ශ්රීරාධාකෘෂ්ණාභ්යාං නමඃ ।
ශ්රීමද්භාගවතපුරාණම් ।
ඒකාදශඃ ස්කංධඃ । උද්ධව ගීතා ।
අථ ප්රථමෝऽධ්යායඃ ।

ශ්රීබාදරායණිඃ උවාච ।
කෘත්වා දෛත්යවධං කෘෂ්ණඃ සරමඃ යදුභිඃ වෘතඃ ।
භුවඃ අවතාරවත් භාරං ජවිෂ්ඨන් ජනයන් කලිම් ॥ 1॥

යේ කෝපිතාඃ සුබහු පාංඩුසුතාඃ සපත්නෛඃ
දුර්ද්යූතහේලනකචග්රහණ ආදිභිඃ තාන් ।
කෘත්වා නිමිත්තං ඉතර ඉතරතඃ සමේතාන්
හත්වා නෘපාන් නිරහරත් ක්ෂිතිභාරං ඊශඃ ॥ 2॥

භූභාරරාජපෘතනා යදුභිඃ නිරස්ය
ගුප්තෛඃ ස්වබාහුභිඃ අචිංතයත් අප්රමේයඃ ।
මන්යේ අවනේඃ නනු ගතඃ අපි අගතං හි භාරම්
යත් යාදවං කුලං අහෝ හි අවිෂහ්යං ආස්තේ ॥ 3॥

න ඒව අන්යතඃ පරිභවඃ අස්ය භවේත් කථංචිත්
මත් සංශ්රයස්ය විභව උන්නහන් අස්ය නිත්යම් ।
අංතඃකලිං යදුකුලස්ය විධ්හාය වේණුඃ
තංබස්ය වහ්නිං ඉව ශාංතිං උපෛමි ධාම ॥ 4॥

ඒවං ව්යවසිතඃ රාජන් සත්යසංකල්පඃ ඊශ්වරඃ ।
ශාපව්යාජේන විප්රාණාං සංජහ්වේ ස්වකුලං විභුඃ ॥ 5॥

ස්වමූර්ත්යා ලෝකලාවණ්යනිර්මුක්ත්යා ලෝචනං නෘණාම් ।
ගීර්භිඃ තාඃ ස්මරතාං චිත්තං පදෛඃ තාන් ඊක්ෂතාං ක්රියා ॥ 6॥

ආච්ඡිද්ය කීර්තිං සුශ්ලෝකාං විතත්ය හි අංජසා නු කෞ ।
තමඃ අනයා තරිෂ්යංති ඉති අගාත් ස්වං පදං ඊශ්වරඃ ॥ 7॥

රාජා උවාච ।
බ්රහ්මණ්යානාං වදාන්යානාං නිත්යං වෘද්ධෞපසේවිනාම් ।
විප්රශාපඃ කථං අභූත් වෘෂ්ණීනාං කෘෂ්ණචේතසාම් ॥ 8॥

යත් නිමිත්තඃ සඃ වෛ ශාපඃ යාදෘශඃ ද්විජසත්තම ।
කථං ඒකාත්මනාං භේදඃ ඒතත් සර්වං වදස්ව මේ ॥ 9॥

ශ්රීශුකඃ උවාච ।
බිභ්රත් වපුඃ සකලසුංදරසංනිවේශම්
කර්මාචරන් භුවි සුමංගලං ආප්තකාමඃ ।
ආස්ථාය ධාම රමමාණඃ උදාරකීර්තිඃ
සංහර්තුං ඓච්ඡත කුලං ස්ථිතකෘත්යශේෂඃ ॥ 10॥

කර්මාණි පුණ්යනිවහානි සුමංගලානි
ගායත් ජගත් කලිමලාපහරාණි කෘත්වා ।
කාල ආත්මනා නිවසතා යදුදේවගේහේ
පිංඩාරකං සමගමන් මුනයඃ නිසෘෂ්ටාඃ ॥ 11॥

විශ්වාමිත්රඃ අසිතඃ කණ්වඃ දුර්වාසාඃ භෘගුඃ අංගිරාඃ ।
කශ්යපඃ වාමදේවඃ අත්රිඃ වසිෂ්ඨඃ නාරද ආදයඃ ॥ 12॥

ක්රීඩංතඃ තාන් උපව්රජ්ය කුමාරාඃ යදුනංදනාඃ ।
උපසංගෘහ්ය පප්රච්ඡුඃ අවිනීතා විනීතවත් ॥ 13॥

තේ වේෂයිත්වා ස්ත්රීවේෂෛඃ සාංබං ජාංබවතීසුතම් ।
ඒෂා පෘච්ඡති වඃ විප්රාඃ අංතර්වත් න්යසිත ඊක්ෂණා ॥ 14॥

ප්රෂ්ටුං විලජ්ජති සාක්ෂාත් ප්රබ්රූත අමෝඝදර්ශනාඃ ।
ප්රසෝෂ්යංති පුත්රකාමා කිංස්විත් සංජනයිෂ්යති ॥ 15॥

ඒවං ප්රලබ්ධ්වා මුනයඃ තාන් ඌචුඃ කුපිතා නෘප ।
ජනයිෂ්යති වඃ මංදාඃ මුසලං කුලනාශනම් ॥ 16॥

තත් ශ‍ඍත්වා තේ අතිසංත්රස්තාඃ විමුච්ය සහසෝදරම් ।
සාංබස්ය දදෘශුඃ තස්මින් මුසලං ඛලු අයස්මයම් ॥ 17॥

කිං කෘතං මංදභාග්යෛඃ කිං වදිෂ්යංති නඃ ජනාඃ ।
ඉති විහ්වලිතාඃ ගේහාන් ආදාය මුසලං යයුඃ ॥ 18॥

තත් ච උපනීය සදසි පරිම්ලානමුඛශ්රියඃ ।
රාජ්ඤඃ ආවේදයාන් චක්රුඃ සර්වයාදවසංනිධෞ ॥ 19॥

ශ්රුත්වා අමෝඝං විප්රශාපං දෘෂ්ට්වා ච මුසලං නෘප ।
විස්මිතාඃ භයසංත්රස්තාඃ බභූවුඃ ද්වාරකෞකසඃ ॥ 20॥

තත් චූර්ණයිත්වා මුසලං යදුරාජඃ සඃ ආහුකඃ ।
සමුද්රසලිලේ ප්රාස්යත් ලෝහං ච අස්ය අවශේෂිතම් ॥ 21॥

කශ්චිත් මත්ස්යඃ අග්රසීත් ලෝහං චූර්ණානි තරලෛඃ තතඃ ।
උහ්යමානානි වේලායාං ලග්නානි ආසන් කිල ඓරිකාඃ ॥ 22॥

මත්ස්යඃ ගෘහීතඃ මත්ස්යඝ්නෛඃ ජාලේන අන්යෛඃ සහ අර්ණවේ ।
තස්ය උදරගතං ලෝහං සඃ ශල්යේ ලුබ්ධකඃ අකරෝත් ॥ 23॥

භගවාන් ජ්ඤාතසර්වාර්ථඃ ඊශ්වරඃ අපි තදන්යථා ।
කර්තුං න ඓච්ඡත් විප්රශාපං කාලරූපී අන්වමෝදත ॥ 24॥

ඉති ශ්රීමද්භාගවතේ මහාපුරාණේ පාරමහංස්යාං
සංහිතායාමේකාදශස්කංධේ විප්රශාපෝ නාම ප්රථමෝऽධ්යායඃ ॥