අෂ්ටාවක්ර උවාච ॥
ආචක්ෂ්ව ශ‍ඍණු වා තාත නානාශාස්ත්රාණ්යනේකශඃ ।
තථාපි න තව ස්වාස්ථ්යං සර්වවිස්මරණාද් ඍතේ ॥ 16-1॥
භෝගං කර්ම සමාධිං වා කුරු විජ්ඤ තථාපි තේ ।
චිත්තං නිරස්තසර්වාශමත්යර්ථං රෝචයිෂ්යති ॥ 16-2॥
ආයාසාත්සකලෝ දුඃඛී නෛනං ජානාති කශ්චන ।
අනේනෛවෝපදේශේන ධන්යඃ ප්රාප්නෝති නිර්වෘතිම් ॥ 16-3॥
ව්යාපාරේ ඛිද්යතේ යස්තු නිමේෂෝන්මේෂයෝරපි ।
තස්යාලස්ය ධුරීණස්ය සුඛං නාන්යස්ය කස්යචිත් ॥ 16-4॥
ඉදං කෘතමිදං නේති ද්වංද්වෛර්මුක්තං යදා මනඃ ।
ධර්මාර්ථකාමමෝක්ෂේෂු නිරපේක්ෂං තදා භවේත් ॥ 16-5॥
විරක්තෝ විෂයද්වේෂ්ටා රාගී විෂයලෝලුපඃ ।
ග්රහමෝක්ෂවිහීනස්තු න විරක්තෝ න රාගවාන් ॥ 16-6॥
හේයෝපාදේයතා තාවත්සංසාරවිටපාංකුරඃ ।
ස්පෘහා ජීවති යාවද් වෛ නිර්විචාරදශාස්පදම් ॥ 16-7॥
ප්රවෘත්තෞ ජායතේ රාගෝ නිර්වෘත්තෞ ද්වේෂ ඒව හි ।
නිර්ද්වංද්වෝ බාලවද් ධීමාන් ඒවමේව ව්යවස්ථිතඃ ॥ 16-8॥
හාතුමිච්ඡති සංසාරං රාගී දුඃඛජිහාසයා ।
වීතරාගෝ හි නිර්දුඃඛස්තස්මින්නපි න ඛිද්යති ॥ 16-9॥
යස්යාභිමානෝ මෝක්ෂේऽපි දේහේऽපි මමතා තථා ।
න ච ජ්ඤානී න වා යෝගී කේවලං දුඃඛභාගසෞ ॥ 16-10॥
හරෝ යද්යුපදේෂ්ටා තේ හරිඃ කමලජෝऽපි වා ।
තථාපි න තව ස්වාථ්යං සර්වවිස්මරණාදෘතේ ॥ 16-11॥