑ନ୍ତୀଭ୍ୟ॒-ସ୍ସ୍ଵାହା-ଽମ୍ଭୋ᳚ଭ୍ୟ॒-ସ୍ସ୍ଵାହା॒ ନଭୋ᳚ଭ୍ୟ॒-ସ୍ସ୍ଵାହା॒ ମହୋ᳚ଭ୍ୟ॒-ସ୍ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 40 ॥
(ଅ॒ଦ୍ଭ୍ୟ – ଏକା॒ନ୍ନତ୍ରି॒ଗ୍ମ୍॒ଶତ୍) (ଅ. 14)
ୟୋ ଅର୍ଵ॑ନ୍ତ॒-ଞ୍ଜିଘାଗ୍ମ୍॑ସତି॒ ତମ॒ଭ୍ୟ॑ମୀତି॒ ଵରୁ॑ଣଃ ॥ ପ॒ରୋ ମର୍ତଃ॑ ପ॒ର-ଶ୍ଶ୍ଵା ॥ ଅ॒ହ-ଞ୍ଚ॒ ତ୍ଵ-ଞ୍ଚ॑ ଵୃତ୍ରହ॒ନ୍ଥ୍ସ-ମ୍ବ॑ଭୂଵ ସ॒ନିଭ୍ୟ॒ ଆ । ଅ॒ରା॒ତୀ॒ଵା ଚି॑ଦଦ୍ରି॒ଵୋ-ଽନୁ॑ ନୌ ଶୂର ମଗ୍ମ୍ସତୈ ଭ॒ଦ୍ରା ଇନ୍ଦ୍ର॑ସ୍ୟ ରା॒ତୟଃ॑ ॥ ଅ॒ଭି କ୍ରତ୍ଵେ᳚ନ୍ଦ୍ର ଭୂ॒ରଧ॒ ଜ୍ମନ୍ନ ତେ॑ ଵିଵ୍ୟମ୍ମହି॒ମାନ॒ଗ୍ମ୍॒ ରଜାଗ୍ମ୍॑ସି । ସ୍ଵେନା॒ ହି ଵୃ॒ତ୍ରଗ୍ମ୍ ଶଵ॑ସା ଜ॒ଘନ୍ଥ॒ ନ ଶତ୍ରୁ॒ରନ୍ତଂ॑-ଵିଁଵିଦ-ଦ୍ୟୁ॒ଧା ତେ᳚ ॥ 41 ॥
(ଵି॒ଵି॒ଦ॒-ଦ୍- ଦ୍ଵେ ଚ॑) (ଅ. 15)
ନମୋ॒ ରାଜ୍ଞେ॒ ନମୋ॒ ଵରୁ॑ଣାୟ॒ ନମୋ-ଽଶ୍ଵା॑ୟ॒ ନମଃ॑ ପ୍ର॒ଜାପ॑ତୟେ॒ ନମୋ-ଽଧି॑ପତ॒ୟେ ଽଧି॑ପତିର॒ସ୍ୟଧି॑ପତି-ମ୍ମା କୁ॒ର୍ଵଧି॑ପତିର॒ହ-ମ୍ପ୍ର॒ଜାନା᳚-ମ୍ଭୂୟାସ॒-ମ୍ମା-ନ୍ଧେ॑ହି॒ ମୟି॑ ଧେହ୍ୟୁ॒ପାକୃ॑ତାୟ॒ ସ୍ଵାହା ଽଽଲ॑ବ୍ଧାୟ॒ ସ୍ଵାହା॑ ହୁ॒ତାୟ॒ ସ୍ଵାହା᳚ ॥ 42 ॥
(ନମ॒ – ଏକା॒ନ୍ନ ତ୍ରି॒ଗ୍ମ୍॒ଶତ୍) (ଅ. 16)
ମ॒ୟୋ॒ଭୂର୍ଵାତୋ॑ ଅ॒ଭି ଵା॑ତୂ॒ସ୍ରା ଊର୍ଜ॑ସ୍ଵତୀ॒ରୋଷ॑ଧୀ॒ରା ରି॑ଶନ୍ତାମ୍ । ପୀଵ॑ସ୍ଵତୀର୍ଜୀ॒ଵଧ॑ନ୍ୟାଃ ପିବନ୍ତ୍ଵଵ॒ସାୟ॑ ପ॒ଦ୍ଵତେ॑ ରୁଦ୍ର ମୃଡ ॥ ୟା-ସ୍ସରୂ॑ପା॒ ଵିରୂ॑ପା॒ ଏକ॑ରୂପା॒ ୟାସା॑ମ॒ଗ୍ନିରିଷ୍ଟ୍ୟା॒ ନାମା॑ନି॒ ଵେଦ॑ । ୟା ଅଙ୍ଗି॑ରସ॒ସ୍ତପ॑ସେ॒ହ ଚ॒କ୍ରୁସ୍ତାଭ୍ୟଃ॑ ପର୍ଜନ୍ୟ॒ ମହି॒ ଶର୍ମ॑ ୟଚ୍ଛ ॥ ୟା ଦେ॒ଵେଷୁ॑ ତ॒ନୁଵ॒ମୈର॑ୟନ୍ତ॒ ୟାସା॒ଗ୍ମ୍॒ ସୋମୋ॒ ଵିଶ୍ଵା॑ ରୂ॒ପାଣି॒ ଵେଦ॑ । ତା ଅ॒ସ୍ମଭ୍ୟ॒-ମ୍ପୟ॑ସା॒ ପିନ୍ଵ॑ମାନାଃ ପ୍ର॒ଜାଵ॑ତୀରିନ୍ଦ୍ର [ ] 43
ଗୋ॒ଷ୍ଠେ ରି॑ରୀହି ॥ ପ୍ର॒ଜାପ॑ତି॒ର୍ମହ୍ୟ॑ମେ॒ତା ରରା॑ଣୋ॒ ଵିଶ୍ଵୈ᳚ର୍ଦେ॒ଵୈଃ ପି॒ତୃଭି॑-ସ୍ସଂଵିଁଦା॒ନଃ । ଶି॒ଵା-ସ୍ସ॒ତୀରୁପ॑ ନୋ ଗୋ॒ଷ୍ଠମା-ଽକ॒ସ୍ତାସାଂ᳚-ଵଁ॒ୟ-ମ୍ପ୍ର॒ଜୟା॒ ସଗ୍ମ୍ ସ॑ଦେମ ॥ ଇ॒ହ ଧୃତି॒-ସ୍ସ୍ଵାହେ॒ହ ଵିଧୃ॑ତି॒-ସ୍ସ୍ଵାହେ॒ହ ରନ୍ତି॒-ସ୍ସ୍ଵାହେ॒ହ ରମ॑ତି॒-ସ୍ସ୍ଵାହା॑ ମ॒ହୀମୂ॒ ଷୁ1 ସୁ॒ତ୍ରାମା॑ଣଂ2 ॥ 44 ॥
(ଇ॒ନ୍ଦ୍ରା॒ – ଷ୍ଟାତ୍ରିଗ୍ମ୍॑ଶଚ୍ଚ) (ଅ. 17)
କିଗ୍ଗ୍ ସ୍ଵି॑ଦାସୀ-ତ୍ପୂ॒ର୍ଵଚି॑ତ୍ତିଃ॒ କିଗ୍ଗ୍ ସ୍ଵି॑ଦାସୀ-ଦ୍ବୃ॒ହଦ୍ଵୟଃ॑ । କିଗ୍ଗ୍ ସ୍ଵି॑ଦାସୀ-ତ୍ପିଶଙ୍ଗି॒ଲା କିଗ୍ଗ୍ ସ୍ଵି॑ଦାସୀ-ତ୍ପିଲିପ୍ପି॒ଲା ॥ ଦ୍ୟୌରା॑ସୀ-ତ୍ପୂ॒ର୍ଵଚି॑ତ୍ତି॒ରଶ୍ଵ॑ ଆସୀ-ଦ୍ବୃ॒ହଦ୍ଵୟଃ॑ । ରାତ୍ରି॑ରାସୀ-ତ୍ପିଶଙ୍ଗି॒ଲା ଽଵି॑ରାସୀ-ତ୍ପିଲିପ୍ପି॒ଲା ॥ କ-ସ୍ସ୍ଵି॑ଦେକା॒କୀ ଚ॑ରତି॒ କ ଉ॑ ସ୍ଵିଜ୍ଜାୟତେ॒ ପୁନଃ॑ । କିଗ୍ଗ୍ ସ୍ଵି॑ଦ୍ଧି॒ମସ୍ୟ॑ ଭେଷ॒ଜ-ଙ୍କିଗ୍ଗ୍ ସ୍ଵି॑ଦା॒ଵପ॑ନ-ମ୍ମ॒ହତ୍ ॥ ସୂର୍ୟ॑ ଏକା॒କୀ ଚ॑ରତି [ ] 45
ଚ॒ନ୍ଦ୍ରମା॑ ଜାୟତେ॒ ପୁନଃ॑ । ଅ॒ଗ୍ନିର୍-ହି॒ମସ୍ୟ॑ ଭେଷ॒ଜ-ମ୍ଭୂମି॑ରା॒ଵପ॑ନ-ମ୍ମ॒ହତ୍ ॥ ପୃ॒ଚ୍ଛାମି॑ ତ୍ଵା॒ ପର॒ମନ୍ତ॑-ମ୍ପୃଥି॒ଵ୍ୟାଃ ପୃ॒ଚ୍ଛାମି॑ ତ୍ଵା॒ ଭୁଵ॑ନସ୍ୟ॒ ନାଭି᳚ମ୍ । ପୃ॒ଚ୍ଛାମି॑ ତ୍ଵା॒ ଵୃଷ୍ଣୋ॒ ଅଶ୍ଵ॑ସ୍ୟ॒ ରେତଃ॑ ପୃ॒ଚ୍ଛାମି॑ ଵା॒ଚଃ ପ॑ର॒ମଂ-ଵ୍ୟୋଁ॑ମ ॥ ଵେଦି॑ମାହୁଃ॒ ପର॒ମନ୍ତ॑-ମ୍ପୃଥି॒ଵ୍ୟା ୟ॒ଜ୍ଞମା॑ହୁ॒ ର୍ଭୁଵ॑ନସ୍ୟ॒ ନାଭି᳚ମ୍ । ସୋମ॑ମାହୁ॒ର୍ଵୃଷ୍ଣୋ॒ ଅଶ୍ଵ॑ସ୍ୟ॒ ରେତୋ॒ ବ୍ରହ୍ମୈ॒ଵ ଵା॒ଚଃ ପ॑ର॒ମଂ-ଵ୍ୟୋଁ॑ମ ॥ 46 ॥
(ସୂର୍ୟ॑ ଏକା॒କୀ ଚ॑ରତି॒ – ଷଟ୍ଚ॑ତ୍ଵାରିଗ୍ମ୍ଶଚ୍ଚ) (ଅ. 18)
ଅବେଂ॒ ଅବାଂ॒ଲ୍ୟମ୍ବି॑କେ॒ ନ ମା॑ ନୟତି॒ କଶ୍ଚ॒ନ । ସ॒ସସ୍ତ୍ୟ॑ଶ୍ଵ॒କଃ ॥ ସୁଭ॑ଗେ॒ କାମ୍ପୀ॑ଲଵାସିନି ସୁଵ॒ର୍ଗେ ଲୋ॒କେ ସ-ମ୍ପ୍ରୋର୍ଣ୍ଵା॑ଥାମ୍ । ଆ-ଽହମ॑ଜାନି ଗର୍ଭ॒ଧମା ତ୍ଵମ॑ଜାସି ଗର୍ଭ॒ଧମ୍ ॥ ତୌ ସ॒ହ ଚ॒ତୁରଃ॑ ପ॒ଦ-ସ୍ସ-ମ୍ପ୍ର ସା॑ରୟାଵହୈ ॥ ଵୃଷା॑ ଵାଗ୍ମ୍ ରେତୋ॒ଧା ରେତୋ॑ ଦଧା॒ତୂ-ଥ୍ସ॒କ୍ଥ୍ୟୋ᳚ର୍ଗୃ॒ଦ-ନ୍ଧେ᳚ହ୍ୟ॒ଞ୍ଜିମୁଦ॑ଞ୍ଜି॒ମନ୍ଵ॑ଜ । ୟ-ସ୍ସ୍ତ୍ରୀ॒ଣା-ଞ୍ଜୀ॑ଵ॒ଭୋଜ॑ନୋ॒ ୟ ଆ॑ସା- [ୟ ଆ॑ସାମ୍, ବି॒ଲ॒ଧାଵ॑ନଃ ।] 47
-ମ୍ବିଲ॒ଧାଵ॑ନଃ । ପ୍ରି॒ୟ-ସ୍ସ୍ତ୍ରୀ॒ଣାମ॑ପୀ॒ଚ୍ୟଃ॑ ॥ ୟ ଆ॑ସା-ଙ୍କୃ॒ଷ୍ଣେ ଲକ୍ଷ୍ମ॑ଣି॒ ସର୍ଦି॑ଗୃଦି-ମ୍ପ॒ରାଵ॑ଧୀତ୍ ॥ ଅବେଂ॒ ଅବାଂ॒ଲ୍ୟମ୍ବି॑କେ॒ ନ ମା॑ ୟଭତି॒ କଶ୍ଚ॒ନ । ସ॒ସସ୍ତ୍ୟ॑ଶ୍ଵ॒କଃ ॥ ଊ॒ର୍ଧ୍ଵା-ମେ॑ନା॒ମୁଚ୍ଛ୍ର॑ୟତା-ଦ୍ଵେଣୁଭା॒ର-ଙ୍ଗି॒ରାଵି॑ଵ । ଅଥା᳚ସ୍ୟା॒ ମଦ୍ଧ୍ୟ॑ମେଧତାଗ୍ମ୍ ଶୀ॒ତେ ଵାତେ॑ ପୁ॒ନନ୍ନି॑ଵ ॥ ଅବେଂ॒ ଅବାଂ॒ଲ୍ୟମ୍ବି॑କେ॒ ନ ମା॑ ୟଭତି॒ କଶ୍ଚ॒ନ । ସ॒ସସ୍ତ୍ୟ॑ଶ୍ଵ॒କଃ ॥ ୟଦ୍ଧ॑ରି॒ଣୀ ୟଵ॒ମତ୍ତି॒ ନ [ ] 48
ପୁ॒ଷ୍ଟ-ମ୍ପ॒ଶୁ ମ॑ନ୍ୟତେ । ଶୂ॒ଦ୍ରା ୟଦର୍ୟ॑ଜାରା॒ ନ ପୋଷା॑ୟ ଧନାୟତି ॥ ଅବେଂ॒ ଅବାଂ॒ଲ୍ୟମ୍ବି॑କେ॒ ନ ମା॑ ୟଭତି॒ କଶ୍ଚ॒ନ । ସ॒ସସ୍ତ୍ୟ॑ଶ୍ଵ॒କଃ ॥ ଇ॒ୟଂ-ୟଁ॒କା ଶ॑କୁନ୍ତି॒କା ଽଽହଲ॒ମିତି॒ ସର୍ପ॑ତି । ଆହ॑ତ-ଙ୍ଗ॒ଭେ ପସୋ॒ ନି ଜ॑ଲ୍ଗୁଲୀତି॒ ଧାଣି॑କା ॥ ଅବେଂ॒ ଅବାଂ॒ଲ୍ୟମ୍ବି॑କେ॒ ନ ମା॑ ୟଭତି॒ କଶ୍ଚ॒ନ । ସ॒ସସ୍ତ୍ୟ॑ଶ୍ଵ॒କଃ ॥ ମା॒ତା ଚ॑ ତେ ପି॒ତା ଚ॒ ତେ-ଽଗ୍ରଂ॑-ଵୃଁ॒କ୍ଷସ୍ୟ॑ ରୋହତଃ । 49
ପ୍ର ସୁ॑ଲା॒ମୀତି॑ ତେ ପି॒ତା ଗ॒ଭେ ମୁ॒ଷ୍ଟିମ॑ତଗ୍ମ୍ସୟତ୍ ॥ ଦ॒ଧି॒କ୍ରାଵ୍.ଣ୍ଣୋ॑ ଅକାରିଷ-ଞ୍ଜି॒ଷ୍ଣୋରଶ୍ଵ॑ସ୍ୟ ଵା॒ଜିନଃ॑ । ସୁର॒ଭି ନୋ॒ ମୁଖା॑ କର॒-ତ୍ପ୍ରଣ॒ ଆୟୂଗ୍ମ୍॑ଷି ତାରିଷତ୍ ॥ ଆପୋ॒ ହି ଷ୍ଠା ମ॑ୟୋ॒ଭୁଵ॒ସ୍ତା ନ॑ ଊ॒ର୍ଜେ ଦ॑ଧାତନ । ମ॒ହେରଣା॑ୟ॒ ଚକ୍ଷ॑ସେ ॥ ୟୋ ଵ॑-ଶ୍ଶି॒ଵତ॑ମୋ॒ ରସ॒ସ୍ତସ୍ୟ॑ ଭାଜୟତେ॒ହ ନଃ॑ । ଉ॒ଶ॒ତୀରି॑ଵ ମା॒ତରଃ॑ ॥ ତସ୍ମା॒ ଅର॑-ଙ୍ଗମାମ ଵୋ॒ ୟସ୍ୟ॒ କ୍ଷୟା॑ୟ॒ ଜିନ୍ଵ॑ଥ । ଆପୋ॑ ଜ॒ନୟ॑ଥା ଚ ନଃ ॥ 50 ॥
(ଆ॒ସା॒ – ମତ୍ତି॒ ନ – ରୋ॑ହତୋ॒ – ଜିନ୍ଵ॑ଥ – ଚ॒ତ୍ଵାରି॑ ଚ) (ଅ. 19)
ଭୂର୍ଭୁଵ॒-ସ୍ସୁଵ॒ର୍ଵସ॑ଵସ୍ତ୍ଵା ଽଞ୍ଜନ୍ତୁ ଗାୟ॒ତ୍ରେଣ॒ ଛନ୍ଦ॑ସା ରୁ॒ଦ୍ରାସ୍ତ୍ଵା᳚ ଽଞ୍ଜନ୍ତୁ॒ ତ୍ରୈଷ୍ଟୁ॑ଭେନ॒ ଛନ୍ଦ॑ସା, ଽଽଦି॒ତ୍ୟାସ୍ତ୍ଵା᳚-ଽଞ୍ଜନ୍ତୁ॒ ଜାଗ॑ତେନ॒ ଛନ୍ଦ॑ସା॒ ୟ-ଦ୍ଵାତୋ॑ ଅ॒ପୋ ଅଗ॑ମ॒ଦିନ୍ଦ୍ର॑ସ୍ୟ ତ॒ନୁଵ॑-ମ୍ପ୍ରି॒ୟାମ୍ । ଏ॒ତଗ୍ଗ୍ ସ୍ତୋ॑ତରେ॒ତେନ॑ ପ॒ଥା ପୁନ॒ରଶ୍ଵ॒ମା ଵ॑ର୍ତୟାସି ନଃ ॥ ଲାଜୀ(3)-ଞ୍ଛାଚୀ(3)ନ୍ ୟଶୋ॑ ମ॒ମା(4) । ୟ॒ଵ୍ୟାୟୈ॑ ଗ॒ଵ୍ୟାୟା॑ ଏ॒ତ-ଦ୍ଦେ॑ଵା॒ ଅନ୍ନ॑ମତ୍ତୈ॒ତଦନ୍ନ॑ମଦ୍ଧି ପ୍ରଜାପତେ ॥ ୟୁ॒ଞ୍ଜନ୍ତି॑ ବ୍ର॒ଦ୍ଧ୍ନ-ମ॑ରୁ॒ଷ-ଞ୍ଚର॑ନ୍ତ॒-ମ୍ପରି॑ ତ॒ସ୍ଥୁଷଃ॑ । ରୋଚ॑ନ୍ତେ ରୋଚ॒ନା ଦି॒ଵି ॥ ୟୁ॒ଞ୍ଜନ୍ତ୍ୟ॑ସ୍ୟ॒ କାମ୍ୟା॒ ହରୀ॒ ଵିପ॑କ୍ଷସା॒ ରଥେ᳚ । ଶୋଣା॑ ଧୃ॒ଷ୍ଣୂ ନୃ॒ଵାହ॑ସା ॥ କେ॒ତୁ-ଙ୍କୃ॒ଣ୍ଵନ୍ନ॑କେ॒ତଵେ॒ ପେଶୋ॑ ମର୍ୟା ଅପେ॒ଶସେ᳚ । ସମୁ॒ଷଦ୍ଭି॑ରଜାୟଥାଃ ॥ 51 ॥
(ବ୍ର॒ଦ୍ଧ୍ନଂ – ପଞ୍ଚ॑ଵିଗ୍ମ୍ଶତିଶ୍ଚ) (ଅ. 20)
ପ୍ରା॒ଣାୟ॒ ସ୍ଵାହା᳚ ଵ୍ୟା॒ନାୟ॒ ସ୍ଵାହା॑ ଽପା॒ନାୟ॒ ସ୍ଵାହା॒ ସ୍ନାଵ॑ଭ୍ୟ॒-ସ୍ସ୍ଵାହା॑ ସନ୍ତା॒ନେଭ୍ୟ॒-ସ୍ସ୍ଵାହା॒ ପରି॑ସନ୍ତାନେଭ୍ୟ॒-ସ୍ସ୍ଵାହା॒ ପର୍ଵ॑ଭ୍ୟ॒-ସ୍ସ୍ଵାହା॑ ସ॒ଧାନ୍ନେ᳚ଭ୍ୟ॒-ସ୍ସ୍ଵାହା॒ ଶରୀ॑ରେଭ୍ୟ॒-ସ୍ସ୍ଵାହା॑ ୟ॒ଜ୍ଞାୟ॒ ସ୍ଵାହା॒ ଦକ୍ଷି॑ଣାଭ୍ୟ॒-ସ୍ସ୍ଵାହା॑ ସୁଵ॒ର୍ଗାୟ॒ ସ୍ଵାହା॑ ଲୋ॒କାୟ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 52 ॥
(ପ୍ରା॒ଣାୟା॒ – ଷ୍ଟାଵିଗ୍ମ୍॑ଶତିଃ) (ଅ. 21)
ସି॒ତାୟ॒ ସ୍ଵାହା ଽସି॑ତାୟ॒ ସ୍ଵାହା॒ ଽଭିହି॑ତାୟ॒ ସ୍ଵାହା ଽନ॑ଭିହିତାୟ॒ ସ୍ଵାହା॑ ୟୁ॒କ୍ତାୟ॒ ସ୍ଵାହା ଽୟୁ॑କ୍ତାୟ॒ ସ୍ଵାହା॒ ସୁୟୁ॑କ୍ତାୟ॒ ସ୍ଵାହୋ -ଦ୍ୟୁ॑କ୍ତାୟ॒ ସ୍ଵାହା॒ ଵିମୁ॑କ୍ତାୟ॒ ସ୍ଵାହା॒ ପ୍ରମୁ॑କ୍ତାୟ॒ ସ୍ଵାହା॒ ଵଞ୍ଚ॑ତେ॒ ସ୍ଵାହା॑ ପରି॒ଵଞ୍ଚ॑ତେ॒ ସ୍ଵାହା॑ ସଂ॒ଵଁଞ୍ଚ॑ତେ॒ ସ୍ଵାହା॑ ଽନୁ॒ଵଞ୍ଚ॑ତେ॒ ସ୍ଵାହୋ॒–ଦ୍ଵଞ୍ଚ॑ତେ॒ ସ୍ଵାହା॑ ୟ॒ତେ ସ୍ଵାହା॒ ଧାଵ॑ତେ॒ ସ୍ଵାହା॒ ତିଷ୍ଠ॑ତେ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 53 ॥
(ସି॒ତାୟା॒ – ଷ୍ଟାତ୍ରିଗ୍ମ୍॑ଶତ୍) (ଅ. 22)
(ବୃହ॒ସ୍ପତି॒-ଶ୍ଶ୍ର–ଦ୍ୟ॒ଥା ଵା – ଋ॒କ୍ଷା ଵୈ – ପ୍ର॒ଜାପ॑ତି॒ର୍ୟେନ॑ୟେନ॒ – ଦ୍ଵେ ଵାଵ ଦେ॑ଵସ॒ତ୍ରେ – ଆ॑ଦି॒ତ୍ୟା ଅ॑କାମୟନ୍ତ ସୁଵ॒ର୍ଗଂ – ଵଁସି॑ଷ୍ଠଃ – ସଂଵଁଥ୍ସ॒ରାୟ॑ -ସୁର୍ଵ॒ର୍ଗଂ-ୟେଁ ସ॒ତ୍ରଂ – ବ୍ର॑ହ୍ମଵା॒ଦିନୋ॑-ଽତିରା॒ତ୍ରୋ – ଜ୍ୟୋତି॑ଷ୍ଟୋମଂ – ମେ॒ଷଃ – କୂପ୍ୟା᳚ଭ୍ୟୋ॒ – ଽଦ୍ଭ୍ୟୋ – ୟୋ – ନମୋ॑ – ମୟୋ॒ଭୂଃ – କିଗ୍ଗ୍ ସ୍ଵି॒ଦ – ମ୍ବେ॒ – ଭୂଃ – ପ୍ରା॒ଣାୟ॑ – ସି॒ତାୟ॒ – ଦ୍ଵାଵିଗ୍ମ୍॑ଶତିଃ)
(ବୃହ॒ସ୍ପତିଃ॒ – ପ୍ରତି॑ ତିଷ୍ଠନ୍ତି॒ – ଵୈ ଦ॑ଶରା॒ତ୍ରେଣ॑ – ସୁଵ॒ର୍ଗଂ – ୟୋଁ ଅର୍ଵ॑ନ୍ତଂ॒ – ଭୂ – ସ୍ତ୍ରିପ॑ଞ୍ଚା॒ଶତ୍)
(ବୃହ॒ସ୍ପତି॒, ସ୍ସର୍ଵ॑ସ୍ମୈ॒ ସ୍ଵାହା᳚)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟାଂ ସପ୍ତମକାଣ୍ଡେ ଚତୁର୍ଥଃ ପ୍ରଶ୍ନ-ସ୍ସମାପ୍ତଃ ॥