॥ ਚਤੁਰ੍ਥਃ ਸਰ੍ਗਃ ॥
॥ ਸ੍ਨਿਗ੍ਧਮਧੁਸੂਦਨਃ ॥
ਯਮੁਨਾਤੀਰਵਾਨੀਰਨਿਕੁਂਜੇ ਮਂਦਮਾਸ੍ਥਿਤਮ੍ ।
ਪ੍ਰਾਹ ਪ੍ਰੇਮਭਰੋਦ੍ਭ੍ਰਾਂਤਂ ਮਾਧਵਂ ਰਾਧਿਕਾਸਖੀ ॥ 25 ॥
॥ ਗੀਤਂ 8 ॥
ਨਿਂਦਤਿ ਚਂਦਨਮਿਂਦੁਕਿਰਣਮਨੁ ਵਿਂਦਤਿ ਖੇਦਮਧੀਰਮ੍ ।
ਵ੍ਯਾਲਨਿਲਯਮਿਲਨੇਨ ਗਰਲਮਿਵ ਕਲਯਤਿ ਮਲਯਸਮੀਰਮ੍ ॥
ਸਾ ਵਿਰਹੇ ਤਵ ਦੀਨਾ ਮਾਧਵ ਮਨਸਿਜਵਿਸ਼ਿਖਭਯਾਦਿਵ ਭਾਵਨਯਾ ਤ੍ਵਯਿ ਲੀਨਾ ॥ 1 ॥
ਅਵਿਰਲਨਿਪਤਿਤਮਦਨਸ਼ਰਾਦਿਵ ਭਵਦਵਨਾਯ ਵਿਸ਼ਾਲਮ੍ ।
ਸ੍ਵਹ੍ਰੁਰੁਇਦਯਰ੍ਮਣੀ ਵਰ੍ਮ ਕਰੋਤਿ ਸਜਲਨਲਿਨੀਦਲਜਾਲਮ੍ ॥ 2 ॥
ਕੁਸੁਮਵਿਸ਼ਿਖਸ਼ਰਤਲ੍ਪਮਨਲ੍ਪਵਿਲਾਸਕਲਾਕਮਨੀਯਮ੍ ।
ਵ੍ਰਤਮਿਵ ਤਵ ਪਰਿਰਂਭਸੁਖਾਯ ਕਰੋਤਿ ਕੁਸੁਮਸ਼ਯਨੀਯਮ੍ ॥ 3 ॥
ਵਹਤਿ ਚ ਗਲਿਤਵਿਲੋਚਨਜਲਭਰਮਾਨਨਕਮਲਮੁਦਾਰਮ੍ ।
ਵਿਧੁਮਿਵ ਵਿਕਟਵਿਧੁਂਤੁਦਦਂਤਦਲਨਗਲਿਤਾਮ੍ਰੁਰੁਇਤਧਾਰਮ੍ ॥ 4 ॥
ਵਿਲਿਖਤਿ ਰਹਸਿ ਕੁਰਂਗਮਦੇਨ ਭਵਂਤਮਸਮਸ਼ਰਭੂਤਮ੍ ।
ਪ੍ਰਣਮਤਿ ਮਕਰਮਧੋ ਵਿਨਿਧਾਯ ਕਰੇ ਚ ਸ਼ਰਂ ਨਵਚੂਤਮ੍ ॥ 5 ॥
ਪ੍ਰਤਿਪਦਮਿਦਮਪਿ ਨਿਗਤਤਿ ਮਾਧਵ ਤਵ ਚਰਣੇ ਪਤਿਤਾਹਮ੍ ।
ਤ੍ਵਯਿ ਵਿਮੁਖੇ ਮਯਿ ਸਪਦਿ ਸੁਧਾਨਿਧਿਰਪਿ ਤਨੁਤੇ ਤਨੁਦਾਹਮ੍ ॥ 6 ॥
ਧ੍ਯਾਨਲਯੇਨ ਪੁਰਃ ਪਰਿਕਲ੍ਪ੍ਯ ਭਵਂਤਮਤੀਵ ਦੁਰਾਪਮ੍ ।
ਵਿਲਪਤਿ ਹਸਤਿ ਵਿਸ਼ੀਦਤਿ ਰੋਦਿਤਿ ਚਂਚਤਿ ਮੁਂਚਤਿ ਤਾਪਮ੍ ॥ 7 ॥
ਸ਼੍ਰੀਜਯਦੇਵਭਣਿਤਮਿਦਮਧਿਕਂ ਯਦਿ ਮਨਸਾ ਨਟਨੀਯਮ੍ ।
ਹਰਿਵਿਰਹਾਕੁਲਬਲ੍ਲਵਯੁਵਤਿਸਖੀਵਚਨਂ ਪਠਨੀਯਮ੍ ॥ 8 ॥
ਆਵਾਸੋ ਵਿਪਿਨਾਯਤੇ ਪ੍ਰਿਯਸਖੀਮਾਲਾਪਿ ਜਾਲਾਯਤੇ ਤਾਪੋਪਿ ਸ਼੍ਵਸਿਤੇਨ ਦਾਵਦਹਨਜ੍ਵਾਲਾਕਲਾਪਾਯਤੇ ।
ਸਾਪਿ ਤ੍ਵਦ੍ਵਿਰਹੇਣ ਹਂਤ ਹਰਿਣੀਰੂਪਾਯਤੇ ਹਾ ਕਥਂ ਕਂਦਰ੍ਪੋਪਿ ਯਮਾਯਤੇ ਵਿਰਚਯਞ੍ਸ਼ਾਰ੍ਦੂਲਵਿਕ੍ਰੀਡਿਤਮ੍ ॥ 26 ॥
॥ ਗੀਤਂ 9 ॥
ਸ੍ਤਨਵਿਨਿਹਿਤਮਪਿ ਹਾਰਮੁਦਾਰਮ੍ ।
ਸਾ ਮਨੁਤੇ ਕ੍ਰੁਰੁਇਸ਼ਤਨੁਰਤਿਭਾਰਮ੍ ॥
ਰਾਧਿਕਾ ਵਿਰਹੇ ਤਵ ਕੇਸ਼ਵ ॥ 1 ॥
ਸਰਸਮਸ੍ਰੁਰੁਇਣਮਪਿ ਮਲਯਜਪਂਕਮ੍ ।
ਪਸ਼੍ਯਤਿ ਵਿਸ਼ਮਿਵ ਵਪੁਸ਼ਿ ਸਸ਼ਂਕਮ੍ ॥ 2 ॥
ਸ਼੍ਵਸਿਤਪਵਨਮਨੁਪਮਪਰਿਣਾਹਮ੍ ।
ਮਦਨਦਹਨਮਿਵ ਵਹਤਿ ਸਦਾਹਮ੍ ॥ 3 ॥
ਦਿਸ਼ਿ ਦਿਸ਼ਿ ਕਿਰਤਿ ਸਜਲਕਣਜਾਲਮ੍ ।
ਨਯਨਨਲਿਨਮਿਵ ਵਿਗਲਿਤਨਾਲਮ੍ ॥ 4 ॥
ਨਯਨਵਿਸ਼ਯਮਪਿ ਕਿਸਲਯਤਲ੍ਪਮ੍ ।
ਕਲਯਤਿ ਵਿਹਿਤਹੁਤਾਸ਼ਵਿਕਲ੍ਪਮ੍ ॥ 5 ॥
ਤ੍ਯਜਤਿ ਨ ਪਾਣਿਤਲੇਨ ਕਪੋਲਮ੍ ।
ਬਾਲਸ਼ਸ਼ਿਨਮਿਵ ਸਾਯਮਲੋਲਮ੍ ॥ 6 ॥
ਹਰਿਰਿਤਿ ਹਰਿਰਿਤਿ ਜਪਤਿ ਸਕਾਮਮ੍ ।
ਵਿਰਹਵਿਹਿਤਮਰਣੇਨ ਨਿਕਾਮਮ੍ ॥ 7 ॥
ਸ਼੍ਰੀਜਯਦੇਵਭਣਿਤਮਿਤਿ ਗੀਤਮ੍ ।
ਸੁਖਯਤੁ ਕੇਸ਼ਵਪਦਮੁਪੁਨੀਤਮ੍ ॥ 8 ॥
ਸਾ ਰੋਮਾਂਚਤਿ ਸੀਤ੍ਕਰੋਤਿ ਵਿਲਪਤ੍ਯੁਤ੍ਕਂਪਤੇ ਤਾਮ੍ਯਤਿ ਧ੍ਯਾਯਤ੍ਯੁਦ੍ਭ੍ਰਮਤਿ ਪ੍ਰਮੀਲਤਿ ਪਤਤ੍ਯੁਦ੍ਯਾਤਿ ਮੂਰ੍ਚ੍ਛਤ੍ਯਪਿ ।
ਏਤਾਵਤ੍ਯਤਨੁਜ੍ਵਰੇ ਵਰਤਨੁਰ੍ਜੀਵੇਨ੍ਨ ਕਿਂ ਤੇ ਰਸਾਤ੍ ਸ੍ਵਰ੍ਵੈਦ੍ਯਪ੍ਰਤਿਮ ਪ੍ਰਸੀਦਸਿ ਯਦਿ ਤ੍ਯਕ੍ਤੋਨ੍ਯਥਾ ਨਾਂਤਕਃ ॥ 27 ॥
ਸ੍ਮਰਾਤੁਰਾਂ ਦੈਵਤਵੈਦ੍ਯਹ੍ਰੁਰੁਇਦ੍ਯ ਤ੍ਵਦਂਗਸਂਗਾਮ੍ਰੁਰੁਇਤਮਾਤ੍ਰਸਾਧ੍ਯਾਮ੍ ।
ਵਿਮੁਕ੍ਤਬਾਧਾਂ ਕੁਰੁਸ਼ੇ ਨ ਰਾਧਾ-ਮੁਪੇਂਦ੍ਰ ਵਜ੍ਰਾਦਪਿ ਦਾਰੁਣੋਸਿ ॥ 28 ॥
ਕਂਦਰ੍ਪਜ੍ਵਰਸਂਜ੍ਵਰਸ੍ਤੁਰਤਨੋਰਾਸ਼੍ਚਰ੍ਯਮਸ੍ਯਾਸ਼੍ਚਿਰਂ ਚੇਤਸ਼੍ਚਂਦਨਚਂਦ੍ਰਮਃਕਮਲਿਨੀਚਿਂਤਾਸੁ ਸਂਤਾਮ੍ਯਤਿ ।
ਕਿਂਤੁ ਕ੍ਲਾਂਤਿਵਸ਼ੇਨ ਸ਼ੀਤਲਤਨੁਂ ਤ੍ਵਾਮੇਕਮੇਵ ਪ੍ਰਿਯਂ ਧ੍ਯਾਯਂਤੀ ਰਹਸਿ ਸ੍ਥਿਤਾ ਕਥਮਪਿ ਕ੍ਸ਼ੀਣਾ ਕ੍ਸ਼ਣਂ ਪ੍ਰਾਣਿਤਿ ॥ 29 ॥
ਕ੍ਸ਼ਣਮਪਿ ਵਿਰਹਃ ਪੁਰਾ ਨ ਸੇਹੇ ਨਯਨਨਿਮੀਲਨਖਿਨ੍ਨਯਾ ਯਯਾ ਤੇ ।
ਸ਼੍ਵਸਿਤਿ ਕਥਮਸੌ ਰਸਾਲਸ਼ਾਖਾਂ ਚਿਰਵਿਰਹੇਣ ਵਿਲੋਕ੍ਯ ਪੁਸ਼੍ਪਿਤਾਗ੍ਰਾਮ੍ ॥ 30 ॥
॥ ਇਤਿ ਗੀਤਗੋਵਿਂਦੇ ਸ੍ਨਿਗ੍ਧਮਾਧਵੋ ਨਾਮ ਚਤੁਰ੍ਥਃ ਸਰ੍ਗਃ ॥