අස්ය ශ්රී ආදිත්යකවචස්තෝත්රමහාමංත්රස්ය අගස්ත්යෝ භගවානෘෂිඃ අනුෂ්ටුප්ඡංදඃ ආදිත්යෝ දේවතා ශ්රීං බීජං ණීං ශක්තිඃ සූං කීලකං මම ආදිත්යප්රසාදසිද්ධ්යර්ථේ ජපේ විනියෝගඃ ।
ධ්යානං
ජපාකුසුමසංකාශං ද්විභුජං පද්මහස්තකම්
සිංදූරාංබරමාල්යං ච රක්තගංධානුලේපනම් ।
මාණික්යරත්නඛචිත-සර්වාභරණභූෂිතම්
සප්තාශ්වරථවාහං තු මේරුං චෛව ප්රදක්ෂිණම් ॥
දේවාසුරවරෛර්වංද්යං ඝෘණිභිඃ පරිසේවිතම් ।
ධ්යායේත්පඨේත්සුවර්ණාභං සූර්යස්ය කවචං මුදා ॥
කවචං
ඝෘණිඃ පාතු ශිරෝදේශේ සූර්යඃ පාතු ලලාටකම් ।
ආදිත්යෝ ලෝචනේ පාතු ශ්රුතී පාතු දිවාකරඃ ॥
ඝ්රාණං පාතු සදා භානුඃ මුඛං පාතු සදාරවිඃ ।
ජිහ්වාං පාතු ජගන්නේත්රඃ කංඨං පාතු විභාවසුඃ ॥
ස්කංධෞ ග්රහපතිඃ පාතු භුජෞ පාතු ප්රභාකරඃ ।
කරාවබ්ජකරඃ පාතු හෘදයං පාතු නභෝමණිඃ ॥
ද්වාදශාත්මා කටිං පාතු සවිතා පාතු සක්ථිනී ।
ඌරූ පාතු සුරශ්රේෂ්ටෝ ජානුනී පාතු භාස්කරඃ ॥
ජංඝේ මේ පාතු මාර්තාංඩෝ ගුල්ඵෞ පාතු ත්විෂාංපතිඃ ।
පාදෞ දිනමණිඃ පාතු පාතු මිත්රෝऽඛිලං වපුඃ ॥
ආදිත්යකවචං පුණ්යමභේද්යං වජ්රසන්නිභම් ।
සර්වරෝගභයාදිභ්යෝ මුච්යතේ නාත්ර සංශයඃ ॥
සංවත්සරමුපාසිත්වා සාම්රාජ්යපදවීං ලභේත් ।
අශේෂරෝගශාංත්යර්ථං ධ්යායේදාදිත්යමංඩලම් ।
ආදිත්ය මංඩල ස්තුතිඃ –
අනේකරත්නසංයුක්තං ස්වර්ණමාණික්යභූෂණම් ।
කල්පවෘක්ෂසමාකීර්ණං කදංබකුසුමප්රියම් ॥
සිංදූරවර්ණාය සුමංඩලාය
සුවර්ණරත්නාභරණාය තුභ්යම් ।
පද්මාදිනේත්රේ ච සුපංකජාය
බ්රහ්මේංද්ර-නාරායණ-ශංකරාය ॥
සංරක්තචූර්ණං සසුවර්ණතෝයං
සකුංකුමාභං සකුශං සපුෂ්පම් ।
ප්රදත්තමාදාය ච හේමපාත්රේ
ප්රශස්තනාදං භගවන් ප්රසීද ॥
ඉති ආදිත්යකවචම් ।