ඕම් ॥ හිර॑ණ්යවර්ණාඃ॒ ශුච॑යඃ පාව॒කා
යාසු॑ ජා॒තඃ ක॒ශ්යපෝ॒ යාස්විංද්රඃ॑ ।
අ॒ග්නිං-යාඁ ගර්භ॑ඕ දධි॒රේ විරූ॑පා॒ස්තා
න॒ ආප॒ශ්ශග්ග් ස්යෝ॒නා භ॑වංතු ॥
යාසා॒ග්ම්॒ රාජා॒ වරු॑ණෝ॒ යාති॒ මධ්යේ॑
සත්යානෘ॒තේ අ॑ව॒පශ්යං॒ ජනා॑නාම් ।
ම॒ධු॒ශ්චුත॒ශ්ශුච॑යෝ॒ යාඃ පා॑ව॒කාස්තා
න॒ ආප॒ශ්ශග්ග් ස්යෝ॒නා භ॑වංතු ॥
යාසාං᳚ දේ॒වා දි॒වි කෘ॒ණ්වංති॑ භ॒ක්ෂං
යා අං॒තරි॑ක්ෂේ බහු॒ධා භවං॑ති ।
යාඃ පෘ॑ථි॒වීං පය॑සෝං॒දංති ශු॒ක්රාස්තා
න॒ ආප॒ශ්ශග්ග් ස්යෝ॒නා භ॑වංතු ॥
ශි॒වේන॑ මා॒ චක්ෂු॑ෂා පශ්යතාපශ්ශි॒වයා॑
ත॒නුවෝප॑ ස්පෘශත॒ ත්වච॑ඕ මේ ।
සර්වාග්॑ඕ අ॒ග්නීග්ම් ර॑ප්සු॒ෂදෝ॑ හුවේ වෝ॒ මයි॒
වර්චෝ॒ බල॒මෝජෝ॒ නිධ॑ත්ත ॥
පව॑මාන॒ස්සුව॒ර්ජනඃ॑ । ප॒විත්රේ॑ණ॒ විච॑ර්ෂණිඃ ।
යඃ පෝතා॒ ස පු॑නාතු මා । පු॒නංතු॑ මා දේවජ॒නාඃ ।
පු॒නංතු॒ මන॑වෝ ධි॒යා । පු॒නංතු॒ විශ්ව॑ ආ॒යවඃ॑ ।
ජාත॑වේදඃ ප॒විත්ර॑වත් । ප॒විත්රේ॑ණ පුනාහි මා ।
ශු॒ක්රේණ॑ දේව॒දීද්ය॑ත් । අග්නේ॒ ක්රත්වා॒ ක්රතූ॒ග්ම්॒ රනු॑ ।
යත්තේ॑ ප॒විත්ර॑ම॒ර්චිෂි॑ । අග්නේ॒ විත॑තමංත॒රා ।
බ්රහ්ම॒ තේන॑ පුනීමහේ । උ॒භාභ්යාං᳚ දේවසවිතඃ ।
ප॒විත්රේ॑ණ ස॒වේන॑ ච । ඉ॒දං බ්රහ්ම॑ පුනීමහේ ।
වෛ॒ශ්ව॒දේ॒වී පු॑න॒තී දේ॒ව්යාගා᳚ත් ।
යස්යෛ॑ බ॒හ්වීස්ත॒නුවෝ॑ වී॒තපෘ॑ෂ්ඨාඃ ।
තයා॒ මදං॑තඃ සධ॒මාද්යේ॑ෂු ।
ව॒යග්ග් ස්යා॑ම॒ පත॑යෝ රයී॒ණාම් ।
වෛ॒ශ්වා॒න॒රෝ ර॒ශ්මිභි॑ර්මා පුනාතු ।
වාතඃ॑ ප්රා॒ණේනේ॑ෂි॒රෝ ම॑යෝ॒ භූඃ ।
ද්යාවා॑පෘථි॒වී පය॑සා॒ පයෝ॑භිඃ ।
ඍ॒තාව॑රී ය॒ජ්ඤියේ॑ මා පුනීතාම් ॥
බෘ॒හද්භිඃ॑ සවිත॒ස්තෘභිඃ॑ । වර්‍ෂි॑ෂ්ඨෛර්දේව॒මන්ම॑භිඃ । අග්නේ॒ දක්ෂෛඃ᳚ පුනාහි මා । යේන॑ දේ॒වා අපු॑නත । යේනාපෝ॑ දි॒ව්යංකශඃ॑ । තේන॑ දි॒ව්යේන॒ බ්රහ්ම॑ණා । ඉ॒දං බ්රහ්ම॑ පුනීමහේ । යඃ පා॑වමා॒නීර॒ද්ධ්යේති॑ । ඍෂි॑භි॒ස්සංභෘ॑ත॒ග්ම්॒ රසම්᳚ । සර්ව॒ග්ම්॒ ස පූ॒තම॑ශ්නාති । ස්ව॒දි॒තං මා॑ත॒රිශ්ව॑නා । පා॒ව॒මා॒නීර්යෝ අ॒ධ්යේති॑ । ඍෂි॑භි॒ස්සංභෘ॑ත॒ග්ම්॒ රසම්᳚ । තස්මෛ॒ සර॑ස්වතී දුහේ । ක්ෂී॒රග්ම් ස॒ර්පිර්මධූ॑ද॒කම් ॥
පා॒ව॒මා॒නීස්ස්ව॒ස්ත්යය॑නීඃ । සු॒දුඝා॒හි පය॑ස්වතීඃ । ඍෂි॑භි॒ස්සංභෘ॑තෝ॒ රසඃ॑ । බ්රා॒හ්ම॒ණේෂ්ව॒මෘතග්॑ඕ හි॒තම් । පා॒ව॒මා॒නීර්දි॑ශංතු නඃ । ඉ॒මං-ලෝඁ॒කමථෝ॑ අ॒මුම් । කාමා॒න්‍ථ්සම॑ර්ධයංතු නඃ । දේ॒වී‍ර්දේ॒වෛඃ ස॒මාභෘ॑තාඃ । පා॒ව॒මා॒නීස්ස්ව॒ස්ත්යය॑නීඃ । සු॒දුඝා॒හි ඝෘ॑ත॒ශ්චුතඃ॑ । ඍෂි॑භිඃ॒ සංභෘ॑තෝ॒ රසඃ॑ । බ්රා॒හ්ම॒ණේෂ්ව॒මෘතග්॑ඕ හි॒තම් । යේන॑ දේ॒වාඃ ප॒විත්රේ॑ණ । ආ॒ත්මානං॑ පු॒නතේ॒ සදා᳚ । තේන॑ ස॒හස්ර॑ධාරේණ । පා॒ව॒මා॒න්යඃ පු॑නංතු මා । ප්රා॒ජා॒ප॒ත්යං ප॒විත්රම්᳚ । ශ॒තෝද්යා॑මග්ම් හිර॒ණ්මයම්᳚ । තේන॑ බ්රහ්ම॒ විදෝ॑ ව॒යම් । පූ॒තං බ්රහ්ම॑ පුනීමහේ । ඉංද්ර॑ස්සුනී॒තී ස॒හමා॑ පුනාතු । සෝම॑ස්ස්ව॒ස්ත්යා ව॑රුණස්ස॒මීච්යා᳚ । ය॒මෝ රාජා᳚ ප්රමෘ॒ණාභිඃ॑ පුනාතු මා । ජා॒තවේ॑දා මෝ॒ර්ජයං॑ත්යා පුනාතු । භූර්භුව॒ස්සුවඃ॑ ॥
ඕං තච්ඡං॒-යෝඁරාවෘ॑ණීමහේ । ගා॒තුං-යඁ॒ජ්ඤාය॑ । ගා॒තුං-යඁ॒ජ්ඤප॑තයේ ।
දෛවී᳚ස්ස්ව॒ස්තිර॑ස්තු නඃ । ස්ව॒ස්තිර්මානු॑ෂේභ්යඃ । ඌ॒ර්ධ්වං ජි॑ගාතු භේෂ॒ජම් । ශන්නෝ॑ අස්තු ද්වි॒පදේ᳚ । ශං චතු॑ෂ්පදේ ॥
ඕං ශාංතිඃ॒ ශාංතිඃ॒ ශාංතිඃ॑ ॥