අෂ්ටාවක්ර උවාච ॥
තේන ජ්ඤානඵලං ප්රාප්තං යෝගාභ්යාසඵලං තථා ।
තෘප්තඃ ස්වච්ඡේංද්රියෝ නිත්යමේකාකී රමතේ තු යඃ ॥ 17-1॥
න කදාචිජ්ජගත්යස්මින් තත්ත්වජ්ඤෝ හංත ඛිද්යති ।
යත ඒකේන තේනේදං පූර්ණං බ්රහ්මාංඩමංඩලම් ॥ 17-2॥
න ජාතු විෂයාඃ කේऽපි ස්වාරාමං හර්ෂයංත්යමී ।
සල්ලකීපල්ලවප්රීතමිවේභං නිංබපල්ලවාඃ ॥ 17-3॥
යස්තු භෝගේෂු භුක්තේෂු න භවත්යධිවාසිතඃ ।
අභුක්තේෂු නිරාකාංක්ෂී තාදෘශෝ භවදුර්ලභඃ ॥ 17-4॥
බුභුක්ෂුරිහ සංසාරේ මුමුක්ෂුරපි දෘශ්යතේ ।
භෝගමෝක්ෂනිරාකාංක්ෂී විරලෝ හි මහාශයඃ ॥ 17-5॥
ධර්මාර්ථකාමමෝක්ෂේෂු ජීවිතේ මරණේ තථා ।
කස්යාප්යුදාරචිත්තස්ය හේයෝපාදේයතා න හි ॥ 17-6॥
වාංඡා න විශ්වවිලයේ න ද්වේෂස්තස්ය ච ස්ථිතෞ ।
යථා ජීවිකයා තස්මාද් ධන්ය ආස්තේ යථා සුඛම් ॥ 17-7॥
කෘතාර්ථෝऽනේන ජ්ඤානේනේත්යේවං ගලිතධීඃ කෘතී ।
පශ්යන් ශ‍ඍණ්වන් ස්පෘශන් ජිඝ්රන්න්
අශ්නන්නාස්තේ යථා සුඛම් ॥ 17-8॥
ශූන්යා දෘෂ්ටිර්වෘථා චේෂ්ටා විකලානීංද්රියාණි ච ।
න ස්පෘහා න විරක්තිර්වා ක්ෂීණසංසාරසාගරේ ॥ 17-9॥
න ජාගර්ති න නිද්රාති නෝන්මීලති න මීලති ।
අහෝ පරදශා ක්වාපි වර්තතේ මුක්තචේතසඃ ॥ 17-10॥
සර්වත්ර දෘශ්යතේ ස්වස්ථඃ සර්වත්ර විමලාශයඃ ।
සමස්තවාසනා මුක්තෝ මුක්තඃ සර්වත්ර රාජතේ ॥ 17-11॥
පශ්යන් ශ‍ඍණ්වන් ස්පෘශන් ජිඝ්රන්න් අශ්නන්
ගෘහ්ණන් වදන් ව්රජන් ।
ඊහිතානීහිතෛර්මුක්තෝ මුක්ත ඒව මහාශයඃ ॥ 17-12॥
න නිංදති න ච ස්තෞති න හෘෂ්යති න කුප්යති ।
න දදාති න ගෘහ්ණාති මුක්තඃ සර්වත්ර නීරසඃ ॥ 17-13॥
සානුරාගාං ස්ත්රියං දෘෂ්ට්වා මෘත්යුං වා සමුපස්ථිතම් ।
අවිහ්වලමනාඃ ස්වස්ථෝ මුක්ත ඒව මහාශයඃ ॥ 17-14॥
සුඛේ දුඃඛේ නරේ නාර්යාං සංපත්සු ච විපත්සු ච ।
විශේෂෝ නෛව ධීරස්ය සර්වත්ර සමදර්ශිනඃ ॥ 17-15॥
න හිංසා නෛව කාරුණ්යං නෞද්ධත්යං න ච දීනතා ।
නාශ්චර්යං නෛව ච ක්ෂෝභඃ ක්ෂීණසංසරණේ නරේ ॥ 17-16॥
න මුක්තෝ විෂයද්වේෂ්ටා න වා විෂයලෝලුපඃ ।
අසංසක්තමනා නිත්යං ප්රාප්තාප්රාප්තමුපාශ්නුතේ ॥ 17-17॥
සමාධානාසමාධානහිතාහිතවිකල්පනාඃ ।
ශූන්යචිත්තෝ න ජානාති කෛවල්යමිව සංස්ථිතඃ ॥ 17-18॥
නිර්මමෝ නිරහංකාරෝ න කිංචිදිති නිශ්චිතඃ ।
අංතර්ගලිතසර්වාශඃ කුර්වන්නපි කරෝති න ॥ 17-19॥
මනඃප්රකාශසංමෝහස්වප්නජාඩ්යවිවර්ජිතඃ ।
දශාං කාමපි සංප්රාප්තෝ භවේද් ගලිතමානසඃ ॥ 17-20॥