ජනක උවාච ॥

මය්යනංතමහාංභෝධෞ විශ්වපෝත ඉතස්තතඃ ।
භ්රමති ස්වාංතවාතේන න මමාස්ත්යසහිෂ්ණුතා ॥ 7-1॥

මය්යනංතමහාංභෝධෞ ජගද්වීචිඃ ස්වභාවතඃ ।
උදේතු වාස්තමායාතු න මේ වෘද්ධිර්න ච ක්ෂතිඃ ॥ 7-2॥

මය්යනංතමහාංභෝධෞ විශ්වං නාම විකල්පනා ।
අතිශාංතෝ නිරාකාර ඒතදේවාහමාස්ථිතඃ ॥ 7-3॥

නාත්මා භාවේෂු නෝ භාවස්තත්රානංතේ නිරංජනේ ।
ඉත්යසක්තෝऽස්පෘහඃ ශාංත ඒතදේවාහමාස්ථිතඃ ॥ 7-4॥

අහෝ චින්මාත්රමේවාහමිංද්රජාලෝපමං ජගත් ।
ඉති මම කථං කුත්ර හේයෝපාදේයකල්පනා ॥ 7-5॥